ᠮᠤᠩᠭᠤᠯᠴᠤᠳ ᠤᠨ ᠤᠪᠤᠭᠠ ᠪᠤᠰᠬᠠᠵᠤ ᠲᠠᠬᠢᠯ ᠡᠷᠭᠦᠳᠡᠭ ᠵᠡᠩ ᠤᠶᠢᠯᠠ ᠬᠡᠳᠤᠨ ᠮᠢᠩᠭᠠᠨ ᠵᠢᠯ ᠤᠨ ᠲᠡᠤᠬᠡ | ᠲᠠᠢ᠃ ᠲᠡᠷᠡ ᠨᠢ ᠮᠤᠩᠭᠤᠯᠴᠤᠳ ᠮᠤᠳᠤ᠂ ᠴᠢᠯᠠᠭᠤ᠂ ᠪᠤᠷᠭᠠᠰᠤ᠂ ᠵᠦᠯᠬᠡ᠂ ᠰᠢᠷᠦᠢ ᠪᠠᠷ ᠤᠪᠤᠭᠠ ᠪᠤᠰᠬᠠᠵᠤ᠂ | ᠲᠡᠭᠷᠢ᠂ ᠭᠠᠵᠡᠷ᠂ ᠯᠤᠤᠰ᠂ ᠠᠭᠤᠯᠠ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠢ ᠰᠢᠳᠤᠨ ᠳᠠᠬᠢᠵᠤ᠂ ᠠᠭᠤᠯᠠ ᠬᠠᠶᠢᠷᠬᠠᠨ᠂ | ᠤᠰᠤ ᠪᠤᠯᠠᠭ᠂ ᠡᠪᠠᠰᠤ ᠮᠤᠳᠤ᠂ ᠠᠮᠢᠲᠠᠨ ᠭᠤᠣᠯᠲᠠᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠴᠢᠬᠤᠯᠠ ᠵᠠᠩ ᠦᠢᠯᠡ᠃ | ᠮᠣᠩᠭᠤᠯᠴᠤᠳ ᠡᠨᠡ ᠵᠠᠩ ᠦᠢᠯᠡ ᠪᠠᠨ ᠥᠪᠯᠡᠵᠦ ᠤᠯᠠᠮᠵᠢᠯᠠᠭᠠᠳ ᠶᠠᠪᠤᠵᠤ ᠪᠠᠶᠢᠭᠠ ᠪᠣᠯᠪᠠᠴᠤ ᠰᠡᠭᠦᠯ ᠤᠨ | ᠦᠶᠡ ᠳᠤ ᠳᠠᠬᠢᠯᠭᠠ ᠶᠢᠨ ᠶᠣᠰᠣ ᠵᠠᠩᠰᠢᠯ ᠠᠯᠳᠠᠭᠳᠠᠵᠤ ᠪᠠᠶᠢᠭᠠ ᠦᠵᠡᠭᠳᠡᠯ ᠭᠠᠷᠬᠤ ᠪᠣᠯᠵᠤ ᠪᠠᠶᠢᠨᠠ᠃ | ᠡᠷᠭᠦᠴᠡ ᠳᠡᠭᠡᠵᠢ ᠪᠠᠨ ᠡᠷᠭᠦᠬᠦ ᠪᠢᠰᠢ ᠰᠠᠴᠤᠵᠤ᠂ ᠪᠠᠷᠢᠯᠭᠠ ᠪᠠᠷᠢᠴᠠ ᠪᠠᠨ ᠲᠠᠯᠪᠢᠬᠤ ᠪᠢᠰᠢ ᠬᠠᠶᠠᠯᠠᠵᠤ᠂ ᠰᠦ | ᠂ ᠠᠷᠢᠬᠢ ᠪᠠᠨ ᠱᠠᠯᠪᠠᠭ ᠲᠣᠭᠲᠠᠲᠠᠯᠠ ᠴᠢᠳᠬᠤᠵᠤ᠂ ᠯᠣᠩᠬᠤ ᠰᠠᠪᠠ ᠤᠭᠤᠲᠠ ᠵᠡᠷᠭᠡ ᠬᠤᠭ ᠨᠣᠪᠰᠢ ᠪᠠᠨ | ᠳᠤᠷᠠ ᠪᠠᠷ ᠢᠶᠠᠨ ᠬᠠᠶᠠᠵᠤ᠂ ᠬᠠᠮᠤᠭ ᠤᠨ ᠡᠷᠬᠢᠮ ᠳᠡᠭᠡᠳᠦ ᠠᠷᠢᠭᠤᠨ ᠣᠷᠣᠨ ᠢᠶᠠᠨ ᠬᠤᠭ ᠤᠨ ︽ᠣᠪᠣᠭᠠ︾ | ᠪᠣᠯᠭᠠᠵᠤ᠂ ᠲᠠᠬᠢᠭᠰᠠᠨ ᠦᠭᠡᠢ ᠲᠠᠯᠬᠢᠳᠠᠭᠰᠠᠨ ᠰᠢᠭ᠋᠂ ᠠᠷᠠᠢ ᠴᠦ ᠶᠤᠮ ᠳ᠋ᠠ ᠭᠡᠮᠡᠷ ᠰᠡᠳᠬᠢᠯ ᠲᠥᠷᠥᠭᠦᠯᠬᠦ ᠦᠢᠯᠡ | ᠦᠵᠡᠭᠳᠡᠯ ᠤᠳ ᠭᠠᠷᠴᠤ ᠪᠠᠶᠢᠨᠠ᠃ ᠪᠢᠳᠠ ᠡᠶᠢᠮᠦ ᠪᠠᠶᠢᠳᠠᠯ ᠭᠠᠷᠭᠠᠬᠤ ᠠᠴᠠ ᠲᠠᠰᠤ ᠲᠡᠪᠴᠢᠵᠦ᠂ ᠬᠥᠬᠡ ᠮᠥᠩᠭᠦᠨ | ᠲᠡᠭᠷᠢ ᠬᠥᠷᠥᠰᠥᠲᠦ ᠠᠯᠲᠠᠨ ᠳᠡᠯᠡᠬᠡᠢ ᠲᠠᠢ ᠪᠠᠨ ᠬᠠᠷᠢᠴᠠᠳᠠᠭ ᠠᠷᠢᠭᠤᠨ ᠲᠠᠭᠰᠢᠨ ᠣᠷᠣᠨ ᠳᠠᠭᠠᠨ ᠵᠢᠩᠬᠢᠨᠢ ᠶᠣᠰᠣ | ᠨᠣᠮ ᠵᠠᠩ ᠵᠠᠩᠰᠢᠯ ᠤᠨ ᠶᠣᠰᠣᠭᠠᠷ ᠲᠠᠬᠢᠯᠭᠠ ᠦᠢᠯᠡᠳᠴᠦ ᠪᠠᠶᠢᠬᠤ ᠶᠢ ᠰᠠᠨᠠᠭᠤᠯᠵᠤ ᠪᠠᠶᠢᠨᠠ᠃ | ᠰᠠᠷᠠᠨᠭᠡᠷᠡᠯ ᠪᠠᠭᠰᠢ ︽ᠡᠵᠡᠳ ᠪᠣᠯ ᠬᠡᠢ ᠪᠡᠶᠡᠲᠦ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠦᠨᠦᠷ ᠢᠶᠠᠷ ᠴᠠᠳᠳᠠᠭ᠂ | ᠰᠡᠳᠬᠢᠯ ᠢᠶᠠᠨ ᠭᠦᠢᠴᠡᠭᠡᠵᠦ ᠰᠡᠷᠵᠢᠮ ᠳᠡᠭᠡᠵᠢ ᠪᠠᠨ ᠡᠷᠭᠦᠪᠡᠯ ᠪᠣᠯᠴᠢᠬᠠᠨᠠ᠂ ᠴᠠᠳᠬᠠᠬᠤ ᠪᠤᠶᠤ ᠶᠠᠮᠠᠷ ᠨᠢᠭᠡᠨ | ᠶᠠᠭᠤᠮᠠ ᠳᠤᠲᠠᠭᠠᠳ ᠲᠡᠭᠦᠨ ᠢ ᠨᠢ ᠳᠦᠭᠦᠷᠲᠡᠯᠡ ᠥᠭᠬᠦ ᠭᠡᠬᠦ ᠰᠢᠭ ᠶᠠᠪᠤᠳᠠᠯ ᠪᠢᠰᠢ︾ ᠭᠡᠵᠤ ᠲᠠᠶᠢᠯᠪᠤᠷᠢᠯᠠᠵᠤ | ᠪᠠᠶᠢᠨᠠ᠃ ᠣᠪᠣᠭᠠᠨ ᠳᠠᠭᠠᠨ ᠰᠡᠷᠵᠢᠮ᠂ ᠳᠡᠭᠡᠵᠢ ᠪᠠᠨ ᠡᠷᠭᠦᠨᠡ ᠭᠡᠳᠡᠭ ᠴᠢᠨᠢ ᠰᠠᠪᠠ ᠪᠠᠷ ᠨᠢ ᠴᠢᠳᠬᠤᠵᠤ᠂ | ᠰᠠᠭᠰᠤ ᠪᠠᠷ ᠨᠢ ᠴᠢᠯᠠᠭᠤᠳᠠᠬᠤ ᠶᠠᠪᠤᠳᠠᠯ ᠪᠢᠰᠢ ᠶᠤᠮ᠃ ᠭᠡᠲᠡᠯᠡ ᠮᠠᠨ ᠤ ᠵᠠᠷᠢᠮ ᠬᠥᠮᠥᠰ ᠣᠪᠣᠭᠠᠨ ᠤ ᠡᠵᠡᠳ᠂ | ᠨᠤᠲᠤᠭ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠢ ᠴᠠᠳᠬᠠᠨᠠ ᠭᠡᠵᠤ ᠪᠣᠳᠣᠳᠠᠭ ᠴᠦ ᠶᠤᠮ ᠪᠣᠯᠪᠠ ᠦᠦ︖ ᠥᠪᠡᠷ ᠤᠨ | ᠪᠠᠶᠠᠨ ᠲᠠᠩᠰᠤᠭ ᠢᠶᠠᠨ ᠭᠠᠶᠢᠬᠠᠭᠤᠯᠤᠨᠠ ᠭᠡᠳᠡᠭ ᠴᠦ ᠶᠤᠮ ᠪᠣᠯᠪᠠ ᠦᠦ︖ ᠣᠪᠣᠭᠠᠨ ᠳᠡᠭᠡᠷᠡ ᠪᠠᠨ ᠣᠪᠣᠭᠠ | ᠪᠣᠰᠬᠠᠲᠠᠯᠠ ᠡᠳ᠋ ᠠᠭᠤᠷᠠᠰᠤᠨ ᠣᠪᠣᠭᠠᠯᠠᠵᠤ᠂ ᠲᠡᠭᠡᠭᠡᠳ ᠲᠡᠭᠦᠨ ᠤ ᠰᠠᠪᠠ ᠰᠠᠭᠤᠯᠭᠠ ᠶᠢ ᠨᠢ ᠴᠦ ᠬᠠᠶᠠᠭᠠᠳ | ᠶᠠᠪᠤᠳᠠᠭ ᠪᠠᠶᠢᠨᠠ᠃ | ᠣᠷᠴᠢᠯᠠᠩ ᠳᠡᠯᠡᠬᠡᠢ ᠶᠢ ᠪᠢᠳᠠ ᠣᠷᠣᠨ ᠭᠡᠷ ᠢᠶᠠᠨ ᠭᠡᠵᠤ ᠪᠣᠳᠣᠪᠠᠯ ᠣᠪᠣᠭᠠ ᠮᠠᠨᠢ ᠪᠠᠷᠠᠭᠤᠨ ᠬᠤᠶᠢᠨᠠ | ᠳᠡᠭᠡᠷᠡ ᠵᠠᠯᠠᠷᠠᠳᠠᠭ ᠪᠤᠷᠬᠠᠨ ᠲᠠᠷᠬᠠᠨ ᠰᠢᠲᠦᠭᠡᠨ ᠤ ᠭᠠᠵᠠᠷ ᠶᠤᠮ᠃ ᠪᠢᠳᠠ ᠭᠡᠷ ᠤᠨ ᠢᠶᠠᠨ ᠪᠤᠷᠬᠠᠨ ᠳᠠᠷᠬᠠᠨ | ᠲᠠᠬᠢᠳᠠᠭ ᠭᠠᠵᠠᠷ ᠢᠶᠠᠨ ᠪᠤᠵᠠᠷ ᠪᠣᠯᠭᠠᠵᠤ᠂ ᠬᠤᠭ ᠤᠨ ᠭᠠᠵᠠᠷ ᠪᠣᠯᠭᠠᠵᠤ ᠪᠣᠯᠬᠤ ᠦᠭᠡᠢ ᠪᠢᠵᠡ ᠳ᠋ᠧ᠂ ᠲᠡᠶᠢᠮᠦ ᠶᠢᠨ | ᠤᠴᠢᠷ ᠪᠢᠳᠠ ᠣᠪᠣᠭᠠᠨ ᠳᠡᠭᠡᠷᠡ ᠪᠠᠨ ᠬᠤᠭ ᠨᠣᠪᠰᠢ ᠪᠠᠨ ᠬᠠᠮᠢᠶᠠ ᠦᠭᠡᠢ ᠣᠷᠬᠢᠳᠠᠭ ᠲᠠᠭᠠᠨ ᠵᠣᠪᠠᠳᠠᠭ ᠪᠣᠯᠵᠤ᠂ | ᠣᠪᠣᠭᠠ ᠪᠠᠨ ᠴᠡᠪᠡᠷ ᠴᠡᠮᠴᠡᠭᠡᠷ ᠠᠷᠢᠭᠤᠨ ᠪᠠᠶᠢᠯᠭᠠᠵᠤ᠂ ᠮᠥᠨ ᠡᠭᠦᠨ ᠤ ᠳᠠᠭᠠᠤ ᠪᠠᠨ ᠥᠪᠡᠷ ᠤᠨ ᠣᠶᠣᠨ | ᠤᠬᠠᠭᠠᠨ ᠤ ᠪᠠᠨ ᠳᠣᠲᠣᠷᠠ ᠪᠠᠶᠢᠭᠠ ᠶᠣᠰᠣ ᠵᠠᠩᠰᠢᠯ ᠤᠨ ᠪᠤᠰᠤ ︽ᠬᠤᠭ ᠨᠣᠪᠰᠢ︾ ᠪᠠᠨ ᠰᠠᠶᠢᠲᠤᠷ ᠴᠡᠪᠡᠷᠯᠡᠵᠦ | ᠪᠠᠶᠢᠬᠤ ᠶᠢ ᠰᠠᠨᠠᠭᠤᠯᠵᠤ ᠪᠠᠶᠢᠨᠠ᠃ | ᠰᠠᠷᠠᠨᠭᠡᠷᠡᠯ ᠪᠠᠭᠰᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ | ᠲᠥᠪ ᠤᠨ ᠦᠨᠳᠦᠰᠦᠲᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠣᠬᠢᠶᠠᠯ ᠤᠨ ᠰᠠᠯᠪᠤᠷᠢ ᠶᠢᠨ | ᠳ᠋ᠣᠺᠲ᠋ᠣᠷ ᠫᠷᠣᠹᠧᠰᠰᠣᠷ ᠰᠠᠷᠠᠨᠭᠡᠷᠡᠯ 1958 ᠣᠨ ᠤ 12 ᠳ᠋ᠤᠭᠠᠷ ᠰᠠᠷᠠ ᠳᠤ ᠬᠥᠬᠡᠨᠠᠭᠤᠷ ᠮᠤᠵᠢ ᠶᠢᠨ | ᠬᠠᠶᠢᠰᠢ ᠶᠢᠨ ᠮᠣᠩᠭᠤᠯ ᠲᠥᠪᠡᠳ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠵᠧᠦ ᠶᠢᠨ ᠲᠥᠪ ᠳᠡᠯᠡᠬᠡᠢ ᠬᠤᠲᠠ ᠶᠢᠨ ᠣᠶᠢᠷᠠᠯᠴᠠᠭᠠ | ᠭᠤᠪᠢ ᠨᠤᠲᠤᠭ ᠲᠤ ᠲᠥᠷᠥᠵᠡᠢ᠂ 1982 ᠣᠨ ᠳᠤ ᠪᠠᠷᠠᠭᠤᠨ ᠬᠤᠶᠢᠲᠤ ᠶᠢᠨ ᠦᠨᠳᠦᠰᠦᠲᠡᠨ ᠤ ᠳᠡᠭᠡᠳᠦ | ᠰᠤᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠤ ᠰᠠᠯᠪᠤᠷᠢ ᠳᠤ ᠣᠶᠤᠲᠠᠨ ᠲᠡᠭᠦᠰᠬᠡᠵᠦ᠂ 1993 ᠣᠨ ᠳᠤ ᠮᠣᠩᠭᠤᠯ | ᠤᠯᠤᠰ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠺᠠᠳᠧᠮᠢ ᠶᠢᠨ ᠬᠡᠯᠡ ᠵᠣᠬᠢᠶᠠᠯ ᠤᠨ ᠬᠦᠷᠢᠶᠡᠯᠡᠩ ᠳᠤ ᠳᠡᠳ᠋ ᠳ᠋ᠣᠺᠲ᠋ᠣᠷ ᠴᠣᠯᠠ | ᠬᠠᠮᠠᠭᠠᠯᠠᠵᠤ᠂ 1998 ᠣᠨ ᠳᠤ ᠳᠤᠮᠳᠠᠳᠤ ᠤᠯᠤᠰ ᠤᠨ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠺᠠᠳᠧᠮᠢ ᠶᠢᠨ | ᠦᠨᠳᠦᠰᠦᠲᠡᠨ ᠤ ᠤᠳᠬᠠ ᠵᠣᠬᠢᠶᠠᠯ ᠰᠤᠳᠤᠯᠬᠤ ᠬᠦᠷᠢᠶᠡᠯᠡᠩ ᠳᠤ ᠳ᠋ᠣᠺᠲ᠋ᠣᠷ ᠴᠣᠯᠠ ᠬᠠᠮᠠᠭᠠᠯᠠᠭᠰᠠᠨ ᠡᠷᠳᠡᠮᠲᠡᠨ᠃ | ︽ᠲᠤᠤᠯᠢ ︵ᠵᠠᠩᠭᠠᠷ︶ ᠪᠠ ᠮᠣᠩᠭᠤᠯ ᠰᠣᠶᠣᠯ︾᠂ ︽ᠮᠣᠩᠭᠤᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠶᠢᠨ ᠡᠭᠦᠰᠦᠯ ᠤᠨ ᠣᠨᠣᠯ | ︾᠂ ︽ᠳᠡᠭᠡᠳᠦ ᠮᠣᠩᠭᠤᠯᠴᠤᠳ ᠤᠨ ᠵᠠᠩ ᠰᠣᠶᠣᠯ ᠤᠨ ᠮᠠᠲ᠋ᠧᠷᠢᠶᠠᠯ ᠪᠠ ᠲᠡᠭᠦᠨ ᠤ ᠲᠠᠶᠢᠯᠤᠮᠵᠢ︾᠂ ︽ᠮᠣᠩᠭᠤᠯ | ᠤᠭᠰᠠᠭᠠᠲᠠᠨ ᠤ ᠵᠠᠩᠰᠢᠯ ᠰᠣᠶᠣᠯ ᠤᠨ ᠦᠨᠳᠦᠰᠦ︾᠂ ︽ᠡᠵᠡᠨᠡ ᠶᠢᠨ ᠡᠵᠢ ᠨᠠᠷ ᠤᠨ ᠠᠮᠠᠨ ᠲᠡᠦᠬᠡ︾ ︵ | ᠬᠠᠮᠲᠤᠷᠠᠭᠰᠠᠨ︶ ᠵᠡᠷᠭᠡ ᠣᠯᠠᠨ ᠪᠦᠲᠦᠭᠡᠯ ᠲᠠᠢ᠃ | | | |