| —— ᠳᠤᠯᠤᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠪᠦᠬᠦ ᠤᠷᠤᠨ ᠤ ᠶᠤᠰᠤ ᠮᠤᠷᠠᠯ ᠤᠨ ᠵᠢᠱᠢᠶᠡᠴᠢ ᠶᠢᠨ ᠨᠡᠷᠡ ᠳᠤᠷᠠᠳᠤᠬᠰᠡᠨ | ᠱᠠᠩᠨᠠᠯ ᠭᠦᠷᠲᠡᠭᠰᠡᠨ ᠤᠷᠠᠨᠪᠢᠯᠢᠭ᠌ ᠤᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠲᠡᠮᠳᠡᠭᠯᠡᠪᠡ | ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠯᠢ ᠶᠢᠨ ᠬᠤᠳᠠ ᠶᠢᠨ ᠴᠤᠬᠠᠭᠤᠯᠠ ᠰᠤᠮᠤᠨ ᠤ ᠲᠦᠭᠦᠷᠢᠭ ᠭᠠᠴᠠᠭᠠᠨ ᠳᠤ | ᠤᠷᠠᠨᠪᠢᠯᠢᠭ᠌ ᠭᠡᠳᠡᠭ ᠨᠢᠭᠡ ᠪᠦᠰᠡᠭᠦᠢ ᠨᠤᠲᠤᠭ ᠤᠨ ᠡᠮᠴᠢ ᠪᠠᠶᠢᠳᠠᠭ᠃ ᠲᠡᠷᠡ 1995 ᠤᠨ ᠳᠤ ᠦᠪᠦᠷ | ᠮᠤᠩᠭᠤᠯ ᠤᠨ ᠦᠨᠳᠦᠰᠦᠲᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠠᠴᠠ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯ | ᠰᠤᠷᠴᠦ ᠲᠡᠭᠦᠰᠦᠭᠡᠳ ᠨᠤᠲᠤᠭ ᠲᠤ ᠪᠠᠨ ᠬᠠᠷᠢᠵᠦ᠂ ᠦᠨᠳᠦᠰᠦᠨ ᠱᠠᠲᠤᠨ ᠤ ᠡᠮᠴᠢ ᠶᠢᠨ ᠠᠵᠢᠯ ᠢ ᠡᠭᠦᠷᠭᠡᠯᠡᠵᠦ | ᠬᠢᠭᠡᠳ 25 ᠵᠢᠯ ᠤᠨ ᠬᠠᠪᠤᠷ ᠨᠠᠮᠤᠷ ᠢ ᠲᠤᠭᠤᠯᠵᠠᠢ᠃ ᠤᠷᠠᠨᠪᠢᠯᠢᠭ᠌ ᠭᠡᠷ ᠲᠡᠭᠡᠨ ᠭᠤᠷᠪᠠᠭᠤᠯᠠ᠂ ᠨᠦᠬᠦᠷ ᠨᠢ | ᠭᠠᠩᠲᠡᠮᠤᠷ ᠭᠠᠴᠠᠭᠠᠨ ᠤ ᠪᠠᠨ ᠮᠠᠯ ᠡᠮᠨᠡᠯᠭᠡ ᠶᠢᠨ ᠠᠵᠢᠯ ᠢ ᠭᠠᠷᠳᠠᠨ ᠬᠢᠵᠦ᠂ ᠬᠦᠦ ᠨᠢ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ | ᠰᠤᠷᠤᠯᠴᠠᠵᠦ ᠪᠠᠶᠢᠨᠠ᠃ | ᠬᠤᠷᠢᠭᠠᠳ ᠵᠢᠯ ᠤᠨ ᠳᠤᠷᠰᠢ᠂ ᠮᠠᠯᠴᠢᠳ ᠳᠠᠬᠰᠢᠭᠤᠷ ᠲᠤᠮᠤᠭᠤ ᠬᠦᠷᠬᠦ᠂ ᠠᠷᠬᠠᠭ ᠬᠠᠭᠤᠴᠢᠨ ᠨᠢ ᠬᠦᠳᠡᠯᠬᠦ | ᠪᠤᠶᠤ ᠭᠡᠮᠲᠦᠵᠦ ᠰᠢᠷᠠᠬᠳᠠᠬᠰᠡᠨ ᠴᠤ ᠤᠷᠠᠨᠪᠢᠯᠢᠭ᠌ ᠢ ᠳᠠᠭᠤᠳᠠᠳᠠᠭ᠃ ᠡᠨᠡ ᠦᠶᠡᠰ ᠲᠡᠷᠡ ᠶᠡᠷᠦᠨᠢ ᠡᠪᠦᠯ ᠵᠤᠨ᠂ | ᠡᠳᠦᠷ ᠰᠦᠨᠢ᠂ ᠴᠠᠰᠦ ᠪᠤᠷᠤᠭᠠᠨ ᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠳᠠᠷᠤᠢ ᠳᠤ ᠨᠢ ᠤᠴᠢᠭᠠᠳ ᠡᠮᠴᠢᠯᠡᠭᠡ ᠬᠢᠵᠦ ᠦᠭᠳᠡᠭ | ᠪᠤᠯᠬᠤᠷ᠂ ᠮᠠᠯᠴᠢᠳ ᠲᠡᠭᠦᠨ ᠢ ᠮᠠᠨ ᠤ ᠮᠠᠯᠴᠢᠳ ᠤᠨ《120》 ᠲᠦᠷᠭᠡᠨ ᠠᠪᠤᠷᠠᠯᠲᠠ ᠶᠢᠨ ᠡᠮᠴᠢ ᠭᠡᠵᠦ | ᠳᠤᠲᠤᠨᠤᠴᠢᠯᠠᠨ ᠨᠡᠷᠡᠯᠡᠳᠡᠭ ᠪᠢᠯᠡ᠃ ᠲᠡᠭᠦᠨ ᠤ ᠤᠳᠠᠭᠠᠨ ᠵᠢᠯ ᠮᠠᠯᠴᠢᠨ ᠲᠦᠮᠡᠨ ᠤ ᠪᠠᠨ ᠡᠷᠡᠭᠦᠯ ᠮᠡᠨᠳᠦ ᠶᠢᠨ | ᠲᠦᠯᠦᠭᠡ ᠭᠤᠶᠠᠴᠢ ᠦᠭᠡᠢ ᠵᠢᠳᠭᠦᠭᠰᠡᠨ ᠦᠢᠯᠡ ᠠᠵᠢᠯᠠᠯᠭᠠ ᠶᠢ ᠨᠢ ᠨᠠᠮ ᠵᠠᠰᠠᠭ᠂ ᠠᠷᠠᠳ ᠤᠯᠠᠨ ᠨᠢ | ᠬᠦᠨᠳᠦᠳᠭᠡᠨ ᠦᠨᠡᠯᠡᠵᠦ᠂ 2010 ᠤᠨ ᠳᠤ ᠪᠦᠬᠦ ᠤᠯᠤᠰ ᠤᠨ《 ᠬᠦᠳᠡᠭᠡ ᠳᠤᠰᠬᠤᠨ ᠤ ᠰᠢᠯᠢᠳᠡᠭ | ᠡᠮᠴᠢ 》 ᠶᠢᠨ ᠢᠷᠠᠭᠤ ᠠᠯᠳᠠᠷ ᠢ ᠭᠦᠷᠲᠡᠭᠡᠵᠦ᠂ ᠤᠷᠢᠳ ᠬᠤᠵᠢᠳ ᠪᠦᠬᠦ ᠤᠷᠤᠨ ᠤ《 ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ | ᠪᠠᠨ ᠯᠸᠢ ᠹᠧᠩ ᠠᠴᠠ ᠰᠤᠷᠤᠯᠴᠠᠬᠰᠡᠨ ᠵᠢᠱᠢᠶᠡᠴᠢ 》᠂《 ᠰᠢᠨᠡ ᠡᠷᠡᠨ ᠤ ᠤᠮᠠᠷᠠᠲᠤ ᠬᠢᠯᠢ ᠶᠢᠨ ᠰᠤᠳᠤᠨ | ᠡᠮᠡᠭᠲᠡᠢ》᠂《 ᠰᠢᠯᠢᠳᠡᠭ ᠨᠠᠮ ᠤᠨ ᠭᠡᠰᠢᠭᠦᠨ 》ᠵᠡᠷᠭᠡ ᠪᠠᠷ ᠰᠤᠩᠭᠤᠬᠳᠠᠵᠦ᠂ ᠤᠷᠴᠢᠮᠬᠠᠨ ᠪᠠᠰᠠ ᠳᠤᠯᠤᠳᠤᠭᠠᠷ | ᠬᠤᠭᠤᠴᠠᠭᠠᠨ ᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ《 ᠶᠤᠰᠤ ᠮᠤᠷᠠᠯ ᠤᠨ ᠵᠢᠱᠢᠶᠡᠴᠢ | 》 ᠶᠢᠨ ᠨᠡᠷᠡ ᠳᠤᠷᠠᠳᠤᠬᠰᠡᠨ ᠱᠠᠩᠨᠠᠯ ᠬᠦᠷᠲᠡᠵᠡᠢ᠃ | ᠦᠢᠯᠡᠰ ᠢᠶᠠᠨ ᠳᠡᠭᠡᠳᠦᠯᠡᠭᠰᠡᠨ ᠦᠨᠡᠨᠴᠢᠬᠡᠨ ᠵᠢᠳᠭᠦᠯ | ᠤᠷᠠᠨᠪᠢᠯᠢᠭ᠌ ᠭᠠᠴᠠᠭᠠᠨ ᠤ ᠪᠠᠨ ᠡᠮᠴᠢ ᠶᠢᠨ ᠠᠵᠢᠯ ᠢ ᠡᠭᠦᠷᠭᠡᠯᠡᠭᠰᠡᠨ ᠡᠳᠦᠷ ᠠᠴᠠ ᠪᠠᠨ ᠠᠪᠤᠭᠠᠳ ᠡᠮᠴᠢᠯᠡᠬᠦ | ᠠᠵᠢᠯ ᠳᠤ ᠡᠬᠢᠨ ᠳᠤ ᠪᠠᠨ ᠮᠤᠷᠢ ᠲᠠᠢ ᠳᠠᠪᠬᠢᠭᠤᠯᠵᠦ᠂ ᠳᠠᠷᠠᠭᠠ ᠨᠢ ᠮᠤᠲ᠋ᠤᠷ ᠢᠶᠠᠷ ᠭᠦᠶᠦᠯᠭᠡᠨ᠂ ᠤᠳᠤ ᠪᠤᠯ | ᠮᠠᠰᠢᠨ ᠲᠡᠷᠭᠡ ᠪᠠᠷ ᠬᠠᠮᠢᠭᠠ ᠳᠠᠭᠤᠳᠠᠪᠠᠯ ᠲᠡᠨᠳᠡ ᠰᠠᠭᠠᠳᠠᠯ ᠦᠭᠡᠢ ᠬᠦᠷᠴᠦ ᠦᠢᠯᠡᠴᠢᠯᠡᠭᠰᠡᠭᠡᠷ ᠪᠠᠶᠢᠨᠠ᠃ | ᠡᠳᠡᠨ ᠤ ᠭᠡᠷ ᠨᠢ ᠭᠠᠴᠠᠭᠠᠨ ᠤ ᠪᠠᠨ ᠤᠷᠢᠳᠦ ᠪᠡᠶᠡ ᠪᠠᠷ ᠰᠠᠭᠤᠷᠢᠰᠢᠳᠠᠭ᠂ ᠤᠶᠢᠷᠠ ᠵᠡᠷᠭᠡᠯᠡᠳᠡᠭᠡ ᠠᠶᠢᠯ ᠨᠢ ᠲᠠᠪᠤ | ᠭᠤᠷᠪᠠᠨ ᠭᠠᠵᠠᠷ ᠤᠨ ᠵᠠᠢ ᠲᠠᠢ ᠪᠠᠶᠢᠬᠤ ᠳᠤ᠂ ᠬᠤᠯᠠ ᠨᠢ ᠪᠦᠷ ᠵᠠᠭᠤᠭᠠᠳ ᠭᠠᠵᠠᠷ ᠤᠨ ᠴᠠᠭᠠᠨᠠ ᠪᠠᠶᠢᠳᠠᠭ᠃ | ᠲᠡᠷᠡ ᠮᠠᠯᠴᠢᠳ ᠲᠠᠭᠠᠨ ᠡᠪᠡᠳᠴᠢᠨ ᠦᠵᠡᠬᠦ᠂ ᠵᠡᠭᠦᠦ ᠲᠠᠯᠪᠢᠬᠤ᠂ ᠡᠮ ᠶᠡᠭᠦᠯᠡᠬᠦ᠂ ᠡᠮ ᠬᠦᠷᠭᠡᠬᠦ᠂ ᠡᠷᠡᠭᠦᠯ | ᠮᠡᠨᠳᠦ ᠶᠢᠨ ᠤᠬᠠᠭᠤᠯᠭᠠ ᠰᠣᠷᠳᠠᠯᠴᠢᠯᠠᠭᠠ ᠬᠢᠵᠦ ᠠᠰᠠᠭᠤᠨ ᠯᠠᠪᠯᠠᠭᠠ ᠬᠢᠬᠦ᠂ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠪᠠᠶᠢᠳᠠᠯ ᠢ ᠨᠢ | ᠲᠡᠮᠳᠡᠭᠯᠡᠵᠦ ᠳᠠᠩᠰᠠ ᠡᠪᠬᠡᠮᠡᠯ ᠪᠠᠶᠢᠭᠤᠯᠬᠤ ᠵᠡᠷᠭᠡ ᠪᠠᠷ ᠦᠢᠯᠡᠴᠢᠯᠡᠵᠦ ᠪᠠᠶᠢᠳᠠᠭ᠃ ᠡᠭᠦᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ | ᠵᠡᠷᠭᠡᠯᠡᠳᠡᠭᠡ ᠪᠠᠶᠢᠭᠠ ᠪᠠᠶᠠᠨᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠨᠬᠠᠷᠠᠭᠠᠲᠦ ᠭᠠᠴᠠᠭᠠ᠂ ᠲᠤᠰ ᠰᠤᠮᠤᠨ ᠤ ᠪᠠᠨ ᠠᠷᠤᠭᠤᠤᠯ | ᠭᠠᠴᠠᠭᠠᠨ ᠤ ᠮᠠᠯᠴᠢᠳ ᠲᠤ ᠴᠦ ᠡᠮᠴᠢᠯᠡᠭᠡ ᠶᠢᠨ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠦ ᠪᠠᠶᠢᠳᠠᠭ ᠪᠢᠯᠡ᠃ | ᠤᠷᠠᠨᠪᠢᠯᠢᠭ᠌ ᠮᠠᠯᠴᠢᠳ ᠲᠠᠭᠠᠨ ᠨᠡᠩ ᠰᠠᠶᠢᠨ ᠳᠦᠭᠦᠮ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠬᠤ ᠶᠢᠨ ᠳᠤᠰᠠᠳᠠ ᠂ | ᠨᠦᠬᠦᠷ ᠤᠨ ᠢᠶᠠᠨ ᠬᠠᠪᠰᠤᠷᠤᠯᠭᠠ ᠪᠠᠷ ᠮᠤᠲ᠋ᠤᠷ ᠤᠨᠤᠵᠦ ᠰᠤᠷᠤᠬᠰᠡᠨ ᠨᠢ ᠬᠤᠷᠢ ᠰᠢᠬᠠᠮ ᠵᠢᠯ ᠤᠨ ᠡᠮᠦᠨᠡᠬᠢ | ᠤᠴᠢᠷ ᠪᠤᠯᠪᠠ᠃ ᠢᠩᠭᠢᠭᠡᠳ ᠡᠮᠴᠢᠯᠡᠭᠡ ᠬᠢᠵᠦ ᠶᠠᠪᠤᠬᠤ ᠳᠤ ᠨᠢ ᠶᠡᠭᠡ ᠳᠦᠭᠦᠮ ᠲᠦᠳᠡ ᠪᠤᠯᠵᠦ᠂ ᠨᠤᠲᠤᠭ ᠤᠨ | ᠰᠢᠷᠠ ᠵᠠᠮ ᠢᠶᠠᠷ ᠢᠶᠠᠨ ᠦᠭᠡᠳᠠ ᠤᠷᠤᠭᠤ ᠡᠮᠴᠢᠯᠡᠭᠡ ᠬᠢᠵᠦ ᠶᠠᠪᠤᠬᠰᠠᠭᠠᠷ ᠪᠠᠶᠢᠵᠦ ᠭᠤᠷᠪᠠᠨ ᠮᠤᠲ᠋ᠤᠷ ᠡᠯᠡᠭᠡᠭᠰᠡᠨ ᠨᠢ | ᠦᠯᠢᠭᠡᠷ ᠤᠨ ᠰᠢᠭ ᠶᠠᠪᠤᠳᠠᠯ ᠪᠤᠯᠵᠠᠢ᠃ ᠤᠷᠠᠨᠪᠢᠯᠢᠭ᠌᠄《 ᠤᠶᠢᠷᠠ ᠶᠢᠨ ᠵᠢᠯ ᠤᠳ ᠲᠤ ᠠᠶᠢᠯ ᠤᠳ ᠪᠦᠷ ᠮᠠᠰᠢᠨ | ᠲᠡᠷᠭᠡ ᠲᠠᠢ ᠪᠤᠯᠤᠬᠰᠡᠨ ᠪᠤᠯᠬᠤᠷ ᠵᠠᠷᠢᠮ ᠨᠢ ᠳᠤᠰᠤᠨᠠ᠂ ᠵᠠᠷᠢᠮ ᠳᠤ ᠪᠠᠨ ᠮᠠᠨ ᠤ ᠨᠦᠬᠦᠷ ᠪᠤᠶᠤ ᠬᠦᠦ ᠬᠦᠷᠭᠡᠨᠠ᠂ | ᠤᠤᠯ ᠠᠴᠠ ᠪᠠᠨ ᠬᠤᠯᠠ ᠳᠦᠭᠦᠮ ᠪᠤᠯᠤᠬᠰᠡᠨ᠃ ᠮᠤᠲ᠋ᠤᠷ ᠢᠶᠠᠷ ᠶᠠᠪᠤᠵᠦ ᠪᠠᠶᠢᠬᠤ ᠳᠤ ᠡᠪᠦᠯ ᠬᠠᠪᠤᠷ ᠤᠨ ᠴᠠᠰᠦ | ᠰᠢᠭᠤᠷᠭᠠᠨ ᠲᠠᠢ ᠡᠳᠦᠷ ᠪᠤᠯ ᠭᠡᠴᠡᠭᠦᠦ ᠪᠠᠶᠢᠳᠠᠭ ᠶᠤᠮ 》 ᠭᠡᠳ ᠨᠢᠭᠡ ᠤᠳᠠᠭᠠᠨ ᠤ ᠰᠢᠭᠤᠷᠭᠠᠨ ᠳᠤᠮᠳᠠᠭᠤᠷ ᠡᠮ | ᠶᠡᠭᠦᠯᠡᠬᠦ ᠪᠠᠷ ᠶᠠᠪᠤᠬᠰᠡᠨ ᠵᠤᠭᠤᠭ ᠢᠶᠠᠨ ᠶᠠᠷᠢᠯᠠ᠃ ᠨᠢᠭᠡ ᠬᠠᠪᠤᠷ ᠤᠷᠠᠨᠪᠢᠯᠢᠭ᠌ ᠤᠨ ᠭᠡᠷ ᠠᠴᠠ ᠬᠤᠶᠢᠨᠠ ᠪᠠᠶᠢᠳᠠᠭ | ᠨᠠᠶᠠ ᠭᠠᠷᠤᠬᠰᠡᠨ ᠳᠤᠯᠮᠠ ᠨᠠᠰᠤᠲᠠᠨ ᠳᠤ ᠳᠤᠯᠤᠭᠠᠨ ᠡᠳᠦᠷ ᠤᠨ ᠡᠮ ᠶᠡᠭᠦᠯᠡᠬᠦ ᠪᠤᠯᠤᠬᠰᠡᠨ ᠠᠴᠠ ᠡᠳᠦᠷ ᠡᠳᠦᠷ | ᠭᠡᠷ ᠲᠤ ᠨᠢ ᠤᠴᠢᠬᠤ ᠬᠡᠷᠡᠭᠲᠠᠢ ᠲᠠᠢ ᠪᠤᠯᠵᠠᠢ᠃ ᠨᠢᠭᠡ ᠡᠳᠦᠷ ᠲᠡᠭᠦᠨ ᠤ ᠨᠦᠬᠦᠷ ᠨᠢ ᠮᠠᠯ ᠤᠨ ᠬᠢᠵᠢᠭ ᠤᠨ | ᠲᠠᠷᠢᠯᠭᠠ ᠬᠢᠬᠦ ᠪᠠᠷ ᠶᠠᠪᠤᠵᠦ᠂ ᠬᠦᠦ ᠨᠢ ᠪᠠᠰᠠ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠪᠠᠶᠢᠬᠰᠡᠨ ᠳᠤᠯᠠ ᠲᠡᠷᠡ ᠮᠠᠯ ᠤᠨᠤᠭᠠ ᠪᠠᠨ | ᠡᠪᠡᠰᠦᠯᠡᠵᠦ ᠣᠰᠤᠯᠠᠴᠢᠬᠠᠭᠠᠳ᠂ ᠦᠳᠡ ᠶᠢᠨ ᠴᠢᠯᠦᠭᠡᠨ ᠳᠤ ᠳᠤᠯᠮᠠ ᠨᠠᠰᠤᠲᠠᠨ ᠳᠤ ᠡᠮ ᠶᠡᠭᠦᠯᠡᠬᠦ ᠪᠠᠷ | ᠭᠠᠭᠴᠠᠭᠠᠷ ᠮᠤᠲ᠋ᠤᠷ ᠲᠠᠢ ᠶᠠᠪᠤᠯᠠ᠃ ᠬᠠᠪᠤᠷ ᠤᠨ ᠡᠳᠦᠷ ᠤᠨ ᠲᠡᠭᠷᠢ ᠬᠠᠭᠠᠰ ᠲᠠᠢ ᠬᠤᠭᠤᠰ ᠲᠠᠢ ᠭᠡᠳᠡᠭ ᠢᠶᠠᠷ᠂ | ᠲᠡᠭᠦᠨ ᠢ ᠭᠡᠷ ᠠᠴᠠ ᠪᠠᠨ ᠭᠠᠷᠬᠤ ᠳᠤ ᠪᠠᠭᠠ ᠰᠠᠭᠠ ᠴᠠᠰᠦ ᠬᠠᠶᠠᠯᠠᠵᠦ ᠪᠠᠶᠢᠬᠰᠡᠨ ᠢᠶᠠᠨ ᠬᠠᠭᠠᠰ ᠵᠠᠮ ᠬᠦᠷᠬᠦ ᠳᠤ | ᠴᠠᠰᠦ ᠰᠢᠭᠤᠷᠭᠠ ᠶᠡᠬᠡᠳᠦᠭᠡᠳ ᠨᠢᠳᠦ ᠨᠢᠭᠤᠷ ᠦᠭᠡᠢ ᠭᠤᠶᠠᠳᠠᠯᠠᠨ᠂ ᠵᠠᠮ ᠴᠤ ᠦᠵᠡᠭᠳᠡᠬᠦ ᠪᠠᠨ ᠪᠤᠯᠢᠯᠠ᠃ | ᠢᠩᠭᠢᠭᠡᠳ ᠠᠷᠭᠠ ᠪᠤᠰᠤ ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠵᠤᠬᠰᠤᠵᠦ ᠪᠠᠶᠢᠬᠰᠡᠨ ᠳᠤ ᠨᠤᠲᠤᠭ ᠤᠨ ᠨᠢᠭᠡ ᠳᠡᠭᠦᠨᠡᠷ ᠮᠠᠰᠢᠨ | ᠲᠡᠷᠭᠡ ᠲᠠᠢ ᠭᠠᠷᠬᠤ ᠲᠠᠭᠠᠷᠠᠭᠠᠳ ᠮᠠᠰᠢᠨ ᠳᠡᠭᠡᠷᠡ ᠨᠢ ᠶᠠᠪᠤᠵᠦ ᠨᠠᠰᠤᠲᠠᠨ ᠳᠤ ᠡᠮ ᠶᠡᠭᠦᠯᠡᠵᠦ ᠦᠭᠪᠡ᠃ | ᠬᠤᠷᠢᠭᠠᠳ ᠵᠢᠯ ᠤᠨ ᠳᠤᠷᠰᠢ ᠡᠶᠢᠮᠦᠷᠬᠦᠦ ᠶᠠᠪᠤᠳᠠᠯ ᠤᠯᠠᠨ ᠳᠤᠬᠢᠶᠠᠯᠳᠤᠵᠦ ᠪᠠᠶᠢᠵᠠᠢ᠃ | ᠪᠤᠰᠤᠳ ᠢ ᠳᠤᠰᠠᠯᠠᠳᠠᠭ ᠡᠨᠡᠷᠢᠩᠭᠦᠢ ᠴᠠᠶᠢᠯᠭᠠᠨ ᠰᠡᠳᠬᠢᠯ | ᠡᠮᠴᠢ ᠬᠦᠮᠦᠨ ᠵᠢᠷᠭᠠᠯ ᠤᠨ ᠡᠵᠢ ᠭᠡᠳᠡᠭ ᠢᠶᠠᠷ᠂ ᠤᠷᠠᠨᠪᠢᠯᠢᠭ᠌ ᠶᠡᠷᠦᠳᠡᠭᠡᠨ ᠦᠷᠦ ᠵᠦᠭᠡᠯᠡᠨ᠂ ᠰᠠᠨᠠᠭᠠ | ᠴᠠᠶᠢᠯᠭᠠᠨ ᠬᠦᠮᠦᠨ᠃ ᠮᠠᠯᠴᠢᠳ ᠤᠨ ᠢᠶᠠᠨ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠲᠦᠯᠦᠭᠡ ᠬᠤᠶᠢᠰᠢ ᠦᠭᠡᠢ ᠵᠢᠳᠭᠦᠳᠡᠭ ᠢᠶᠠᠷ | ᠪᠠᠷᠠᠬᠤ ᠦᠭᠡᠢ᠂ ᠠᠶᠢᠯ ᠰᠠᠭᠠᠬᠠᠯᠲᠠ ᠶᠢᠨ ᠬᠦᠴᠢᠷᠳᠡᠵᠦ ᠲᠡᠪᠡᠳᠡᠭᠰᠡᠨ ᠨᠢᠭᠡᠨ ᠳᠤ ᠪᠠᠨ ᠴᠦ ᠬᠠᠶᠢᠷᠠ ᠶᠢᠨ | ᠬᠠᠯᠠᠭᠤᠨ ᠭᠠᠷ ᠢᠶᠠᠨ ᠰᠣᠩᠭᠠᠵᠤ ᠬᠠᠷᠠᠮ ᠦᠭᠡᠢ ᠳᠡᠮᠵᠢᠯᠭᠡ ᠦᠵᠡᠭᠦᠯᠳᠡᠭ᠃ 2010 ᠤᠨ ᠠᠴᠠ ᠲᠡᠷᠡ | ᠭᠠᠴᠠᠭᠠᠨ ᠤ ᠪᠠᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠬᠡ ᠡᠦ ᠶᠦᠩ ᠵᠧᠩ ᠤᠨ ᠬᠢ ᠶᠢ ᠳᠠᠭᠠᠭᠠᠴᠢᠯᠠᠵᠦ᠂ ᠲᠡᠳᠡᠨ ᠤ | ᠰᠠᠭᠤᠬᠤ ᠭᠡᠷ ᠦᠭᠡᠢ ᠪᠠᠶᠢᠬᠤ ᠶᠢ ᠮᠡᠳᠡᠭᠡᠳ᠂ ᠦᠪᠡᠷ ᠤᠨ ᠢᠯᠡᠭᠦᠦ ᠭᠡᠷ ᠲᠡᠭᠡᠨ ᠦᠨᠡ ᠲᠦᠯᠦᠪᠦᠷᠢ ᠦᠭᠡᠢ | ᠰᠠᠭᠤᠯᠭᠠᠵᠦ ᠂ ᠪᠠᠰᠠ ᠭᠤᠷᠪᠠᠨ ᠳᠤᠨ ᠨᠡᠭᠦᠷᠡᠰᠦ ᠬᠤᠳᠠᠯᠳᠤᠨ ᠠᠪᠴᠦ ᠦᠭᠴᠡᠢ᠃ 2012 ᠤᠨ ᠠᠴᠠ ᠲᠡᠷᠡ | ᠭᠠᠴᠠᠭᠠᠨ ᠤ ᠪᠠᠨ ᠶᠠᠳᠠᠭᠤ ᠡᠷᠦᠬᠡ ᠠᠯᠲᠠ ᠳᠤ ᠬᠤᠶᠠᠷ ᠵᠢᠯ ᠳᠠᠷᠠᠭᠠᠯᠠᠨ ᠵᠢᠯ ᠤᠨ ᠲᠠᠪᠤᠨ ᠬᠤᠨᠢ ᠠᠪᠴᠦ | ᠦᠭᠭᠦᠭᠡᠳ᠂ ᠶᠠᠳᠠᠭᠤ ᠠᠴᠠ ᠠᠩᠭᠢᠵᠢᠷᠠᠬᠤ ᠳᠤ ᠨᠢ ᠶᠡᠬᠡᠬᠡᠨ ᠳᠤᠰᠠ ᠪᠤᠯᠪᠠ᠃ ᠤᠳᠤ ᠡᠦ ᠶᠦᠩ ᠵᠧᠩ ᠰᠢᠯᠢ | ᠶᠢᠨ ᠬᠤᠳᠠ ᠶᠢᠨ ᠠᠴᠢᠯᠠᠯ ᠨᠠᠰᠤᠲᠠᠨ ᠢ ᠠᠰᠠᠷᠠᠬᠤ ᠬᠦᠷᠢᠶᠡᠯᠡᠩ ᠳᠤ ᠦᠲᠡᠯᠦᠭᠡ ᠨᠠᠰᠦ ᠪᠠᠨ ᠠᠮᠤᠷ ᠵᠢᠷᠭᠠᠯᠲᠠᠢ | ᠦᠩᠭᠡᠷᠡᠭᠦᠯᠵᠦ᠂ ᠠᠯᠲᠠ ᠴᠦ ᠶᠠᠳᠠᠭᠤ ᠠᠴᠠ ᠠᠩᠭᠢᠵᠢᠷᠠᠵᠦ ᠠᠮᠢᠳᠤᠷᠠᠯ ᠨᠢ ᠳᠡᠭᠵᠢᠷᠡᠭᠰᠡᠨ ᠪᠠᠶᠢᠨᠠ᠃ ᠤᠷᠠᠨᠪᠢᠯᠢᠭ᠌ | ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠠᠷᠠᠳ ᠢᠶᠠᠨ ᠢᠩᠭᠢᠵᠦ ᠳᠡᠮᠵᠢᠳᠡᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠢ ᠴᠦ | ᠡᠨᠡᠷᠢᠨ ᠳᠤᠰᠠᠯᠠᠳᠠᠭ᠃ ᠲᠡᠳᠡᠨ ᠤ ᠵᠡᠷᠭᠡᠯᠡᠳᠡᠭᠡ ᠭᠠᠴᠠᠭᠠᠨ ᠤ ᠨᠢᠭᠡ ᠲᠠᠨᠢᠯ ᠳᠡᠭᠦᠨᠡᠷ ᠤᠨ ᠬᠢᠨᠢ ᠭᠡᠷᠭᠡᠢ ᠨᠢ | ᠪᠤᠬᠢᠨᠢᠳᠤᠬᠤ ᠡᠪᠡᠳᠴᠢᠨ ᠢᠶᠠᠷ ᠪᠡᠶᠡ ᠪᠠᠨ ᠬᠤᠤᠷᠯᠠᠵᠦ᠂ ᠨᠦᠬᠦᠷ ᠨᠢ ᠦᠨᠳᠦᠷ ᠳᠤᠮᠳᠠᠳᠦ ᠳᠤ ᠪᠠᠶᠢᠭᠠ ᠦᠬᠢᠨ | ᠪᠤᠯᠤᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠶᠠᠳᠤᠭᠠᠷ ᠤᠨ ᠳᠤ ᠰᠤᠷᠤᠯᠴᠠᠵᠦ ᠪᠠᠶᠢᠭᠠ ᠬᠦᠦ ᠲᠠᠢ ᠪᠠᠨ ᠦᠯᠡᠳᠡᠵᠡᠢ᠃ | ᠡᠨᠡ ᠤᠴᠢᠷ ᠭᠠᠷᠤᠬᠰᠡᠨ ᠤ ᠳᠠᠷᠠᠭᠠ ᠂ ᠲᠡᠷᠡ ᠨᠦᠬᠦᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠡᠨᠡ ᠠᠶᠢᠯ ᠤᠨ ᠲᠦᠯᠦᠭᠡ᠂ | ᠦᠨᠦᠴᠢᠨ ᠬᠤᠶᠠᠷ ᠬᠡᠤᠬᠡᠳ ᠤᠨ ᠬᠢᠨᠢ ᠲᠦᠯᠦᠭᠡ ᠲᠤᠩ ᠵᠤᠪᠠᠵᠦ ᠰᠠᠨᠳᠤᠷᠴᠠᠢ᠃ ᠡᠨᠡ ᠳᠤᠬᠠᠢ ᠪᠠᠨ ᠲᠡᠷᠡ᠄《 | ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠭᠠ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠬᠤᠶᠠᠷ ᠬᠡᠤᠬᠡᠳ ᠨᠢ ᠭᠡᠴᠡᠭᠦᠦ ᠪᠠᠶᠢᠨᠠ ᠰᠢᠲᠡ᠂ ᠭᠠᠩᠲᠡᠮᠤᠷ | ᠮᠠᠨ ᠤ ᠬᠤᠶᠠᠷ ᠡᠭᠦᠨ ᠤ ᠲᠦᠯᠦᠭᠡ ᠶᠡᠭᠡ ᠵᠤᠪᠠᠵᠦ᠂ ᠵᠦᠪᠳᠡᠵᠦ ᠪᠠᠶᠢᠭᠠᠳ ᠨᠢᠳᠤᠨᠤᠨ ᠤ 3 ᠰᠠᠷᠠ ᠠᠴᠠ ᠦᠬᠢᠨ | ᠳᠤ ᠨᠢ ᠨᠢᠭᠡ ᠪᠠᠩᠭᠢ ᠶᠢᠨ ᠺᠠᠷᠲ ᠪᠡᠯᠡᠳᠴᠦ ᠦᠭᠭᠦᠭᠡᠳ ᠰᠠᠷᠠ ᠪᠤᠯᠭᠠᠨ ᠬᠤᠶᠠᠷ ᠵᠠᠭᠤᠨ ᠲᠦᠭᠦᠷᠢᠭ ᠦᠭᠴᠦ | ᠪᠠᠶᠢᠨᠠ᠂ ᠬᠡᠤᠬᠡᠨ ᠦᠬᠢᠨ ᠬᠦᠮᠦᠨ ᠶᠤᠮ ᠴᠢᠨᠢ ᠪᠠᠭᠠ ᠰᠠᠭᠠ ᠰᠤᠷᠤᠯᠭᠠ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠰᠡᠯ ᠢᠶᠠᠨ ᠴᠦ | ᠠᠪᠤᠭ ᠳ᠋ᠠ᠂ ᠰᠤᠷᠤᠯᠭᠠ ᠳᠤ ᠨᠢ ᠪᠠᠭᠠ ᠴᠦ ᠭᠡᠰᠡᠨ ᠳᠤᠰᠠ ᠪᠤᠯᠪᠠᠯ ᠵᠦᠭᠡᠷ ᠶᠤᠮ 》 ᠭᠡᠵᠦ ᠦᠷᠦ ᠡᠪᠡᠳᠦᠨ | ᠶᠠᠷᠢᠵᠦ ᠪᠠᠶᠢᠯᠠ᠃ | ᠳᠤᠯᠮᠠ ᠨᠠᠰᠤᠲᠠᠨ ᠳᠤ ᠪᠠᠰᠠ ᠮᠡᠳᠡᠷᠡᠯ ᠤᠨ ᠡᠪᠡᠳᠴᠢᠨ ᠲᠠᠢ ᠬᠤᠶᠠᠷ ᠬᠡᠤᠬᠡᠳ ᠪᠠᠶᠢᠵᠦ᠂ ᠡᠪᠡᠳᠴᠢᠨ ᠨᠢ | ᠬᠦᠳᠡᠯᠪᠡᠯ ᠠᠪᠤ ᠡᠵᠢ ᠪᠠᠨ ᠴᠤᠬᠢᠵᠦ ᠵᠤᠳᠤᠬᠤ᠂ ᠭᠠᠷᠴᠦ ᠭᠦᠶᠦᠭᠡᠳ ᠶᠠᠭᠤᠮᠠ ᠰᠠᠮᠠᠭᠤᠷᠠᠭᠤᠯᠵᠤ᠂ ᠬᠦᠮᠦᠨ | ᠠᠶᠤᠯᠭᠠᠬᠤ ᠵᠡᠷᠭᠡ ᠢᠯᠡᠷᠡᠯ ᠲᠠᠢ ᠪᠠᠶᠢᠳᠠᠭ᠃ ᠨᠢᠭᠡ ᠤᠳᠠᠭᠠ ᠬᠦᠦ ᠲᠡᠮᠦᠷ ᠨᠢ ᠭᠠᠷᠴᠦ ᠭᠦᠶᠦᠴᠢᠭᠡᠭᠡᠳ ᠡᠷᠢᠵᠦ | ᠤᠯᠬᠤ ᠦᠭᠡᠢ ᠰᠠᠨᠳᠤᠷᠴᠦ ᠤᠷᠠᠨᠪᠢᠯᠢᠭ᠌ ᠲᠤ ᠤᠲᠠᠰᠦ ᠢᠷᠡᠵᠡᠢ᠃ ᠲᠡᠷᠡ ᠨᠦᠬᠦᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠠ | ᠳᠠᠷᠤᠶᠢᠬᠠᠨ ᠬᠦᠷᠴᠦ᠂ ᠬᠠᠮᠵᠢᠵᠦ ᠡᠷᠢᠵᠦ ᠤᠯᠵᠦ ᠦᠭᠭᠦᠭᠡᠳ ᠲᠡᠳᠡᠨ ᠳᠤ᠄《ᠬᠦᠦ ᠪᠠᠨ ᠮᠡᠳᠡᠷᠡᠯ ᠤᠨ | ᠡᠪᠡᠳᠴᠢᠲᠡᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠬᠦᠷᠭᠡᠪᠡᠯ ᠳᠡᠭᠡᠷᠡ᠂ ᠦᠭᠡᠢ ᠪᠤᠯ ᠡᠪᠡᠳᠴᠢᠨ ᠨᠢ ᠬᠦᠳᠡᠯᠵᠦ ᠭᠠᠷᠴᠦ | ᠭᠦᠶᠦᠭᠡᠳ ᠭᠠᠭᠴᠠ ᠬᠤᠶᠠᠷ ᠬᠦᠮᠦᠨ ᠲᠠᠢ ᠠᠶᠢᠯ ᠳᠤ ᠬᠦᠷᠴᠦ᠂ ᠬᠦᠮᠦᠨ ᠢ ᠠᠶᠤᠯᠭᠠᠵᠦ ᠰᠤᠴᠢᠭᠠᠬᠤ ᠪᠤᠶᠤ | ᠲᠠᠮᠠᠬᠢ ᠳᠠᠲᠠᠭᠠᠳ ᠲᠦᠢᠮᠡᠷ ᠲᠠᠯᠪᠢᠴᠢᠬᠠᠪᠠᠯ ᠭᠡᠨᠡᠨ ᠰᠢᠳᠡ᠂ ᠡᠮᠨᠡᠯᠭᠡ ᠳᠤ ᠬᠦᠷᠭᠡᠴᠢᠬᠡᠪᠡᠯ ᠲᠠᠨᠠᠷ ᠲᠤ ᠪᠠᠰᠠ ᠠᠮᠠᠷ | ᠪᠢᠰᠢ ᠦᠦ 》 ᠭᠡᠵᠦ ᠵᠦᠪᠯᠡᠪᠡ᠃ ᠭᠡᠪᠡᠴᠦ ᠲᠡᠳᠡᠨ ᠤ ᠬᠦᠦ ᠪᠠᠨ ᠡᠮᠨᠡᠯᠭᠡ ᠳᠤ ᠬᠦᠷᠭᠡᠬᠦ ᠶᠢ ᠪᠤᠳᠤᠪᠠᠴᠦ ᠪᠠᠰᠠ | ᠵᠤᠭᠤᠰ ᠮᠦᠩᠭᠦᠨ ᠤ ᠬᠦᠷᠦᠯᠴᠡᠭᠡ ᠮᠠᠭᠤ ᠲᠠᠢ ᠪᠠᠶᠢᠬᠰᠡᠨ ᠢ ᠤᠯᠵᠦ ᠮᠡᠳᠡᠭᠡᠳ᠂ ᠨᠦᠬᠦᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠠ | ᠤᠷᠢᠳᠠᠪᠠᠷ ᠬᠤᠶᠠᠷ ᠮᠢᠩᠭᠠᠨ ᠲᠦᠭᠦᠷᠢᠭ ᠵᠢᠭᠡᠯᠡᠵᠦ ᠦᠭᠭᠦᠭᠡᠳ ᠡᠵᠢ ᠲᠠᠢ ᠨᠢ ᠬᠠᠮᠵᠢᠵᠦ ᠲᠡᠷᠭᠡ ᠤᠨᠤᠭᠠ ᠤᠯᠵᠦ | ᠲᠡᠮᠦᠷ ᠢ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠬᠦᠷᠭᠡᠵᠦ ᠦᠭᠴᠡᠢ᠃ ᠤᠷᠠᠨᠪᠢᠯᠢᠭ᠌ ᠨᠦᠬᠦᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠠ | ᠶᠤᠰᠤᠲᠠᠢ ᠨᠢᠭᠡ ᠪᠤᠰᠤᠳ ᠢ ᠬᠠᠪᠰᠤᠷᠬᠤ ᠪᠠᠷ ᠵᠢᠷᠭᠠᠯ ᠢᠶᠠᠨ ᠪᠤᠯᠭᠠᠳᠠᠭ ᠤᠯᠤᠰ ᠳ᠋ᠠ᠃ ᠲᠡᠷᠡ᠄《 ᠮᠠᠨ ᠤ | ᠬᠤᠶᠠᠷ ᠪᠦᠷ ᠨᠠᠮ ᠤᠨ ᠭᠡᠰᠢᠭᠦᠨ᠂ ᠭᠠᠩᠲᠡᠮᠦᠷ ᠴᠡᠷᠢᠭ ᠤᠨ ᠠᠯᠪᠠ ᠬᠠᠭᠠᠵᠦ ᠪᠠᠶᠢᠬᠤ ᠳᠤ ᠪᠠᠨ ᠨᠠᠮ ᠳᠤ | ᠤᠷᠤᠬᠰᠡᠨ᠂ ᠪᠢᠳᠠ ᠨᠠᠮ ᠤᠨ ᠭᠡᠰᠢᠭᠦᠨ ᠤ ᠬᠤᠰᠢᠭᠤᠴᠢ ᠵᠢᠱᠢᠶᠡᠴᠢ ᠶᠢᠨ ᠦᠢᠯᠡᠳᠦᠯ ᠢᠶᠠᠨ ᠪᠠᠳᠠᠷᠠᠭᠤᠯᠬᠤ | ᠶᠤᠰᠤᠲᠠᠢ᠃ ᠮᠠᠨ ᠤ ᠬᠤᠶᠠᠷ ᠨᠠᠰᠤᠲᠠᠨ ᠢᠶᠠᠨ ᠬᠦᠨᠳᠦᠯᠡᠵᠦ ᠨᠢᠯᠬᠠᠰ ᠢᠶᠠᠨ ᠬᠠᠶᠢᠷᠠᠯᠠᠨ᠂ ᠪᠤᠰᠤᠳ ᠢ ᠲᠣᠰᠠᠯᠠᠬᠤ | ᠠᠵᠢᠯ ᠢ ᠦᠷᠭᠦᠯᠵᠢ ᠬᠢᠵᠦ᠂ ᠡᠨᠡ ᠲᠠᠯᠠ ᠪᠠᠷ ᠶᠡᠷᠦᠨᠢ ᠰᠠᠨᠠᠭᠠ ᠨᠢᠭᠡᠳᠴᠦ ᠪᠠᠶᠢᠳᠠᠭ ᠶᠤᠮ 》ᠭᠡᠯᠡ᠃ | ᠲᠡᠷᠡ ᠨᠠᠮ ᠤᠨ ᠭᠡᠰᠢᠭᠦᠨ᠂ ᠭᠠᠴᠠᠭᠠᠨ ᠤ ᠪᠠᠨ ᠡᠮᠴᠢ᠂ ᠭᠠᠴᠠᠭᠠᠨ ᠤ ᠬᠤᠶᠠᠷ ᠵᠦᠪᠯᠡᠯ ᠤᠨ ᠭᠡᠰᠢᠭᠦᠨ᠂ | ᠨᠠᠮ ᠤᠨ ᠡᠭᠦᠷ ᠤᠨ ᠤᠬᠠᠭᠤᠯᠬᠤ ᠭᠡᠰᠢᠭᠦᠨ ᠵᠡᠷᠭᠡ ᠤᠯᠠᠨ ᠡᠭᠦᠷᠭᠡ ᠳᠤᠰᠢᠶᠠᠯ ᠲᠠᠢ ᠬᠡᠵᠢᠶᠡᠳᠡ ᠶᠠᠭᠠᠷᠠᠵᠦ᠂ ᠠᠵᠢᠯ | ᠡᠭᠦᠷᠭᠡ ᠶᠡᠬᠡᠲᠡᠢ ᠳᠠᠪᠬᠢᠵᠦ ᠶᠠᠪᠤᠳᠠᠭ ᠬᠦᠮᠦᠨ ᠶᠤᠮ ᠪᠠᠶᠢᠨᠠ᠃ ᠤᠷᠠᠨᠪᠢᠯᠢᠭ᠌ ᠡᠳᠦᠷᠵᠢᠨ ᠢᠩᠭᠢᠵᠦ ᠪᠤᠭᠤᠨᠢ | ᠵᠢᠯᠤᠭᠤ ᠪᠤᠰᠤᠭᠠ ᠳᠦᠷᠦᠭᠡ ᠪᠠᠷ ᠶᠠᠭᠠᠷᠠᠵᠦ ᠶᠠᠪᠤᠳᠠᠭ ᠢᠶᠠᠨ᠄《 ᠪᠢ ᠴᠢᠨᠢ ᠭᠠᠴᠠᠭᠠᠨ ᠤ ᠵᠦᠪᠯᠡᠯ ᠳᠤ ᠪᠠᠨ | ᠠᠬᠠᠮᠠᠳ ᠬᠦᠮᠦᠨ᠂ ᠮᠦᠨ ᠡᠮᠴᠢ ᠶᠢᠨ ᠠᠵᠢᠯ ᠬᠢᠵᠦ ᠪᠠᠶᠢᠭᠠ ᠪᠤᠯᠬᠤᠷ ᠮᠠᠯᠴᠢᠳ ᠲᠠᠢ ᠪᠠᠨ ᠪᠠᠶᠢᠩᠭᠤ | ᠬᠠᠷᠢᠯᠴᠠᠵᠦ᠂ ᠪᠠᠶᠢᠳᠠᠯ ᠢ ᠨᠢ ᠰᠠᠶᠢᠨ ᠤᠶᠢᠯᠠᠭᠠᠨᠠ᠂ ᠡᠶᠢᠮᠦ ᠠᠴᠠ ᠠᠵᠢᠯ ᠢᠶᠠᠨ ᠦᠷᠨᠢᠭᠦᠯᠬᠦ ᠳᠤ ᠠᠮᠠᠷ᠃ ᠮᠢᠨᠤ | ᠬᠢᠵᠦ ᠪᠠᠶᠢᠭᠠ ᠡᠮᠨᠡᠯᠭᠡ ᠶᠢᠨ ᠠᠵᠢᠯ ᠢ ᠳᠡᠭᠡᠷᠡ ᠱᠠᠲᠤᠨ ᠠᠴᠠ ᠶᠡᠭᠡ ᠳᠡᠮᠵᠢᠵᠦ᠂ ᠮᠠᠨ ᠤ ᠭᠠᠳᠠᠭᠠ ᠵᠢᠷᠠᠨ | ᠬᠠᠪᠲᠠᠭᠠᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠡᠮᠴᠢᠯᠡᠭᠡ ᠶᠢᠨ ᠳᠠᠰᠤᠭ ᠪᠠᠷᠢᠵᠦ ᠦᠭᠭᠦᠭᠰᠡᠨ ᠪᠤᠯᠬᠤᠷ ᠤᠤᠯ ᠢᠶᠠᠨ | ᠪᠤᠳᠤᠪᠠᠯ ᠶᠡᠭᠡ ᠳᠦᠭᠦᠮ ᠪᠤᠯᠵᠠᠢ᠃ ᠡᠩ ᠤᠨ ᠦᠶᠡ ᠳᠤ ᠪᠠᠨ ᠡᠮᠨᠡᠯᠭᠡ ᠶᠢᠨ ᠠᠵᠢᠯ ᠢᠶᠠᠨ ᠠᠮᠵᠢᠭᠤᠯᠵᠦ᠂ | ᠬᠤᠪᠢᠨ ᠤ ᠮᠠᠯ ᠮᠠᠯᠵᠢᠯ ᠤᠨ ᠠᠵᠢᠯ ᠢᠶᠠᠨ ᠴᠦ ᠰᠠᠭᠠᠲᠠᠭᠠᠬᠤ ᠦᠭᠡᠢ 》ᠭᠡᠵᠦ ᠠᠷᠠᠳ ᠤᠯᠠᠨ ᠤ ᠪᠠᠨ ᠲᠦᠯᠦᠭᠡ | ᠶᠠᠭᠠᠷᠠᠯᠲᠠᠢ ᠵᠢᠳᠭᠦᠵᠦ ᠶᠠᠪᠤᠳᠠᠭ ᠠᠵᠢᠯ ᠢᠶᠠᠨ ᠳᠦᠭᠦᠮᠬᠡᠨ ᠲᠠᠶᠢᠯᠪᠦᠷᠢᠯᠠᠯᠠ᠃ | ᠲᠡᠶᠢᠮᠦ ᠡ᠂ ᠤᠷᠠᠨᠪᠢᠯᠢᠭ᠌ ᠬᠤᠷᠢᠭᠠᠳ ᠵᠢᠯ ᠤᠨ ᠳᠤᠷᠰᠢ ᠡᠮᠴᠢ ᠶᠢᠨ ᠠᠵᠢᠯ᠂ ᠭᠠᠴᠠᠭᠠᠨ ᠤ ᠠᠵᠢᠯ ᠳᠤ ᠪᠠᠨ | ᠢᠩᠭᠢᠵᠦ ᠯᠠ ᠡᠭᠡᠯ ᠳᠠᠷᠤᠤᠬᠠᠨ ᠵᠠᠩ ᠢᠶᠠᠷ ᠢᠶᠠᠨ ᠴᠤᠴᠠᠯᠲᠠ ᠦᠭᠡᠢ ᠵᠢᠳᠭᠦᠵᠦ᠂ ᠮᠠᠯᠴᠢᠨ ᠲᠦᠮᠡᠨ ᠳᠤ ᠪᠠᠨ | ᠭᠤᠶᠠᠴᠢ ᠦᠭᠡᠢ ᠦᠢᠯᠡᠴᠢᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ | | | | | | | | | | | | | | | | | | | | | | |