| ᠢ᠊ · ᠳᠦᠳᠦᠪ ᠂ ᠱᠠᠭᠠ ᠨᠠᠭᠠᠳᠤᠮ ᠤᠨ ᠤᠷᠤᠨ ᠤ ᠲᠠᠰ ᠤᠨ ᠦᠪᠯᠡᠨ ᠤᠯᠠᠮᠵᠢᠯᠠᠭᠴᠢ᠃ 1962 | ᠣᠨ ᠳᠤ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠨᠠᠷᠠᠨᠪᠤᠯᠠᠭ ᠰᠤᠮᠤᠨ ᠤ ᠲᠠᠷᠭᠤᠨᠨᠠᠭᠤᠷ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠢᠰᠢᠳᠤᠷᠵᠢ᠂ ᠬᠤᠷᠯᠤ ᠶᠢᠨ ᠳᠦᠷᠪᠡᠳᠦᠭᠡᠷ ᠬᠦᠪᠡᠬᠦᠨ ᠨᠢ ᠪᠣᠯᠵᠦ ᠵᠠᠶᠠᠭᠠᠵᠠᠢ᠃ ᠬᠠᠷᠠᠬᠠᠨ | ᠪᠠᠭᠠ ᠠᠴᠠ ᠪᠠᠨ ᠱᠠᠭᠠ ᠨᠠᠭᠠᠳᠤᠮ ᠳᠤ ᠳᠤᠷᠠ ᠪᠠᠭ᠋ᠠᠳᠠᠢ ᠪᠠᠶᠢᠵᠦ᠂ ᠱᠠᠭᠠ ᠨᠠᠭᠠᠳᠬᠤ ᠶᠢᠨ ᠵᠡᠷᠭᠡᠪᠡᠷ | ᠴᠤᠬᠯᠠᠭᠤᠯᠵᠦ᠂ 30 ᠰᠢᠬᠠᠮ ᠵᠢᠯ ᠳᠤᠳᠤᠷᠠ 15000 ᠱᠠᠭᠠ ᠴᠤᠭᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ 2006 | ᠣᠨ ᠳᠤ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠢ ᠰᠠᠨᠠᠭᠠᠴᠢᠯᠠᠨ ᠪᠠᠶᠢᠭᠤᠯᠵᠦ᠂ | ᠠᠷᠪᠠᠨ ᠵᠢᠯ ᠳᠤᠳᠤᠷᠠ ᠭᠡᠭᠡᠭᠳᠡᠮᠡᠷ ᠪᠠᠶᠢᠭᠰᠠᠨ ᠱᠠᠭᠠ ᠨᠠᠭᠠᠳᠤᠮ ᠢ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠬᠡᠪᠴᠢᠶᠠᠨ ᠳᠤ | ᠰᠡᠷᠬᠦᠭᠡᠨ ᠦᠷᠨᠢᠬᠦᠯᠬᠦ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠬᠦᠯᠪᠠ᠃ 2013 ᠤᠨ ᠳᠤ ᠱᠠᠭᠠ ᠨᠠᠭᠠᠳᠤᠮ ᠤᠨ | ᠤᠷᠤᠨ ᠤ ᠳᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠥᠪ ᠤᠨ ᠤᠯᠠᠮᠵᠢᠯᠠᠬᠴᠢ ᠪᠠᠷ ᠦᠨᠡᠯᠡᠭᠳᠡᠵᠠᠢ᠃ ᠲᠡᠷᠡ | ᠪᠠᠷ ᠤᠳᠣ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠷᠢᠬᠦᠯᠡᠭᠴᠢ᠂ ᠪᠠᠶᠠᠨᠨᠠᠭᠤᠷ | ᠪᠠᠯᠭᠠᠰᠤᠨ ᠤ ᠴᠠᠭᠠᠠᠨᠠᠭᠤᠷ ᠭᠠᠴᠠᠭᠠᠨ ᠤ ᠳᠠᠷᠤᠭᠠ ᠶᠢᠨ ᠠᠵᠢᠯ ᠢ ᠬᠢᠵᠦ ᠪᠤᠢ᠃ | ᠱᠠᠭᠠ ᠨᠠᠭᠠᠳᠤᠮ ᠂ ᠮᠤᠩᠭᠤᠯᠴᠤᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠦᠪᠡᠷᠮᠢᠴᠠ ᠴᠢᠨᠠᠷ ᠢ | ᠬᠠᠷᠠᠭᠤᠯᠤᠭᠰᠠᠨ ᠨᠠᠭᠠᠳᠤᠮ᠃ ᠱᠠᠭᠠ ᠨᠢ ᠮᠤᠩᠭᠤᠯᠴᠤᠳ ᠤᠨ ᠲᠠᠪᠣᠨ ᠬᠤᠰᠢᠭᠤ ᠮᠠᠯ ᠤᠨ ᠦᠰᠴᠤ ᠦᠷᠡᠵᠢᠬᠦ ᠶᠢᠨ | ᠪᠡᠯᠭᠡ᠂ ᠳᠠᠩᠰᠤᠭ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠤᠨ ᠦᠭᠡᠳᠡᠯᠡᠵᠦ ᠳᠡᠭᠵᠢᠷᠡᠬᠦ ᠶᠢᠨ ᠲᠡᠮᠳᠡᠭ ᠪᠣᠯᠵᠦ᠂ ᠲᠠᠯᠠ ᠪᠦᠷᠢ ᠶᠢ ᠨᠢ | ᠨᠢᠭᠡ ᠡᠷᠳᠡᠨᠢ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠱᠠᠭᠠ ᠨᠠᠭᠠᠳᠤᠮ ᠳᠤ ᠤᠷᠬᠢᠬᠤ ᠪᠤᠯᠤᠨ ᠦᠷᠦᠬᠦ ᠬᠤᠶᠠᠷ ᠵᠦᠢᠯ ᠤᠨ | ᠬᠡᠯᠪᠡᠷᠢ ᠶᠢᠨ 240 ᠭᠠᠷᠤᠢ ᠨᠠᠭᠠᠳᠤᠮ ᠤᠨ ᠠᠷᠭᠠ ᠪᠠᠶᠢᠳᠠᠭ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠪᠣᠢ᠃ ᠤᠳᠤᠬᠠᠨ ᠪᠤᠯᠳᠠᠯᠠ | ᠨᠠᠭᠠᠳᠴᠤ ᠪᠠᠶᠢᠭᠠ ᠨᠢ ᠭᠤᠤᠯᠳᠠᠭᠤ ᠰᠧᠶ᠋ᠢᠩ ᠤᠷᠬᠢᠬᠤ᠂ ᠮᠤᠷᠢ ᠤᠷᠤᠯᠳᠤᠬᠤ᠂ ᠠᠵᠠ ᠶᠢᠨ ᠳᠦᠷᠪᠡᠨ ᠪᠡᠷᠬᠡ | ᠬᠠᠶᠠᠬᠤ᠂ ᠪᠦᠭᠴᠦᠭ ᠬᠠᠷᠪᠤᠬᠤ ᠁ ᠵᠡᠷᠭᠡ ᠠᠷᠪᠠᠨ ᠬᠡᠳᠦᠨ ᠳᠦᠷᠦᠯ ᠪᠤᠢ᠃ ᠱᠠᠭᠠ ᠨᠠᠭᠠᠳᠤᠮ ᠤᠨ ᠬᠠᠮᠤᠭ | ᠬᠦᠨᠳᠦᠳᠭᠡᠯ ᠲᠠᠢ᠂ ᠶᠤᠰᠤᠯᠠᠯ ᠤᠨ ᠭᠦᠨ ᠤᠳᠬᠠ ᠪᠦᠬᠦᠢ ᠨᠠᠭᠠᠳᠤᠮ ᠨᠢ ᠠᠯᠠᠭ ᠮᠠᠯᠡᠭᠡᠢ ᠦᠷᠦᠬᠦ ᠶᠤᠮ᠃ ᠠᠯᠠᠭ | ᠮᠡᠯᠡᠭᠡᠢ ᠶᠢ ᠭᠠᠭᠴᠠ ᠴᠠᠭᠠᠨ ᠰᠠᠷᠠ ᠪᠠᠷ 92 ᠪᠠ 108 ᠱᠠᠭᠠ ᠪᠠᠷ ᠦᠷᠦᠵᠦ ᠨᠠᠭᠠᠳᠤᠨᠠ᠃ ᠢᠩᠬᠢᠬᠦ ᠨᠢ ᠲᠡᠷᠡ | ᠠᠶᠢᠯ ᠪᠠ ᠪᠤᠰᠤᠳ ᠠᠮᠢᠳᠠᠨ ᠬᠦᠮᠦᠨ ᠳᠤ ᠡᠪᠡᠳᠴᠢᠨ ᠵᠤᠪᠠᠯᠠᠩ ᠤᠴᠠᠷᠠᠬᠤ ᠦᠭᠡᠢ᠂ ᠮᠠᠯ ᠰᠦᠷᠦᠭ ᠦᠰᠴᠤ | ᠦᠷᠡᠵᠢᠬᠦ ᠭᠡᠰᠢᠭ ᠦᠯᠵᠠᠢ ᠲᠠᠢ ᠬᠡᠮᠡᠨ ᠪᠡᠯᠭᠡᠰᠢᠶᠠᠨ ᠦᠵᠡᠳᠡᠭ ᠭᠡᠨᠡ᠃ | ᠮᠣᠷᠢ ᠤᠷᠤᠯᠳᠤᠬᠤ᠂ ᠠᠵᠠ ᠶᠢᠨ ᠳᠦᠷᠪᠡᠨ ᠪᠡᠷᠬᠡ ᠬᠠᠶᠠᠬᠤ᠂ ᠰᠡᠮᠪᠡᠭᠡ ᠠᠪᠬᠤ ᠁ ᠮᠠᠯᠵᠢᠬᠤ | ᠨᠣᠲᠤᠭ ᠲᠤ ᠳᠦᠷᠦᠵᠦ ᠥᠰᠦᠭᠰᠡᠨ ᠬᠦᠮᠦᠰ ᠪᠠᠭᠠ ᠨᠠᠰᠤᠨ ᠤ ᠬᠢᠨᠢ ᠵᠤᠭᠠ ᠪᠣᠯᠣᠭᠰᠠᠨ ᠱᠠᠭᠠ ᠨᠠᠭᠠᠳᠤᠮ ᠤᠨ | ᠳᠣᠬᠠᠢ ᠶᠠᠷᠢᠬᠤ ᠳᠤ ᠬᠠᠮᠤᠭ ᠤᠶᠢᠷᠠᠬᠠᠨ ᠰᠠᠨᠠᠭᠳᠠᠬᠤ ᠨᠢ ᠳᠠᠮᠵᠢᠭ ᠦᠭᠡᠢ᠃ ᠬᠤᠷᠠᠭᠠ ᠲᠣᠭᠤᠯ ᠢᠶᠠᠷ | ᠨᠠᠭᠠᠳᠤᠮ ᠤᠨ ᠬᠠᠨᠢ ᠪᠣᠯᠭᠠᠵᠦ᠂ ᠬᠤᠷᠤᠳ ᠥᠷᠥᠮᠡ ᠪᠠᠷ ᠥᠯ ᠪᠤᠯᠭᠠᠵᠦ᠂ ᠱᠠᠭᠠᠵᠠᠩ ᠤᠨ ᠬᠠᠭᠠᠷᠬᠠᠢ | ᠴᠤᠬᠯᠠᠭᠤᠯᠵᠦ ᠠᠶᠢᠯ ᠪᠤᠯᠵᠦ ᠲᠣᠭᠯᠠᠨ᠂ ᠰᠠᠭᠠᠷᠢ ᠲᠠᠢ ᠳᠠᠪᠠᠭ ᠭᠢᠯᠠᠯᠵᠠᠭᠤᠯᠤᠨ ᠬᠦᠶᠦᠭᠰᠡᠨ ᠪᠠᠭᠠ ᠨᠠᠰᠤᠨ ᠤ | ᠳᠤᠷᠠᠰᠤᠮᠵᠢ ᠳᠣᠳᠣᠷᠠ ᠱᠠᠭᠠ ᠨᠠᠭᠠᠳᠤᠨ ᠰᠠᠭᠤᠭᠰᠠᠨ ᠮᠢᠨᠢ ᠬᠠᠮᠤᠭ ᠤᠨ ᠳᠤᠮᠤᠭᠠ ᠲᠠᠢ ᠴᠠᠭ ᠪᠣᠯᠵᠦ ᠪᠠᠶᠢᠬᠰᠠᠨ | ᠳᠠᠭᠠᠷᠠᠨᠠ᠃ ︽ᠮᠢᠨᠤ ᠰᠢᠷᠭᠠ ᠮᠣᠷᠢ᠂ ᠴᠢᠨᠤ ᠬᠡᠭᠡᠷ ᠮᠣᠷᠢ ᠁︾ ᠥᠪᠡᠷ ᠥᠪᠡᠷ ᠤᠨ ᠥᠮᠴᠢ ᠪᠤᠯᠤᠭᠰᠠᠨ ︽ | ᠮᠣᠷᠢ︾ ᠪᠠᠨ ᠤᠷᠤᠯᠳᠤᠭᠠᠨ ᠳᠤ ᠬᠦᠶᠦᠯᠭᠡᠵᠦ ᠬᠦᠭᠡᠷᠦᠨ ᠪᠠᠶᠠᠰᠴᠤ᠂ ︽ᠬᠠᠨᠵᠤᠨ ᠪᠦᠳᠡᠭᠡᠯᠭᠡ ᠶᠢ ᠴᠤᠭᠤᠯᠴᠢᠬᠠᠯᠠ | ᠁ ᠣᠳᠣ ᠪᠤᠯᠢ︾ ᠭᠡᠵᠦ ᠡᠵᠢ ᠠᠪᠤ ᠪᠠᠷ ᠢᠶᠠᠨ ᠵᠠᠩᠨᠠᠭᠤᠯᠵᠦ᠂ ︽ᠬᠠᠪᠤᠷ ᠤᠨ ᠲᠥᠯ ᠤᠨ ᠴᠠᠭ ᠲᠤ ᠱᠠᠭᠠ | ᠪᠦᠦ ᠨᠠᠭᠠᠳ᠂ ᠮᠠᠶᠢᠭ ᠲᠥᠯ ᠭᠠᠷᠤᠨᠠ︾ ᠭᠡᠰᠡᠨ ᠠᠬᠠᠮᠠᠳ ᠤᠨ ᠰᠣᠷᠭᠠᠯ ᠢ ᠰᠤᠨᠤᠰᠴᠤ᠂ ᠶᠠᠭᠠᠬᠢᠵᠦ ᠭᠤᠷᠢ ᠨᠢ | ᠬᠥᠳᠡᠯᠵᠦ ᠪᠠᠶᠢᠭᠰᠠᠨ ᠴᠦ ᠮᠠᠶᠢᠭ ᠬᠤᠷᠠᠭᠠ ᠲᠠᠢ ᠪᠣᠯᠬᠤ ᠠᠴᠠ ᠠᠶᠤᠵᠦ ᠪᠠᠶᠡ ᠪᠠᠨ ᠪᠠᠷᠢᠵᠦ ᠪᠠᠶᠢᠭᠰᠠᠨ ᠨᠢ ᠣᠯᠠᠨ | ᠬᠦᠮᠦᠨ ᠤ ᠭᠡᠦᠭᠡᠳ ᠨᠠᠰᠤᠨ ᠤ ᠳᠤᠷᠠᠰᠤᠮᠵᠢ ᠪᠠᠶᠢᠬᠠ᠃ ᠱᠠᠭᠠ ᠳᠤᠭᠯᠠᠭᠠᠮ ᠤᠨ ᠲᠣᠬᠠᠢ ︽ᠮᠣᠩᠭᠤᠯ ᠤᠨ | ᠨᠢᠭᠤᠴᠠ ᠳᠣᠪᠴᠢᠶᠠᠨ︾ ᠳᠤ ︽ᠳᠠᠮᠤᠵᠢᠨ ᠵᠠᠮᠤᠬᠠ ᠬᠤᠶᠠᠷ ᠁ ᠠᠩᠬᠠ ᠤᠷᠢᠳᠦ ᠠᠨᠳᠠ ᠪᠤᠯᠤᠯᠴᠠᠬᠤ ᠳᠤ | ᠲᠡᠮᠦᠵᠢᠨ ᠠᠷᠪᠠᠨ ᠨᠢᠭᠡᠨ ᠨᠠᠰᠤᠳᠠᠢ ᠪᠠᠶᠢᠭᠰᠠᠨ ᠪᠢᠯᠡ᠃ ᠲᠡᠷᠡ ᠴᠠᠭ ᠲᠤ ᠵᠠᠮᠤᠬᠠ ᠨᠢᠭᠡᠨ ᠭᠤᠷ ᠤᠨ ᠱᠠᠭᠠᠢ ᠶᠢ | ᠳᠠᠮᠤᠵᠢᠨ ᠳᠤ ᠦᠭᠴᠦ᠂ ᠲᠡᠮᠦᠵᠢᠨ ᠨᠢᠭᠡᠨ ᠴᠢᠳᠬᠤᠮᠠᠯ ᠱᠠᠭᠠᠢ ᠶᠢ ᠵᠠᠮᠤᠬᠠ ᠳᠤ ᠦᠭᠴᠦ᠂ ᠣᠨᠣᠨ ᠤ ᠮᠦᠰᠦᠨ | ᠳᠡᠭᠡᠷᠡ ᠱᠠᠭᠠᠯᠴᠠᠨ ᠨᠠᠭᠠᠳᠴᠤ ᠠᠨᠳᠠ ᠪᠤᠯᠤᠯᠴᠠᠭᠰᠠᠨ ᠪᠦᠯᠦᠭᠡ ᠁︾ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠪᠠᠶᠢᠳᠠᠭ᠃ | ᠡᠨᠡ ᠨᠢ ᠱᠠᠭᠠ ᠳᠤᠭᠯᠠᠭᠠᠮ ᠨᠢ ᠶᠡᠭᠡ ᠡᠷᠲᠡᠨ ᠠᠴᠠ ᠣᠯᠠᠮᠵᠢᠯᠠᠯ ᠲᠠᠢ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠤᠨᠠ᠃ ᠱᠠᠭᠠ | ᠨᠠᠭᠠᠡᠳᠤᠮ ᠤᠨ ᠡᠬᠢ ᠡᠬᠦᠰᠦᠯ ᠤᠨ ᠲᠣᠬᠠᠢ ᠳᠡᠦᠭᠡ ᠰᠤᠳᠤᠷ ᠲᠤ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ ᠪᠤᠯᠪᠠᠴᠤ | ᠡᠷᠳᠡᠮᠳᠡᠳ ᠲᠡᠬᠦᠨ ᠤ ᠡᠬᠦᠰᠦᠯ ᠢ ᠪᠦᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ᠂ ᠮᠣᠷᠢ ᠤᠷᠤᠯᠳᠤᠬᠤ ᠨᠠᠭᠠᠳᠤᠮ ᠤᠨ ᠲᠡᠦᠭᠡ ᠲᠠᠢ | ᠤᠶᠢᠷᠠᠯᠴᠠᠭᠠ ᠭᠡᠬᠦ ᠪᠣᠶᠣ ᠮᠠᠯ ᠠᠵᠦ ᠠᠬᠤᠢ ᠶᠢ ᠨᠡᠶᠢᠳᠡᠮ ᠡᠷᠬᠢᠯᠡᠨ ᠡᠵᠡᠩᠨᠡᠭᠰᠡᠨ ᠲᠡᠦᠭᠡ ᠶᠢᠨ ᠡᠬᠢᠯᠡᠯᠲᠡ ᠲᠠᠢ | ᠰᠠᠴᠠᠭᠤ ᠭᠡᠵᠦ ᠦᠵᠡᠵᠦ ᠪᠤᠢ᠃ ᠱᠠᠭᠠ ᠭᠡᠳᠡᠭ ᠦᠭᠡ ᠨᠢ ᠭᠠᠷᠤᠯ ᠤᠨ ᠬᠤᠪᠢ ᠳᠤ ᠡᠷᠲᠡᠨ ᠤ ᠮᠤᠩᠭᠤᠯ ᠬᠡᠯᠡᠨ ᠳᠤ | ᠴᠢᠩᠭᠠ ᠭᠡᠳᠡᠭ ᠦᠭᠡ ᠲᠠᠢ ᠬᠤᠯᠪᠤᠭᠠ ᠲᠠᠢ ᠪᠦᠭᠡᠳ ᠭᠤᠶᠤ ᠪᠤᠶᠤ ᠭᠤᠶᠢᠳᠠ ᠭᠡᠰᠡᠨ ᠤᠳᠬᠠ ᠲᠠᠢ ᠭᠡᠳᠡᠭ᠃ | ᠡᠨᠡ ᠨᠢ ᠱᠠᠭᠠ ᠶᠢ ᠮᠠᠯ ᠤᠨ ᠪᠤᠰᠤᠳ ᠶᠠᠰᠤᠨ ᠠᠴᠠ ᠡᠷᠬᠢᠮᠯᠡᠨ ᠦᠵᠡᠵᠦ ᠵᠦᠩ ᠪᠡᠯᠭᠡᠳᠡᠯ ᠤᠨ ᠤᠳᠬᠠ | ᠰᠢᠩᠭᠡᠭᠡᠵᠦ ᠳᠤᠭᠯᠠᠭᠠᠮ ᠳᠤ ᠤᠷᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠲᠠᠢ ᠨᠢᠭᠲᠠ ᠬᠤᠯᠪᠤᠭᠠ ᠲᠠᠢ ᠱᠠᠭᠠ ᠳᠤᠭᠯᠠᠭᠠᠮ ᠨᠢ ᠮᠤᠩᠭᠤᠯᠴᠤᠳ ᠤᠨ | ᠦᠢᠯᠡᠳᠪᠤᠷᠢᠯᠡᠯ ᠬᠥᠭᠵᠢᠭᠡ ᠦᠭᠡᠢ ᠨᠡᠶᠢᠭᠡᠮ ᠳᠤ ᠬᠢ ᠰᠣᠯᠠ ᠰᠡᠯᠡᠬᠦᠦ ᠴᠠᠭ ᠢᠶᠠᠨ ᠦᠩᠭᠡᠷᠡᠭᠡᠬᠦ ᠵᠤᠭᠠ | ᠳᠤᠭᠯᠠᠭᠠᠮ ᠤᠨ ᠵᠦᠢᠯ ᠪᠠᠶᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠥᠷᠡ ᠭᠡᠦᠭᠡᠳ ᠲᠤ ᠪᠠᠨ ᠠᠮᠢᠳᠤᠷᠠᠯ ᠤᠨ ᠶᠤᠰᠤᠨ ᠢ | ᠳᠠᠨᠢᠭᠤᠯᠬᠤ᠂ ᠴᠡᠭᠡᠷ ᠶᠣᠰᠣ ᠶᠢ ᠮᠡᠳᠡᠬᠦᠯᠬᠦ ᠵᠡᠷᠭᠡ ᠭᠡᠷ ᠤᠨ ᠰᠤᠷᠭᠠᠯ ᠬᠦᠷᠳᠡᠭᠡᠭᠦ ᠠᠷᠭᠠ ᠬᠡᠯᠪᠡᠷᠢ ᠨᠢ ᠪᠣᠯᠵᠦ | ᠪᠠᠶᠢᠵᠠᠢ᠃ ᠬᠠᠷᠢᠨ ᠬᠤᠳᠠᠵᠢᠯᠳᠠ᠂ ᠠᠵᠦ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠬᠦᠭᠵᠢᠯᠳᠡ ᠶᠢ ᠳᠠᠭᠠᠯᠳᠤᠨ ᠬᠦᠮᠦᠰ ᠤᠨ ᠵᠤᠭᠠ | ᠴᠡᠩᠭᠡᠯ ᠤᠨ ᠵᠦᠢᠯᠡᠰ ᠠᠷᠪᠢᠳᠤᠭᠰᠠᠨ ᠢᠶᠠᠷ ᠱᠠᠭᠠ ᠳᠤᠭᠯᠠᠭᠠᠮ ᠨᠢ ᠪᠢᠳᠡᠨ ᠤ ᠠᠮᠢᠳᠤᠷᠠᠯ ᠠᠴᠠ ᠵᠠᠶᠢᠳᠠᠭᠰᠠᠨ ᠪᠠᠶᠢᠨᠠ | ᠃ ︽ᠪᠠᠭᠤᠴᠠᠨ ᠳᠤ ᠬᠠᠶᠠᠭᠳᠠᠭᠰᠠᠨ ᠱᠠᠭᠠ ᠶᠢ ᠳᠠᠬᠦᠵᠦ ᠠᠪᠳᠠᠭ᠃︾ ᠪᠢᠳᠡ ᠭᠡᠷ ᠲᠤ ᠪᠠᠨ ᠱᠥᠯᠥ | ᠤᠤᠭᠤᠭᠰᠠᠨ ᠴᠦ ᠮᠢᠬᠠ ᠪᠠᠨ ᠢᠳᠡᠭᠡᠳ ᠱᠠᠭᠠ ᠪᠠᠨ ︽ᠬᠠᠶᠠᠳᠠᠭ︾ ᠪᠣᠯᠣᠭᠰᠠᠨ ᠨᠢ ᠨᠢᠭᠡ ᠬᠠᠷᠠᠮᠰᠠᠯ ᠭᠡᠯᠳᠠᠢ᠃ | ᠬᠠᠷᠢᠨ ᠰᠤᠷᠪᠤᠯᠵᠢᠯᠠᠭᠴᠢ ᠰᠦᠨᠢᠳ ᠵᠠᠬᠦᠨ ᠬᠤᠰᠢᠭᠤᠨ ᠤ ᠰᠣᠶᠣᠯ ᠳᠠᠮᠢᠷ ᠤᠨ ᠳᠣᠪᠴᠢᠶᠠᠨ ᠤ ᠠᠯᠪᠠᠨ ᠠᠰᠠᠷ ᠲᠤ | ᠪᠠᠶᠢᠭᠠ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠱᠠᠭᠠ ᠨᠠᠭᠠᠳᠤᠮ ᠤᠨ ᠦᠷᠦᠭᠡᠨ ᠳᠤ ᠤᠷᠤᠭᠠᠳ ᠱᠠᠭᠠ ᠪᠠᠷ | ᠬᠢᠭᠰᠡᠨ ᠲᠤᠯᠭᠠ᠂ ᠲᠠᠮᠤ ᠶᠢᠨ ᠴᠠᠭᠤᠷᠭᠠ ᠨᠡᠭᠡᠭᠡᠬᠦ ᠳᠤᠭᠯᠠᠭᠠᠮ᠂ ᠮᠤᠩᠭᠤᠯ ᠭᠡᠷ᠂ ᠬᠠᠰᠠᠭ ᠲᠡᠷᠭᠡ᠂ ᠬᠤᠨᠢᠨ ᠤ | ᠶᠠᠰᠤ ᠪᠠᠷ ᠬᠢᠭᠰᠡᠨ ᠭᠠᠷ ᠤᠷᠠᠯᠠᠯ ᠤᠨ ᠵᠦᠢᠯᠡᠰ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠱᠠᠭᠠ ᠵᠡᠷᠭᠡ ᠤᠯᠠᠨ ᠵᠦᠢᠯᠡᠰ | ᠳᠡᠯᠭᠡᠭᠳᠡᠭᠰᠡᠨ ᠢ ᠬᠠᠷᠠᠵᠤ ᠶᠤᠰᠤᠳᠠᠢ ︽ᠱᠠᠭᠠ ᠶᠢᠨ ᠤᠷᠠᠯᠠᠯ︾ ᠢᠶᠠᠷ ᠨᠢᠳᠦ ᠬᠤᠵᠢᠷᠯᠠᠭᠰᠠᠨ ᠶᠤᠮ᠃ ᠡᠳᠡᠭᠡᠷ | ᠵᠦᠢᠯᠡᠰ ᠨᠢ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠷᠢᠬᠦᠯᠡᠭᠴᠢ ᠢ᠊ · | ᠳᠦᠳᠦᠪ ᠭᠤᠸᠠᠢ ᠶᠢᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠬᠢᠭᠳᠡᠭᠰᠡᠨ ᠪᠦᠭᠡᠳ ᠠᠳᠡ ᠠᠴᠠ ᠱᠠᠭᠠ ᠶᠢᠨ ᠰᠤᠶᠤᠯ ᠢ ᠥᠪᠯᠡᠨ | ᠤᠯᠠᠮᠵᠢᠯᠠᠬᠤ ᠶᠢᠨ ᠳᠦᠯᠦᠭᠡ ᠵᠢᠳᠬᠦᠭᠰᠡᠨ ᠳᠦᠳᠦᠪ ᠭᠤᠸᠠᠢ ᠶᠢᠨ ᠦᠯᠢᠭᠡᠷ ᠡᠬᠢᠯᠡᠨᠡ ᠁ | | | | ᠱᠠᠭᠠ ᠴᠤᠭᠯᠠᠭᠤᠯᠤᠭᠰᠠᠨ ᠭᠤᠴᠢᠨ ᠵᠢᠯ | ᠢ᠊ · ᠳᠦᠳᠦᠪ ᠭᠤᠸᠠᠢ 1962 ᠣᠨ ᠳᠤ ᠰᠦᠨᠢᠳ ᠵᠠᠬᠦᠨ ᠬᠤᠰᠢᠭᠤᠨ ᠤ ᠨᠠᠷᠠᠨᠪᠤᠯᠠᠭ ᠰᠤᠮᠤᠨ ᠤ | ᠲᠠᠷᠭᠤᠨᠨᠠᠭᠤᠷ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠢᠰᠢᠳᠤᠷᠵᠢ᠂ ᠬᠤᠷᠯᠤ ᠶᠢᠨ ᠳᠦᠷᠪᠡᠳᠦᠭᠡᠷ ᠬᠦᠪᠡᠬᠦᠨ ᠨᠢ ᠪᠣᠯᠵᠦ ᠵᠠᠶᠠᠭᠠᠵᠦ᠂ | ᠠᠮᠢᠳᠣᠷᠠᠯ ᠤᠨ ᠬᠦᠴᠢᠷᠳᠡᠯ ᠬᠤᠪᠢ ᠲᠠᠪᠢᠯᠠᠩ ᠤᠨ ᠡᠷᠬᠡ ᠪᠠᠷ ᠤᠢ ᠬᠦᠷᠦᠭᠡᠳᠦᠢ ᠪᠠᠷ ᠳᠡᠯᠭᠡᠷᠬᠠᠨ ᠰᠤᠮᠤ ᠶᠢᠨ | ᠴᠠᠭᠠᠨᠨᠠᠭᠤᠷ ᠭᠠᠴᠠᠭᠠᠨ ᠳᠤ ᠡᠷᠭᠦᠭᠳᠡᠵᠦ ᠣᠴᠢᠵᠠᠢ᠃ ᠢ᠊ · ᠳᠦᠳᠦᠪ ᠭᠤᠸᠠᠢ ᠮᠡᠳᠡᠭᠡ ᠣᠷᠣᠭᠰᠠᠨ | ᠦᠶᠡ ᠠᠴᠠ ᠪᠠᠨ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠱᠠᠭᠠ ᠨᠠᠭᠠᠳᠬᠤ ᠶᠢ ᠬᠠᠷᠠᠵᠤ᠂ ᠰᠠᠮᠪᠡᠭᠡ ᠠᠪᠬᠤ᠂ ᠮᠣᠷᠢ ᠤᠷᠤᠯᠳᠤᠬᠤ᠂ | ᠪᠤᠭᠤ ᠵᠢᠷᠭᠢᠭᠡ᠂ ᠱᠠᠭᠠ ᠨᠢᠰᠤᠯᠬᠤ ᠵᠡᠷᠬᠡ ᠠᠷᠪᠠᠭᠠᠳ ᠵᠦᠢᠯ ᠤᠨ ᠨᠠᠭᠠᠳᠬᠤ ᠠᠷᠭᠠ ᠶᠢ ᠰᠤᠷᠤᠭᠰᠠᠨ ᠪᠠᠶᠢᠨᠠ᠃ | ᠪᠠᠭᠠ ᠠᠴᠠ ᠪᠠᠨ ᠨᠠᠭᠠᠳᠴᠤ ᠥᠰᠥᠭᠰᠡᠨ ᠤ ᠤᠴᠢᠷ ᠭᠡᠬᠦ ᠦᠦ᠂ ᠬᠤᠪᠢ ᠬᠦᠮᠦᠨ ᠤ ᠳᠣᠷᠠ ᠪᠠᠬᠠ ᠭᠡᠬᠦ ᠦᠦ | ᠂ ᠨᠢᠭᠡ ᠮᠡᠳᠡᠬᠦ ᠳᠤ ᠳᠦᠳᠦᠪ ᠱᠠᠭᠠ ᠴᠤᠭᠯᠠᠭᠤᠯᠬᠤ ︽ᠰᠢᠨᠤᠯ︾ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ︽ᠪᠢ ᠤᠬᠠᠭᠠᠨ | ᠤᠷᠤᠬᠤ ᠦᠶᠡ ᠳᠤ ᠮᠠᠨ ᠤ ᠳᠡᠭᠡᠳᠦᠬᠦᠯᠡ ᠶᠢᠨ ᠴᠤᠭᠯᠠᠭᠤᠯᠤᠭᠰᠠᠨ 100 ᠭᠠᠷᠤᠢ ᠱᠠᠭᠠ ᠪᠠᠶᠢᠭᠰᠠᠨ᠃ ᠪᠢ | ᠲᠡᠬᠦᠨ ᠢ ᠨᠠᠭᠠᠳᠴᠤ ᠦᠰᠦᠭᠰᠡᠨ ᠶᠤᠮ᠃ ᠳᠡᠭᠡᠬᠦ ᠪᠠᠷ ᠢᠶᠠᠨ ᠱᠠᠭᠠ ᠴᠤᠭᠯᠠᠭᠤᠯᠬᠤ ᠳᠤᠷᠠ ᠪᠠᠬᠠ ᠲᠠᠢ ᠂ ︿ | ᠮᠢᠩᠭᠠᠨ ᠱᠠᠭᠠ ᠴᠤᠭᠯᠠᠭᠤᠯᠪᠠᠯ ᠮᠢᠩᠭᠠᠨ ᠮᠠᠯ ᠲᠠᠢ ᠪᠠᠶᠠᠨ ᠪᠤᠯᠣᠨᠠ﹀ ᠭᠡᠰᠡᠨ ᠠᠬᠠᠮᠠᠳ ᠨᠠᠰᠤᠳᠠᠳ ᠤᠨ ᠶᠠᠷᠢᠶᠡ | ᠪᠠᠶᠢᠳᠠᠭ᠃ ᠡᠨᠡ ᠨᠢ ᠪᠠᠰᠠ ᠨᠠᠮᠠᠢᠢ ᠨᠦᠯᠦᠭᠡᠯᠡᠭᠰᠡᠨ ᠪᠠᠶᠢᠬᠠ᠃ ᠲᠡᠷᠡ ᠦᠶᠡ ᠠᠴᠠ ᠠᠪᠤᠭᠠᠳ ᠯᠡ ᠢᠳᠡᠰᠢᠨ ᠤ | ᠱᠠᠭᠠ᠂ ᠬᠡᠭᠡᠷᠡ ᠭᠠᠳᠠᠨᠠ ᠠᠴᠠ ᠤᠯᠤᠭᠰᠠᠨ ᠱᠠᠭᠠ᠂ ᠠᠶᠢᠯ ᠳᠤ ᠮᠢᠬᠠ ᠢᠳᠡᠭᠡᠳ ᠬᠠᠷᠭᠤᠭᠰᠠᠨ ᠱᠠᠭᠠ ᠁ | ᠭᠡᠳ ᠶᠠᠷᠦᠨᠢ ᠬᠠᠷᠭᠤᠭᠰᠠᠨ ᠪᠦᠬᠦᠨ ᠢ ᠴᠤᠭᠯᠠᠭᠤᠯᠳᠠᠭ ᠪᠣᠯᠣᠭᠰᠠᠨ᠃ ᠢᠩᠬᠢᠭᠡᠳ ᠪᠠᠷᠤᠭ ᠭᠤᠴᠢᠨ ᠵᠢᠯ ᠤᠨ | ᠬᠤᠭᠤᠴᠠᠭᠠᠨ ᠳᠤ 15000 ᠱᠠᠭᠠ ᠴᠤᠬᠯᠠᠭᠤᠯᠤᠭᠰᠠᠨ ᠶᠤᠮ᠃ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ | ᠪᠠᠶᠢᠭᠤᠯᠬᠤ ᠥᠶᠡ ᠳᠤ ᠮᠢᠩᠭᠠ ᠶᠢ ᠨᠢ ᠬᠠᠨᠳᠢᠪᠯᠡᠬᠰᠠᠨ ᠶᠤᠮ᠃ ᠶᠠᠷᠦᠨᠢ ᠮᠤᠩᠭᠤᠯ ᠬᠦᠮᠦᠨ ᠬᠡᠭᠡᠷᠡ ᠭᠠᠳᠠᠨᠠ ᠪᠤᠶᠤ | ᠪᠠᠭᠤᠴᠠᠨ ᠳᠤ ᠤᠷᠬᠢᠭᠳᠠᠭᠰᠠᠨ ᠱᠠᠭᠠ ᠶᠢ ᠦᠵᠡᠪᠠᠯ ᠠᠪᠴᠤ ᠶᠠᠪᠤᠳᠠᠭ᠃ ᠱᠠᠭᠠ ︿ᠨᠠᠮᠠᠢᠢ ᠠᠪᠳᠠᠭ ᠪᠣᠯ ᠦᠦ︖﹀ | ᠭᠡᠵᠦ ᠬᠠᠷᠠᠳᠠᠭ ᠭᠡᠨᠡ︾ ᠭᠡᠵᠦ ᠢ᠊ · ᠳᠦᠳᠦᠪ ᠭᠤᠸᠠᠢ ᠱᠠᠭᠠ ᠴᠤᠭᠯᠠᠭᠤᠯᠤᠭᠰᠠᠨ ︽ᠳᠡᠥᠭᠡ︾ ᠪᠠᠨ ᠶᠠᠷᠢᠨᠠ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠤ ᠰᠡᠬᠦᠯᠴᠢ ᠶᠡᠷᠡᠭᠡᠳ ᠣᠨ ᠤ ᠡᠬᠢ ᠪᠠᠷ ᠨᠡᠶᠢᠭᠡᠮ ᠠᠬᠤᠢ ᠶᠢᠨ | ᠬᠥᠭᠵᠢᠯ ᠠᠴᠠ ᠪᠣᠯᠵᠦ ᠤᠯᠠᠨ ᠵᠦᠢᠯ ᠤᠨ ᠵᠤᠭᠠ ᠴᠡᠩᠭᠡᠬᠦᠨ ᠤ ᠨᠠᠭᠠᠳᠤᠮ ᠭᠠᠷᠤᠭᠰᠠᠨ ᠢᠶᠠᠷ ᠬᠦᠮᠦᠰ ᠱᠠᠭᠠ | ᠨᠠᠭᠠᠳᠬᠤ ᠪᠠᠨ ᠪᠤᠯᠢᠵᠦ᠂ ᠱᠠᠭᠠ ᠨᠠᠭᠠᠳᠤᠮ ᠴᠦ ᠭᠡᠭᠡᠭᠳᠡᠵᠦ ᠤᠷᠬᠢᠬᠳᠠᠬᠤ ᠭᠡᠮᠵᠢᠶᠠᠨ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ | ᠡᠨᠡᠭᠦ ᠪᠠᠶᠢᠳᠠᠯ ᠳᠤ ᠢ᠊ · ᠳᠦᠳᠦᠪ ᠭᠤᠸᠠᠢ ᠪᠦᠰᠡᠬᠦᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠨᠠᠭᠠᠳᠬᠤ ᠪᠤᠶᠤ ᠨᠠᠶᠢᠵᠠ | ᠨᠦᠬᠦᠳ ᠨᠢ ᠢᠷᠡᠪᠠᠯ ᠱᠠᠭᠠ ᠳᠤᠬᠯᠠᠵᠦ᠂ ᠡᠨᠡᠬᠦ ᠤᠯᠠᠮᠵᠢᠯᠠᠯᠳᠦ ᠨᠠᠭᠠᠳᠤᠮ ᠢᠶᠠᠨ ᠤᠷᠬᠢᠭᠰᠠᠨ ᠦᠭᠡᠢ | ᠪᠠᠷᠢᠮᠳᠠᠯᠠᠵᠦ ᠢᠷᠠᠵᠠᠢ᠃ ᠣᠯᠠᠨ ᠭᠠᠵᠠᠷ ᠱᠠᠭᠠ ᠶᠢᠨ ᠨᠠᠭᠠᠳᠤᠮ ᠮᠠᠷᠳᠠᠬᠳᠠᠵᠦ ᠤᠷᠬᠢᠭᠳᠠᠭᠰᠠᠨ ᠪᠤᠯᠪᠠᠴᠤ ᠰᠦᠨᠢᠳ | ᠵᠡᠭᠦᠨ ᠬᠤᠰᠢᠭᠤ ᠨᠢ ᠨᠠᠶᠢᠷ ᠨᠠᠭᠠᠳᠤᠮ ᠳᠡᠭᠡᠷᠡ ᠱᠠᠭᠠ ᠤᠷᠤᠯᠳᠤᠭᠤᠯᠳᠠᠭ ᠪᠣᠯᠪᠠ᠃ ᠡᠨᠡ ᠨᠢ ᠪᠠᠭᠠ ᠠᠴᠠ ᠪᠠᠨ | ᠱᠠᠭᠠ ᠨᠠᠭᠠᠳᠤᠮ ᠳᠤ ᠪᠠᠭ᠋ᠠᠳᠠᠢ ᠳᠦᠳᠦᠪ ᠭᠤᠸᠠᠢ ᠳᠤ ᠰᠠᠶᠢᠬᠠᠨ ᠵᠠᠪᠰᠢᠶᠠᠨ ᠪᠤᠯᠵᠠᠢ᠃ ︽ᠤᠤᠯ ᠨᠢ ᠮᠠᠨ ᠤ | ᠬᠤᠰᠢᠭᠤᠨ ᠤ ᠨᠠᠶᠢᠷ ᠳᠡᠭᠡᠷᠡ ᠤᠯᠠᠨ ᠳᠦᠷᠦᠯ ᠤᠨ ᠤᠷᠤᠯᠳᠤᠭᠠᠨ ᠬᠢᠳᠡᠭ ᠦᠭᠡᠢ᠂ ︿ᠰᠡᠮᠪᠡᠭᠡ ᠠᠪᠬᠤ﹀ | ᠨᠠᠭᠠᠳᠤᠮ ᠢ ᠯᠡ ᠤᠷᠤᠯᠳᠤᠳᠠᠭ᠃ ᠪᠢ ᠴᠤ ᠶᠠᠷᠦᠨᠢ ᠵᠢᠯ ᠵᠢᠯ ᠲᠡᠷᠢᠭᠦᠯᠡᠳᠡᠭ ᠪᠠᠶᠢᠭᠰᠠᠨ ᠳ᠋ᠠ ᠁︾ ᠱᠠᠭᠠ | ᠨᠠᠭᠠᠳᠤᠮ ᠤᠨ ᠳᠡᠷᠢᠬᠦᠨ ᠢ᠊ · ᠳᠦᠳᠦᠪ ᠭᠤᠸᠠᠢ ᠬᠤᠰᠢᠭᠤ ᠨᠤᠲᠤᠭ ᠲᠤ ᠪᠠᠨ ᠨᠠᠷᠡ ᠭᠠᠷᠴᠤ᠂ ᠡᠨᠡ ᠨᠢ | ᠲᠡᠬᠦᠨ ᠤ ᠳᠠᠷᠠᠭᠠᠴᠢ ᠪᠠᠷ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠪᠠᠶᠢᠭᠤᠯᠬᠤ ᠳᠤ ᠨᠢ ᠵᠤᠬᠢᠬᠤ ᠨᠦᠯᠦᠭᠡ | ᠦᠵᠡᠬᠦᠯᠦᠭᠰᠡᠨ ᠢ ᠶᠠᠷᠢᠬᠤ ᠶᠤᠰᠤᠳᠠᠢ᠃ | | | ᠰᠠᠨᠠᠵᠦ ᠶᠠᠪᠤᠪᠠᠯ ᠪᠦᠳᠦᠨᠠ | ᠣᠨ ᠰᠠᠷᠠ ᠣᠷᠴᠢᠬᠰᠠᠭᠠᠷ ᠬᠥᠮᠦᠨ ᠳᠦᠷᠦᠯᠬᠢᠳᠡᠨ ᠬᠤᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠤ ᠪᠤᠱᠤᠭᠠ ᠶᠢ ᠠᠯᠬᠤᠵᠦ᠂ | ᠺᠣᠮᠫᠢᠦ᠋ᠲ᠋ᠧᠷ᠂ ᠭᠠᠷ ᠤᠳᠠᠰᠣ ᠬᠦᠮᠦᠰ ᠤᠨ ᠠᠮᠢᠰᠬᠤᠵᠦ ᠪᠠᠶᠢᠭᠠ ᠠᠭᠠᠷ ᠮᠡᠲᠦ ᠳᠤᠲᠠᠬᠳᠠᠵᠦ ᠪᠤᠯᠤᠰᠢ ᠦᠭᠡᠢ | ᠬᠡᠷᠡᠭᠯᠡᠬᠦᠷ ᠪᠣᠯᠵᠦ᠂ ᠮᠦᠨ ᠡᠨᠡᠬᠦ ᠦᠷᠨᠢᠯ ᠢ ᠳᠠᠭᠠᠯᠳᠤᠨ ᠡᠯᠧᠺᠲᠷᠣᠨ ᠳᠤᠭᠯᠠᠭᠠᠮ ᠶᠡᠬᠡᠪᠡᠷ ᠳᠡᠯᠭᠡᠷᠡᠵᠦ᠂ | ᠵᠠᠯᠠᠭᠤᠴᠤᠳ ᠤᠨ ᠳᠣᠮᠳᠠ ᠬᠠᠯᠠᠮᠰᠢᠯ ᠪᠤᠯᠣᠯᠠ᠃ ᠡᠨᠡᠬᠦ ᠪᠠᠶᠢᠳᠠᠯ ᠳᠤᠤᠷᠠ ᠤᠯᠠᠮᠵᠢᠯᠠᠯᠳᠦ ᠲᠣᠭᠯᠠᠭᠠᠮ ᠪᠣᠯᠬᠤ | ᠱᠠᠭᠠ ᠨᠠᠭᠠᠳᠤᠮ ᠢᠶᠠᠨ ᠶᠠᠭᠠᠬᠢᠵᠦ ᠥᠪᠯᠡᠵᠦ ᠦᠯᠡᠳᠡᠭᠡᠬᠦ ᠪᠣᠢ ᠭᠡᠳᠡᠭ ᠨᠢ ᠳᠦᠳᠦᠪ ᠭᠤᠸᠠᠢ ᠶᠢᠨ ᠳᠤᠯᠤᠭᠠᠢ ᠶᠢ | ᠡᠪᠡᠳᠭᠡᠬᠦ ᠠᠰᠠᠭᠤᠳᠠᠯ ᠪᠣᠯᠵᠦ᠂ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠰᠡᠳᠬᠢᠯ ᠳᠤᠳᠤᠷᠠ ᠪᠠᠨ ᠳᠠᠷᠤᠵᠦ ᠶᠠᠪᠤᠵᠠᠢ᠃ | ︽ᠰᠠᠨᠠᠵᠦ ᠶᠠᠪᠤᠪᠠᠯ ᠪᠦᠳᠦᠨᠠ᠂ ᠰᠠᠵᠢᠯᠠᠵᠦ ᠶᠠᠪᠤᠪᠠᠯ ᠬᠦᠷᠦᠨᠡ︾ ᠭᠡᠳᠡᠭ ᠢᠶᠠᠷ ᠢ᠊ · ᠳᠦᠳᠦᠪ ᠤᠨ | ᠰᠠᠨᠠᠭᠰᠠᠨ ᠬᠦᠰᠡᠯ ᠪᠡᠶᠡᠯᠡᠬᠦ ᠶᠢᠨ ᠰᠠᠶᠢᠬᠠᠨ ᠤᠴᠢᠷ 2005 ᠣᠨ ᠳᠤ ᠪᠤᠯᠵᠠᠢ᠃ ᠲᠣᠰ ᠵᠢᠯ ᠰᠦᠨᠢᠳ ᠵᠠᠬᠦᠨ | ᠬᠤᠰᠢᠭᠤ ᠨᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠱᠠᠭᠠ ᠶᠢᠨ ᠰᠤᠶᠤᠯ ᠢ ᠥᠪᠯᠡᠨ ᠤᠯᠠᠮᠵᠢᠯᠠᠬᠤ ᠰᠠᠭᠤᠷᠢᠨ | ᠭᠠᠵᠠᠷ ᠢᠶᠠᠷ ᠨᠡᠷᠡᠶᠢᠳᠦᠭᠳᠡᠵᠦ᠂ ᠱᠠᠭᠠ ᠨᠠᠭᠠᠳᠤᠮ ᠳᠠᠬᠢᠨ ᠬᠦᠭᠵᠢᠬᠦ ᠳᠤᠬᠢᠶᠠᠯ ᠲᠠᠢ ᠪᠣᠯᠪᠠ᠃ ᠡᠨᠡ ᠨᠢ ᠢ᠊ · | ᠳᠦᠳᠦᠪ ᠭᠤᠸᠠᠢ ᠶᠢᠨ ᠱᠠᠭᠠ ᠶᠢᠨ ᠰᠤᠶᠤᠯ ᠢᠶᠠᠨ ᠥᠪᠯᠡᠨ ᠬᠦᠭᠵᠢᠬᠦᠯᠬᠦ ᠭᠡᠰᠡᠨ ᠬᠦᠰᠡᠯ ᠪᠤᠳᠤᠯ ᠲᠠᠢ ᠶᠠᠪ ᠴᠠᠪ | ᠨᠡᠶᠢᠴᠠᠵᠦ᠂ ᠳᠠᠷᠠᠭᠠ ᠵᠢᠯ ᠤᠨ ᠬᠢᠨᠢ ᠬᠠᠪᠤᠷ ᠲᠡᠷᠡ ᠪᠠᠷ ᠰᠠᠶᠢᠨ ᠨᠠᠶᠢᠵᠠ ᠬᠠ᠊ · ᠦᠯᠵᠠᠢ᠂ ᠵᠢᠷᠭᠠᠯᠲᠤ ᠨᠠᠷ ᠢᠶᠠᠨ | ᠳᠠᠭᠤᠳᠠᠵᠦ᠂ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠪᠠᠶᠢᠭᠤᠯᠬᠤ ᠪᠤᠳᠤᠯ ᠢᠶᠠᠨ ᠶᠠᠷᠢᠵᠠᠢ᠃ ᠭᠤᠷᠪᠠᠨ ᠨᠠᠶᠢᠵᠠ ᠶᠢᠨ | ᠦᠵᠡᠯ ᠪᠤᠳᠤᠯ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠨᠡᠶᠢᠯᠡᠵᠦ ︽ᠤᠤᠬᠠᠢ︕ ᠳᠡᠭᠡᠶᠡ︾ ᠭᠡᠳ ᠯᠡ ᠱᠠᠭᠠ ᠶᠢᠨ | ᠨᠡᠶᠢᠭᠡᠮᠯᠢᠭ ᠪᠠᠶᠢᠭᠤᠯᠬᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠬᠦᠯᠵᠦ᠂ ᠲᠣᠰ ᠵᠢᠯ ᠤᠨ ᠬᠢᠨᠢ ᠨᠠᠮᠤᠷ ᠨᠡᠶᠢᠭᠡᠮᠯᠢᠭ ᠢᠶᠠᠨ ᠪᠠᠶᠢᠭᠤᠯᠵᠦ᠂ | ᠢ᠊ · ᠳᠦᠳᠦᠪ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠷᠢᠬᠦᠯᠡᠭᠴᠢ ᠪᠠᠷ ᠰᠤᠩᠭᠤᠭᠳᠠᠵᠠᠢ᠃ ︽ᠨᠣᠲᠤᠭ ᠤᠨ ᠠᠬᠠ ᠳ᠋᠊ · ᠴᠠᠭᠠᠨ | ᠪᠠᠭᠰᠢ ᠶᠢᠨ ︿ᠱᠠᠭᠠ ᠨᠠᠭᠠᠳᠤᠮ﹀ ᠭᠡᠬᠦ ᠨᠣᠮ ᠬᠡᠪᠯᠡᠭᠳᠡᠭᠰᠡᠨ ᠨᠢ ᠮᠠᠨ ᠤ ᠬᠤᠰᠢᠭᠤ ᠶᠢ ᠱᠠᠭᠠ ᠶᠢᠨ ᠰᠤᠶᠤᠯ ᠢ | ᠥᠪᠯᠡᠨ ᠤᠯᠠᠮᠵᠢᠯᠠᠬᠤ ᠰᠠᠭᠤᠷᠢᠨ ᠪᠣᠯᠬᠤ ᠳᠤ ᠮᠠᠰᠢ ᠶᠡᠭᠡ ᠳᠦᠯᠬᠢᠴᠠ ᠬᠦᠴᠦᠨ ᠪᠤᠯᠤᠭᠰᠠᠨ᠃ ᠲᠣᠰ ᠨᠣᠮ ᠨᠢ | ᠮᠦᠬᠦᠮᠠᠷ ᠪᠠᠶᠢᠭᠰᠠᠨ ᠱᠠᠭᠠ ᠶᠢᠨ ᠨᠠᠭᠠᠳᠤᠮ ᠢ ᠳᠠᠬᠢᠵᠦ ᠰᠡᠷᠬᠦᠭᠡᠵᠦ ᠬᠦᠭᠵᠢᠬᠦᠯᠬᠦ ᠶᠢᠨ ᠡᠬᠦᠳ᠋ᠨ ᠶᠢ ᠨᠡᠭᠡᠭᠡᠯᠡ ᠭᠡᠵᠦ | ᠬᠡᠯᠡᠵᠦ ᠪᠣᠯᠣᠨᠠ᠃ ᠡᠨᠡᠬᠦ ᠠᠰᠢᠬᠳᠠᠢ ᠨᠦᠬᠦᠴᠠᠯ ᠪᠠᠶᠢᠳᠠᠯ ᠳᠣᠣᠷᠠ ᠮᠠᠨ ᠤ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ | ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠶᠤᠮ᠃ ᠡᠨᠡ ᠪᠤᠭᠤᠷᠤᠯ ᠠᠬᠠ ᠶᠢᠨ ᠮᠢᠨᠢ ᠠᠴᠢ ᠭᠠᠪᠢᠶᠠ ᠶᠢ ᠮᠠᠷᠳᠠᠵᠦ ᠪᠣᠯᠬᠤ ᠦᠭᠡᠢ᠃ | ᠳᠠᠬᠢᠪᠠᠯ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠬᠠᠮᠢᠶᠠ ᠪᠦᠬᠦᠢ ᠤᠳᠤᠷᠢᠳᠤᠯᠭᠠ᠂ ᠰᠤᠶᠤᠯ ᠳᠠᠮᠢᠷ ᠤᠨ ᠳᠤᠪᠴᠢᠶᠠ | ᠂ ᠰᠤᠶᠤᠯ ᠤᠨ ᠤᠷᠳᠤᠨ᠂ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠳᠤᠪᠴᠢᠶᠠ ᠶᠢᠨ ᠤᠳᠤᠷᠢᠳᠤᠯᠭᠠ ᠨᠠᠷ ᠤᠨ ᠬᠠᠯᠠᠭᠤᠨ | ᠬᠠᠪᠰᠤᠷᠤᠯᠭᠠ ᠳᠤ ᠳᠠᠯᠠᠷᠬᠠᠬᠤ ᠶᠤᠰᠤᠳᠠᠢ ᠁︾ ᠢ᠊ · ᠳᠦᠳᠦᠪ ᠭᠤᠸᠠᠢ ᠶᠢᠨ ᠤᠯᠠᠨ ᠵᠢᠯ ᠤᠨ ᠬᠦᠰᠡᠯ | ᠪᠡᠶᠡᠯᠡᠭᠰᠡᠨ ᠨᠢ ᠤᠯᠠᠨ ᠲᠠᠯᠠ ᠶᠢᠨ ᠬᠦᠮᠦᠰ ᠤᠨ ᠴᠢᠷᠮᠠᠶᠢᠯᠭᠠ ᠬᠠᠪᠰᠤᠷᠤᠯᠭᠠ ᠠᠴᠠ ᠰᠠᠯᠤᠰᠢ ᠦᠭᠡᠢ᠃ ᠡᠳᠡᠭᠡᠷ | ᠬᠦᠮᠦᠰ ᠲᠡᠭᠡᠨᠲ᠋ᠡᠷᠡ ᠪᠠᠶᠠᠷᠯᠠᠨ ᠳᠠᠯᠠᠷᠬᠠᠵᠦ ᠶᠠᠪᠤᠳᠠᠭ ᠢᠶᠠᠨ ᠰᠡᠳᠬᠢᠯ ᠳᠤᠭᠳᠤᠯᠤᠨ ᠶᠠᠷᠢᠨᠠ᠃ | ᠨᠡᠷᠡ ᠶᠢ ᠨᠢ ᠠᠪᠤᠭᠠᠳ ᠠᠵᠢᠯ ᠬᠢᠳᠡᠭ ᠦᠭᠡᠢ ᠣᠯᠠᠨ ︽ᠨᠡᠶᠢᠭᠡᠮᠯᠢᠭ︾ ᠪᠠᠶᠢᠳᠠᠭ᠃ ᠢ᠊ · ᠳᠦᠳᠦᠪ ᠭᠤᠸᠠᠢ | ᠳᠡᠭᠡᠵᠦ ᠬᠤᠭᠤᠰᠤᠨ ᠨᠡᠷᠡ ᠵᠡᠬᠦᠬᠦ ᠶᠢ ᠡᠷᠡᠰ ᠡᠰᠡᠷᠬᠦᠴᠡᠳᠡᠭ ᠤᠨ ᠨᠢᠭᠡ ᠨᠢ ᠪᠣᠯᠬᠤ ᠶᠢ ᠲᠠᠬᠦᠨ ᠤ ᠠᠷᠪᠠᠨ ᠵᠢᠯ ᠤᠨ | ᠲᠣᠷᠰᠢ ᠬᠢᠵᠦ ᠢᠷᠡᠭᠰᠡᠨ ᠠᠵᠢᠯ ᠤᠳ ᠶᠠᠷᠢᠨᠠ᠃ ᠨᠡᠶᠢᠭᠡᠮᠯᠢᠭ ᠤᠨ ᠬᠦᠮᠦᠰ ᠤᠨ ᠨᠠᠭᠠᠰᠢ ᠴᠠᠭᠠᠰᠢ ᠬᠦᠶᠦᠵᠦ᠂ ᠡᠪ | ᠵᠦᠢ ᠶᠢ ᠨᠢ ᠤᠯᠤᠨ ᠴᠢᠷᠮᠠᠶᠢᠭᠰᠠᠨ ᠢᠶᠠᠷ ᠵᠢᠯ ᠪᠦᠷᠢ ᠶᠢᠨ ᠬᠤᠰᠢᠭᠤ ᠨᠠᠶᠢᠷ᠂ ᠨᠠᠰᠤᠳᠠᠶᠢᠴᠤᠳ ᠤᠨ ᠨᠠᠶᠢᠷ ᠢᠶᠠᠷ | ᠱᠠᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠦ᠂ ᠱᠠᠩᠨᠠᠯ ᠤᠨ ᠮᠦᠩᠬᠦ ᠶᠢ ᠨᠢ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ | ᠭᠠᠷᠭᠠᠵᠦ ᠥᠭᠳᠡᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠪᠦᠬᠦ ᠤᠷᠤᠨ ᠤ ᠨᠠᠢᠮᠠᠳᠤᠭᠠᠷ ᠤᠳᠠᠭᠠᠨ ᠤ ᠴᠦᠭᠡᠨ ᠲᠣᠭᠠᠳᠦ | ᠦᠨᠳᠦᠰᠦᠳᠡᠨ ᠤ ᠲᠠᠮᠢᠷ ᠤᠨ ᠴᠤᠭᠯᠠᠭᠠᠨ ᠢ ᠰᠢᠯᠢᠩᠬᠤᠳᠠ ᠳᠤ ᠬᠢᠬᠦ ᠵᠠᠪᠰᠢᠶᠠᠨ ᠢᠶᠠᠷ ᠱᠠᠭᠠ ᠶᠢᠨ ᠦᠵᠡᠬᠦᠯᠭᠡ ᠶᠢᠨ | ᠤᠷᠤᠯᠳᠤᠭᠠᠨ ᠢ ᠤᠷᠤᠭᠤᠯᠵᠦ᠂ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠱᠠᠭᠠ ᠶᠢᠨ ᠨᠡᠶᠢᠭᠡᠮᠯᠢᠭ ᠠᠴᠠ ᠳᠠᠭᠠᠭᠠᠨ | ᠡᠷᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ᠂ ᠴᠢᠨᠠᠭᠰᠢᠯᠠᠪᠠᠯ ᠪᠦᠬᠦ ᠤᠷᠤᠨ ᠤ ᠬᠡᠪᠴᠢᠶᠠᠨ ᠳᠤ | ᠱᠠᠭᠠ ᠨᠠᠭᠠᠳᠤᠮ ᠢ ᠰᠡᠷᠬᠦᠭᠡᠬᠦ ᠳᠤ ᠤᠬᠠᠭᠤᠯᠭᠠ ᠶᠢᠨ ᠦᠢᠯᠡᠳᠦᠯ ᠦᠵᠡᠬᠦᠯᠦᠯᠡ ᠭᠡᠵᠦ ᠬᠡᠯᠡᠵᠦ ᠪᠤᠯᠤᠨᠠ᠃ | ᠡᠭᠦᠨ ᠠᠴᠠ ᠠᠪᠤᠭᠠᠳ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠬᠡᠪᠴᠢᠶᠠᠨ ᠳᠤ ᠱᠠᠭᠠ ᠶᠢᠨ ᠰᠤᠶᠤᠯ ᠢ ᠤᠯᠠᠮᠵᠢᠯᠠᠨ | ᠬᠦᠭᠵᠢᠬᠦᠯᠬᠦ ᠦᠷᠨᠢᠯ ᠭᠠᠷᠴᠤ᠂ ᠠᠶᠢᠮᠠᠭ ᠤᠨ ᠰᠤᠶᠤᠯ ᠳᠠᠮᠢᠷ ᠤᠨ ᠲᠣᠪᠴᠢᠶᠠ᠂ ᠨᠠᠰᠤᠳᠠᠶᠢᠴᠤᠳ ᠤᠨ | ᠳᠤᠪᠴᠢᠶᠠᠨ ᠠᠴᠠ ᠢ᠊ · ᠳᠦᠳᠦᠪ ᠭᠤᠸᠠᠢ ᠶᠢᠨ ᠠᠵᠢᠯ ᠢ ᠶᠡᠭᠡᠪᠠᠷ ᠳᠠᠮᠵᠢᠵᠦ᠂ ᠨᠠᠶᠢᠷ ᠨᠠᠭᠠᠳᠤᠮ ᠢᠶᠠᠷ ᠱᠠᠭᠠ ᠶᠢᠨ | ᠨᠠᠭᠠᠳᠤᠮ ᠢ ᠨᠢᠭᠡ ᠤᠷᠤᠯᠳᠤᠭᠠᠨ ᠤ ᠳᠦᠷᠦᠯ ᠪᠤᠯᠭᠠᠨ ᠤᠷᠤᠭᠤᠯᠬᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠭᠦᠨ ᠢᠶᠠᠷ ᠪᠠᠷᠠᠬᠤ | ᠦᠭᠡᠢ᠂ ᠨᠠᠶᠢᠭᠡᠮᠯᠢᠭ ᠠᠴᠠ ᠱᠠᠭᠠ ᠶᠢᠨ ᠰᠤᠶᠤᠯ ᠢ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠠᠨ ᠳᠤ ᠤᠷᠤᠭᠤᠯᠬᠤ ᠠᠵᠢᠯ ᠢ | ᠢᠳᠡᠪᠬᠢᠳᠠᠢ ᠬᠢᠵᠦ᠂ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠨᠠᠷᠢᠨ ᠪᠢᠴᠢᠭ ᠤᠨ ᠳᠠᠷᠤᠭᠠ ᠪᠠᠶᠢᠭᠰᠠᠨ ᠬᠦᠷᠡᠯ | ᠭᠤᠸᠠᠢ ᠬᠢᠴᠢᠶᠠᠯ ᠤᠨ ᠪᠢᠴᠢᠭ ᠨᠠᠶᠢᠷᠠᠭᠤᠯᠵᠦ᠂ ᠬᠤᠰᠢᠭᠤᠨ ᠤ ᠪᠠᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠢᠴᠢᠶᠠᠯ ᠤᠨ | ᠳᠦᠷᠦᠯ ᠢᠶᠠᠷ ᠤᠷᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠱᠠᠭᠠ ᠨᠠᠭᠠᠳᠤᠮ ᠤᠨ ᠬᠢᠴᠢᠶᠠᠯ ᠢ ᠨᠡᠶᠢᠭᠡᠮᠯᠢᠭ ᠤᠨ ᠬᠦᠮᠦᠰ ᠠᠴᠠ | ᠤᠴᠢᠵᠦ ᠤᠷᠣᠳᠠᠭ ᠪᠦᠭᠡᠳ ᠮᠣᠷᠢ ᠤᠷᠤᠯᠳᠤᠭᠤᠯᠬᠤ᠂ ᠰᠡᠮᠪᠡᠭᠡ ᠠᠪᠬᠤ᠂ ᠪᠥᠭᠡ ᠪᠠᠷᠢᠯᠳᠤᠬᠤ ᠵᠡᠷᠭᠡ ᠬᠡᠳᠦᠨ | ᠠᠭᠤᠯᠭᠠ ᠶᠢ ᠵᠢᠭᠠᠬᠤ ᠶᠢᠨ ᠬᠠᠮᠳᠦ ᠭᠡᠦᠭᠡᠳ ᠲᠤ ᠱᠠᠭᠠ ᠨᠠᠭᠠᠳᠤᠮ ᠤᠨ ᠳᠣᠬᠠᠢ ᠵᠠᠩ ᠦᠢᠯᠡ ᠶᠢ ᠮᠡᠳᠡᠬᠦᠯᠳᠡᠭ | ᠪᠠᠶᠢᠨᠠ᠃ | ᠠᠷᠪᠠᠨ ᠵᠢᠯ ᠤᠨ ᠲᠣᠷᠰᠢ ᠬᠢᠵᠦ ᠢᠷᠡᠭᠰᠡᠨ ᠠᠵᠢᠯ ᠢ ᠨᠢᠭᠡ ᠨᠢᠭᠡ ᠪᠠᠷ ᠭᠡᠯᠡᠭᠡᠳ ᠪᠠᠷᠠᠬᠤ ᠪᠢᠰᠢ ᠳ᠋ᠧ᠃ ᠶᠠᠭᠤ | ᠴᠤ ᠭᠡᠰᠡᠨ ᠢ᠊ · ᠳᠦᠳᠦᠪ ᠭᠤᠸᠠᠢ ᠶᠢᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠤᠳᠣ ᠱᠠᠭᠠ ᠨᠠᠭᠠᠳᠤᠮ ᠨᠢ ᠪᠦᠬᠦ ᠰᠢᠯᠢ ᠶᠢᠨ ᠭᠤᠣᠯ | ᠠᠶᠢᠮᠠᠬ ᠤᠨ ᠬᠡᠪᠴᠢᠶᠠᠨ ᠳᠤ ᠦᠷᠨᠢᠬᠦ ᠪᠣᠯᠵᠦ᠂ ᠰᠦᠨᠢᠳ ᠤᠨ ᠨᠠᠶᠢᠷ ᠨᠠᠭᠠᠳᠤᠮ ᠢᠶᠠᠷ ᠦᠵᠦᠮᠦᠴᠢᠨ᠂ ᠴᠠᠬᠠᠷ ᠤᠨ | ᠬᠦᠮᠦᠰ ᠢᠷᠡᠵᠦ ᠱᠠᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠬᠤ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ︽ᠣᠳᠣ ᠮᠠᠨ ᠤ | ᠬᠤᠰᠢᠭᠤᠨ ᠤ ᠰᠤᠮᠤ᠂ ᠭᠠᠴᠠᠭᠠ ᠶᠢᠨ ᠨᠠᠶᠢᠷ ᠪᠤᠶᠤ ᠨᠠᠰᠤᠨ ᠪᠠᠶᠠᠷ ᠤᠨ ᠨᠠᠶᠢᠷ ᠢᠶᠠᠷ ᠴᠤ ᠱᠠᠭᠠ ᠤᠷᠤᠯᠳᠤᠬᠤ | ᠪᠤᠯᠤᠭᠰᠠᠨ᠃ ᠬᠤᠰᠢᠭᠤ ᠨᠠᠶᠢᠷ ᠢᠶᠠᠷ ᠪᠤᠰᠤᠳ ᠬᠤᠰᠢᠭᠤᠳ ᠤᠨ ᠬᠦᠮᠦᠰ ᠴᠦ ᠢᠷᠡᠵᠦ ᠤᠷᠤᠯᠳᠤᠳᠠᠭ᠃ ᠢᠳᠡᠷ | ᠨᠠᠰᠤᠨ ᠤ ᠮᠠᠯᠴᠢᠳ ᠭᠤᠤᠯᠳᠠᠭᠤ ᠨᠠᠭᠠᠳᠴᠣ ᠪᠤᠢ᠃ ᠣᠣᠯ ᠨᠢ ᠮᠠᠨ ᠤ ᠬᠤᠰᠢᠭᠤᠨ ᠤ ᠱᠠᠭᠠᠴᠢᠨ ᠤᠷᠤᠯᠳᠤᠭᠠᠨ | ᠳᠤ ᠳᠡᠷᠢᠬᠦᠯᠡᠳᠡᠭ ᠪᠠᠶᠢᠭᠰᠠᠨ᠃ ᠤᠷᠴᠢᠮ ᠤᠨ ᠭᠡᠳᠦᠨ ᠵᠢᠯ ᠠᠴᠠ ᠳᠡᠷᠢᠬᠦᠨ ᠢᠶᠠᠨ ᠦᠵᠦᠮᠦᠴᠢᠨ ᠳᠤ ᠠᠯᠳᠠᠬᠤ | ᠪᠤᠯᠴᠢᠬᠠᠯᠠ︾ ᠭᠡᠵᠦ ᠢ᠊ · ᠳᠦᠳᠦᠪ ᠭᠤᠸᠠᠢ ᠢᠨᠢᠶᠠᠨ ᠶᠠᠷᠢᠨᠠ᠃ ᠲᠡᠬᠦᠨ ᠤ ᠡᠨᠡᠬᠦ ᠢᠨᠢᠶᠠᠳᠦᠨ ᠠᠴᠠ ᠱᠠᠭᠠ ᠶᠢᠨ | ᠰᠤᠶᠤᠯ ᠮᠢᠨᠢ ᠮᠤᠩᠭᠤᠯ ᠨᠣᠲᠤᠭ ᠪᠤᠯᠭᠠᠨ ᠳᠤ ᠳᠦᠭᠡᠨ ᠲᠡᠯᠭᠡᠷᠡᠵᠦ᠂ ᠦᠷᠨᠢᠨ ᠬᠥᠭᠵᠢᠬᠦ ᠰᠠᠶᠢᠬᠠᠨ ᠢᠷᠡᠭᠡᠳᠦᠢ | ᠪᠠᠶᠢᠨᠠ ᠭᠡᠳᠡᠭ ᠲᠤ ᠪᠠᠭ᠋ᠠᠳᠣᠨ ᠪᠠᠶᠠᠰᠤᠭᠰᠠᠨ ᠰᠡᠳᠬᠢᠯ ᠢᠯᠡᠬᠡᠨ ᠬᠠᠷᠠᠭᠳᠠᠨᠠ᠃ ᠬᠠᠷᠢᠨ ︽ᠪᠥᠭᠡ ᠶᠢᠨ | ᠱᠠᠩ ᠢᠶᠠᠨ ᠪᠤᠰᠤᠳ ᠲᠤ ᠠᠯᠳᠠᠴᠢᠬᠠᠯᠠ︾ ᠭᠡᠳ ᠬᠤᠤᠷᠤᠨ ᠰᠠᠨᠠᠵᠦ ᠶᠠᠪᠤᠳᠠᠭ ᠮᠠᠨ ᠤ ᠬᠢᠨ ᠤ ᠢᠪᠴᠤᠤ ᠪᠤᠳᠤᠯ | ᠬᠠᠷᠠᠬᠳᠠᠭᠰᠠᠨ ᠦᠭᠡᠢ᠃ | | | ᠵᠠᠮ ᠬᠤᠯᠠ ᠡᠬᠦᠷᠭᠡ ᠬᠦᠨᠳᠦ | ᠢ᠊ · ᠳᠦᠳᠦᠪ ᠭᠤᠸᠠᠢ ᠤᠳᠣ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠴᠠᠭᠠᠨᠠᠭᠤᠷ | ᠭᠠᠴᠠᠭᠠᠨ ᠤ ᠭᠠᠴᠠᠭᠠᠨ ᠳᠠᠷᠤᠭᠠ ᠶᠢᠨ ᠠᠵᠢᠯ ᠢ ᠬᠢᠵᠦ ᠪᠤᠢ᠃ ᠭᠠᠴᠠᠭᠠᠨ ᠳᠠᠷᠤᠭᠠ ᠶᠢᠨ ᠠᠵᠢᠯ ᠭᠡᠳᠡᠭ ᠵᠢᠩᠰᠠ ᠨᠢ | ᠪᠠᠭᠠ ᠴᠤ ᠬᠢᠬᠦ ᠠᠵᠢᠯ ᠳᠤᠳᠠᠳᠠᠭ ᠦᠭᠡᠢ ᠭᠡᠴᠡᠬᠦᠦ ᠠᠵᠢᠯ᠃ ᠭᠡᠪᠡᠴᠦ ᠢ᠊ · ᠳᠦᠳᠦᠪ ᠶᠠᠭᠠᠷᠠᠤ ᠠᠵᠢᠯ ᠢᠶᠠᠨ | ᠵᠠᠶᠢᠴᠢᠯᠠᠵᠦ ᠪᠠᠶᠢᠭᠠᠳ ᠱᠠᠭᠠ ᠶᠢᠨ ᠰᠤᠶᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠢᠶᠠᠨ ︽ᠥᠭᠡᠳᠡ ᠲᠠᠢ ᠥᠩᠭᠡ ᠲᠠᠢ︾ ᠠᠪᠴᠤ | ᠶᠠᠪᠤᠨᠠ᠃ ᠤᠯᠠᠨ ᠵᠢᠯ ᠳᠤ ᠬᠢᠭᠰᠡᠨ ᠠᠵᠢᠯ ᠠᠷᠪᠢᠨ᠂ ᠭᠠᠷᠭᠠᠭᠰᠠᠨ ᠨᠦᠯᠦᠭᠡ ᠶᠡᠭᠡ ᠭᠡᠳᠡᠭ ᠪᠤᠯᠪᠠᠴᠤ ᠲᠡᠷᠡ | ᠦᠪᠠᠷ ᠤᠨ ᠰᠠᠨᠠᠭᠠᠨ ᠳᠤ ᠪᠠᠨ ᠳᠤᠯᠳᠠᠯᠠ ᠬᠢᠵᠦ ᠳᠠᠶᠢᠯᠦᠭᠡ ᠦᠭᠡᠢ᠃ ᠲᠡᠬᠦᠨ ᠤ ᠬᠢᠬᠦ ᠠᠵᠢᠯ ᠪᠠᠰᠠᠯᠠ ᠤᠯᠠᠨ | ᠪᠠᠶᠢᠭᠰᠠᠭᠠᠷ ᠁ | ︽ᠱᠠᠭᠠ ᠨᠠᠭᠠᠳᠤᠮ ᠤᠨ ᠳᠦᠷᠦᠯ ᠵᠦᠢᠯ 240 ᠭᠠᠷᠤᠢ ᠪᠤᠢ ᠭᠡᠵᠦ ᠨᠣᠮ ᠳᠡᠭᠡᠷᠡ ᠲᠡᠮᠳᠡᠭᠯᠡᠵᠦ ᠪᠣᠢ᠃ | ᠭᠡᠪᠡᠴᠦ ᠮᠠᠨ ᠤ ᠤᠳᠤᠬᠠᠨ ᠤ ᠦᠷᠬᠦᠯᠵᠢ ᠨᠠᠭᠠᠳᠳᠠᠭ ᠨᠢ ᠳᠤᠯᠤᠭᠠ ᠨᠠᠢᠮᠠᠨ ᠳᠦᠷᠦᠯ ᠠᠴᠠ ᠳᠠᠪᠠᠭ᠋ᠤ ᠦᠭᠡᠢ᠃ | ᠮᠠᠨ ᠤ ᠨᠡᠶᠢᠭᠡᠮᠯᠢᠭ ᠤᠨ ᠬᠢᠨ ᠬᠦᠳᠡᠭᠡ ᠨᠣᠲᠤᠭ ᠢᠶᠠᠷ ᠰᠣᠷᠪᠤᠯᠵᠢᠯᠠᠨ ᠶᠠᠪᠤᠵᠦ ᠠᠬᠠᠮᠠᠳ ᠨᠠᠰᠤᠳᠠᠳ ᠠᠴᠠ | ᠠᠰᠠᠭᠤᠵᠦ ᠰᠤᠷᠠᠵᠦ ᠪᠠᠶᠢᠭᠠᠳ 15 ᠳᠦᠷᠦᠯ ᠢ ᠰᠡᠷᠭᠦᠭᠡᠭᠰᠡᠨ ᠶᠤᠮ᠃ ᠣᠳᠣ ᠨᠠᠶᠢᠷ ᠨᠠᠭᠠᠳᠤᠮ ᠪᠣᠯᠪᠠᠯ ᠨᠦᠬᠦᠴᠡᠯ | ᠪᠤᠯᠤᠯᠴᠠᠭᠠ ᠶᠢᠨ ᠬᠢᠵᠠᠭᠠᠷ ᠠᠴᠠ ᠪᠤᠯᠤᠭᠠᠳ ᠡᠭᠡᠯᠵᠢᠯᠡᠵᠦ ᠨᠠᠭᠠᠳᠴᠤ ᠪᠣᠢ᠃ ᠵᠢᠱᠢᠶᠠᠯᠠᠬᠦ ᠳᠤ ᠂ ᠡᠨᠡ | ᠤᠳᠠᠭᠠᠨ ᠤ ᠨᠠᠶᠢᠷ ᠳᠡᠭᠡᠷᠡ 7 ᠳᠦᠷᠦᠯ ᠨᠠᠭᠠᠳᠤᠭᠰᠠᠨ ᠪᠣᠯ ᠳᠠᠷᠠᠭᠠ ᠨᠠᠶᠢᠷ ᠲᠤ ᠪᠤᠰᠤᠳ 7 ᠳᠦᠷᠦᠯ ᠢ ᠨᠢ | ᠨᠠᠭᠠᠳᠤᠨᠠ᠃ ᠵᠠᠷᠢᠮ ᠨᠠᠭᠠᠳᠤᠮ ᠤᠨ ᠨᠡᠷᠡ ᠶᠢ ᠨᠢ ᠮᠡᠳᠡᠵᠦ ᠪᠠᠶᠢᠭᠠ ᠴᠤ ᠳᠦᠷᠢᠮ ᠢ ᠨᠢ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠨᠠ᠃ | ᠡᠶᠢᠮᠤ ᠪᠠᠶᠢᠳᠠᠯ ᠳᠤᠤᠷᠠ ᠠᠬᠠᠮᠠᠳ ᠨᠠᠰᠤᠳᠠᠨ ᠠᠴᠠ ᠰᠤᠷᠪᠤᠯᠵᠢᠯᠠᠨ ᠠᠰᠠᠭᠤᠬᠤ ᠬᠡᠷᠡᠭᠲᠡᠢ᠃ ᠱᠠᠭᠠ ᠨᠠᠭᠠᠳᠤᠮ ᠢ | ᠤᠶᠢᠯᠠᠭᠠᠳᠠᠭ ᠨᠠᠰᠤᠳᠠᠳ ᠦᠨᠳᠦᠰᠦᠨ ᠱᠠᠲᠣ ᠭᠠᠴᠠᠭᠠ ᠳᠤᠭᠤᠶᠢᠯᠠᠩ ᠳᠤ ᠪᠠᠶᠢᠬᠤ ᠪᠣᠯᠬᠤᠷ ᠬᠦᠳᠡᠭᠡ ᠨᠣᠲᠤᠭ ᠢᠶᠠᠷ | ᠬᠦᠨᠵᠡᠭᠡᠶᠢᠷᠡᠬᠦ ᠬᠡᠷᠡᠭᠲᠡᠢ᠃ ᠡᠨᠡ ᠴᠢᠨᠢ ᠲᠡᠷᠭᠡ ᠮᠠᠰᠢᠨ᠂ ᠲᠣᠰᠣ ᠭᠡᠳ ᠪᠠᠭᠠ ᠦᠭᠡᠢ ᠵᠠᠷᠤᠳᠠᠯ ᠭᠠᠷᠤᠨᠠ᠃ | ᠡᠨᠡ ᠨᠢ ᠠᠵᠦ ᠠᠬᠤᠢ ᠶᠢᠨ ᠲᠠᠯᠠ ᠶᠢᠨ ᠬᠦᠴᠢᠷᠳᠡᠯ᠃ ᠳᠠᠬᠢᠪᠠᠯ ᠵᠠᠷᠢᠮ ᠨᠠᠭᠠᠳᠤᠮ ᠤᠨ ᠠᠷᠭᠠ ᠪᠠᠷᠢᠯ᠂ ᠳᠦᠷᠢᠮ | ᠳᠤᠳᠤᠷᠠ ᠬᠢᠲᠠᠳ ᠨᠠᠭᠠᠳᠤᠮ ᠤᠨ ᠳᠦᠷᠢᠮ ᠤᠷᠤᠭᠰᠠᠨ ᠵᠦᠢᠯᠡᠰ ᠪᠣᠢ᠃ ᠡᠭᠦᠨ ᠢ ᠨᠢ ᠮᠤᠩᠭᠤᠯ ᠶᠣᠰᠣ ᠪᠠᠷ | ᠰᠤᠳᠣᠯᠵᠦ ᠤᠶᠢᠯᠠᠭᠠᠬᠤ ᠬᠡᠷᠡᠭᠲᠡᠢ᠃ ᠱᠠᠭᠠ ᠨᠠᠭᠠᠳᠤᠮ ᠨᠢ ᠵᠦᠪᠭᠡᠨ ᠨᠠᠭᠠᠳᠤᠮ ᠪᠢᠰᠢ᠂ ᠬᠠᠷᠢᠨ ᠳᠤᠳᠤᠷᠠ ᠨᠢ | ᠮᠤᠩᠭᠤᠯᠴᠤᠳ ᠤᠨ ᠭᠡᠷ ᠤᠨ ᠰᠤᠷᠭᠠᠯ ᠤᠨ ᠠᠭᠤᠯᠭᠠ ᠤᠯᠠᠨ ᠪᠠᠶᠢᠳᠠᠭ ᠰᠢᠦ ᠳ᠋ᠠ᠂ ᠱᠠᠭᠠ ᠨᠠᠭᠠᠳᠤᠮ ᠨᠢ | ᠭᠡᠦᠭᠡᠳ ᠤᠨ ᠮᠠᠯ ᠰᠦᠷᠦᠭ ᠢᠶᠠᠨ ᠬᠠᠶᠢᠷᠠᠯᠠᠬᠤ᠂ ᠬᠦᠳᠡᠯᠮᠤᠷᠢ ᠶᠢ ᠬᠠᠶᠢᠷᠠᠯᠠᠬᠤ᠂ ᠤᠢ ᠪᠢᠯᠢᠭ ᠢ ᠨᠢ ᠨᠡᠭᠡᠭᠡᠭᠳᠡᠬᠦᠯᠬᠦ᠂ | ᠭᠠᠷ ᠤᠨ ᠬᠥᠳᠡᠯᠭᠡᠭᠡᠨ ᠢ ᠪᠤᠰᠢᠭᠤ ᠱᠠᠯᠠᠮᠠᠭᠠᠢ ᠪᠤᠯᠭᠠᠬᠤ᠂ ᠨᠢᠲᠦᠨ ᠤ ᠬᠠᠷᠠᠭᠠ ᠶᠢ ᠬᠢᠷᠠᠬᠠᠢ ᠪᠤᠯᠭᠠᠬᠤ᠂ ᠠᠩᠬᠠᠷᠤᠯ | ᠲᠥᠪᠯᠡᠷᠡᠬᠦᠯᠬᠦ ᠵᠡᠷᠭᠡ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ ᠵᠢᠱᠢᠶᠠᠯᠠᠵᠦ ᠶᠠᠷᠢᠬᠤ ᠳᠤ᠂ ᠠᠷᠪᠠᠨ ᠬᠤᠶᠠᠷ ᠱᠠᠭᠠ ᠪᠠᠷ ᠮᠣᠷᠢ | ᠬᠠᠶᠠᠬᠤ ᠨᠠᠭᠠᠳᠤᠮ ᠪᠠᠶᠢᠳᠠᠭ᠃ ᠡᠨᠡ ᠴᠢᠨᠢ ᠭᠡᠦᠭᠡᠳ ᠲᠤ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠲᠠᠰ ᠳᠠᠷᠠᠭᠠᠯᠠᠯ ᠢ ᠮᠡᠳᠡᠬᠦᠯᠵᠦ | ᠪᠠᠶᠢᠭᠠ ᠶᠠᠪᠤᠳᠠᠯ ᠶᠤᠮ᠃ ᠱᠠᠭᠠ ᠲᠠᠢ ᠭᠠᠷ ᠢᠶᠠᠷ ᠢᠶᠠᠨ ᠱᠠᠭᠠ ᠲᠡᠭᠦᠵᠦ ᠪᠤᠯᠬᠤ ᠦᠭᠡᠢ ᠭᠡᠰᠡᠨ ᠴᠡᠭᠡᠷ ᠪᠠᠶᠢᠳᠠᠭ᠃ | ᠡᠨᠡ ᠴᠢᠨᠢ ᠦᠨᠡᠨ ᠳᠤ ᠪᠠᠨ ᠭᠠᠷ ᠲᠤ ᠪᠠᠨ ᠶᠠᠭᠤᠮᠠ ᠪᠠᠷᠢᠵᠦ ᠪᠠᠶᠢᠭᠠᠳ ᠥᠭᠡᠷᠡ ᠶᠠᠭᠤᠮᠠ ᠠᠪᠬᠤ ᠶᠢ | ᠴᠡᠭᠡᠷᠯᠡᠬᠦᠯᠦᠭᠰᠡᠨ ᠶᠠᠪᠤᠳᠠᠯ ᠶᠤᠮ᠃ ᠠᠯᠳᠠᠵᠦ ᠬᠠᠭᠠᠯᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠪᠠᠶᠢᠭᠠ ᠨᠢ ᠢᠯᠡᠭᠡᠨ᠃ ᠡᠶᠢᠮᠤ ᠠᠴᠠ | ᠱᠠᠭᠠ ᠨᠠᠭᠠᠳᠤᠭᠰᠠᠨ ᠭᠡᠦᠭᠡᠳ ᠭᠠᠷ ᠲᠤ ᠪᠠᠨ ᠶᠠᠭᠤᠮᠠ ᠪᠠᠷᠢᠵᠦ ᠪᠠᠶᠢᠭᠠᠳ ᠥᠭᠡᠷᠡ ᠶᠠᠭᠤᠮᠠ ᠶᠢ ᠠᠪᠬᠤ | ᠦᠭᠡᠢ ᠨᠢ ᠮᠡᠳᠡᠭᠡᠵᠢ᠃ ᠡᠳᠡᠭᠡᠷ ᠵᠦᠢᠯᠡᠰ ᠢ ᠦᠷᠡ ᠬᠤᠶᠢᠴᠢᠰ ᠲᠤ ᠪᠠᠨ ᠮᠡᠳᠡᠬᠦᠯᠬᠦ ᠨᠢ ᠴᠢᠬᠤᠯᠠ᠃ | ᠦᠨᠳᠦᠰᠦᠳᠡᠨ ᠤ ᠪᠠᠨ ᠰᠤᠶᠤᠯ ᠤᠷᠠᠯᠢᠭ ᠢ ᠤᠯᠠᠮᠵᠢᠯᠠᠨ ᠳᠡᠯᠭᠡᠷᠡᠬᠦᠯᠬᠦ ᠭᠡᠪᠠᠯ ᠴᠡᠪᠡᠷ ᠰᠠᠶᠢᠬᠠᠨ ᠢᠶᠠᠷ ᠨᠢ ᠤᠯᠠᠮᠵᠢᠯᠠᠨ | ᠮᠡᠳᠡᠬᠦᠯᠵᠦ᠂ ᠭᠤᠣᠯ ᠴᠦᠮᠠ ᠶᠢ ᠨᠢ ᠠᠯᠳᠠᠭᠳᠠᠭᠤᠯᠬᠤ ᠦᠭᠡᠢ ᠪᠠᠶᠢᠬᠤ ᠨᠢ ᠴᠢᠬᠤᠯᠠ᠃ ᠡᠳᠡᠭᠡᠷ ᠠᠵᠢᠯ ᠢ ᠬᠢᠬᠦ ᠳᠤ | ᠴᠠᠭ ᠬᠡᠷᠡᠭᠲᠡᠢ᠂ ᠰᠤᠳᠤᠯᠭᠠᠨ ᠬᠡᠷᠡᠭᠲᠡᠢ ᠁︾ ᠢ᠊ · ᠳᠦᠳᠦᠪ ᠭᠤᠸᠠᠢ ᠶᠢᠨ ᠱᠠᠭᠠ ᠨᠠᠭᠠᠳᠤᠮ ᠤᠨ ᠳᠣᠬᠠᠢ | ᠰᠡᠳᠬᠢᠵᠦ ᠪᠤᠳᠤᠭᠰᠠᠨ ᠵᠦᠢᠯᠡᠰ ᠢ ᠨᠢ ᠰᠤᠨᠤᠰᠤᠭᠠᠳ ᠰᠠᠭᠤᠬᠤ ᠳᠤ ᠵᠠᠩ ᠦᠢᠯᠡ ᠶᠢᠨ ᠬᠢᠴᠢᠶᠠᠯ ᠤᠷᠤᠭᠰᠠᠨ ᠰᠢᠭ᠋ | ᠮᠠᠷᠲᠠᠬᠳᠠᠵᠦ ᠭᠡᠭᠡᠭᠳᠡᠵᠦ ᠪᠠᠶᠢᠭᠠ ᠤᠯᠠᠨ ᠶᠠᠭᠤᠮᠠᠰ ᠰᠠᠨᠠᠭᠠᠨ ᠳᠤ ᠣᠷᠣᠬᠤ ᠶᠤᠮ᠃ ᠡᠳᠡᠭᠡᠷ ᠪᠤᠳᠤᠵᠦ ᠪᠠᠶᠢᠭᠠ | ᠵᠦᠢᠯᠡᠰ ᠢᠶᠠᠨ ᠪᠤᠳᠠᠳᠠᠢ ᠶᠠᠭᠤᠮᠠ ᠪᠤᠯᠭᠠᠬᠤ ᠭᠡᠵᠦ ᠲᠡᠷᠡ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠭᠠᠷᠠᠵᠦ ᠯᠡ ᠶᠠᠪᠤᠨᠠ᠃ | ᠤᠤᠯ ᠤᠨ ᠨᠠᠭᠠᠳᠬᠤ ᠠᠷᠭᠠ ᠶᠢ ᠰᠡᠷᠭᠦᠭᠡᠵᠦ᠂ ᠶᠣᠰᠣ ᠵᠠᠩ ᠢ ᠨᠢ ᠮᠡᠳᠡᠬᠦ ᠠᠴᠠ ᠠᠰᠳᠠᠭᠠᠨ ᠣᠳᠣᠬᠠᠨ ᠤ | ᠨᠠᠭᠠᠳᠴᠤ ᠪᠠᠶᠢᠭᠠ ᠬᠥᠮᠦᠰ ᠨᠢ ᠢᠳᠡᠷ ᠨᠠᠰᠤᠨ ᠤ ᠮᠠᠯᠴᠢᠳ ᠭᠤᠤᠯᠳᠠᠭᠤ ᠪᠠᠶᠢᠳᠠᠭ ᠨᠢ ᠳᠦᠳᠦᠪ ᠤᠨ ᠰᠠᠨᠠᠭᠠ | ᠪᠣᠯᠵᠦ ᠪᠠᠶᠢᠭᠠ ᠪᠠᠰᠠ ᠨᠢᠭᠡ ᠠᠰᠠᠭᠤᠳᠠᠯ ᠪᠠᠶᠢᠯᠠ᠃ ᠱᠠᠭᠠ ᠨᠠᠭᠠᠳᠤᠮ ᠢ ᠶᠠᠷᠦᠨᠢ ᠭᠡᠦᠭᠡᠳ ᠭᠤᠤᠯᠴᠠᠭᠤ | ᠨᠠᠭᠠᠳᠳᠠᠭ ᠪᠤᠯᠪᠠᠴᠤ ᠵᠠᠯᠠᠭᠤᠴᠤᠳ᠂ ᠢᠳᠡᠷᠴᠤᠳ᠂ ᠪᠤᠭᠤᠷᠤᠯᠴᠤᠳ ᠭᠡᠰᠡᠨ ᠦᠭᠡᠢ ᠬᠦᠢᠰᠦ ᠢᠯᠭᠠᠯ ᠦᠭᠡᠢ | ᠨᠠᠭᠠᠳᠤᠭᠰᠠᠭᠠᠷ ᠦᠨᠦᠳᠦᠷ ᠬᠦᠷᠦᠭᠰᠡᠨ ᠶᠤᠮ᠃ ᠭᠡᠬᠦ ᠳᠤ ᠣᠳᠣ ᠪᠣᠯᠬᠤ ᠳᠤ ᠱᠠᠭᠠ ᠨᠠᠭᠠᠳᠤᠮ ᠤᠨ ᠭᠤᠣᠯ ︽ | ᠴᠡᠷᠢᠭ︾ ᠪᠣᠯᠬᠤ ᠭᠡᠦᠭᠡᠳ ᠤᠳ ᠨᠠᠭᠠᠳᠬᠤ ᠪᠠᠨ ᠪᠤᠯᠢᠬᠰᠠᠨ ᠪᠤᠶᠤ ᠴᠦᠭᠡᠷᠡᠵᠦ ᠪᠠᠶᠢᠭᠠ ᠨᠢ ᠡᠨᠡᠬᠦ ᠨᠠᠭᠠᠳᠤᠮ ᠤᠨ | ᠤᠯᠠᠮᠵᠢᠯᠠᠯ ᠳᠡᠯᠭᠡᠷᠡᠬᠦᠯᠦᠯ ᠳᠤ ᠠᠰᠢᠭ ᠦᠭᠡᠢ ᠪᠣᠯᠬᠤ ᠨᠢ ᠮᠡᠳᠡᠭᠡᠵᠢ᠃ ᠳᠠᠬᠢᠪᠠᠯ ᠤᠯᠠᠩᠬᠢ ᠭᠠᠵᠠᠷ ᠭᠠᠭᠴᠠ | ᠬᠤᠶᠠᠷ ᠳᠦᠷᠦᠯ ᠤᠨ ᠱᠠᠭᠠ ᠨᠠᠭᠠᠳᠤᠮ ᠨᠠᠭᠠᠳᠴᠣ ᠪᠠᠶᠢᠭᠠ ᠪᠣᠯᠬᠤᠷ ᠤᠤᠯ ᠨᠠᠭᠠᠳᠤᠮ ᠤᠨ ᠵᠦᠢᠯᠡᠰ ᠢ ᠰᠡᠷᠭᠦᠭᠡᠨᠡ | ᠭᠡᠳᠡᠭ ᠨᠡᠩ ᠬᠦᠴᠢᠷ ᠠᠵᠢᠯ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠶᠠᠷᠦᠨᠢ ᠪᠢᠳᠡᠨ ᠤ ᠬᠠᠵᠠᠭᠤ ᠳᠤ ᠨᠢᠭᠡ ᠵᠦᠢᠯ ᠤᠨ ᠶᠠᠭᠤᠮᠠ | ᠭᠡᠭᠡᠭᠳᠡᠵᠦ ᠪᠠᠶᠢᠨᠠ ᠭᠡᠳᠡᠭ ᠨᠢ ᠲᠡᠬᠦᠨ ᠲᠠᠢ ᠬᠤᠯᠪᠤᠭᠠ ᠲᠠᠢ ᠤᠯᠠᠨ ᠰᠤᠶᠤᠯ ᠮᠠᠷᠲᠠᠬᠳᠠᠯᠠ ᠭᠡᠰᠡᠨ ᠦᠭᠡ᠃ | ᠳᠡᠭᠡᠬᠦ ᠪᠠᠷ ᠰᠢᠨᠡ ᠴᠠᠭ ᠦᠶᠡ ᠳᠤ ᠦᠪᠠᠷ ᠤᠨ ᠤᠤᠭᠠᠯ ᠰᠤᠶᠤᠯ ᠢᠶᠠᠨ ᠶᠠᠭᠠᠬᠢᠵᠦ ᠤᠯᠠᠮᠵᠢᠯᠠᠵᠦ ᠬᠦᠭᠵᠢᠬᠦᠯᠵᠦ | ᠶᠠᠪᠤᠬᠤ ᠶᠢ ᠪᠤᠳᠤᠵᠦ ᠶᠠᠪᠤᠳᠠᠭ ᠢ᠊ · ᠳᠦᠳᠦᠪ ᠭᠤᠸᠠᠢ ᠰᠢᠭ᠋ ᠬᠦᠮᠦᠰ ᠣᠯᠠᠨ ᠪᠤᠯᠤᠭᠠᠰᠠᠢ︕ | | | | | | | | | | | | | | | | |