3 ᠳ᠋ᠤᠭᠠᠷ ᠰᠠᠷᠠ ᠶᠢᠨ 28 ᠤ ᠡᠳᠤᠷ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠡᠵᠢᠨᠠᠭᠤᠷ ᠪᠠᠯᠭᠠᠰᠤᠨ ᠳᠤ | ᠪᠠᠶᠢᠷᠢᠯᠡᠵᠤ ᠪᠠᠶᠢᠭᠠ ᠡᠵᠢ ᠶᠢᠨ ᠭᠤᠪᠢ ᠠᠮᠢᠳᠤ ᠮᠠᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠵᠠᠬᠠ ᠳᠤ ᠭᠠᠳᠠᠨᠠ ᠳᠤᠳᠤᠨᠠ ᠶᠢᠨ | ᠠᠷᠠᠯᠵᠢᠶᠠᠴᠢᠳ᠂ ᠮᠠᠯ ᠬᠤᠳᠠᠯᠳᠤᠬᠤ ᠪᠠᠷ ᠢᠷᠡᠭᠰᠡᠨ ᠮᠠᠯᠴᠢᠳ ᠴᠤᠬᠯᠠᠷᠠᠨ ᠦᠨᠡ ᠬᠠᠨᠭ᠍ᠰᠢ ᠬᠠᠶᠠᠯᠴᠠᠨ ᠮᠠᠯ ᠤᠨ | ᠠᠷᠠᠯᠵᠢᠶᠠ ᠭᠢᠭᠡᠳ ᠶᠠᠭᠠᠷᠠᠯᠳᠤᠨᠠ᠃ | ᠡᠵᠢ ᠶᠢᠨ ᠭᠤᠪᠢ ᠠᠮᠢᠳᠤ ᠮᠠᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠵᠠᠬᠠ ᠶᠢ ᠡᠵᠢᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠬᠠᠷᠠᠭᠠᠳᠤ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠵᠠᠯᠠᠭᠤ ᠮᠦᠡᠭᠭᠡᠪᠡᠳᠤ ᠨᠢᠳᠤᠨᠤᠨ ᠨᠡᠭᠡᠭᠡᠭᠰᠡᠨ ᠶᠤᠮ᠃ ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ ᠳᠤᠤᠷᠠ᠂ | ᠭᠦᠳᠡᠭᠡ ᠨᠤᠳᠤᠭ ᠢᠶᠠᠷ ᠶᠠᠪᠤᠬᠤ ᠮᠠᠯ ᠤᠨ ᠠᠷᠠᠯᠵᠢᠶᠠᠴᠢᠳ ᠴᠦᠭᠡᠨ ᠪᠤᠯᠤᠬᠰᠠᠨ ᠪᠠᠶᠢᠳᠠᠯ ᠳᠤᠤᠷᠠ ᠮᠠᠯᠴᠢᠨ | ᠮᠦᠡᠭᠭᠡᠪᠡᠳᠤ ᠮᠠᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠵᠠᠬᠠ ᠳᠡᠯᠭᠡᠭᠦᠷ ᠭᠠᠷᠭᠠᠵᠤ᠂ ᠮᠠᠯᠴᠢᠳ ᠲᠤ ᠲᠦᠭᠦᠮ ᠦᠵᠡᠭᠦᠯᠭᠦ ᠶᠢ | ᠪᠤᠳᠤᠬᠰᠠᠨ ᠪᠠᠶᠢᠯᠠ᠃ ︽ᠪᠢ ᠡᠨᠡᠭᠦ ᠠᠮᠢᠳᠤ ᠮᠠᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠵᠠᠬᠠ ᠳᠡᠯᠭᠡᠭᠦᠷ ᠢᠶᠠᠨ ᠨᠢᠳᠤᠨᠤᠨ ᠤ 5 | ᠳ᠋ᠤᠭᠠᠷ ᠰᠠᠷᠠ ᠳᠤ ᠠᠩᠬᠠ ᠨᠡᠭᠡᠭᠡᠭᠰᠡᠨ ᠶᠤᠮ᠃ ᠬᠠᠮᠤᠭ ᠤᠷᠢᠳᠠᠪᠠᠷ ᠪᠤᠳᠠ ᠮᠠᠯ ᠠᠷᠠᠯᠵᠢᠶᠠᠯᠠᠵᠤ ᠪᠠᠶᠢᠬᠰᠠᠨ ᠢᠶᠠᠨ | ᠰᠡᠭᠦᠯ ᠳᠤᠨᠢ ᠪᠤᠳᠠ ᠪᠤᠭ ᠮᠠᠯ ᠪᠦᠷ ᠠᠷᠠᠯᠵᠢᠶᠠᠯᠠᠬᠤ ᠪᠤᠯᠤᠬᠰᠠᠨ᠃ ᠨᠢᠳᠤᠨᠤᠨ ᠵᠢᠯ ᠮᠠᠨ ᠤ ᠠᠮᠢᠳᠤ ᠮᠠᠯ ᠤᠨ | ᠰᠤᠯᠢᠯᠴᠠᠭᠠᠨ ᠤ ᠵᠠᠬᠠ 45 ᠤᠳᠠᠭᠠᠨ ᠤ ᠰᠤᠯᠢᠯᠴᠠᠭᠠᠨ ᠤ ᠲᠠᠯᠠᠪᠠᠢ ᠶᠢ ᠵᠤᠭᠢᠶᠠᠨ ᠪᠠᠶᠢᠭᠤᠯᠵᠤ 5000 ᠭᠠᠷᠤᠢ | ᠪᠤᠳᠠ ᠮᠠᠯ᠂ 10000 ᠭᠠᠷᠤᠢ ᠪᠤᠭ ᠮᠠᠯ ᠤᠨ ᠰᠤᠯᠢᠯᠴᠠᠭᠠ ᠭᠢᠭᠰᠡᠨ᠃ ᠮᠠᠯᠴᠢᠳ ᠭᠡᠷ ᠤᠨ ᠭᠠᠳᠠᠨᠠ ᠪᠠᠨ | ᠬᠤᠳᠠᠯᠳᠤᠭᠰᠠᠨ ᠠᠴᠠ ᠪᠤᠳᠠ ᠪᠦᠷᠢ ᠲᠡᠭᠡᠷᠡ ᠠᠳᠠᠭ ᠲᠠᠭᠠᠨ 500 ᠲᠦᠭᠦᠷᠢᠭ᠂ ᠪᠤᠭ ᠪᠦᠷᠢ ᠲᠡᠭᠡᠷᠡ | ᠠᠳᠠᠭ ᠲᠠᠭᠠᠨ 20 ᠲᠦᠭᠦᠷᠢᠭ ᠢᠯᠡᠭᠦᠤ ᠬᠤᠳᠠᠯᠳᠤᠭᠰᠠᠨ ᠠᠴᠠ ᠮᠠᠯᠴᠢᠳ ᠲᠤ ᠨᠡᠶᠢᠳᠡ 270 ᠭᠠᠷᠤᠢ ᠲᠦᠮᠡᠨ | ᠲᠦᠭᠦᠷᠢᠭ ᠤᠨ ᠢᠯᠡᠭᠦᠤ ᠠᠰᠢᠭ ᠭᠦᠷᠳᠡᠭᠡᠭᠰᠡᠨ ᠪᠠᠶᠢᠨᠠ︾ ᠭᠡᠵᠤ ᠮᠠᠯᠴᠢᠨ ᠮᠦᠡᠭᠭᠡᠪᠠᠳᠤ ᠶᠠᠷᠢᠯᠠ᠃ ᠡᠨᠡ ᠡᠳᠤᠷ | ᠾᠧᠨᠠᠨ᠂ ᠾᠧᠪᠸᠢ᠂ ᠯᠢᠶᠤᠤᠨᠢᠩ᠂ ᠲᠦᠡᠭᠯᠢᠶᠤᠤ᠂ ᠭᠢᠨᠭ᠍ᠭᠠᠨ ᠵᠡᠷᠭᠡ ᠭᠠᠵᠠᠷ ᠠᠴᠠ 30 ᠭᠠᠷᠤᠢ ᠮᠠᠯ ᠤᠨ | ᠠᠷᠠᠯᠵᠢᠶᠠᠴᠢᠨ ᠢᠷᠡᠭᠰᠡᠨ ᠪᠦᠭᠡᠳ 60 ᠭᠠᠷᠤᠢ ᠮᠠᠯᠴᠢᠨ 200 ᠰᠢᠬᠠᠮ ᠮᠠᠯ ᠢᠶᠠᠨ ᠠᠷᠠᠯᠵᠢᠶᠠᠯᠠᠬᠤ ᠪᠠᠷ | ᠠᠪᠴᠢᠷᠠᠬᠰᠠᠨ ᠪᠠᠶᠢᠨᠠ᠃ ᠡᠵᠢᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠬᠠᠷᠠᠭᠠᠳᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠨᠠᠰᠤᠨᠪᠠᠶᠠᠷ ᠡᠨᠡ ᠡᠳᠤᠷ | ᠨᠢᠭᠡ ᠮᠤᠷᠢ᠂ ᠲᠦᠷᠪᠡᠨ ᠪᠢᠷᠠᠭᠤ ᠪᠠᠨ ᠬᠤᠳᠠᠯᠳᠤᠬᠤ ᠪᠠᠷ ᠠᠪᠴᠢᠷᠠᠵᠠᠢ᠃ ᠳᠡᠷᠡ ᠮᠤᠷᠢ ᠪᠠᠨ 5500 | ᠲᠦᠭᠦᠷᠢᠭ ᠢᠶᠠᠷ ᠵᠠᠷᠤᠬᠰᠠᠨ ᠢᠶᠠᠨ ᠲᠦᠷᠪᠠᠨ ᠪᠢᠷᠠᠭᠤ ᠪᠠᠨ ᠬᠤᠳᠠᠯᠳᠤᠬᠤ ᠭᠡᠵᠤ ᠮᠠᠶᠢᠮᠠᠶᠢᠴᠢᠳ ᠲᠠᠢ ᠦᠨᠡ | ᠬᠠᠶᠠᠯᠴᠠᠬᠰᠠᠨ ᠢᠶᠠᠨ ᠦᠨᠠ ᠳᠠᠭᠠᠷᠠᠬᠰᠠᠨ ᠦᠭᠡᠢ ᠪᠤᠯᠤᠯᠳᠠᠢ᠃ ᠲᠦᠷᠪᠡᠨ ᠪᠢᠷᠠᠭᠤ ᠪᠠᠨ ᠳᠡᠭᠡᠭᠡᠵᠤ ᠪᠠᠶᠢᠳᠠᠯᠠ ᠨᠢᠭᠡ | ᠮᠠᠯ ᠤᠨ ᠠᠷᠠᠯᠵᠢᠶᠠᠴᠢᠨ ᠢᠷᠡᠵᠤ ᠳᠡᠭᠦᠨ ᠲᠠᠢ ᠦᠨᠡ ᠬᠠᠶᠠᠯᠴᠠᠨ ᠪᠠᠶᠢᠬᠰᠠᠭᠠᠷ ᠳᠡᠭᠰᠢᠳᠭᠡᠭᠡᠳ ᠨᠢᠭᠡ | ᠪᠢᠷᠠᠭᠤ ᠶᠢ ᠨᠢ 6600 ᠲᠦᠭᠦᠷᠢᠭ ᠢᠶᠠᠷ ᠠᠪᠴᠢᠬᠠᠯᠠ᠃ ︽ᠦᠨᠦᠳᠦᠷ ᠠᠮᠢᠳᠤ ᠮᠠᠯ ᠤᠨ ᠵᠠᠬᠠ ᠳᠡᠭᠡᠷᠡ ᠢᠷᠡᠭᠡᠳ | ᠨᠢᠭᠡ ᠰᠤᠶᠤᠭᠠᠯᠠᠩ ᠮᠤᠷᠢ ᠪᠠᠨ 5500 ᠲᠦᠭᠦᠷᠢᠭ ᠢᠶᠠᠷ ᠵᠠᠷᠤᠵᠤ᠂ ᠲᠦᠷᠪᠡᠨ ᠦᠭᠢᠨ ᠪᠢᠷᠠᠭᠤ ᠪᠠᠨ 6600 | ᠲᠦᠭᠦᠷᠢᠭ ᠢᠶᠠᠷ ᠳᠡᠭᠰᠢᠯᠡᠭᠡᠳ ᠵᠠᠷᠤᠴᠢᠬᠠᠯᠠ᠃ ᠦᠨᠡ ᠬᠠᠨᠭ᠍ᠰᠢ ᠨᠢ ᠶᠡᠭᠡ ᠵᠦᠭᠡᠷ᠂ ᠪᠢ ᠡᠨᠡ ᠲᠦᠷᠪᠡᠨ | ᠪᠢᠷᠠᠭᠤ ᠪᠠᠨ ᠡᠭᠦᠳᠠᠨ ᠳᠤ ᠤᠴᠢᠬᠰᠠᠨ ᠠᠷᠠᠯᠵᠢᠶᠠᠴᠢᠨ ᠳᠤ ᠦᠵᠡᠭᠦᠯᠦᠭᠰᠡᠨ ᠳᠤ 6200 ᠲᠦᠭᠦᠷᠢᠭ ᠠᠴᠠ | ᠢᠯᠡᠭᠦᠤ ᠦᠨᠡ ᠦᠭᠭᠦᠭᠰᠡᠨ ᠦᠭᠡᠢ᠃ ᠦᠨᠦᠳᠦᠷ ᠠᠳᠡ ᠠᠪᠴᠢᠷᠠᠬᠰᠠᠨ ᠳᠤ ᠨᠢᠭᠡ ᠨᠢ ᠬᠠᠷᠢᠨ 6600 | ᠲᠦᠭᠦᠷᠢᠭ ᠭᠦᠷᠦᠭᠰᠡᠨ᠃ ᠶᠡᠷᠤᠨᠢ ᠮᠠᠨ ᠤ ᠭᠦᠳᠡᠭᠡ ᠨᠤᠳᠤᠭ ᠲᠤ ᠡᠶᠢᠮᠤ ᠨᠢᠭᠡ ᠠᠮᠢᠳᠤ ᠮᠠᠯ ᠤᠨ ᠠᠷᠠᠯᠵᠢᠶᠠᠨ ᠤ | ᠵᠠᠬᠠ ᠪᠠᠶᠢᠬᠤ ᠵᠦᠭᠡᠷ᠂ ᠮᠠᠯᠴᠢᠳ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠮᠠᠯ ᠢᠶᠠᠨ ᠵᠠᠷᠤᠴᠠᠭᠤᠯᠬᠤ ᠳᠤ ᠲᠦᠭᠦᠮ ᠪᠦᠭᠡᠳ | ᠮᠠᠯ ᠢᠶᠠᠨ ᠴᠤ ᠦᠨᠳᠦᠷ ᠦᠨᠡ ᠳᠤ ᠭᠦᠷᠭᠡᠵᠤ ᠴᠢᠳᠠᠨᠠ᠃ ᠨᠢᠳᠤᠨᠤᠨ ᠵᠢᠯ ᠪᠢ ᠬᠤᠷᠢᠭᠠᠳ ᠦᠭᠡᠷ ᠢᠶᠠᠨ ᠪᠦᠷ | ᠡᠨᠡ ᠠᠮᠢᠳᠤ ᠮᠠᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠵᠠᠬᠠ ᠳᠤ ᠠᠪᠴᠢᠷᠠᠵᠤ ᠬᠤᠳᠠᠯᠳᠤᠬᠰᠠᠨ᠂ ᠦᠨᠡ ᠬᠠᠨᠭ᠍ᠰᠢ ᠨᠢ ᠶᠡᠭᠡ | ᠵᠦᠭᠡᠷ︾ ᠭᠡᠵᠤ ᠮᠠᠯᠴᠢᠨ ᠨᠠᠰᠤᠨᠪᠠᠶᠠᠷ ᠶᠠᠷᠢᠨᠠ᠃ ᠮᠠᠯᠴᠢᠨ ᠦᠯᠵᠠᠶᠢᠪᠠᠶᠠᠷ᠂ ᠳᠡᠭᠰᠢᠪᠠᠶᠠᠷ ᠨᠠᠷ ᠦᠨᠦᠳᠦᠷ 26 | ᠭᠦᠭᠰᠢᠨ ᠬᠤᠴᠠ ᠪᠠᠨ ᠵᠠᠷᠤᠴᠠᠭᠤᠯᠬᠤ ᠪᠠᠷ ᠠᠪᠴᠢᠷᠠᠬᠰᠠᠨ ᠳᠤ ᠾᠧᠨᠠᠨ ᠮᠤᠵᠢ ᠶᠢᠨ ᠨᠢᠭᠡ ᠠᠷᠠᠯᠵᠢᠶᠠᠴᠢᠨ | ᠪᠦᠭᠦᠨ ᠢ ᠬᠤᠳᠠᠯᠳᠤᠨ ᠠᠪᠤᠬᠰᠠᠨ ᠪᠦᠭᠡᠳ ᠦᠨᠡ ᠬᠠᠨᠭ᠍ᠰᠢ ᠨᠢ ᠴᠤ ᠦᠨᠳᠦᠷ ᠪᠠᠶᠢᠵᠤ᠂ ᠬᠠᠮᠤᠭ ᠦᠨᠳᠦᠷ ᠨᠢ | 750 ᠲᠦᠭᠦᠷᠢᠭ ᠭᠦᠷᠴᠠᠢ᠃ ᠮᠠᠯᠴᠢᠳ ᠤᠯᠠᠩᠭᠢ ᠳᠠᠭᠠᠨ ᠨᠠᠮᠤᠷ ᠲᠠᠭᠠᠨ ᠮᠠᠯ ᠢᠶᠠᠨ ᠵᠠᠷᠤᠴᠠᠭᠤᠯᠵᠤ᠂ ᠪᠤᠰᠤᠳ | ᠤᠯᠠᠷᠢᠯ ᠳᠤ ᠮᠠᠯ ᠢᠶᠠᠨ ᠵᠠᠷᠤᠴᠠᠭᠤᠯᠬᠤ ᠨᠢ ᠬᠠᠷᠢᠴᠠᠩᠭᠤᠢ ᠪᠠᠷ ᠴᠦᠭᠡᠨ ᠪᠠᠶᠢᠵᠤ᠂ ᠤᠨᠴᠠᠭᠠᠢᠢᠯᠠᠨ ᠬᠠᠪᠤᠷ ᠤᠨ | ᠤᠯᠠᠷᠢᠯ ᠳᠤ ᠪᠠᠷᠤᠬᠳᠠᠢ ᠳᠤ ᠮᠠᠯ ᠵᠠᠷᠤᠴᠠᠭᠤᠯᠳᠠᠭ ᠦᠭᠡᠢ᠃ ᠭᠡᠳᠡᠯᠡ ᠤᠳᠤ ᠮᠠᠯᠴᠢᠳ ᠤᠨ ᠦᠵᠡᠯᠳᠡ ᠳᠠᠨᠢᠯᠳᠠ ᠳᠤ | ᠬᠤᠪᠢᠷᠠᠯᠳᠠ ᠭᠠᠷᠴᠤ᠂ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠮᠠᠯ ᠢᠶᠠᠨ ᠪᠤᠷᠤᠯᠠᠭᠤᠯᠬᠤ ᠪᠤᠯᠤᠬᠰᠠᠨ ᠭᠡᠳᠡᠭ ᠢ | ᠦᠨᠦᠳᠦᠷ ᠤᠨ ᠠᠮᠢᠳᠤ ᠮᠠᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠵᠠᠬᠠ ᠳᠡᠯᠭᠡᠭᠦᠷ ᠢᠶᠠᠷ ᠳᠤᠭᠤᠷᠢᠬᠤ ᠳᠤᠮᠳᠠ ᠪᠠᠨ ᠤᠢᠢᠯᠠᠭᠠᠵᠤ | ᠮᠡᠳᠡᠯᠡ᠃ ︽ᠦᠨᠦᠳᠦᠷ ᠮᠠᠨ ᠤ ᠠᠮᠢᠳᠤ ᠮᠠᠯ ᠤᠨ ᠵᠠᠬᠠ ᠳᠤ ᠮᠠᠯᠴᠢᠳ 200 ᠰᠢᠬᠠᠮ ᠮᠠᠯ ᠠᠪᠴᠢᠷᠠᠵᠤ᠂ 57 | ᠦᠭᠡᠷ᠂ ᠠᠷᠪᠠᠭᠠᠳ ᠠᠳᠤᠭᠤ᠂ 26 ᠬᠤᠴᠠ ᠵᠠᠷᠤᠵᠤ ᠪᠠᠷᠤᠭ ᠳᠠᠪᠢᠭᠠᠳ ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠠᠷᠠᠯᠵᠢᠶᠠ | ᠪᠦᠳᠦᠭᠰᠡᠨ᠃ ᠡᠨᠡ ᠨᠢ ᠮᠠᠨ ᠤ ᠮᠠᠯᠴᠢᠳ ᠤᠨ ᠦᠵᠡᠯᠳᠡ ᠳᠠᠨᠢᠯᠳᠠ ᠳᠤ ᠬᠤᠪᠢᠷᠠᠯᠳᠠ ᠲᠠᠢ ᠪᠤᠯᠵᠤ᠂ ᠵᠦᠪᠭᠡᠨ | ᠨᠠᠮᠤᠷ ᠯᠡ ᠮᠠᠯ ᠢᠶᠠᠨ ᠪᠤᠷᠤᠯᠠᠭᠤᠯᠳᠠᠭ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠮᠠᠯ ᠢᠶᠠᠨ | ᠪᠤᠷᠤᠯᠠᠭᠤᠯᠬᠤ ᠪᠤᠯᠤᠬᠰᠠᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠮᠠᠨ ᠤ ᠠᠮᠢᠳᠤ ᠮᠠᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠵᠠᠬᠠ ᠨᠢ ᠭᠠᠷᠠᠭ | ᠪᠤᠯᠭᠠᠨ ᠤ ᠭᠠᠷᠠᠭ ᠤᠨ ᠬᠤᠶᠠᠷ ᠪᠡ ᠭᠠᠷᠠᠭ ᠤᠨ ᠳᠠᠪᠤᠨ ᠳ᠋ᠤ᠋ ᠳᠤᠬᠳᠠᠬᠰᠠᠨ ᠬᠤᠭᠤᠴᠠᠭᠠ ᠲᠠᠢ ᠨᠡᠭᠡᠭᠡᠨᠡ᠃ | ᠳᠡᠶᠢᠮᠤ ᠠᠴᠠ ᠮᠠᠯᠴᠢᠳ ᠳᠤᠷᠠᠳᠠᠢ ᠴᠠᠭ ᠲᠠᠭᠠᠨ ᠪᠦᠷ ᠮᠠᠯ ᠢᠶᠠᠨ ᠵᠠᠷᠤᠴᠠᠭᠤᠯᠵᠤ ᠪᠤᠯᠤᠨᠠ︾ ᠭᠡᠵᠤ ᠮᠠᠯᠴᠢᠨ | ᠮᠦᠡᠭᠭᠡᠪᠠᠳᠤ ᠶᠠᠷᠢᠨᠠ᠃ | ᠭᠦᠳᠡᠭᠡ ᠨᠤᠳᠤᠭ ᠲᠤ ᠠᠮᠢᠳᠤ ᠮᠠᠯ ᠤᠨ ᠵᠠᠬᠠ ᠲᠠᠢ ᠪᠤᠯᠵᠤ᠂ ᠮᠠᠯᠴᠢᠳ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ | ᠮᠠᠯ ᠢᠶᠠᠨ ᠪᠤᠷᠤᠯᠠᠭᠤᠯᠬᠤ ᠪᠤᠯᠤᠬᠰᠠᠨ ᠨᠢ ᠮᠠᠯᠴᠢᠳ ᠤᠨ ᠤᠤᠯ ᠨᠢ ᠵᠦᠪᠭᠡᠨ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠮᠠᠯ ᠢᠶᠠᠨ | ᠵᠠᠷᠤᠴᠠᠭᠤᠯᠵᠤ ᠤᠷᠤᠯᠭᠠ ᠤᠯᠳᠠᠭ ᠪᠠᠶᠢᠳᠠᠯ ᠢ ᠬᠤᠪᠢᠷᠠᠭᠤᠯᠤᠨ᠂ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠪᠦᠷ ᠠᠰᠢᠬ | ᠤᠷᠤᠯᠭᠠ ᠡᠭᠦᠳᠭᠦ ᠪᠤᠯᠤᠮᠵᠢ ᠲᠠᠢ ᠪᠤᠯᠭᠠᠭᠰᠠᠨ ᠪᠠᠶᠢᠨᠠ᠃ ᠮᠠᠯᠴᠢᠳ ᠢᠡᠭᠭᠢᠵᠤ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ | ᠤᠷᠤᠯᠭᠠ ᠡᠭᠦᠳᠭᠦ ᠪᠤᠯᠪᠠᠯ ᠤᠷᠤᠯᠭᠠ ᠵᠠᠷᠤᠯᠭᠠ ᠪᠠᠨ ᠳᠡᠩᠴᠡᠭᠦᠯᠭᠦ ᠳᠤ ᠠᠰᠢᠬᠳᠠᠢ ᠪᠠᠶᠢᠵᠤ᠂ ᠡᠯᠳᠡᠪ ᠡᠰᠠ ᠶᠢᠨ | ᠵᠢᠭᠡᠯᠡᠯᠭᠡ ᠠᠪᠳᠠᠭ ᠪᠠᠶᠢᠳᠠᠯ ᠢᠶᠠᠨ ᠦᠭᠡᠶᠢᠰᠬᠡᠵᠤ ᠪᠤᠯᠤᠨᠠ᠃ |