| ᠮᠠᠯᠵᠢᠬᠤ ᠤᠷᠦᠨ ᠤ ᠠᠮᠢᠳᠤᠷᠠᠯ ᠤᠨ ᠬᠢᠷᠢ ᠲᠦᠪᠰᠢᠨ ᠲᠡᠰᠤᠷᠠᠯᠳᠠ ᠦᠬᠡᠢ ᠲᠡᠬᠡᠭᠰᠢᠯᠡᠬᠦ ᠶᠢ ᠲᠠᠭᠠᠯᠳᠦᠨ᠂ | ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠤᠳ ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ ᠰᠢᠨᠡ ᠬᠡᠯᠪᠡᠷᠢ ᠶᠢᠨ ᠮᠠᠰᠢᠨ | ᠮᠧᠬᠠᠨᠢᠭ ᠢᠶᠠᠷ ᠤᠷᠤᠯᠠᠭᠳᠠᠵᠦ᠂ ᠬᠦᠮᠦᠨ ᠤ ᠬᠦᠴᠦᠨ ᠳᠤ ᠶᠡᠬᠡᠭᠡᠨ ᠠᠷᠪᠢᠳᠠᠢ ᠪᠤᠯᠵᠠᠢ᠃ ᠵᠡᠬᠦᠨ ᠦᠵᠦᠮᠦᠴᠢᠨ | ᠬᠤᠰᠢᠭᠤᠨ ᠤ ᠡᠵᠢᠨᠠᠭᠤᠷ ᠪᠠᠯᠭᠠᠰᠦᠨ ᠤ ᠬᠠᠷᠠᠭᠤᠪᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠴᠢᠯᠠᠭᠤᠨᠳᠠᠪᠠᠬ᠋ᠠ ᠶᠢᠨ ᠰᠤᠳᠤᠯᠤᠨ | ᠦᠢᠯᠡᠳᠦᠭᠰᠡᠨ ᠨᠠᠷᠠᠨ ᠡᠨᠧᠷᠬᠢ ᠶᠢᠨ ᠬᠦᠳᠡᠯᠬᠡᠬᠦᠷᠳᠦ ᠪᠤᠷᠳᠤᠬ᠋ᠠ ᠠᠰᠬᠠᠬᠤ ᠮᠠᠰᠢᠨ ᠪᠤᠯᠤᠨ ᠡᠪᠡᠰᠦ ᠠᠷᠪᠢᠯᠠᠬᠤ | ᠲᠤᠭᠤᠷᠠᠭ ᠤᠡᠭᠭᠤᠴᠠ ᠨᠢ ᠬᠦᠳᠡᠯᠮᠤᠷᠢ ᠬᠦᠴᠦᠨ ᠳᠤ ᠠᠷᠪᠢᠳᠠᠢ᠂ ᠵᠤᠭᠤᠰ ᠮᠦᠡᠭᠬᠦᠨ ᠳᠤ ᠭᠠᠮᠳᠠᠢ᠂ ᠭᠡᠷᠡᠭᠯᠡᠬᠦ ᠳᠤ | ᠲᠦᠬᠦᠮ ᠵᠡᠷᠭᠡ ᠤᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠮᠠᠯᠴᠢᠨ ᠲᠦᠮᠡᠨ ᠳᠤ ᠶᠡᠬᠡᠬᠡᠨ ᠲᠠᠭᠠᠯᠠᠭᠳᠠᠵᠦ ᠪᠠᠶᠢᠨᠠ᠃ | ᠬᠠᠷᠠᠬᠠᠨ ᠪᠠᠬ᠋ᠠ ᠠᠴᠠ ᠪᠠᠨ ᠮᠠᠰᠢᠨ ᠮᠧᠬᠠᠨᠢᠭ ᠲᠤ ᠰᠤᠨᠢᠷᠬᠠᠯ ᠲᠠᠢ ᠴᠢᠯᠠᠭᠤᠨᠳᠠᠪᠠᠬ᠋ᠠ ᠡᠳᠦᠷ ᠲᠤᠳᠦᠮ ᠤᠨ | ᠠᠮᠢᠳᠤᠷᠠᠯ ᠲᠤᠮᠳᠠ ᠪᠠᠨ ᠶᠠᠭᠤ ᠨᠢᠬᠡ ᠶᠢ ᠰᠤᠳᠤᠯᠵᠦ ᠤᠷᠤᠯᠳᠤᠬᠤ ᠲᠤᠷᠠᠳᠠᠢ ᠪᠠᠶᠢᠵᠦ᠂ ᠮᠠᠰᠢᠨᠴᠢᠯᠡᠵᠦ | ᠲᠦᠬᠦᠮᠴᠢᠯᠡᠵᠦ ᠪᠤᠯᠬᠤᠶᠢᠴᠠ ᠵᠦᠢᠯ ᠤᠳ ᠢᠶᠠᠨ ᠡᠪ ᠳ᠋ᠦᠢ ᠶᠢ ᠨᠢ ᠦᠵᠡᠵᠦ ᠪᠠᠶᠢᠭᠠᠳ ᠤᠷᠤᠯᠳᠤᠨ ᠬᠢᠵᠦ᠂ | ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠴᠠᠭ ᠢ ᠠᠷᠪᠢᠯᠠᠨ ᠦᠷᠠ ᠠᠰᠢᠭ ᠢ ᠲᠡᠬᠡᠭᠰᠢᠯᠡᠬᠦᠯᠬᠦ ᠶᠢ ᠰᠡᠳᠬᠢᠳᠡᠭ᠃ | 2020 ᠤᠨ ᠳᠤ ᠲᠡᠷᠡ ᠬᠤᠶᠠᠷ ᠰᠠᠷᠠ ᠭᠠᠷᠦᠢ ᠶᠢᠨ ᠴᠠᠭ ᠬᠡᠷᠡᠭᠰᠡᠵᠦ ᠭᠤᠷᠪᠠᠨ ᠬᠦᠷᠳᠦᠳᠦ ᠴᠢᠶ᠋ᠢᠦ | ᠲᠤᠰᠳ ᠤ ᠲᠡᠷᠬᠡ ᠶᠢ ᠦᠬᠡᠷᠡᠴᠢᠯᠡᠨ ᠨᠠᠷᠠᠨ ᠡᠨᠧᠷᠬᠢ ᠶᠢᠨ ᠬᠦᠳᠡᠯᠬᠡᠬᠦᠷᠳᠦ ᠪᠤᠷᠳᠤᠬ᠋ᠠ ᠠᠰᠬᠠᠬᠤ ᠮᠠᠰᠢᠨ ᠪᠤᠯᠭᠠᠨ | ᠰᠤᠳᠤᠯᠦᠨ ᠪᠦᠳᠦᠬᠡᠵᠦ᠂ ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠠᠯ ᠳᠡᠭᠡᠨ ᠬᠡᠷᠡᠭᠯᠡᠪᠡ᠃ ᠡᠨᠡᠬᠦ ᠡᠬᠦᠳᠦᠨ ᠪᠦᠳᠦᠬᠡᠯᠳᠡ ᠨᠢ | 2022 ᠤᠨ ᠳᠤ ᠤᠯᠤᠰ ᠤᠨ ᠲᠤᠰᠬᠠᠢ ᠠᠰᠢᠭ ᠤᠨ ᠡᠷᠬᠡ ᠶᠢ ᠤᠯᠤᠭᠰᠠᠨ ᠪᠦᠬᠡᠳ ᠦᠨᠦ ᠵᠢᠯ ᠵᠡᠬᠦᠨ | ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠲᠦᠷᠪᠡᠳᠦᠬᠡᠷ ᠤᠳᠠᠭᠠᠨ ᠤ ︽ᠠᠨᠠᠨᠳᠠ︾ ᠬᠤᠨᠳᠠᠭᠠᠳᠦ ᠪᠦᠬᠦ ᠠᠷᠠᠳ ᠤᠨ | ᠰᠢᠨᠵᠢᠯᠡᠭᠡ ᠮᠡᠷᠬᠡᠵᠢᠯ ᠤᠨ ᠡᠬᠦᠳᠦᠨ ᠪᠦᠳᠦᠬᠡᠯᠳᠡ ᠶᠢᠨ ᠤᠷᠤᠯᠳᠤᠭᠠᠨ ᠤ ᠨᠡᠶᠢᠬᠡᠮ ᠤᠨ ᠲᠤᠭᠤᠶᠢᠯᠠᠩ ᠤᠨ | ᠨᠢᠬᠡᠳᠦᠬᠡᠷ ᠲᠡᠰ ᠲᠤ ᠲᠤᠳᠤᠷᠠᠵᠠᠢ᠃ | ︽ᠪᠤᠷᠳᠤᠬ᠋ᠠ ᠠᠰᠬᠠᠬᠤ ᠪᠤᠯ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠨᠢᠭᠡᠨ ᠬᠦᠨᠳᠦ ᠠᠵᠢᠯ ᠮᠦᠨ᠂ ᠮᠢᠨᠦ ᠡᠨᠡᠬᠦ | ᠨᠠᠷᠠᠨ ᠡᠨᠧᠷᠬᠢ ᠶᠢᠨ ᠪᠤᠷᠳᠤᠬ᠋ᠠ ᠠᠰᠬᠠᠬᠤ ᠮᠠᠰᠢᠨ ᠨᠢ ᠬᠦᠮᠦᠨ ᠤ ᠬᠦᠴᠦ᠂ ᠴᠠᠭ ᠢ ᠠᠷᠪᠢᠯᠠᠬᠤ ᠮᠦᠷᠳᠡᠬᠡᠨ | ᠲᠤᠰᠤ᠂ ᠴᠠᠬᠢᠯᠭᠠᠨ ᠬᠡᠷᠡᠭᠯᠡᠬᠦ ᠦᠬᠡᠢ ᠶᠤᠮ᠃ ᠲᠤᠰ ᠮᠠᠰᠢᠨ 800 ᠵᠢᠩ ᠪᠤᠷᠳᠤᠬ᠋ᠠ ᠰᠡᠪᠡᠯᠡᠵᠦ ᠲᠡᠶᠢᠯᠳᠡᠭ | ᠪᠦᠬᠡᠳ ᠬᠤᠶᠠᠷ ᠲᠦᠷᠦᠯ ᠤᠨ ᠪᠤᠷᠳᠤᠬ᠋ᠠ ᠶᠢ ᠵᠢᠭᠳᠡ ᠨᠡᠶᠢᠷᠠᠭᠤᠯᠤᠨ ᠠᠰᠬᠠᠵᠦ᠂ 500 ᠬᠤᠨᠢ ᠲᠡᠵᠢᠬᠡᠬᠦ | ᠪᠤᠷᠳᠤᠬ᠋ᠠ ᠶᠢ 2 ᠮᠢᠨᠦ᠋ᠲ ᠲᠤ ᠠᠰᠬᠠᠵᠦ ᠲᠠᠭᠤᠰᠬᠠᠳᠠᠭ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠲᠤᠰ ᠮᠠᠰᠢᠨ ᠪᠠᠰᠠ 50 | ᠮᠧᠲᠷ ᠤᠨ ᠬᠦᠨ ᠠᠴᠠ ᠤᠰᠤ ᠲᠠᠳᠠᠵᠦ ᠴᠢᠳᠠᠳᠠᠭ ᠠᠴᠠ ᠮᠠᠯ ᠢᠶᠠᠨ ᠪᠤᠷᠳᠤᠬᠤ ᠶᠢᠨ ᠲᠠᠭᠠᠦ ᠤᠰᠤᠯᠠᠴᠢᠬᠠᠳᠠᠭ︾ | ᠭᠡᠵᠦ ᠴᠢᠯᠠᠭᠤᠨᠳᠠᠪᠠᠬ᠋ᠠ ᠲᠠᠨᠢᠯᠴᠠᠭᠤᠯᠪᠠ᠃ | ᠤᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠲᠤᠰ ᠮᠠᠰᠢᠨ ᠨᠢ ᠭᠤᠷᠪᠠ ᠤᠳᠠᠭᠠᠨ ᠤ ᠰᠢᠨᠡᠴᠢᠯᠡᠯᠳᠡ ᠪᠠᠷ ᠲᠠᠮᠵᠢᠨ᠂ ᠬᠡᠷᠡᠭᠯᠡᠬᠦ ᠳᠤ | ᠲᠦᠬᠦᠮ᠂ ᠵᠢᠯᠦᠭᠤᠳᠬᠤ ᠳᠤ ᠠᠮᠠᠷᠬᠠᠨ᠂ ᠪᠤᠷᠳᠤᠬᠤ ᠶᠠᠪᠤᠴᠠ ᠬᠢᠯᠪᠡᠷ᠂ ᠬᠦᠳᠡᠯᠮᠦᠷᠢ ᠬᠦᠴᠦ ᠶᠢ ᠠᠷᠪᠢᠯᠠᠳᠠᠭ | ᠵᠡᠷᠬᠡ ᠰᠠᠶᠢᠨ ᠲᠡᠯᠠ ᠶᠢ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠠᠴᠠ ᠮᠠᠯᠴᠢᠳ ᠤᠨ ᠦᠢᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠶᠡᠬᠡᠬᠡᠨ | ᠲᠦᠬᠦᠮ ᠦᠵᠡᠬᠦᠯᠬᠦ ᠰᠢᠨᠡ ᠡᠬᠦᠳᠦᠯᠳᠡ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠴᠢᠯᠠᠭᠤᠨᠳᠠᠪᠠᠬ᠋ᠠ 2021 ᠤᠨ ᠳᠤ ᠪᠠᠰᠠ ᠦᠬᠡᠷ ᠲᠡᠵᠢᠬᠡᠬᠦ ᠡᠪᠡᠰᠦ ᠠᠷᠪᠢᠯᠠᠬᠤ ᠤᠡᠭᠭᠤᠴᠠ ᠶᠢ | ᠰᠤᠳᠤᠯᠤᠨ ᠪᠦᠳᠦᠬᠡᠵᠦ᠂ ᠲᠤᠰ ᠤᠡᠭᠭᠤᠴᠠ ᠨᠢ ᠬᠠᠮᠤᠭ ᠠᠷᠪᠢᠨ ᠳᠠᠭᠠᠨ 250 ᠺᠢᠯᠦᠭᠷᠠᠮ ᠡᠪᠡᠰᠦ ᠰᠠᠪᠠᠯᠠᠵᠦ᠂ | 10 ᠦᠬᠡᠷ ᠢ ᠵᠡᠷᠬᠡᠪᠡᠷ ᠲᠡᠵᠢᠬᠡᠵᠦ ᠪᠤᠯᠳᠠᠭ ᠪᠠᠶᠢᠵᠦ᠂ ᠪᠠᠭᠳᠠᠭᠠᠮᠵᠢ ᠨᠢ ᠶᠡᠭᠡ ᠤᠴᠢᠷ ᠠᠴᠠ ᠦᠬᠡᠷ ᠤᠨ ᠤᠷᠳᠦ | ᠬᠤᠭᠤᠴᠠᠬ᠋ᠠ ᠪᠠᠷ ᠢᠳᠡᠰᠢᠯᠡᠬᠦ ᠱᠠᠭᠠᠷᠳᠠᠯᠬ᠋ᠠ ᠶᠢ ᠬᠠᠨᠭ᠍ᠭᠠᠨ᠂ ᠬᠦᠮᠦᠨ ᠤ ᠬᠦᠴᠦ ᠶᠢ ᠠᠷᠪᠢᠯᠠᠬᠤ ᠮᠦᠷᠳᠡᠭᠡᠨ | ᠦᠬᠡᠷ ᠤᠳ ᠬᠤᠭᠤᠷᠤᠨᠳᠦ ᠪᠠᠨ ᠮᠦᠷᠬᠦᠯᠳᠦᠬᠦ ᠪᠠᠶᠢᠳᠠᠯ ᠠᠴᠠ ᠴᠤ ᠵᠠᠶᠢᠯᠠᠰᠬᠢᠳᠠᠭ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠲᠤᠰ | ᠤᠡᠭᠭᠤᠴᠠ ᠨᠢ ᠡᠪᠡᠰᠦ ᠲᠡᠵᠢᠬᠡᠯ ᠦᠯᠡᠳᠡᠬᠦ᠂ ᠲᠡᠪᠢᠰᠦᠭᠳᠡᠬᠦ ᠶᠢ ᠰᠡᠷᠬᠡᠶᠢᠯᠡᠨ᠂ ᠰᠠᠯᠬᠢᠨ ᠳᠤ ᠬᠡᠶᠢᠰᠬᠦ ᠦᠬᠡᠢ᠂ | ᠠᠷᠪᠢᠯᠠᠨ ᠭᠠᠮᠨᠠᠬᠤ ᠦᠢᠯᠡᠳᠦᠯ ᠲᠠᠢ ᠮᠦᠷᠳᠡᠬᠡᠨ ᠤᠭᠰᠠᠷᠠᠬᠤ ᠳᠤ ᠲᠦᠬᠦᠮ᠂ ᠵᠠᠳᠠᠯᠵᠦ ᠰᠠᠯᠭᠠᠵᠦ ᠪᠤᠯᠳᠠᠭ ᠪᠠᠶᠢᠵᠦ᠂ | ᠬᠦᠷᠳᠦ ᠲᠠᠢ ᠪᠠᠶᠢᠳᠠᠭ ᠠᠴᠠ ᠨᠡᠬᠦᠯᠬᠡᠵᠦ ᠰᠢᠯᠵᠢᠬᠦᠯᠵᠦ ᠪᠤᠯᠳᠠᠭ ᠪᠠᠶᠢᠨᠠ᠃ 2022 ᠤᠨ ᠠᠴᠠ ᠨᠠᠭᠠᠰᠢ | ᠴᠢᠯᠠᠭᠤᠨᠳᠠᠪᠠᠬ᠋ᠠ ᠦᠪᠡᠷ ᠤᠨ ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠠᠯ ᠤᠨ ᠴᠢᠯᠦᠬᠡ ᠵᠠᠪ ᠢᠶᠠᠷ ᠢᠶᠠᠨ ᠲᠦᠴᠢᠬᠡᠳ ᠡᠪᠡᠰᠦ | ᠠᠷᠪᠢᠯᠠᠬᠤ ᠤᠡᠭᠭᠤᠴᠠ ᠦᠢᠯᠡᠳᠦᠨ ᠪᠤᠷᠤᠯᠠᠭᠤᠯᠵᠦ᠂ ᠬᠠᠨᠭ᠍ᠭᠠᠯᠬ᠋ᠠ ᠨᠢ ᠬᠡᠷᠡᠭᠴᠡᠬᠡᠨ ᠳᠡᠭᠡᠨ ᠬᠦᠷᠬᠦ ᠦᠬᠡᠢ ᠪᠠᠶᠢᠪᠠ᠃ | 2023 ᠤᠨ ᠳᠤ ᠴᠢᠯᠠᠭᠤᠨᠳᠠᠪᠠᠬ᠋ᠠ ᠬᠤᠰᠢᠭᠤᠨ ᠤ ᠪᠠᠨ ᠬᠠᠮᠢᠶᠠ ᠪᠦᠬᠦᠢ ᠪᠠᠶᠢᠭᠤᠯᠬ᠋ᠠ ᠨᠢᠬᠡᠴᠢ ᠶᠢᠨ | ᠲᠡᠮᠵᠢᠯᠬᠡ ᠪᠠᠷ ︽ᠲᠠᠪᠠᠬ᠋ᠠ ᠰᠢᠨᠡ ᠡᠨᠧᠷᠬᠢ ᠶᠢᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢ︾ ᠪᠠᠨ ᠲᠠᠩᠰᠠᠯᠠᠭᠤᠯᠤᠨ ᠪᠠᠶᠢᠭᠤᠯᠵᠦ᠂ | ᠮᠠᠯᠴᠢᠨ ᠲᠦᠮᠡᠨ ᠤ ᠦᠢᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠲᠦᠬᠦᠮ ᠦᠵᠡᠬᠦᠯᠵᠦ ᠴᠢᠳᠠᠬᠤ ᠨᠡᠩ ᠤᠯᠠᠨ ᠰᠢᠨᠡ | ᠪᠦᠳᠦᠬᠡᠭᠳᠡᠬᠦᠨ ᠢ ᠦᠢᠯᠡᠳᠪᠤᠷᠢᠯᠡᠬᠦ ᠪᠠᠷ ᠴᠢᠷᠮᠠᠶᠢᠵᠦ ᠪᠠᠶᠢᠨᠠ᠃ | |