| ᠲᠡᠰ ᠨᠢᠰ ᠬᠦᠯᠳᠡᠬᠦ ᠮᠦᠰᠤᠨ ᠡᠪᠤᠯ ᠢ ᠤᠶᠠᠷᠠᠭᠠᠬᠤ ᠶᠢᠰᠤ ᠶᠢᠨ ᠲᠤᠭᠠᠯᠠᠯ ᠡᠳᠦᠷ ᠤᠷᠳᠤᠰᠬᠠᠨ ᠬᠤᠯᠠᠳᠠᠨᠠ᠃ | ᠴᠠᠭᠠᠭᠴᠢᠨ ᠦᠭᠡᠷ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠨᠤᠳᠤᠭ ᠤᠨ ᠵᠠᠬᠠ ᠳᠤ ᠢᠷᠠᠴᠢᠭᠡᠭᠰᠡᠨ᠂ ᠤᠳᠠᠯ ᠦᠭᠡᠢ ᠤᠶᠠᠭᠠᠨ | ᠳᠡᠭᠡᠷᠠ ᠪᠠᠭᠤᠬᠤ ᠪᠠᠷ ᠠᠶᠢᠰᠤᠢ᠃ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠠᠶᠢᠬᠠᠬᠤᠢᠯᠵᠡᠢ ᠰᠤᠮᠤᠨ ᠤ ᠨᠤᠭᠤᠭᠠᠨᠰᠢᠯᠢ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠬᠠᠰᠪᠠᠭᠠᠨᠠ ᠶᠢᠨ ᠬᠢ ᠰᠢᠨᠠ ᠶᠢᠨ ᠪᠤᠤᠰᠠ ᠪᠠᠨ ᠪᠠᠷᠢᠬᠤ ᠴᠢᠮᠡᠭᠡ ᠪᠠᠷ ᠬᠤᠳᠠᠨ ᠤ | ᠬᠦᠮᠦᠰ ᠨᠢ ᠬᠦᠷᠦᠯᠴᠡᠨ ᠢᠷᠡᠵᠤ ᠬᠠᠮᠵᠢᠯᠴᠠᠯᠠ᠃ ᠲᠤᠰ ᠬᠤᠳᠠ ᠲᠤᠭᠤᠢᠢᠯᠠᠩ ᠤᠨ ᠠᠶᠢᠯ ᠤᠳ ᠤᠤᠯ ᠠᠴᠠ ᠪᠠᠨ | ᠢᠡᠭᠬᠢᠵᠤ ᠬᠠᠮᠵᠢᠯᠴᠠᠵᠤ ᠢᠷᠡᠭᠰᠡᠨ ᠵᠤᠷᠰᠢᠯ ᠲᠠᠢ ᠪᠠᠶᠢᠯᠠ᠃ ᠬᠠᠰᠪᠠᠭᠠᠨᠠ ᠶᠢᠨ ᠳᠤ ᠡᠨᠡ ᠤᠳᠠᠭᠠ ᠬᠠᠮᠵᠢᠬᠤ | ᠬᠦᠮᠦᠨ ᠤᠯᠠᠨ ᠢᠷᠡᠵᠤ᠂ ᠳᠡᠳᠡ ᠠᠵᠢᠯ ᠤᠨ ᠢᠶᠠᠨ ᠵᠠᠪᠰᠡᠷ ᠴᠠᠭᠠᠨ ᠰᠠᠷᠠ ᠶᠢᠨ ᠢᠶᠠᠨ ᠲᠤᠬᠠᠢ ᠬᠦᠭᠵᠢᠯᠳᠡᠢ ᠵᠤᠭᠤᠭ | ᠳᠡᠯᠭᠡᠭᠰᠡᠭᠡᠷ ᠭᠡᠳᠦᠨ ᠵᠠᠭᠤᠨ ᠪᠤᠤᠰᠠ ᠶᠢ ᠲᠦᠳᠡ ᠤᠳᠠᠯ ᠦᠭᠡᠢ ᠪᠠᠷᠢᠭᠠᠳ ᠬᠦᠯᠳᠡᠭᠡᠵᠡᠢ᠃ ᠬᠠᠰᠪᠠᠭᠠᠨᠠ ᠶᠢᠨ ᠬᠢ | ᠭᠠᠯ ᠲᠠᠬᠢᠯᠭᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠠᠴᠠ ᠡᠮᠦᠨᠠ ᠪᠤᠤᠪᠤ ᠬᠠᠭᠠᠷᠢᠬᠤ᠂ ᠪᠤᠤᠰᠠ ᠪᠠᠩᠰᠢ ᠪᠠᠷᠢᠬᠤ ᠠᠵᠢᠯ ᠢᠶᠠᠨ | ᠵᠠᠪᠠᠯ ᠪᠠᠷᠠᠭᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠬᠠᠰᠪᠠᠭᠠᠨᠠ ᠶᠢᠨ ᠭᠡᠷᠬᠡᠢ ᠰᠠᠷᠠᠨᠴᠢᠮᠡᠭ᠄ ︽ᠮᠠᠨ ᠤ ᠬᠢᠨ ᠤ ᠠᠶᠢᠯ ᠤᠳ ᠪᠤᠤᠰᠠ | ᠪᠠᠩᠰᠢ ᠪᠠᠨ ᠪᠦᠷ ᠬᠠᠮᠵᠢᠯᠴᠠᠭᠠᠳ ᠪᠠᠷᠢᠳᠠᠭ ᠰᠠᠶᠢᠬᠠᠨ ᠵᠤᠷᠰᠢᠯ ᠲᠠᠢ ᠰᠢᠤ᠂ ᠮᠠᠨ ᠤ ᠬᠢ ᠰᠠᠳᠤᠨ ᠲᠦᠷᠦᠯ ᠠᠷᠪᠢᠨ | ᠪᠤᠯᠬᠤᠷ ᠪᠤᠤᠰᠠ ᠪᠠᠩᠰᠢ ᠠᠷᠪᠢᠨ ᠴᠤ ᠪᠠᠷᠢᠳᠠᠭ᠂ ᠭᠡᠰᠡᠨ ᠴᠤ ᠬᠤᠳᠠᠨ ᠤ ᠠᠶᠢᠯ ᠤᠳ ᠢᠷᠡᠭᠡᠳ ᠬᠠᠮᠵᠢᠴᠢᠬᠠᠳᠠᠭ | ᠪᠤᠯᠬᠤᠷ ᠲᠤᠩ ᠤᠳᠠᠬᠤ ᠦᠭᠡᠢ ᠪᠠᠷᠠᠴᠢᠬᠠᠳᠠᠭ ᠶᠤᠮ᠃ ᠮᠠᠨ ᠤ ᠬᠢᠨ ᠴᠠᠭᠠᠨ ᠰᠠᠷᠠ ᠶᠢᠨ ᠪᠡᠯᠡᠳᠭᠡᠯ ᠢᠶᠠᠨ | ᠶᠠᠷᠤ ᠠᠴᠠ ᠪᠠᠨ ᠶᠡᠭᠡ ᠴᠢᠬᠤᠯᠠᠴᠢᠯᠠᠳᠠᠭ᠃ ᠤᠯᠠᠮᠵᠢᠯᠠᠯ ᠤᠨ ᠢᠶᠠᠨ ᠰᠢᠯᠢᠳᠡᠭ ᠵᠦᠢᠯ ᠢ ᠳᠡᠭᠡᠳᠦᠯᠡᠬᠦ ᠶᠢᠨ ᠬᠠᠮᠳᠤ | ᠴᠠᠭ ᠤᠨ ᠤᠷᠤᠰᠬᠠᠯ ᠢ ᠳᠠᠭᠠᠵᠤ᠂ ᠰᠢᠨᠠ ᠶᠢᠨ ᠪᠡᠯᠡᠭ ᠰᠡᠯᠳᠠ ᠪᠠᠨ ᠤᠨᠴᠠᠯᠢᠭ ᠲᠠᠢ ᠪᠡᠯᠡᠳᠭᠡᠨ᠂ ᠴᠠᠭᠠᠨ | ᠢᠳᠡᠭᠡᠨ ᠢᠶᠠᠨ ᠲᠤᠰᠬᠠᠢ ᠪᠡᠯᠡᠭ ᠪᠤᠯᠭᠠᠨ ᠦᠭᠳᠡᠭ᠂ ᠮᠠᠨ ᠤ ᠬᠢ ᠭᠡᠤᠭᠡᠳ ᠤᠳ ᠤᠨ ᠪᠡᠯᠡᠭ ᠲᠤ ᠨᠤᠮ ᠳᠡᠪᠳᠡᠷ | ᠵᠡᠷᠬᠡ ᠰᠤᠶᠤᠯ ᠤᠨ ᠭᠡᠷᠡᠭᠰᠡᠯ ᠦᠭᠳᠡᠭ ᠪᠤᠯᠤᠭᠰᠠᠨ᠃ ᠰᠢᠨᠠ ᠵᠢᠯ ᠢᠶᠠᠷ ᠮᠤᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠢᠶᠠᠷ ᠢᠶᠠᠨ | ᠭᠤᠶᠤᠯᠠᠬᠤ ᠶᠢ ᠴᠢᠬᠤᠯᠠᠴᠢᠯᠠᠬᠤ ᠶᠢᠨ ᠬᠠᠮᠳᠤ ᠮᠤᠷᠢ ᠤᠨᠤᠭᠠ ᠭᠡᠬᠦ ᠦᠭᠡᠢ ᠮᠠᠰᠢᠨ ᠲᠡᠷᠬᠡ ᠪᠠᠨ ᠴᠤ ᠴᠡᠪᠡᠷᠯᠡᠵᠤ | ᠭᠤᠶᠤᠯᠠᠳᠠᠭ ᠰᠢᠤ᠃ ᠭᠡᠷ ᠤᠨ ᠲᠤᠳᠤᠨᠠ ᠭᠠᠳᠠᠨᠠᠬᠢ ᠶᠢᠨ ᠴᠡᠪᠡᠷᠯᠡᠭᠡ ᠶᠢ ᠨᠡᠩ ᠰᠠᠶᠢᠨ ᠬᠢᠳᠡᠭ︾ ᠭᠡᠵᠤ | ᠪᠠᠶᠠᠷᠳᠠᠶᠢᠬᠠᠨ ᠶᠠᠷᠢᠨᠠ ᠪᠢᠯᠡ᠃ | ᠲᠠᠶᠢᠮᠤ ᠡ︕ ᠵᠢᠯ ᠴᠠᠭᠠᠨ ᠰᠠᠷᠠ ᠤᠶᠢᠷᠠᠳᠤᠬᠤ ᠪᠠᠷ ᠰᠢᠨᠠ ᠶᠢᠨ ᠪᠠᠯᠠᠳᠭᠡᠯ ᠭᠡᠳᠡᠭ ᠡᠨᠡ ᠠᠵᠢᠯ ᠭᠡᠴᠢᠨᠠᠨ | ᠴᠢᠬᠤᠯᠠ ᠪᠠᠶᠢᠳᠠᠭ ᠢ ᠮᠠᠯᠴᠢᠨ ᠬᠠᠰᠪᠠᠭᠠᠨᠠ ᠶᠢᠨ ᠬᠢ ᠠᠴᠠ ᠤᠢᠢᠯᠠᠭᠠᠵᠤ ᠪᠤᠯᠤᠨᠠ᠃ ︽ᠮᠤᠩᠭᠤᠯ ᠬᠦᠮᠦᠨ | ᠪᠡᠯᠭᠡ ᠪᠠᠷ︾ ᠭᠡᠳᠡᠭᠴᠢᠯᠡᠨ᠂ ᠵᠢᠯ ᠳᠤ ᠪᠠᠨ ᠨᠢᠭᠡ ᠤᠳᠠᠭᠠ ᠪᠤᠯᠳᠠᠭ ᠴᠠᠭᠠᠨ ᠰᠠᠷᠠ ᠪᠠᠨ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ | ᠦᠩᠭᠡᠷᠡᠬᠦᠯᠬᠦ ᠶᠢᠨ ᠲᠤᠯᠠᠳᠠ ᠢᠳᠡᠯᠭᠡ ᠤᠤᠭᠤᠯᠭᠠ ᠪᠠᠨ ᠡᠯᠪᠡᠭ ᠳᠡᠯᠪᠡᠭ ᠪᠡᠯᠡᠳᠭᠡᠨ᠂ ᠭᠡᠷ ᠪᠠᠷᠠᠭᠠ ᠵᠢᠴᠢ ᠬᠤᠳᠠ | ᠰᠠᠭᠤᠷᠢᠰᠢᠯ ᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠢᠶᠠᠨ ᠬᠢᠯᠡ ᠴᠢᠯᠡ ᠴᠡᠪᠡᠷᠯᠡᠵᠤ ᠲᠦᠪᠬᠢᠨᠡᠬᠦᠯᠳᠡᠭ ᠵᠠᠩᠰᠢᠯ ᠲᠠᠢ ᠪᠢᠯᠡ᠃ | ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠪᠡᠯᠡᠳᠭᠡᠯ ᠠᠵᠢᠯ ᠶᠠᠷᠤᠩᠬᠡᠢ ᠳᠤ ᠪᠠᠨ ᠬᠦᠭᠡᠭᠡ ᠰᠠᠷᠠ ᠭᠠᠷᠴᠤ ᠢᠷᠡᠪᠠᠯ | ᠡᠬᠢᠯᠡᠭᠡᠳ ᠦᠭᠡᠬᠦ ᠲᠤᠰᠤ ᠪᠠᠨ ᠰᠢᠷᠭᠠᠭᠠᠬᠤ᠂ ᠪᠤᠤᠪᠤ ᠪᠤᠭᠤᠷᠰᠤᠭ ᠢᠶᠠᠨ ᠬᠠᠭᠠᠷᠢᠬᠤ᠂ ᠪᠤᠤᠰᠠ ᠪᠠᠩᠰᠢᠨ ᠤ | ᠮᠢᠬᠠ ᠪᠠᠨ ᠭᠡᠷᠴᠢᠬᠦ ᠮᠠᠳᠤ ᠪᠠᠷ ᠪᠠᠭᠠ ᠪᠠᠭᠠ ᠪᠠᠷ ᠶᠠᠪᠤᠭᠳᠠᠳᠠᠭ᠃ ᠬᠠᠭᠤᠴᠢᠨ ᠳᠤ ᠪᠠᠨ ᠰᠢᠨᠠ ᠶᠢᠨ | ᠪᠡᠯᠡᠳᠭᠡᠯ ᠳᠤ ᠰᠢᠨᠡᠯᠡᠬᠦ ᠳᠤ ᠡᠮᠦᠰᠬᠦ ᠳᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠪᠡᠯᠡᠳᠬᠦ ᠠᠴᠠ ᠭᠠᠳᠠᠨᠠ ᠡᠮᠡᠭᠡᠯ ᠬᠠᠵᠠᠭᠠᠷ᠂ | ᠲᠤᠬᠤᠰᠢ ᠵᠡᠷᠬᠡ ᠪᠠᠨ ᠪᠦᠷᠢᠨ ᠲᠦᠭᠦᠭᠡᠷᠴᠤ ᠠᠪᠳᠠᠭ᠃ ᠲᠠᠷᠠ ᠦᠶᠡ ᠳᠤ ᠪᠠᠷᠤᠭ ᠯᠡ ᠪᠦᠷ ᠰᠤᠮᠤ ᠶᠢᠨ ᠲᠦᠪ | ᠤᠷᠤᠵᠤ᠂ ᠰᠢᠬᠢᠷ ᠪᠤᠤᠪᠤ᠂ ᠠᠷᠢᠬᠢ ᠲᠠᠮᠡᠬᠢ᠂ ᠪᠤᠷᠠᠮ ᠱᠠᠭᠠᠳᠠᠩ᠂ ᠯᠡ ᠴᠦᠳᠡᠩ ᠭᠡᠳ ᠠᠮᠢᠳᠤᠷᠠᠯ ᠤᠨ ᠪᠦᠬᠦ | ᠭᠡᠷᠡᠭᠰᠡᠯ ᠢᠶᠠᠨ ᠪᠡᠯᠡᠳᠭᠡᠵᠤ ᠠᠪᠳᠠᠭ ᠰᠠᠨ᠃ ᠤᠳᠤ ᠪᠤᠯ ᠬᠠᠷᠢᠨ ᠦᠭᠡᠷᠠ ᠪᠤᠯᠵᠠᠢ᠃ ᠤᠨᠤᠭᠠ ᠬᠦᠰᠬᠡ᠂ ᠵᠠᠮ | ᠬᠠᠷᠢᠯᠴᠠᠭᠠᠨ ᠤ ᠨᠦᠬᠦᠴᠡᠯ ᠰᠠᠶᠢᠵᠢᠷᠠᠭᠰᠠᠨ ᠢᠶᠠᠷ ᠠᠶᠢᠮᠠᠭ ᠬᠤᠰᠢᠭᠤᠨ ᠤ ᠲᠦᠪ ᠤᠷᠤᠵᠤ ᠶᠠᠭᠤᠮᠠ ᠪᠡᠯᠡᠳᠭᠡᠬᠦ ᠨᠢ | ᠲᠠᠶᠢᠮᠤ ᠴᠤ ᠬᠦᠴᠢᠷ ᠠᠵᠢᠯ ᠪᠢᠰᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠮᠤᠩᠭᠤᠯ ᠭᠠᠵᠠᠷ ᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠪᠡᠯᠡᠳᠭᠡᠯ ᠦᠨᠳᠦᠰᠤᠨ ᠳᠤ ᠪᠠᠨ ᠠᠳᠠᠯᠢᠪᠳᠤᠷ | ᠪᠤᠯᠪᠠᠴᠤ ᠵᠠᠷᠢᠮ ᠨᠤᠳᠤᠭ᠂ ᠵᠠᠷᠢᠮ ᠠᠶᠢᠯ ᠬᠤᠳᠠᠨ ᠤ ᠰᠢᠨᠠ ᠶᠢᠨ ᠪᠠᠯᠡᠳᠭᠡᠯ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ | ᠭᠤᠤᠯᠳᠠᠭᠤ ᠠᠶᠢᠯ ᠠᠶᠢᠯ ᠤᠨ ᠨᠦᠬᠦᠴᠡᠯ ᠪᠠᠶᠢᠳᠠᠯ ᠠᠴᠠ ᠪᠠᠨ ᠰᠢᠯᠳᠠᠭᠠᠯᠠᠭᠳᠠᠳᠠᠭ᠃ ᠤᠤᠯ ᠳᠤ ᠪᠠᠨ ᠬᠦᠳᠡᠭᠡ ᠶᠢᠨ | ᠠᠶᠢᠯ ᠤᠳ ᠨᠡᠯᠢᠶᠡᠳ ᠡᠷᠳᠡ ᠠᠴᠠ ᠪᠤᠤᠰᠠ ᠪᠠᠩᠰᠢ ᠪᠠᠨ ᠪᠠᠷᠢᠵᠤ ᠬᠦᠯᠳᠡᠭᠡᠭᠡᠳ ᠤᠷᠢ ᠤᠷᠤᠬᠤ ᠦᠭᠡᠢ ᠭᠠᠵᠠᠷ | ᠬᠠᠳᠠᠭᠠᠯᠠᠳᠠᠭ ᠪᠤᠯ ᠤᠳᠤ ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ ᠰᠠᠶᠢᠵᠢᠷᠠᠵᠤ᠂ ᠴᠠᠬᠢᠯᠭᠠᠨ ᠨᠡᠪᠳᠡᠷᠡᠵᠤ᠂ ᠬᠦᠷᠦᠭᠡᠭᠴᠢ | ᠬᠦᠯᠳᠡᠭᠡᠬᠦᠷ ᠨᠡᠶᠢᠳᠡᠮ ᠭᠡᠷᠡᠭᠯᠡᠳᠡᠭ ᠪᠤᠯᠤᠭᠰᠠᠨ ᠢᠶᠠᠷ ᠢᠯᠠᠩᠭᠤᠶᠠ ᠪᠤᠤᠰᠠ ᠪᠠᠩᠰᠢ ᠶᠢ ᠴᠠᠭᠠᠨ ᠰᠠᠷᠠ | ᠤᠶᠢᠷᠠᠳᠤᠭᠤᠯᠤᠨ ᠪᠠᠷᠢᠭᠰᠠᠨ ᠴᠤ ᠬᠦᠯᠳᠡᠵᠤ ᠦᠭᠬᠦ ᠦᠭᠡᠢ ᠭᠡᠵᠤ ᠵᠤᠪᠠᠭ᠋ᠤ ᠶᠠᠪᠤᠳᠠᠯ ᠦᠭᠡᠢ ᠪᠤᠯᠵᠠᠢ᠃ ᠡᠨᠡ ᠨᠢ | ᠪᠤᠤᠰᠠ ᠪᠠᠩᠰᠢ ᠪᠠᠨ ᠨᠢᠭᠡ ᠶᠡᠭᠡ ᠤᠳᠠᠭᠠᠬᠤ ᠦᠭᠡᠢ ᠪᠠᠷ ᠰᠢᠨᠠ ᠰᠤᠷᠭᠤᠭ ᠢᠶᠠᠷ ᠨᠢ ᠢᠳᠡᠬᠦ ᠶᠢ ᠡᠷᠬᠢᠮᠯᠡᠳᠡᠭ ᠠᠴᠠ | ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠭᠠᠯ ᠲᠠᠬᠢᠯᠭᠠ ᠠᠴᠠ ᠡᠮᠦᠨᠠ ᠮᠤᠩᠭᠤᠯ ᠭᠡᠷ᠂ ᠪᠠᠶᠢᠰᠢᠩ ᠭᠡᠷ ᠤᠨ ᠢᠶᠠᠨ ᠰᠢᠷᠢᠳᠡᠭ | ᠲᠤᠭᠤᠷᠢᠭᠤᠯᠭᠠ᠂ ᠲᠠᠪᠢᠰᠭᠡᠷ ᠤᠨ ᠲᠤᠭᠤᠰᠤ ᠶᠢ ᠬᠦᠪᠢᠵᠤ ᠱᠦᠬᠦᠷᠳᠡᠬᠦ ᠪᠤᠶᠤ ᠬᠤᠳᠠ ᠬᠤᠷᠤᠭᠠᠨ ᠤ ᠪᠠᠨ ᠬᠤᠭ | ᠨᠤᠪᠰᠢ ᠶᠢ ᠴᠡᠪᠡᠷᠯᠡᠵᠤ ᠠᠷᠢᠯᠭᠠᠳᠠᠭ᠃ | ᠬᠤᠳᠠ ᠬᠦᠳᠡᠭᠡ ᠶᠢᠨ ᠮᠤᠩᠭᠤᠯ ᠠᠶᠢᠯ ᠪᠦᠬᠦᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠶᠢᠨ | ᠬᠤᠷᠢᠨ ᠭᠤᠷᠪᠠᠨ᠂ ᠬᠤᠷᠢᠨ ᠲᠦᠷᠪᠠᠨ ᠳᠤ ᠭᠠᠯ ᠢᠶᠠᠨ ᠲᠠᠬᠢᠳᠠᠭ᠃ ᠭᠠᠯ ᠲᠠᠬᠢᠬᠤ ᠡᠳᠦᠷ ᠮᠠᠯᠴᠢᠳ ᠦᠷᠯᠦᠭᠡ | ᠡᠷᠳᠡ ᠪᠤᠰᠴᠤ᠂ ᠶᠠᠩᠳᠤᠩ ᠢᠶᠠᠨ ᠬᠦᠯᠡᠴᠢᠭᠡᠭᠡᠳ ᠵᠤᠤᠬᠠ ᠪᠠᠨ ᠭᠠᠯᠯᠠᠵᠤ᠂ ᠭᠡᠷ ᠢᠶᠠᠨ ᠲᠤᠯᠠᠭᠠᠯᠠᠳᠠᠭ᠃ ᠡᠨᠡ ᠨᠢ | ᠤᠷᠤᠢ ᠮᠠᠯ ᠬᠤᠳᠠᠯᠠᠭᠰᠠᠨ ᠤ ᠳᠠᠷᠠᠭᠠ ᠤᠳᠤᠨ ᠳᠦᠬᠡᠬᠦ ᠦᠶᠡᠰ ᠭᠠᠯ ᠢᠶᠠᠨ ᠰᠠᠶᠢᠨ ᠬᠦᠭᠵᠢᠭᠡᠵᠤ ᠲᠠᠬᠢᠳᠠᠭ ᠵᠠᠩ | ᠤᠶᠢᠯᠡ ᠳᠤ ᠪᠡᠯᠡᠳᠭᠡᠵᠤ ᠪᠤᠢ ᠠᠩᠬᠠᠨ ᠤ ᠠᠵᠢᠯ ᠪᠤᠯᠤᠨᠠ᠃ ᠵᠠᠯᠭᠠᠭᠠᠳ ᠭᠠᠯ ᠳᠤ ᠡᠷᠬᠦᠬᠦ ᠡᠪᠴᠢᠬᠦᠤ ᠪᠠᠨ | ᠭᠠᠷᠭᠠᠵᠤ ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠤ ᠳᠠᠷᠠᠭᠠ ᠵᠠᠰᠠᠵᠤ ᠴᠢᠮᠡᠨ᠂ ᠴᠠᠭᠠᠨ ᠢᠳᠡᠭᠡᠨ᠂ ᠰᠠᠷᠬᠤᠳ᠂ ᠬᠡᠪ ᠤᠨ ᠴᠠᠢ᠂ | ᠪᠤᠷᠠᠮ᠂ ᠴᠢᠪᠠᠭᠠ ᠵᠡᠷᠬᠡ ᠢᠳᠡᠭᠡᠨ ᠤ ᠳᠡᠭᠡᠵᠢ ᠠᠴᠠ ᠪᠡᠯᠡᠳᠭᠡᠳᠡᠭ᠃ ᠦᠳᠡᠰᠢ ᠤᠳᠤ ᠪᠦᠷᠢᠨ ᠲᠦᠭᠡᠭᠰᠡᠨ ᠤ | ᠳᠠᠷᠠᠭᠠ ᠭᠠᠯ ᠢᠶᠠᠨ ᠲᠠᠬᠢᠵᠤ᠂ ᠦᠭᠡᠳᠡᠯᠡᠨ ᠮᠠᠨᠳᠤᠵᠤ᠂ ᠦᠷᠨᠢᠨ ᠳᠡᠭᠵᠢᠷᠡᠬᠦ ᠪᠠᠨ ᠳᠠᠭᠠᠳᠬᠠᠳᠠᠭ᠃ | ᠭᠠᠯ ᠲᠠᠬᠢᠯᠭᠠ ᠶᠢᠨ ᠮᠠᠷᠭᠠᠰᠢ ᠠᠴᠠ ᠡᠬᠢᠯᠡᠨ᠂ ᠴᠠᠭᠠᠨ ᠰᠠᠷᠠ ᠪᠠᠨ ᠤᠭᠳᠤᠬᠤ ᠡᠯᠠ ᠲᠠᠯᠠ ᠶᠢᠨ ᠠᠵᠢᠯ | ᠤᠯᠠᠮ ᠠᠬᠢᠴᠠ ᠲᠠᠢ ᠶᠠᠪᠤᠭᠳᠠᠳᠠᠭ᠃ ᠡᠳᠦᠷ ᠨᠢ ᠪᠦᠰᠡᠬᠦ᠋ᠢᠴᠤᠳ ᠭᠤᠤᠯᠳᠠᠭᠤ ᠭᠡᠷ ᠤᠨ ᠲᠤᠳᠤᠷᠡᠬᠢ ᠤᠬᠢᠶᠠᠯᠭᠠ | ᠴᠡᠪᠡᠷᠯᠡᠭᠡ᠂ ᠲᠢᠭᠯᠡᠯ ᠢ ᠠᠬᠢᠨ ᠲᠠᠬᠢᠨ ᠬᠢᠵᠤ᠂ ᠪᠦᠰᠡᠳᠠᠶᠢᠴᠤᠳ ᠨᠢ ᠭᠤᠤᠯᠳᠠᠭᠤ ᠭᠠᠳᠠᠨᠠᠬᠢ ᠬᠤᠳᠠ | ᠬᠤᠷᠤᠭᠠ ᠪᠠᠨ ᠴᠡᠪᠡᠷᠯᠡᠬᠦ᠂ ᠵᠠᠰᠠᠵᠤ ᠴᠡᠭᠴᠡᠯᠡᠬᠦ ᠠᠵᠢᠯ ᠢ ᠬᠢᠳᠡᠭ ᠪᠤᠯ ᠰᠦᠨᠢ ᠶᠢᠨ ᠴᠠᠭ ᠢᠶᠠᠷ ᠭᠡᠷ ᠪᠦᠯᠢ ᠶᠢᠨ | ᠬᠦᠮᠦᠰ ᠬᠠᠮᠳᠤᠷᠠᠵᠤ᠂ ᠪᠤᠤᠰᠠ ᠪᠠᠩᠰᠢ ᠪᠠᠷᠢᠵᠤ ᠠᠮᠵᠢᠭᠤᠯᠳᠠᠭ᠃ ︽ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ | ᠰᠠᠶᠢᠵᠢᠷᠠᠵᠤ᠂ ᠮᠠᠯᠴᠢᠳ ᠤᠨ ᠦᠵᠡᠯ ᠤᠬᠠᠮᠰᠠᠷ ᠡᠳᠦᠷ ᠠᠴᠠ ᠡᠳᠦᠷ ᠳᠡᠭᠡᠭᠰᠢᠯᠡᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠤᠳᠤ ᠪᠠᠶᠠ | ᠪᠠᠶᠠᠨ ᠤ ᠪᠠᠨ ᠰᠠᠶᠢᠨ ᠲᠠᠯᠠ ᠶᠢ ᠲᠠᠭᠤᠷᠢᠶᠠᠵᠤ ᠠᠮᠢᠳᠤᠷᠠᠬᠤ ᠶᠢ ᠰᠢᠨᠠ ᠬᠦᠭᠡᠭᠡᠴᠡᠯᠳᠤᠯ ᠪᠤᠯᠭᠠᠵᠤ ᠪᠠᠶᠢᠭᠠ ᠨᠢ | ᠡᠷᠬᠢᠨ ᠲᠤᠭᠤᠷᠢᠨ ᠢᠶᠠᠷ ᠶᠡᠭᠡ ᠠᠵᠢᠭᠳᠠᠨᠠ᠂ ᠰᠢᠨᠠ ᠶᠢᠨ ᠪᠤᠤᠰᠠ ᠪᠠᠷᠢᠬᠤ ᠪᠠᠷ ᠠᠪᠴᠤ ᠦᠵᠡᠭᠰᠡᠨ ᠴᠤ | ᠠᠭᠠᠷᠤᠤᠯ ᠲᠠᠢ ᠪᠤᠤᠰᠠ᠂ ᠬᠦᠮᠡᠯᠢ ᠲᠠᠢ ᠪᠤᠤᠰᠠ᠂ ᠴᠠᠭᠠᠨ ᠢᠳᠡᠭᠡᠨ ᠲᠠᠢ ᠪᠤᠤᠰᠠ ᠭᠡᠳ ᠶᠠᠩᠵᠤ ᠪᠤᠯᠭᠠᠨ ᠢᠶᠠᠷ | ᠬᠢᠵᠤ᠂ ᠦᠪᠡᠷ ᠢᠶᠠᠨ ᠪᠡᠯᠡᠳᠭᠡᠵᠤ ᠳᠡᠶᠢᠯᠬᠦ ᠶᠠᠭᠤᠮᠠᠰ ᠢ ᠪᠤᠯᠬᠤ ᠶᠢᠨ ᠲᠤᠳᠤᠷᠠ ᠦᠪᠡᠷᠳᠡᠭᠡᠨ ᠪᠡᠯᠡᠳᠭᠡᠨ᠂ ᠠᠵᠢᠯᠴᠢ | ᠠᠷᠪᠢᠴᠢ ᠠᠮᠢᠳᠤᠷᠠᠯ ᠤᠨ ᠰᠤᠷᠳᠠᠯ ᠢ ᠳᠡᠭᠡᠳᠤᠯᠡᠬᠦ ᠪᠤᠯᠵᠠᠢ᠂ ᠬᠦᠳᠡᠭᠡ ᠶᠢᠨ ᠰᠢᠨᠠ ᠰᠠᠶᠢᠬᠠᠨ ᠰᠢᠤ︾ ᠭᠡᠵᠤ | ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠮᠠᠨᠳᠠᠯᠳᠤ ᠪᠠᠯᠭᠠᠰᠤᠨ ᠤ ᠰᠠᠷᠠᠭᠤᠯᠰᠢᠯᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠪᠦᠰᠡᠬᠦᠢ ᠢᠷᠡᠭᠤ | ᠢᠨᠢᠶᠠᠮᠰᠦᠭᠯᠡᠨ ᠤᠴᠢᠷᠯᠡᠨᠠ ᠪᠢᠯᠡ᠃ | ᠬᠦᠭᠡᠭᠡ ᠰᠠᠷᠠ ᠶᠢᠨ ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠡᠳᠦᠷ ᠢ ᠪᠢᠳᠡᠬᠦᠨ ᠭᠡᠮᠡᠵᠤ᠂ ᠡᠨᠡ ᠡᠳᠦᠷ ᠬᠢᠵᠤ ᠪᠠᠵᠠᠭᠠᠬᠤ | ᠠᠵᠢᠯ ᠤᠯᠠᠨ ᠪᠠᠶᠢᠳᠠᠭ᠃ ᠪᠢᠳᠡᠬᠦᠨ ᠤ ᠢᠳᠡᠭᠡᠨ ᠳᠤ ᠡᠪᠴᠢᠬᠦᠤ᠂ ᠳᠠᠯᠤ ᠲᠦᠷᠪᠠᠨ ᠦᠨᠳᠦᠷ ᠢ ᠴᠢᠨᠠᠭᠠᠳ | ᠲᠠᠪᠠᠭᠯᠠᠳᠠᠭ᠂ ᠪᠢᠳᠡᠬᠦᠨ ᠤ ᠰᠢᠨᠠ ᠴᠠᠢ ᠴᠢᠨᠠᠨᠠ᠂ ᠪᠤᠤᠰᠠ ᠪᠠᠩᠰᠢ ᠴᠢᠨᠡᠨᠠ᠂ ᠰᠢᠷᠡᠬᠡᠨ ᠳᠤ ᠪᠠᠨ ᠠᠮᠳᠠᠳᠤ | ᠵᠦᠢᠯᠡᠰ ᠢ ᠲᠦᠭᠦᠷᠡᠩ ᠦᠷᠦᠵᠤ᠂ ᠪᠢᠳᠡᠬᠦᠯᠡᠬᠦ ᠳᠤ ᠪᠠᠨ ᠪᠡᠯᠡᠳᠭᠡᠨᠠ᠃ ᠭᠡᠤᠭᠡᠳ ᠤᠳ ᠲᠤ ᠦᠭᠬᠦ ᠪᠢᠳᠡᠬᠦᠨ ᠤ | ᠪᠤᠤᠪᠤ ᠪᠡᠯᠡᠳᠭᠡᠨᠠ ᠁ ᠪᠢᠳᠡᠬᠦᠨ ᠤ ᠨᠠᠷᠠ ᠪᠠᠷᠠᠭᠤᠨ ᠬᠤᠶᠢᠰᠢ ᠬᠡᠯᠪᠠᠶᠢᠵᠤ ᠡᠬᠢᠯᠡᠪᠡᠯ ᠪᠦᠬᠦ ᠮᠠᠯ ᠰᠦᠷᠦᠭ ᠢᠶᠠᠨ | ᠬᠠᠨᠤᠳᠠᠯᠠ ᠤᠰᠤᠯᠠᠵᠤ᠂ ᠨᠦᠭᠡᠴᠡ ᠲᠠᠢ ᠰᠠᠶᠢᠨ ᠪᠡᠯᠴᠢᠭᠡᠷ ᠲᠤ ᠤᠷᠤᠭᠤᠯᠬᠤ ᠪᠤᠶᠤ ᠡᠪᠡᠰᠤ ᠪᠤᠷᠳᠤᠭᠠᠨ ᠤ | ᠭᠡᠮᠵᠢᠶᠠ ᠶᠢ ᠨᠢ ᠶᠠᠷᠤ ᠶᠢᠨ ᠴᠠᠭ ᠠᠴᠠ ᠶᠡᠭᠡ ᠦᠭᠴᠤ ᠪᠠᠶᠠᠷᠯᠠᠭᠤᠯᠵᠤ ᠪᠠᠶᠠᠰᠬᠠᠳᠠᠭ ᠳ᠋ᠠ︕ ᠨᠡᠯᠢᠶᠡᠳ ᠡᠷᠳᠡ ᠠᠴᠠ | ᠤᠶᠠᠵᠤ ᠤᠨᠤᠵᠤ ᠬᠦᠩᠭᠡᠷᠡᠬᠦᠯᠦᠭᠰᠡᠨ ᠮᠤᠷᠢ ᠲᠡᠮᠡᠭᠡᠳ ᠢᠶᠠᠨ ᠪᠢᠳᠡᠬᠦᠨ ᠳᠤ ᠭᠤᠶᠤᠯᠠᠵᠤ ᠭᠠᠩᠭᠠᠯᠠᠨ᠂ ᠤᠶᠠᠵᠤ | ᠬᠤᠨᠤᠭᠠᠳ ᠰᠢᠨᠠ ᠶᠢᠨ ᠨᠢᠭᠡᠨ ᠤ ᠦᠷᠯᠦᠭᠡᠬᠦᠷ ᠮᠤᠷᠳᠠᠵᠤ᠂ ᠠᠶᠢᠯ ᠰᠠᠭᠠᠬᠠᠯᠳᠠ ᠪᠠᠷ ᠢᠶᠠᠨ ᠰᠢᠨᠡᠯᠡᠬᠦ ᠪᠠᠷ | ᠶᠠᠪᠤᠬᠤ ᠳᠤ ᠪᠡᠯᠡᠭᠡᠨ ᠪᠠᠶᠢᠯᠭᠠᠳᠠᠭ᠃ | ᠰᠠᠶᠢᠨ ᠤ ᠮᠠᠨᠳᠤ ᠲᠠᠢ ᠰᠢᠨᠠ ᠵᠢᠯ ᠢᠶᠠᠷ ᠢᠶᠠᠨ ᠠᠶᠢᠯ ᠰᠠᠭᠠᠬᠠᠯᠳᠠ ᠬᠦᠷᠰᠢ᠂ ᠰᠠᠳᠤᠨ ᠲᠦᠷᠦᠯ᠂ ᠨᠤᠳᠤᠭ | ᠤᠰᠤᠨ ᠤ ᠬᠢᠨ ᠬᠠᠷᠢᠯᠴᠠᠨ ᠠᠶᠢᠯᠴᠢᠯᠡᠨ ᠵᠤᠯᠭᠠᠳᠠᠭ ᠤᠴᠢᠷ ᠢᠷᠡᠭᠰᠡᠨ ᠪᠤᠯᠭᠠᠨ ᠢᠶᠠᠨ ᠰᠢᠨᠠ ᠴᠠᠢ᠂ ᠰᠢᠨᠠ ᠶᠢᠨ | ᠪᠤᠤᠰᠠ ᠵᠡᠷᠬᠡ ᠶᠢᠨ ᠤᠯᠠᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠢᠶᠠᠷ ᠵᠤᠴᠢᠯᠠᠬᠤ ᠶᠢᠨ ᠳᠠᠭᠠᠤ ᠭᠠᠷ ᠤᠨ ᠪᠡᠯᠡᠭ ᠲᠠᠢ ᠭᠠᠷᠭᠠᠳᠠᠭ | ᠰᠠᠨ᠃ ᠶᠠᠭ ᠡᠶᠢᠮᠤ ᠠᠴᠠ ᠰᠢᠨᠠ ᠶᠢᠨ ᠪᠡᠯᠡᠳᠭᠡᠯ ᠢ ᠶᠠᠭᠠᠬᠢᠭᠰᠠᠨ ᠴᠦ ᠰᠠᠶᠢᠨ ᠬᠢᠬᠦ ᠭᠡᠷᠡᠭᠳᠡᠢ ᠪᠠᠶᠢᠳᠠᠭ ᠪᠢᠯᠡ᠃ | ᠨᠡᠶᠢᠭᠡᠮ ᠬᠦᠭᠵᠢᠵᠤ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠰᠠᠶᠢᠵᠢᠷᠠᠬᠤ ᠶᠢ ᠳᠠᠭᠠᠯᠳᠤᠨ᠂ ᠰᠢᠨᠠ ᠶᠢᠨ ᠪᠠᠷᠠᠭᠠᠨ ᠤ ᠪᠡᠯᠡᠳᠭᠡᠯ | ᠡᠯᠪᠡᠭ ᠪᠠᠶᠠᠯᠢᠭ᠂ ᠰᠤᠩᠭᠤᠯᠳᠠ ᠰᠠᠶᠢᠳᠠᠢ ᠪᠤᠯᠵᠠᠢ᠃ ᠮᠠᠨ ᠤ ᠬᠢᠨ ᠤᠯᠠᠮᠵᠢᠯᠠᠯ ᠶᠤᠰᠤᠭᠠᠷ ᠪᠤᠤᠰᠠ ᠪᠠᠷᠢᠵᠤ᠂ | ᠪᠠᠩᠰᠢ ᠴᠢᠮᠬᠢᠬᠦ᠂ ᠮᠢᠬᠠ ᠴᠢᠨᠠᠵᠤ ᠪᠡᠯᠡᠳᠭᠡᠬᠦ ᠠᠴᠠ ᠭᠠᠳᠠᠨᠠ ᠬᠤᠳᠠ ᠤᠷᠤᠵᠤ ᠰᠢᠨᠠ ᠴᠠᠭ ᠤᠨ ᠪᠠᠷᠠᠭᠠ | ᠪᠦᠳᠦᠭᠡᠭᠳᠡᠬᠦᠨ ᠠᠴᠠ ᠡᠯᠠ ᠵᠦᠢᠯ ᠤᠨ ᠪᠤᠤᠪᠤ ᠪᠤᠭᠤᠷᠰᠤᠭ᠂ ᠰᠢᠬᠢᠷ ᠪᠠ ᠪᠡᠯᠡᠭ ᠰᠠᠯᠳᠠ ᠭᠡᠳ ᠪᠡᠯᠡᠳᠭᠡᠵᠤ | ᠠᠪᠳᠠᠭ ᠶᠤᠮ᠃ ᠤᠤᠯ ᠳᠤ ᠪᠠᠨ ᠮᠠᠨ ᠤ ᠬᠢᠨ ᠴᠢᠨᠢ ᠲᠤᠮᠤ ᠰᠢᠭ᠋ ᠬᠤᠷᠰᠢᠶᠠᠨ ᠳᠤ ᠤᠷᠤᠵᠤ᠂ ᠰᠠᠶᠢᠨ ᠮᠠᠭᠤ ᠶᠢ ᠨᠢ | ᠰᠠᠶᠢᠨ ᠢᠯᠭᠠᠯ ᠦᠭᠡᠢ ᠠᠪᠬᠤ ᠶᠤᠰᠤᠳᠠᠢ ᠶᠠᠭᠤᠮᠠᠰ ᠢᠶᠠᠨ ᠪᠦᠬᠦᠨ ᠢ ᠠᠪᠴᠢᠬᠠᠳᠠᠭ ᠪᠠᠶᠢᠭᠰᠠᠨ ᠪᠤᠯ ᠤᠳᠤ ᠬᠠᠷᠢᠨ | ᠦᠭᠡᠷᠠ ᠪᠤᠯᠵᠠᠢ᠃ ᠠᠪᠬᠤ ᠶᠠᠭᠤᠮᠠᠨ ᠤ ᠪᠠᠨ ᠴᠢᠨᠠᠷ ᠤᠨ ᠪᠠᠳᠤᠯᠠᠭᠠ ᠶᠢ ᠨᠢ ᠶᠡᠭᠡ ᠠᠩᠵᠠᠭᠠᠷᠠᠳᠠᠭ ᠪᠤᠯᠪᠠ᠃ | ᠤᠨᠴᠠᠯᠢᠭᠲᠤ ᠪᠠᠷᠠᠭᠠ ᠪᠦᠳᠦᠭᠡᠭᠳᠡᠬᠦᠨ ᠨᠢᠭᠡᠨᠳᠡ ᠲᠡᠳᠡᠨ ᠤ ᠲᠠᠷᠢᠬᠦᠨ ᠰᠤᠩᠭᠤᠯᠳᠠ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ︽ | ᠴᠢᠨᠠᠷ ᠤᠨ ᠪᠠᠳᠤᠯᠠᠭᠠ ᠲᠠᠢ ᠯᠡ ᠪᠤᠯ ᠪᠠᠭᠠ ᠰᠠᠭᠠ ᠦᠨᠠ ᠲᠠᠢ ᠨᠢ ᠶᠠᠭᠠᠬᠢᠮᠠᠢ︕ ᠭᠠᠭᠴᠠ ᠦᠪᠡᠷ ᠤᠨ ᠬᠢ | ᠪᠠᠨ ᠪᠢᠰᠢ᠂ ᠦᠷᠦᠭᠡᠯ ᠳᠤ ᠦᠭᠬᠦ ᠶᠠᠭᠤᠮᠠᠰ ᠤᠨ ᠢᠶᠠᠨ ᠴᠢᠨᠠᠷ ᠢ ᠴᠤ ᠪᠠᠳᠤᠯᠠᠭᠰᠠᠨ ᠪᠠᠶᠢᠬᠤ ᠨᠢ ᠲᠠᠭᠠᠷᠠᠨᠠ︾ | ᠭᠡᠳᠡᠭ ᠦᠵᠡᠯᠳᠡ ᠲᠠᠨᠢᠯᠳᠠ ᠲᠠᠢ ᠶᠠᠷᠢᠵᠠᠭᠠᠨᠠ ᠪᠢᠯᠡ᠃ ᠤᠤᠯ ᠳᠤ ᠪᠠᠨ ᠭᠡᠤᠭᠡᠳ ᠲᠡᠬᠦᠤ ᠨᠠᠷ ᠲᠤ ᠰᠢᠬᠢᠷ | ᠪᠤᠭᠤᠷᠰᠤᠭ ᠤᠨ ᠯᠡ ᠪᠡᠯᠡᠭ ᠭᠤᠤᠯᠳᠠᠭᠤ ᠦᠭᠬᠦᠭᠳᠡᠳᠡᠭ ᠪᠤᠯ ᠤᠳᠤ ᠬᠠᠷᠢᠨ ᠨᠠᠰᠤ ᠨᠠᠰᠤᠨ ᠤ ᠬᠦᠮᠦᠵᠢᠯ ᠳᠤ ᠨᠢ | ᠲᠤᠬᠢᠷᠠᠭᠰᠠᠨ ᠨᠤᠮ ᠲᠠᠪᠳᠡᠷ᠂ ᠰᠤᠷᠭᠠᠮᠵᠢᠳᠤ ᠦᠯᠢᠭᠡᠷ ᠪᠠ ᠦᠨᠳᠦᠰᠦᠳᠠᠨ ᠤ ᠤᠨᠴᠠᠯᠢᠭᠳᠤ ᠬᠤᠪᠴᠠᠰᠤ ᠬᠤᠨᠠᠷ | ᠠᠪᠤᠨᠠ᠂ ᠠᠬᠠᠮᠠᠳ ᠨᠠᠰᠤᠳᠠᠳ ᠲᠤ ᠪᠠᠨ ᠴᠠᠭᠠᠨ ᠢᠳᠡᠭᠡᠨ ᠭᠤᠤᠯᠳᠠᠢ ᠠᠪᠴᠤ ᠬᠦᠷᠳᠡᠭ᠃ ᠲᠡᠭᠡᠬᠦᠯᠡᠷ ᠡᠳᠡᠭᠡᠷ | ᠶᠠᠭᠤᠮᠠᠰ ᠢᠶᠠᠨ ᠪᠢᠳᠡᠬᠦᠨ ᠠᠴᠠ ᠡᠮᠦᠨᠠ ᠬᠤᠳᠠ ᠳᠤ ᠨᠢᠭᠡ ᠢᠷᠡᠭᠰᠡᠨ ᠢᠶᠠᠨ ᠲᠤᠬᠢᠶᠠᠯᠳᠤᠭᠤᠯᠵᠤ᠂ ᠪᠦᠬᠦᠨ ᠢ | ᠪᠡᠯᠡᠳᠭᠡᠵᠤ ᠠᠪᠤᠭᠠᠳ ᠬᠠᠷᠢᠳᠠᠭ ᠰᠠᠨ᠃ | ᠰᠢᠨᠠ ᠶᠢᠨ ᠪᠡᠯᠡᠳᠭᠡᠯ ᠤᠨ ᠡᠷᠬᠢᠴᠡᠬᠦᠯᠦᠯ ᠠᠴᠠ ᠨᠢᠭᠡ ᠵᠢᠱᠢᠶᠠ ᠶᠠᠷᠢᠪᠠᠯ᠂ ᠰᠢᠨᠠ ᠮᠢᠩᠭᠠᠨ ᠤ ᠡᠬᠢᠨ ᠤ | ᠵᠢᠯ ᠤᠳ ᠪᠤᠯᠳᠠᠯᠠ ᠮᠠᠨ ᠤ ᠬᠢᠨ ᠴᠠᠭᠠᠨ ᠰᠠᠷᠠ ᠳᠤ ᠪᠠᠨ ᠲᠧᠯᠸᠢᠰ ᠠᠴᠠ ᠯᠡ ᠰᠢᠨᠠ ᠵᠢᠯ ᠤᠨ ᠤᠨᠴᠠᠭᠠᠢ | ᠫᠷᠦᠭᠷᠡᠮ ᠤᠯᠵᠤ ᠦᠵᠡᠳᠡᠭ ᠪᠤᠯᠬᠤᠷ ᠭᠠᠯ ᠤᠨ ᠬᠤᠷᠢᠨ ᠭᠤᠷᠪᠠᠨ ᠠᠴᠠ ᠬᠤᠶᠢᠰᠢ ᠴᠠᠬᠢᠯᠭᠠᠨ ᠢᠶᠠᠨ ᠠᠷᠪᠢᠯᠠᠵᠤ᠂ | ᠶᠠᠭ ᠪᠢᠳᠡᠬᠦᠨ᠂ ᠰᠢᠨᠠ ᠶᠢᠨ ᠨᠢᠭᠡᠨ ᠢᠶᠠᠷ ᠴᠠᠬᠢᠯᠭᠠᠨ ᠲᠤᠳᠠᠬᠤ ᠠᠴᠠ ᠪᠤᠯᠭᠤᠮᠵᠢᠯᠠᠳᠠᠭ᠃ ᠤᠴᠢᠷ ᠨᠢ ᠲᠡᠷᠡ | ᠦᠶᠠ ᠶᠢᠨ ᠮᠠᠯᠴᠢᠨ ᠠᠶᠢᠯ ᠤᠳ ᠪᠠᠷᠤᠭ ᠯᠡ ᠪᠦᠷ ᠰᠠᠯᠬᠢᠨ ᠬᠦᠴᠤᠨ ᠤ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠰᠠᠩᠰᠠ ᠭᠡᠷᠡᠭᠯᠡᠵᠤ᠂ | ᠰᠠᠯᠬᠢ ᠦᠭᠡᠢ ᠪᠤᠯᠪᠠᠯ ᠴᠠᠬᠢᠯᠭᠠᠨ ᠤ ᠬᠤᠮᠰᠠᠳᠠᠯ ᠳᠤ ᠤᠷᠤᠳᠠᠭ ᠪᠠᠶᠢᠭᠰᠠᠨ᠃ ᠶᠠᠪᠤᠵᠤ ᠶᠠᠪᠤᠵᠤ ᠴᠠᠭᠠᠨ ᠰᠠᠷᠠ | ᠤᠶᠢᠷᠠᠳᠤᠭᠠᠳ ᠯᠡ ᠢᠷᠡᠬᠦᠯᠡᠷ ᠬᠢᠰᠠᠵᠤ ᠪᠠᠶᠢᠭᠠ ᠶᠤᠮ ᠰᠢᠭ᠋ ᠰᠠᠯᠬᠢ ᠨᠢ ᠨᠠᠮᠳᠠᠵᠤ᠂ ᠰᠠᠩᠰᠠ ᠨᠢ ᠡᠷᠬᠢᠬᠦ ᠪᠠᠨ | ᠪᠠᠶᠢᠴᠢᠬᠠᠵᠤ᠂ ᠨᠢᠭᠡ ᠭᠡᠷ ᠤᠨ ᠬᠦᠮᠦᠰ ᠤᠴᠠᠭᠠᠷᠳᠠᠵᠤ ᠪᠠᠴᠢᠮᠳᠠᠨ᠂ ᠴᠠᠬᠢᠯᠭᠠᠨ ᠨᠢ ᠬᠡᠷᠪᠡ ᠬᠦᠷᠴᠢᠬᠡᠪᠠᠯ ᠲᠠᠷᠡ | ᠴᠠᠭ ᠲᠤ ᠲᠡᠭᠦᠨ ᠠᠴᠠ ᠢᠯᠡᠬᠦᠤ ᠰᠠᠶᠢᠨ ᠤᠯᠵᠠᠭᠤᠷᠬᠠᠯ ᠦᠭᠡᠢ ᠪᠠᠶᠢᠭᠰᠠᠨ ᠢ ᠤᠳᠤ ᠪᠤᠳᠤᠬᠤ ᠪᠠᠷ ᠢᠨᠢᠶᠠᠳᠤᠮ | ᠲᠠᠢ ᠪᠦᠭᠡᠳ ᠲᠤᠷᠠᠰᠤᠮᠵᠢ ᠲᠠᠢ ᠰᠠᠨᠠᠭᠳᠠᠬᠤ ᠶᠤᠮ ᠳ᠋ᠠ᠃ ᠬᠠᠷᠢᠨ ᠤᠶᠢᠷᠠ ᠶᠢᠨ ᠠᠷᠪᠠᠭᠠᠳ ᠵᠢᠯ ᠠᠴᠠ ᠨᠠᠮ ᠤᠨ | ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢᠨ ᠳᠠᠭᠠᠤ ᠮᠠᠯᠵᠢᠬᠤ ᠤᠷᠤᠨ ᠳᠤ | ᠪᠠᠭᠤᠯᠭᠠᠭᠰᠠᠨ ᠡᠯᠠ ᠲᠠᠯᠠ ᠶᠢᠨ ᠲᠦᠷᠦᠯ ᠵᠦᠢᠯ ᠵᠢᠯ ᠪᠤᠯᠭᠠᠨ ᠰᠠᠶᠢᠵᠢᠷᠠᠭᠰᠠᠨ ᠢᠶᠠᠷ ᠮᠠᠯᠵᠢᠬᠤ ᠤᠷᠤᠨ ᠢ | ᠪᠠᠶᠢᠩᠭᠤ ᠶᠢᠨ ᠴᠠᠬᠢᠯᠭᠠᠨ᠂ ᠨᠠᠷᠠ ᠰᠠᠯᠬᠢᠨ ᠤ ᠬᠤᠤᠰ ᠭᠡᠷᠡᠭᠴᠡᠭᠡᠳᠤ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠲᠦᠭᠦᠭᠡᠷᠤᠮᠵᠢ᠂ | ᠤᠳᠠᠰᠤ ᠦᠭᠡᠢ ᠰᠦᠯᠵᠢᠶᠠ᠂ ᠵᠠᠰᠠᠮᠠᠯ ᠵᠠᠮ ᠁ ᠭᠡᠳ ᠨᠡᠶᠢᠳᠡᠮ ᠪᠦᠷᠬᠦᠭᠰᠡᠨ ᠢᠶᠠᠷ ᠴᠠᠭᠠᠨ ᠰᠠᠷᠠ ᠶᠢᠨ ᠡᠯᠠ | ᠵᠦᠢᠯ ᠤᠨ ᠫᠷᠦᠭᠷᠡᠮ ᠢ ᠦᠵᠡᠬᠦ ᠭᠡᠮᠡᠨ︽ᠴᠠᠬᠢᠯᠭᠠᠨ ᠤ ᠪᠡᠯᠡᠳᠭᠡᠯ︾ ᠳᠤ ᠵᠤᠪᠠᠭ᠋ᠤ ᠶᠠᠪᠤᠳᠠᠯ ᠦᠭᠡᠢ ᠪᠤᠯᠵᠠᠢ᠃ | ᠰᠢᠨᠠ ᠶᠢᠨ ᠪᠡᠯᠡᠳᠭᠡᠯ ᠭᠡᠳᠡᠭ ᠦᠨᠡᠨᠬᠦ ᠰᠢᠨᠠ ᠵᠢᠯ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠤᠭᠳᠤᠬᠤ ᠪᠡᠯᠭᠡ ᠲᠠᠢ ᠰᠠᠶᠢᠨ | ᠠᠵᠢᠯ ᠪᠤᠶᠤ᠃ ᠲᠠᠷᠠᠴᠢᠯᠡᠨ ᠵᠢᠷ ᠤᠨ ᠪᠦᠭᠡᠳ ᠤᠯᠠᠮᠵᠢᠯᠠᠯ ᠪᠤᠯᠤᠨ ᠲᠤᠭᠳᠠᠨᠢᠭᠰᠠᠨ ᠰᠢᠨᠠ ᠶᠢᠨ ᠪᠡᠯᠡᠳᠭᠡᠯ ᠠᠵᠢᠯ | ᠪᠢᠳᠡᠨ ᠳᠤ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠤᠨ ᠴᠢᠨᠡᠭᠡᠯᠢᠭᠵᠢᠯ᠂ ᠮᠠᠯᠴᠢᠨ ᠠᠷᠠᠳ ᠤᠨ ᠤᠶᠤᠨ ᠰᠠᠨᠠᠭᠠᠨ ᠤ ᠬᠦᠭᠵᠢᠯ | ᠲᠠᠪᠰᠢᠯ᠂ ᠡᠷᠡᠬᠦᠯ ᠮᠠᠨᠳᠤ ᠶᠢᠨ ᠠᠩᠬᠠᠷᠤᠮᠵᠢ᠂ ᠡᠩᠭᠡ ᠲᠤᠩᠬᠠ ᠠᠮᠢᠳᠤᠷᠠᠯ᠂ ᠴᠢᠨᠠᠷ ᠰᠠᠶᠢᠳᠠᠢ ᠬᠦᠭᠵᠢᠯᠳᠡ ᠶᠢᠨ | ᠬᠦᠰᠡᠯ ᠬᠦᠭᠡᠭᠡᠴᠡᠯᠳᠤᠯ ᠢ ᠡᠷᠬᠡ ᠦᠭᠡᠢ ᠮᠡᠳᠡᠷᠡᠬᠦᠯᠦᠨᠠ᠃ | |