| ᠤᠷᠠᠯᠢᠭ ᠰᠤᠳᠤᠯᠤᠭᠴᠢ ᠳ᠋ᠠ᠊ · ᠪᠥᠬᠡᠴᠢᠯᠠᠭᠤ ᠭᠤᠸᠠᠢ ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠤ ᠳᠤᠮᠳᠠᠴᠢ ᠪᠠᠷ | ᠤᠷᠠᠯᠢᠭ ᠰᠤᠳᠤᠯᠤᠯ ᠤᠨ ᠭᠠᠵᠠᠷ ᠲᠤ ᠲᠠᠭᠤᠤ ᠶᠢᠨ ᠤᠷᠠᠯᠢᠭ ᠤᠨ ᠨᠢᠭᠡᠨ ᠦᠶᠡ ᠶᠢᠨ ᠲᠣᠳᠣ ᠨᠣᠶᠠᠨ ᠣᠷᠭᠢᠯ ᠤᠨ | ᠨᠢᠭᠡ ᠪᠣᠯᠬᠤ ᠠᠯᠳᠠᠷᠲᠤ ᠬᠥᠭᠵᠢᠮ ᠤᠨ ᠵᠣᠬᠢᠶᠠᠯᠴᠢ ᠳ᠋ᠠ᠊ · ᠰᠠᠮᠪᠤᠤ ᠶᠢᠨ ᠭᠠᠷ ᠤᠨ ᠱᠠᠪᠢ ᠨᠢ ᠪᠣᠯᠵᠤ᠂ ᠨᠢᠭᠡᠨ | ᠠᠯᠪᠠᠨ ᠭᠡᠷ ᠲᠤ ᠨᠢᠭᠤᠷᠯᠠᠨ ᠰᠠᠭᠤᠵᠤ᠂ ᠣᠯᠠᠨ ᠵᠢᠯ ᠠᠵᠢᠯᠯᠠᠬᠤ ᠳᠠᠭᠠᠨ ᠲᠡᠷᠡ ᠦᠶᠡ ᠶᠢᠨ ᠳᠠᠭᠤᠤ ᠤᠷᠠᠯᠢᠭ ᠤᠨ | ᠠᠪᠤᠷᠭᠤ ᠰᠦᠮᠪᠦᠷ ᠤᠳ ᠤᠨ ᠨᠢᠭᠡᠨ ᠪᠣᠯᠬᠤ ᠪᠤᠶᠠᠨᠳᠡᠯᠭᠡᠷ ᠪᠠᠭᠰᠢ ᠲᠠᠢ ᠠᠵᠠ ᠪᠠᠷ ᠠᠭᠤᠯᠵᠠᠨ ᠲᠠᠨᠢᠯᠴᠠᠵᠤ᠂ | ᠠᠯᠳᠠᠷᠲᠤ ᠳᠠᠭᠤᠴᠢᠨ ᠤ ᠪᠠᠨ ᠬᠥᠮᠥᠨ ᠮᠥᠰᠥ᠂ ᠵᠠᠩ ᠠᠷᠠᠨᠰᠢᠨ᠂ ᠶᠣᠰᠣ ᠪᠣᠯᠪᠠᠰᠤᠷᠠᠯ᠂ ᠤᠷᠠ ᠠᠪᠢᠶᠠᠰ ᠢ ᠨᠢ | ᠪᠠᠭ᠋ᠠᠷᠬᠠᠨ ᠪᠢᠰᠢᠷᠡᠵᠦ ᠬᠦᠨᠳᠦᠯᠡᠨ ᠳᠡᠭᠡᠳᠦᠯᠡᠵᠦ ᠪᠠᠶᠢᠵᠠᠢ᠃ ᠲᠡᠷᠡ ᠪᠠᠷ ᠨᠢᠭᠡ ᠤᠳᠠᠭᠠ ᠬᠠᠮᠲᠤ ᠶᠢᠨ ᠵᠢᠷᠤᠭ | ᠠᠪᠬᠠᠭᠤᠯᠬᠤ ᠪᠣᠯᠣᠭᠰᠠᠨ ᠳᠤ ᠨᠠᠰᠤ ᠨᠠᠮᠪᠠ ᠲᠡᠷᠡᠴᠢᠯᠡᠨ ᠨᠡᠷᠡ ᠠᠯᠳᠠᠷ ᠢᠶᠠᠷ ᠢᠶᠠᠨ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ | ᠶᠡᠭᠡ ᠥᠨᠳᠥᠷ ᠪᠠᠭᠰᠢ ᠪᠠᠨ ᠬᠦᠨᠳᠦᠯᠡᠵᠦ᠂ ᠡᠩᠨᠡᠭᠡᠨ ᠤ ᠪᠠᠨ ᠭᠤᠣᠯ ᠲᠡᠰᠢ ᠤᠷᠢᠬᠤ ᠳᠤ ᠨᠢ ᠪᠤᠶᠠᠨᠳᠡᠯᠭᠡᠷ ᠪᠠᠭᠰᠢ | ᠬᠠᠷᠢᠨ ︽ᠬᠦᠦ ᠮᠢᠨᠢ︕ ᠴᠢ ᠮᠣᠩᠭᠤᠯ ᠡᠷᠡ ᠬᠥᠮᠥᠨ ᠪᠠᠶᠢᠨᠠ᠂ ᠭᠤᠣᠯ ᠥᠭᠡᠳᠡ ᠨᠢ᠂ ᠡᠵᠢ ᠨᠢ ᠡᠨᠡ | ᠬᠠᠵᠠᠭᠤᠬᠠᠨ ᠳᠤ ᠨᠢ ᠪᠣᠯᠣᠨᠠ︾ ᠭᠡᠳ ᠬᠠᠮᠲᠤ ᠶᠢᠨ ᠵᠢᠷᠤᠭ ᠠᠪᠬᠠᠭᠤᠯᠤᠭᠰᠠᠨ ᠭᠡᠳᠡᠭ᠃ ᠬᠦᠨᠳᠦᠳᠬᠡᠳᠡᠭ ᠨᠢ | ᠨᠣᠮ ᠢᠶᠠᠷ ᠢᠶᠠᠨ ᠪᠠᠶᠢᠨᠠ ᠭᠡᠬᠦ ᠳᠤ ᠬᠦᠨᠳᠦᠯᠡᠭᠦᠯᠬᠦ ᠨᠢ ᠴᠦ ᠶᠣᠰᠣ ᠪᠠᠷ ᠢᠶᠠᠨ ᠪᠠᠶᠢᠬᠤ ᠶᠢᠨ ᠪᠠᠭ᠋ᠠᠷᠬᠠᠯ ᠭᠡᠵᠤ ᠲᠡᠷᠡ | ︕ ᠡᠨᠡ ᠨᠢ ᠵᠥᠪᠬᠡᠨ ᠶᠡᠭᠡ ᠪᠠᠭᠰᠢ ᠶᠢᠨ ᠲᠤᠬᠠᠢ ᠪᠠᠭ᠋ᠠᠷᠬᠠᠯ ᠤᠨ ︽ᠳᠠᠯᠠᠢ︾ ᠳᠤ ᠳᠤᠰᠤᠯ ᠤᠰᠤᠨ ᠲᠡᠳᠦᠢ | ᠪᠠᠶᠢᠯᠠ᠃ | 2013 ᠣᠨ ᠳᠤ ᠮᠣᠩᠭᠤᠯ ᠳᠠᠭᠤᠤ ᠶᠢᠨ ᠲᠡᠭᠷᠢ ᠶᠢ ᠴᠣᠭᠤᠯᠵᠤ᠂ ᠭᠠᠵᠠᠷ ᠢ ᠴᠥᠮᠥᠯᠦᠭᠡᠳ᠂ ᠬᠡᠨ ᠴᠦ | ᠨᠥᠬᠦᠨ ᠳᠦᠭᠦᠷᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠬᠡᠲᠦ ᠶᠡᠭᠡ ᠵᠠᠢ ᠪᠠᠨ ᠦᠯᠡᠳᠡᠭᠡᠭᠡᠳ ᠪᠤᠶᠠᠨᠳᠡᠯᠭᠡᠷ ᠪᠠᠭᠰᠢ ᠪᠤᠷᠬᠠᠨ ᠤ | ᠣᠷᠣᠨ ᠳᠤ ᠣᠳᠬᠤ ᠳᠤ ᠥᠪᠤᠷ ᠮᠤᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠰᠣᠶᠣᠯ ᠤᠨ ᠲᠢᠩᠬᠢᠮ ᠠᠴᠠ | ᠳ᠋ᠠ᠊ · ᠪᠥᠬᠡᠴᠢᠯᠠᠭᠤ ᠭᠤᠸᠠᠢ ᠶᠢ ᠲᠣᠮᠢᠯᠠᠵᠤ ᠰᠡᠭᠦᠯ ᠤᠨ ᠠᠶᠠᠨ ᠳᠤ ᠨᠢ ᠮᠣᠷᠳᠠᠭᠤᠯᠵᠤ ᠪᠢᠯᠡ᠃ ᠲᠡᠷᠡ ᠦᠶᠡ ᠠᠴᠠ | ᠯᠡ ᠡᠬᠢᠯᠡᠭᠡᠳ ᠪᠠᠭᠰᠢ ᠳᠠᠭᠠᠨ ᠶᠠᠭᠤ ᠬᠢᠵᠦ᠂ ᠪᠠᠭᠰᠢ ᠶᠢ ᠪᠠᠨ ᠶᠠᠭᠠᠬᠢᠵᠤ ᠳᠤᠷᠠᠰᠬᠤ ᠪᠢᠯᠡ︖ ᠭᠡᠰᠡᠨ ᠠᠴᠢ | ᠰᠠᠨᠠᠭᠰᠠᠨ ᠪᠣᠳᠣᠯ ᠡᠪᠦᠷᠯᠡᠵᠦ ᠶᠠᠪᠤᠭᠰᠠᠨ ᠲᠡᠭᠦᠨ ᠳᠤ ᠬᠥᠯᠥᠨ ᠪᠣᠶᠢᠷ ᠤᠨ ᠠᠷᠠᠳ ᠤᠨ ᠳᠠᠭᠤᠤ ᠶᠢ ᠰᠢᠩᠭᠡᠭᠡᠬᠦ | ᠠᠵᠢᠯ ᠤᠨ ᠪᠤᠶᠠᠨ ᠢᠶᠠᠷ ᠪᠤᠶᠠᠨᠳᠡᠯᠭᠡᠷ ᠭᠤᠸᠠᠢ ᠶᠢᠨ ᠡᠷᠦᠬᠡ ᠭᠡᠷ ᠲᠤ ᠰᠠᠭᠤᠵᠤ ᠦᠷᠡ ᠨᠢ ᠶᠤᠮ ᠰᠢᠭ | ᠬᠠᠶᠢᠷᠠᠯᠠᠭᠳᠠᠵᠤ᠂ ᠡᠷᠳᠡᠮ ᠢ ᠨᠢ ᠰᠤᠷᠤᠭᠰᠠᠨ ᠡᠯᠢᠭᠡᠨ ᠤ ᠬᠢᠨᠢ ᠡᠩᠬᠦᠷᠡᠢ ᠱᠠᠪᠢ ᠴᠣᠭᠲᠤ ᠶᠢᠨ ᠲᠣᠯᠵᠢᠨ ᠲᠠᠢ | ᠬᠠᠷᠭᠤᠵᠤ ︽ᠳᠠᠭᠤᠴᠢᠨ ᠡᠵᠢ ᠶᠢᠨ ᠨᠤᠲᠤᠭ︾ ᠭᠡᠰᠡᠨ ᠳᠠᠭᠤᠤ ᠭᠠᠷᠴᠠᠭ ᠠᠴᠠ ᠪᠠᠨ ᠡᠬᠢᠯᠡᠨ ︽ᠲᠥᠷᠥᠭᠰᠡᠨ︾ | ᠭᠡᠳᠡᠭ᠃ | ᠥᠯᠢᠭᠡᠷ ᠲᠡᠦᠬᠡ ᠲᠠᠢ ᠳᠠᠭᠤᠤ ᠶᠢ ᠳᠠᠭᠤᠯᠠᠬᠤ ᠳᠤ ᠰᠠᠶᠢᠬᠠᠨ ᠭᠡᠬᠦ ᠠᠴᠠ ᠰᠣᠨᠣᠰᠬᠤ ᠨᠢ ᠪᠦᠷ ᠢᠯᠡᠭᠦᠦ | ᠰᠠᠶᠢᠬᠠᠨ᠃ ᠡᠨᠡ ᠳᠠᠭᠤᠤ ᠳᠤ ᠳᠠᠭᠤᠴᠢᠨ᠂ ᠡᠵᠢ᠂ ᠨᠤᠲᠤᠭ ᠭᠤᠷᠪᠠ ᠬᠠᠶᠢᠷᠠ ᠪᠠᠷ ᠬᠡᠯᠬᠢᠭᠳᠡᠵᠦ᠂ | ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠳᠠᠭᠤᠯᠠᠭᠳᠠᠵᠤ ᠪᠠᠶᠢᠭᠠ ᠪᠥᠭᠡᠳ ︽ᠤᠳᠤᠮᠲᠤ ᠮᠣᠩᠭᠤᠯ ᠤᠨ ᠭᠠᠶᠢᠬᠠᠮᠰᠢᠭ / ᠳᠠᠭᠤᠴᠢᠨ | ᠡᠵᠢ ᠶᠢᠨ ᠨᠤᠲᠤᠭ︾ ᠨᠢ ᠳᠤᠷᠠᠳᠬᠠᠯ ᠮᠥᠷᠥᠭᠡᠳᠦᠯ ᠠᠴᠠ ᠪᠠᠨ ᠪᠦᠷ ᠴᠦ ᠢᠲᠡᠭᠡᠯ ᠦᠨᠡᠮᠰᠢᠯ ᠪᠣᠯᠵᠤ ︽ | ᠳᠠᠭᠤᠯᠠᠵᠤ ᠶᠠᠪᠤᠬᠤ ᠨᠠᠰᠤᠨ ᠤ ᠮᠢᠨᠢ / ᠵᠠᠶᠠᠭᠠ ᠳᠡᠭᠡᠵᠢᠯᠡᠭᠰᠡᠨ ᠨᠤᠲᠤᠭ ᠮᠢᠨᠢ / ᠲᠤᠭᠤᠯᠵᠤ ᠥᠩᠭᠡᠷᠡᠬᠦ | ᠨᠡᠷᠡᠲᠦ ᠶᠢᠨ ᠮᠢᠨᠢ / ᠰᠡᠳᠬᠢᠯ ᠤᠨ ᠬᠥᠷᠥᠩᠭᠡ ᠲᠠᠢ ᠮᠣᠩᠭᠤᠯ ᠮᠢᠨᠢ︾ ᠭᠡᠵᠤ ᠮᠡᠨᠡᠩ ᠤᠨ ︽ᠰᠠᠷᠠᠭᠤᠯ ᠲᠠᠯᠠ︾ | ᠰᠢᠭ᠋ ᠢᠶᠠᠨ ᠠᠯᠳᠠᠷᠰᠢᠨ ᠭᠠᠶᠢᠬᠠᠭᠳᠠᠬᠤ ᠶᠤᠮ᠃ | ᠳ᠋ᠠ᠊ · ᠰᠠᠮᠪᠤᠤ ᠪᠠᠭᠰᠢ ᠲᠠᠭᠤᠤ ᠶᠢᠨ ᠦᠭᠡ ᠠᠶᠠᠯᠭᠤ ᠶᠢ ᠲᠡᠭᠰᠢ ᠵᠤᠭᠢᠶᠠᠳᠠᠭ ᠭᠡᠳᠡᠭ᠂ ᠳ᠋ᠠ᠊ · ᠪᠥᠬᠡᠴᠢᠯᠠᠭᠤ | ᠭᠤᠸᠠᠢ ᠴᠦ ᠡᠭᠦᠨ ᠢ ᠨᠢ ᠲᠠᠭᠠᠨ ᠵᠢᠷᠤᠮᠯᠠᠵᠤ᠂ ᠪᠠᠭᠰᠢ ᠶᠢᠨ ᠢᠶᠠᠨ ᠡᠷᠳᠡᠮ ᠢ ᠳᠠᠯᠠ ᠲᠦᠬᠦᠲᠡᠯᠡ ᠪᠠᠨ | ᠪᠠᠭ᠋ᠠᠷᠬᠠᠭᠤᠯᠵᠦ ᠶᠠᠪᠤᠨᠠ᠃ ︽ᠳᠠᠭᠤᠴᠢᠨ ᠡᠵᠢ ᠶᠢᠨ ᠨᠤᠲᠤᠭ︾ ᠢ ᠰᠣᠨᠣᠰᠬᠤ ᠳᠤ ᠪᠤᠶᠠᠨᠳᠡᠯᠭᠡᠷ ᠠᠯᠳᠠᠷᠲᠤ ᠪᠠᠨ | ᠰᠠᠨᠠᠭᠠᠯᠵᠠᠭᠰᠠᠨ ᠪᠣᠳᠣᠯ ᠮᠥᠷᠥᠭᠡᠳᠦᠯ ᠤᠷᠤᠰᠬᠠᠯ ᠮᠥᠷᠡᠨ ᠭᠤᠣᠯ ᠰᠢᠭ᠋ ᠦᠶᠡᠷᠯᠡᠨᠡ᠂ ᠪᠤᠮᠠᠨ ᠪᠠᠷᠠ ᠶᠢᠨ ᠪᠣᠶᠢᠷ | ᠬᠥᠯᠥᠨ ᠤ ᠠᠭᠤᠳᠠᠮ ᠨᠤᠲᠤᠭ ᠲᠤ ᠪᠣᠭᠳᠠ ᠠᠭᠤᠯᠠ ᠪᠠᠨ ᠰᠢᠭ᠋ ᠣᠮᠣᠷᠬᠠᠯ ᠪᠠᠭ᠋ᠠᠷᠬᠠᠯ ᠰᠡᠳᠬᠢᠯ ᠳᠤ ᠰᠦᠨᠳᠡᠷᠯᠡᠨᠡ᠃ | | ᠮᠥᠩᠬᠡ ᠲᠡᠭᠷᠢ ᠶᠢᠨ ᠢᠪᠡᠭᠡᠯ ᠢᠶᠠᠷ ᠮᠣᠩᠭᠤᠯ ᠬᠥᠮᠥᠨ ᠤ ᠢᠷᠦᠭᠡᠯ ᠰᠢᠭ ᠰᠠᠶᠢᠬᠠᠨ ᠠᠮᠢᠳᠤᠷᠠ ᠭᠡᠳᠡᠭ ᠰᠠᠨ᠂ | ᠠᠯᠤᠰ ᠤᠨ ᠢᠷᠡᠭᠡᠳᠦᠢ ᠳᠤ ᠲᠡᠦᠬᠡ ᠳᠠᠪᠲᠠᠭᠳᠠᠵᠤ᠂ ᠠᠯᠳᠠᠷᠲᠤ ᠳᠠᠭᠤᠴᠢᠨ ᠲᠥᠷᠥᠬᠦ ᠶᠢᠨ ᠢᠷᠦᠭᠡᠯ | ᠣᠷᠣᠰᠢᠬᠤ ᠳᠤ ᠰᠡᠳᠬᠢᠯ ᠤᠨ ᠰᠠᠴᠤᠯᠢ ᠪᠠᠨ ᠡᠷᠭᠦᠵᠦ᠂ ᠰᠣᠨᠣᠰᠤᠭᠠᠳ ᠪᠠᠶᠢᠬᠤ ᠳᠤ ᠴᠠᠭᠠᠨᠠ ᠪᠠᠨ ᠨᠢᠭᠡ ᠯᠡ | ᠲᠠᠮᠢᠷ ᠰᠡᠯᠪᠢᠬᠦ ᠲᠠᠷᠨᠢ ᠲᠠᠢ ᠭᠡᠮᠡᠷ ᠡᠨᠡ ᠰᠠᠶᠢᠬᠠᠨ ᠳᠠᠭᠤᠤ ᠶᠢ ᠣᠳᠣ ᠰᠣᠨᠣᠰᠴᠠᠭᠠᠶᠠ︕ | | | | ᠳᠠᠭᠤᠴᠢᠨ ᠡᠵᠢ ᠶᠢᠨ ᠨᠤᠲᠤᠭ | ᠦᠭᠡ᠄ ᠳ᠋ᠠ᠊ · ᠪᠥᠬᠡᠴᠢᠯᠠᠭᠤ | ᠠᠶᠠ᠄ ᠳ᠋ᠠ᠊ · ᠪᠥᠬᠡᠴᠢᠯᠠᠭᠤ | ᠳᠠᠭᠤᠴᠢᠨ᠄ ᠴᠤᠭᠳᠤ ᠶᠢᠨ ᠳᠣᠯᠵᠢᠨ | ᠬᠥᠭᠵᠢᠮ ᠤᠨ ᠨᠠᠶᠢᠷᠠᠭᠤᠯᠭᠠ᠄ ᠬᠡᠰᠢᠭᠪᠡᠶᠠᠷ | ᠪᠣᠶᠢᠷ ᠬᠥᠯᠥᠨ ᠤ ᠬᠡᠯᠬᠢᠶᠡ ᠪᠠᠷ | ᠴᠡᠩᠬᠡᠷᠲᠦᠨ ᠮᠡᠯᠮᠡᠷᠡᠬᠦ ᠬᠠᠶᠢᠷᠠ ᠮᠢᠨᠢ | ᠪᠤᠶᠠᠨᠲᠤ ᠪᠤᠭᠤᠷᠤᠯ ᠳᠡᠭᠡᠳᠦᠰ ᠤᠨ ᠮᠢᠨᠢ | ᠡᠩᠬᠡᠵᠢᠨ ᠠᠮᠢᠳᠤᠷᠠᠭᠰᠠᠨ ᠭᠤᠯᠣᠮᠲᠠ ᠮᠢᠨᠢ | ᠬᠡᠰᠢᠭ ᠪᠤᠶᠠᠨ ᠬᠤᠷᠤᠶᠢᠯᠠᠭᠰᠠᠨ | ᠨᠡᠭᠦᠳᠡᠯᠴᠢᠨ ᠮᠣᠩᠭᠤᠯ ᠤᠨ ᠥᠯᠥᠭᠡᠢ | ᠡᠭᠡᠰᠢᠭ ᠳᠠᠭᠤᠤ ᠲᠦᠷᠦᠭᠦᠯᠡᠭᠰᠡᠨ | ᠡᠩᠬᠦᠷᠡᠢ ᠮᠣᠩᠭᠤᠯ ᠬᠤᠷᠸᠠ ᠮᠢᠨᠢ | ᠤᠷᠲᠤ ᠶᠢᠨ ᠳᠠᠭᠤᠤ ᠶᠢᠨ ᠤᠶᠠᠩᠭᠠ ᠪᠠᠷ | ᠳᠡᠯᠡᠬᠡᠢ ᠪᠠᠨ ᠪᠠᠶᠠᠰᠬᠠᠵᠤ ᠤᠶᠠᠷᠠᠭᠠᠭᠰᠠᠨ | ᠤᠳᠤᠮᠲᠤ ᠮᠣᠩᠭᠤᠯ ᠤᠨ ᠭᠠᠶᠢᠬᠠᠮᠰᠢᠭ | ᠳᠠᠭᠤᠴᠢᠨ ᠡᠵᠢ ᠶᠢᠨ ᠨᠤᠲᠤᠭ ᠡ ᠭᠦ᠋ | ᠪᠠᠶᠠᠨ ᠲᠠᠩᠰᠤᠭ ᠤᠳᠤᠮ ᠲᠠᠢ | ᠪᠠᠶᠠᠨ ᠪᠠᠷᠭᠤ ᠶᠢᠨ ᠲᠦᠮᠡᠨ ᠮᠢᠨᠢ | ᠪᠠᠷᠠ ᠶᠢᠨ ᠭᠠᠵᠠᠷ ᠠᠴᠠ ᠭᠢᠯᠠᠯᠵᠠᠭᠰᠠᠨ | ᠭᠠᠨᠵᠤᠤᠷ ᠤᠨ ᠠᠯᠲᠠᠨ ᠭᠠᠨᠵᠢᠷᠠ ᠮᠢᠨᠢ | ᠲᠦᠮᠡᠨ ᠤ ᠰᠣᠨᠣᠷ ᠲᠤ ᠳᠡᠭᠡᠳᠦᠯᠡᠭᠰᠡᠨ | ︽ᠭᠤᠷᠪᠠᠨ ᠪᠣᠷᠣ︾ ᠶᠢᠨ ᠲᠣᠮᠤᠭ ᠮᠢᠨᠢ | ᠪᠤᠮᠠᠨ ᠤ ᠰᠡᠳᠬᠢᠯ ᠳᠤ ᠬᠤᠨᠣᠭᠰᠢᠭᠰᠠᠨ | ︽ᠰᠠᠷᠠᠭᠤᠯ ᠲᠠᠯᠠ︾ ᠶᠢᠨ ᠠᠶᠠᠯᠭᠤ ᠮᠢᠨᠢ | ᠳᠠᠬᠢᠯᠲᠠ | ᠳᠠᠭᠤᠤ ᠪᠠᠷ ᠳᠠᠭᠤᠷᠢᠰᠬᠤ ᠪᠠᠷᠭᠤ ᠨᠤᠲᠤᠭ | ᠤᠨᠢᠶᠠᠷ ᠤᠨ ᠳᠤᠮᠳᠠ ᠪᠠᠨ ᠴᠡᠩᠬᠡᠷᠯᠡᠨᠡ | ᠳᠠᠭᠤᠴᠢᠳ ᠤᠨ ᠬᠡᠶᠢᠮᠣᠷᠢ ᠣᠪᠣᠭᠠ ᠨᠢ | ᠬᠤᠯᠠ ᠶᠢᠨ ᠲᠡᠭᠷᠢ ᠳᠤ ᠰᠦᠨᠳᠡᠷᠯᠡᠨᠡ | ᠳᠠᠭᠤᠯᠠᠵᠤ ᠶᠠᠪᠤᠬᠤ ᠨᠠᠰᠤᠨ ᠤ ᠮᠢᠨᠢ | ᠵᠠᠶᠠᠭᠠ ᠳᠡᠭᠡᠵᠢᠯᠡᠭᠰᠡᠨ ᠨᠤᠲᠤᠭ ᠮᠢᠨᠢ | ᠲᠤᠭᠤᠯᠵᠤ ᠥᠩᠭᠡᠷᠡᠬᠦ ᠨᠡᠷᠡᠲᠦ ᠶᠢᠨ ᠮᠢᠨᠢ | ᠰᠡᠳᠬᠢᠯ ᠤᠨ ᠬᠥᠷᠥᠩᠭᠡ ᠲᠠᠢ ᠮᠣᠩᠭᠤᠯ ᠮᠢᠨᠢ | ᠳᠠᠬᠢᠯᠲᠠ |