| ᠦᠨᠦᠳᠦᠷ ᠬᠦᠮᠦᠰ ᠦᠷᠦᠨᠡᠳᠡᠬᠢᠨ ᠪᠤᠯᠤᠨ ᠦᠪᠡᠷ ᠤᠨ ᠬᠡᠭᠦ ᠪᠠᠶᠠᠷ ᠲᠤᠷᠠᠰᠬᠠᠯ ᠲᠤᠬᠢᠶᠠᠯᠳᠤᠪᠠᠯ ᠠᠯᠳᠠᠯ | ᠦᠭᠡᠢ ᠪᠤᠳᠤᠯ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠵᠦ᠂ ᠰᠦᠯᠵᠢᠶᠡ ᠵᠢᠷᠬᠢᠶᠡ ᠪᠠᠷ ᠰᠠᠴᠤᠵᠦ ᠲᠡᠪᠵᠢᠶᠡᠷᠡᠳᠡᠭ ᠪᠤᠯᠪᠠ᠃ | ᠶᠠᠭᠠᠬᠢᠬᠤᠪ᠂ ᠰᠠᠨᠠᠬᠰᠡᠨ ᠪᠤᠳᠤᠬᠰᠡᠨ ᠢᠶᠠᠨ ᠰᠢᠭᠤᠳ ᠳᠡᠯᠭᠡᠬᠦ ᠨᠢ ᠴᠠᠭ ᠤᠨ ᠦᠡᠭᠭᠡ᠂ ᠴᠢ ᠪᠢᠳᠡᠨ ᠳᠤ | ᠤᠯᠭᠤᠬᠰᠡᠨ ᠡᠷᠭᠡ᠃ ᠲᠡᠭᠡᠬᠦ ᠳᠤ ︽ᠬᠦᠮᠦᠨ ᠦᠵᠡᠪᠡᠯ ᠬᠡᠯᠡᠵᠦ᠂ ᠮᠤᠲᠦ ᠦᠵᠡᠪᠡᠯ ᠪᠢᠴᠢᠳᠡᠭ︾ ᠪᠤᠯᠤᠬᠰᠡᠨ | ᠰᠤᠷᠳᠠᠯ ᠨᠢ ᠪᠠᠰᠠ ᠴᠤᠤᠳᠠᠮᠨᠠᠵᠦ ᠳᠠᠪᠠᠭᠤᠯᠤᠬᠰᠡᠨ ᠪᠤᠯᠪᠠᠤ ᠭᠡᠬᠦ ᠲᠦᠷᠦᠭᠳᠡᠯ ᠤᠯᠭᠤᠬᠤ ᠶᠤᠮ᠃ | ᠤᠴᠢᠷ ᠶᠤᠰᠦ ᠶᠢ ᠳᠡᠯᠭᠡᠵᠦ ᠮᠡᠳᠡᠮᠡᠭᠡᠶᠢᠷᠡᠬᠦ ᠪᠠᠷ ᠢᠶᠠᠨ ᠤᠷᠢᠳ ᠢᠶᠠᠷ ᠦᠯᠢᠭᠡᠷ ᠶᠠᠷᠢᠵᠦ ᠤᠯᠠᠭᠤᠯᠠ ᠪᠠᠨ | ᠰᠤᠨᠢᠷᠬᠠᠶᠡ᠃ ᠲᠦᠪ ᠲᠧᠯᠸᠢᠰ ᠤᠨ ᠡᠶᠢᠮᠦ ᠨᠢᠭᠡ ᠨᠡᠶᠢᠲᠡ ᠶᠢᠨ ᠠᠰᠠᠷᠠᠮᠵᠢ ᠶᠢᠨ ᠵᠠᠷ ᠢ ᠬᠠᠷᠠᠬᠰᠡᠨ ᠪᠦᠬᠦᠨ ᠨᠢᠭᠡ | ᠪᠢᠰᠢ ᠤᠯᠠᠨ ᠤᠳᠠᠭᠠ ᠬᠤᠭᠤᠯᠠᠢ ᠡᠷᠢᠶᠡᠨᠳᠦᠵᠦ᠂ ᠰᠤᠷᠮᠤᠤᠰᠦ ᠴᠢᠬᠢᠭᠳᠡᠭᠦᠯᠦᠭᠰᠡᠨ ᠤᠴᠢᠷ ᠲᠠᠢ᠄ ᠦᠩ | ᠶᠢᠷᠲᠢᠨᠴᠦ ᠶᠢᠨ ᠵᠢᠮᠡ ᠪᠠᠷ ᠦᠲᠡᠯᠵᠦ ᠪᠤᠭᠤᠷᠤᠯᠳᠤᠬᠰᠡᠨ ᠨᠢᠭᠡᠨ ᠡᠪᠦᠬᠡᠨ ᠡᠷᠦᠬᠡ ᠭᠡᠷ ᠪᠤᠯᠤᠨ ᠦᠷᠡ | ᠬᠡᠤᠬᠡᠳ ᠢᠶᠠᠨ ᠴᠦ ᠦᠯᠦ ᠲᠠᠨᠢᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠦ ᠮᠤᠨᠤᠵᠦ ᠵᠦᠨᠦᠭᠰᠡᠨ ᠪᠠᠶᠢᠯᠡ᠃ ᠭᠡᠪᠡᠴᠦ ᠦᠲᠡᠯᠵᠦ | ᠮᠤᠨᠤᠬᠰᠡᠨ ᠡᠪᠦᠬᠡᠨ ᠦᠪᠡᠷ ᠢᠶᠠᠨ ᠴᠤᠬᠤᠮ ᠬᠡᠨ ᠭᠡᠳᠡᠭ ᠢᠶᠠᠨ ᠮᠠᠷᠲᠠᠬᠰᠡᠨ ᠦᠭᠡᠢ᠃ ᠬᠤᠭᠤᠯᠠᠠ ᠰᠢᠷᠡᠭᠡᠨ ᠳᠡᠭᠡᠷᠡ | ᠦᠯᠡᠳᠡᠭᠰᠡᠨ ᠬᠡᠳᠦᠨ ᠪᠠᠩᠰᠢ ᠶᠢ ᠬᠠᠷᠮᠠᠨ ᠳᠠᠭᠠᠨ ᠴᠢᠬᠢᠵᠦ ᠶᠠᠭᠠᠷᠠᠨᠡ᠃ ᠬᠠᠵᠠᠭᠤ ᠠᠴᠠ ᠬᠠᠷᠠᠬᠰᠡᠨ ᠬᠦᠤ ᠨᠢ | ᠠᠷᠭᠠ ᠪᠠᠷᠠᠬᠳᠠᠵᠦ ᠠᠪᠤ ᠪᠠᠨ ᠢᠳᠬᠠᠵᠦ ᠬᠤᠷᠢᠬᠯᠠᠬᠤ ᠳᠤ ᠦᠨᠦ ᠡᠪᠦᠭᠡᠨ᠄ ︽ᠮᠢᠨᠦ ᠬᠦᠤ ᠪᠠᠩᠰᠢ ᠢᠳᠡᠬᠦ | ᠲᠤᠷᠠᠲᠠᠢ ᠶᠤᠮ᠂ ᠡᠭᠦᠨ ᠢ ᠠᠪᠠᠴᠢᠵᠦ ᠦᠭᠭᠦᠶᠡ ᠁︾ ᠭᠡᠵᠦ ᠶᠠᠷᠢᠬᠰᠡᠨ ᠳ᠋ᠠᠭ᠃ ᠬᠦᠭᠡᠷᠦᠬᠦᠢ ᠡᠪᠦᠭᠡᠨ ᠨᠠᠰᠦ | ᠵᠢᠯ ᠢᠶᠠᠨ ᠮᠠᠷᠲᠠᠳᠠᠯᠡ ᠮᠤᠨᠤᠵᠦ ᠦᠲᠡᠯᠦᠭᠰᠡᠨ ᠴᠦ ᠦᠷᠡ ᠪᠠᠨ ᠭᠡᠰᠡᠨ ᠰᠡᠳᠬᠢᠯ ᠪᠤᠯᠤᠨ ᠦᠪᠡᠷ ᠤᠨ ᠢᠶᠠᠨ | ᠬᠠᠷᠢᠭᠤᠴᠠᠯᠭᠠ ᠪᠠᠨ ᠮᠠᠷᠲᠠᠬᠰᠡᠨ ᠦᠭᠡᠢ ᠠᠵᠢ᠃ | ᠦᠨᠡᠨ ᠬᠠᠶᠢᠷᠠ ᠳᠤ ᠦᠭᠡ ᠢᠯᠡᠭᠦᠳᠡᠨᠡ᠃ ︽ ᠬᠠᠶᠢᠷᠠ︾ ᠭᠡᠵᠦ ᠠᠮᠠᠨ ᠳᠡᠭᠡᠷᠡ ᠪᠠᠨ ᠯᠡ ᠶᠠᠷᠢᠳᠠᠭ ᠪᠢᠰᠢ | ᠂ ᠬᠠᠷᠢᠨ ᠠᠮᠢᠳᠤᠷᠠᠯ ᠤᠨ ᠵᠢᠵᠢᠭ ᠰᠠᠵᠢᠭ ᠵᠦᠢᠯᠡᠰ ᠲᠤ ᠨᠡᠪᠴᠢᠵᠦ᠂ ᠠᠵᠢᠯᠯᠠᠭᠠ ᠳᠡᠭᠡᠷᠡ ᠢᠯᠡᠷᠡᠳᠡᠭ ᠭᠡᠰᠡᠨ ᠢ | ᠡᠨᠡ ᠦᠯᠢᠭᠡᠷ ᠪᠢᠳᠡᠨ ᠳᠤ ᠦᠭᠦᠯᠡᠬᠦ ᠶᠤᠮ᠃ ᠨᠡᠭᠡᠷᠡᠨ ᠳ᠋ᠠ᠂ ᠦᠭᠡ ᠪᠠᠷ ᠢᠯᠡᠳᠭᠡᠵᠦ᠂ ᠦᠰᠦᠭ ᠪᠢᠴᠢᠭ ᠲᠤ | ᠪᠠᠭᠲᠠᠭᠠᠵᠦ ᠦᠯᠦ ᠳᠠᠶᠢᠯᠬᠦ ᠡᠨᠡᠷᠢᠯ ᠬᠠᠶᠢᠷᠠ ᠶᠢᠨ ᠳᠡᠭᠡᠲᠦ ᠶᠢ ᠠᠪᠤ ᠡᠵᠢ ᠶᠢᠨ ᠬᠠᠶᠢᠷᠡ ᠭᠡᠳᠡᠭ ᠪᠢᠯᠢᠤ︖ ᠶᠠᠭ | ᠯᠡ ᠮᠡᠷᠭᠡᠳ ᠤᠨ ᠶᠠᠷᠢᠬᠰᠡᠨ ᠮᠡᠲᠦ ︽ᠤᠬᠲᠠᠷᠭᠤᠢ ᠪᠠᠷ ᠨᠢᠰᠦᠭᠡᠳ ᠭᠠᠷᠬᠤ ᠰᠢᠪᠠᠭᠤᠳ ᠲᠤ ᠮᠦᠷ ᠠᠯᠠᠭᠠ︾ | ᠭᠡᠳᠡᠭᠴᠢᠯᠡᠨ᠂ ᠪᠢᠳᠡᠨ ᠢ ᠬᠠᠮᠤᠭ ᠠᠴᠠ ᠬᠠᠶᠢᠷᠠᠯᠠᠵᠦ ᠰᠠᠨᠠᠳᠠᠭ ᠠᠲᠠᠯᠡ ᠪᠠᠨ ︽ᠬᠠᠶᠢᠷᠠᠲᠠᠢ︾ ᠭᠡᠳᠡᠭ ᠭᠠᠭᠴᠠ | ᠦᠭᠡ ᠶᠢ ᠬᠠᠷᠠᠮᠨᠠᠵᠦ ᠴᠤᠬᠤᠢᠢᠯᠭᠠᠳᠠᠭ ᠦᠭᠡᠢ ᠨᠢ ᠴᠤᠬᠤᠮ ᠡᠵᠢ ᠠᠪᠤ ᠪᠤᠯᠬᠤ ᠭᠡᠯᠲᠡᠢ᠃ ᠡᠶᠢᠨ ᠬᠦ ᠶᠢᠷᠲᠢᠨᠴᠦ ᠳᠤ | ᠠᠶᠤᠬᠤ ᠠᠶᠤᠯ ᠲᠤᠭᠠᠯᠠᠭᠠᠳ ᠪᠠᠷᠠᠰᠢ ᠦᠭᠡᠢ ᠤᠯᠠᠨ ᠪᠠᠶᠢᠳᠠᠭ ᠴᠦ ᠬᠦᠮᠦᠰ ᠠᠪᠤ ᠡᠵᠢ ᠬᠤᠶᠠᠷ ᠢᠶᠠᠨ ᠯᠡ | ᠠᠴᠢᠯᠠᠵᠦ ᠴᠢᠳᠠᠬᠰᠡᠨ ᠦᠭᠡᠢ ᠭᠡᠵᠦ ᠠᠶᠤᠨᠠᠮ ᠪᠢᠯᠡ᠃ | ᠬᠠᠶᠢᠷᠡ ᠠᠮᠢᠳᠤᠷᠠᠯ ᠳᠡᠭᠡᠷᠡ ᠲᠤᠬᠲᠠᠳᠠᠭ ᠭᠡᠳᠡᠭ᠃ ᠲᠡᠭᠡᠬᠦ ᠳᠡᠭᠡᠨ ᠠᠮᠢᠳᠤᠷᠠᠯ ᠬᠠᠶᠢᠷᠠ ᠶᠢᠨ ᠠᠯᠲᠠᠨ | ᠬᠡᠯᠬᠢᠶᠡ ᠶᠢ ᠠᠪᠤ ᠶᠢᠨ ᠬᠡᠤᠭᠡᠳ ᠠᠳᠠᠯᠢ ᠪᠤᠰᠤ ᠪᠠᠷ ᠤᠡᠭᠰᠢᠵᠦ᠂ ᠦᠪᠡᠷ ᠦᠪᠡᠷ ᠤᠨ ᠢᠶᠠᠨ ᠦᠵᠡᠯᠲᠡ | ᠬᠠᠷᠠᠭᠠᠰᠦ ᠠᠴᠠ ᠦᠨᠡᠯᠡᠨ ᠪᠡᠯᠭᠡᠯᠡᠬᠦ ᠨᠢ ᠪᠤᠢ᠃ ᠪᠢᠲᠡ ᠠᠮᠠᠷᠬᠠᠴᠤᠤᠯ ᠤᠨ ᠪᠠᠶᠠᠷ᠂ ᠠᠨᠲᠠ ᠨᠠᠶᠢᠵᠠ ᠶᠢᠨ | ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠪᠠᠶᠠᠷ ᠵᠡᠷᠭᠡ ᠶᠢ ᠠᠯᠠᠭᠠᠨ ᠤ ᠪᠠᠨ ᠵᠢᠷᠤᠭᠠᠰᠦ ᠰᠢᠬ ᠲᠤᠲᠦ ᠮᠡᠳᠡᠵᠦ᠂ ᠪᠦᠭᠡᠮ ᠲᠡᠪᠵᠢᠶᠡᠨ | ᠪᠤᠯᠵᠦ ᠨᠠᠶᠢᠷᠯᠠᠯᠳᠤᠳᠠᠭ ᠠᠲᠠᠯᠡ ᠪᠠᠨ ᠠᠪᠤ ᠶᠢᠨ ᠪᠠᠶᠠᠷ᠂ ᠡᠵᠢ ᠶᠢᠨ ᠪᠠᠶᠠᠷ ᠠᠮᠢᠨᠴᠢᠬᠠᠨ ᠰᠠᠨᠠᠬᠰᠡᠨ ᠬᠤᠶᠠᠷ | ᠪᠤᠭᠤᠷᠤᠯ ᠤᠨ ᠢᠶᠠᠨ ᠲᠦᠷᠦᠭᠰᠡᠨ ᠡᠳᠦᠷ ᠢ ᠲᠤᠬᠲᠠᠭᠠᠵᠦ ᠴᠡᠭᠡᠵᠢᠯᠡᠬᠦ ᠶᠢ ᠪᠤᠤ ᠬᠡᠯᠡ᠂ ᠬᠠᠶᠠ ᠵᠠᠷᠢᠮ ᠠᠴᠠ ᠨᠢ ᠠᠪᠤ | ᠡᠵᠢ ᠶᠢᠨ ᠬᠢᠨᠢ ᠨᠠᠰᠦ ᠵᠢᠯ᠂ ᠨᠠᠮᠳᠠᠷ ᠲᠡᠤᠬᠡ ᠶᠢ ᠠᠰᠠᠭᠤᠵᠦ ᠰᠤᠷᠠᠬᠤ ᠳᠤ ᠠᠮᠠ ᠪᠠᠨ ᠠᠩᠭᠠᠢᠢᠨ ᠭᠦᠯᠢᠷᠡᠬᠦ ᠨᠢ | ᠤᠯᠠᠨ᠃ ᠶᠡᠷᠦ ᠨᠢ ᠲᠡᠷᠡ ᠪᠦᠬᠦᠨ ᠢ ᠪᠢᠳᠡ ᠲᠤᠬᠲᠠᠭᠠᠵᠦ ᠴᠡᠭᠡᠵᠢᠯᠡᠬᠦ ᠵᠠᠪ ᠦᠭᠡᠢ ᠶᠠᠪᠤᠬᠰᠡᠨ ᠭᠡᠬᠦ ᠠᠴᠠ | ᠠᠰᠠᠭᠤᠵᠦ ᠤᠢᠢᠯᠠᠭᠠᠬᠤ ᠤᠬᠠᠭᠠᠨ ᠰᠡᠭᠡᠭᠡ ᠴᠦ ᠤᠷᠭᠤᠬᠰᠡᠨ ᠦᠭᠡᠢ ᠭᠡᠬᠦ ᠳᠤ ᠢᠯᠡᠭᠦᠳᠡᠬᠦ ᠦᠭᠡᠢ᠃ ᠢᠢᠨ ᠬᠦ | ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠡᠳᠦᠷ ᠲᠤ ᠪᠤᠳᠤᠯ ᠰᠡᠳᠬᠢᠯ ᠤᠨ ᠰᠢᠪᠡᠨᠡᠭᠡ ᠪᠠᠨ ᠰᠢᠯᠵᠢᠶᠡ ᠵᠢᠷᠬᠢᠶᠡ ᠪᠠᠷ ᠰᠠᠴᠤᠵᠦ | ᠲᠤᠩᠬᠠᠬᠯᠠᠬᠤ ᠪᠠᠷ ᠢᠶᠠᠨ ᠠᠪᠤ ᠡᠵᠢ ᠳᠡᠭᠡᠨ ᠪᠡᠶᠡ ᠪᠠᠨ ᠦᠵᠡᠭᠦᠯᠦᠨ᠂ ᠪᠠᠷᠠ ᠪᠠᠨ ᠬᠠᠷᠠᠵᠦ ᠪᠠᠶᠠᠷᠯᠠᠭᠤᠯᠬᠤ ᠨᠢ ᠨᠡᠩ | ᠵᠢᠷᠭᠠᠯ ᠲᠠᠢ ᠭᠡᠵᠦ ᠪᠢ ᠬᠤᠪᠢᠨ ᠳᠠᠭᠠᠨ ᠪᠤᠳᠤᠳᠠᠭ᠃ |