| ᠬᠦᠰᠡᠭᠰᠡᠨ ᠢᠶᠠᠨ ᠤᠯᠵᠦ ᠪᠤᠯᠳᠠᠭ ᠪᠤᠯᠤᠭᠰᠠᠨ ᠤᠳᠤ ᠶᠢᠨ ᠴᠠᠭ ᠲᠤ ᠶᠠᠭᠤ ᠳᠠᠨ ᠳᠤ ᠴᠢᠬᠤᠯᠠ ᠰᠠᠨᠠᠭᠳᠠᠵᠦ | ᠪᠠᠶᠢᠭᠠ ᠪᠤᠢ⁈ ᠮᠠᠲ᠋ᠧᠷᠢᠶᠠᠯᠯᠢᠭ ᠵᠦᠢᠯᠡᠰ ᠲᠤ ᠳᠠ ᠪᠢᠳᠡ ᠪᠡᠶᠡ ᠰᠡᠳᠬᠢᠯ ᠢᠶᠠᠨ ᠪᠤᠭᠤᠭᠳᠠᠭᠤᠯᠵᠦ | ᠠᠮᠢᠳᠤᠷᠠᠭᠰᠠᠭᠠᠷ ᠪᠢᠯᠡ᠃ ᠪᠤᠳᠠᠰ ᠤᠨ ᠪᠠᠶᠠᠯᠢᠭ ᠮᠠᠰᠢ ᠡᠯᠪᠡᠭ ᠪᠤᠯᠤᠭᠰᠠᠨ ᠢᠶᠠᠷ ᠨᠢᠭᠡ ᠳᠠᠯᠠ ᠪᠠᠷ ᠮᠠᠰᠢ ︽ | ᠴᠠᠳᠬᠤᠯᠠᠩ ᠪᠠᠶᠢᠳᠠᠯ︾ ᠳᠤ ᠤᠷᠤᠵᠠᠢ᠃ ᠶᠠᠭᠤᠮᠠ ᠬᠡᠮᠵᠢᠶᠡᠨ ᠳᠤ ᠪᠠᠨ ᠪᠠᠶᠢᠬᠤ ᠳᠤ ᠰᠠᠶᠢᠬᠠᠨ ᠭᠡᠳᠡᠭ ᠢᠶᠠᠷ | ᠳᠡᠩᠳᠡᠬᠦᠦ ᠴᠠᠳᠬᠤᠯᠠᠩ ᠪᠠᠶᠢᠳᠠᠯ ᠨᠢ ᠪᠡᠶᠡ ᠰᠡᠳᠬᠢᠯ ᠢ ᠨᠢᠭᠡ ᠬᠡᠮᠵᠢᠶᠡᠨ ᠳᠤ ᠪᠤᠭᠤᠭᠳᠠᠭᠤᠯᠵᠦ᠂ ᠴᠢᠨᠠᠭᠰᠢ | ᠰᠡᠳᠬᠢᠬᠦ ᠦᠭᠡᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠭᠡᠳᠡᠭ᠃ | ᠪᠠᠷᠢ ᠪᠠᠭᠤᠯᠭᠠᠵᠦ ᠳᠤᠰᠠᠭᠠᠷ ᠠᠶᠢᠯ ᠪᠤᠯᠬᠤ ᠶᠢᠨ ᠳᠦᠯᠦᠭᠡ ᠬᠤᠳᠠ ᠳᠤ ᠰᠢᠨᠡ ᠭᠡᠷ ᠬᠤᠳᠠᠯᠳᠤᠨ ᠠᠪᠬᠤ | ᠱᠠᠭᠠᠷᠳᠠᠯᠭᠠ ᠲᠠᠢ ᠪᠤᠯᠤᠭᠰᠠᠨ ᠨᠢᠭᠡᠨ ᠵᠠᠯᠠᠭᠤ ᠶᠢᠨ ᠬᠦᠭᠡᠭᠡᠴᠡᠯᠳᠦᠯ ᠮᠠᠲ᠋ᠧᠷᠢᠶᠠᠯᠯᠢᠭ ᠵᠦᠢᠯᠡᠰ ᠬᠦᠮᠦᠨ ᠤ | ᠰᠡᠳᠬᠢᠬᠦᠢ ᠶᠢ ᠬᠢᠷᠢ ᠵᠡᠷᠭᠡ ᠪᠤᠭᠤᠳᠠᠭ ᠢ ᠬᠡᠯᠡᠵᠦ ᠦᠭᠬᠦᠨᠡ᠃ ᠨᠠᠶᠠᠨ ᠬᠡᠳᠦᠨ ᠬᠠᠪᠳᠠᠭᠠᠢ ᠳᠦᠷᠪᠡᠯᠵᠢᠨ ᠮᠧᠲᠷ | ᠤᠨ ᠬᠠᠭᠤᠴᠢᠨ ᠭᠡᠷ ᠨᠢ ᠬᠦᠦ ᠳᠤ ᠭᠤᠯᠤᠭᠳᠠᠪᠠ᠃ ᠬᠦᠦ ᠴᠠᠬᠢᠯᠭᠠᠨ ᠱᠠᠳᠤ ᠲᠠᠢ ᠠᠰᠠᠷ ᠤᠨ 145 ᠬᠠᠪᠳᠠᠭᠠᠢ | ᠳᠦᠷᠪᠡᠯᠵᠢᠨ ᠮᠧᠲᠷ ᠳᠠᠯᠠᠪᠠᠢ ᠲᠠᠢ ᠭᠡᠷ ᠢ ᠬᠤᠳᠠᠯᠳᠤᠵᠦ ᠠᠪᠬᠤ ᠪᠠᠷ ᠪᠤᠯᠪᠠ᠃ ᠡᠵᠢ ᠨᠢ ᠬᠠᠭᠤᠴᠢᠨ ᠭᠡᠷ ᠢᠶᠠᠨ | ᠬᠤᠳᠠᠯᠳᠤᠵᠦ ᠰᠢᠨᠡ ᠭᠡᠷ ᠤᠨ ᠬᠢᠨᠢ ᠤᠷᠢᠳᠴᠢᠯᠠᠵᠦ ᠳᠤᠰᠢᠶᠠᠬᠤ ᠶᠤᠰᠤᠳᠠᠢ ᠨᠢᠭᠡ ᠪᠦᠯᠦᠭ ᠵᠤᠭᠤᠰ ᠢ ᠨᠢ | ᠳᠤᠰᠢᠶᠠᠬᠤ ᠪᠠᠷ ᠪᠤᠯᠵᠠᠢ᠃ ᠡᠵᠢ ᠬᠤᠷᠢᠨ ᠬᠡᠳᠦᠨ ᠬᠠᠪᠳᠠᠭᠠᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠳᠠᠯᠠᠪᠠᠢ ᠪᠦᠬᠦᠢ ᠳᠡᠷᠭᠡᠨ ᠤ | ᠬᠦᠮᠦᠷᠭᠡ ᠪᠠᠨ ᠵᠠᠰᠠᠵᠦ ᠰᠠᠭᠤᠬᠤ ᠪᠠᠷ ᠰᠢᠢᠳᠴᠡᠢ᠃ ︽ᠰᠢᠨᠡ ᠠᠶᠢᠯ ᠪᠤᠯᠬᠤ ᠳᠤ ᠰᠢᠨᠡ ᠭᠡᠷ ᠬᠡᠷᠡᠭᠳᠡᠢ᠂ ᠳᠡᠭᠡᠬᠦ | ᠮᠦᠷᠳᠡᠭᠡᠨ ᠬᠦᠮᠦᠨ ᠠᠴᠠ ᠶᠠᠭᠠᠬᠢᠭᠰᠠᠨ ᠴᠤ ᠳᠤᠤᠷᠠ ᠤᠷᠤᠬᠤ ᠪᠠᠷ ᠦᠭᠡᠢ ᠳᠤᠮᠤ ᠭᠡᠷ ᠪᠠᠶᠢᠬᠤ ᠭᠡᠷᠡᠭᠳᠡᠢ︾ ᠭᠡᠳᠡᠭ | ᠦᠵᠡᠯ ᠪᠤᠳᠤᠯ ᠨᠢ ᠡᠵᠢ ᠶᠢ ᠪᠠᠨ ᠮᠠᠷᠳᠠᠬᠤ ᠳᠤ ᠬᠦᠷᠭᠡᠵᠡᠢ᠃ ᠳᠤᠮᠤ ᠭᠡᠷ ᠭᠤᠶᠤ ᠮᠠᠰᠢᠨ ᠪᠤᠯ ᠤᠳᠤᠬᠠᠨ ᠤ | ᠬᠦᠮᠦᠰ ᠤᠨ ᠬᠠᠮᠤᠭ ᠤᠨ ᠱᠠᠭᠠᠷᠳᠠᠵᠦ ᠪᠠᠶᠢᠭᠠ ᠮᠠᠲ᠋ᠧᠷᠢᠶᠠᠯᠯᠢᠭ ᠵᠦᠢᠯᠡᠰ ᠤᠨ ᠳᠦᠯᠦᠭᠡᠯᠡᠯ ᠮᠦᠨ᠃ ᠡᠳᠡᠭᠡᠷ | ᠵᠦᠢᠯᠡᠰ ᠪᠠᠶᠢᠬᠤ ᠦᠭᠡᠢ ᠪᠤᠯ ᠠᠮᠢᠳᠤᠷᠠᠬᠤ ᠦᠭᠡᠢ ᠮᠡᠳᠦ ᠪᠤᠯᠴᠢᠬᠠᠭᠰᠠᠨ ᠬᠦᠮᠦᠰ ᠵᠦᠡᠭᠳᠡᠭᠡᠨ ᠤᠯᠠᠨ ᠪᠤᠯᠪᠠ᠃ | ᠡᠨᠡ ᠪᠤᠯ ᠮᠠᠲ᠋ᠧᠷᠢᠶᠠᠯᠯᠢᠭ ᠵᠦᠢᠯᠡᠰ ᠲᠤ ᠬᠡᠳᠦ ᠰᠢᠨᠤᠭᠰᠠᠨ ᠪᠤᠶᠤ ᠪᠤᠳᠤᠯ ᠢᠶᠠᠨ ᠡᠵᠡᠯᠡᠬᠦᠯᠥᠭᠰᠡᠨ ᠤ ᠦᠷᠡ ᠳ᠋ᠦᠡᠭ | ᠪᠢᠯᠡ᠃ ᠭᠡᠷ ᠬᠢᠷᠢ ᠳᠤᠮᠤ ᠪᠠᠶᠢᠬᠤ᠂ ᠮᠠᠰᠢᠨ ᠬᠡᠳᠦᠢ ᠦᠨᠡᠳᠡᠢ ᠪᠠᠶᠢᠬᠤ ᠨᠢ ᠠᠮᠢᠳᠤᠷᠠᠯ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠢ | ᠳᠤᠭᠳᠠᠭᠠᠬᠤ ᠡᠯᠧᠮᠧᠨ᠋ᠲ ᠪᠢᠰᠢ ᠭᠡᠳᠡᠭ ᠢ ᠤᠬᠠᠭᠠᠷᠠᠬᠤ ᠠᠴᠠ ᠨᠠᠭᠠᠰᠢ ᠡᠵᠢ ᠶᠢ ᠪᠠᠨ ᠤᠷᠤᠬᠤ ᠭᠡᠷ ᠦᠭᠡᠢ ᠪᠤᠯᠳᠠᠯᠠ | ︽ᠭᠠᠴᠢᠭᠰᠠᠨ︾ ᠤ ᠴᠠᠭᠠᠨᠠᠬᠢ ᠶᠢ ᠪᠤᠳᠤᠬᠤ ᠦᠭᠡᠢ ᠶᠤᠮ᠃ ᠨᠢᠳᠦᠨ ᠳᠤ ᠦᠵᠡᠭᠳᠡᠭᠡ ᠭᠡᠷ ᠳᠡᠷᠭᠡ ᠳᠡᠬᠦᠨ ᠤ | ᠬᠤᠯᠪᠤᠨ ᠪᠤᠳᠤᠬᠤ ᠰᠡᠳᠬᠢᠬᠦᠢ ᠶᠢ ᠪᠤᠭᠤᠵᠦ ᠤᠷᠬᠢᠭᠰᠠᠨ ᠢᠶᠠᠷ ᠬᠠᠶᠢᠷᠠᠯᠠᠬᠤ ᠡᠨᠡᠷᠢᠬᠦ ᠰᠡᠳᠬᠢᠯ ᠢ ᠨᠢ ᠴᠦ | ᠮᠠᠷᠳᠠᠭᠤᠯᠬᠤ ᠳᠤ ᠬᠦᠷᠭᠡᠵᠡᠢ᠃ ᠮᠠᠲ᠋ᠧᠷᠢᠶᠠᠯᠯᠢᠭ ᠵᠦᠢᠯᠡᠰ ᠤᠨ ᠴᠠᠭᠠᠨᠠ ᠳᠡᠬᠦᠨ ᠠᠴᠠ ᠬᠤᠯᠠ ᠢᠯᠡᠬᠦᠦ | ᠬᠦᠨᠳᠦᠳᠭᠡᠭᠳᠡᠬᠦ ᠤᠴᠢᠷᠳᠠᠢ ᠵᠦᠢᠯᠡᠰ ᠪᠠᠶᠢᠳᠠᠭ ᠢ ᠪᠤᠳᠤᠳᠠᠭ ᠬᠦᠮᠦᠨ ᠶᠠᠭᠤᠮᠠᠨ ᠤ ᠵᠢᠩᠬᠢᠨᠢ ᠦᠨᠡ ᠦᠷᠳᠡᠭ᠂ | ᠰᠡᠳᠬᠢᠯ ᠤᠨ ᠠᠮᠤᠷ ᠠᠮᠤᠭᠤᠯᠠᠩ᠂ ᠬᠠᠶᠢᠷᠠ ᠰᠡᠳᠬᠢᠯ ᠤᠨ ᠳᠦᠬᠦᠷᠡᠩ ᠳᠦᠪᠰᠢᠨ ᠢ ᠢᠯᠡᠬᠦᠦ ᠮᠡᠳᠡᠷᠡᠨ | ᠠᠮᠢᠳᠤᠷᠠᠨᠠ᠃ ᠳᠡᠳᠡ ᠶᠠᠭᠠᠬᠢᠯᠠ ᠴᠤ ᠬᠠᠶᠢᠷᠠᠳᠠᠢᠬᠦ᠋ᠮᠦᠰ ᠤᠨ ᠢᠶᠠᠨ ᠵᠤᠪᠠᠯᠠᠩ ᠳᠡᠭᠡᠷᠡ ᠦᠪᠡᠷ ᠤᠨ ᠠᠵᠠ | ᠵᠢᠷᠭᠠᠯ ᠢᠶᠠᠨ ᠴᠤᠭᠴᠠᠯᠠᠬᠤ ᠪᠠᠷ ᠦᠭᠡᠢ᠃ | ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ ᠮᠠᠰᠢᠳᠡ ᠰᠠᠶᠢᠵᠢᠷᠠᠵᠦ ᠪᠠᠶᠢᠭᠠ ᠴᠠᠭ ᠲᠤ ᠬᠦᠮᠦᠰ ᠰᠠᠶᠢᠨ ᠪᠦᠭᠡᠳ ᠰᠠᠶᠢᠬᠠᠨ ᠢ | ᠡᠳ᠋ᠯᠡᠬᠦ ᠶᠢ ᠬᠦᠰᠡᠬᠦ ᠨᠢ ᠳᠤᠯᠤᠭᠠᠨ ᠵᠦᠪ᠃ ᠳᠡᠭᠡᠯᠡ ᠴᠤ ᠬᠦᠮᠦᠨ ᠢ ᠵᠤᠪᠠᠭᠠᠵᠦ ᠪᠠᠶᠢᠵᠦ ᠰᠠᠶᠢᠨ ᠰᠠᠶᠢᠬᠠᠨ ᠢ | ᠦᠮᠴᠢᠯᠡᠵᠦ ᠠᠪᠬᠤ ᠨᠢ ᠵᠦᠪ ᠰᠡᠳᠬᠢᠬᠦᠢ ᠮᠦᠨ ᠬᠡᠵᠢ ᠤᠤ⁈ ᠳᠡᠷᠡ ᠳᠤᠮᠳᠠ ᠪᠠᠨ ᠳᠦᠷᠦᠭᠰᠡᠨ ᠡᠵᠢ ᠪᠠᠨ | ᠤᠷᠤᠬᠤ ᠭᠡᠷ ᠦᠭᠡᠢ ᠪᠤᠯᠳᠠᠯᠠ ᠵᠤᠪᠠᠭᠠᠵᠦ ᠶᠠᠪᠤᠪᠠᠰᠤ ᠨᠡᠭᠡᠷᠡᠨ ᠯᠡ ︽ᠡᠭᠡ ᠶᠢᠨ ᠰᠠᠨᠠᠭᠠ ᠦᠷᠡ ᠳᠤ᠂ ᠦᠷᠡ ᠶᠢᠨ | ᠰᠠᠨᠠᠭᠠ ᠠᠭᠤᠯᠠᠨ ᠳᠤ︾ ᠪᠤᠯᠬᠤ ᠪᠤᠰᠤ ᠤᠤ⁈ ︽ᠬᠦᠨᠵᠢᠯᠡ ᠶᠢᠨ ᠢᠶᠠᠨ ᠬᠢᠷᠢ ᠪᠠᠷ ᠬᠦᠯ ᠢᠶᠠᠨ ᠵᠢᠬᠢᠬᠦ︾ ᠭᠡᠵᠦ | ᠬᠡᠮ ᠬᠡᠮᠵᠢᠶᠡᠨ ᠤ ᠳᠤᠬᠠᠢ ᠨᠢᠭᠡᠨ ᠰᠠᠶᠢᠬᠠᠨ ᠬᠡᠯᠡᠯᠭᠡ ᠪᠠᠶᠢᠳᠠᠭ ᠢ ᠪᠢᠳᠡ ᠰᠠᠨᠠᠯᠳᠠᠢ᠃ ᠪᠤᠳᠠᠰ ᠤᠨ᠂ ᠤᠶᠤᠨ ᠤ᠂ | ᠰᠡᠳᠬᠢᠯ ᠤᠨ ᠭᠡᠳ ᠦᠨᠡᠳᠡᠢ ᠪᠡᠨᠡᠳᠡᠢ ᠵᠦᠢᠯᠡᠰ ᠳᠠ ᠪᠢᠳᠡᠨ ᠤ ᠠᠮᠢᠳᠤᠷᠠᠯ ᠳᠤ ᠵᠦᠡᠭᠳᠡᠭᠡᠨ᠃ ᠵᠦᠪᠭᠡᠨ | ᠮᠠᠲ᠋ᠧᠷᠢᠶᠠᠯᠯᠢᠭ ᠵᠦᠢᠯᠡᠰ ᠲᠤ ᠰᠢᠨᠤᠭᠠᠳ ᠨᠢᠳᠦ ᠰᠤᠬᠤᠷ ᠰᠡᠳᠬᠢᠯ ᠬᠦᠢᠳᠡᠨ ᠶᠠᠪᠤᠪᠠᠰᠤ ᠬᠦᠮᠦᠨ ᠤ ᠶᠤᠰᠤᠨ ᠳᠤ | ᠨᠡᠶᠢᠴᠡᠬᠦ ᠦᠬᠡᠢ ᠳᠡᠨᠡᠭ ᠤᠴᠢᠷ ᠦᠢᠯᠡᠳᠬᠦ ᠪᠤᠰᠤ ᠤᠤ⁈ |