| ᠳᠠᠯᠠᠨ ᠳᠠᠪᠤᠨ ᠵᠢᠯ ᠤᠨ ᠡᠮᠦᠨᠡ ᠶᠠᠮᠠᠷ ᠪᠠᠶᠢᠯᠠ ᠳ᠋ᠠ︖ ᠭᠡᠵᠦ ᠬᠡᠨ ᠨᠢᠭᠡᠨ ᠡᠷᠭᠡ ᠦᠭᠡᠢ ᠳᠤᠷᠠᠰᠤᠭᠰᠠᠨ | ᠠᠷᠪᠠᠳᠤᠭᠠᠷ ᠰᠠᠷᠠ ᠬᠦᠷᠦᠭᠡᠳ ᠢᠷᠡᠯᠠ᠃ ᠳᠡᠶᠢᠮᠦ ᠡ᠂ ᠡᠭᠡ ᠤᠯᠤᠰ ᠲᠠᠢ ᠪᠠᠨ ᠨᠠᠰᠤ ᠬᠤᠷᠠᠭ ᠬᠦᠮᠦᠰ ᠯᠡ ᠡᠨᠡ | ᠳᠤᠬᠠᠢ ᠠᠯᠠᠭᠠᠨ ᠤ ᠪᠠᠨ ᠵᠢᠷᠤᠭᠠᠰᠤ ᠰᠢᠭ ᠮᠡᠳᠡᠬᠦ ᠪᠢᠵᠡ︖ ᠳᠠᠯᠠᠨ ᠳᠠᠪᠤᠨ ᠵᠢᠯ ᠭᠡᠬᠦ ᠪᠠᠷ ᠨᠢᠳᠦ ᠢᠷᠮᠡᠬᠦ | ᠬᠤᠭᠤᠷᠤᠨᠳᠤ ᠦᠡᠭᠭᠡᠷᠡᠭᠰᠡᠨ ᠴᠠᠭ ᠮᠡᠳᠦ ᠵᠠᠷᠢᠮ ᠨᠢ ᠪᠤᠳᠤᠳᠠᠭ ᠴᠦ ᠶᠡᠭᠡ ᠤᠯᠠᠨ ᠢ ᠠᠭᠤᠯᠵᠦ᠂ ᠵᠢᠷᠳᠢᠨᠴᠦ ᠶᠢᠨ | ᠰᠠᠶᠢᠨ ᠰᠠᠶᠢᠬᠠᠨ ᠬᠢᠭᠡᠳ ᠬᠠᠷᠠ ᠪᠠᠷᠠᠭᠠᠨ ᠢ ᠳᠡᠭᠡᠰᠦ ᠳᠠᠮᠤᠬᠤ ᠮᠡᠳᠦ ᠳᠤᠭᠤᠯᠵᠦ ᠢᠷᠡᠭᠰᠡᠨ ᠴᠠᠭ ᠬᠤᠭᠤᠴᠠᠭᠠ | ᠪᠠᠶᠢᠵᠦ ᠯᠡ ᠳᠠᠭᠠᠷᠠᠨᠠ᠃ ᠶᠠᠮᠠᠷ ᠭᠠᠵᠠᠷ ᠤᠷᠤᠨ ᠤ ᠮᠠᠨᠳᠤᠯ ᠬᠦᠭᠵᠢᠯ ᠤᠨ ᠠᠶᠠᠨ ᠵᠠᠮ ᠳᠤ ᠰᠠᠭᠠᠳ ᠳᠤᠳᠬᠠᠷ | ᠪᠤᠶᠤ ᠬᠦᠴᠢᠷ ᠳᠦᠪᠡᠭ ᠳᠤᠯᠭᠠᠷᠠᠳᠠᠭ ᠨᠢ ᠵᠦᠢ᠃ ᠪᠦᠬᠦᠨ ᠢ ᠳᠤᠭᠤᠯᠤᠭᠠᠳ ᠰᠠᠶᠢᠨ ᠰᠠᠶᠢᠬᠠᠨ ᠵᠦᠭ ᠳᠡᠮᠡᠤᠯᠬᠦ | ᠡᠷᠴᠢ ᠬᠦᠴᠦ ᠡᠷᠡᠮᠡᠭᠡᠢ ᠵᠤᠷᠢᠭ ᠯᠡ ᠬᠤᠭᠤᠷᠠᠰᠢ ᠦᠭᠡᠢ ᠨᠤᠭᠤᠷᠠᠰᠢ ᠦᠭᠡᠢ ᠳᠤᠭ ᠪᠤᠯᠵᠦ ᠦᠯᠡᠳᠡᠳᠡᠭ ᠶᠤᠮᠰᠠᠨ᠃ | ᠬᠦᠰᠡᠯ ᠳᠡᠮᠡᠤᠯᠦᠯ ᠤᠨ ᠢᠳᠡ ᠬᠦᠴᠦᠨ ᠢᠶᠠᠷ ᠳᠠᠯᠠᠨ ᠳᠠᠪᠤᠨ ᠵᠢᠯ ᠤᠨ ᠬᠦᠭᠵᠢᠯ ᠬᠤᠪᠢᠷᠠᠯ ᠤᠨ ᠳᠤᠮᠳᠠ ᠶᠡᠭᠡ | ᠰᠢᠯᠢ ᠨᠤᠲᠤᠭ ᠮᠠᠨᠢ ᠦᠡᠭᠭᠡᠵᠢᠨ ᠬᠤᠪᠢᠷᠠᠵᠦ ᠦᠭᠡᠳᠡ ᠬᠡᠶᠢᠮᠦᠷᠢ ᠪᠠᠨ ᠳᠡᠭᠡᠳᠦᠯᠡᠨ ᠪᠤᠢ ᠨᠢ ᠦᠨᠡᠨ ᠪᠢᠯᠡ᠃ | ᠤᠮᠠᠷᠠᠳᠤ ᠬᠢᠯᠢ ᠪᠠᠨ ᠰᠠᠬᠢᠨ ᠠᠮᠢᠳᠤᠷᠠᠭᠠ ᠰᠢᠯᠢ ᠶᠢᠨ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠦᠢᠯᠡᠳᠪᠤᠷᠢᠯᠡᠯ ᠴᠦ ᠰᠢᠨᠡ ᠴᠠᠭ | ᠦᠶᠡ ᠶᠢᠨ ᠦᠡᠭᠭᠡ ᠳᠦᠷᠬᠦ ᠶᠢ ᠬᠠᠷᠠᠭᠤᠯᠤᠨ᠂ ᠠᠯᠢ ᠳᠠᠯᠠ ᠠᠴᠠ ᠨᠢ ᠠᠪᠴᠦ ᠬᠡᠯᠡᠭᠰᠡᠨ ᠴᠦ ᠦᠡᠭᠭᠡᠷᠡᠭᠰᠡᠨ ᠲᠠᠢ | ᠬᠠᠷᠢᠴᠠᠭᠤᠯᠤᠰᠢ ᠦᠭᠡᠢ ᠦᠭᠡᠷᠡᠴᠢᠯᠡᠯᠳᠡ ᠭᠠᠷᠤᠭᠰᠠᠨ ᠨᠢ ᠢᠯᠡᠭᠡᠨ᠃ | ᠤᠨᠤᠭᠠ ᠬᠦᠰᠭᠡ ᠪᠤᠯ ᠠᠮᠢᠳᠤᠷᠠᠯ ᠳᠤ ᠳᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠵᠦᠢᠯ ᠶᠤᠮᠰᠠᠨ᠃ ᠤᠨ ᠵᠢᠯ ᠤᠨ | ᠬᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ ᠶᠢ ᠤᠨᠤᠭᠠ ᠬᠦᠰᠭᠡ ᠠᠴᠠ ᠢᠯᠡᠳᠳᠡ ᠬᠠᠷᠠᠬᠤ ᠪᠤᠯᠤᠮᠵᠢ ᠲᠠᠢ᠃ 75 ᠵᠢᠯ ᠤᠨ ᠡᠮᠦᠨᠡ | ᠰᠤᠮᠤ ᠤᠷᠤᠬᠤ ᠭᠡᠪᠡᠯ ᠪᠦᠳᠦᠨ ᠡᠳᠦᠷ᠂ ᠵᠠᠷᠢᠮ ᠳᠠᠭᠠᠨ ᠬᠤᠨᠤᠭᠤᠳᠠ ᠦᠨᠵᠢᠬᠦᠳᠡ ᠶᠢᠨ ᠠᠵᠢᠯ ᠪᠤᠯᠳᠠᠭ ᠪᠠᠶᠢᠭᠰᠠᠨ | ᠪᠤᠯ ᠤᠳᠤ ᠴᠠᠢ ᠪᠤᠴᠠᠯᠬᠤ ᠶᠢᠨ ᠬᠤᠭᠤᠷᠤᠨᠳᠤ ᠬᠦᠷᠳᠡᠭ ᠪᠤᠯᠴᠢᠬᠠᠭᠰᠠᠨ ᠢ ᠶᠠᠭᠤ ᠪᠠᠷ ᠵᠦᠢᠷᠯᠡᠬᠦ ᠪᠢᠯᠡ ᠳ᠋ᠧ︖ | ᠬᠠᠷᠪᠤᠭᠰᠠᠨ ᠰᠤᠮᠤ ᠰᠢᠭ ᠴᠠᠬᠢᠯᠵᠦ ᠬᠦᠷᠦᠯᠡ ᠭᠡᠳᠡᠭ ᠨᠢ ᠡᠨᠡ ᠪᠠᠶᠢᠬᠠ᠃ ᠠᠪᠠᠭᠠ ᠬᠤᠰᠢᠭᠤᠨ ᠤ ᠴᠠᠭᠠᠨᠨᠠᠭᠤᠷ | ᠰᠤᠮᠤᠨ ᠤ ᠪᠠᠶᠠᠨᠪᠤᠯᠠᠭ ᠭᠠᠴᠠᠭᠠᠨ ᠤ ᠨᠠᠰᠤᠳᠠᠨ ᠪᠠᠳᠤᠳᠤᠯᠭᠠᠭᠤᠷᠢ᠄ ︽ᠳᠠᠯᠠᠭᠠᠳ ᠤᠨ ᠳᠤ ᠮᠠᠨ ᠤ ᠭᠠᠴᠠᠭᠠᠨ ᠤ | ᠠᠶᠢᠯ ᠤᠨ ᠵᠠᠭᠤᠨ ᠤ ᠶᠡᠷᠡ ᠨᠢ ᠦᠭᠡᠷ ᠳᠡᠷᠭᠡ ᠲᠠᠢ ᠪᠠᠶᠢᠭᠰᠠᠨ᠃ ᠮᠤᠷᠢᠨ ᠳᠡᠷᠭᠡ ᠲᠠᠢ ᠠᠶᠢᠯ ᠶᠡᠭᠡ ᠴᠦᠭᠡᠨ | ᠪᠠᠶᠢᠭᠰᠠᠨ ᠰᠢᠤ᠃ ᠬᠠᠶᠠ ᠨᠢᠭᠡ ᠳᠡᠮᠡᠭᠡᠨ ᠳᠡᠷᠭᠡ ᠲᠠᠢ ᠠᠶᠢᠯ ᠲᠠᠭᠠᠷᠠᠳᠠᠭ᠃ ᠳᠠᠯᠠᠭᠠᠳ ᠤᠨ ᠳᠤ | ᠭᠠᠴᠠᠭᠠᠨ ᠳᠠᠭᠠᠨ ᠨᠢᠭᠡ ᠲᠷᠠᠺᠲ᠋ᠤᠷ ᠲᠠᠢ ᠪᠤᠯᠤᠭᠰᠠᠨ᠃ ᠮᠠᠨ ᠤ ᠬᠢ ᠠᠴᠠ ᠰᠤᠮᠤ ᠶᠡᠷᠡᠨ ᠭᠠᠵᠠᠷ᠂ ᠵᠤᠨ ᠤ ᠴᠠᠭ ᠲᠤ | ᠪᠤᠯ ᠦᠷ ᠳᠦᠡᠭᠭᠡᠭᠡᠳ ᠴᠠᠶᠢᠵᠦ ᠪᠠᠶᠢᠬᠤ ᠳᠤ ᠬᠦᠳᠡᠯᠦᠭᠡᠳ᠂ ᠵᠠᠮ ᠳᠠᠭᠠᠨ ᠨᠢᠭᠡ ᠬᠤᠨᠤᠭᠠᠳ᠂ ᠮᠠᠷᠭᠠᠰᠢ ᠨᠢ | ᠤᠷᠦ᠋ᠢᠬᠠᠨ ᠯᠡ ᠰᠤᠮᠤᠨ ᠳᠤ ᠬᠦᠷᠳᠡᠭ ᠪᠠᠶᠢᠭᠰᠠᠨ ᠶᠤᠮ ᠳ᠋ᠠ᠃ ᠳᠡᠭᠡᠭᠡᠳ ᠰᠤᠮᠤᠨ ᠳᠤ ᠦᠭᠡᠷ ᠢᠶᠠᠨ ᠬᠤᠶᠠᠷ | ᠡᠳᠦᠷ ᠠᠮᠠᠷᠠᠭᠤᠯᠤᠭᠠᠳ᠂ ᠪᠤᠴᠠᠭᠠᠳ ᠬᠠᠷᠢᠬᠤ ᠳᠠᠭᠠᠨ ᠵᠠᠮ ᠳᠠᠭᠠᠨ ᠪᠠᠰᠠ ᠨᠢᠭᠡ ᠦᠨᠵᠢᠭᠡᠳ᠂ ᠳᠠᠪᠤᠳᠤᠭᠠᠷ | ᠡᠳᠦᠷ ᠤᠨ ᠢᠶᠠᠨ ᠤᠷᠤᠢ ᠯᠡ ᠭᠡᠷ ᠲᠡᠭᠡᠨ ᠬᠠᠷᠢᠳᠠᠭ ᠪᠠᠶᠢᠭᠰᠠᠨ ᠶᠤᠮ︾ ᠭᠡᠵᠦ ᠶᠠᠷᠢᠯᠠ᠃ ᠳᠤᠬᠠᠢ ᠶᠢᠨ ᠦᠶᠡ ᠳᠤ | ᠬᠠᠨᠭ᠍ᠭᠠᠯᠭᠠ ᠶᠢᠨ ᠠᠮᠤ ᠪᠤᠳᠠᠭᠠ ᠠᠪᠴᠦ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠰᠠᠷᠠ ᠪᠤᠯᠭᠠᠨ ᠰᠤᠮᠤᠨ ᠳᠤ ᠤᠴᠢᠬᠤ ᠬᠡᠷᠡᠭᠳᠡᠢ | ᠪᠠᠶᠢᠳᠠᠭ᠃ ᠰᠠᠷᠠ ᠪᠤᠯᠭᠠᠨ ᠳᠠᠪᠤᠨ ᠡᠳᠦᠷ ᠨᠢ ᠢᠡᠭᠬᠢᠵᠦ ᠳᠠᠭᠤᠰᠳᠠᠭ ᠪᠠᠶᠢᠵᠠᠢ ᠭᠡᠵᠦ ᠤᠶᠢᠯᠠᠭᠠᠵᠦ ᠪᠤᠯᠤᠨᠠ᠃ | ᠡᠪᠦᠯ ᠤᠨ ᠴᠠᠭ ᠪᠤᠯ ᠵᠠᠮ ᠳᠠᠭᠠᠨ ᠬᠤᠶᠠᠷ ᠬᠤᠨᠤᠬᠤ ᠤᠴᠢᠷ ᠪᠤᠯᠳᠠᠭ᠃ ᠢᠡᠭᠬᠢᠵᠦ ᠪᠤᠳᠤᠪᠠᠯ ᠳᠤᠯᠤᠭᠠᠨ | ᠡᠳᠦᠷ ᠤᠨ ᠠᠵᠤ ᠪᠤᠯᠵᠦ ᠪᠠᠶᠢᠭᠰᠠᠨ ᠳᠡᠤᠬᠡ ᠲᠠᠢ ᠠᠵᠢ᠃ ︽ᠤᠳᠤ ᠶᠢᠨ ᠬᠡᠤᠬᠡᠳ ᠤᠳ ᠢᠳᠡᠭᠡᠵᠦ ᠶᠠᠳᠠᠨᠠ ᠳ᠋ᠠ︾ | ᠭᠡᠳ ᠢᠨᠢᠶᠡᠭᠰᠡᠨ ᠪᠠᠳᠤᠳᠤᠯᠭᠠᠭᠤᠷᠢ ᠨᠠᠰᠤᠳᠠᠨ ᠤ ᠶᠠᠷᠢᠶᠠ ᠳᠠᠯᠠᠢ ᠮᠡᠳᠦ ᠬᠤᠪᠢᠷᠠᠯᠳᠠ ᠶᠢ ᠳᠠᠩᠴᠢ ᠳᠤᠳᠤᠷᠬᠠᠢ | ᠬᠡᠷᠡᠴᠢᠯᠡᠨᠡ ᠠᠵᠢ᠃ ᠶᠡᠭᠡ ᠰᠢᠯᠢ ᠶᠢᠨ ᠮᠠᠯᠴᠢᠳ ᠤᠨ ᠤᠨᠤᠭᠠ ᠬᠦᠰᠭᠡ ᠶᠢᠨ ᠬᠤᠪᠢᠷᠠᠯᠳᠠ ᠪᠠᠷᠤᠭ ᠯᠡ ᠳᠠᠪᠤᠨ | ᠵᠢᠯ ᠳᠤ ᠨᠢᠭᠡ ᠤᠳᠠᠭᠠᠨ ᠤ ᠳᠠᠪᠠᠯᠳᠠ ᠲᠠᠢ ᠪᠤᠯᠵᠦ᠂ ᠤᠳᠤ ᠪᠤᠯᠬᠤ ᠳᠤ ᠠᠶᠢᠯ ᠪᠤᠯᠭᠠᠨ ᠮᠠᠰᠢᠨ ᠲᠠᠢ᠂ ᠤᠯᠠᠩᠬᠢ | ᠠᠶᠢᠯ ᠨᠢ ᠬᠤᠶᠠᠷ ᠮᠠᠰᠢᠨ ᠲᠠᠢ ᠪᠤᠯᠴᠢᠬᠠᠭᠰᠠᠨ ᠶᠤᠮ᠃ ᠤᠳᠤ ᠨᠡᠭᠡᠷᠡᠨ ᠴᠦ ᠶᠠᠪᠤᠬᠤ ᠶᠢᠨ ᠬᠤᠷᠳᠤ ᠶᠢ | ᠭᠠᠶᠢᠬᠠᠭᠤᠯᠤᠭᠰᠠᠨ ᠴᠠᠭ ᠪᠤᠯᠵᠦ ᠪᠠᠶᠢᠭᠠ ᠨᠢ ᠢᠯᠡᠭᠡᠨ᠃ | 75 ᠵᠢᠯ ᠤᠨ ᠤᠷᠤᠨ ᠰᠠᠭᠤᠴᠡ ᠶᠢᠨ ᠳᠠᠯᠠ ᠶᠢᠨ ᠬᠤᠪᠢᠷᠠᠯᠳᠠ ᠶᠢ ᠬᠡᠯᠡᠬᠦ ᠶᠢᠨ ᠬᠡᠷᠡᠭ ᠪᠠᠶᠢᠬᠤ ᠤᠤ᠂ | ᠬᠤᠳᠠ ᠬᠦᠳᠡᠭᠡ ᠶᠢᠨ ᠵᠦᠷᠢᠶᠡ ᠪᠠᠭᠠᠰᠴᠦ ᠬᠦᠳᠡᠭᠡ ᠶᠢᠨ ᠤᠯᠠᠨ ᠠᠶᠢᠯ ᠬᠤᠳᠠ ᠶᠢᠨ ᠬᠢᠨ ᠠᠴᠠ ᠳᠠᠪᠠᠭᠤ ᠪᠠᠷ | ᠰᠠᠶᠢᠬᠠᠨ ᠤᠷᠤᠨ ᠰᠠᠭᠤᠴᠠ ᠲᠠᠢ ᠪᠤᠯᠤᠭᠰᠠᠨ ᠨᠢ ᠦᠨᠡᠨ ᠠᠴᠠ ᠦᠨᠡᠨ᠃ ᠬᠦᠳᠡᠭᠡ ᠨᠤᠲᠤᠭ ᠢᠶᠠᠷ ᠰᠤᠷᠪᠤᠯᠵᠢᠯᠠᠵᠦ | ᠶᠠᠪᠤᠬᠤ ᠳᠠᠭᠠᠨ ᠠᠩᠵᠠᠭᠠᠷᠠᠭᠰᠠᠨ ᠢᠶᠠᠷ ᠵᠠᠷᠢᠮ ᠠᠶᠢᠯ ᠤᠨ ᠤᠷᠤᠨ ᠰᠠᠭᠤᠴᠠ ᠬᠤᠳᠠ ᠶᠢᠨ ᠠᠰᠠᠷ ᠳᠠᠭᠳᠤ ᠠᠴᠠ | ᠬᠤᠯᠠ ᠰᠠᠷᠠᠭᠤᠯ ᠳᠤᠬᠢᠯᠢᠭ ᠪᠠᠶᠢᠳᠠᠭ᠃ ᠭᠡᠷ ᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ ᠨᠢ ᠬᠠᠷᠠᠬᠤ ᠳᠤ ᠰᠠᠶᠢᠬᠠᠨ᠂ ᠬᠡᠷᠡᠭᠯᠡᠬᠦ ᠳᠤ | ᠪᠡᠨᠡᠳᠡᠢ ᠪᠠᠶᠢᠳᠠᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠬᠠᠷᠠᠭᠠ ᠬᠠᠯᠬᠠᠯᠠᠬᠤ ᠦᠭᠡᠢ ᠰᠠᠷᠠᠭᠤᠯᠬᠠᠨ ᠪᠠᠶᠢᠳᠠᠭ ᠨᠢ ᠰᠡᠳᠭᠢᠯ | ᠠᠭᠤᠵᠢᠷᠠᠭᠤᠯᠤᠮᠠ᠃ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠪᠠᠶ᠋ᠬᠠᠠᠭᠤᠯᠠ ᠰᠤᠮᠤᠨ ᠤ ᠰᠠᠷᠠᠭᠤᠯᠳᠤᠶᠠᠭᠠ ᠭᠠᠴᠠᠭᠠ ᠪᠠᠷ | ᠨᠤᠲᠤᠭᠳᠠᠢ ᠠᠬᠠᠮᠠᠳ ᠮᠠᠯᠴᠢᠨ ᠭᠤᠨᠴᠤᠭᠵᠠᠮᠰᠦ᠄ ︽ᠦᠪᠡᠷ ᠤᠨ ᠢᠶᠠᠨ ᠳᠦᠷᠦᠵᠦ ᠦᠰᠦᠭᠰᠡᠨ ᠠᠴᠠ ᠡᠬᠢᠯᠡᠵᠦ | ᠶᠠᠷᠢᠪᠠᠯ ᠳᠠᠪᠢ ᠵᠢᠷᠠᠭᠠᠳ ᠤᠨ ᠳᠤ ᠮᠠᠨᠠᠶᠢᠬᠢᠨ ᠤ ᠮᠠᠯᠴᠢᠳ ᠳᠠᠪᠤᠨ ᠬᠠᠨᠠ ᠲᠠᠢ᠂ ᠵᠢᠷᠭᠤᠭᠠᠨ ᠬᠠᠨᠠ ᠲᠠᠢ | ᠮᠤᠩᠭᠤᠯ ᠭᠡᠷ ᠲᠡᠭᠡᠨ ᠠᠮᠢᠳᠤᠷᠠᠳᠠᠭ ᠪᠠᠶᠢᠭᠰᠠᠨ᠃ ᠨᠠᠮᠠᠢᠢ ᠪᠠᠭᠠ ᠪᠠᠶᠢᠬᠤ ᠳᠤ ᠤᠯᠤᠰ ᠭᠡᠷ᠂ ᠠᠵᠤ ᠠᠬᠤᠢ | ᠬᠦᠭᠵᠢᠭᠡ ᠦᠭᠡᠢ ᠪᠠᠶᠢᠭᠰᠠᠨ ᠦᠶᠡ᠃ ᠳᠤᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠤᠳᠤᠭᠠᠨ ᠳᠠᠭᠠᠨ ᠬᠠᠨᠠ ᠤᠨᠢ ᠨᠢ ᠪᠦᠷ | ᠬᠠᠷᠠᠯᠠᠴᠢᠬᠠᠳᠠᠭ ᠪᠠᠶᠢᠭᠰᠠᠨ᠃ ᠵᠢᠷᠠᠭᠠᠳ ᠤᠨ ᠤ ᠭᠡᠷ ᠪᠤᠯ ᠰᠠᠶᠢᠬᠠᠨ ᠪᠤᠯᠤᠭᠰᠠᠨ᠃ ᠳᠠᠩᠳᠠ ᠳᠡᠮᠦᠷ ᠵᠤᠤᠬᠠ ᠲᠠᠢ | ᠵᠤᠤᠬᠠ ᠪᠠᠰᠠ ᠪᠤᠳᠤᠭ ᠲᠠᠢ ᠪᠤᠳᠤᠭ ᠦᠭᠡᠢ ᠭᠡᠵᠦ ᠪᠠᠶᠢᠯᠠ ᠰᠢᠤ᠃ ᠳᠡᠭᠡᠭᠡᠳ ᠳᠠᠯᠠᠭᠠᠳ ᠤᠨ ᠳᠤ ᠮᠠᠨᠠᠶᠢᠬᠢᠨ | ᠮᠤᠩᠭᠤᠯ ᠭᠡᠷ ᠢᠶᠠᠨ ᠶᠡᠭᠡ ᠰᠠᠶᠢᠬᠠᠨ ᠵᠠᠰᠠᠭᠰᠠᠨ᠃ ᠬᠤᠸᠠᠷ ᠲᠠᠢ ᠠᠪᠳᠠᠷᠠ ᠨᠤᠭᠤᠳ ᠲᠠᠢ ᠪᠤᠯᠵᠦ᠂ ᠴᠤᠯ ᠬᠤᠨᠢᠨ ᠤ | ᠤᠡᠭᠭᠠᠰᠤ ᠪᠠᠷ ᠬᠢᠭᠰᠡᠨ ᠵᠤᠨ ᠤ ᠪᠦᠷᠢᠶᠠᠰᠦ᠂ ᠬᠠᠪᠤᠷ ᠤᠨ ᠪᠦᠷᠢᠶᠡᠰᠦ᠂ ᠡᠪᠦᠯ ᠤᠨ ᠪᠦᠷᠢᠶᠡᠰᠦ ᠭᠡᠵᠦ ᠤᠯᠠᠷᠢᠯ | ᠢᠯᠭᠠᠨ ᠬᠢᠳᠡᠭ᠃ ᠨᠠᠶᠠ ᠶᠡᠷᠡᠭᠡᠳ ᠤᠨ ᠠᠴᠠ ᠤᠯᠤᠰ ᠭᠡᠷ᠂ ᠮᠠᠯ ᠠᠵᠤ ᠠᠬᠤᠢ ᠬᠦᠭᠵᠢᠭᠰᠡᠨ ᠢᠶᠠᠷ | ᠠᠮᠢᠳᠤᠷᠠᠯ ᠤᠨ ᠳᠦᠪᠰᠢᠨ ᠰᠠᠶᠢᠵᠢᠷᠠᠵᠦ᠂ ᠭᠤᠷᠪᠠ ᠠᠴᠠ ᠳᠦᠷᠪᠡᠨ ᠵᠠᠩ ᠤᠨ ᠳᠤᠭᠤᠰᠬᠠᠨ ᠪᠠᠶᠢᠰᠢᠩ ᠲᠠᠢ ᠪᠤᠯᠵᠦ᠂ | ᠳᠡᠷᠭᠡ ᠬᠢᠳᠡᠭ ᠬᠦᠮᠦᠷᠭᠡ ᠲᠠᠢ ᠴᠦ ᠪᠤᠯᠤᠭᠰᠠᠨ᠃ ᠤᠳᠤ ᠪᠤᠯᠬᠤ ᠳᠤ ᠮᠠᠯᠴᠢᠳ ᠬᠦᠳᠡᠭᠡ ᠳᠡᠭᠡᠨ ᠬᠤᠳᠠ ᠠᠴᠠ | ᠳᠤᠳᠠᠬᠤ ᠦᠭᠡᠢ ᠰᠠᠭᠤᠷᠢᠰᠢᠯ ᠲᠠᠢ᠂ ᠬᠤᠰᠢᠭᠤ ᠬᠤᠳᠠ ᠤᠷᠤᠪᠠᠯ ᠠᠰᠠᠷ ᠳᠠᠭᠳᠤ ᠲᠠᠢ ᠪᠤᠯᠵᠠᠢ︾ ᠭᠡᠵᠦ ᠶᠠᠷᠢᠯᠠ᠃ | ᠤᠯᠠᠨ ᠵᠢᠯ ᠤᠨ ᠬᠦᠭᠵᠢᠯ ᠬᠤᠪᠢᠷᠠᠯ ᠢ ᠤᠨ ᠳᠠᠷᠠᠭᠠᠯᠠᠨ ᠶᠠᠷᠢᠭᠰᠠᠨ ᠨᠠᠰᠤᠳᠠᠨ ᠤ ᠶᠠᠷᠢᠶᠠ ᠵᠢᠷᠤᠭ ᠮᠡᠳᠦ᠃ ᠤᠷᠤᠨ | ᠰᠠᠭᠤᠴᠠ ᠨᠢ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠦᠯᠢᠭᠡᠷ ᠳᠡᠤᠬᠡ ᠶᠢ ᠬᠦᠤᠷᠨᠢᠵᠦ᠂ ᠴᠠᠭ ᠦᠶᠡ ᠶᠢᠨ ᠦᠡᠭᠭᠡ ᠳᠦᠷᠬᠦ ᠶᠢ | ᠬᠠᠳᠠᠭᠠᠯᠠᠭᠰᠠᠭᠠᠷ ᠪᠠᠶᠢᠭᠰᠠᠨ ᠨᠢ ᠳᠠᠮᠵᠢᠭ ᠦᠭᠡᠢ᠃ 75 ᠵᠢᠯ ᠤᠨ ᠠᠶᠠᠨ᠂ ᠳᠠᠯᠠᠢ ᠶᠡᠭᠡ ᠬᠤᠪᠢᠷᠠᠯᠳᠠ ᠶᠢ ᠳᠠᠯᠠ | ᠳᠠᠯᠠ ᠠᠴᠠ ᠬᠠᠷᠠᠵᠦ ᠪᠤᠯᠬᠤ ᠳᠡᠤᠬᠡ ᠶᠢᠨ ᠨᠡᠬᠦᠳᠡᠯ ᠪᠠᠶᠢᠯᠠ᠃ ᠪᠠᠶᠢᠬᠤ ᠦᠭᠡᠢ ᠠᠴᠠ ᠪᠠᠨ ᠪᠠᠶᠢᠬᠤ ᠪᠤᠯᠵᠦ᠂ | ᠪᠠᠶᠢᠬᠤ ᠠᠴᠠ ᠪᠠᠨ ᠰᠢᠨᠡᠴᠢᠯᠡᠵᠦ ᠰᠠᠶᠢᠵᠢᠷᠠᠭᠰᠠᠨ ᠵᠦᠢᠯ ᠶᠡᠭᠡ ᠰᠢᠯᠢ ᠶᠢᠨ ᠬᠦᠮᠦᠨ ᠠᠷᠠᠳ ᠤᠨ ᠤᠷᠤᠨ | ᠰᠠᠭᠤᠴᠠ ᠳᠤ ᠤᠯᠠᠨ ᠠᠴᠠ ᠤᠯᠠᠨ᠃ | ︽ᠤᠳᠤ ᠴᠦ ᠡᠳᠦᠷ ᠡᠳᠦᠷ ᠴᠠᠭᠠᠨ ᠰᠠᠷᠠ ᠪᠤᠯᠵᠠᠢ︾ ᠭᠡᠵᠦ ᠮᠠᠨ ᠤ ᠠᠬᠠᠮᠠᠳ ᠤᠳ ᠬᠠᠶᠠ ᠤᠴᠢᠷᠯᠠᠳᠠᠭ᠃ | ᠡᠨᠡ ᠦᠭᠡ ᠴᠠᠭᠠᠨ ᠰᠠᠷᠠ ᠳᠠᠭᠠᠨ ᠯᠡ ᠨᠢᠭᠡ ᠬᠡᠳᠡᠰᠦ ᠭᠠᠷᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠤᠯᠪᠠᠭᠠᠯᠠᠨ ᠶᠠᠷᠢᠭᠳᠠᠭᠰᠠᠨ ᠨᠢ | ᠳᠠᠮᠵᠢᠭ ᠦᠭᠡᠢ᠃ ᠢᠳᠡᠯᠭᠡ ᠤᠤᠭᠤᠯᠭᠠ ᠶᠢᠨ ᠵᠦᠢᠯᠡᠰ ᠬᠤᠮᠰᠠᠬᠠᠨ ᠪᠠᠶᠢᠭᠰᠠᠨ ᠴᠠᠭ ᠲᠤ ᠬᠦᠮᠦᠰ ᠴᠠᠭᠠᠨ | ᠰᠠᠷᠠ ᠳᠠᠭᠠᠨ ᠯᠡ ᠨᠢᠭᠡ ᠴᠠᠳᠳᠠᠭ ᠪᠠᠶᠢᠭᠰᠠᠨ ᠳᠡᠤᠬᠡ ᠪᠤᠢ᠃ ᠬᠦᠨᠳᠦ ᠬᠡᠴᠡᠬᠦᠦ ᠰᠠᠨᠠᠭᠳᠠᠪᠠᠴᠦ ᠴᠠᠭ ᠦᠶᠡ ᠶᠢᠨ | ᠬᠦᠭᠵᠢᠯᠳᠡ ᠶᠢ ᠳᠠᠭᠠᠭᠠᠳ ᠨᠢᠭᠡᠨᠳᠡ ᠳᠡᠤᠬᠡ ᠪᠤᠯᠴᠢᠬᠠᠭᠰᠠᠨ ᠶᠤᠮ᠃ ᠳᠡᠤᠬᠡ ᠬᠦᠨᠳᠦ ᠪᠠᠶᠢᠯᠠ ᠴᠦ ᠳᠡᠮᠡᠤᠯᠦᠨ | ᠵᠤᠷᠢᠬᠤ ᠢᠳᠡᠭᠡᠯ ᠬᠦᠴᠦᠨ ᠰᠢᠨᠳᠠᠷᠠᠰᠢ ᠦᠭᠡᠢ ᠪᠠᠶᠢᠭᠰᠠᠨ ᠨᠢ ᠦᠨᠦᠳᠦᠷ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠪᠦᠳᠦᠭᠡᠵᠠᠢ᠃ | ᠰᠢᠯᠤᠭᠤᠨ ᠬᠦᠪᠡᠭᠡᠳᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠴᠠᠪ ᠰᠤᠮᠤᠨ ᠤ ᠰᠢᠷᠭᠠ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠳᠠᠢ᠂ | ᠳᠠᠯᠠ ᠶᠢᠨ ᠳᠠᠪᠠᠭᠠ ᠳᠠᠪᠠᠭᠰᠠᠨ ᠠᠬᠠᠮᠠᠳ ᠮᠠᠯᠴᠢᠳ ᠪᠠᠳᠮᠠᠸᠠᠩᠴᠢᠨ᠄ ︽ᠳᠠᠪᠢᠭᠠᠳ ᠤᠨ ᠤ ᠦᠶᠡ ᠳᠤ ᠢᠳᠡᠬᠦ | ᠤᠤᠭᠤᠬᠤ ᠶᠠᠭᠤᠮᠠ ᠦᠭᠡᠢ ᠬᠡᠴᠡᠬᠦᠦ ᠪᠠᠶᠢᠭᠰᠠᠨ᠃ 1960 ᠤᠨ ᠠᠴᠠ 1962 ᠤᠨ ᠪᠤᠯᠳᠠᠯᠠ ᠶᠡᠭᠡ | ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠪᠤᠯᠤᠭᠠᠳ ᠨᠡᠩ ᠴᠦ ᠬᠡᠴᠡᠬᠦᠦ ᠪᠠᠶᠢᠯᠠ ᠳ᠋ᠠ᠃ ᠴᠠᠳᠤᠨᠠ ᠭᠡᠵᠦ ᠪᠠᠶᠢᠬᠤ ᠦᠭᠡᠢ᠃ ᠪᠠᠭᠰᠢ | ᠨᠠᠷ ᠮᠠᠨᠢ ᠬᠡᠤᠳᠡᠢ ᠪᠠᠷᠢᠭᠠᠳ ᠠᠶᠢᠯ ᠤᠳ ᠠᠴᠠ ᠨᠢᠭᠡ ᠬᠤᠶᠠᠷ ᠠᠶᠠᠭᠠ ᠪᠠᠷ ᠠᠭᠠᠭ ᠲᠠᠢ ᠭᠤᠯᠢᠷ ᠭᠤᠶᠤᠵᠦ | ᠤᠯᠤᠭᠠᠳ ᠰᠤᠷᠤᠭᠴᠢᠳ ᠲᠠᠭᠠᠨ ᠵᠤᠳᠠᠩ ᠴᠢᠨᠠᠵᠦ ᠦᠭᠳᠡᠭ ᠪᠠᠶᠢᠯᠠ᠃ ᠭᠠᠮᠰᠢᠭ ᠦᠡᠭᠭᠡᠷᠡᠭᠡᠳ ᠰᠤᠷᠭᠠᠭᠤᠯᠢ ᠶᠢᠨ | ᠮᠠᠨᠢ ᠠᠮᠢᠳᠤᠷᠠᠯ ᠨᠡᠯᠢᠶᠡᠳ ᠰᠠᠶᠢᠵᠢᠷᠠᠭᠰᠠᠨ᠃ ᠭᠡᠬᠦ ᠳᠡᠭᠡᠨ ᠴᠠᠭᠠᠨ ᠭᠤᠯᠢᠷ ᠳᠤᠩ ᠴᠦᠭᠡᠨ ᠡ᠂ ᠭᠠᠷᠠᠭ ᠲᠤ ᠨᠢᠭᠡ | ᠬᠤᠶᠠᠷ ᠡᠷᠢᠨ ᠤᠯᠵᠦ ᠢᠳᠡᠳᠡᠭ ᠪᠠᠶᠢᠭᠰᠠᠨ᠃ ᠬᠤᠤᠰ ᠳᠠᠭᠠᠭᠠᠴᠢᠯᠠᠯᠳᠠ ᠠᠴᠠ ᠬᠤᠶᠢᠰᠢ ᠯᠡ ᠠᠮᠢᠳᠤᠷᠠᠯ ᠠᠬᠤᠢ | ᠳᠡᠭᠰᠢᠷᠡᠭᠡᠳ ᠢᠳᠡᠬᠦ ᠤᠤᠭᠤᠬᠤ ᠵᠦᠢᠯ ᠳᠤᠳᠠᠬᠤ ᠦᠭᠡᠢ ᠪᠤᠯᠤᠭᠰᠠᠨ᠃ ᠶᠡᠷᠡᠭᠡᠳ ᠤᠨ ᠳᠤ ᠬᠤᠯᠠ ᠤᠨᠳᠤᠤ | ᠪᠤᠯᠴᠢᠬᠠᠭᠰᠠᠨ᠃ ᠠᠮᠢᠳᠤᠷᠠᠯ ᠤᠨ ᠳᠡᠭᠡᠭᠰᠢᠯᠡᠯᠳᠡ ᠶᠤᠮ ᠤᠤ ᠬᠤᠷᠳᠤᠴᠠ ᠬᠠᠮᠤᠭ ᠤᠨ ᠰᠠᠶᠢᠨ ᠴᠠᠭ ᠦᠶᠡ ᠭᠡᠪᠡᠯ | ᠶᠡᠷᠡᠭᠡᠳ ᠤᠨ ᠪᠠᠶᠢᠬᠠ ᠭᠡᠵᠦ ᠪᠢ ᠪᠤᠳᠤᠳᠠᠭ ᠶᠤᠮ᠃ ᠨᠢᠭᠡ ᠦᠶᠡ ᠵᠠᠯᠠᠭᠤᠴᠤᠳ ᠨᠢᠭᠡ ᠰᠠᠶᠢᠬᠠᠨ ᠭᠤᠶᠤᠯᠠᠵᠦ | ᠭᠠᠨᠭ᠍ᠭᠠᠯᠠᠭᠠᠳ ᠠᠶᠢᠯ ᠳᠤᠭᠤᠷᠢᠵᠦ ᠠᠷᠢᠬᠢ ᠫᠢᠸᠤ ᠤᠤᠭᠤᠭᠠᠳ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ ᠨᠢ ᠦᠨᠡᠨ ᠳᠡᠭᠡᠨ ᠬᠦᠮᠦᠰ | ᠡᠷᠭᠡ ᠳᠤᠷᠠ ᠪᠠᠷ ᠢᠶᠠᠨ ᠪᠤᠯᠵᠦ᠂ ᠬᠡᠳᠡᠰᠦ ᠴᠠᠳᠬᠤᠯᠠᠩ ᠮᠦᠷᠦ ᠪᠦᠳᠦᠨ ᠪᠤᠯᠤᠭᠰᠠᠨ ᠤ ᠢᠯᠡᠷᠡᠯ ᠪᠠᠶᠢᠵᠠᠢ᠃ ᠤᠳᠤ | ᠠᠮᠢᠳᠤᠷᠠᠯ ᠤᠨ ᠳᠦᠪᠰᠢᠨ ᠤᠭ ᠤᠨ ᠬᠢ ᠲᠠᠢ ᠬᠠᠷᠢᠴᠠᠭᠤᠯᠦᠰᠢ ᠦᠭᠡᠢ ᠰᠠᠶᠢᠵᠢᠷᠠᠭᠠᠳ ᠬᠦᠮᠦᠰ ᠢᠳᠡᠵᠦ | ᠤᠤᠭᠤᠬᠤ ᠳᠠᠯᠠ ᠪᠠᠷ ᠡᠷᠡᠬᠦᠯ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠴᠢᠬᠤᠯᠠᠴᠢᠯᠠᠬᠤ ᠪᠤᠯᠵᠠᠢ᠃ ᠠᠷᠢᠬᠢ ᠤᠤᠭᠤᠬᠤ ᠬᠦᠮᠦᠨ | ᠳᠤᠩ ᠬᠤᠪᠤᠷ ᠪᠤᠯᠵᠦ᠂ ᠳᠠᠮᠠᠬᠢ ᠳᠠᠳᠠᠳᠠᠭ ᠬᠦᠮᠦᠨ ᠴᠦ ᠴᠦᠭᠡᠷᠡᠵᠦ ᠪᠠᠶᠢᠨᠠ ᠭᠡᠰᠡᠨ ᠰᠢᠤ︾ ᠭᠡᠯᠡ᠃ ᠴᠠᠭ | ᠴᠠᠭ ᠤᠨ ᠬᠦᠮᠦᠨ ᠤ ᠠᠯᠬᠤᠭᠰᠠᠨ ᠠᠶᠠᠯᠠᠭᠰᠠᠨ ᠵᠠᠮ ᠠᠳᠠᠯᠢ ᠦᠭᠡᠢ᠂ ᠦᠪᠡᠷ ᠦᠪᠡᠷ ᠤᠨ ᠦᠡᠭᠭᠡ ᠪᠠᠷ ᠢᠶᠠᠨ | ᠠᠮᠢᠳᠤᠷᠠᠯ ᠢᠶᠠᠨ ᠪᠦᠳᠦᠭᠡᠵᠦ ᠶᠠᠪᠤᠭᠰᠠᠨ ᠦᠶᠡ ᠦᠶᠡ ᠶᠢᠨ ᠬᠦᠮᠦᠰ ᠬᠦᠨᠳᠦᠳᠭᠡᠯᠳᠡᠢ᠃ ᠨᠡᠶᠢᠭᠡᠮ ᠤᠨ | ᠬᠦᠭᠵᠢᠯᠳᠡ ᠶᠢ ᠳᠠᠭᠠᠭᠠᠳ ᠬᠦᠮᠦᠨ ᠤ ᠦᠵᠡᠯ ᠤᠬᠠᠮᠰᠠᠷ ᠡᠯᠡ ᠳᠠᠯᠠ ᠪᠠᠷ ᠠᠬᠢᠯᠳᠠ ᠳᠠᠪᠰᠢᠯᠳᠠ ᠲᠠᠢ ᠪᠤᠯᠵᠦ᠂ | ᠪᠤᠯᠪᠠᠰᠤᠨ ᠰᠤᠷᠳᠠᠯ ᠢ ᠳᠡᠭᠡᠳᠦᠯᠡᠬᠦ ᠪᠤᠯᠤᠭᠰᠠᠨ ᠨᠢ ᠰᠢᠨᠡ ᠴᠠᠭ ᠤᠨ ᠰᠠᠶᠢᠬᠠᠨ ᠪᠢᠯᠡ᠃ ᠢᠳᠡᠵᠦ ᠤᠤᠭᠤᠬᠤ ᠶᠢᠨ | ᠳᠠᠯᠠ ᠪᠠᠷ ᠴᠦ ᠡᠷᠡᠬᠦᠯ ᠵᠦᠪ ᠬᠤᠭᠤᠯᠠᠯᠠᠬᠤ᠂ ᠱᠠᠯᠢᠵᠦ ᠪᠦᠷᠢᠯᠭᠡᠬᠦ ᠦᠭᠡᠢ᠂ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠵᠡᠷᠭᠡ ᠪᠤᠯᠪᠠᠰᠤᠨ | ᠰᠤᠷᠳᠠᠯ ᠢ ᠳᠡᠭᠡᠳᠦᠯᠡᠵᠦ᠂ ᠡᠳᠦᠷ ᠳᠤᠳᠤᠮ ᠤᠨ ᠵᠢᠵᠢᠭ ᠰᠠᠵᠢᠭ ᠦᠢᠯᠡ ᠬᠢᠳᠡᠯ ᠠᠴᠠ ᠪᠠᠨ ᠡᠬᠢᠯᠡᠨ ᠴᠠᠭ | ᠦᠶᠡ ᠶᠢᠨ ᠦᠡᠭᠭᠡ ᠳᠦᠷᠬᠦ ᠶᠢ ᠳᠤᠳᠤᠷᠠᠭᠤᠯᠵᠦ ᠪᠠᠶᠢᠭᠠ ᠶᠤᠮ᠃ | ᠡᠮᠦᠰᠬᠡᠯ ᠵᠠᠰᠠᠯ ᠤᠨ ᠬᠤᠪᠢᠷᠠᠯᠳᠠ ᠠᠴᠠ ᠴᠠᠭ ᠦᠶᠡ ᠶᠢᠨ ᠬᠦᠭᠵᠢᠯᠳᠡ᠂ ᠠᠮᠢᠳᠤᠷᠠᠯ ᠤᠨ ᠬᠢᠷᠢ ᠳᠦᠪᠰᠢᠨ ᠢ | ᠬᠠᠷᠠᠵᠦ ᠪᠤᠯᠳᠠᠭ᠃ ᠰᠠᠶᠢᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠤᠨ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠨᠢᠭᠡᠨ ᠪᠠᠷᠢᠮᠵᠢᠶᠡ ᠭᠡᠪᠡᠯ ᠡᠨᠡ | ᠪᠠᠶᠢᠵᠦ ᠳᠠᠭᠠᠷᠠᠨᠠ᠃ ᠦᠶᠡ ᠦᠶᠡ ᠶᠢᠨ ᠬᠦᠮᠦᠰ ᠤᠨ ᠡᠮᠦᠰᠭᠡᠯ ᠭᠤᠶᠤᠯ ᠵᠠᠰᠠᠯ ᠳᠤᠬᠠᠢ ᠶᠢᠨ ᠴᠠᠭ | ᠦᠶᠡ ᠶᠢᠨ ᠢᠶᠠᠨ ᠦᠡᠭᠭᠡ ᠳᠦᠷᠬᠦ ᠪᠤᠯᠤᠨ ᠦᠯᠡᠳᠡᠭᠰᠡᠨ ᠪᠠᠶᠢᠳᠠᠭ᠃ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ | ᠪᠠᠶᠠᠨᠬᠤᠰᠢᠭᠤ ᠰᠤᠮᠤᠨ ᠤ ᠰᠠᠷᠠᠭᠤᠯᠨᠤᠳᠤᠭ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠳᠠᠢ᠂ ᠨᠠᠶᠠᠨ ᠳᠠᠪᠤᠨ ᠨᠠᠰᠤᠨ ᠤ ᠦᠨᠳᠦᠷ | ᠬᠤᠳᠤᠭ ᠵᠤᠭᠤᠭᠯᠠᠵᠦ ᠶᠠᠪᠤᠭᠠ ᠳᠤᠩᠭᠠᠯᠠᠭ ᠨᠠᠰᠤᠳᠠᠨ᠄ ︽ᠨᠠᠮᠠᠢᠢ ᠪᠠᠭᠠ ᠪᠠᠶᠢᠬᠤ ᠳᠤ ᠶᠠᠭᠤᠮᠠ ᠬᠤᠪᠤᠷ᠂ ᠭᠡᠷ | ᠶᠠᠳᠠᠭᠤ ᠪᠠᠶᠢᠯᠠ ᠰᠢᠤ᠃ ᠳᠡᠬᠦᠦ ᠨᠢ ᠠᠬᠠ ᠡᠭᠡᠴᠢ ᠶᠢᠨ ᠢᠶᠠᠨ ᠪᠠᠭᠠᠳᠠᠭᠰᠠᠨ ᠢ ᠡᠮᠦᠰᠦᠭᠡᠳ ᠯᠡ᠂ ᠬᠠᠭᠤᠴᠢᠨ | ᠬᠤᠪᠴᠠᠰᠤᠨ ᠳᠠᠭᠠᠨ ᠳᠦᠮᠡᠨ ᠨᠦᠬᠦᠭᠡᠰᠦ ᠳᠠᠯᠪᠢᠭᠠᠳ ᠡᠮᠦᠰᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠤᠳᠤ ᠬᠤᠪᠴᠠᠰᠤ ᠶᠢ | ᠡᠯᠡᠭᠳᠡᠵᠦ ᠪᠠᠷᠠᠳᠠᠯᠠ ᠡᠮᠦᠰᠳᠡᠭ ᠬᠦᠮᠦᠨ ᠦᠭᠡᠢ ᠪᠤᠯᠤᠭᠰᠠᠨ ᠳ᠋ᠤᠤ᠃ ᠨᠠᠮᠠᠢᠢ ᠪᠠᠭᠠ ᠪᠠᠶᠢᠬᠤ ᠳᠤ ᠭᠤᠶᠤᠯ ᠵᠠᠰᠠᠯ | ᠬᠡᠮᠡᠷ ᠶᠠᠭᠤᠮᠠ ᠪᠠᠶᠢᠳᠠᠭ ᠴᠦ ᠦᠭᠡᠢ᠃ ᠳᠡᠪᠡᠯ ᠳᠡᠷᠯᠢᠭ ᠤᠨ ᠬᠤᠷᠭᠤᠢ ᠡᠮᠵᠢᠶᠡᠷᠢ ᠭᠡᠵᠦ ᠠᠯᠠᠭᠠ ᠰᠢᠤ᠃ ᠬᠠᠷᠠ | ᠪᠦᠰ ᠶᠤᠮ ᠤᠤ ᠦᠭᠡᠳᠡᠩ ᠢᠶᠠᠷ ᠪᠠᠷᠢᠵᠦ ᠤᠶᠤᠬᠤ ᠶᠤᠮ ᠤᠤ ᠡᠰᠡᠬᠦᠯᠡ ᠰᠢᠭᠤᠳ ᠬᠦᠰᠢᠭᠡᠳ ᠡᠷᠬᠢᠬᠦᠯᠦᠭᠡᠳ | ᠤᠶᠤᠴᠢᠬᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠤᠳᠤ ᠴᠢᠨᠢ ᠵᠦᠢᠯ ᠪᠦᠷᠢ ᠶᠢᠨ ᠳᠤᠷᠭᠠ᠂ ᠦᠡᠭᠭᠡ ᠪᠦᠷᠢ ᠶᠢᠨ ᠤᠳᠠᠰᠤ | ᠳᠤᠳᠠᠬᠤ ᠶᠠᠭᠤᠮᠠ ᠦᠭᠡᠢ ᠯᠡ ᠪᠤᠯᠵᠠᠢ᠃ ᠶᠠᠭᠠᠬᠢᠵᠦ ᠤᠶᠤᠨᠠ ᠤᠤ ᠦᠪᠡᠷ ᠤᠨ ᠤᠬᠠᠭᠠᠨ ᠴᠢᠳᠠᠪᠤᠷᠢ ᠯᠡ | ᠮᠡᠳᠡᠭᠰᠡᠨ ᠬᠡᠷᠡᠭ ᠪᠤᠯᠵᠠᠢ᠃ ᠪᠢ ᠴᠢᠨᠢ ᠤᠯᠠᠮᠵᠢᠯᠠᠯᠳᠤ ᠦᠵᠦᠮᠦᠴᠢᠨ ᠬᠤᠪᠴᠠᠰᠤ ᠪᠠᠨ ᠤᠶᠤᠬᠤ ᠶᠢᠨ ᠳᠠᠭᠠᠤ | ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠶᠢ ᠳᠠᠭᠠᠭᠠᠳ ᠰᠢᠨᠡ ᠮᠠᠶ᠋ᠢᠭ ᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠢ ᠴᠦ ᠤᠶᠤᠵᠦ ᠰᠤᠷᠤᠯᠠ ᠰᠢᠤ᠃ | ᠶᠠᠭᠤ ᠤᠶᠤᠶᠡ ᠭᠡᠪᠡᠯ ᠶᠠᠭᠤ ᠪᠠᠨ ᠤᠶᠤᠵᠦ ᠪᠤᠯᠳᠠᠭ ᠪᠤᠯᠴᠢᠬᠠᠵᠠᠢ᠃ ᠡᠮᠦᠰᠭᠡᠯ ᠵᠠᠰᠠᠯ ᠴᠦ ᠪᠠᠶᠢᠬᠤ ᠯᠡ ᠪᠤᠶᠠᠨ︾ | ᠬᠡᠮᠡᠨ ᠤᠴᠢᠷᠯᠠᠭᠰᠠᠨ ᠦᠨᠳᠦᠷ ᠨᠠᠰᠤᠳᠠᠨ ᠤ ᠶᠠᠷᠢᠶᠠ ᠠᠮᠢᠳᠤᠷᠠᠯ ᠤᠨ ᠴᠢᠬᠤᠯᠠ ᠨᠢᠭᠡᠨ ᠱᠠᠭᠠᠷᠳᠠᠯᠭᠠ ᠪᠤᠯᠤᠭᠰᠠᠨ | ᠡᠮᠦᠰᠭᠡᠯ ᠵᠠᠰᠠᠯ ᠤᠨ ᠬᠤᠪᠢᠷᠠᠯᠳᠠ ᠶᠢ ᠨᠢᠳᠦᠨ ᠳᠤ ᠦᠵᠡᠭᠳᠡᠵᠦ ᠭᠠᠷ ᠲᠤ ᠪᠠᠷᠢᠭᠳᠠᠮᠠ ᠬᠠᠷᠠᠭᠤᠯᠤᠨᠠ᠃ | ᠡᠯᠢᠭᠡ ᠪᠠᠷ ᠪᠠᠨ ᠨᠡᠶᠢᠯᠡᠵᠦ ᠬᠠᠪᠢᠷᠭᠠ ᠪᠠᠷ ᠢᠶᠠᠨ ᠨᠠᠯᠠᠭᠰᠠᠨ ᠠᠪᠠᠭᠠ ᠴᠠᠬᠠᠷ ᠰᠦᠨᠢᠳ ᠦᠵᠦᠮᠦᠴᠢᠨ | ᠨᠤᠲᠤᠭ ᠤᠨ ᠲᠦᠷᠪᠡᠨ ᠪᠤᠭᠤᠷᠤᠢ ᠶᠢᠨ ᠶᠠᠷᠢᠶᠠ ᠡᠷᠬᠢᠴᠡᠬᠦᠯᠦᠯ ᠳᠤᠷᠠᠰᠤᠮᠵᠢ ᠪᠠᠷ ᠳᠦᠬᠦᠷᠡᠩ᠂ ᠡᠨᠡ ᠴᠠᠭ ᠤᠨ | ᠰᠠᠶᠢᠨ ᠰᠠᠶᠢᠬᠠᠨ ᠤ ᠮᠡᠳᠡᠷᠡᠮᠵᠢ ᠪᠠᠷ ᠪᠢᠯᠬᠠᠮᠠ᠃ ᠳᠤᠭᠤᠯᠵᠦ ᠢᠷᠡᠭᠰᠡᠨ ᠵᠠᠮ ᠳᠤᠷᠠᠳᠬᠠᠯ ᠤᠨ ᠠᠯᠳᠠᠨ ᠬᠠᠭᠤᠳᠠᠰᠤ | ᠪᠤᠯᠳᠠᠭ ᠶᠤᠮ᠃ ᠳᠤᠷᠠᠳᠬᠠᠯ ᠤᠨ ᠠᠯᠳᠠᠨ ᠬᠠᠭᠤᠳᠠᠰᠤᠨ ᠳᠤ ᠳᠤᠮᠤᠭ ᠮᠡᠳᠦ ᠦᠨᠡᠨ ᠪᠢᠴᠢᠭᠳᠡᠵᠦ ᠴᠠᠭ | ᠬᠤᠭᠤᠴᠠᠭᠠ ᠶᠢ ᠳᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠲᠠᠯᠠᠨ ᠳᠠᠪᠤᠨ ᠵᠢᠯ ᠭᠡᠭᠴᠢ ᠨᠢᠭᠡᠨ ᠰᠠᠶᠢᠬᠠᠨ ᠨᠤᠮ ᠪᠤᠯᠬᠤ ᠶᠢ | ᠪᠡᠶᠡ ᠪᠠᠷ ᠢᠶᠠᠨ ᠳᠤᠭᠤᠯᠵᠦ ᠢᠷᠡᠭᠰᠡᠨ ᠪᠤᠭᠤᠷᠤᠯᠴᠤᠳ ᠤᠨ ᠶᠠᠷᠢᠶᠠ ᠬᠡᠷᠡᠴᠢᠯᠡᠨᠡ᠃ ᠤᠨ ᠴᠠᠭ ᠨᠤᠮ ᠶᠤᠮ ᠡ | ᠭᠡᠬᠦ ᠳᠤ ᠤᠷᠤᠰᠤᠨ ᠪᠤᠢ ᠴᠠᠭ ᠬᠤᠭᠤᠴᠠᠭᠠ ᠶᠢ ᠨᠢᠳᠦ ᠰᠡᠳᠭᠢᠯ ᠪᠢᠯᠢᠭ ᠤᠬᠠᠭᠠᠨ ᠳᠠᠭᠠᠨ ᠬᠠᠳᠠᠭᠠᠯᠠᠵᠦ ᠶᠠᠪᠤᠭᠠ | ᠨᠠᠰᠤᠳᠠᠳ ᠴᠦ ᠨᠢᠭᠡ ᠨᠢᠭᠡ ᠪᠠᠷ ᠢᠶᠠᠨ ᠰᠠᠶᠢᠨ ᠨᠤᠮ ᠬᠡᠳᠡᠭ ᠢ ᠦᠭᠡᠶᠢᠰᠭᠡᠰᠢ ᠦᠭᠡᠢ᠃ 75 ᠵᠢᠯ ᠤᠨ ᠬᠤᠪᠢᠷᠠᠯᠳᠠ | ᠬᠦᠭᠵᠢᠯᠳᠡ ᠳᠠᠯᠠᠢ ᠶᠡᠭᠡ ᠪᠤᠶᠠ᠃ ᠰᠢᠨᠡ ᠴᠠᠭ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠬᠤᠪᠢᠷᠠᠯᠳᠠ ᠬᠦᠭᠵᠢᠯᠳᠡ ᠶᠢᠨ ᠤᠯᠠ | ᠮᠦᠷ ᠠᠴᠠ ᠢᠯᠡᠳᠳᠡ ᠬᠠᠷᠠᠭᠳᠠᠨᠠ᠃ |