| — ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠤᠯᠢᠶᠠᠰᠤᠳᠠᠢ ᠪᠠᠯᠭᠠᠰᠤ ᠶᠢᠨ ᠲᠡᠮᠡᠭᠡᠴᠢᠨ ᠰᠠᠶᠢᠨᠪᠠᠶᠠᠷ ᠢ | ᠰᠤᠷᠪᠤᠯᠵᠢᠯᠠᠭᠠᠳ ᠰᠤᠷᠪᠤᠯᠵᠢᠯᠠᠭᠴᠢ ᠰᠤᠳᠦᠪᠢᠯᠢᠭ ᠮᠠᠯ ᠰᠦᠷᠦᠭ ᠢᠶᠠᠷ ᠦᠨᠢᠷ ᠵᠤᠵᠠᠭᠠᠨ ᠵᠡᠬᠦᠨ ᠦᠵᠦᠮᠦᠴᠢᠨ | ᠨᠤᠳᠤᠭ ᠲᠤ ᠨᠠᠶᠢᠳᠠ ᠶᠢᠨ ᠲᠠᠨᠢᠯ ᠪᠤᠯᠤᠭᠰᠠᠨ ᠲᠡᠮᠡᠭᠡᠴᠢᠨ ᠬᠦᠮᠦᠨ ᠬᠡᠨ ᠪᠠᠶᠢᠳᠠᠭ ᠪᠤᠢ ᠭᠡᠵᠤ ᠠᠰᠠᠭᠤᠬᠤ ᠳᠤ ︽ | ᠰᠠᠶᠢᠨᠪᠠᠶᠠᠷ︾ ᠭᠡᠵᠤ ᠬᠠᠷᠢᠭᠤᠯᠬᠤ ᠬᠦᠮᠦᠨ ᠵᠠᠬᠠ ᠠᠴᠠ ᠪᠠᠨ ᠪᠠᠶᠢᠬᠠ︕ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ | ᠤᠯᠢᠶᠠᠰᠤᠳᠠᠢ ᠪᠠᠯᠭᠠᠰᠤ ᠶᠢᠨ ᠪᠠᠶᠠᠨᠭᠤᠪᠢ ᠭᠠᠴᠠᠭᠠᠨ ᠤ ᠲᠡᠮᠡᠭᠡᠴᠢᠨ ᠰᠠᠶᠢᠨᠪᠠᠶᠠᠷ ᠲᠡᠮᠡᠭᠡ ᠲᠤᠰᠬᠠᠢ ᠮᠠᠯᠵᠢᠬᠤ ᠶᠢᠨ | ᠳᠠᠭᠠᠤ ᠬᠤᠵᠢᠮ ᠳᠠᠭᠠᠨ ᠬᠤᠷᠳᠤᠨ ᠲᠡᠮᠡᠭᠡ ᠰᠦᠢᠬᠤ᠂ ᠢᠩᠭᠡᠨ ᠰᠠᠭᠠᠯᠢ ᠪᠤᠷᠤᠯᠠᠭᠤᠯᠬᠤ ᠵᠡᠷᠬᠡ ᠴᠢᠭᠯᠡᠯ ᠤᠷᠤᠭᠤ | ᠤᠬᠠᠭᠠᠨ ᠵᠠᠷᠤᠴᠠᠭᠤᠯᠵᠤ ᠪᠠᠶᠢᠭᠠ ᠨᠢᠭᠡᠨ ᠪᠢᠯᠡ᠃ | ᠰᠠᠶᠢᠨᠪᠠᠶᠠᠷ ᠤᠨ ᠬᠢ ᠡᠪᠦᠭᠡ ᠶᠢᠨ ᠦᠶ ᠠ ᠠᠴᠠ ᠪᠠᠨ ᠲᠡᠮᠡᠭᠡᠴᠢᠨ ᠠᠶᠢᠯ᠃ ᠲᠠᠶᠢᠨᠬᠦ ᠲᠡᠷᠡ ᠠᠷᠪᠠᠨ | ᠬᠡᠳᠦ ᠲᠠᠢ ᠠᠴᠠ ᠪᠠᠨ ᠡᠪᠦᠭᠡ ᠪᠠᠨ ᠳᠠᠭᠠᠵᠤ ᠲᠡᠮᠡᠭᠡᠨ ᠳᠤ ᠮᠤᠷᠳᠠᠳᠠᠭ ᠪᠠᠶᠢᠭᠰᠠᠨ ᠪᠤᠯ ᠬᠤᠷᠢ ᠬᠦᠷᠦᠭᠡᠳ ᠪᠠᠶᠠ ᠪᠠᠨ | ᠳᠠᠭᠠᠭᠠᠵᠤ ᠲᠡᠮᠡᠭᠡ ᠮᠠᠯᠵᠢᠬᠤ ᠪᠤᠯᠤᠭᠰᠠᠨ᠃ ᠬᠤᠤᠰ ᠳᠠᠭᠠᠭᠠᠴᠢᠯᠠᠯᠳᠠ ᠶᠢᠨ ᠦᠶᠠ ᠳᠤ ᠡᠳᠡᠨ ᠤ ᠬᠢᠨ ᠬᠤᠪᠢᠳᠠᠵᠤ | ᠤᠯᠤᠭᠰᠠᠨ 6 ᠲᠡᠮᠡᠭᠡ ᠪᠠᠨ ᠬᠤᠳᠠᠯᠳᠤᠯ ᠦᠭᠡᠢ ᠬᠠᠶᠢᠷᠠᠯᠠᠨ ᠦᠰᠬᠡᠭᠰᠡᠭᠡᠷ ᠦᠨᠤᠳᠤᠷ ᠪᠤᠯᠬᠤ ᠳᠤ ᠨᠢᠭᠡᠨᠳᠡ 200 | ᠭᠠᠷᠤᠢ ᠲᠡᠮᠡᠭᠡ ᠲᠠᠢ ᠪᠤᠯᠵᠠᠢ᠃ ᠡᠳᠡᠨ ᠤ ᠬᠢ 3000 ᠭᠠᠷᠤᠢ ᠮᠦ ᠯᠡ ᠨᠤᠳᠤᠭ ᠲᠠᠢ ᠠᠶᠢᠯ᠃ ᠲᠡᠭᠡᠬᠦ ᠳᠡᠭᠡᠨ | ᠨᠤᠳᠤᠭ ᠪᠠᠭᠠ ᠭᠡᠳ ᠲᠡᠮᠡᠭᠡ ᠮᠠᠯᠵᠢᠬᠤ ᠶᠢ ᠰᠤᠩᠭᠤᠭᠰᠠᠨ ᠪᠢᠰᠢ᠂ ᠶᠠᠷᠤᠨᠢ ᠲᠡᠮᠡᠭᠡ ᠭᠡᠳᠡᠭ ᠠᠮᠢᠳᠠᠨ ᠬᠠᠮᠢᠭᠠ | ᠭᠠᠵᠠᠷ ᠴᠤ ᠬᠤᠪᠤᠷ᠂ ᠨᠠᠩ ᠵᠡᠭᠦᠨ ᠦᠵᠦᠮᠦᠴᠢᠨ ᠨᠤᠳᠤᠭ ᠲᠤ ᠬᠡᠯᠡᠬᠦ ᠶᠠᠭᠤᠨ ᠪᠠᠶᠢᠬᠤᠪ᠂ | ᠰᠠᠶᠢᠨᠪᠠᠶᠠᠷ ᠤᠨ ᠬᠢ ᠠᠴᠠ ᠦᠭᠡᠷᠠ ᠰᠦᠷᠦᠭ ᠲᠡᠮᠡᠭᠡ ᠲᠠᠢ ᠠᠶᠢᠯ ᠪᠠᠶᠢᠬᠤ ᠦᠭᠡᠢ ᠭᠡᠵᠤ ᠬᠡᠯᠡᠴᠢᠬᠡᠬᠦ ᠳᠤ ᠪᠤᠯᠤᠮᠠᠷ᠃ | ᠲᠡᠭᠡᠭᠡᠳ ᠯᠡ ᠰᠠᠶᠢᠨᠪᠠᠶᠠᠷ ᠤᠨ ᠬᠤᠪᠢ ᠳᠤ ᠳᠡᠭᠡᠳᠦ ᠠᠴᠠ ᠪᠠᠨ ᠮᠠᠯᠵᠢᠵᠤ ᠢᠷᠡᠭᠰᠡᠨ ᠲᠡᠮᠡᠭᠡ ᠪᠠᠨ ᠤᠰᠠᠳᠬᠠᠬᠤ ᠢ | ᠪᠤᠳᠤᠯ ᠦᠭᠡᠢ ᠡᠳᠦᠢ ᠳᠤ ᠬᠦᠷᠳᠡᠯᠠ ᠮᠠᠯᠵᠢᠵᠤ ᠢᠷᠡᠭᠰᠡᠨ ᠨᠢ ᠡᠨᠡ ᠪᠠᠶᠢᠬᠠ᠃ ᠲᠡᠷᠡ ᠪᠠᠰᠠ ᠲᠡᠮᠡᠭᠡ ᠪᠠᠨ | ᠲᠤᠤᠱᠠᠳᠠᠢ ᠮᠠᠯᠵᠢᠬᠤ ᠶᠢᠨ ᠲᠤᠯᠠᠳᠠ ᠪᠤᠭ ᠮᠠᠯ ᠢᠶᠠᠨ ᠠᠶᠢᠯ ᠳᠤ ᠰᠦᠷᠦᠭ ᠲᠠᠯᠪᠢᠨ᠂ ᠠᠷᠪᠠᠭᠠᠳ ᠦᠭᠡᠷ ᠢᠶᠠᠨ ᠯᠡ | ᠭᠠᠳᠠᠨᠠ ᠪᠠᠨ ᠡᠷᠬᠢᠴᠡᠬᠦᠯᠵᠤ᠂ ᠪᠤᠰᠤᠳ ᠴᠠᠭ ᠰᠡᠳᠬᠢᠯ ᠢᠶᠠᠨ ᠪᠦᠷ ᠯᠡ ᠲᠡᠮᠡᠭᠡᠨ ᠳᠡᠭᠡᠷᠠ ᠪᠠᠨ ᠲᠠᠯᠪᠢᠳᠠᠭ ᠪᠠᠶᠢᠯᠠ | ᠃ ᠬᠦᠮᠦᠰ ᠰᠠᠶᠢᠨᠪᠠᠶᠠᠷ ᠢ ᠭᠤᠷᠪᠠᠭ᠋ᠠᠨ ᠮᠢᠩᠭᠠᠨ ᠮᠦ ᠨᠤᠳᠤᠭ ᠲᠤ 200 ᠭᠠᠷᠤᠢ ᠲᠡᠮᠡᠭᠡ ᠶᠢ ᠶᠠᠭᠠᠬᠢᠵᠤ ᠮᠠᠯᠵᠢᠵᠤ | ᠪᠠᠶᠢᠭᠠ ᠪᠤᠯ ᠭᠡᠵᠤ ᠭᠠᠶᠢᠬᠠᠬᠤ ᠮᠠᠭᠠᠳ⁈ ᠭᠡᠬᠦ ᠳᠡᠭᠡᠨ ᠲᠠᠶᠢᠮᠤ ᠪᠢᠰᠢ ᠪᠠᠶᠢᠭᠰᠠᠨ᠃ ᠲᠡᠳᠡᠨ ᠤ ᠭᠡᠷ ᠤᠨ | ᠠᠷᠤ ᠳᠤ ᠭᠤᠷᠪᠠᠨ ᠭᠠᠴᠠᠭᠠᠨ ᠤ ᠠᠭᠤᠯᠵᠠᠷ ᠪᠤᠯᠤᠭᠰᠠᠨ ᠨᠢᠭᠡ ᠭᠡᠰᠡᠭ ᠡᠵᠡᠬᠦᠢ ᠭᠤᠪᠢ ᠨᠤᠳᠤᠭ ᠪᠠᠶᠢᠳᠠᠭ᠃ ᠠ | ᠳ᠋ᠡ ᠲᠡᠮᠡᠭᠡᠨ ᠠᠴᠠ ᠦᠭᠡᠷᠠ ᠮᠠᠯ ᠲᠤᠭᠳᠠᠳᠠᠭ ᠦᠭᠡᠢ ᠪᠤᠯᠬᠤᠷ ᠰᠠᠶᠢᠨᠪᠠᠶᠠᠷ ᠤᠨ ᠲᠡᠮᠡᠭᠡ ᠯᠡ ᠲᠠᠷᠠ ᠭᠡᠰᠡᠭ | ᠭᠤᠪᠢ ᠶᠢᠨ ᠰᠠᠬᠢᠭᠤᠰᠤ ᠨᠢ ᠪᠤᠯᠵᠤ ᠰᠠᠨᠠᠭᠠ ᠠᠮᠠᠷ ᠪᠡᠯᠴᠢᠳᠡᠭ᠃ ᠨᠤᠳᠤᠭ ᠤᠷᠤᠨ ᠤ ᠬᠢᠨᠢ ᠬᠦᠮᠦᠰ ᠴᠤ | ᠰᠠᠶᠢᠨᠪᠠᠶᠠᠷ ᠤᠨ ᠲᠡᠮᠡᠭᠡ ᠶᠢ ᠨᠠᠰᠢ ᠴᠠᠰᠢ ᠠᠳᠠᠯᠠᠵᠤ ᠲᠠᠭᠤᠳᠠᠭ ᠦᠭᠡᠢ ᠭᠡᠰᠡᠨ᠃ ᠪᠤᠳᠤᠪᠠᠯ ᠬᠤᠪᠤᠷ ᠠᠮᠢᠳᠠᠨ | ᠨᠤᠳᠤᠭ ᠤᠨ ᠬᠢᠨᠢ ᠴᠢᠮᠡᠭ ᠪᠤᠯᠤᠨ ᠰᠦᠷᠦᠭᠯᠡᠵᠤ ᠪᠠᠶᠢᠬᠤ ᠳᠤᠨᠢ ᠪᠠᠭ᠋ᠠᠷᠬᠠᠯ ᠠᠪᠳᠠᠭ ᠠᠴᠠ ᠪᠤᠯᠤᠭᠰᠠᠨ ᠪᠠᠶᠢᠯᠬᠦᠢ᠃ | ᠦᠭᠡᠢ ᠪᠤᠯ ᠭᠠᠵᠠᠷ ᠨᠤᠳᠤᠭ ᠬᠤᠪᠢᠶᠠᠵᠤ᠂ ᠲᠤᠤᠷ ᠬᠦᠷᠢᠶᠠ ᠠᠷᠪᠢᠳᠤᠭᠰᠠᠨ ᠡᠨᠡ ᠴᠠᠭ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ | ᠡᠵᠡᠬᠦᠢ ᠭᠡᠭᠡᠷᠠ ᠪᠠᠷ ᠪᠡᠯᠴᠢᠭᠡᠷ ᠰᠡᠯᠬᠦᠳᠡᠭ ᠬᠤᠯᠠ ᠶᠠᠪᠤᠯᠭᠠ ᠲᠠᠢ ᠲᠡᠮᠡᠭᠡ ᠶᠢ ᠠᠯᠠᠭᠠᠨ ᠴᠢᠨᠡᠭᠡᠨ ᠭᠠᠵᠠᠷ ᠬᠤᠷᠢᠶᠠᠵᠤ | ᠮᠠᠯᠵᠢᠬᠤ ᠭᠡᠭᠴᠢ ᠪᠦᠲᠦᠰᠢ ᠦᠭᠡᠢ ᠠᠵᠢᠯ ᠪᠤᠯᠤᠨᠠ᠃ ᠲᠡᠭᠡᠬᠦ ᠶᠤᠮ ᠪᠤᠯ ᠦᠵᠡᠮᠤᠷᠢ ᠶᠢᠨ ᠬᠡᠳᠦ ᠶᠢ ᠦᠯᠡᠳᠡᠭᠡᠵᠤ | ᠪᠤᠰᠤᠳ ᠢ ᠨᠢ ᠰᠢᠢᠳᠪᠤᠷᠢᠯᠡᠬᠦ ᠠᠴᠠ ᠯᠡ᠃ | ᠶᠠᠭᠤ ᠴᠤ ᠭᠡᠰᠡᠨ ᠲᠡᠮᠡᠭᠡ ᠪᠠᠨ ᠬᠠᠮᠠᠭᠠᠯᠠᠵᠤ᠂ ᠲᠡᠮᠡᠭᠡ ᠪᠠᠨ ᠦᠰᠬᠡᠵᠤ ᠮᠠᠯᠵᠢᠬᠤ ᠪᠠᠷ ᠵᠤᠷᠢᠭ ᠰᠢᠭᠤᠳᠤᠭᠰᠠᠨ | ᠰᠠᠶᠢᠨᠪᠠᠶᠠᠷ ᠶᠠᠮᠠᠷ ᠲᠠᠭᠠᠨ ᠭᠠᠭᠴᠠ ᠪᠠᠷᠠ ᠶᠢ ᠨᠢ ᠬᠠᠷᠠᠵᠤ ᠪᠠᠶᠠᠰᠴᠤ ᠰᠠᠭᠤᠯᠳᠠᠢ ᠴᠤ ᠪᠢᠰᠢ ᠳ᠋ᠠ᠂ ᠪᠠᠰᠠ | ᠲᠡᠮᠡᠭᠡᠨ ᠤ ᠠᠵᠤ ᠤᠢᠢᠯᠡᠰ ᠢ ᠬᠦᠭᠵᠢᠬᠦᠯᠬᠦ᠂ ᠲᠡᠮᠡᠭᠡᠨ ᠠᠴᠠ ᠪᠠᠨ ᠠᠰᠢᠭ ᠤᠷᠤᠯᠭᠠ ᠡᠭᠦᠳᠬᠦ ᠶᠢ ᠪᠤᠳᠤᠯᠳᠠᠢ᠃ | ᠲᠠᠶᠢᠨᠬᠦ ᠲᠠᠷᠠ ᠤᠢᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠠᠴᠠ ᠬᠤᠷᠳᠤᠨ ᠲᠡᠮᠡᠭᠡ ᠰᠦᠢᠵᠤ ᠬᠤᠷᠳᠤᠯᠠᠭᠤᠯᠬᠤ᠂ ᠢᠩᠭᠡ | ᠨᠤᠮᠤᠬᠠᠷᠠᠭᠠᠵᠤ ᠰᠠᠭᠠᠬᠤ ᠵᠡᠷᠬᠡ ᠠᠵᠢᠯ ᠢ ᠰᠠᠨᠠᠭᠠᠴᠢᠯᠠᠭᠠ ᠲᠠᠢ ᠬᠢᠵᠤ ᠡᠬᠢᠯᠡᠭᠰᠡᠨ ᠶᠤᠮ᠃ ᠲᠡᠮᠡᠭᠡᠳ ᠢᠶᠠᠨ | ᠤᠷᠤᠯᠳᠤᠭᠤᠯᠵᠤ ᠲᠠᠷᠢᠬᠦᠯᠡᠬᠦᠯᠬᠦ ᠶᠤᠮ ᠪᠤᠯ 5000 ᠠᠴᠠ 10000 ᠲᠦᠭᠦᠷᠢᠭ ᠤᠨ ᠱᠠᠩᠨᠠᠯ ᠭᠤᠶᠠᠳᠠᠬᠤ ᠨᠢ | ᠡᠨᠡᠤᠭᠡᠨ ᠤ ᠭᠡᠷᠡᠭ᠃ ᠤᠷᠵᠢᠨᠤᠨ ᠠᠴᠠ ᠪᠠᠰᠠ ᠢᠩᠭᠡ ᠰᠠᠭᠠᠵᠤ ᠡᠬᠢᠯᠡᠵᠡᠢ᠃ ᠢᠩᠭᠡᠨ ᠰᠦ ᠦᠳᠭᠡᠨ᠂ ᠴᠠᠢ | ᠰᠦᠯᠡᠵᠤ ᠤᠤᠭᠤᠬᠤ ᠳᠤ ᠠᠮᠳᠠᠳᠠᠢ ᠪᠦᠭᠡᠳ ᠢᠩᠭᠡᠨ ᠰᠦ ᠤᠤᠭᠤᠪᠠᠯ ᠡᠯᠠ ᠵᠦᠢᠯ ᠤᠨ ᠡᠪᠡᠳᠴᠢᠨ ᠳᠤ ᠲᠤᠰᠠᠳᠠᠢ | ᠭᠡᠰᠡᠨ᠂ ᠢᠩᠭᠡᠨ ᠰᠦᠨ ᠤ ᠠᠭᠠᠷᠤᠤᠯ ᠢ ᠵᠢᠯ ᠢᠶᠠᠷ ᠨᠢ ᠬᠠᠳᠠᠭᠠᠯᠠᠬᠤ ᠳᠤ ᠬᠠᠳᠠᠬᠤ ᠦᠭᠡᠢ ᠵᠦᠭᠡᠯᠡᠨ ᠪᠠᠶᠢᠳᠠᠭ | ᠤᠴᠢᠷ ᠠᠴᠠ ᠠᠭᠠᠵᠢᠮ ᠳᠠᠭᠠᠨ ᠢᠩᠭᠡᠨ ᠰᠠᠭᠠᠯᠢ ᠰᠦ᠂ ᠴᠠᠭᠠᠨ ᠢᠳᠡᠭᠡᠨ ᠢ ᠵᠠᠬᠠ ᠳᠡᠯᠭᠡᠬᠦᠷᠴᠢᠯᠡᠬᠦ ᠳᠤ | ᠪᠤᠯᠤᠮᠵᠢ ᠶᠢᠨ ᠤᠷᠤᠯᠭᠠ ᠡᠭᠦᠳᠴᠤ ᠳᠡᠶᠢᠯᠦᠨᠠ ᠭᠡᠳᠡᠭ ᠢ ᠰᠠᠶᠢᠨᠪᠠᠶᠠᠷ ᠤᠨ ᠶᠠᠷᠢᠶᠠᠨ ᠠᠴᠠ ᠤᠢᠢᠯᠠᠭᠠᠭᠰᠠᠨ ᠶᠤᠮ᠃ | ᠭᠡᠪᠡᠴᠤ ᠡᠳᠡᠨ ᠤ ᠬᠢ ᠬᠦᠳᠡᠯᠮᠤᠷᠢ ᠬᠦᠴᠤ᠂ ᠬᠦᠮᠦᠨ ᠬᠠᠷᠠ ᠴᠦᠭᠡᠨᠳᠡᠢ ᠠᠶᠢᠯ ᠪᠤᠯᠬᠤ ᠪᠠᠷ ᠡᠨᠡ ᠬᠤᠶᠠᠷ | ᠵᠢᠯ ᠳᠡᠭᠡᠨ ᠢᠩᠭᠡ ᠪᠠᠨ ᠨᠤᠮᠤᠬᠠᠷᠠᠭᠠᠬᠤ ᠳᠡᠭᠡᠷᠠ ᠢᠯᠡᠬᠦᠤ ᠬᠦᠴᠤ ᠲᠠᠯᠪᠢᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠰᠠᠭᠠᠯᠢ ᠰᠦ ᠶᠢ ᠨᠢ | ᠤᠴᠢᠷ ᠦᠭᠡᠢ ᠠᠷᠠᠯᠵᠢᠶᠠᠯᠠᠵᠤ ᠡᠬᠢᠯᠡᠭᠡ ᠦᠭᠡᠢ ᠪᠠᠶᠢᠪᠠ᠃ ᠤᠳᠤ ᠡᠳᠡᠨ ᠤ ᠬᠢ ᠲᠦᠴᠢᠭᠡᠳ ᠢᠩᠭᠡ ᠶᠢ | ᠰᠠᠭᠠᠮᠰᠢᠭᠤᠯᠤᠨ ᠰᠤᠷᠭᠠᠴᠢᠬᠠᠭᠠᠳ ᠪᠠᠶᠢᠯᠠ᠃ ᠦᠨᠤ ᠵᠢᠯ ᠲᠡᠳᠡᠨ ᠤ ᠨᠤᠳᠤᠭ ᠢᠶᠠᠷ ᠠᠷᠠᠢ ᠵᠢᠭᠠᠬᠠᠨ ᠭᠠᠩᠳᠠᠭᠤᠨ | ᠪᠤᠯᠬᠤᠷ ᠭᠠᠳᠠᠨᠠ ᠪᠠᠨ ᠬᠤᠴᠤᠷᠭᠠᠭᠰᠠᠨ ᠬᠤᠷᠢᠭᠠᠳ ᠢᠩᠭᠡ ᠪᠠᠨ ᠤᠳᠤ ᠪᠤᠯᠳᠠᠯᠠ ᠰᠠᠭᠠᠵᠤ ᠡᠬᠢᠯᠡᠭᠡ ᠦᠭᠡᠢ᠃ | ᠲᠡᠭᠡᠬᠦ ᠪᠠᠷ ᠰᠠᠶᠢᠨᠪᠠᠶᠠᠷ ᠤᠨ ᠲᠡᠮᠡᠭᠡᠴᠢᠨ ᠠᠮᠢᠳᠤᠷᠠᠯ ᠢ ᠲᠦᠭᠦᠮᠴᠢᠯᠡᠨ ᠬᠤᠷᠢᠶᠠᠩᠭᠤᠢᠢᠯᠠᠪᠠᠯ᠂ ᠡᠪᠤᠯ ᠳᠡᠭᠡᠨ | ᠬᠤᠷᠳᠤᠨ ᠲᠡᠮᠡᠭᠡ ᠤᠷᠤᠯᠳᠤᠭᠤᠯᠵᠤ᠂ ᠵᠤᠨ ᠨᠠᠮᠤᠷ ᠲᠠᠭᠠᠨ ᠢᠩᠭᠡ ᠰᠠᠭᠠᠴᠢᠬᠠᠭᠰᠠᠨ ᠬᠦᠳᠡᠭᠡ ᠶᠢᠨ | ᠰᠠᠶᠢᠬᠠᠨ ᠳᠠᠭᠠᠨ ᠵᠢᠷᠭᠠᠵᠤ ᠶᠠᠪᠤᠭᠠ ᠮᠠᠯᠴᠢᠨ ᠠᠶᠢᠯ ᠭᠡᠬᠦ ᠤᠤ⁈ | — ᠲᠡᠮᠡᠭᠡ ᠮᠢᠨᠢ ᠰᠠᠶᠢᠬᠠᠨ ᠦᠰᠴᠤ ᠪᠠᠶᠢᠨᠠ᠃ ᠴᠢᠳᠠᠪᠠᠯ ᠪᠠᠰᠠ ᠦᠰᠬᠡᠶᠠ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠨᠠ᠃ | ᠬᠡᠬᠦ ᠳᠡᠭᠡᠨ ᠴᠠᠭ ᠤᠨ ᠪᠠᠶᠢᠳᠠᠯ ᠵᠠᠭᠤ ᠪᠤᠯᠳᠠᠭ ᠢ ᠮᠡᠳᠡᠬᠦ ᠦᠭᠡᠢ ᠯᠡ ᠪᠠᠶᠢᠨᠠ ᠭᠡᠵᠤ ᠰᠠᠶᠢᠨᠪᠠᠶᠠᠷ ᠪᠠᠶᠠᠰᠴᠤ ᠨᠢᠭᠡ᠂ | ᠪᠠᠰᠠ ᠰᠠᠨᠠᠭᠠᠰᠢᠷᠡᠵᠤ ᠨᠢᠭᠡ ᠶᠠᠷᠢᠨᠠ᠃ ᠲᠠᠮᠡᠭᠡᠴᠢᠨ ᠮᠠᠨᠢ ᠲᠡᠮᠡᠭᠡᠨ ᠤ ᠪᠠᠨ ᠲᠦᠯᠦᠭᠡ ᠤᠯᠠᠨ ᠢ ᠰᠠᠨᠠᠭᠠᠰᠢᠷᠡᠵᠤ | ᠪᠠᠶᠢᠭᠠ ᠨᠢ ᠮᠡᠳᠡᠭᠡᠵᠢ᠃ ᠪᠠᠶᠠᠨ ᠭᠤᠪᠢ ᠠᠴᠠ ᠪᠤᠳᠤᠭᠤᠨ ᠪᠤᠶᠢᠯᠠᠭᠠ ᠲᠠᠰᠤᠷᠠᠬᠤ ᠶᠤᠰᠤ ᠦᠭᠡᠢ᠃ | |