| ᠲᠠᠩᠰᠤᠭ ᠨᠠᠮᠤᠷ ᠰᠠᠭᠠᠳᠠᠭᠰᠠᠠ ᠲᠡᠮᠡᠴᠢ ᠶᠢᠨ ᠲᠠᠯᠠ ᠳᠤ ᠲᠠᠪᠤᠠ ᠬᠤᠰᠢᠭᠤ ᠮᠠᠯ ᠨᠢ ᠲᠠᠷᠭᠤᠠ ᠲᠠᠪᠠᠳᠠᠢ | ᠪᠡᠯᠴᠢᠵᠤ᠂ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠶᠢᠨ ᠲᠠᠭᠤᠠ ᠬᠠᠨᠭ᠍ᠭᠢᠨᠠᠨ ᠦᠡᠭᠰᠢᠭ ᠨᠠᠮᠤᠷ ᠤᠨ ᠦᠵᠡᠮᠵᠢ ᠲᠤᠳᠤᠷᠠᠵᠥ᠂ ᠠᠵᠢᠯᠴᠢ | ᠮᠠᠯᠴᠢᠤᠡ ᠮᠠᠩᠨᠠᠢ ᠲᠡᠶᠢᠢᠨ ᠪᠠᠶᠠᠰᠤᠨᠠ᠃ | ᠲᠤᠮᠳᠠᠳᠤ ᠮᠤᠩᠭᠤᠯ ᠤᠨ ᠬᠢᠯᠢ ᠶᠢᠨ ᠱᠤᠭᠤᠮ ᠠᠴᠠ 8 ᠭᠠᠵᠠᠷ ᠵᠠᠶᠢᠳᠠᠢ ᠪᠠᠶᠢᠷᠢᠯᠠᠭᠠ ᠰᠦᠨᠢᠳ ᠵᠡᠬᠦᠨ | ᠬᠤᠰᠢᠭᠤᠨ ᠤ ᠲᠠᠯᠠᠢ ᠰᠤᠮᠤ ᠶᠢᠨ ᠪᠠᠶᠠᠨᠪᠤᠯᠠᠭ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠡᠷᠬᠡᠳᠤ ᠶᠢᠨ ᠬᠢ ᠬᠤᠰᠢᠭᠤᠨ ᠲᠦᠪ | ᠮᠠᠨᠳᠠᠯᠳᠤ ᠪᠠᠯᠭᠠᠰᠤᠨ ᠠᠴᠠ ᠪᠠᠨ 260 ᠭᠠᠷᠤᠢ ᠭᠠᠵᠠᠷ ᠵᠠᠶᠢᠲᠠᠢ ᠴᠥ ᠵᠠᠮ ᠬᠠᠷᠢᠯᠴᠠᠭᠠ ᠲᠦᠭᠦᠮ ᠦᠭᠡᠢ ᠭᠡᠳᠡᠭ ᠢ | ᠬᠤᠶᠠᠷ ᠴᠠᠭ ᠭᠠᠷᠤᠢ ᠠᠶᠠᠯᠠᠨ ᠪᠠᠶᠢᠵᠤ ᠰᠠᠶ᠋ᠢ ᠬᠦᠷᠦᠭᠰᠡᠨ ᠪᠢᠳᠡ ᠤᠶᠢᠯᠠᠭᠠᠵᠤ ᠪᠢᠯᠡ᠃ | ᠲᠠᠯᠠ ᠶᠢᠨ ᠬᠦᠨ ᠳᠤ ᠰᠠᠭᠤᠷᠢᠰᠢᠭᠰᠠᠨ ᠡᠳᠡᠨᠡᠶᠢᠬᠢᠨ ᠤᠰᠤ ᠴᠠᠬᠢᠯᠭᠠᠨ ᠴᠢᠮᠡᠭᠡ ᠬᠤᠯᠪᠤᠭᠠ ᠴᠤ ᠲᠦᠭᠦᠮ | ᠦᠭᠡᠢ ᠪᠠᠶᠢᠬᠠ ᠭᠡᠵᠤ ᠪᠤᠳᠤᠭᠰᠠᠭᠠᠷ ᠪᠢᠲᠠ ᠡᠭᠦᠳᠡᠨ ᠳᠤᠨᠢ ᠤᠶᠢᠷᠠᠤᠨᠴᠤ ᠪᠠᠭᠤᠪᠠ᠃ ᠭᠡᠷ ᠤᠨ ᠡᠵᠡᠨ ᠡᠷᠬᠡᠳᠤ | ᠭᠡᠷᠭᠡᠢ ᠨᠤᠮᠢᠨᠬᠤᠸᠠᠷ ᠲᠠᠢ ᠪᠠᠨ ᠪᠢᠳᠡᠨ ᠢ ᠬᠠᠯᠠᠭᠤᠨ ᠢᠶᠠᠷ ᠤᠭᠳᠤᠵᠤ ᠭᠡᠷ ᠲᠡᠭᠡᠨ ᠵᠠᠯᠠᠯᠠ᠃ ᠴᠡᠪᠡᠷ ᠲᠤᠬᠢᠯᠢᠭ | ᠭᠡᠷ ᠲᠤᠨᠢ ᠲᠤᠮᠤ ᠭᠡᠭᠴᠢ ᠲᠤᠯᠸᠢᠰ᠂ ᠠᠭᠠᠷ ᠴᠡᠪᠡᠷᠰᠢᠬᠦᠯᠦᠭᠴᠢ᠂ ᠬᠤᠪᠴᠠᠰᠤ ᠤᠬᠢᠶᠠᠬᠤ ᠮᠠᠰᠢᠨ ᠵᠡᠷᠭᠡ ᠴᠠᠬᠢᠯᠭᠠᠨ | ᠬᠡᠷᠡᠭᠰᠡᠯ ᠠᠴᠠ ᠭᠠᠳᠠᠨᠠ ᠺᠤᠮᠫᠢᠦ᠋ᠲ᠋ᠤᠷ᠂ ᠠᠯᠤᠰ ᠡᠵᠡᠮᠳᠡᠬᠦᠷ᠂ ᠤᠶᠤᠨᠴᠢᠯᠠᠭᠰᠠᠨ ᠲᠤᠯᠠᠭᠠᠯᠠᠭᠠ ᠬᠠᠩᠭᠠᠬᠤ | ᠲᠦᠭᠦᠭᠡᠷᠦᠮᠵᠢ ᠵᠡᠷᠭᠡ ᠰᠢᠨᠡ ᠮᠠᠶ᠋ᠢᠭ ᠤᠨ ᠭᠡᠷ ᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠪᠦᠷᠢᠨ ᠪᠠᠶᠢᠭᠰᠠᠨ ᠨᠢ ᠪᠢᠳᠠᠠ ᠤ | ᠰᠠᠨᠠᠭᠠᠰᠢᠷᠠᠭᠰᠠᠨ ᠵᠦᠢᠯᠡᠰ ᠢᠯᠡᠬᠦᠴᠡ ᠬᠡᠲᠡᠭ ᠢᠶᠠᠨ ᠮᠡᠳᠡᠷᠡᠵᠡᠢ᠃ ︽ᠤᠳᠤ ᠮᠠᠰᠢ ᠲᠦᠭᠦᠮ ᠪᠤᠯᠤᠭᠰᠠᠨ ᠰᠢᠤ᠂ | ᠬᠡᠷ ᠲᠡᠭᠡᠨ ᠰᠠᠭᠤᠭᠠᠳ ᠬᠤᠨᠢ ᠦᠬᠡᠷ ᠢᠶᠠᠨ ᠬᠠᠷᠠᠴᠢᠬᠠᠨᠠ᠂ ᠠᠮᠢᠳᠤᠷᠠᠯ ᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ᠂ ᠮᠠᠰᠢᠨ ᠲᠡᠷᠭᠡᠨ ᠤ | ᠡᠷᠬᠢ ᠱᠤᠷᠠᠭ ᠵᠡᠷᠭᠡ ᠵᠦᠢᠯᠡᠰ ᠢ ᠪᠦᠷ ᠭᠠᠷ ᠤᠳᠠᠰᠤ ᠪᠠᠨ ᠬᠡᠷᠡᠭᠯᠡᠨ ᠰᠥᠯᠵᠢᠶᠡᠨ ᠲᠡᠭᠡᠷᠡ ᠠᠴᠠ ᠠᠪᠤᠴᠢᠬᠠᠨᠠ᠂ | ᠭᠠᠷ ᠤᠳᠠᠰᠤᠨ ᠲᠡᠭᠡᠷᠡᠬᠢ ᠴᠢᠲᠠᠪᠬᠢ ᠪᠠᠷ ᠲᠤᠯᠠᠭᠠᠯᠠᠭᠠ ᠪᠠᠨ ᠪᠠᠰᠠ ᠨᠡᠬᠡᠬᠡᠴᠢᠬᠡᠨᠡ᠂ ᠤᠯᠠᠩᠬᠢ ᠵᠦᠢᠯ ᠢ ᠭᠠᠷ | ᠤᠳᠠᠰᠤ ᠪᠠᠷ ᠡᠵᠡᠮᠰᠢᠵᠤ ᠲᠡᠶᠢᠯᠬᠦ ᠪᠤᠯᠵᠠᠢ︾ ᠭᠡᠵᠤ ᠡᠷᠬᠡᠳᠤ ᠺᠤᠮᠫᠢᠦᠲ᠋ᠧᠷ ᠤᠨ ᠢᠶᠠᠨ ᠡᠮᠦᠨᠡ ᠰᠠᠭᠤᠵᠥ᠂ | ᠪᠡᠯᠴᠢᠭᠡᠷ ᠲᠡᠭᠡᠨ ᠢᠲᠡᠰᠢᠯᠡᠵᠥ ᠪᠠᠶᠢᠭᠠ ᠬᠤᠨᠢ ᠪᠠᠨ ᠠᠯᠤᠰ ᠡᠵᠡᠮᠳᠡᠭᠦᠷ ᠢᠶᠠᠷ ᠢᠶᠠᠨ ᠪᠢᠳᠡᠨ ᠳᠤ ᠦᠵᠡᠬᠦᠯᠬᠦ ᠶᠢᠨ | ᠬᠠᠮᠳᠤ ᠪᠠᠰᠠ ᠭᠠᠷ ᠤᠳᠠᠰᠤ ᠪᠠᠨ ᠨᠡᠬᠡᠬᠡᠵᠤ᠂ ᠡᠮᠦᠨᠡ ᠬᠡᠳᠦᠨ ᠡᠳᠦᠷ ᠰᠦ᠋ᠯᠵᠢᠶᠡᠨ ᠲᠡᠭᠡᠷᠡ ᠠᠴᠠ ᠶᠠᠭᠤᠮᠠ | ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠲᠡᠮᠳᠡᠭᠯᠡᠯ ᠢᠶᠠᠨ ᠦᠵᠡᠬᠦᠯᠦᠨᠡ᠃ ᠤᠳᠤ ᠴᠠᠭ ᠤᠨ ᠡᠳ᠋ᠯᠠᠯ ᠭᠡᠷᠡᠭᠰᠡᠯ ᠢᠶᠠᠷ ᠦᠷᠦᠭᠡ | ᠭᠡᠷ ᠢᠶᠠᠨ ᠴᠢᠮᠡᠵᠤ᠂ ᠲᠡᠯᠡᠭᠡᠢ ᠶᠢᠷᠲᠢᠨᠴᠦ ᠶᠢᠨ ᠰᠤᠨᠢᠡ ᠭᠠᠶᠢᠬᠠᠮᠰᠢᠭ ᠢ ᠬᠤᠶᠢᠮᠤᠷ ᠲᠠᠭᠠᠨ ᠰᠠᠭᠤᠠ ᠤᠶᠢᠯᠠᠭᠠᠵᠤ᠂ | ᠤᠳᠤᠭᠢᠴᠢᠯᠠᠭᠰᠠᠠ ᠲᠦᠭᠦᠭᠡᠷᠦᠮᠵᠢ ᠶᠢ ᠦᠢᠯᠡᠤᠨᠪᠤᠷᠢᠯᠡᠯ ᠠᠮᠢᠳᠤᠷᠠᠯ ᠳᠠᠭᠠᠨ ᠭᠡᠷᠡᠭᠯᠡᠵᠤ ᠪᠠᠶᠢᠭᠠ ᠲᠠᠯᠠ ᠶᠢᠨ | ᠮᠠᠯᠴᠢᠡ ᠤ ᠠᠮᠢᠳᠤᠷᠠᠯ ᠭᠡᠵᠤ ᠪᠠᠭ᠋ᠠᠷᠤᠭᠤᠰᠢᠳᠠᠢ᠃ | ᠡᠷᠬᠡᠳᠤ ᠶᠢᠨ ᠬᠢ ᠭᠡᠷ ᠲᠡᠭᠡᠨ ᠲᠠᠪᠤᠭᠤᠯᠠ᠂ ᠬᠤᠪᠢᠳᠠᠨ ᠲᠠᠭᠠᠭᠠᠴᠢᠯᠠᠭᠰᠠᠨ ᠨᠤᠳᠤᠭ ᠪᠡᠯᠴᠢᠭᠡᠷ ᠲᠡᠭᠡᠷᠠ ᠪᠠᠨ | ᠪᠤᠰᠤᠳ ᠠᠴᠠ ᠪᠠᠰᠠ ᠨᠤᠳᠤᠭ ᠲᠦᠷᠢᠶᠡᠰᠦᠯᠡᠵᠥ᠂ ᠪᠡᠯᠴᠢᠭᠡᠷ ᠤᠨ ᠢᠶᠠᠨ ᠲᠠᠭᠠᠭᠠᠴᠠ ᠶᠢ ᠦᠨᠳᠦᠰᠦᠯᠡᠨ 400 | ᠭᠠᠷᠤᠢ ᠰᠦᠨᠢᠳ ᠬᠤᠨᠢ ᠪᠠ 50 ᠭᠠᠷᠤᠢ ᠨᠤᠳᠤᠭ ᠤᠨ ᠦᠬᠡᠷ ᠮᠠᠯᠵᠢᠵᠤ᠂ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ | ᠨᠦᠬᠦᠴᠡᠯ ᠢᠶᠠᠨ ᠰᠠᠶᠢᠵᠢᠷᠠᠭᠤᠯᠤᠨ᠂ ᠮᠠᠯ ᠤᠨ ᠡᠭᠦᠯᠳᠡᠷ ᠤᠭᠰᠠᠭᠠ ᠪᠠᠨ ᠰᠢᠯᠢᠳᠡᠭᠵᠢᠬᠦᠯᠵᠤ᠂ ᠠᠷᠢᠭᠤᠨ ᠬᠦᠳᠡᠯᠮᠦᠷᠢ | ᠤᠬᠠᠭᠠᠨ ᠲᠠᠮᠢᠷ ᠢᠶᠠᠷ ᠠᠮᠢᠳᠤᠷᠠᠯ ᠢᠶᠠᠨ ᠦᠬᠡᠳᠡᠯᠡᠬᠦᠯᠦᠭᠰᠡᠭᠡᠷ ᠢᠷᠡᠵᠡᠢ᠃ ᠡᠭᠦᠯᠳᠡᠷ ᠤᠨ ᠮᠠᠯ ᠮᠠᠯᠵᠢᠵᠤ᠂ ᠴᠦᠬᠡᠨ | ᠮᠠᠯ ᠠᠴᠠ ᠦᠨᠳᠦᠷ ᠦᠷᠡ ᠠᠰᠢᠭ ᠬᠦᠷᠳᠡᠬᠦ ᠵᠠᠮ ᠢᠶᠠᠷ ᠵᠠᠮᠨᠠᠵᠥ ᠪᠠᠶᠢᠭᠠ ᠤᠳᠤ ᠡᠷᠢᠨ ᠳᠤ ᠡᠳᠡᠨᠡᠶᠢᠬᠢᠨ | ᠪᠡᠯᠴᠢᠭᠡᠷ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠡᠷᠬᠢᠮᠯᠡᠨ ᠨᠤᠳᠤᠭ ᠤᠨ ᠡᠬᠦᠯᠲᠡᠷ ᠭᠤᠤᠯᠲᠠᠢ ᠮᠠᠯ ᠮᠠᠯᠵᠢᠳᠠᠭ ᠤᠨ ᠢᠶᠠᠨ | ᠲᠤᠬᠠᠢ᠄ ︽ᠮᠢᠨᠤ ᠪᠤᠳᠤᠬᠤ ᠪᠠᠷ ᠨᠤᠳᠤᠭ ᠤᠨ ᠡᠬᠦᠯᠲᠡᠷ ᠪᠤᠯ ᠤᠷᠤᠨ ᠨᠤᠳᠤᠭ ᠤᠨ ᠪᠠᠶᠢᠭᠠᠯᠢ ᠤᠷᠴᠢᠨ ᠳᠤ | ᠲᠠᠰᠴᠥ᠂ ᠠᠭᠤᠷ ᠠᠮᠢᠰᠬᠤᠯ ᠳᠠᠭᠠᠨ ᠵᠤᠬᠢᠴᠠᠭᠰᠠᠨ ᠦᠪᠡᠷ ᠤᠨ ᠤᠨᠴᠠᠯᠢᠭ ᠲᠠᠢ᠂ ᠮᠠᠯᠵᠢᠬᠤ ᠳᠤ ᠲᠦᠭᠦᠮ᠂ ᠰᠢᠮᠡ | ᠲᠡᠵᠢᠭᠡᠯ ᠰᠠᠶᠢᠳᠠᠢ᠂ ᠲᠡᠭᠡᠭᠦ ᠪᠠᠷ ᠪᠢ ᠤᠳᠠᠭᠠᠨ ᠵᠢᠯ ᠨᠤᠳᠤᠭ ᠤᠨ ᠡᠬᠦᠯᠲᠡᠷ ᠤᠨ ᠮᠠᠯ ᠢᠶᠠᠨ ᠮᠠᠯᠵᠢᠭᠰᠠᠭᠠᠷ ᠢᠷᠡᠵᠡᠢ︾ | ᠭᠡᠵᠤ ᠡᠷᠬᠡᠳᠤ ᠦᠵᠡᠯᠳᠡ ᠪᠠᠨ ᠲᠡᠯᠭᠡᠭᠰᠡᠨ ᠢᠶᠠᠨ ᠵᠠᠯᠭᠠᠭᠠᠳ ᠪᠠᠰᠠ ︽ᠶᠠᠮᠠᠷ ᠡᠭᠦᠯᠳᠡᠷ ᠤᠨ ᠮᠠᠯ ᠮᠠᠯᠵᠢᠭᠰᠠᠨ ᠴᠤ | ᠴᠢᠨᠠᠷ ᠴᠢᠨᠰᠠᠭᠠ ᠶᠢ ᠨᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠬᠡᠷᠡᠭᠳᠡᠢ᠂ ᠪᠡᠯᠴᠢᠬᠡᠷᠯᠡᠬᠦᠯᠦᠨ ᠮᠠᠯᠵᠢᠬᠤ ᠶᠢ ᠡᠷᠬᠢᠮᠯᠡᠵᠤ᠂ ᠮᠠᠯ | ᠤᠨᠤᠭᠠ ᠶᠢᠨ ᠢᠳᠡᠯᠬᠡ ᠶᠢ ᠬᠦᠢᠴᠡᠳ ᠦᠭᠴᠤ᠂ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠲᠤᠯᠠᠭᠠᠬᠠᠨ ᠪᠠᠶᠢᠯᠭᠠᠵᠤ᠂ ᠡᠬᠡ ᠮᠠᠯ ᠤᠨ | ᠲᠠᠷᠭᠤ ᠬᠦᠴᠦ ᠶᠢ ᠪᠠᠭᠤᠷᠠᠭᠤᠯᠬᠤ ᠦᠭᠡᠢ᠂ ᠴᠢᠨᠠᠷ ᠴᠢᠨᠰᠠᠭᠠ ᠶᠢ ᠪᠠᠳᠤᠯᠠᠬᠤ ᠬᠡᠷᠡᠭᠳᠡᠢ︾ ᠭᠡᠵᠤ ᠶᠠᠷᠢᠯᠠ᠃ | ᠮᠠᠯ ᠠᠵᠤ ᠠᠬᠤᠢ ᠶᠢ ᠬᠦᠭᠵᠢᠬᠦᠯᠬᠦ ᠳᠤ ᠰᠠᠭᠤᠷᠢ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠪᠤᠯ ᠥᠨᠲᠤᠰᠤᠨ ᠨᠦᠬᠦᠴᠡᠯ | ᠪᠤᠯᠬᠤ ᠶᠢ ᠰᠠᠶᠢᠨ ᠮᠡᠳᠡᠳᠡᠭ ᠡᠷᠬᠡᠳᠤ ᠦᠩᠭᠡᠷᠡᠭᠰᠡᠨ ᠳᠤ ᠮᠠᠯ ᠤᠨ ᠦᠨᠡ ᠬᠠᠩᠰᠢ ᠲᠤᠤᠷᠠ᠂ ᠠᠮᠢᠳᠤᠷᠠᠯ ᠤᠨ | ᠨᠦᠬᠦᠴᠡᠯ ᠠᠨᠠᠢ᠂ ᠵᠠᠮ ᠨᠡᠪᠳᠡᠷᠡᠯᠬᠡ ᠲᠦᠭᠦᠮ ᠦᠭᠡᠢ ᠪᠤᠯᠬᠤᠷ ᠭᠠᠳᠠᠨᠠ ᠠᠴᠠ ᠸᠠᠭᠠᠷ ᠲᠤᠭᠤᠰᠬᠠ | ᠤᠷᠤᠭᠤᠯᠬᠤ ᠳᠤ ᠬᠦᠴᠢᠷ ᠪᠠᠶᠢᠳᠠᠯ ᠢ ᠲᠡᠰᠪᠦᠷᠢᠯᠡᠵᠤ᠂ ᠨᠤᠳᠤᠭ ᠲᠠᠭᠠᠨ ᠪᠠᠶᠢᠭᠠ ᠬᠠᠳᠠ ᠴᠢᠯᠠᠭᠤ ᠶᠢ ᠲᠡᠭᠡᠭᠡᠵᠤ᠂ | ᠬᠦᠯᠦᠰᠦᠨ ᠠᠵᠢᠯᠴᠢᠨ ᠬᠦᠯᠦᠰᠦᠯᠡᠨ ᠴᠢᠯᠠᠭᠤ ᠪᠠᠷ ᠫᠧᠩ ᠬᠤᠷᠤᠭᠠ ᠵᠡᠷᠭᠡᠯᠡᠨ ᠪᠤᠰᠬᠠᠵᠥ ᠬᠡᠷᠡᠭᠯᠡᠵᠤ ᠪᠠᠶᠢᠵᠠᠢ᠃ | ᠰᠡᠬᠦᠯᠡᠷ ᠨᠢ ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ ᠰᠠᠶᠢᠵᠢᠷᠠᠬᠤ ᠶᠢ ᠲᠠᠭᠠᠯᠳᠤᠨ ᠪᠡᠯᠡ ᠤᠷᠤᠭᠤᠯᠤᠯᠳᠠ ᠪᠠᠨ ᠵᠢᠯ ᠲᠤᠲᠤᠮ | ᠨᠡᠮᠡᠭᠳᠡᠬᠦᠯᠵᠥ᠂ ᠫᠧᠩ ᠬᠤᠷᠤᠭᠠᠨ ᠤ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠪᠠᠨ ᠴᠢᠩᠭᠠᠳᠬᠠᠭᠰᠠᠨ ᠢᠶᠠᠷ ᠤᠳᠤ ᠪᠤᠯᠬᠤ ᠳᠤ | ᠨᠡᠶᠢᠲᠡ 600 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠲᠠᠯᠠᠪᠠᠢ ᠪᠦᠬᠦᠢ ᠦᠬᠡᠷ ᠤᠨ ᠫᠧᠩ᠂ ᠬᠤᠨᠢᠨ ᠤ ᠫᠧᠩ | ᠪᠠᠶᠢᠭᠤᠯᠤᠭᠰᠠᠨ ᠪᠦᠭᠡᠳ ᠪᠠᠰᠠ ᠨᠠᠷᠠᠨ ᠤ ᠡᠨᠧᠷᠬᠢ ᠪᠠᠷ ᠲᠤᠯᠠᠭᠠᠯᠠᠭᠠ ᠬᠠᠩᠭᠠᠬᠤ ᠰᠢᠰᠲ᠋ᠧᠮ ᠤᠭᠰᠠᠷᠠᠭᠰᠠᠨ ᠨᠢ | ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠬᠦᠭᠵᠢᠬᠦᠯᠬᠦ ᠳᠤ ᠰᠠᠶᠢᠨ ᠰᠠᠭᠤᠷᠢ ᠲᠠᠢ ᠪᠤᠯᠵᠠᠢ᠃ | ᠪᠡᠯᠴᠢᠬᠡᠷᠯᠡᠬᠦᠯᠦᠨ ᠮᠠᠯᠵᠢᠬᠤ ᠪᠠᠷ ᠭᠤᠤᠯᠯᠠᠭᠰᠠᠨ ᠡᠷᠬᠡᠳᠤ ᠶᠢᠨ ᠬᠤᠨᠢ ᠥᠭᠡᠷ ᠤᠨ ᠮᠢᠬᠠ ᠨᠢ ᠪᠠᠶᠢᠭᠠᠯᠢᠯᠢᠭ | ᠮᠦᠷᠳᠡᠭᠡᠨ ᠰᠢᠮᠡ ᠲᠡᠵᠢᠭᠡᠯ ᠰᠠᠶᠢᠳᠠᠢ ᠠᠴᠠ ᠬᠤᠯᠠ ᠤᠶᠢᠷᠠ ᠳᠠᠭᠠᠨ ᠲᠠᠭᠠᠰᠢᠶᠠᠭᠳᠠᠵᠤ᠂ ᠡᠷᠬᠡᠳᠤ ᠪᠦᠰᠡᠬᠦᠢ | ᠨᠤᠮᠢᠨᠬᠤᠸᠠᠷ ᠲᠠᠢ ᠪᠠᠨ ᠵᠦᠪᠳᠡᠯᠴᠡᠨ ᠵᠢᠯ ᠳᠤ ᠬᠤᠨᠢ ᠦᠬᠡᠷ ᠢᠶᠠᠨ ᠨᠢᠭᠡᠯᠡ ᠤᠳᠠᠭᠠ ᠳᠤ ᠪᠦᠬᠦᠨ ᠢ ᠵᠠᠷᠤᠴᠠᠭᠤᠯᠬᠤ | ᠪᠢᠰᠢ᠂ ᠬᠠᠷᠢᠨ ᠨᠢᠭᠡ ᠪᠥᠯᠥᠭ ᠢ ᠨᠢ ᠦᠯᠡᠳᠡᠭᠡᠨ ᠦᠪᠡᠷ ᠢᠶᠠᠨ ᠠᠯᠠᠵᠤ ᠨᠢᠳᠤᠯᠤᠨ ᠪᠤᠭᠤᠳᠠᠯᠯᠠᠵᠤ᠂ ᠲᠠᠨᠢᠵᠤ | ᠮᠡᠳᠡᠳᠡᠭ ᠬᠦᠮᠦᠰ ᠲᠡᠭᠡᠨ ᠬᠤᠳᠠᠯᠳᠤᠬᠤ ᠪᠤᠯᠤᠭᠰᠠᠨ ᠨᠢ ᠵᠠᠬᠠ ᠲᠡᠯᠭᠡᠭᠦᠷ ᠤᠨ ᠦᠨᠡ ᠬᠠᠩᠰᠢ ᠶᠢᠨ ᠬᠡᠯᠪᠡᠯᠵᠡᠯ ᠠᠴᠠ | ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠪᠤᠷᠤᠯᠠᠭᠤᠯᠭᠠ ᠨᠦᠯᠦᠬᠡᠯᠡᠭᠳᠡᠬᠦ ᠪᠠᠶᠢᠳᠠᠯ ᠢ ᠪᠠᠰᠠ ᠨᠢᠭᠡᠨ ᠬᠡᠮᠵᠢᠶᠡᠨ ᠳᠤ ᠠᠷᠭᠠᠴᠠᠭᠠᠵᠥ | ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠵᠥ ᠪᠠᠶᠢᠭᠠ ᠪᠢᠯᠡ᠃ ︽ᠪᠡᠯᠴᠢᠬᠡᠷᠯᠡᠬᠦᠯᠦᠨ ᠮᠠᠯᠵᠢᠭᠰᠠᠨ ᠮᠠᠯ ᠪᠤᠯᠬᠤᠷ ᠮᠢᠬᠠᠨ ᠤ ᠦᠨᠦᠷ | ᠠᠮᠳᠠ ᠰᠠᠶᠢᠨ᠂ ᠰᠢᠨᠡ ᠰᠤᠷᠭᠤᠭ ᠪᠤᠯᠬᠤᠷ ᠠᠪᠬᠤ ᠬᠦᠮᠦᠨ ᠤᠯᠠᠨ︾ ᠭᠡᠵᠤ ᠰᠡᠷᠬᠡᠭ ᠤᠬᠠᠭᠠᠨ ᠲᠠᠢ ᠨᠤᠮᠢᠨᠬᠤᠸᠠᠷ | ᠶᠠᠷᠢᠨᠠ᠃ | ᠤᠰᠤ ᠴᠠᠬᠢᠯᠭᠠᠨ ᠵᠠᠮ ᠴᠢᠮᠡᠭᠡ ᠬᠤᠯᠪᠤᠭᠠ ᠪᠤᠯ ᠰᠢᠨᠠ ᠮᠠᠯᠵᠢᠬᠤ ᠤᠷᠤᠨ ᠤ ᠬᠥᠭᠵᠢᠯᠲᠡ ᠶᠢᠨ ᠰᠠᠭᠤᠷᠢ | ᠨᠦᠬᠦᠴᠡᠯ᠃ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠵᠢᠴᠢ ᠨᠠᠮ ᠵᠠᠰᠠᠭ ᠤᠨ ᠬᠠᠶᠢᠷᠠ ᠬᠠᠯᠠᠮᠵᠢ᠂ ᠬᠠᠪᠰᠤᠷᠤᠯᠭᠠ ᠲᠡᠮᠵᠢᠯᠭᠡ | ᠲᠤᠤᠷᠠ ᠬᠢᠯᠢ ᠶᠢᠨ ᠮᠠᠯᠴᠢᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ ᠢᠯᠡᠳᠳᠡ ᠰᠠᠶᠢᠵᠢᠷᠠᠵᠠᠢ᠃ | ᠡᠷᠬᠡᠳᠤ ᠶᠢᠨ ᠬᠢ ᠴᠤ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢᠨ ᠠᠰᠢᠭ ᠢ ᠬᠦᠷᠳᠡᠵᠤ᠂ ᠵᠤᠰᠠᠯᠠᠩ ᠤᠨ ᠨᠤᠳᠤᠭ ᠨᠢ ᠴᠠᠬᠢᠯᠭᠠᠨ | ᠤᠳᠠᠰᠤᠨ ᠱᠤᠭᠤᠮ ᠠᠴᠠ ᠤᠶᠢᠷᠠᠯᠴᠠᠭᠠ ᠪᠤᠯᠬᠤᠷ 2019 ᠤᠨ ᠳᠤ ᠴᠠᠬᠢᠯᠭᠠᠨ ᠲᠠᠲᠠᠭᠰᠠᠨ ᠪᠠᠶᠢᠯᠠ᠃ ᠴᠠᠬᠢᠯᠭᠠᠨ | ᠨᠡᠪᠳᠡᠷᠡᠭᠰᠡᠨ ᠤ ᠲᠠᠷᠠᠭᠠ ᠵᠢᠯ ᠳᠤᠨᠢ ᠮᠠᠰᠢᠨ ᠬᠤᠳᠳᠤᠭ ᠮᠠᠯᠲᠠᠵᠥ᠂ ᠬᠦᠮᠦᠨ ᠮᠠᠯ ᠤᠨ ᠠᠷᠢᠭᠤᠨ ᠴᠡᠪᠡᠷ ᠤᠰᠤ | ᠤᠮᠳᠠ ᠶᠢᠨ ᠠᠰᠠᠭᠤᠳᠠᠯ ᠢᠶᠠᠨ ᠰᠶᠢᠳᠪᠦᠷᠢᠯᠡᠵᠡᠢ᠃ ᠡᠬᠦᠨ ᠤ ᠲᠠᠷᠠᠭᠠ ᠪᠠᠷ ᠡᠷᠭᠡᠲᠥ ᠪᠠᠰᠠ 20 ᠭᠠᠷᠤᠢ ᠲᠦᠮᠡᠨ | ᠲᠦᠭᠦᠷᠢᠭ ᠪᠡᠯᠡ ᠵᠠᠷᠤᠴᠠᠭᠤᠯᠤᠨ ᠵᠤᠰᠠᠯᠠᠩ ᠤᠨ ᠢᠶᠠᠨ ᠪᠠᠶᠢᠰᠢᠩ ᠠᠴᠠ ᠡᠮᠦᠨᠡᠰᠢ 4 ᠭᠠᠵᠠᠷ ᠤᠨ ᠵᠠᠢ ᠳᠤ | ᠪᠠᠶᠢᠷᠢᠯᠠᠭᠠ ᠪᠠᠶᠢᠩᠭᠤ ᠶᠢᠨ ᠰᠠᠭᠤᠷᠢᠰᠢᠯ ᠳᠠᠭᠠᠨ ᠴᠠᠬᠢᠯᠭᠠᠨ ᠨᠡᠪᠲᠡᠷᠡᠬᠦᠯᠥᠭᠰᠡᠨ ᠢᠶᠠᠷ 20 ᠭᠠᠷᠤᠢ ᠵᠢᠯ ᠴᠠᠬᠢᠯᠭᠠᠨ | ᠬᠡᠷᠡᠭᠯᠡᠬᠦ ᠳᠤ ᠬᠦᠴᠢᠷ ᠠᠰᠠᠭᠤᠳᠠᠯ ᠢᠶᠠᠨ ᠰᠶᠢᠳᠪᠦᠷᠢᠯᠡᠭᠰᠡᠨ ᠪᠤᠯ 2020 ᠤᠨ ᠳᠤ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ | ᠤᠷᠤᠨ ᠳᠤ ᠤᠲᠠᠰᠤᠬᠦᠢ ᠥᠷᠭᠡᠨ ᠪᠦᠰᠡᠲᠦ ᠰᠦᠯᠵᠢᠶᠡ ᠪᠦᠷᠬᠦᠭᠦᠯᠬᠦ ᠲᠦᠷᠦᠯ ᠵᠦᠢᠯ ᠢᠶᠠᠷ ᠭᠡᠷ ᠲᠡᠭᠡᠨ ᠰᠦᠯᠵᠢᠶᠡ | ᠨᠡᠪᠳᠡᠷᠡᠬᠦᠯᠥᠭᠰᠡᠨ ᠨᠢ ᠤᠯᠠᠨ ᠵᠢᠯ ᠦᠨᠳᠦᠷ ᠭᠠᠵᠠᠷ ᠡᠷᠢᠵᠤ ᠭᠠᠷ ᠤᠳᠠᠰᠤᠨ ᠲᠤᠬᠢᠶᠠ ᠡᠷᠢᠳᠡᠭ ᠪᠠᠶᠢᠲᠠᠯ ᠢᠶᠠᠨ | ᠥᠭᠡᠷᠡᠴᠢᠯᠡᠵᠥ᠂ ᠭᠡᠷ ᠲᠡᠭᠡᠨ ᠰᠠᠭᠤᠵᠥ ᠪᠠᠶᠢᠭᠠᠳ ᠭᠠᠳᠠᠨᠠᠬᠢ ᠲᠠᠢ ᠬᠠᠷᠢᠴᠠᠵᠤ ᠲᠡᠶᠢᠯᠬᠦ ᠪᠤᠯᠪᠠ᠃ ᠡᠶᠢᠨᠬᠦ | ᠴᠠᠬᠢᠯᠭᠠᠨ ᠪᠤᠯᠤᠨ ᠰᠦᠯᠵᠢᠶᠡ ᠨᠡᠪᠲᠡᠷᠡᠭᠰᠡᠨ ᠢᠶᠠᠷ 2021 ᠤᠨ ᠳᠤ 2 ᠲᠥᠮᠡ ᠭᠠᠷᠤᠢ ᠮᠥ ᠪᠡᠯᠴᠢᠭᠡᠷ ᠢᠶᠠᠨ | ᠪᠦᠬᠦᠨ ᠢ ᠪᠦᠷᠬᠦᠬᠦᠯᠦᠭᠰᠡᠨ ᠠᠯᠤᠰ ᠡᠵᠡᠮᠳᠡᠭᠦᠷ ᠤᠭᠰᠠᠷᠠᠵᠤ᠂ ᠮᠤᠲ᠋ᠤᠷ ᠤᠨᠤᠭᠠᠳ ᠬᠤᠨᠢ ᠥᠭᠡᠷ ᠢᠶᠠᠨ ᠬᠠᠶᠠ | ᠨᠢᠭᠡ ᠡᠷᠬᠢᠬᠦᠯᠳᠡᠭ ᠠᠴᠠ ᠪᠢᠰᠢ ᠤᠤᠯ ᠤᠨ ᠬᠢ ᠰᠢᠬ ᠡᠳᠦᠷ ᠪᠤᠯᠭᠠᠨ ᠠᠷᠤ ᠠᠴᠠ ᠨᠢ ᠲᠠᠭᠠᠬᠤ ᠴᠢᠬᠤᠯᠠ ᠦᠭᠡᠢ | ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠭᠡᠷ ᠲᠡᠭᠡᠨ ᠤᠶᠤᠨᠴᠢᠯᠠᠭᠰᠠᠨ ᠲᠤᠯᠠᠭᠠᠯᠠᠭᠠ ᠤᠷᠤᠭᠤᠯᠤᠭᠰᠠᠨ ᠪᠤᠯᠬᠤᠷ ᠭᠠᠲᠠᠭᠰᠢ | ᠭᠠᠷᠤᠭᠠᠳ ᠪᠤᠴᠠᠵᠥ ᠢᠷᠡᠬᠦ ᠠᠴᠠ ᠡᠮᠦᠨᠡ ᠭᠠᠷ ᠤᠳᠠᠰᠤ ᠪᠠᠷ ᠢᠶᠠᠨ ᠭᠡᠷ ᠤᠨ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠪᠠᠨ | ᠲᠤᠬᠢᠷᠠᠭᠤᠯᠳᠠᠭ ᠪᠤᠯᠬᠤᠷ ᠬᠡᠳᠦᠢ ᠬᠦᠢᠳᠡᠨ ᠡᠳᠦᠷ ᠪᠠᠶᠢᠭᠰᠠᠨ ᠴᠤ ᠭᠡᠷ ᠲᠡᠭᠡᠨ ᠤᠷᠤᠭᠠᠳ ᠢᠷᠡᠬᠦ ᠳᠤ ᠪᠥᠯᠢᠶᠡᠨ | ᠲᠤᠯᠠᠭᠠᠨ ᠠᠭᠠᠷ ᠡᠮᠥᠨᠠ ᠠᠴᠠ ᠨᠢ ᠤᠭᠲᠤᠲᠠᠭ᠃ ᠡᠲᠥᠷ ᠲᠤᠲᠤᠮ ᠬᠡᠷᠡᠭᠰᠡᠬᠦ ᠤᠯᠠᠩᠭᠢ ᠵᠥᠢᠯ ᠢᠶᠠᠨ ᠲᠤᠤᠷ | ᠰᠦᠯᠵᠢᠶᠡ ᠠᠴᠠ ᠠᠪᠲᠠᠭ ᠪᠤᠯᠬᠤᠷ ᠪᠠᠶᠢᠩᠭᠤ ᠬᠤᠰᠢᠭᠤ ᠤᠷᠤᠬᠤ ᠬᠡᠷᠡᠭ ᠦᠭᠡᠢ ᠪᠤᠯᠤᠭᠰᠠᠨ ᠨᠢ ᠲᠤᠰᠤ ᠤᠰᠤᠨ ᠤ | ᠵᠠᠷᠤᠯᠭᠠ ᠶᠢ ᠴᠥ ᠶᠡᠬᠡᠪᠡᠷ ᠠᠷᠪᠢᠯᠠᠳᠠᠭ ᠭᠡᠵᠥ ᠪᠠᠶᠢᠯᠠ᠃ ︽ᠴᠠᠬᠢᠯᠭᠠᠨ ᠪᠤᠯᠤᠨ ᠰᠦᠯᠵᠢᠶᠡ ᠨᠡᠪᠳᠡᠷᠡᠬᠦ ᠠᠴᠠ | ᠡᠮᠦᠨᠡ ᠶᠤᠰᠤᠳᠠᠢ ᠨᠢᠳᠤ ᠪᠠᠶᠢᠭᠠᠳ ᠰᠤᠬᠤᠷ ᠴᠢᠬᠢ ᠪᠠᠶᠢᠭᠠᠳ ᠲᠦᠯᠡᠢ ᠬᠡᠮᠡᠷ᠂ ᠤᠳᠤ ᠰᠥᠯᠵᠢᠶᠠ ᠠᠴᠠ | ᠶᠢᠷᠲᠢᠨᠴᠦ ᠶᠢ ᠬᠠᠷᠠᠴᠢᠬᠠᠨᠠ᠂ ᠭᠠᠷ ᠤᠳᠠᠰᠤ ᠪᠠᠷ ᠬᠠᠷᠢᠴᠠᠴᠢᠬᠠᠨᠠ᠂ ᠨᠡᠶᠢᠭᠡᠮ ᠬᠦᠭᠵᠢᠵᠤ ᠠᠮᠢᠳᠤᠷᠠᠯ ᠡᠶᠢᠮᠤ | ᠲᠦᠭᠦᠮ ᠪᠤᠯᠤᠨᠠ ᠭᠡᠵᠤ ᠶᠡᠷᠦ ᠪᠤᠳᠤᠵᠥ ᠦᠩᠭᠡᠷᠡᠭᠰᠡᠨ ᠦᠭᠡᠢ︾ ᠭᠡᠵᠤ ᠨᠤᠮᠢᠨᠬᠤᠸᠠᠷ ᠶᠠᠷᠢᠨᠠ᠃ | ᠤᠬᠠᠭᠠᠯᠢᠭ ᠭᠦᠳᠡᠯᠮᠤᠷᠢᠴᠢ ᠰᠥᠨᠢᠳ ᠮᠠᠯᠴᠢᠤᠠ ᠮᠠᠨᠢ ᠠᠵᠢᠭᠴᠢ ᠰᠡᠷᠭᠡᠭ ᠤᠬᠠᠭᠠᠨ᠂ ᠠᠵᠢᠯᠴᠢ ᠬᠤᠶᠠᠷ | ᠭᠠᠷ ᠢᠶᠠᠷ ᠢᠶᠠᠨ ᠤᠳᠤᠭᠢᠴᠢᠯᠠᠭᠰᠠᠠ ᠠᠮᠢᠳᠤᠷᠠᠯ ᠢᠶᠠᠨ ᠴᠤᠭᠴᠠᠯᠠᠠ᠂ ᠲᠡᠮᠡᠴᠢ ᠶᠢᠨ ᠲᠠᠯᠠ ᠳᠤ ᠵᠢᠷᠭᠠᠯ ᠤᠨ ᠤᠶᠠᠩᠭᠠ | ᠴᠠᠯᠭᠢᠯᠠᠭᠤᠯᠵᠥ᠂ ᠭᠦᠷᠭᠦ ᠢᠷᠡᠭᠡᠳᠦᠢ ᠶᠢᠨ ᠰᠠᠶᠢᠡ ᠰᠠᠶᠢᠬᠠᠠ ᠵᠦᠭ ᠭᠦᠰᠡᠯ ᠤᠨ ᠵᠢᠯᠤᠭᠤ ᠰᠤᠩᠭᠠᠠ ᠢᠳᠡᠭᠡᠯ | ᠲᠡᠭᠦᠯᠳᠠᠷ ᠤᠷᠤᠭᠰᠢᠯᠠᠨᠠ᠃ |