| — ︽ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤᠨ ᠤ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ | ᠤᠶᠢᠯᠠᠯᠭᠠ︾ ᠶᠢ ᠲᠠᠷᠬᠠᠭᠠᠬᠤ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠭᠠᠳ | | ᠴᠠᠬᠠᠷ ᠨᠤᠲᠤᠭ ᠤᠨ ᠭᠤᠯᠤᠮᠲᠠ ᠤᠷᠤᠨ ᠤ ᠨᠢᠬᠡ ᠪᠤᠯᠬᠤ ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤ ᠣᠶᠢᠷᠠ ᠳᠤ᠂ ︽ | ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤᠨ ᠤ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠤᠶᠢᠯᠠᠯᠭᠠ︾ ᠬᠡᠮᠡᠬᠦ ᠨᠤᠮ ᠢᠶᠠᠨ ᠴᠡᠴᠡᠨ ᠮᠡᠷᠭᠡᠨ | ᠤᠩᠰᠢᠭᠴᠢ ᠲᠦᠮᠡᠨ ᠤ ᠪᠠᠨ ᠭᠡᠭᠡᠨ ᠮᠡᠯᠮᠡᠢ ᠳᠤ ᠲᠤᠯᠢᠲᠠᠭᠤᠯᠤᠨ ᠮᠢᠯᠢᠶᠠᠨ ᠲᠠᠷᠬᠠᠭᠠᠬᠤ ᠶᠤᠰᠤᠯᠠᠯ ᠬᠢᠵᠤ ᠪᠢᠯᠡ᠃ | ᠮᠡᠲᠡᠭᠡᠵᠢ ᠡᠨᠡ ᠨᠤᠮ ᠨᠢ ᠲᠤᠰ ᠬᠤᠰᠢᠭᠤᠨ ᠤ ᠲᠡᠤᠬᠡᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠪᠠᠰᠠ ᠨᠢᠭᠡᠨ ᠲᠤᠷᠠᠳᠬᠠᠨ | ᠲᠡᠮᠲᠡᠭᠯᠡᠬᠦᠰᠢᠲᠠᠢ ᠪᠠᠶᠠᠷᠲᠤ ᠶᠠᠪᠤᠲᠠᠯ ᠪᠤᠯᠬᠤ ᠶᠤᠮ᠃ | 120 ᠲᠦᠮᠡᠨ ᠦᠰᠤᠭ᠌ ᠪᠦᠬᠦᠢ ᠲᠡᠭᠡᠲᠤ ᠲᠤᠤᠷᠠᠲᠤ ᠬᠤᠶᠠᠷ ᠲᠡᠪᠲᠡᠷ ᠢᠶᠠᠷ ᠦᠨᠲᠤᠰᠤᠲᠡᠨ ᠤ ᠬᠡᠪᠯᠡᠯ ᠤᠨ | ᠬᠤᠷᠢᠶᠠᠨ ᠠᠴᠠ ᠬᠡᠪᠯᠡᠬᠦᠯᠤᠨ ᠲᠠᠷᠬᠠᠭᠠᠭᠰᠠᠨ 1000 ᠰᠢᠬᠠᠮ ᠬᠠᠭᠤᠲᠠᠰᠤ ᠲᠠᠢ ᠡᠨᠡᠬᠦ ᠨᠤᠮ ᠪᠦᠬᠦᠶᠢᠯᠡ | ᠠᠭᠤᠯᠭᠠ ᠪᠠᠨ ᠠᠷᠪᠠᠨ ᠨᠢᠭᠡᠨ ᠪᠦᠯᠤᠭ᠌ ᠢᠶᠠᠷ ᠠᠩᠬᠢᠯᠡᠨ ᠲᠦᠯᠤᠪᠰᠢᠬᠦᠯᠵᠤ ᠪᠢᠴᠢᠭᠰᠡᠨ ᠪᠠᠶᠢᠲᠠᠭ᠃ ᠲᠤᠰ ᠨᠤᠮ | ᠳᠤ ︽ᠤᠷᠤᠰᠢᠯ᠂ ᠤᠲᠤᠷᠢᠳᠬᠠᠯ᠂ ᠲᠤᠮᠤ ᠬᠡᠷᠡᠭ ᠶᠠᠪᠤᠲᠠᠯ ᠤᠨ ᠲᠡᠮᠲᠡᠭᠯᠡᠯ᠂ ᠲᠠᠭᠠᠯᠲᠤᠭᠤᠯᠤᠯ᠂ ᠠᠰᠢᠭᠯᠠᠭᠰᠠᠨ | ᠨᠤᠮ ᠮᠡᠲ᠋ᠧᠷᠢᠶᠠᠯ᠂ ᠭᠠᠷᠭᠠᠯᠭᠠ︾ ᠵᠡᠷᠭᠡ ᠵᠢᠯᠤᠭᠤᠲᠤᠮᠵᠢ ᠲᠤᠲᠤᠷᠬᠠᠶᠢᠯᠠᠯᠲᠠ ᠶᠢᠨ ᠴᠢᠨᠠᠷᠲᠠᠢ ᠬᠠᠪᠰᠤᠷᠤᠮᠵᠢ | ᠲᠠᠶᠢᠯᠤᠮᠵᠢ ᠶᠢ ᠬᠠᠨᠲᠤᠯᠭᠠ ᠲᠠᠢ ᠪᠢᠴᠢᠬᠦ ᠶᠢᠨ ᠲᠠᠭᠠᠤ ᠡᠬᠢᠨ ᠤ 10 ᠨᠢᠭᠤᠷ ᠲᠤ ᠢᠷᠠᠭᠤ ᠠᠯᠲᠠᠷ ᠤᠨ ᠦᠨᠡᠮᠯᠡᠯ᠂ | ᠤᠲᠤᠷᠢᠲᠤᠯᠭᠠ ᠶᠢᠨ ᠪᠢᠴᠢᠭᠡᠰᠤ᠂ ᠠᠵᠢᠯ ᠪᠠᠶᠢᠴᠠᠭᠠᠯᠲᠠ ᠵᠢᠴᠢ ᠨᠡᠷᠡᠲᠤ ᠡᠷᠲᠡᠮᠲᠡᠨ᠂ ᠰᠢᠯᠢᠲᠡᠭ ᠪᠠᠭᠰᠢ ᠵᠡᠷᠭᠡ | ᠲᠦᠯᠤᠭᠡᠯᠡᠬᠦ ᠴᠢᠨᠠᠷᠲᠠᠢ ᠬᠦᠮᠤᠰ ᠤᠨ ᠪᠤᠲᠤᠭᠲᠤ ᠰᠡᠬᠦᠲᠡᠷ ᠢ ᠲᠦᠬᠦᠮ ᠲᠠᠶᠢᠯᠪᠤᠷᠢ ᠬᠠᠲᠠᠵᠤ ᠤᠷᠤᠭᠤᠯᠤᠭᠰᠠᠨ | ᠠᠴᠠ ᠭᠠᠲᠠᠨᠠ᠂ 300 ᠵᠢᠷᠭᠢᠭᠡ ᠰᠡᠬᠦᠲᠡᠷ ᠬᠢᠭᠡᠳ 170 ᠲᠦᠪ ᠰᠡᠬᠦᠲᠡᠷ ᠢ ᠰᠤᠩᠭᠤᠯᠲᠠ ᠲᠠᠢ | ᠤᠷᠤᠭᠤᠯᠤᠭᠰᠠᠨ ᠪᠠᠶᠢᠲᠠᠭ᠃ ᠤᠶᠢᠯᠠᠯᠭᠠ ᠳᠤ ᠲᠤᠭᠠᠴᠢᠨ ᠲᠡᠮᠲᠡᠭᠯᠡᠬᠦ᠂ ᠨᠠᠮᠲᠠᠷᠴᠢᠯᠠᠬᠤ᠂ ᠵᠤᠷᠪᠤᠰᠯᠠᠬᠤ᠂ | ᠵᠢᠷᠤᠭᠯᠠᠬᠤ᠂ ᠬᠦᠰᠤᠨᠤᠭ᠍ᠴᠢᠯᠡᠬᠦ᠂ ᠭᠡᠯᠬᠢᠶᠡᠰᠤ ᠲᠠᠭᠠᠯᠲᠤᠭᠤᠯᠬᠤ ᠵᠡᠷᠭᠡ ᠢᠯᠡᠳᠭᠡᠬᠦ ᠠᠷᠭᠠ ᠶᠢ ᠠᠮᠢᠲᠤᠯᠢᠭ | ᠬᠡᠷᠡᠭᠯᠡᠭᠰᠡᠨ ᠢᠶᠠᠷ ᠠᠮᠠ ᠰᠡᠭᠡᠷ ᠤᠨ ᠵᠤᠯᠭᠠᠯᠲᠠ ᠠᠰᠢᠬᠦᠢ ᠰᠠᠶᠢᠬᠠᠨ ᠵᠤᠬᠢᠴᠠᠯᠲᠤᠨ᠂ ᠵᠤᠬᠢᠶᠠᠮᠵᠢ ᠨᠠᠶᠢᠷᠠᠭᠤᠯᠭᠠ | ᠢᠲᠡ ᠬᠠᠪᠤᠯᠢᠭ ᠪᠤᠯᠵᠤ᠂ ᠤᠭ ᠨᠤᠮ ᠤᠨ ᠠᠭᠤᠯᠭᠠ ᠶᠢ ᠲᠡᠯᠡᠵᠤ ᠪᠠᠶᠠᠯᠢᠭᠵᠢᠭᠤᠯᠣᠨ ᠪᠦᠷᠢᠨ ᠲᠡᠬᠦᠯᠲᠡᠷ | ᠪᠤᠯᠭᠠᠵᠤ ᠴᠢᠲᠠᠭᠰᠠᠨ ᠢᠶᠠᠷ ᠰᠤᠨᠢᠷᠬᠠᠯᠲᠤ ᠴᠢᠨᠠᠷ᠂ ᠯᠠᠪᠯᠠᠵᠤ ᠠᠰᠢᠭᠯᠠᠬᠤ ᠦᠨᠡ ᠦᠷᠲᠡᠭ ᠤᠨ ᠬᠤᠪᠢ ᠵᠢᠩ ᠢ ᠨᠢ | ᠤᠯᠠᠮ ᠴᠢᠨᠠᠭᠰᠢᠲᠠ ᠨᠡᠮᠡᠭᠲᠡᠬᠦᠯᠤᠭ᠍ᠰᠡᠨ ᠪᠢᠯᠡ᠃ | ᠡᠨᠡ ᠲᠤᠬᠠᠢ ᠲᠤᠰ ᠨᠤᠮ ᠤᠨ ᠶᠡᠷᠤᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠡᠬᠦᠷᠭᠡ ᠶᠢ ᠭᠠᠷᠲᠠᠨ ᠬᠦᠢᠴᠡᠳᠭᠡᠭᠰᠡᠨ᠂ | ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠠᠬᠠᠮᠠᠳ ᠵᠢᠳᠬᠦᠯᠲᠡᠨ᠂ ᠬᠤᠰᠢᠭᠤᠨ ᠤ ᠤᠲᠤᠷᠢᠳᠬᠤ ᠪᠠᠭ ᠤᠨ ᠭᠤᠤᠯ | ᠬᠠᠷᠢᠭᠤᠴᠠᠯᠭᠠᠲᠠᠨ ᠤ ᠨᠢᠭᠡ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠭᠰᠠᠨ᠂ 81 ᠶᠢᠨ ᠦᠨᠲᠤᠷ ᠨᠠᠰᠤᠨ ᠬᠤᠲᠤᠭ ᠵᠣᠭᠤᠭᠯᠠᠵᠣ | ᠶᠠᠪᠤᠭᠠ ᠯᠾᠡᠰᠦ᠋ᠷᠤᠩ ᠨᠠᠰᠤᠲᠠᠨ᠄ ︽ᠤᠶᠢᠯᠠᠯᠭᠠ ᠪᠢᠴᠢᠨᠡ ᠭᠡᠲᠡᠭ ᠪᠤᠯ ᠣᠷᠢᠳᠤᠬᠢ ᠬᠦᠮᠤᠨ ᠤ ᠵᠤᠷᠢᠭ ᠰᠠᠨᠠᠭᠠ᠂ | ᠤᠶᠢᠯᠡ ᠠᠵᠢᠯᠯᠠᠭᠠ᠂ ᠠᠷᠭᠠ ᠲᠤᠷᠰᠢᠯᠭᠠ ᠶᠢ ᠲᠡᠮᠲᠡᠭᠯᠡᠨ᠂ ᠤᠲᠤᠬᠢ ᠬᠦᠮᠤᠰ ᠲᠤ ᠯᠠᠪᠯᠠᠯᠲᠠ ᠲᠤᠯᠢ ᠪᠤᠯᠭᠠᠵᠤ᠂ | ᠬᠤᠵᠢᠮ ᠤᠨ ᠬᠦᠮᠤᠰ ᠲᠤ ᠲᠡᠤᠬᠡ ᠮᠠᠲ᠋ᠧᠷᠢᠶᠠᠯ ᠦᠯᠡᠲᠡᠭᠡᠬᠦ ᠲᠤᠮᠤ ᠶᠠᠪᠤᠲᠠᠯ ᠤᠨ ᠨᠢᠭᠡ ᠪᠤᠯᠬᠤᠷ ᠡᠷᠬᠡᠪᠰᠢ ᠲᠡᠤᠭᠡᠨ | ᠦᠨᠡᠨ ᠢ ᠪᠠᠷᠢᠮᠲᠠᠯᠠᠵᠤ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠬᠠᠨᠲᠤᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠮᠠᠨ ᠤ ᠨᠠᠶᠢᠷᠠᠭᠤᠯᠤᠭᠴᠢᠳ ᠴᠠᠭ | ᠪᠠᠴᠢᠮ᠂ ᠡᠬᠦᠷᠭᠡ ᠬᠦᠨᠲᠤ᠂ ᠠᠵᠢᠯ ᠤᠨ ᠲᠠᠷᠤᠯᠲᠠ ᠶᠡᠭᠡ ᠪᠠᠶᠢᠬᠤ ᠵᠡᠷᠭᠡ ᠵᠤᠶᠢᠯ ᠪᠦᠷᠢ ᠶᠢᠨ ᠬᠦᠴᠢᠷ ᠪᠡᠷᠬᠡ ᠶᠢ | ᠢᠯᠠᠨ ᠲᠠᠪᠠᠭ᠋ᠤ ᠬᠠᠲᠠᠭᠤ ᠵᠤᠷᠢᠭ ᠢ ᠡᠪᠤᠷᠯᠡᠨ᠂ ᠬᠤᠰᠢᠭᠤ ᠨᠠᠮ ᠤᠨ ᠬᠤᠷᠢᠶᠠ᠂ ᠵᠠᠰᠠᠭ ᠤᠨ ᠤᠷᠲᠤᠨ ᠳᠤ | ᠬᠠᠷᠢᠭᠤᠴᠠᠬᠤ ᠂ ᠴᠢᠨᠠᠭᠰᠢᠯᠠᠪᠠᠯ ᠪᠦᠬᠦ ᠬᠤᠰᠢᠭᠤᠨ ᠤ ᠠᠷᠠᠳ ᠲᠦᠮᠡᠨ ᠳᠤ ᠬᠠᠷᠢᠭᠤᠴᠠᠬᠤ ᠤᠷᠬᠢᠯᠤᠮᠠ ᠬᠠᠯᠠᠭᠤᠨ | ᠰᠡᠳᠬᠢᠯ ᠢᠶᠠᠷ᠂ 2016 ᠤᠨ ᠤ ᠵᠢᠯ ᠤᠨ ᠰᠡᠬᠦᠯᠴᠢ ᠳᠤ ︽ᠤᠶᠢᠯᠠᠯᠭᠠ︾ ᠨᠠᠶᠢᠷᠠᠭᠤᠯᠬᠤ ᠠᠵᠢᠯ ᠤᠨ | ᠤᠲᠤᠷᠢᠳᠬᠤ ᠲᠤᠭᠤᠶᠢᠯᠠᠩ ᠤᠨ ᠠᠩᠬᠠᠲᠤᠭᠠᠷ ᠤᠲᠠᠭᠠᠨ ᠤ ᠬᠤᠷᠠᠯ ᠠᠴᠠ ᠨᠠᠭᠠᠰᠢ ᠬᠤᠯᠪᠤᠭᠲᠠᠯ ᠪᠦᠬᠦᠢ | ᠲᠠᠩᠰᠠ ᠡᠪᠬᠡᠮᠡᠯ ᠢ ᠤᠷᠪᠠᠭᠤᠯᠵᠤ ᠲᠡᠮᠲᠡᠭᠯᠡᠨ ᠮᠠᠲ᠋ᠧᠷᠢᠶᠠᠯ ᠴᠤᠭᠯᠠᠭᠤᠯᠤᠨ᠂ 2017 ᠤᠨ ᠤ ᠡᠴᠤᠰ ᠪᠤᠯᠬᠤ ᠳᠤ | ᠰᠠᠶ᠋ᠢ ᠲᠦᠩᠭᠡᠵᠤ ᠲᠤᠰ ᠨᠤᠮ ᠤᠨ ᠠᠩᠬᠠᠨ ᠤ ᠪᠤᠷᠤ ᠲᠦᠰᠤᠪ ᠢ ᠪᠢᠴᠢᠵᠤ ᠭᠠᠷᠭᠠᠭᠰᠠᠨ ᠪᠠᠶᠢᠲᠠᠭ᠃ ᠶᠡᠷᠤᠨᠢ ︽ | ᠤᠶᠢᠯᠠᠯᠭᠠ︾ ᠶᠢ ᠨᠠᠶᠢᠷᠠᠭᠤᠯᠬᠤ ᠠᠴᠠ ᠠᠪᠤᠭᠠᠳ ᠬᠠᠷᠭᠤᠭᠤᠯᠬᠤ᠂ ᠴᠢᠨᠠᠷᠵᠢᠭᠤᠯᠬᠤ᠂ ᠬᠢᠨᠡᠨ ᠲᠤᠭᠲᠠᠭᠠᠬᠤ ᠵᠡᠷᠭᠡ | ᠠᠯᠢ ᠤᠯᠠᠨ ᠶᠠᠪᠤᠴᠠ ᠶᠢ ᠦᠩᠭᠡᠷᠡᠬᠦᠯᠵᠤ᠂ 2019 ᠤᠨ ᠤ 4 ᠰᠠᠷᠠ ᠳᠤ ᠦᠨᠲᠤᠰᠤᠲᠡᠨ ᠤ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ ᠲᠠᠢ ᠭᠡᠷᠡ ᠪᠢᠴᠢᠭ ᠬᠢᠵᠤ᠂ ᠡᠬᠡ ᠪᠢᠴᠢᠭ ᠢᠶᠠᠨ ᠲᠤᠰᠢᠶᠠᠬᠤ ᠬᠦᠷᠲᠡᠯᠡᠬᠢ ᠬᠤᠭᠤᠴᠠᠭᠠᠨ ᠳᠤ 14 | ᠤᠲᠠᠭᠠᠨ ᠤ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠨ ᠬᠢᠭᠰᠡᠨ ᠠᠴᠠ ᠭᠠᠲᠠᠨᠠ ᠂ ᠤᠨᠴᠠ ᠤᠷᠢᠭᠰᠠᠨ | ᠨᠠᠶᠢᠷᠠᠭᠤᠯᠤᠭᠴᠢᠳ ︵ᠵᠦᠪᠯᠡᠭᠴᠢ︶ ᠲᠠᠢ 2 ᠤᠲᠠᠭᠠ ᠲᠤᠰᠬᠠᠢ ᠰᠠᠭᠤᠲᠠᠯ ᠤᠨ ᠬᠤᠷᠠᠯ ᠬᠢᠵᠤ | ᠵᠢᠯᠤᠭᠤᠲᠤᠭᠤᠯᠤᠭᠰᠠᠨ ᠮᠦᠷᠲᠡᠭᠡᠨ ᠰᠢᠯᠢ ᠶᠢᠨ ᠬᠤᠳᠠ᠂ ᠬᠦᠭᠡᠬᠤᠲᠠ ᠵᠡᠷᠭᠡ ᠭᠠᠵᠠᠷ ᠤᠷᠤᠨ ᠢᠶᠠᠷ ᠴᠤ | ᠬᠡᠲᠤᠨᠲᠡ ᠬᠦᠷᠴᠤ᠂ ᠬᠤᠰᠢᠭᠤᠨ ᠤ ᠬᠠᠭᠤᠴᠢᠨ ᠤᠲᠤᠷᠢᠲᠤᠯᠭᠠ᠂ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠠᠵᠢᠯᠲᠠᠨ᠂ | ᠠᠶᠢᠮᠠᠭ ᠤᠨ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠲᠤᠪᠴᠢᠶᠠᠨ ᠤ ᠤᠲᠤᠷᠢᠲᠤᠯᠭᠠ ᠵᠢᠴᠢ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠨᠡᠷ ᠲᠠᠢ | ᠦᠵᠡᠯ ᠪᠤᠲᠤᠯ ᠢᠶᠠᠨ ᠴᠢᠯᠤᠭᠡᠲᠠᠢ ᠲᠡᠯᠭᠡᠨ ᠵᠦᠪᠯᠡᠵᠤ᠂ ᠨᠡᠶᠢᠰᠯᠡᠯ ᠪᠡᠭᠡᠵᠢᠩ ᠳᠤ 2 ᠤᠲᠠᠭᠠ ᠬᠦᠷᠴᠤ ᠂ | ᠬᠠᠷᠭᠤᠭᠤᠯᠵᠤ ᠬᠢᠨᠠᠬᠤ ᠪᠠ ᠨᠠᠷᠡ ᠲᠤᠮᠢᠶᠠ ᠶᠢ ᠨᠢᠭᠡᠳᠬᠡᠬᠦ ᠠᠵᠢᠯ ᠢ ᠬᠢᠵᠤ ᠪᠢᠯᠡ︾ ᠬᠡᠮᠡᠨ ︽ᠤᠶᠢᠯᠠᠯᠭᠠ︾ ᠶᠢ | ᠪᠢᠴᠢᠵᠤ ᠨᠠᠶᠢᠷᠠᠭᠤᠯᠬᠤ ᠪᠦᠬᠦ ᠶᠠᠪᠤᠴᠠ ᠪᠠᠨ ᠲᠡᠯᠭᠡᠷᠡᠩᠬᠦᠢ ᠰᠠᠶᠢᠬᠠᠨ ᠶᠠᠷᠢᠬᠤ ᠶᠢᠨ ᠲᠠᠭᠠᠤ ᠄ ︽ᠡᠨᠡᠬᠦ ︿ | ᠤᠶᠢᠯᠠᠯᠭᠠ﹀ ᠳᠤ ᠪᠠᠨ ᠪᠢᠲᠡ ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤᠨ ᠤ ᠪᠠᠨ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ 70 ᠵᠢᠯ ᠤᠨ | ᠲᠤᠷᠰᠢ ᠶᠠᠪᠤᠵᠤ ᠢᠷᠡᠭᠰᠡᠨ ᠢᠲᠡᠷᠬᠡᠭ ᠠᠯᠬᠤᠭᠠ᠂ ᠢᠯᠠᠭᠤᠭᠰᠠᠨ ᠠᠮᠵᠢᠯᠲᠠ ᠪᠦᠲᠤᠭᠡᠯ ᠢ ᠲᠤᠲᠤᠷᠠᠭᠤᠯᠵᠤ᠂ ᠡᠯᠡ | ᠦᠶᠡ ᠶᠢᠨ ᠨᠠᠮ ᠵᠠᠰᠠᠭ ᠤᠨ ᠤᠲᠤᠷᠢᠲᠤᠯᠭᠠ ᠶᠢᠨ ᠰᠤᠷᠭᠠᠨ ᠬᠦᠮᠤᠵᠢᠯ ᠢ ᠲᠡᠭᠡᠲᠤᠯᠡᠬᠦ ᠪᠤᠲᠤᠯᠭᠠ᠂ ᠠᠷᠠᠳ ᠤᠯᠠᠨ | ᠤ ᠰᠤᠷᠭᠠᠨ ᠬᠦᠮᠤᠵᠢᠯ ᠢ ᠲᠡᠮᠵᠢᠬᠦ ᠢᠷᠠᠭᠤ ᠠᠯᠲᠠᠷᠲᠤ ᠤᠲᠤᠮᠰᠢᠯ᠂ ᠦᠷᠭᠡᠨ ᠤᠯᠠᠨ ᠪᠠᠭᠰᠢ ᠠᠵᠢᠯᠲᠠᠨ ᠤ ᠵᠢᠳᠬᠦᠯ | ᠴᠢᠷᠮᠠᠶᠢᠯᠭᠠ᠂ ᠦᠷᠡ ᠪᠦᠲᠤᠭᠡᠯ ᠢ ᠪᠦᠬᠦ ᠲᠠᠯᠠ ᠪᠠᠷ ᠲᠦᠬᠦᠮ ᠤᠶᠢᠯᠠᠭᠠᠮᠵᠢᠲᠠᠢ ᠮᠦᠷᠲᠡᠭᠡᠨ ᠬᠦᠨᠴᠡ ᠲᠠᠢ | ᠲᠤᠰᠬᠠᠨ ᠲᠡᠮᠲᠡᠭᠯᠡᠬᠦ ᠶᠢ ᠬᠢᠴᠢᠶᠡᠩᠬᠦᠶᠢᠯᠡᠭᠰᠡᠨ ᠪᠤᠯᠬᠤᠷ ᠲᠤᠰ ᠨᠤᠮ ᠮᠠᠨᠢ ᠪᠦᠬᠦ ᠬᠤᠰᠢᠭᠤᠨ ᠤ ︿ᠤᠶᠢᠯᠠᠯᠭᠠ﹀ | ᠶᠢᠨ ᠲᠤᠲᠠᠭᠲᠠᠵᠤ ᠪᠤᠯᠤᠰᠢ ᠦᠭᠡᠢ ᠴᠢᠬᠤᠯᠡ ᠨᠢᠭᠡᠨ ᠪᠦᠷᠢᠯᠲᠤᠬᠦᠨ ᠭᠡᠰᠡᠭ ᠪᠤᠯᠵᠤ ᠴᠢᠲᠠᠭᠰᠠᠨ ᠭᠡᠵᠤ ᠦᠵᠡᠵᠤ | ᠪᠠᠶᠢᠨᠠ᠃ ᠲᠡᠷᠡᠴᠢᠯᠡᠨ ᠡᠨᠡᠬᠦ ᠨᠤᠮ ᠨᠢ ᠪᠠᠰᠠ ᠲᠣᠰ ᠬᠤᠰᠢᠭᠤᠨ ᠤ ᠪᠠᠨ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠲᠡᠤᠬᠡ | ᠤᠶᠢᠯᠠᠯᠭᠠ ᠶᠢᠨ ᠲᠡᠯᠡ ᠪᠠᠷ ᠬᠢ ︿ᠬᠤᠭᠤᠰᠤᠨ﹀ ᠢ ᠨᠦᠬᠦᠪᠤᠷᠢᠯᠡᠭᠰᠡᠨ ᠤᠶᠤᠨ ᠰᠠᠨᠠᠭᠠᠨ ᠤ ᠰᠢᠮᠡᠲᠤ ᠲᠡᠵᠢᠭᠡᠯ᠂ | ᠬᠤᠪᠤᠷ ᠨᠠᠨᠲᠢᠨ ᠰᠤᠶᠤᠯ ᠤᠨ ᠦᠪ ᠬᠦᠷᠤᠩᠭᠡ ᠶᠢᠨ ᠨᠢᠭᠡ ᠪᠤᠯᠬᠤ ᠶᠤᠮ᠃ ᠢᠢᠮᠤ ᠠᠴᠠ ᠡᠨᠡᠬᠦ ︿ᠤᠶᠢᠯᠠᠯᠭᠠ﹀ | ᠮᠠᠨᠢ ᠪᠦᠬᠦ ᠬᠤᠰᠢᠭᠤᠨ ᠤ ᠤᠯᠤᠰ ᠲᠦᠷᠤ᠂ ᠠᠵᠤ ᠠᠬᠤᠢ᠂ ᠢᠯᠠᠩᠭᠤᠶᠡ ᠰᠤᠶᠤᠯ ᠤᠨ ᠤᠶᠢᠯᠡᠰ ᠲᠤ ᠢᠯᠭᠤᠮ | ᠰᠠᠶᠢᠬᠠᠨ ᠦᠩᠭᠡ ᠪᠤᠲᠤᠭ ᠨᠡᠮᠡᠷᠢᠯᠡᠬᠦ ᠨᠢ ᠵᠠᠶᠢᠯᠠᠰᠢ ᠦᠭᠡᠢ᠃ ᠵᠤᠬᠢᠬᠤ ᠨᠢᠭᠡᠨ ᠤᠳᠬᠠ ᠠᠴᠠ ᠠᠪᠴᠤ ᠬᠡᠯᠡᠪᠡᠯ᠂ | ᠮᠠᠨ ᠤ ᠬᠤᠰᠢᠭᠤᠨ ᠤ ᠰᠤᠷᠭᠠᠨ ᠬᠦᠮᠤᠵᠢᠯ ᠪᠤᠯ ᠦᠨᠲᠤᠰᠤᠲᠡᠨ ᠤ ᠰᠤᠷᠭᠠᠨ ᠬᠦᠮᠤᠵᠢᠯ ᠪᠤᠯᠬᠤ ᠶᠤᠮ᠃ ᠡᠨᠡ ᠨᠢ | ᠬᠤᠵᠢᠮ ᠤᠨ ᠬᠦᠮᠤᠰ ᠤᠨ ᠠᠲᠠᠯᠢ ᠪᠤᠰᠤ ᠲᠡᠤᠬᠡᠨ ᠴᠠᠭ ᠬᠤᠭᠤᠴᠠᠭᠠᠨ ᠤ ᠲᠦᠷᠤ ᠶᠢᠨ ᠪᠤᠲᠤᠯᠭᠠ ᠶᠢᠨ | ᠨᠠᠶᠢᠲᠠᠪᠤᠷᠢᠵᠢᠭᠤᠯᠤᠯᠲᠠ ᠠᠳᠬᠤᠯᠲᠠ ᠶᠢ ᠰᠤᠲᠤᠯᠬᠤ᠂ ᠴᠢᠨᠠᠭᠰᠢᠲᠠ ᠦᠨᠲᠤᠰᠤᠲᠡᠨ ᠤ ᠰᠤᠷᠭᠠᠨ ᠬᠦᠮᠤᠵᠢᠯ᠂ | ᠰᠤᠶᠤᠯ ᠪᠤᠯᠪᠠᠰᠤᠨ ᠤ ᠤᠬᠢ ᠰᠢᠯᠢᠲᠡᠭ ᠦᠪ ᠬᠦᠷᠤᠩᠭᠡ ᠶᠢ ᠬᠠᠮᠠᠭᠠᠯᠠᠵᠤ ᠤᠯᠠᠮᠵᠢᠯᠠᠬᠤ᠂ ᠰᠤᠲᠤᠯᠤᠨ ᠰᠢᠨᠵᠢᠯᠡᠬᠦ | ᠳᠤ ᠴᠤ ᠭᠡᠰᠡᠨ ᠵᠤᠬᠢᠬᠤ ᠯᠠᠪᠯᠠᠯᠲᠠ ᠶᠢᠨ ᠤᠶᠢᠯᠡᠲᠤᠯ ᠭᠠᠷᠭᠠᠬᠤ ᠪᠤᠯᠤᠨᠠ ᠭᠡᠲᠡᠭ ᠲᠤ ᠪᠢ ᠡᠷᠡᠭᠡᠯᠵᠡᠬᠦ ᠦᠭᠡᠢ | ᠪᠠᠶᠢᠨᠠ ︾ ᠭᠡᠵᠤ ᠶᠡᠷᠤᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠬᠤᠪᠢ ᠪᠠᠷ ᠴᠢᠨᠠᠭᠰᠢᠲᠠ ᠬᠦᠨᠵᠡᠭᠡᠶᠢᠷᠡᠬᠦᠯᠤᠨ ᠶᠠᠷᠢᠭᠰᠠᠨ | ᠮᠠᠨᠢ ᠲᠤᠰ ᠨᠤᠮ ᠤᠨ ᠢᠶᠠᠨ ᠲᠤᠬᠠᠢ ᠬᠦᠮᠤᠰ ᠲᠤ ᠶᠠᠭᠤ ᠨᠢᠭᠡ ᠶᠢ ᠰᠡᠷᠡᠭᠲᠡᠬᠦᠯᠤᠭ᠍ᠰᠡᠨ ᠮᠡᠲᠤ ᠤᠴᠢᠷ ᠤᠳᠬᠠ ᠲᠠᠢ | ᠰᠠᠨᠠᠭᠲᠠᠨᠠ᠃ | ᠲᠡᠶᠢᠮᠤ ᠡ︕ ᠨᠤᠮ ᠳᠤ ᠲᠤᠪᠴᠢᠯᠡᠨ ᠦᠬᠦᠯᠡᠭᠰᠡᠨ ᠮᠡᠲᠤ ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤ ᠨᠢ ᠰᠤᠷᠭᠠᠨ | ᠬᠦᠮᠤᠵᠢᠯ ᠤᠨ ᠲᠠᠯᠠ ᠪᠠᠷ ᠲᠤᠪᠤᠶᠢᠮᠠ ᠠᠮᠵᠢᠯᠲᠠ ᠶᠢᠨ ᠲᠡᠤᠬᠡᠨ ᠤᠯᠡ ᠮᠦᠷ ᠲᠠᠢ ᠪᠠᠶᠢᠲᠠᠭ ᠢᠶᠠᠷ ᠬᠤᠯᠡ ᠶᠢ | ᠶᠠᠷᠢᠬᠤ ᠦᠭᠡᠢ᠂ 1956 ᠤᠨ ᠳᠤ ᠪᠠᠶᠠᠨᠲᠠᠯᠠ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠴᠠᠬᠠᠷ ᠠᠶᠢᠮᠠᠭ ᠤᠨ ᠲᠡᠷᠢᠬᠦᠨ | ᠤ ᠨᠢᠭᠡᠴᠡ ᠪᠠᠷ ᠲᠤᠲᠤᠷᠠᠨ᠂ 1959 ᠤᠨ ᠳᠤ ᠰᠢᠨᠡᠪᠤᠯᠠᠭ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠰᠢᠯᠢ ᠶᠢᠨ | ᠭᠤᠤᠯ ᠠᠶᠢᠮᠠᠭ ᠤᠨ ᠲᠡᠷᠢᠬᠦᠨ ᠤ ᠨᠢᠭᠡᠴᠡ ᠪᠠᠷ ᠰᠤᠩᠭᠤᠭᠲᠠᠭᠰᠠᠨ ᠤ ᠬᠠᠮᠲᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ︽ | ᠪᠦᠬᠦ ᠤᠷᠤᠨ ᠤ ᠬᠦᠲᠡᠯᠮᠤᠷᠢ ᠶᠢᠨ ᠪᠠᠭᠠᠲᠤᠷᠴᠤᠳ ᠤᠨ ᠬᠤᠷᠠᠯᠲᠤᠭᠠᠨ︾ ᠳᠤ ᠢᠷᠠᠭᠤ ᠠᠯᠲᠠᠷ ᠲᠠᠢ ᠪᠠᠷ | ᠤᠷᠤᠯᠴᠠᠭᠰᠠᠨ᠂ 1983 ᠤᠨ ᠳᠤ ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤ ᠨᠢ ᠪᠦᠬᠦ ᠤᠷᠤᠨ ᠤ ᠮᠠᠯᠵᠢᠬᠤ ᠬᠤᠰᠢᠭᠤᠳ | ᠤᠨ ᠲᠤᠲᠤᠷᠠ ᠬᠠᠮᠤᠭ ᠲᠡᠷᠢᠬᠦᠨ ᠳᠤ ᠪᠢᠴᠢᠭ ᠤᠨ ᠪᠠᠯᠠᠢ ᠶᠢ ᠠᠷᠢᠯᠭᠠᠵᠤ᠂ 1984 ᠤᠨ ᠳᠤ ᠪᠦᠬᠦ ᠤᠷᠤᠨ ᠳᠤ | ᠨᠢᠭᠡ ᠵᠢᠯ ᠤᠷᠢᠳᠴᠢᠯᠡᠨ ︽ᠠᠩᠬᠠ ᠵᠡᠷᠭᠡ ᠶᠢᠨ ᠰᠤᠷᠭᠠᠨ ᠬᠦᠮᠤᠵᠢᠯ ᠢ ᠲᠦᠭᠡᠮᠡᠯᠵᠢᠬᠦᠯᠤᠭ᠍ᠰᠡᠨ ᠬᠤᠰᠢᠭᠤ︾ | ᠪᠤᠯᠤᠭᠰᠠᠨ᠂ 1986 ᠤᠨ ᠳᠤ ︽ᠪᠦᠬᠦ ᠤᠯᠤᠰ ᠤᠨ ᠰᠠᠭᠤᠷᠢ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠲᠡᠷᠢᠬᠦᠨ ᠤ ᠰᠢᠶᠠᠨ ︵ | ᠬᠤᠰᠢᠭᠤ︶︾ ᠪᠠᠷ ᠨᠡᠷᠡᠶᠢᠲᠤᠭ᠍ᠲᠡᠨ᠂ 1988 ᠤᠨ ᠳᠤ ︽ᠪᠦᠬᠦ ᠤᠯᠤᠰ ᠤᠨ ᠪᠢᠴᠢᠭ ᠤᠨ ᠪᠠᠯᠠᠢ ᠶᠢ | ᠠᠷᠢᠯᠭᠠᠭᠰᠠᠨ ᠲᠡᠷᠢᠬᠦᠨ ᠤ ᠰᠢᠶᠠᠨ ︵ᠬᠤᠰᠢᠭᠤ ︶︾ ᠪᠤᠯᠵᠤ᠂ 1998 ᠤᠨ ᠳᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ | ᠤ ᠠᠯᠪᠠᠨ ᠵᠢᠷᠤᠮ ᠤᠨ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ︽ᠬᠤᠶᠠᠷ ᠦᠨᠲᠤᠰᠤᠨ︾ ᠢ ᠪᠡᠶᠡᠯᠡᠬᠦᠯᠤᠭ᠍ᠰᠡᠨ ᠵᠡᠷᠭᠡ ᠲᠡᠤᠬᠡᠲᠤ | ᠠᠮᠵᠢᠯᠲᠠ ᠶᠢᠨ ᠲᠤᠷᠠᠰᠤᠮᠵᠢ ᠲᠠᠢ ᠪᠠᠶᠢᠲᠠᠭ ᠪᠢᠯᠡ᠃ ᠮᠦᠨ ᠴᠤ ᠲᠦᠷᠤ ᠶᠢᠨ ᠡᠷᠬᠦᠮᠵᠢᠯᠡᠯᠲᠤ ︽ᠤᠯᠤᠰ ᠤᠨ | ᠶᠡᠭᠡ ᠤᠲᠠᠴᠢ︾ ᠂ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠠᠯᠲᠠᠷᠲᠤ ᠡᠷᠲᠡᠮᠲᠡᠨ᠂ ᠫᠷᠤᠹᠧᠰᠰᠤᠷ᠂ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ | ᠵᠢᠳᠬᠦᠯᠲᠡᠨ᠂ ᠠᠯᠲᠠᠷᠲᠤ ᠮᠤᠩᠭᠤᠯ ᠡᠮᠴᠢ — ᠽᠸ᠊ · ᠰᠦᠷᠤᠩᠵᠡᠪ ᠨᠠᠰᠤᠲᠠᠨ ᠠᠴᠠ ᠠᠪᠤᠭᠠᠳ ᠠᠯᠲᠠᠷᠲᠤ | ᠵᠤᠬᠢᠶᠠᠯᠴᠢ ᠯᠢᠭᠲᠡᠨ ᠵᠢᠴᠢ ᠲᠡᠭᠡᠲᠤ ᠮᠤᠯᠧᠺᠦ᠋ᠯ ᠤᠨ ᠬᠢᠮᠢ ᠪᠠ ᠠᠮᠢᠲᠤ ᠪᠤᠲᠠᠰ ᠢ ᠭᠤᠤᠯᠴᠢᠯᠠᠨ ᠰᠤᠲᠤᠯᠤᠭᠠᠳ | ᠳ᠋ᠤᠺᠲ᠋ᠤᠷ ᠴᠤᠯᠠ ᠬᠠᠮᠠᠭᠠᠯᠠᠭᠰᠠᠨ ᠮᠠᠨ ᠤ ᠤᠯᠤᠰ ᠤᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠤ ᠤᠤᠭᠠᠨ ᠳ᠋ᠤᠺᠲ᠋ᠤᠷ | ᠪᠤᠯᠬᠤ ᠪᠤᠷᠵᠢᠬᠢᠨ ᠭᠡᠷᠡᠯᠲᠤ᠂ ᠬᠦᠲᠡᠭᠡ ᠠᠵᠤ ᠠᠬᠤᠢ ᠶᠢᠨ ᠤᠬᠠᠭᠠᠨ ᠪᠤᠯᠤᠨ ᠮᠠᠯ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠤ | ᠳ᠋ᠤᠺᠲ᠋ᠤᠷ ᠮᠠᠩᠯᠠᠢ ᠭᠡᠬᠦ ᠮᠡᠲᠤ ᠪᠠᠷ ᠨᠤᠲᠤᠭ ᠤᠷᠤᠨ ᠠᠴᠠ ᠪᠠᠨ ᠴᠤᠯᠭᠤᠷᠠᠨ ᠭᠠᠷᠤᠭᠰᠠᠨ ᠡᠷᠲᠡᠮᠲᠡᠨ ᠮᠡᠷᠭᠡᠳ ᠢᠶᠠᠨ | ᠶᠠᠷᠢᠬᠤ ᠳᠤ ᠪᠦᠬᠦ ᠤᠷᠤᠨ ᠪᠠᠶᠢᠲᠤᠭᠠᠢ᠂ ᠪᠦᠬᠦ ᠤᠯᠤᠰ ᠲᠤ ᠴᠤ ᠭᠡᠰᠡᠨ ᠵᠤᠬᠢᠬᠤ ᠨᠦᠯᠤᠭᠡ ᠲᠤᠰᠬᠠᠯ ᠲᠠᠢ | ᠪᠤᠯᠤᠭᠰᠠᠨ ᠶᠤᠮ᠃ ᠢᠢᠮᠤ ᠪᠤᠯᠬᠤᠷ ︽ᠳ᠋ᠤᠺᠲ᠋ᠤᠷ ᠤᠨ ᠦᠯᠤᠭᠡᠢ ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤ︾ ᠬᠡᠮᠡᠬᠦ ᠨᠡᠷᠡ | ᠠᠯᠲᠠᠷ ᠢ ᠡᠷᠬᠦᠮᠵᠢᠯᠡᠭᠰᠡᠨ ᠤ ᠤᠴᠢᠷ ᠶᠤᠰᠤ ᠤᠭ ᠭᠠᠷᠤᠯ ᠢ ᠲᠤᠲᠤᠷᠠᠭᠤᠯᠬᠤ ᠳᠤ ᠰᠠᠭᠤᠷᠢ ᠰᠤᠷᠭᠠᠨ ᠬᠦᠮᠤᠵᠢᠯ | ᠤᠨ ᠬᠢᠷᠢ ᠲᠦᠪᠰᠢᠨ ᠢᠶᠠᠷ ᠤᠯᠪᠠᠭᠠᠯᠠᠭᠲᠠᠬᠤ ᠨᠢ ᠠᠶᠠᠨᠲᠠᠭᠠᠨ ᠤ ᠤᠴᠢᠷ ᠪᠤᠯᠬᠤ ᠨᠢᠭᠡ ᠶᠤᠰᠤᠨ ᠤ ᠵᠦᠢ ᠴᠤ | ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ | ᠲᠠᠷᠬᠠᠭᠠᠯᠲᠠ ᠶᠢᠨ ᠶᠤᠰᠤᠯᠠᠯ ᠳᠤ ᠬᠤᠰᠢᠭᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠪᠠᠶᠢᠩᠭᠤ ᠶᠢᠨ ᠭᠡᠰᠢᠬᠦᠨ᠂ ᠪᠠᠶᠢᠩᠭᠤ | ᠶᠢᠨ ᠲᠡᠳ᠋ ᠬᠤᠰᠢᠭᠤ ᠲᠠᠷᠤᠭᠠ ᠴᠧᠨ ᠢᠤᠢ ᠴᠧᠩ ᠨᠦᠬᠦᠷ ᠬᠠᠯᠠᠭᠤᠨ ᠮᠠᠨᠲᠤᠴᠢᠯᠡᠯ ᠲᠡᠪᠰᠢᠬᠦᠯᠤᠭ᠍ᠰᠡᠨ ᠪᠠᠶᠠᠷ ᠤᠨ | ᠦᠭᠡ ᠬᠡᠯᠡᠬᠦ ᠳᠤ ᠪᠠᠨ᠄ ︽ᠪᠢ ᠶᠠᠭᠤᠨ ᠤ ᠤᠷᠢᠳ ︿ᠤᠶᠢᠯᠠᠯᠭᠠ﹀ ᠪᠢᠴᠢᠬᠦ ᠠᠵᠢᠯ ᠳᠤ ᠪᠡᠶᠡ ᠰᠡᠳᠬᠢᠯ ᠢᠶᠠᠨ | ᠵᠤᠷᠢᠭᠤᠯᠤᠭᠰᠠᠨ ᠨᠠᠶᠢᠷᠠᠭᠤᠯᠤᠭᠴᠢᠳ ᠢᠶᠠᠷ ᠭᠤᠤᠯᠯᠠᠭᠰᠠᠨ ᠪᠦᠬᠦ ᠨᠦᠬᠦᠳ ᠲᠤ ᠪᠠᠨ ᠲᠠᠯᠠᠷᠬᠠᠵᠤ ᠪᠠᠶᠢᠨᠠ᠃ ᠡᠨᠡ | ᠪᠤᠯ ᠮᠠᠨ ᠤ ᠬᠤᠰᠢᠭᠤᠨ ᠤ ᠲᠡᠤᠬᠡᠨ ᠲᠡᠭᠡᠷᠡᠬᠢ ᠬᠦᠰᠢᠶᠠ ᠲᠤᠷᠠᠰᠬᠠᠯ ᠤᠨ ᠴᠢᠨᠠᠷᠲᠠᠢ ᠪᠠᠰᠠ ᠨᠢᠭᠡᠨ ᠪᠠᠶᠠᠷᠲᠤ ᠤᠴᠢᠷ | ᠪᠤᠯᠬᠤ ᠶᠤᠮ᠃ ᠲᠤᠰ ︿ᠤᠶᠢᠯᠠᠯᠭᠠ﹀ ᠨᠢ ᠵᠤᠷᠢᠯᠲᠡ ᠲᠤᠲᠤᠷᠬᠠᠢ᠂ ᠲᠡᠤᠬᠡᠨ ᠮᠡᠲ᠋ᠧᠷᠢᠶᠠᠯ ᠤᠨ ᠠᠰᠢᠭᠯᠠᠮᠵᠢ | ᠪᠦᠷᠢᠨ᠂ ᠦᠩᠭᠡᠷᠡᠭᠰᠡᠨ ᠪᠠ ᠦᠨᠤᠲᠤᠷ ᠢ ᠪᠦᠬᠦ ᠲᠡᠯᠡ ᠪᠠᠷ ᠢᠯᠡᠷᠡᠬᠦᠯᠬᠦ ᠶᠢ ᠵᠤᠷᠢᠵᠤ᠂ ᠭᠠᠵᠠᠷ ᠤᠷᠤᠨ ᠤ | ᠤᠨᠴᠠᠯᠢᠭ᠂ ᠦᠨᠲᠤᠰᠤᠲᠡᠨ ᠤ ᠤᠨᠴᠠᠯᠢᠭᠲᠤ ᠴᠢᠨᠠᠷ ᠢᠶᠠᠷ ᠲᠤᠪᠤᠶᠢᠮᠠ ᠪᠠᠶᠢᠵᠤ᠂ ᠮᠠᠨ ᠤ ᠬᠤᠰᠢᠭᠤᠨ ᠤ ᠰᠤᠷᠭᠠᠨ | ᠬᠦᠮᠤᠵᠢᠯ ᠤᠨ ᠤᠶᠢᠯᠡᠰ ᠤᠨ ᠬᠦᠭᠵᠢᠯᠲᠠ ᠶᠢᠨ ᠲᠡᠤᠬᠡ ᠶᠢ ᠪᠤᠰᠤᠳᠴᠢ ᠪᠠᠷ ᠲᠡᠮᠲᠡᠭᠯᠡᠨ ᠲᠤᠭᠠᠴᠢᠵᠤ᠂ ᠡᠯᠡ | ᠲᠡᠤᠬᠡᠨ ᠴᠠᠭ ᠬᠤᠭᠤᠴᠠᠭᠠᠨ ᠤ ᠠᠮᠵᠢᠯᠲᠠ ᠪᠦᠲᠤᠮᠵᠢ᠂ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ᠂ ᠨᠤᠭᠤᠷᠠᠯ ᠪᠦᠲᠤᠷᠢᠯ ᠢ | ᠬᠠᠷᠠᠭᠤᠯᠤᠨ᠂ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠦᠵᠡᠯ ᠰᠠᠨᠠᠭᠠ᠂ ᠤᠨᠤᠯ ᠤᠨ ᠰᠢᠰᠲ᠋ᠧᠮ ᠵᠢᠴᠢ ᠴᠠᠭ ᠦᠶᠡ ᠶᠢᠨ ᠵᠤᠷᠢᠭ | ᠰᠠᠨᠠᠭᠠ ᠶᠢ ᠬᠦᠢᠴᠡᠳ ᠢᠯᠡᠷᠡᠬᠦᠯᠤᠭ᠍ᠰᠡᠨ ᠪᠠᠶᠢᠨᠠ︾ ᠭᠡᠵᠤ ᠦᠨᠡᠯᠡᠯᠲᠡ ᠦᠭᠴᠤ ᠪᠠᠶᠢᠯᠠ ᠃ | ᠶᠠᠭ ᠢᠢᠮᠤ ᠠᠴᠠ ︽ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤᠨ ᠤ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠤᠶᠢᠯᠠᠯᠭᠠ︾ ᠬᠡᠬᠦ ᠨᠤᠮ | ᠨᠢ ᠤᠷᠤᠨ ᠨᠤᠲᠤᠭ ᠤᠨ ᠴᠢᠨᠠᠷᠲᠠᠢ ᠲᠡᠤᠬᠡ ᠤᠶᠢᠯᠠᠯᠭᠠ ᠶᠢᠨ ᠨᠤᠮ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠲᠡᠷᠡ ᠨᠢ | ᠦᠪᠡᠷᠮᠢᠴᠨ ᠤᠨᠴᠠᠯᠢᠭ ᠤᠨ ᠬᠦᠨ ᠵᠤᠵᠠᠭᠠᠨ ᠬᠤᠪᠢ ᠶᠢᠨ ᠵᠢᠩ ᠲᠠᠢ ᠪᠠᠶᠢᠲᠠᠭ ᠢᠶᠠᠷ ᠬᠤᠰᠢᠭᠤ ᠨᠤᠲᠤᠭ ᠤᠨ | ᠢᠶᠠᠨ ᠨᠡᠷᠡ ᠶᠢᠨ ᠬᠠᠭᠤᠲᠠᠰᠤ ᠶᠢᠨ ᠲᠦᠯᠤᠭᠡᠯᠡᠯ ᠪᠤᠯᠵᠤ᠂ ᠲᠤᠷᠭᠠᠨ ᠨᠤᠲᠤᠭ — ᠬᠦᠪᠡᠭᠡᠲᠤ ᠰᠢᠷᠠ ᠶᠢᠨ ᠢᠶᠠᠨ | ᠬᠦᠭ ᠠᠶᠠᠯᠭᠤ ᠪᠠᠷ ᠤᠶᠠᠩᠭᠠᠷᠠᠬᠤ ᠤᠴᠢᠷᠲᠠᠢ ᠃ | ︽ᠨᠤᠮ ᠬᠡᠭᠴᠢ ᠲᠡᠤᠬᠡ ᠶᠢ ᠲᠤᠯᠢᠲᠠᠨ᠂ ᠶᠢᠷᠲᠢᠨᠴᠤ ᠶᠢ ᠬᠠᠷᠠᠬᠤ ᠴᠤᠩᠬᠤ︾ ᠤᠴᠢᠷ᠂ ᠨᠤᠮ ᠤᠨ ᠰᠢᠲᠢ | ᠪᠠᠷ ᠬᠦᠮᠤᠰ ᠤᠨ ᠪᠢᠯᠢᠭ ᠤᠨ ᠮᠡᠯᠮᠡᠢ ᠨᠡᠭᠡᠭᠡᠭᠲᠡᠵᠤ᠂ ᠠᠮᠵᠢᠯᠲᠠ ᠳᠤ ᠬᠦᠷᠬᠦ ᠱᠠᠲᠤ ᠪᠠᠨ ᠦᠭᠰᠤᠵᠤ ᠤᠶᠢᠯᠡᠰ ᠤᠨ | ᠬᠡᠶᠢᠮᠤᠷᠢ ᠪᠠᠨ ᠲᠠᠯᠠᠯᠵᠤ ᠪᠠᠶᠢᠲᠠᠭ᠃ | ᠨᠤᠮ ᠤᠨ ᠴᠠᠭᠠᠨ ᠪᠤᠶᠠᠨ ᠤ ᠭᠡᠰᠢᠭ ᠢᠪᠡᠭᠡᠯ ᠢᠶᠠᠷ ᠰᠢᠨᠡ ᠤᠨ ᠤ ᠡᠬᠦᠲᠡᠨ ᠪᠤᠱᠤᠭᠠ ᠪᠠᠨ ᠮᠢᠯᠢᠶᠠᠰᠤᠭᠠᠢ︕ | |