| ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠱᠠᠩᠲᠤ ᠶᠢᠨ ᠭᠤᠤᠯ ᠪᠠᠯᠭᠠᠰᠤᠨ ᠤ ᠬᠤᠸᠠᠩᠴᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ | ᠴᠤᠭᠲᠤ᠄ ︽ᠤᠶᠢᠷᠠᠬᠠᠨ ᠮᠠᠨ ᠤ ᠬᠢ ᠲᠡᠭᠡᠷᠡ ᠵᠢᠯ ᠤᠨ ᠬᠤᠸᠡᠰᠢ ᠡᠭᠦᠯᠳᠡᠷ ᠤᠨ ᠲᠤᠭᠤᠯ ᠢᠶᠠᠨ ᠡᠷᠡ ᠶᠢ ᠨᠢ | ᠦᠷᠡ ᠶᠢᠨ ᠮᠠᠯ ᠢᠶᠠᠷ ᠵᠠᠷᠤᠵᠤ᠂ ᠦᠬᠢᠨ ᠲᠤᠭᠤᠯ ᠢᠶᠠᠨ ᠲᠡᠭᠰᠢᠳᠬᠡᠭᠡᠳ 15000 ᠲᠦᠬᠦᠷᠢᠭ ᠢᠶᠠᠷ ᠭᠠᠲᠠᠨᠠ ᠶᠢᠨ | ᠮᠠᠶᠢᠮᠠᠶᠢᠴᠢᠨ ᠳᠤ ᠬᠤᠳᠠᠯᠳᠤᠵᠦ᠂ ᠰᠠᠶᠢᠨ ᠦᠨᠠ ᠬᠦᠷᠤᠯᠠ ᠬᠡᠵᠤ ᠪᠤᠲᠤᠵᠤ ᠪᠠᠶᠢᠨᠠ︾ ᠬᠡᠵᠤ ᠰᠡᠳᠬᠢᠯ | ᠬᠠᠨᠤᠮᠵᠢᠳᠠᠢ ᠶᠠᠷᠢᠨᠠ᠃ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠴᠢᠨᠠᠷ ᠰᠠᠶᠢᠳᠠᠢ ᠬᠦᠭᠵᠢᠯᠳᠡ ᠶᠢ | ᠠᠬᠢᠭᠤᠯᠤᠨ᠂ ᠮᠠᠯᠴᠢᠳ ᠤᠨ ᠤᠷᠤᠯᠭᠠ ᠶᠢ ᠨᠡᠮᠡᠭᠲᠡᠬᠦᠯᠬᠦ ᠶᠢᠨ ᠳᠦᠯᠦᠭᠡ᠂ ᠦᠭᠡᠷ ᠤᠨ ᠠᠵᠤ ᠦᠢᠯᠡᠰ ᠢ ᠡᠷᠴᠢᠮᠲᠠᠢ | ᠬᠦᠭᠵᠢᠬᠦᠯᠵᠤ᠂ ᠮᠠᠯ ᠤᠨ ᠡᠬᠦᠯᠲᠡᠷ ᠰᠠᠶᠢᠵᠢᠷᠠᠭᠤᠯᠤᠯᠳᠠ ᠶᠢ ᠴᠢᠩᠭᠠ ᠠᠳᠬᠤᠨ᠂ ︽ᠴᠦᠬᠡᠨ ᠮᠠᠯ ᠠᠴᠠ ᠦᠡᠲᠤᠷ | ᠦᠷᠡ ᠠᠰᠢᠬ ᠬᠦᠷᠳᠡᠬᠦ︾ ᠵᠠᠮ ᠢᠶᠠᠷ ᠵᠠᠮᠨᠠᠪᠠ᠃ ᠪᠦᠬᠦ ᠠᠶᠢᠮᠠᠭ ᠤᠨ ᠨᠢᠭᠡᠲᠤᠯᠲᠠᠢ ᠲᠤᠬᠢᠷᠠᠭᠤᠯᠭᠠ ᠪᠠᠷ ᠳᠤᠰ | ᠬᠤᠰᠢᠭᠤ 2005 ᠤᠨ ᠠᠴᠠ ᠦᠭᠡᠷ ᠤᠨ ᠢᠴᠡᠭᠡᠯ ᠦᠷᠡ ᠶᠢᠨ ᠬᠡᠬᠡᠯᠲᠤᠬᠦᠯᠭᠡ ᠶᠢᠨ ᠠᠵᠢᠯ ᠢ ᠠᠳᠬᠤᠨ᠂ | ᠤᠷᠢᠳ ᠬᠤᠵᠢᠳ 137 ᠲᠦᠮᠡ ᠭᠠᠷᠤᠢ ᠦᠨᠢᠶᠡᠨ ᠳᠤ ᠢᠴᠡᠬᠡᠯ ᠦᠷᠠ ᠶᠢᠨ ᠬᠡᠬᠡᠯᠲᠤᠬᠦᠯᠭᠡ ᠬᠢᠵᠤ᠂ ᠤᠳᠤ | ᠦᠭᠡᠷ ᠤᠨ ᠡᠬᠦᠯᠲᠡᠷ ᠰᠠᠶᠢᠵᠢᠷᠠᠭᠰᠠᠨ ᠨᠤᠷᠮᠠ 96% ᠬᠦᠷᠴᠤ᠂ 20 ᠭᠠᠷᠤᠢ ᠵᠢᠯ ᠤᠨ ᠲᠤᠷᠰᠢ 22 | ᠤᠲᠠᠭᠠ ᠶᠢᠨ ᠦᠭᠡᠷ ᠤᠨ ᠢᠴᠡᠬᠡᠯ ᠦᠷᠠ ᠶᠢᠨ ᠬᠡᠬᠡᠯᠲᠤᠬᠦᠯᠭᠡ ᠶᠢᠨ ᠮᠡᠷᠭᠡᠵᠢᠯ ᠤᠨ ᠪᠤᠯᠪᠠᠰᠤᠷᠠᠯ ᠤᠨ ᠠᠩᠬᠢ | ᠡᠷᠬᠢᠯᠡᠨ᠂ 1870 ᠮᠠᠯᠴᠢᠨ ᠮᠡᠷᠭᠡᠵᠢᠯᠲᠡᠨ ᠢ ᠬᠦᠮᠤᠵᠢᠬᠦᠯᠵᠡᠢ᠃ | ᠤᠲᠤᠬᠠᠨ ᠳᠤ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠦᠭᠡᠷ ᠤᠨ ᠲᠤᠭᠠ 30 ᠲᠦᠮᠨ ᠶᠢ ᠲᠠᠪᠠᠵᠤ᠂ | ᠡᠬᠦᠨ ᠳᠤ ᠡᠭᠡ ᠮᠠᠯ 20 ᠭᠠᠷᠤᠢ ᠲᠦᠮᠡ ᠪᠤᠢ᠃ ᠪᠦᠬᠦ ᠬᠤᠰᠢᠭᠤᠨ ᠤ ᠬᠡᠪᠴᠢᠶᠠᠨ ᠳᠤ ᠪᠡᠶᠡ ᠪᠠᠨ ᠲᠠᠭᠠᠭᠠᠵᠤ | ᠢᠴᠡᠬᠡᠯ ᠦᠷᠡ ᠶᠢᠨ ᠬᠡᠬᠡᠯᠲᠤᠬᠦᠯᠭᠡ ᠬᠢᠵᠤ ᠴᠢᠲᠠᠬᠤ ᠮᠠᠯᠴᠢᠨ ᠮᠡᠷᠭᠡᠵᠢᠯᠲᠡᠨ 500 ᠪᠤᠯᠵᠦ᠂ ᠡᠨᠡ ᠵᠢᠯ 7 ᠲᠦᠮᠡᠨ | ᠦᠨᠢᠶᠡᠨ ᠳᠤ ᠢᠴᠡᠭᠡᠯ ᠦᠷᠠ ᠶᠢᠨ ᠭᠡᠭᠡᠯᠲᠤᠬᠦᠯᠭᠡ ᠬᠢᠵᠤ᠂ ᠠᠶᠢᠮᠠᠭ ᠠᠴᠠ ᠪᠠᠭᠤᠯᠭᠠᠭᠰᠠᠨ 9 ᠲᠦᠮᠡᠨ | ᠦᠨᠢᠶᠡᠨ ᠳᠤ ᠢᠴᠡᠬᠡᠯ ᠦᠷᠡ ᠶᠢᠨ ᠬᠡᠬᠡᠯᠲᠤᠬᠦᠯᠭᠡ ᠬᠢᠬᠦ ᠡᠬᠦᠷᠭᠡ ᠶᠢᠨ 86% ᠶᠢ ᠨᠢᠭᠡᠨᠳᠡ ᠪᠡᠶᠡᠯᠡᠬᠦᠯᠵᠡᠢ᠃ | 2016 ᠤᠨ ᠠᠴᠠ ᠨᠠᠭᠠᠰᠢ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤ ᠮᠠᠨ ᠤ ᠠᠶᠢᠮᠠᠭ ᠤᠨ ︽ᠬᠤᠨᠢ ᠶᠢ ᠴᠦᠭᠡᠴᠢᠯᠡᠵᠥ | ᠦᠭᠡᠷ ᠢ ᠨᠡᠮᠡᠭᠲᠡᠬᠦᠯᠬᠦ︾ ᠪᠠᠶᠢᠯᠲᠤᠬᠤ ᠪᠤᠲᠤᠯᠭᠠ ᠶᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠨᠠᠶᠢᠲᠠᠪᠤᠷᠢᠵᠢᠭᠤᠯᠵᠤ᠂ ᠰᠢᠯᠢᠲᠡᠭ | ᠡᠬᠦᠯᠲᠡᠷ ᠤᠨ ᠦᠭᠡᠷ ᠢ ᠲᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ ᠪᠠᠷ ᠭᠤᠤᠯᠯᠠᠬᠤ ᠠᠵᠤ ᠦᠢᠯᠡᠰ ᠢᠶᠠᠨ ᠪᠤᠯᠭᠠᠨ᠂ ᠤᠲᠤ ᠦᠶᠡ ᠶᠢᠨ | ᠦᠡᠲᠤᠷ ᠦᠷᠠ ᠠᠰᠢᠭᠲᠤ ᠮᠠᠯ ᠠᠵᠤ ᠠᠬᠤᠢ ᠳᠡᠶᠢᠰᠢ ᠬᠡᠯᠪᠡᠷᠢ ᠪᠠᠨ ᠬᠤᠪᠢᠷᠠᠭᠤᠯᠤᠨ ᠲᠡᠰ ᠲᠡᠪᠰᠢᠬᠦᠯᠬᠦ | ᠠᠯᠬᠤᠴᠠ ᠪᠠᠨ ᠤᠯᠠᠮ ᠳᠦᠷᠭᠡᠳᠭᠡᠪᠡ᠃ ᠤᠳᠤ ᠳᠤᠰ ᠬᠤᠰᠢᠭᠤᠨ ᠳᠤ ᠠᠶᠢᠮᠠᠭ ᠤᠨ ᠲᠡᠰ ᠤᠨ ᠰᠢᠮᠧᠨ᠋ᠲ᠋ᠠᠷ | ᠦᠬᠡᠷ ᠤᠨ ᠭᠤᠤᠯᠲᠠᠯᠭᠠᠲᠤ ᠰᠦᠷᠦᠭ 60 ᠭᠠᠷᠤᠢ ᠪᠤᠯᠵᠤ᠂ ᠠᠶᠢᠮᠠᠭ ᠤᠨ ᠲᠡᠰ ᠤᠨ ᠬᠤᠸᠠᠰᠢ ᠦᠭᠡᠷ ᠢ ᠦᠰᠬᠡᠨ | ᠦᠷᠡᠵᠢᠭᠦᠯᠬᠦ ᠭᠤᠤᠯᠲᠠᠯᠭᠠᠲᠤ ᠰᠦᠷᠦᠭ 18 ᠪᠤᠯᠵᠤ ᠨᠡᠮᠡᠭᠲᠡᠭᠰᠡᠨ ᠪᠠᠶᠢᠨᠠ᠃ ︽8 ᠰᠠᠷᠠ ᠳᠤ ᠡᠾᠧᠨᠠᠨ | ᠮᠤᠵᠢ ᠶᠢᠨ ᠲᠢᠩ ᠶᠤᠸᠠᠢ ᠦᠷᠠ ᠶᠢᠨ ᠮᠠᠯ ᠤᠨ ᠲᠠᠯᠠᠪᠠᠢ ᠮᠠᠨ ᠤ ᠬᠤᠰᠢᠭᠤᠨ ᠠᠴᠠ ᠲᠦᠷᠪᠡ ᠲᠠᠪᠤᠨ ᠰᠠᠷᠠ ᠪᠤᠯᠵᠤ | ᠪᠠᠶᠢᠭᠠ 112 ᠬᠤᠸᠠᠰᠢ ᠦᠬᠢᠨ ᠲᠤᠭᠤᠯ ᠢ ᠬᠦᠪᠤᠷᠠᠯ ᠰᠢᠯᠵᠢᠬᠦᠯᠬᠦ ᠪᠤᠶᠤ ᠡᠭᠡ ᠮᠠᠯ ᠪᠤᠯᠭᠠᠬᠤ ᠪᠠᠷ | ᠲᠡᠭᠰᠢᠳᠬᠡᠬᠡᠳ 15000 ᠲᠦᠬᠦᠷᠢᠭ ᠢᠶᠠᠷ ᠬᠤᠲᠠᠯᠲᠤᠨ ᠠᠪᠤᠪᠠ᠂ ᠡᠨᠡ ᠨᠢ ᠮᠠᠨ ᠤ ᠬᠤᠰᠢᠭᠤᠨ ᠤ ᠦᠭᠡᠷ ᠤᠨ | ᠡᠬᠦᠯᠲᠡᠷ ᠰᠠᠶᠢᠵᠢᠷᠠᠭᠰᠠᠨ ᠬᠡᠲᠡᠭ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠬᠤ ᠮᠦᠷᠲᠡᠭᠡᠨ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠤᠭᠰᠠᠨ ᠰᠢᠯᠢᠲᠡᠭ | ᠡᠬᠦᠯᠲᠡᠷ ᠤᠨ ᠮᠠᠯ ᠤᠨ ᠦᠨᠠ ᠬᠠᠨᠭ᠍ᠰᠢ ᠮᠦᠨ ᠦᠡᠲᠤᠷ ᠪᠠᠶᠢᠭᠰᠠᠭᠠᠷ ᠭᠡᠲᠡᠭ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠬᠤ ᠶᠤᠮ︾ ᠬᠡᠵᠤ | ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠠᠵᠢᠯᠯᠠᠬᠤ ᠦᠷᠲᠡᠭᠡᠨ ᠤ ᠲᠠᠷᠤᠭᠠ ᠤᠯᠠᠭᠠᠨ ᠭᠡᠯᠡᠪᠡ᠃ |