| ᠪᠤᠳᠠᠷ ᠤᠨ ᠴᠢᠯᠠᠭᠤᠨ ᠤ ᠦᠯᠢᠬᠡᠷ ᠲᠤᠮᠤᠭᠳᠤ ᠦᠵᠡᠮᠵᠢᠲᠦ ᠬᠠᠳᠠ ᠪᠤᠯᠭᠠᠨ ᠢ ᠲᠤᠭᠤᠷᠢᠨ ᠰᠤᠨᠢᠷᠬᠠᠵᠦ ᠭᠦᠨ | ᠰᠡᠳᠬᠢᠭᠳᠡᠯ ᠬᠦᠨᠵᠡᠭᠡᠢ ᠰᠠᠭᠤᠭᠳᠠᠯ ᠲᠠᠢ ᠪᠤᠯᠤᠶᠠ ᠭᠡᠪᠡᠯ ᠠᠳᠡ ᠬᠤᠨᠤᠭᠤᠳᠠ ᠦᠨᠵᠢᠭᠦᠳᠡ ᠲᠤᠬᠠᠯᠠᠨ ᠰᠠᠭᠤᠵᠦ | ᠪᠠᠶᠢᠭᠠᠳ ᠨᠠᠷᠢᠨ ᠦᠵᠡᠵᠦ᠂ ᠨᠢᠮᠪᠡᠢ ᠰᠤᠨᠤᠰᠬᠤ ᠦᠬᠡᠢ ᠪᠤᠯᠬᠤ ᠦᠬᠡᠢ᠃ ᠨᠢᠳᠤᠨᠤᠨ ᠪᠢ ᠬᠡᠤᠬᠡᠳ ᠤᠳ ᠲᠠᠢ ᠪᠠᠨ | ᠠᠳᠡ ᠢᠷᠡᠵᠦ ᠬᠠᠳᠠᠨ ᠤ ᠬᠢᠨᠢ ᠡᠩᠭᠡᠷ ᠲᠤ ᠬᠠᠨᠠᠲᠤ ᠴᠠᠭᠠᠨ ᠭᠡᠷ ᠢᠶᠠᠨ ᠪᠠᠷᠢᠵᠦ ᠲᠠᠪᠠᠯᠠᠭᠰᠠᠨ᠃ ᠲᠡᠭᠡᠭᠡᠳ | ᠲᠡᠳᠡᠨ ᠢᠶᠠᠨ ᠲᠠᠭᠠᠭᠤᠯᠤᠨ ᠦᠵᠡᠮᠵᠢ ᠳᠦᠷᠰᠦ ᠨᠢ ᠰᠤᠨᠢᠬᠠᠨ ᠬᠠᠳᠠ ᠪᠤᠶᠤ ᠦᠯᠢᠭᠡᠷ ᠲᠤᠮᠤᠭ ᠲᠠᠢ ᠬᠠᠳᠠᠳ ᠢ ᠨᠢ | ᠤᠨᠴᠠᠯᠠᠨ ᠰᠤᠨᠢᠷᠬᠠᠭᠤᠯᠤᠭᠰᠠᠨ ᠶᠤᠮ᠃ ᠬᠡᠤᠬᠡᠳ ᠪᠠᠭᠠᠴᠤᠳ ᠡᠬᠡ ᠪᠠᠶᠢᠭᠠᠯᠢ ᠠᠴᠠ ᠬᠦᠨᠳᠡᠶᠢᠷᠡᠵᠦ᠂ ᠪᠠᠶᠢᠭᠠᠯᠢ | ᠲᠡᠯᠡᠬᠡᠢ ᠲᠠᠢ ᠪᠠᠨ ᠵᠦᠪ ᠬᠠᠷᠢᠴᠠᠬᠤ ᠤᠬᠠᠭᠠᠨ ᠢᠶᠠᠷ ᠳᠤᠲᠠᠮᠠᠭ ᠪᠤᠯᠤᠭᠠᠳ ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠳᠠᠭ | ᠤᠴᠢᠷ ᠠᠴᠠ ᠲᠡᠳᠡᠨ ᠢ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ᠡᠬᠡ ᠪᠠᠶᠢᠭᠠᠯᠢ ᠲᠠᠢ ᠲᠠᠨᠢᠯᠴᠠᠭᠤᠯᠤᠨ ᠡᠯᠢᠭᠡᠮᠰᠦᠭᠦᠯᠵᠦ᠂ | ᠪᠠᠶᠢᠭᠠᠯᠢ ᠲᠡᠯᠡᠬᠡᠢ ᠶᠢ ᠬᠠᠶᠢᠷᠠᠯᠠᠬᠤ ᠪᠤᠳᠤᠯ ᠰᠡᠳᠬᠢᠯ ᠲᠠᠢ ᠪᠤᠯᠭᠠᠨ ᠦᠰᠭᠡᠨ ᠪᠤᠶᠢᠵᠢᠭᠤᠯᠬᠤ ᠪᠤᠯ ᠬᠡᠷ ᠪᠦᠯᠢ ᠶᠢᠨ | ᠬᠦᠮᠦᠵᠢᠯ ᠤᠨ ᠠᠭᠤᠯᠭᠠ ᠶᠢᠨ ᠨᠢᠭᠡ ᠭᠡᠮᠡᠨ ᠰᠠᠨᠠᠨᠠᠮ᠃ | ᠵᠤᠨ ᠤ ᠬᠠᠯᠠᠭᠤᠨ ᠳᠤ᠂ ᠪᠤᠳᠠᠷ ᠤᠨ ᠴᠢᠯᠠᠭᠤᠨ ᠤ ᠳᠤᠮᠳᠠ ᠬᠠᠨᠠᠳᠤ ᠭᠡᠷ ᠢᠶᠠᠨ ᠪᠠᠷᠢᠵᠦ᠂ ᠬᠠᠭᠠᠯᠭᠠ ᠪᠠᠨ | ᠨᠡᠭᠡᠭᠡᠨ᠂ ᠬᠠᠶᠠᠭᠠ ᠪᠠᠨ ᠰᠢᠭᠤᠵᠦ ᠰᠠᠭᠤᠬᠤ ᠦᠨᠡᠬᠡᠷ ᠬᠠᠪᠤ ᠴᠡᠩᠬᠡᠯ ᠲᠠᠢ᠃ ᠬᠤᠷᠯᠤ ᠲᠤᠭᠤᠨᠤ ᠪᠠᠷ ᠨᠢ | ᠬᠤᠷᠮᠤᠰᠳᠠ ᠲᠡᠭᠷᠢ ᠤᠶᠢᠷᠠᠬᠠᠨ ᠴᠡᠩᠬᠡᠷᠯᠡᠵᠦ᠂ ᠦᠨᠳᠦᠷ ᠬᠠᠳᠠᠨ ᠤ ᠰᠡᠵᠢᠭᠦᠷ ᠡᠭᠴᠡ ᠳᠡᠭᠡᠷᠡ ᠠᠴᠠ ᠦᠩᠭᠡᠶᠢᠬᠦ ᠨᠢ | ᠭᠡᠷ ᠤᠨ ᠲᠤᠳᠤᠷᠠᠬᠢ ᠶᠢ ᠰᠤᠨᠢᠭᠤᠴᠢᠯᠠᠨ ᠬᠠᠷᠠᠬᠤ ᠮᠡᠳᠦ᠃ ᠰᠢᠭᠤᠯᠳᠠ ᠲᠠᠢ ᠬᠠᠶᠠᠭᠠ ᠪᠠᠷ ᠰᠡᠷ ᠰᠡᠷ ᠰᠡᠷᠢᠬᠦᠨ | ᠰᠠᠯᠬᠢ ᠰᠡᠩᠭᠢᠨᠡᠨ᠂ ᠬᠠᠨᠠ ᠶᠢᠨ ᠨᠢᠳᠤ ᠪᠠᠷ ᠭᠠᠳᠠᠭᠰᠢ ᠱᠠᠭᠠᠶᠢᠬᠤ ᠳᠤ ᠬᠠᠳᠠᠨ ᠠᠴᠠ ᠬᠠᠳᠠ ᠳᠠᠮᠵᠢᠨ ᠨᠢᠮᠬᠡᠨ | ᠴᠡᠩᠬᠡᠷ ᠬᠤᠨᠢᠨ ᠵᠡᠷᠭᠡᠯᠬᠡᠨ ᠵᠢᠷᠪᠢᠯᠵᠡᠨ ᠬᠦᠶᠦᠨᠡ᠃ ᠬᠡᠤᠬᠡᠳ ᠤᠳ ᠲᠤ ᠪᠠᠶᠢᠭᠠᠯᠢ ᠲᠠᠢ ᠠᠭᠤᠰᠤᠯᠴᠠᠭᠰᠠᠨ ᠡᠨᠡ ᠬᠦ | ᠠᠮᠢᠳᠤᠷᠠᠯ ᠤᠷᠴᠢᠨ ᠶᠡᠬᠡᠳᠡ ᠲᠠᠭᠠᠯᠠᠭᠳᠠᠵᠦ᠄ ︽ᠪᠤᠳᠠᠷ ᠲᠤ ᠢᠷᠡᠭᠡᠳ ᠮᠤᠩᠭᠤᠯ ᠭᠡᠷ ᠲᠤ ᠰᠠᠭᠤᠬᠤ ᠶᠠᠮᠠᠷ | ᠰᠠᠶᠢᠬᠠᠨ ᠶᠤᠮ ᠪᠤᠢ︾ ᠭᠡᠵᠦ ᠪᠠᠶᠠᠰᠤᠨ ᠬᠦᠭᠡᠷᠦᠯᠳᠦᠨᠡ᠃ | ᠡᠪᠦᠭᠡ ᠳᠡᠭᠡᠳᠦᠰ ᠮᠠᠨᠢ ᠡᠷᠳᠡ ᠳᠡᠭᠡᠷᠡ ᠦᠶᠡ ᠠᠴᠠ ᠦᠷᠦᠭᠡ ᠴᠠᠭᠠᠨ ᠭᠡᠷ ᠢᠶᠠᠨ ᠦᠭᠭᠦᠭᠡᠵᠢ ᠬᠡᠰᠢᠭ ᠲᠠᠢ | ᠪᠤᠳᠠᠷ ᠤᠨ ᠢᠶᠠᠨ ᠬᠠᠳᠠᠨ ᠳᠤᠮᠳᠠ ᠪᠠᠷᠢᠴᠢᠬᠠᠭᠠᠳ᠂ ︽ᠴᠢᠯᠠᠭᠤ ᠲᠠᠢ ᠭᠠᠵᠠᠷ ᠭᠡᠷ ᠢᠶᠠᠨ ᠪᠠᠷᠢ᠂ ᠴᠢᠨ᠋ᠸᠠ ᠲᠠᠢ | ᠭᠠᠵᠠᠷ ᠮᠠᠯ ᠢᠶᠠᠨ ᠬᠠᠷᠢᠭᠤᠯ︾ ᠭᠡᠵᠦ ᠦᠷᠡ ᠬᠡᠤᠬᠡᠳ ᠢᠶᠠᠨ ᠰᠤᠷᠭᠠᠵᠦ ᠪᠠᠶᠢᠭᠰᠠᠨ ᠤ ᠤᠴᠢᠷ ᠡᠨᠡ ᠦᠶᠡ ᠳᠤ | ᠳᠠᠶᠢᠯᠤᠭᠳᠠᠬᠤ ᠰᠢᠭ᠋ ᠰᠠᠨᠠᠭᠳᠠᠨᠠ᠃ ᠴᠢᠯᠠᠭᠤ ᠲᠠᠢ ᠭᠠᠵᠠᠷ ᠪᠠᠷᠢᠭᠰᠠᠨ ᠭᠡᠷ ᠰᠠᠭᠤᠷᠢ ᠲᠠᠢ ᠨᠦᠮᠦᠷᠢ ᠲᠠᠢ ᠪᠠᠶᠢᠵᠦ᠂ | ᠴᠢᠨ᠋ᠸᠠ ᠲᠠᠢ ᠭᠠᠵᠠᠷ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠤᠭᠰᠠᠨ ᠬᠦᠮᠦᠨ ᠰᠡᠷᠡᠮᠵᠢ ᠲᠠᠢ᠂ ᠵᠤᠷᠢᠭ ᠲᠠᠢ ᠪᠤᠯᠳᠠᠭ ᠠᠵᠢ᠃ | ᠡᠪᠦᠭᠡ ᠳᠡᠭᠡᠳᠦᠰ ᠮᠠᠨᠢ ᠪᠤᠳᠠᠷ ᠤᠨ ᠴᠢᠯᠠᠭᠤᠨ ᠤ ᠪᠠᠨ ᠦᠮᠦᠭ ᠳᠦᠰᠢᠭ ᠲᠤ ᠤᠷᠤᠰᠢᠨ | ᠠᠮᠢᠳᠤᠷᠠᠬᠤ ᠳᠤ ᠪᠠᠨ ᠬᠠᠨᠠᠨ ᠬᠠᠳᠠᠨ ᠤ ᠬᠢᠨᠢ ᠬᠠᠨᠠᠨ ᠳᠤ ᠬᠠᠯᠠᠭᠤᠨ ᠬᠤᠰᠢᠭᠤᠲᠤ ᠮᠠᠯ᠂ ᠰᠢᠷᠡᠭᠡ ᠪᠦᠬᠦᠳᠦ | ᠲᠡᠮᠡᠭᠡ ᠪᠠᠨ ᠵᠢᠷᠤᠵᠦ᠂ ᠦᠪᠡᠷᠮᠢᠴᠡ ᠳᠦᠷᠬᠦ ᠲᠠᠢ ᠦᠯᠵᠡᠶᠢᠲᠤ ᠬᠠᠳᠠ ᠪᠦᠷᠢ ᠳᠤ ᠨᠢ ᠦᠯᠢᠭᠡᠷ ᠲᠤᠮᠤᠭ ᠵᠤᠬᠢᠶᠠᠨ | ᠦᠷᠡ ᠬᠤᠶᠢᠴᠢ ᠳᠤ ᠪᠠᠨ ᠦᠯᠡᠳᠡᠭᠡᠭᠰᠡᠨ ᠨᠢ ᠤᠴᠢᠷ ᠲᠠᠢ᠃ ᠪᠤᠳᠠᠷ ᠤᠨ ᠴᠢᠯᠠᠭᠤᠨ ᠤ ᠠᠯᠲᠠᠨ ᠲᠤᠭᠤᠰ ᠬᠠᠳᠠ᠂ | ᠠᠴᠢᠶᠠ ᠲᠠᠢ ᠲᠡᠮᠡᠭᠡᠨ ᠬᠠᠳᠠ᠂ ᠬᠠᠭᠠᠨ ᠤ ᠰᠠᠭᠤᠳᠠᠯ᠂ ᠬᠠᠯᠢᠭᠤᠲᠤ ᠶᠢᠨ ᠭᠤᠤᠯ ᠤᠨ ᠬᠠᠳᠠ᠂ ᠬᠠᠶᠢᠯᠠᠰᠤᠲᠤ ᠶᠢᠨ | ᠬᠦᠨᠳᠡᠢ᠂ ᠬᠦᠮᠦᠨ ᠲᠤᠯᠤᠭᠠᠶᠢᠲᠤ ᠬᠠᠳᠠ᠂ ᠬᠡᠪᠲᠡᠭᠡ ᠬᠦᠮᠦᠨ ᠬᠠᠳᠠ᠂ ᠮᠡᠯᠡᠬᠡᠢ ᠬᠠᠳᠠ᠂ ᠢᠳᠡᠭᠡ ᠬᠠᠳᠠ᠂ | ᠰᠠᠬᠢᠭᠤᠯᠰᠤᠨ ᠤ ᠬᠦᠯᠦᠭ᠂ ᠪᠡᠯᠭᠡᠳᠦ ᠭᠤᠷᠪᠠᠨ ᠠᠮᠢᠲᠠᠨ ᠁ ᠵᠡᠷᠭᠡ ᠠᠯᠢ ᠤᠯᠠᠨ ᠬᠠᠳᠠᠳ ᠢ ᠬᠠᠷᠠᠵᠦ | ᠰᠢᠨᠵᠢᠵᠦ ᠶᠠᠪᠤᠬᠤ ᠳᠤ ᠦᠯᠢᠬᠡᠷ ᠲᠤᠮᠤᠭ ᠤᠨ ᠶᠢᠷᠳᠢᠨᠴᠦ ᠳᠤ ᠰᠠᠭᠠᠲᠠᠵᠦ ᠪᠠᠶᠢᠬᠤ ᠮᠡᠳᠦ ᠰᠠᠨᠠᠭᠳᠠᠨᠠ᠃ ᠰᠦᠮᠡᠳᠡᠢ | ᠪᠤᠳᠠᠷ ᠤᠨ ᠴᠢᠯᠠᠭᠤ ᠪᠤᠯ ᠳᠦᠴᠢᠨ ᠲᠦᠮᠡᠨ ᠮᠦ ᠳᠠᠯᠠᠪᠠᠢ ᠲᠠᠢ ᠠᠭᠤᠳᠠᠮ ᠨᠤᠲᠤᠭ ᠶᠤᠮ᠃ ᠡᠨᠡ ᠬᠦ ᠬᠠᠳᠠᠨ | ᠨᠦᠮᠦᠷᠢ ᠲᠠᠢ ᠨᠤᠲᠤᠭ ᠠᠴᠠ ᠡᠪᠦᠯ ᠤᠨ ᠵᠤᠳ᠂ ᠬᠠᠪᠤᠷ ᠤᠨ ᠬᠠᠪᠰᠠᠷᠭᠠ ᠳᠠᠶᠢᠵᠢᠵᠦ ᠦᠩᠭᠡᠷᠡᠳᠡᠭ᠃ ᠪᠤᠳᠠᠷ ᠤᠨ | ᠴᠢᠯᠠᠭᠤᠨ ᠤ ᠪᠤᠭᠤᠷᠤᠯ ᠨᠦᠮᠦᠷᠢ ᠳᠤ ᠢᠬᠡᠷᠡ ᠶᠢᠨ ᠡᠪᠦᠯᠵᠢᠶᠡ ︵ᠠᠷᠤ ᠬᠦᠪᠴᠢ ᠶᠢᠨ ᠤᠨᠠᠭᠠ ᠬᠡᠮᠡᠬᠦ ᠳᠠᠭᠤᠦ ᠶᠢᠨ | ᠲᠤᠮᠤᠭ ᠲᠠᠢ ᠡᠪᠦᠯᠵᠢᠶᠡ︶᠂ ᠬᠠᠷᠠ ᠴᠢᠯᠠᠭᠤᠨ ᠤ ᠡᠪᠦᠯᠵᠢᠶᠡ᠂ ᠠᠭᠤᠶᠢᠲᠤ ᠶᠢᠨ ᠡᠪᠦᠯᠵᠢᠶᠡ᠂ ᠦᠭᠬᠢᠶᠡᠮᠦᠷ ᠤᠨ | ᠡᠪᠦᠯᠵᠢᠶᠡ᠂ ᠡᠭᠦᠳᠡᠨ ᠬᠤᠨᠳᠤ ᠶᠢᠨ ᠡᠪᠦᠯᠵᠢᠶᠡ᠂ ᠬᠠᠨᠠᠨ ᠤ ᠠᠮᠠᠨ ᠤ ᠡᠪᠦᠯᠵᠢᠶᠡ ᠁ ᠭᠡᠳ ᠦᠨᠳᠦᠷ ᠬᠠᠳᠠ | ᠨᠦᠮᠦᠷᠢᠳᠡᠭᠰᠡᠨ ᠦᠶᠦᠭ ᠲᠤᠯᠠᠭᠠᠬᠠᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠡᠪᠦᠯᠵᠢᠶᠡ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠡᠪᠦᠯᠵᠢᠶᠡ ᠨᠦᠭᠦᠳ | ᠲᠤᠳᠤᠷᠠ ᠠᠴᠠ ᠬᠠᠮᠤᠭ ᠤᠨ ᠨᠢᠭᠤᠴᠠᠯᠢᠭ ᠡᠪᠦᠯᠵᠢᠶᠡ ᠪᠤᠯ ᠬᠠᠨᠠᠨ ᠤ ᠠᠮᠠᠨ ᠤ ᠡᠪᠦᠯᠵᠢᠶᠡ ᠪᠤᠯᠤᠨᠠ᠃ ᠡᠨᠡ | ᠡᠪᠦᠯᠵᠢᠶᠡ ᠨᠢ ᠬᠠᠮᠢᠭᠠ ᠠᠴᠠ ᠨᠢ ᠬᠠᠷᠠᠭᠰᠠᠨ ᠴᠤ ᠢᠯᠡ ᠬᠠᠷᠠᠭᠳᠠᠳᠠᠭ ᠦᠬᠡᠢ ᠬᠠᠳᠠ ᠲᠠᠢ ᠬᠤᠳᠤᠭᠤᠷ ᠲᠠᠬᠢ | ᠦᠨᠳᠦᠷ ᠬᠠᠨᠠᠨ ᠬᠠᠳᠠᠨ ᠤ ᠨᠦᠮᠦᠷᠢ ᠳᠤ ᠪᠠᠶᠢᠳᠠᠭ᠃ ᠬᠠᠨᠠᠨ ᠬᠠᠳᠠᠨ ᠤ ᠤᠷᠤᠢ ᠡᠩᠬᠡᠷ ᠲᠤ ᠨᠢ ᠡᠪᠦᠯᠵᠢᠭᠰᠡᠨ | ᠠᠶᠢᠯ ᠤᠨ ᠲᠤᠭᠤᠨᠤ ᠪᠠᠷ ᠬᠠᠷᠠᠬᠳᠠᠳᠠᠭ ᠠᠵᠢ᠃ | ᠡᠷᠳᠡ ᠤᠷᠢᠳᠤ ᠶᠢᠨ ᠴᠠᠭ ᠲᠤ ᠡᠨᠡ ᠬᠦ ᠬᠠᠨᠠᠨ ᠤ ᠠᠮᠠᠨ ᠤ ᠡᠪᠦᠯᠵᠢᠶᠡᠨ ᠳᠤ ᠡᠷᠡ ᠶᠢᠨ ᠰᠠᠶᠢᠨ ᠡᠷᠡᠬᠡᠢ | ᠮᠡᠷᠭᠡᠨ ᠭᠡᠳᠡᠭ ᠬᠦᠤ ᠡᠵᠢ ᠲᠠᠢ ᠪᠠᠨ ᠬᠠᠮᠲᠤ ᠠᠮᠢᠳᠤᠷᠠᠵᠦ ᠪᠠᠶᠢᠵᠦ ᠭᠡᠨᠡ᠃ ᠡᠷᠡ ᠶᠢᠨ ᠰᠠᠶᠢᠨ ᠡᠷᠡᠬᠡᠢ ᠮᠡᠷᠭᠡᠨ | ᠪᠤᠯ ᠬᠠᠷᠪᠤᠵᠦ ᠨᠠᠮᠨᠠᠬᠤ ᠳᠤ ᠪᠠᠨ ᠮᠡᠷᠭᠡᠰᠢᠭᠰᠡᠨ ᠡᠷᠳᠡᠮ ᠤᠬᠠᠭᠠᠨ᠂ ᠡᠷᠡ ᠴᠢᠳᠠᠯ ᠬᠤᠤᠰᠯᠠᠭᠰᠠᠨ ᠪᠠᠭᠠᠳᠤᠷ ᠬᠦᠮᠦᠨ | ᠪᠤᠯᠬᠤᠷ ᠨᠤᠲᠤᠭ ᠤᠰᠤ᠂ ᠬᠦᠮᠦᠨ ᠠᠷᠠᠳ ᠢᠶᠠᠨ ᠬᠠᠷᠠ ᠰᠠᠨᠠᠭᠠᠳᠠᠨ ᠤ ᠬᠠᠯᠳᠠᠯᠭᠠ ᠲᠦᠷᠢᠮᠡᠬᠡᠶᠢᠯᠡᠯ ᠠᠴᠠ | ᠬᠠᠮᠠᠭᠠᠯᠠᠵᠦ ᠶᠠᠪᠤᠳᠠᠭ ᠠᠵᠢ᠃ ᠲᠡᠷᠡ ᠦᠶᠡ ᠳᠤ ᠨᠢᠭᠡᠨ ᠠᠳᠤᠭᠠᠷ ᠬᠠᠷᠠ ᠮᠠᠩᠭᠤᠰ ᠪᠤᠳᠠᠷ ᠨᠤᠲᠤᠭ ᠤᠨ | ᠦᠵᠡᠰᠭᠦᠯᠡᠩ ᠲᠠᠩᠰᠤᠭ ᠲᠤ ᠰᠢᠨᠤᠨ᠂ ᠬᠡᠳᠦ ᠤᠳᠠᠭᠠ ᠢᠷᠡᠵᠦ ᠦᠢᠮᠡᠭᠦᠯᠦᠭᠰᠡᠨ ᠪᠤᠯᠪᠠᠴᠤ ᠡᠷᠡᠬᠡᠢ ᠮᠡᠷᠭᠡᠨ | ᠬᠦᠤ ᠳᠤ ᠳᠡᠶᠢᠯᠦᠭᠳᠡᠨ ᠪᠤᠴᠠᠵᠡᠢ᠃ ᠠᠳᠤᠭᠠᠷ ᠬᠠᠷᠠ ᠮᠠᠩᠭᠤᠰ᠂ ᠡᠷᠡᠬᠡᠢ ᠮᠡᠷᠭᠡᠨ ᠬᠦᠤ ᠲᠠᠢ ᠠᠰ ᠲᠤᠯᠤᠯᠳᠤᠭᠠᠳ | ᠳᠡᠶᠢᠯᠬᠦ ᠦᠬᠡᠢ ᠪᠤᠯᠬᠤᠷ ᠬᠡᠨᠡᠳᠡᠭᠦᠯᠵᠦ ᠪᠠᠶᠢᠭᠠᠳ ᠬᠡᠨᠡᠳᠲᠡᠬᠡᠨ ᠬᠤᠤᠷᠯᠠᠬᠤ ᠠᠷᠭᠠ ᠶᠢ ᠪᠤᠳᠤᠵᠡᠢ᠃ ᠲᠡᠭᠡᠭᠡᠳ | ᠠᠳᠤᠭᠠᠷ ᠬᠠᠷᠠ ᠮᠠᠩᠭᠤᠰ ᠬᠠᠨᠠᠨ ᠤ ᠠᠮᠠᠨ ᠤ ᠡᠪᠦᠯᠵᠢᠶᠡᠨ ᠤ ᠬᠠᠳᠠᠨ ᠤ ᠤᠷᠤᠢ ᠳᠤ ᠰᠠᠮᠬᠡᠨ ᠭᠠᠷᠤᠭᠠᠳ | ᠡᠩᠬᠡᠷ ᠲᠤ ᠨᠢ ᠪᠠᠶᠢᠭᠠ ᠡᠷᠡᠬᠡᠢ ᠮᠡᠷᠭᠡᠨ ᠤ ᠭᠡᠷ ᠤᠨ ᠲᠤᠭᠤᠨᠤ ᠪᠠᠷ ᠦᠩᠭᠡᠶᠢᠭᠰᠡᠨ ᠳᠤ᠂ ᠡᠷᠡᠬᠡᠢ ᠮᠡᠷᠭᠡᠨ | ᠡᠵᠢ ᠲᠠᠢ ᠪᠠᠨ ᠳᠤᠯᠭᠠ ᠪᠠᠨ ᠠᠰᠠᠭᠠᠨ ᠳᠤᠭᠤᠭᠠ ᠪᠠᠨ ᠳᠠᠯᠪᠢᠨ ᠮᠦᠰᠦ ᠬᠠᠶᠢᠯᠤᠭᠤᠯᠤᠨ ᠠᠵᠢᠭ ᠴᠤ ᠦᠬᠡᠢ | ᠰᠠᠭᠤᠵᠦ ᠪᠠᠶᠢᠵᠡᠢ᠃ ᠡᠭᠦᠨ ᠢ ᠬᠠᠷᠠᠭᠰᠠᠨ ᠠᠳᠤᠭᠠᠷ ᠬᠠᠷᠠ ᠮᠠᠩᠭᠤᠰ᠄ ᠵᠠ᠂ ᠮᠡᠷᠭᠡᠨ ᠬᠦᠤ ᠶᠢᠨ ᠦᠬᠦᠬᠦ ᠴᠠᠭ ᠨᠢ | ᠪᠤᠯᠵᠡᠢ᠃ ᠮᠦᠳᠲᠦ ᠭᠠᠷᠴᠤ ᠢᠷᠡᠩᠭᠦᠳᠡ ᠨᠢ ᠦᠰᠦᠷᠴᠤ ᠪᠠᠭᠤᠭᠠᠳ ᠭᠠᠭᠴᠠᠬᠠᠨ ᠬᠤᠭᠤᠯᠠᠶᠢᠯᠠᠴᠢᠬᠠᠨᠠ ᠭᠡᠵᠦ | ᠪᠤᠳᠤᠭᠠᠳ ᠬᠢᠲᠤᠭᠠᠨ ᠤ ᠪᠠᠨ ᠢᠷ ᠢ ᠢᠷᠮᠡᠬᠦ ᠳᠤ ᠬᠦᠬᠡ ᠢᠨᠢᠶᠡᠳᠦ ᠨᠢ ᠬᠦᠷᠴᠦ ᠪᠠᠶᠢᠵᠡᠢ᠃ ᠮᠡᠷᠭᠡᠨ ᠬᠦᠤ | ᠲᠤᠭᠤᠭᠠ ᠲᠠᠢ ᠮᠦᠰᠦ ᠪᠠᠨ ᠬᠠᠶᠢᠯᠤᠭᠤᠯᠤᠨ ᠰᠠᠭᠤᠵᠦ ᠪᠠᠶᠢᠲᠠᠯᠠ ᠮᠦᠰᠦᠨ ᠤ ᠤᠰᠤᠨ ᠳᠤ ᠬᠠᠳᠠᠨ ᠳᠡᠭᠡᠷᠡ | ᠰᠠᠭᠤᠭᠰᠠᠨ ᠬᠠᠴᠢᠨ ᠠᠮᠢᠲᠠᠨ ᠤ ᠳᠦᠷᠰᠦ ᠳᠤᠰᠴᠦ ᠪᠠᠶᠢᠬᠤ ᠬᠠᠷᠠᠭᠳᠠᠵᠠᠢ᠃ ᠡᠷᠡᠬᠡᠢ ᠮᠡᠷᠭᠡᠨ ᠬᠦᠤ ᠭᠠᠶᠢᠬᠠᠰᠬᠢᠨ | ᠳᠡᠭᠡᠭᠰᠢ ᠪᠠᠨ ᠬᠠᠷᠠᠭᠰᠠᠨ ᠳᠤ᠂ ᠲᠤᠭᠤᠨᠤ ᠪᠠᠷ ᠦᠩᠭᠡᠶᠢᠭᠰᠡᠨ ᠬᠠᠳᠠᠨ ᠤ ᠤᠷᠤᠢ ᠳᠡᠭᠡᠷᠡ ᠠᠷᠠᠭᠠ ᠰᠢᠳᠦ ᠨᠢ | ᠠᠷᠵᠠᠶᠢᠭᠰᠠᠨ ᠠᠳᠤᠭᠠᠷ ᠬᠠᠷᠠ ᠮᠠᠩᠭᠤᠰ ᠬᠢᠲᠤᠭᠠ ᠪᠠᠷᠢᠨ ᠰᠠᠭᠤᠵᠦ ᠪᠠᠶᠢᠨᠠ ᠭᠡᠨᠡ᠃ ᠡᠷᠡᠬᠡᠢ ᠮᠡᠷᠭᠡᠨ ᠬᠦᠤ | ᠠᠭᠵᠠᠰᠬᠢᠵᠤ ᠠᠪᠤᠭᠠᠳ᠄ ᠡᠨᠡ ᠮᠠᠭᠤ ᠴᠢᠰᠤ᠂ ᠨᠠᠮᠠ ᠶᠢ ᠭᠡᠷ ᠠᠴᠠ ᠭᠠᠷᠤᠩᠭᠤᠳᠠ ᠬᠡᠨᠡᠳᠡᠬᠦᠯᠬᠦ ᠭᠡᠵᠦ ᠪᠠᠶᠢᠭᠠ | ᠶᠤᠮ ᠪᠠᠶᠢᠨᠠ᠃ ᠲᠡᠭᠡᠬᠦ ᠠᠴᠠ ᠨᠢ ᠡᠮᠦᠨᠡ ᠪᠢ ᠲᠡᠭᠦᠨ ᠢ ᠡᠷᠯᠢᠭ ᠲᠤ ᠨᠢ ᠵᠠᠯᠠᠴᠢᠬᠠᠶᠠ ᠬᠡᠮᠡᠨ ᠨᠤᠮᠤ ᠰᠤᠮᠤ ᠪᠠᠨ | ᠠᠪᠴᠤ᠂ ᠲᠤᠭᠤᠨᠤᠨ ᠤ ᠳᠠᠭᠠ ᠶᠢᠨ ᠵᠠᠢ ᠪᠠᠷ ᠮᠠᠩᠭᠤᠰ ᠤᠨ ᠵᠢᠷᠤᠬᠡ ᠶᠢ ᠤᠨᠢᠯᠠᠵᠦ ᠪᠠᠶᠢᠭᠠᠳ ᠳᠠᠯᠪᠢᠭᠰᠠᠨ ᠴᠢᠨᠢ | ᠠᠳᠤᠭᠠᠷ ᠬᠠᠷᠠ ᠮᠠᠩᠭᠤᠰ ᠠᠶᠢᠬᠤᠪᠳᠤᠷ ᠮᠠᠭᠤᠬᠠᠢ ᠤᠷᠢᠯᠠᠵᠦ ᠠᠪᠤᠭᠠᠳ ᠦᠨᠳᠦᠷ ᠬᠠᠳᠠᠨ ᠳᠡᠭᠡᠷᠡ ᠠᠴᠠ | ᠦᠬᠦᠳᠬᠢᠨ ᠤᠨᠠᠵᠦ ᠦᠬᠦᠭᠰᠡᠨ ᠭᠡᠨᠡ᠃ | ᠬᠠᠨᠠᠨ ᠤ ᠠᠮᠠᠨ ᠤ ᠡᠪᠦᠯᠵᠢᠶᠡ ᠶᠢᠨ ᠡᠨᠡ ᠲᠤᠮᠤᠭ ᠢ ᠰᠤᠨᠤᠰᠤᠭᠰᠠᠨ ᠬᠦᠮᠦᠨ ᠳᠤ ᠪᠤᠳᠠᠷ ᠭᠡᠳᠡᠭ ᠡᠨᠡ | ᠪᠤᠶᠠᠨ ᠲᠠᠢ ᠨᠤᠲᠤᠭ ᠪᠤᠭᠤᠷᠤᠯ ᠳᠡᠭᠡᠳᠦ ᠶᠢᠨ ᠦᠶᠡ ᠠᠴᠠ ᠬᠦᠮᠦᠨ ᠠᠷᠠᠳ ᠢᠶᠠᠨ ᠡᠪᠦᠷ ᠲᠤ ᠪᠠᠨ ᠡᠩᠬᠦᠷᠡᠶᠢᠯᠡᠵᠦ᠂ | ᠡᠯᠢᠭᠡᠨ ᠳᠤ ᠪᠠᠨ ᠳᠤᠯᠠᠭᠠᠯᠠᠵᠦ ᠠᠮᠢᠳᠤᠷᠠᠭᠤᠯᠤᠭᠰᠠᠨ ᠡᠵᠢ ᠠᠪᠤ ᠶᠢᠨ ᠡᠨᠡᠷᠢᠯ ᠲᠠᠢ ᠨᠤᠲᠤᠭ ᠡ ᠭᠡᠵᠦ ᠡᠷᠬᠡ ᠦᠬᠡᠢ | ᠰᠠᠨᠠᠭᠳᠠᠨᠠᠮ ᠠᠵᠢ᠃ | ᠬᠠᠨᠠᠳᠤ ᠭᠡᠷ ᠤᠨ ᠮᠢᠨᠢ ᠲᠤᠭᠤᠨᠤ ᠪᠠᠷ ᠬᠠᠷᠠᠭᠳᠠᠭᠰᠠᠨ | ᠬᠠᠨ ᠠᠪᠤ ᠶᠢᠨ ᠳᠦᠰᠢᠭ ᠲᠠᠢ ᠪᠤᠳᠠᠷ ᠡ | ᠬᠠᠯᠠᠭᠤᠨ ᠡᠩᠭᠡᠷ ᠲᠤ ᠪᠠᠨ ᠦᠷᠡᠰ ᠢᠶᠠᠨ ᠪᠦᠪᠠᠶᠢᠯᠡᠭᠰᠡᠨ | ᠬᠠᠳᠤᠨ ᠡᠵᠢ ᠶᠢᠨ ᠦᠮᠦᠭ ᠲᠠᠢ ᠪᠤᠳᠠᠷ ᠡ ᠁ | |