| — ᠮᠠᠯᠴᠢᠨ ᠪᠦᠰᠡᠬᠦᠢ ᠤᠯᠠᠭᠠᠨᠬᠤᠸᠠᠷ ᠲᠠᠢ ᠵᠤᠭᠤᠬᠳᠠᠭᠠᠳ ᠰᠤᠷᠪᠤᠯᠵᠢᠯᠠᠬᠴᠢ ᠰᠠᠷᠠᠨᠠ | ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠵᠢᠷᠦᠬᠡ ᠪᠠᠯᠭᠠᠰᠤᠨ ᠤ ᠪᠠᠶᠠᠨᠪᠤᠯᠠᠭ ᠭᠠᠴᠠᠭᠠ ᠶᠢᠨ ᠮᠠᠯᠴᠢᠨ | ᠤᠯᠠᠭᠠᠠᠬᠤᠸᠠᠷ ᠤᠨ ᠬᠢᠨ ᠪᠤᠯ ᠬᠤᠰᠢᠭᠤᠨ ᠤ ᠪᠠᠨ ᠢᠮᠠᠭᠠ ᠮᠠᠯᠵᠢᠬᠤ ᠲᠤᠰᠬᠠᠢ ᠡᠷᠦᠬᠡ ᠶᠢᠨ ᠨᠢᠬᠡᠨ ᠪᠤᠯᠤᠨᠠ᠃ | ᠶᠡᠷᠦᠨᠢ ᠶᠠᠮᠠᠷ ᠨᠢᠬᠡᠨ ᠠᠵᠢᠯ ᠲᠦᠷᠦᠯ ᠢᠶᠠᠷ ᠲᠤᠰᠬᠠᠢᠢᠵᠢᠬᠤ ᠳᠤ ᠡᠨᠡᠬᠦ ᠠᠵᠢᠯ ᠲᠦᠷᠦᠯ ᠳᠤ ᠮᠡᠷᠭᠡᠰᠢᠵᠦ | ᠴᠠᠭᠠᠷᠬᠠᠰᠠᠨ ᠪᠠᠶᠢᠬᠤ ᠤᠴᠢᠷᠳᠠᠢ ᠪᠤᠯᠬᠤᠷ ᠨᠢᠬᠡ ᠮᠠᠯᠴᠢᠨ ᠠᠶᠢᠯ ᠢᠮᠠᠭᠠ ᠮᠠᠯᠵᠢᠬᠤ ᠲᠤᠰᠬᠠᠢ ᠡᠷᠦᠬᠡ | ᠪᠤᠯᠤᠬᠰᠠᠨ ᠨᠢ ᠴᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠷᠢᠶᠠ ᠬᠡᠪᠴᠢᠶᠠ ᠵᠢᠴᠢ ᠮᠠᠯᠵᠢᠯ ᠤᠨ ᠠᠷᠭᠠ ᠲᠤᠷᠰᠢᠯᠭᠠ ᠶᠢᠨ | ᠲᠠᠯᠠ ᠪᠠᠷ ᠤᠯᠠᠨ ᠠᠴᠠ ᠤᠨᠴᠠᠭᠠᠢᠢᠷᠠᠬᠰᠠᠨ ᠪᠠᠶᠢᠬᠤ ᠨᠢ ᠮᠡᠳᠡᠭᠡᠵᠢ᠃ | ᠤᠯᠠᠭᠠᠨᠬᠤᠸᠠᠷ ᠤᠨ ᠬᠢᠨ 2002 ᠤᠨ ᠳᠤ ᠠᠯᠤᠰ ᠬᠤᠯᠠ ᠶᠢᠨ ᠯᠢᠶᠤᠤᠨᠢᠩ ᠮᠤᠵᠢ ᠠᠴᠠ 30 ᠭᠠᠷᠤᠢ | ᠨᠤᠯᠤᠤᠷ ᠤᠨ ᠢᠰᠢᠬᠡ ᠬᠤᠳᠠᠯᠳᠤᠨ ᠠᠪᠴᠤ ᠮᠠᠯᠵᠢᠭᠠᠳ ᠤᠳᠤ ᠪᠤᠯᠬᠤ ᠳᠤ 100 ᠭᠠᠷᠤᠢ ᠨᠤᠯᠤᠤᠷ ᠤᠨ ᠴᠠᠭᠠᠨ | ᠢᠮᠠᠭᠠ ᠲᠠᠢ ᠪᠤᠯᠵᠦ᠂ ᠮᠠᠯ ᠤᠨ ᠲᠤᠭᠠᠯᠠᠯᠭᠠ ᠳᠤ ᠬᠠᠮᠤᠭ ᠤᠯᠠᠨ ᠳᠠᠭᠠᠨ 300 ᠢᠮᠠᠭᠠ ᠪᠦᠷᠢᠳᠭᠡᠬᠦᠯᠵᠦ | ᠪᠠᠶᠢᠬᠰᠠᠨ ᠤᠳᠠᠭᠠ ᠲᠠᠢ᠃ ᠮᠦᠨ ᠴᠤ ᠵᠢᠷᠭᠤᠭᠠ ᠲᠤᠯᠤᠭᠠᠨ ᠵᠢᠯ ᠤᠨ ᠡᠮᠦᠨᠡ ᠨᠤᠯᠤᠤᠷ ᠵᠢᠩ ᠪᠦᠷᠢ ᠳᠡᠭᠡᠨ | 160 ᠲᠦᠭᠦᠷᠢᠭ ᠬᠦᠷᠴᠦ ᠪᠠᠶᠢᠬᠰᠠᠨ ᠦᠶᠡ ᠳᠤ ᠬᠠᠪᠤᠷ ᠲᠠᠭᠠᠨ 300 ᠵᠢᠩ ᠨᠤᠯᠤᠤᠷ ᠬᠤᠳᠠᠯᠳᠤᠵᠦ᠂ 5 | ᠲᠦᠮᠡ ᠰᠢᠬᠠᠭᠤ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠲᠤᠭᠠᠯᠠᠵᠤ ᠪᠠᠶᠢᠬᠰᠠᠨ ᠦᠡᠭᠭᠡᠷᠡᠯᠳᠡ ᠲᠠᠢ᠃ ᠤᠳᠤ ᠲᠡᠳᠡᠨ ᠤ ᠨᠢᠬᠡ | ᠡᠮᠠ ᠢᠮᠠᠭᠠᠨ ᠠᠴᠠ ᠲᠡᠭᠰᠢᠳᠭᠡᠭᠡᠳ ᠵᠢᠩ ᠬᠤᠶᠠᠷ ᠯᠠᠩ ᠨᠤᠯᠤᠤᠷ ᠪᠠᠭᠤᠳᠠᠭ ᠪᠠ ᠪᠦᠳᠦᠬᠦᠨ ᠡᠷᠡ | ᠢᠮᠠᠭᠠᠨ ᠠᠴᠠ ᠨᠢ ᠲᠡᠭᠰᠢᠳᠭᠡᠭᠡᠳ 2 ᠵᠢᠩ ᠰᠢᠬᠠᠭᠤ ᠨᠤᠯᠤᠤᠷ ᠪᠠᠭᠤᠴᠢᠬᠠᠳᠠᠭ ᠪᠠᠶᠢᠵᠤ᠂ ᠨᠤᠯᠤᠤᠷ ᠤᠨ | ᠭᠠᠷᠤᠯᠳᠠ ᠶᠢ ᠨᠡᠮᠡᠭᠳᠡᠬᠦᠯᠬᠦ ᠶᠢᠨ ᠲᠦᠯᠦᠬᠡ ᠲᠤᠰᠬᠠᠢᠢᠯᠠᠨ ᠭᠠᠳᠠᠨᠠ ᠠᠴᠠ ᠨᠤᠯᠤᠤᠷ ᠤᠨ ᠢᠰᠢᠬᠡ ᠰᠤᠩᠭᠤᠨ | ᠠᠪᠴᠢᠷᠠᠵᠤ ᠮᠠᠯᠵᠢᠬᠰᠠᠨ ᠤ ᠪᠠᠨ ᠠᠴᠢ ᠶᠢ ᠬᠦᠷᠳᠡᠵᠦ ᠶᠠᠪᠤᠨᠠ᠃ ᠦᠨᠦ ᠵᠢᠯ ᠢᠮᠠᠭᠠᠨ ᠤ ᠨᠤᠯᠤᠤᠷ ᠵᠢᠩ | ᠪᠦᠷᠢ ᠳᠡᠭᠡᠨ 130 ᠲᠦᠭᠦᠷᠢᠭ ᠬᠦᠷᠦᠭᠰᠡᠨ ᠪᠤᠯᠬᠤᠷ ᠡᠳᠡᠨ ᠤ ᠨᠢᠬᠡ ᠡᠮᠡ ᠢᠮᠠᠭᠠᠨ ᠠᠴᠠ ᠵᠠᠭᠤ ᠵᠢᠷᠠᠭᠠᠳ | ᠲᠦᠭᠦᠷᠢᠭ ᠤᠨ ᠨᠤᠯᠤᠤᠷ ᠤᠨ ᠤᠷᠤᠯᠭᠠ ᠤᠯᠵᠤ᠂ ᠪᠦᠳᠦᠬᠦᠨ ᠡᠷᠠ ᠢᠮᠠᠭᠠᠨ ᠠᠴᠠ 260 ᠲᠦᠬᠦᠷᠢᠭ ᠤᠨ | ᠨᠤᠯᠤᠤᠷ ᠤᠨ ᠤᠷᠤᠯᠭᠠ ᠤᠯᠤᠭᠰᠠᠨ ᠨᠢ ᠪᠠᠰᠠᠴᠤ ᠴᠢᠮᠠᠯᠠᠰᠢ ᠦᠭᠡᠢ ᠶᠡᠭᠡ ᠠᠰᠢᠭ ᠪᠤᠯᠵᠤ ᠡᠷᠬᠢᠮᠯᠡᠭᠳᠡᠯᠠ᠃ | ᠲᠡᠷᠡᠴᠢᠯᠡᠨ ᠢᠰᠢᠬᠡ ᠨᠢ ᠨᠠᠮᠤᠷ ᠬᠤᠳᠠᠯᠳᠤᠬᠤ ᠳᠤ 500 ᠰᠢᠬᠠᠮ ᠲᠦᠭᠦᠷᠢᠭ ᠬᠦᠷᠴᠦ᠂ ᠡᠮᠠ ᠢᠮᠠᠭᠠ 700 | ᠲᠦᠭᠦᠷᠢᠭ ᠬᠦᠷᠳᠡᠭ ᠪᠤᠯᠬᠤᠷ ᠨᠠᠮᠤᠷ ᠤᠨ ᠭᠠᠷᠭᠠᠯᠳᠠ ᠶᠢᠨ ᠦᠶᠡ ᠳᠤ ᠴᠤ ᠤᠷᠤᠯᠭᠠ ᠪᠠᠭᠠ ᠪᠤᠰᠤ᠃ | ᠲᠡᠭᠡᠬᠦ ᠪᠠᠷ ᠢᠶᠠᠨ ᠤᠳᠤ 200 ᠭᠠᠷᠤᠢ ᠬᠤᠨᠢ᠂ 100 ᠭᠠᠷᠤᠢ ᠢᠮᠠᠭᠠ᠂ ᠬᠤᠷᠢᠭᠠᠳ ᠦᠭᠡᠷ ᠮᠠᠯᠵᠢᠵᠦ ᠪᠤᠢ | ᠡᠳᠡᠨᠡᠶᠢᠬᠢᠨ ᠤ ᠲᠠᠩᠰᠠᠨ ᠤ ᠲᠡᠪᠳᠡᠷ ᠤᠨ ᠲᠤᠭᠠᠴᠠᠭᠠ ᠶᠢ ᠡᠷᠬᠢᠬᠦᠯᠵᠦ ᠦᠵᠡᠬᠦ ᠳᠤ᠂ ᠨᠢᠬᠡ ᠵᠢᠯ ᠤᠨ ᠠᠷᠪᠠᠭᠠᠳ | ᠲᠦᠮᠡᠨ ᠲᠦᠭᠦᠷᠢᠭ ᠢᠶᠠᠷ ᠲᠤᠭᠠᠯᠠᠬᠳᠠᠳᠠᠭ ᠪᠦᠬᠦ ᠤᠷᠤᠯᠭᠠ ᠶᠢᠨ ᠬᠢᠨᠢ ᠲᠤᠮᠳᠠ ᠢᠮᠠᠭᠠᠨ ᠠᠴᠠ ᠢᠷᠡᠬᠦ | ᠤᠷᠤᠯᠭᠠ ᠨᠢ 60% ᠪᠠᠷ ᠲᠡᠮᠳᠡᠭᠯᠡᠭᠳᠡᠳᠡᠭ ᠠᠵᠢ᠃ ᠤᠯᠠᠭᠠᠨᠬᠤᠸᠠᠷ ︽ᠵᠢᠯ ᠳᠡᠭᠡᠨ ᠨᠢᠬᠡ ᠢᠮᠠᠭᠠᠨ ᠤ ᠵᠠᠷᠤᠳᠠᠯ | ᠲᠡᠭᠰᠢᠳᠭᠡᠭᠡᠳ 100 — 120 ᠲᠦᠭᠦᠷᠢᠭ ᠤᠷᠴᠢᠮ ᠤᠷᠤᠳᠠᠭ᠃ ᠲᠡᠭᠡᠬᠦᠯᠡᠷ ᠨᠤᠯᠤᠤᠷ ᠤᠨ ᠬᠢᠨᠢ ᠤᠷᠤᠯᠭᠠ | ᠢᠮᠠᠭᠠᠨ ᠳᠠᠭᠠᠨ ᠵᠠᠷᠤᠭᠠᠳ ᠬᠦᠷᠴᠢᠭᠡᠳᠡᠭ ᠪᠠᠶᠢᠵᠤ᠂ ᠢᠰᠢᠬᠡ ᠨᠢ ᠴᠡᠪᠡᠷ ᠤᠷᠤᠯᠭᠠ ᠪᠤᠯᠵᠤ ᠦᠯᠡᠳᠡᠳᠡᠭ᠃ ᠡᠭᠡᠭᠡ | ᠠᠳᠠᠯᠢᠬᠠᠨ ᠬᠦᠳᠡᠯᠮᠦᠷᠢ ᠬᠦᠴᠦ᠂ ᠵᠠᠷᠤᠳᠠᠯ ᠰᠦᠢᠳᠭᠡᠯ ᠤᠷᠤᠬᠰᠠᠨ ᠪᠠᠶᠢᠳᠠᠯ ᠲᠤᠤᠷᠠ ᠠᠰᠢᠭ ᠨᠢ ᠶᠡᠭᠡ ᠶᠢ | ᠰᠤᠩᠭᠤᠨ ᠮᠠᠯᠵᠢᠬᠤ ᠨᠢ ᠵᠦᠪ ᠪᠠᠶᠢᠯᠬᠦᠢ︾ ᠭᠡᠵᠦ ᠤᠴᠢᠷᠯᠠᠨᠠ᠃ | ᠤᠯᠠᠭᠠᠨᠬᠤᠸᠠᠷ ᠤᠨ ᠬᠢᠨ ᠤ ᠬᠤᠪᠢᠳᠠᠵᠤ ᠤᠯᠤᠬᠰᠠᠨ 2000 ᠮᠥ ᠨᠤᠳᠤᠭ ᠪᠡᠯᠴᠢᠭᠡᠷ ᠲᠤ ᠲᠡᠰᠬᠢ ᠭᠤᠤᠯᠳᠠᠢ | ᠤᠷᠭᠤᠳᠠᠭ᠃ ᠢᠮᠠᠭᠠ ᠮᠠᠯᠵᠢᠬᠤ ᠳᠤ ᠪᠤᠳᠠᠯᠢᠭ ᠤᠷᠭᠤᠮᠠᠯ ᠲᠠᠢ ᠪᠡᠯᠴᠢᠭᠡᠷ ᠯᠡ ᠶᠡᠭᠡ ᠵᠤᠬᠢᠴᠠᠬᠤ ᠪᠤᠯᠬᠤᠷ | ᠡᠳᠡᠨᠡᠶᠢᠬᠢ ᠮᠠᠯ ᠳᠠᠭᠠᠨ ᠵᠤᠬᠢᠴᠠᠬᠰᠠᠨ ᠪᠡᠯᠴᠢᠭᠡᠷ ᠬᠠᠶᠢᠵᠦ᠂ ᠵᠢᠯ ᠪᠤᠯᠭᠠᠨ ᠭᠠᠳᠠᠨᠠ ᠠᠴᠠ ᠭᠠᠵᠠᠷ ᠲᠦᠷᠢᠶᠡᠰᠦᠯᠡᠨ | ᠭᠡᠰᠡᠭ ᠬᠤᠭᠤᠴᠠᠭᠠ ᠤᠳᠤᠷᠯᠠᠳᠠᠭ ᠪᠠᠶᠢᠪᠠ᠃ ᠢᠮᠠᠭᠠ ᠭᠡᠳᠡᠭ ᠠᠮᠢᠳᠠᠨ ᠠᠶᠢᠯ ᠤᠨ ᠲᠤᠤᠷ ᠬᠦᠷᠢᠶᠡ ᠪᠠᠷ | ᠰᠢᠷᠭᠤᠵᠦ᠂ ᠭᠡᠯᠡ ᠠᠮᠠ ᠲᠠᠳᠠᠬᠤ ᠨᠢ ᠭᠡᠴᠡᠬᠦᠦ ᠬᠡᠮᠡᠨ ᠠᠳᠠᠯᠠᠳᠠᠭ ᠬᠦᠮᠦᠨ ᠲᠤᠩ ᠤᠯᠠᠨ ᠪᠠᠶᠢᠳᠠᠭ᠃ ᠭᠡᠬᠦ ᠳᠤ | ᠤᠯᠠᠭᠠᠨᠬᠤᠸᠠᠷ ᠤᠨ ᠬᠢᠨ ︽ᠲᠤᠤᠷ ᠬᠦᠷᠢᠶᠠ ᠪᠠᠷ ᠰᠢᠷᠭᠤᠯᠠᠭᠠᠳ ᠬᠦᠶᠦᠳᠡᠭ ᠨᠢ ᠵᠦᠪᠬᠡᠨ ᠢᠮᠠᠭᠠᠨ ᠤ ᠮᠠᠭᠤ ᠪᠢᠰᠢ᠂ | ᠬᠠᠷᠢᠨ ᠡᠵᠡᠨ ᠤ ᠬᠢᠨᠢ ᠬᠠᠷᠢᠭᠤᠴᠠᠯᠭᠠ ᠠᠯᠳᠠᠬᠰᠠᠨ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ︾ ᠭᠡᠵᠦ ᠪᠤᠳᠤᠳᠠᠭ ᠪᠠᠶᠢᠵᠤ᠂ | ᠲᠤᠤᠷ ᠬᠦᠷᠢᠶᠡᠨ ᠤ ᠪᠠᠨ ᠰᠤᠯᠠᠷᠠᠵᠦ ᠪᠠᠭᠤᠬᠰᠠᠨ ᠭᠡᠰᠡᠭ ᠢ ᠴᠠᠭ ᠴᠠᠭ ᠲᠤᠨᠢ ᠰᠡᠯᠪᠢᠨ ᠵᠠᠰᠠᠵᠦ ᠬᠠᠮᠠᠭᠠᠯᠠᠬᠤ ᠶᠢ | ᠤᠨᠴᠠ ᠠᠩᠬᠠᠷᠳᠠᠭ ᠵᠠᠩᠰᠢᠯ ᠲᠠᠢ᠃ ᠲᠡᠭᠡᠬᠦ ᠪᠠᠷ ᠢᠮᠠᠭᠠᠳ ᠨᠢ ᠲᠤᠤᠷ ᠬᠦᠷᠢᠶᠠ ᠪᠠᠷ ᠰᠢᠷᠭᠤᠯᠠᠵᠤ ᠬᠦᠶᠦᠬᠦ | ᠨᠦᠬᠦᠴᠡᠯ ᠦᠭᠡᠢ ᠮᠦᠷᠳᠡᠭᠡᠨ ᠡᠳᠦᠷ ᠤᠨ ᠤᠳᠠᠭᠠᠨ ᠳᠠᠭᠠᠨ ᠡᠨᠡ ᠨᠢ ᠪᠦᠷ ᠰᠠᠶᠢᠬᠠᠨ ᠲᠠᠳᠬᠠᠯ ᠪᠤᠯᠵᠤ᠂ | ᠬᠠᠷᠢᠭᠤᠯᠤᠯᠭᠠ ᠴᠤ ᠲᠡᠮᠡᠢ ᠤᠷᠤᠳᠠᠭ ᠦᠭᠡᠢ ᠪᠤᠯᠵᠠᠢ᠃ ᠡᠨᠡ ᠲᠤᠬᠠᠢ ᠤᠯᠠᠭᠠᠨᠬᠤᠸᠠᠷ ︽ᠮᠠᠨ ᠤ ᠢᠮᠠᠭᠠ ᠶᠡᠷᠦ ᠨᠢ | ᠲᠤᠤᠷ ᠬᠦᠷᠢᠶᠠ ᠪᠠᠷ ᠰᠢᠷᠭᠤᠵᠤ ᠬᠦᠶᠦᠬᠦ ᠲᠠᠳᠬᠠᠯ ᠪᠠᠶᠢᠳᠠᠭ ᠦᠭᠡᠢ᠃ ᠡᠨᠡ ᠨᠢ ᠪᠠᠷᠤᠭ ᠪᠢᠳᠡᠨ ᠤ | ᠰᠤᠷᠭᠠᠬᠰᠠᠨ ᠤ ᠰᠠᠶᠢᠨ ᠪᠠᠶᠢᠬᠠ ᠡ᠃ ᠮᠠᠯ ᠢ ᠴᠢᠨᠢ ᠪᠠᠰᠠ ᠬᠦᠮᠦᠨ ᠶᠠᠭᠠᠬᠢᠵᠦ ᠰᠤᠷᠭᠠᠬᠤ ᠪᠠᠷ ᠪᠤᠯᠤᠨᠠ ᠰᠢᠦ᠃ | ᠤᠳᠤ ᠴᠢᠨᠢ ᠠᠶᠢᠯ ᠪᠤᠯᠭᠠᠨ ᠪᠦᠷ ᠭᠠᠵᠠᠷ ᠢᠶᠠᠨ ᠬᠦᠷᠢᠶᠡᠯᠡᠴᠢᠭᠡᠭᠡᠳ ᠮᠠᠯ ᠢᠶᠠᠨ ᠪᠦᠷ ᠲᠤᠤᠷ ᠬᠦᠷᠢᠶᠡᠨ ᠳᠡᠭᠡᠨ | ᠮᠠᠯᠵᠢᠵᠦ ᠪᠠᠶᠢᠬᠤ ᠶᠤᠮ ᠴᠢᠨᠢ ᠦᠭᠡᠷᠠ ᠠᠶᠢᠯ ᠢ ᠬᠠᠮᠢᠶᠠᠷᠴᠤ ᠲᠡᠶᠢᠯᠬᠦ ᠦᠭᠡᠢ ᠴᠤ ᠦᠪᠡᠷ ᠤᠨ ᠲᠤᠤᠷ | ᠬᠦᠷᠢᠶᠠ ᠪᠠᠨ ᠰᠠᠶᠢᠨ ᠬᠠᠷᠠᠵᠤ ᠬᠠᠮᠠᠭᠠᠯᠠᠭᠠᠳ ᠪᠠᠶᠢᠪᠡᠯ ᠢᠮᠠᠭᠠ ᠬᠠᠮᠢᠭᠠ ᠬᠦᠶᠦᠬᠦ ᠶᠤᠮ ᠪᠢᠯᠡ︖ ᠶᠡᠷᠦᠨᠢ | ᠢᠮᠠᠭᠠ ᠶᠢ ᠰᠠᠶᠢᠬᠠᠨ ᠰᠤᠷᠭᠠᠴᠢᠬᠠᠪᠠᠯ ᠮᠠᠯᠵᠢᠬᠤ ᠳᠤ ᠠᠮᠠᠷᠬᠠᠨ᠂ ᠤᠰᠤ ᠪᠡᠯᠴᠢᠭᠡᠷ ᠢ ᠨᠢ ᠰᠠᠶᠢᠬᠠᠨ | ᠵᠤᠬᠢᠴᠠᠭᠤᠯᠬᠤ ᠶᠢᠨ ᠲᠠᠭᠠᠤ ᠲᠡᠵᠢᠭᠡᠬᠦ ᠦᠶᠡ ᠳᠡᠭᠡᠨ ᠲᠤᠬᠳᠠᠬᠰᠠᠨ ᠴᠠᠭ ᠬᠤᠭᠤᠴᠠᠭᠠ ᠲᠠᠢ᠂ ᠵᠤᠬᠢᠬᠤ | ᠪᠠᠷᠢᠮᠵᠢᠶᠠ ᠲᠠᠢ ᠪᠠᠶᠢᠬᠤ ᠶᠢ ᠠᠩᠬᠠᠷᠴᠤ ᠪᠠᠶᠢᠪᠠᠯ ᠢᠮᠠᠭᠠ ᠨᠠᠰᠢ ᠴᠠᠰᠢ ᠪᠠᠨ ᠬᠦᠶᠦᠭᠡᠳ ᠠᠵᠤ ᠪᠤᠯᠬᠤ ᠦᠭᠡᠢ | ᠮᠦᠷᠳᠡᠭᠡᠨ ᠲᠠᠷᠭᠤ ᠬᠦᠴᠦ ᠪᠠᠨ ᠪᠠᠳᠤᠯᠠᠵᠤ᠂ ᠭᠡᠭᠡᠯ ᠬᠠᠶᠠᠬᠤ ᠦᠭᠡᠢ ᠂ ᠨᠤᠯᠤᠤᠷ ᠨᠢ ᠴᠤ ᠰᠠᠶᠢᠨ ᠪᠠᠭᠤᠨᠠ︾ | ᠭᠡᠵᠦ ᠪᠠᠶᠢᠯᠠ᠃ | ᠮᠠᠯᠴᠢᠨ ᠤᠯᠠᠭᠠᠨᠬᠤᠸᠠᠷ ᠤᠨ ᠬᠢᠨ ᠨᠤᠯᠤᠤᠷ ᠤᠨ ᠴᠠᠭᠠᠨ ᠢᠮᠠᠭᠠ ᠰᠤᠩᠭᠤᠨ ᠮᠠᠯᠵᠢᠵᠤ᠂ ᠬᠠᠷᠢᠭᠤᠴᠠᠯᠭᠠ ᠲᠠᠢ | ᠮᠦᠷᠲᠠᠬᠡᠨ ᠨᠠᠷᠢᠨ ᠨᠢᠮᠪᠠᠢ ᠠᠷᠠᠴᠢᠯᠠᠨ ᠲᠤᠳᠤᠮᠳᠠᠳᠠᠭ ᠢᠶᠠᠷ ᠢᠮᠠᠭᠠ ᠮᠠᠯᠵᠢᠬᠤ ᠠᠷᠭᠠ ᠲᠤᠷᠰᠢᠯᠭᠠ ᠪᠠᠷ ᠪᠠᠶᠠᠨ᠃ | ᠮᠦᠨ ᠴᠤ ᠬᠦᠳᠡᠯᠮᠦᠷᠢ ᠤᠬᠠᠭᠠᠨ ᠤ ᠬᠢᠨᠢ ᠬᠠᠷᠢᠭᠤ ᠪᠤᠯᠵᠤ ᠦᠨᠢᠷ ᠦᠰᠦᠭᠰᠡᠨ ᠮᠠᠯ ᠰᠦᠷᠦᠭ ᠤᠨ ᠬᠢᠨᠢ | ᠡᠵᠡᠨ ᠳᠡᠭᠡᠨ ᠬᠦᠷᠳᠡᠭᠡᠬᠦ ᠠᠰᠢᠭ ᠰᠢᠮᠡ ᠨᠢ ᠴᠤ ᠦᠯᠠᠮᠵᠢ ᠪᠠᠶᠢᠭᠠ ᠠᠵᠢ᠃ | |