ᠭᠤᠪᠢ ᠶᠢᠨ ᠲᠡᠮᠡᠭᠡ ᠪᠤᠯ ᠮᠠᠩᠬᠠᠨ ᠨᠤᠳᠤᠭ ᠤᠨ ᠬᠦᠮᠦᠰ ᠤᠨ ᠵᠠᠮ ᠬᠠᠷᠢᠯᠴᠠᠭᠠ ᠶᠢᠨ ᠲᠠᠯᠠ ᠪᠠᠷ ︽ᠡᠯᠡᠰᠤᠨ | ᠴᠦᠯ ᠤᠨ ᠵᠠᠪᠢ︾ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠲᠡᠭᠦᠨ ᠤ ᠨᠤᠤᠰᠤ᠂ ᠰᠦ᠂ ᠮᠢᠬᠠ᠂ ᠠᠷᠠᠰᠤ᠂ ᠶᠠᠰᠤ ᠨᠢ | ᠬᠦᠷᠳᠡᠯᠡ ᠬᠦᠮᠦᠰ ᠤᠨ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠬᠡᠷᠡᠭᠴᠡᠭᠡᠳᠤ ᠡᠷᠳᠡᠨᠢ ᠶᠢᠨ ᠵᠦᠢᠯ ᠪᠤᠯᠳᠠᠭ᠃ | ᠭᠠᠩᠭᠠᠩ ᠭᠤᠪᠢ ᠪᠠᠶᠢᠭᠠᠯᠢ ᠳᠠᠭᠠᠨ ᠵᠤᠬᠢᠴᠠᠭᠰᠠᠨ ᠭᠤᠪᠢ ᠶᠢᠨ ᠲᠡᠮᠡᠭᠡ ᠲᠤᠷᠭᠠᠨ ᠡᠯᠡᠰᠤᠨ ᠤ ᠪᠠᠨ | ᠦᠩᠭᠡ ᠲᠠᠢ ᠠᠳᠠᠯᠢᠬᠠᠨ ᠭᠠᠯ ᠰᠢᠷᠭᠠᠯ ᠨᠤᠤᠰᠤ ᠲᠠᠢ᠃ ᠨᠤᠤᠰᠤᠨ ᠤ ᠭᠠᠷᠤᠯᠳᠠ ᠶᠡᠭᠡ᠂ ᠲᠡᠮᠡᠭᠡ ᠪᠦᠷᠢ | ᠲᠡᠭᠰᠢᠳᠬᠡᠬᠡᠳ 8 ᠵᠢᠩ ᠳᠤ ᠬᠦᠷᠳᠡᠭ᠃ ᠨᠤᠤᠰᠤᠨ ᠳᠤᠨᠢ ᠨᠤᠯᠤᠤᠷ ᠤᠨ ᠠᠭᠤᠯᠤᠭᠳᠠᠴᠠ ᠶᠡᠭᠡ᠂ ᠦᠩᠭᠡ | ᠰᠠᠶᠢᠬᠠᠨ ᠠᠴᠠ ᠦᠨᠡ ᠴᠦ ᠦᠨᠳᠤᠷ ᠪᠠᠶᠢᠳᠠᠭ᠃ ᠳᠡᠮᠡᠭᠡᠨ ᠨᠤᠤᠰᠤᠨ ᠤ ᠬᠠᠷᠢᠮᠠᠬᠠᠢ ᠤᠶᠠᠨ ᠴᠢᠨᠠᠷ ᠨᠢ ᠬᠤᠨᠢᠨ | ᠨᠤᠤᠰᠤᠨ ᠠᠴᠠ ᠰᠠᠶᠢᠨ ᠲᠤᠯᠠ ᠲᠡᠭᠦᠨ ᠢᠶᠠᠷ ᠬᠢᠭᠰᠡᠨ ᠨᠡᠬᠡᠮᠡᠯ ᠬᠠᠨᠳᠠᠭᠠᠰᠤ᠂ ᠦᠮᠦᠳᠤ ᠨᠢ ᠶᠠᠩᠵᠤ ᠬᠡᠯᠪᠡᠷᠢ ᠪᠠᠷ | ᠭᠤᠶᠤ᠂ ᠡᠮᠦᠰᠬᠦ ᠳᠤ ᠵᠦᠬᠡᠯᠡᠨ᠂ ᠲᠤᠯᠠᠭᠠᠨ᠂ ᠨᠢᠮᠬᠡᠨ᠂ ᠬᠦᠩᠭᠡᠨ ᠮᠡᠳᠤ ᠶᠢᠨ ᠰᠠᠶᠢᠬᠠᠨ ᠤᠨᠴᠠᠯᠢᠭ ᠲᠠᠢ᠃ | ᠳᠡᠮᠡᠭᠡᠨ ᠨᠤᠤᠰᠤ ᠵᠤᠯᠤᠵᠤ ᠬᠢᠭᠰᠡᠨ ᠬᠦᠨᠵᠢᠯᠡ ᠲᠡᠪᠢᠰᠬᠡᠷ ᠨᠢ ᠴᠦ ᠵᠦᠬᠡᠯᠡᠨ᠂ ᠲᠤᠯᠠᠭᠠᠨ᠂ ᠬᠦᠩᠭᠡᠨ ᠮᠦᠷᠳᠡᠭᠡᠨ | ᠬᠦᠪᠦᠩ ᠢ ᠪᠤᠳᠤᠪᠠᠯ ᠪᠠᠬᠢᠯᠢᠭ᠌ ᠪᠠᠶᠢᠳᠠᠭ᠃ | ᠳᠡᠮᠡᠭᠡᠨ ᠤ ᠵᠤᠭᠳᠤᠷ ᠨᠤᠤᠰᠤ ᠪᠠᠷ ᠲᠠᠮᠤᠵᠤ ᠬᠢᠭᠰᠡᠨ ᠳᠡᠭᠡᠰᠤ ᠨᠢ ᠪᠤᠰᠤᠳ ᠶᠠᠮᠠᠷ ᠴᠦ ᠳᠡᠭᠡᠰᠤ ᠠᠴᠠ ᠪᠠᠬᠢ | ᠪᠠᠶᠢᠳᠠᠭ᠃ ᠴᠤᠯ ᠵᠤᠭᠳᠤᠷ ᠨᠤᠤᠰᠤ ᠪᠠᠷ ᠬᠢᠭᠰᠡᠨ ᠳᠡᠪᠢᠰᠬᠡᠷ ᠨᠢ ᠪᠦᠭᠡᠷᠡ ᠨᠢᠷᠤᠭᠤ᠂ ᠦᠶᠡ ᠬᠡᠰᠢᠬᠦᠦ ᠶᠢᠨ | ᠡᠪᠡᠳᠴᠢᠨ ᠤᠯᠬᠤ ᠶᠢ ᠰᠡᠷᠬᠡᠶᠢᠯᠡᠵᠤ ᠴᠢᠳᠠᠳᠠᠭ ᠤᠨᠴᠠᠭᠠᠢ ᠡᠳ᠋ ᠪᠤᠯᠬᠤ ᠶᠤᠮ᠃ ᠪᠠᠰᠠ ᠬᠦᠮᠦᠨ ᠤ ᠶᠠᠩᠵᠤ | ᠶᠠᠩᠵᠤ ᠶᠢᠨ ᠭᠤᠶᠤ ᠰᠠᠶᠢᠬᠠᠨ ᠬᠢᠮᠡᠯ ᠦᠰᠦ ᠰᠠᠬᠠᠯ ᠬᠢᠳᠡᠭ ᠠᠴᠠ ᠦᠨᠡ ᠨᠢ ᠨᠤᠤᠰᠤ ᠠᠴᠠ ᠪᠠᠨ ᠭᠤᠷᠪᠠ ᠳᠠᠬᠢᠨ | ᠦᠨᠡ ᠲᠠᠢ ᠪᠠᠶᠢᠳᠠᠭ᠃ | ᠲᠡᠭᠡᠷᠠ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠠᠴᠠ ᠬᠤᠶᠢᠰᠢ ᠠᠯᠠᠱᠠ ᠠᠶᠢᠮᠠᠭ ᠤᠨ ᠬᠤᠰᠢᠭᠤ ᠪᠤᠯᠭᠠᠨ ᠳᠤ ᠲᠡᠮᠡᠭᠡᠨ | ᠨᠤᠤᠰᠤᠨ ᠤ ᠦᠢᠯᠡᠳᠬᠦᠨ ᠢ ᠦᠢᠯᠡᠳᠪᠦᠷᠢᠯᠡᠬᠦ ᠦᠢᠯᠡᠳᠪᠦᠷᠢ ᠲᠠᠢ ᠪᠤᠯᠵᠤ᠂ ᠳᠡᠬᠡᠷᠡᠬᠢ ᠮᠡᠳᠤ ᠶᠢᠨ ᠲᠡᠮᠡᠭᠡᠨ | ᠨᠤᠤᠰᠤᠨ ᠤ ᠶᠠᠩᠵᠤ ᠶᠠᠩᠵᠤ ᠶᠢᠨ ᠰᠤᠳᠤᠨ ᠲᠠᠸᠠᠷ ᠢ ᠦᠢᠯᠡᠳᠪᠦᠷᠢᠯᠡᠵᠤ᠂ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠳᠤ | ᠪᠤᠷᠤᠯᠠᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠭᠧᠷᠮᠠᠨ᠂ ᠠᠩᠭ᠍ᠯᠢ᠂ ᠰᠸᠧᠳᠧᠨ᠂ ᠹᠷᠠᠨᠼᠢ᠂ ᠠᠦ᠋ᠰᠲᠷᠡᠯᠢᠶᠠ᠂ ᠶᠠᠫᠤᠨ | ᠵᠡᠷᠬᠡ ᠶᠢᠨ ᠤᠯᠤᠰ ᠲᠤ ᠭᠠᠷᠭᠠᠵᠤ ᠪᠤᠢ᠃ | ᠳᠡᠮᠡᠭᠡᠨ ᠤ ᠰᠦ ᠪᠤᠰᠤᠳ ᠠᠮᠢᠳᠠᠨ ᠤ ᠰᠦ ᠠᠴᠠ ᠢᠯᠡᠬᠦᠦ ᠴᠢᠨᠠᠷᠲᠡᠢ ᠪᠠᠶᠢᠬᠤ ᠶᠢ ᠤᠳᠤ ᠶᠢᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠰᠤᠳᠤᠯᠤᠯᠲᠠ ᠪᠠᠷ ᠨᠤᠳᠠᠯᠠᠵᠤ᠂ ᠡᠨᠡ ᠲᠤᠬᠠᠢ ᠰᠤᠷᠠᠭ ᠵᠠᠩᠬᠢ ᠮᠡᠳᠡᠭᠡ ᠡᠳᠤᠷ ᠢᠷᠡᠬᠦᠶᠡ | ᠤᠯᠠᠰᠢᠷᠠᠭᠰᠠᠨ ᠪᠠᠶᠢᠨᠠ᠃ | ᠳᠡᠮᠡᠭᠡᠨ ᠤ ᠰᠦ ᠨᠢ ᠪᠤᠰᠤᠳ ᠠᠮᠢᠳᠠᠨ ᠤ ᠰᠦᠨ ᠠᠴᠠ ᠳᠠᠪᠠᠭᠤ ᠰᠤᠪᠢᠯᠠᠯ ᠤᠨ ᠴᠢᠨᠠᠷ ᠲᠠᠢ ᠤᠴᠢᠷ | ᠮᠤᠩᠭᠤᠯᠴᠤᠳ ᠬᠡᠤᠬᠡᠳ ᠢᠶᠠᠨ ᠲᠡᠵᠢᠬᠡᠳᠡᠭ᠂ ᠳᠡᠵᠢᠬᠡᠭᠰᠡᠨ ᠬᠡᠤᠬᠡᠳ ᠨᠢ ᠬᠤᠳᠤᠭᠤᠳᠤᠨ ᠤ ᠰᠢᠩᠭᠡᠭᠡᠯᠳᠡ ᠰᠠᠶᠢᠳᠡᠢ | ᠪᠤᠯᠵᠤ᠂ ᠪᠡᠶᠡ ᠶᠢᠨ ᠺᠠᠯᠼ ᠳᠤᠳᠠᠭᠳᠠᠬᠤ ᠦᠭᠡᠢ᠂ ᠢᠳᠡᠷ ᠴᠢᠬᠢᠷᠠᠭ ᠪᠤᠯᠳᠠᠭ᠃ ᠮᠦᠨ ᠴᠦ ᠦᠳᠡᠯᠦᠭᠡ | ᠨᠠᠰᠤᠲᠠᠨ ᠢᠶᠠᠨ ᠲᠡᠮᠡᠭᠡᠨ ᠰᠦ ᠪᠠᠷ ᠰᠤᠪᠢᠯᠠᠵᠤ ᠰᠢᠩᠭᠡᠭᠡᠯᠳᠡ ᠶᠢ ᠨᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠰᠢᠮᠡ ᠳᠡᠵᠢᠬᠡᠯ | ᠬᠦᠷᠳᠡᠭᠡᠵᠤ᠂ ᠲᠠᠮᠢᠷ ᠴᠢᠳᠠᠯ ᠤᠷᠤᠭᠤᠯᠳᠠᠭ ᠲᠤᠷᠰᠢᠯᠭᠠ ᠲᠠᠢ ᠶᠤᠮ᠃ ᠢᠩᠭᠡᠨ ᠤ ᠬᠦᠬᠡᠷᠦᠬᠦᠯᠦᠭᠰᠡᠨ ᠰᠦ᠂ | ᠬᠤᠭᠤᠷᠮᠠᠭ ᠨᠢ ᠭᠤᠶᠢᠳᠠ ᠰᠠᠶᠢᠬᠠᠨ ᠤᠮᠳᠠᠭᠠᠨ ᠪᠢᠵᠠ᠃ ᠠᠳᠠᠭ ᠲᠠᠭᠠᠨ ᠲᠡᠮᠡᠭᠡᠨ ᠤ ᠰᠦ ᠪᠠᠷ ᠰᠦᠯᠡᠭᠰᠡᠨ ᠴᠠᠢ᠂ | ᠠᠶᠢᠷᠠᠭ ᠮᠢᠬᠠ ᠲᠠᠢ ᠭᠤᠯᠢᠷ ᠪᠤᠳᠠᠭᠠ ᠶᠢ ᠢᠳᠡᠵᠤ ᠦᠵᠡᠭᠰᠡᠨ ᠬᠦᠮᠦᠨ ᠪᠤᠯᠭᠠᠨ ᠲᠡᠭᠦᠨ ᠢ ᠭᠤᠪᠢ ᠶᠢᠨ | ᠤᠨᠴᠠ ᠶᠢᠨ ᠠᠮᠳᠠᠳᠤ ᠲᠦᠬᠦᠮ ᠬᠤᠭᠤᠯᠠ ᠤᠮᠳᠠᠭᠠᠨ ᠬᠡᠵᠤ ᠬᠡᠯᠡᠬᠦ ᠨᠢ ᠶᠠᠷᠢᠶᠠᠨ ᠦᠭᠡᠢ᠃ ᠪᠤᠰᠤᠳ ᠠᠯᠢᠪᠠ | ᠠᠮᠢᠳᠠᠨ ᠤ ᠰᠦ ᠶᠢ ᠬᠠᠯᠠᠭᠤᠨ ᠳᠤ ᠤᠳᠠᠭᠠᠨ ᠬᠠᠳᠠᠭᠠᠯᠠᠵᠤ ᠪᠤᠯᠳᠠᠭ ᠦᠭᠡᠢ᠂ ᠲᠤᠤᠷᠠ ᠪᠠᠨ ᠭᠠᠰᠢᠯᠳᠠᠭ᠃ ᠬᠡᠳᠡᠯᠡ | ᠲᠡᠮᠡᠬᠡᠨ ᠤ ᠰᠦ ᠲᠡᠶᠢᠮᠦ ᠪᠢᠰᠢ ᠶᠤᠮ᠃ ᠪᠠᠷᠤᠭᠲᠡᠢ ᠬᠠᠯᠠᠭᠤᠨ ᠳᠤ ᠭᠠᠰᠢᠯᠵᠤ ᠬᠤᠪᠢᠯᠳᠠᠭ ᠦᠭᠡᠢ ᠦᠪᠡᠷᠮᠢᠴᠡ | ᠤᠨᠴᠠᠯᠢᠭ ᠲᠠᠢ᠃ ᠬᠡᠬᠦ ᠳᠡᠭᠡᠨ ᠪᠠᠳᠡᠢ ᠶᠢᠨ ᠵᠢᠷᠠᠨ ᠤ ᠳᠡᠮᠡᠭᠡᠴᠢᠨ ᠠᠶᠢᠯ ᠡᠪᠤᠯ ᠬᠤᠷᠢᠶᠠᠭᠰᠠᠨ ᠲᠡᠮᠡᠬᠡᠨ ᠤ | ᠠᠶᠢᠷᠠᠭ ᠢᠶᠠᠨ ᠡᠯᠡᠰᠤᠨ ᠤ ᠲᠤᠤᠷᠠ ᠬᠦᠨ ᠪᠤᠯᠠᠵᠤ ᠬᠠᠳᠠᠭᠠᠯᠠᠭᠠᠳ ᠵᠢᠯ ᠭᠠᠷᠤᠢ ᠨᠦᠬᠡᠴᠡᠯᠡᠨ ᠢᠳᠡᠭᠰᠡᠨ ᠴᠦ ᠮᠦᠨ | ᠯᠡ ᠰᠢᠨᠡ ᠰᠤᠷᠭᠤᠭ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠭ᠃ ᠬᠠᠷᠢᠨ ᠪᠤᠰᠤᠳ ᠮᠠᠯ ᠤᠨ ᠠᠶᠢᠷᠠᠭ ᠢ ᠢᠩᠬᠢᠵᠤ ᠬᠠᠳᠠᠭᠠᠯᠠᠵᠤ | ᠢᠳᠡᠪᠡᠯ ᠪᠤᠯᠳᠠᠭ ᠦᠭᠡᠢ ᠪᠢᠯᠡ᠃ | ᠶᠡᠷᠤᠨᠢ ᠲᠡᠮᠡᠭᠡᠨ ᠤ ᠰᠦ᠂ ᠠᠶᠢᠷᠠᠭ᠂ ᠠᠭᠠᠷᠤᠤᠯ ᠢ ᠴᠠᠭᠠᠨ ᠢᠳᠡᠭᠡᠨ ᠤ ᠤᠬᠢ ᠬᠡᠵᠤ ᠬᠡᠯᠡᠵᠤ ᠪᠤᠯᠬᠤ ᠶᠤᠮ᠃ | ᠤᠴᠢᠷ ᠨᠢ ᠲᠡᠮᠡᠭᠡᠨ ᠤ ᠴᠠᠭᠠ ᠲᠠᠢ ᠢᠳᠡᠭᠡᠨ ᠤᠮᠳᠠᠭᠠᠨ ᠬᠦᠮᠦᠰ ᠤᠨ ᠡᠯᠳᠡᠪ ᠶᠠᠳᠠᠷᠠᠭᠠ ᠶᠢ ᠲᠠᠶᠢᠯᠬᠤ᠂ ᠬᠡᠳᠡᠰᠤ | ᠲᠤᠳᠤᠷ ᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ᠂ ᠬᠠᠪᠤᠩ ᠬᠠᠪᠤᠳᠠᠷ᠂ ᠴᠢᠬᠢᠭ ᠪᠠᠮ ᠤᠨ ᠡᠪᠡᠳᠴᠢᠨ ᠠᠴᠠ ᠰᠠᠯᠭᠠᠬᠤ᠂ ᠲᠠᠮᠢᠷ | ᠲᠡᠩᠬᠡᠬᠡ ᠨᠦᠬᠦᠬᠦ᠂ ᠪᠡᠶᠡ ᠲᠡᠩᠬᠡᠯᠡᠬᠦᠨ ᠴᠤᠭ ᠰᠦᠯᠳᠡ ᠲᠠᠢ ᠪᠤᠯᠭᠠᠳᠠᠭ᠃ ᠳᠡᠮᠡᠭᠡᠨ ᠤ ᠰᠦ ᠶᠢ ᠦᠷᠬᠦᠯᠵᠢ | ᠢᠳᠡᠵᠤ ᠤᠤᠭᠤᠪᠠᠯ ᠠᠭᠤᠰᠬᠢᠨ ᠤ ᠰᠦᠷᠢᠶᠡ ᠡᠪᠡᠳᠴᠢᠨ᠂ ᠴᠢᠰᠦᠨ ᠲᠠᠷᠤᠯᠳᠠ ᠦᠨᠳᠦᠷ ᠡᠪᠡᠳᠴᠢᠨ᠂ ᠰᠢᠬᠢᠷ | ᠰᠢᠵᠢᠩ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠵᠢᠴᠢ ᠬᠤᠳᠤᠭᠤᠳᠤᠨ ᠤ ᠰᠢᠩᠭᠡᠭᠡᠯᠳᠡ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠪᠠ ᠵᠢᠷᠤᠭᠡᠨ ᠤ | ᠲᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠳᠤ ᠲᠤᠰᠠ ᠲᠠᠢ ᠪᠠᠶᠢᠳᠠᠭ᠃ | ᠡᠭᠦᠨ ᠤ ᠨᠢᠭᠤᠴᠠ ᠨᠢ ᠲᠡᠭᠦᠨ ᠳᠤ ᠡᠳᠡᠭᠡᠷ ᠡᠪᠡᠳᠴᠢᠨ ᠡᠮᠬᠡᠭ ᠢ ᠵᠠᠰᠠᠬᠤ ᠡᠮ ᠤᠨ ᠡᠯᠧᠮᠧᠨ᠋ᠲ ᠲᠠᠢ ᠪᠠᠷ | ᠪᠠᠷᠠᠬᠤ ᠦᠭᠡᠢ ᠰᠢᠮᠡ ᠲᠡᠵᠢᠬᠡᠯ ᠤᠨ ᠡᠷᠤᠳᠡᠰᠤ ᠸᠢᠲ᠋ᠠᠮᠢᠨ ᠤ ᠲᠦᠷᠦᠯ ᠵᠦᠢᠯ ᠠᠷᠪᠢᠨ ᠠᠭᠤᠯᠤᠭᠳᠠᠵᠤ ᠪᠠᠶᠢᠭᠠ ᠳᠤ | ᠪᠤᠢ ᠬᠡᠰᠡᠨ ᠢ ᠡᠸᠦ᠋ᠷᠤᠫᠠ ᠶᠢᠨ ᠤᠯᠤᠰ ᠤᠳ ᠨᠢᠭᠡᠨᠳᠡ ᠰᠤᠳᠤᠯᠵᠤ ᠮᠡᠳᠡᠭᠰᠡᠨ ᠪᠠᠶᠢᠨᠠ᠃ ᠮᠦᠨ ᠴᠦ ᠡᠨᠡ ᠲᠤᠬᠠᠢ | ᠠᠯᠢ ᠡᠷᠲᠡ ᠮᠤᠩᠭᠤᠯᠴᠤᠳ ᠲᠡᠮᠡᠭᠡᠨ ᠰᠦ ᠪᠠᠷ ᠪᠠᠳᠠᠬᠢ ᠡᠪᠡᠳᠴᠢᠨ ᠢ ᠵᠠᠰᠠᠵᠤ ᠪᠠᠶᠢᠭᠰᠠᠨ ᠢ ︽ᠲᠠᠶᠠᠨ ᠬᠠᠭᠠᠨ | ᠪᠠᠳᠠᠬᠢ ᠡᠪᠡᠳᠴᠢᠨ ᠲᠠᠢ ᠪᠤᠯᠤᠭᠰᠠᠨ ᠠᠵᠤᠭᠤ᠃ ᠲᠡᠷᠡ ᠡᠪᠡᠳᠴᠢᠨ ᠢ ᠴᠠᠭᠠᠨ ᠲᠡᠮᠡᠭᠡᠨ ᠤ ᠰᠦ ᠪᠠᠷ ᠭᠤᠷᠪᠠᠨ | ᠮᠦᠩᠭᠦᠨ ᠠᠶᠠᠭᠠ ᠴᠤᠭᠤᠷᠠᠳᠠᠯᠠ ᠢᠯᠢᠨ ᠡᠮᠨᠡᠪᠡ᠃ ᠳᠡᠭᠡᠵᠤ ᠡᠮᠨᠡᠭᠰᠡᠨ ᠴᠦ ᠵᠠᠮᠠᠭ ᠮᠡᠳᠤ ᠲᠤᠯᠤᠭᠠᠨ ᠬᠡᠰᠡᠭ | ᠡᠪᠡᠳᠴᠢᠨ ᠤᠨᠠᠵᠤ ᠰᠠᠶᠢᠨ ᠪᠤᠯᠪᠠ︾ ᠬᠡᠵᠤ ᠮᠤᠩᠭᠤᠯ ᠤᠨ ᠲᠡᠤᠬᠡ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠭᠰᠡᠨ | ᠪᠠᠶᠢᠳᠠᠭ᠃ | ᠦᠬᠡᠷ᠂ ᠬᠤᠨᠢ ᠢᠮᠠᠭᠠᠨ ᠤ ᠠᠶᠢᠷᠠᠭ ᠨᠢ ᠵᠠᠷᠢᠮ ᠳᠠᠭᠠᠨ ᠬᠦᠮᠦᠨ ᠤ ᠰᠢᠷᠠ ᠰᠦᠰᠦ ᠪᠤᠰᠬᠠᠳᠠᠭ ︵ᠰᠢᠷᠠ | ᠬᠤᠰᠤᠬᠤ︶ ᠪᠤᠯ ᠲᠡᠮᠡᠭᠡᠨ ᠤ ᠠᠶᠢᠷᠠᠭ ᠲᠡᠶᠢᠮᠦ ᠪᠢᠰᠢ᠂ ᠬᠡᠳᠤᠷᠬᠡᠢ ᠢᠰᠬᠦᠯᠡᠩ ᠪᠠᠶᠢᠭᠰᠠᠨ ᠴᠦ ᠰᠢᠷᠠ ᠰᠦᠰᠦ | ᠪᠤᠰᠬᠠᠬᠤ ᠦᠭᠡᠢ᠂ ᠬᠠᠷᠢᠨ ᠡᠳᠤᠷ ᠤᠨ ᠦᠯ ᠤᠮᠳᠠᠭᠠᠨ ᠪᠤᠯᠵᠤ᠂ ᠲᠡᠷᠡᠴᠢᠯᠡᠨ ᠠᠷᠢᠬᠢᠨ ᠤ ᠬᠤᠤᠷ ᠮᠡᠳᠤ ᠶᠢᠨ | ᠢᠳᠡᠰᠢ ᠤᠤᠭᠤᠰᠢ ᠶᠢᠨ ᠬᠤᠤᠷ ᠢ ᠲᠠᠶᠢᠯᠬᠤ ᠤᠨᠴᠠ ᠦᠢᠯᠡᠳᠤᠯ ᠲᠠᠢ᠃ ᠲᠡᠶᠢᠨ ᠬᠦ ︽ᠢᠩᠬᠡᠨ ᠤ ᠴᠠᠭᠠ ᠪᠤᠯ | ᠰᠦ ᠴᠦ ᠮᠦᠨ᠂ ᠡᠮ ᠴᠦ ᠮᠦᠨ᠂ ᠡᠮ ᠡᠮ ᠳᠡᠭᠡᠨ ᠬᠦᠮᠦᠨ ᠤ ᠪᠡᠶᠡ ᠳᠤ ᠡᠷᠳᠡᠨᠢ ᠮᠡᠳᠤ ᠴᠢᠬᠤᠯᠠ︾ ᠬᠡᠵᠤ | ᠮᠠᠯᠴᠢᠳ ᠮᠠᠨᠢ ᠬᠡᠯᠡᠳᠡᠭ ᠨᠢ ᠦᠨᠡᠨ᠃ | ᠭᠤᠪᠢ ᠪᠠᠶᠢᠭᠠᠯᠢ ᠶᠢᠨ ᠡᠪᠡᠰᠤᠨ ᠤ ᠰᠤᠷᠭᠤᠭ᠂ ᠤᠰᠤᠨ ᠤ ᠲᠤᠩᠭᠠᠯᠠᠭ ᠲᠤ ᠲᠦᠰᠢᠭᠯᠡᠨ ᠲᠦᠷᠦᠵᠤ ᠦᠰᠴᠤ | ᠶᠠᠪᠤᠳᠠᠭ ᠲᠡᠮᠡᠭᠡ ᠬᠡᠭᠴᠢ ᠠᠮᠢᠳᠠᠨ ᠤ ᠮᠢᠬᠠ ᠪᠠᠰᠠ ᠯᠠ ᠬᠤᠪᠤᠷ ᠰᠠᠶᠢᠬᠠᠨ ᠢᠳᠡᠭᠡᠨ ᠪᠢᠯᠡ᠃ ᠳᠡᠮᠡᠭᠡᠨ ᠮᠢᠬᠠᠨ ᠤ | ᠰᠢᠷᠬᠡᠭ ᠨᠢ ᠪᠦᠳᠦᠭᠦᠨ᠂ ᠦᠬᠡᠬᠦ ᠨᠢ ᠪᠠᠭᠠ᠂ ᠬᠠᠷᠠ ᠮᠢᠬᠠ ᠶᠡᠭᠡ ᠪᠠᠶᠢᠳᠠᠭ᠃ ᠨᠠᠰᠤ ᠪᠡᠶᠡ ᠬᠦᠢᠴᠡᠭᠰᠡᠨ ᠲᠡᠮᠡᠭᠡ | 250 — 350 ᠺᠢᠯᠦᠭᠷᠠᠮ ᠮᠢᠬᠠ ᠲᠠᠢ᠃ ᠮᠢᠬᠠᠨ ᠳᠤᠨᠢ ᠺᠠᠯᠢ᠂ ᠺᠠᠯᠼ᠂ ᠲᠡᠮᠤᠷ᠂ ᠮᠠᠭᠨᠢ᠂ ᠹᠤᠰᠹᠤᠷ | ᠵᠡᠷᠬᠡ ᠶᠢᠨ ᠤᠯᠠᠨ ᠡᠷᠤᠳᠠᠰᠤ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠪᠦᠬᠦ ᠲᠦᠷᠦᠯ ᠤᠨ ᠸᠢᠲ᠋ᠠᠮᠢᠨ ᠢᠶᠠᠷ ᠪᠤᠰᠤᠳ | ᠮᠠᠯ ᠤᠨ ᠬᠢ ᠠᠴᠠ ᠢᠯᠡᠬᠦᠦ ᠪᠠᠶᠢᠳᠠᠭ᠃ ᠬᠡᠬᠦ ᠳᠡᠭᠡᠨ ᠪᠠᠰᠠ ᠦᠬᠡᠷ ᠤᠨ ᠮᠢᠬᠠ ᠠᠴᠠ ᠢᠯᠭᠠᠭᠳᠠᠬᠤ ᠶᠠᠭᠤᠮᠠ | ᠦᠭᠡᠢ᠃ ᠢᠯᠠᠩᠭᠤᠶᠠ ᠲᠡᠮᠡᠭᠡᠨ ᠤ ᠪᠤᠷᠴᠠ ᠨᠢ ᠦᠬᠡᠷᠡ ᠮᠠᠯ ᠤᠨ ᠪᠤᠷᠴᠠ ᠠᠴᠠ ᠰᠠᠶᠢᠬᠠᠨ ᠠᠮᠳᠠᠳᠠᠢ ᠬᠡᠵᠤ | ᠬᠡᠯᠡᠬᠦ ᠳᠤ ᠶᠠᠭ ᠠᠬᠠᠳᠠᠬᠤ ᠪᠠᠷ ᠦᠭᠡᠢ᠃ | ᠲᠡᠮᠡᠬᠡᠨ ᠮᠢᠬᠠ ᠪᠠᠷ ᠬᠢᠭᠰᠡᠨ ᠪᠠᠩᠰᠢ ᠴᠦ ᠦᠬᠡᠷᠡ ᠮᠠᠯ ᠤᠨ ᠮᠢᠬᠠᠨ ᠤ ᠪᠠᠩᠰᠢ ᠠᠴᠠ ᠰᠠᠶᠢᠬᠠᠨ ᠠᠮᠳᠠᠳᠡᠢ | ᠪᠤᠯᠳᠠᠭ᠃ ᠲᠡᠮᠡᠭᠡᠨ ᠤ ᠲᠠᠪᠠᠭ᠂ ᠪᠦᠬᠦ᠂ ᠬᠡᠯᠡ ᠨᠢ ᠨᠠᠷᠡᠳᠤ ᠠᠮᠳᠠᠳᠡᠢ ᠨᠤᠭᠤᠭᠠ ᠵᠠᠭᠤᠰᠢ ᠪᠤᠯᠵᠤ᠂ ᠤᠳᠤᠨ | ᠲᠡᠰ ᠤᠨ ᠬᠤᠭᠤᠯᠠᠨ ᠬᠡᠷ ᠲᠤ ᠨᠢᠭᠡ ᠫᠢᠯᠠ ᠲᠡᠮᠡᠭᠡᠨ ᠲᠠᠪᠠᠭ ᠤᠨ ᠵᠠᠭᠤᠰᠢ ᠶᠢᠨ ᠦᠨᠡ ᠴᠦ ᠦᠨᠳᠦᠷ᠂ ᠲᠡᠯᠡᠭᠡᠢ ᠳᠤ | ᠠᠯᠳᠠᠷᠲᠡᠢ ᠪᠠᠭᠠᠪᠠᠭᠠᠢ ᠶᠢᠨ ᠲᠠᠪᠠᠭ ᠲᠠᠢ ᠲᠡᠩᠴᠡᠬᠦᠦ ᠵᠠᠭᠤᠰᠢ ᠪᠤᠯᠬᠤ ᠶᠤᠮ᠃ | ᠳᠡᠮᠡᠭᠡᠨ ᠤ ᠠᠷᠠᠰᠤ ᠪᠤᠯ ᠮᠦᠨ ᠯᠠ ᠪᠤᠰᠤᠳ ᠮᠠᠯ ᠤᠨ ᠠᠷᠠᠰᠤ ᠲᠠᠢ ᠠᠳᠠᠯᠢ ᠠᠷᠠᠰᠤ ᠰᠢᠷᠢ ᠶᠢᠨ | ᠦᠢᠯᠡᠳᠪᠦᠷᠢ ᠶᠢᠨ ᠴᠢᠬᠤᠯᠠ ᠲᠦᠬᠦᠭᠡᠢ ᠮᠠᠲ᠋ᠧᠷᠢᠶᠠᠯ ᠪᠤᠯᠬᠤ ᠲᠤᠯᠠ ᠠᠷᠠᠰᠤᠨ ᠱᠠᠬᠠᠢ ᠭᠤᠳᠤᠯ᠂ ᠬᠦᠯᠢᠮ ᠰᠤᠷ | ᠵᠡᠷᠭᠡ ᠶᠢᠨ ᠠᠷᠠᠰᠤᠨ ᠡᠳ᠋ᠯᠡᠯ ᠢ ᠦᠢᠯᠡᠳᠪᠦᠷᠢᠯᠡᠵᠤ ᠪᠤᠯᠳᠠᠭ᠃ ᠲᠡᠮᠡᠭᠡᠨ ᠶᠠᠰᠤ ᠪᠠᠷ ᠪᠠᠰᠠ ᠤᠯᠠᠨ ᠵᠦᠢᠯ ᠤᠨ | ᠶᠠᠰᠤᠨ ᠤᠷᠠᠯᠠᠯ ᠤᠨ ᠰᠤᠳᠤᠨ ᠪᠦᠳᠦᠬᠡᠭᠳᠡᠬᠦᠨ ᠬᠢᠵᠤ ᠪᠠᠶᠢᠳᠠᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠬᠢᠮᠢ ᠶᠢᠨ ᠦᠢᠯᠡᠳᠪᠦᠷᠢ ᠳᠤ | ᠬᠡᠷᠡᠭᠰᠡᠬᠦ ᠲᠦᠬᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠤᠯᠳᠠᠭ᠃ ᠶᠡᠷᠤᠨᠢ ᠲᠡᠮᠡᠬᠡᠨ ᠤ ᠬᠤᠷᠭᠤᠯ ᠨᠢ ᠴᠦ ᠮᠠᠯᠴᠢᠳ ᠤᠨ ᠭᠤᠤᠯ | ᠲᠦᠯᠡᠰᠢ ᠶᠢᠨ ᠨᠢᠭᠡ ᠪᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠃ |