ᠵᠤᠨ ᠰᠠᠶᠢᠬᠠᠨ᠂ ᠪᠣᠷᠣᠭᠠᠨ ᠲᠠᠢ ᠵᠤᠨ ᠪᠦᠷ ᠴᠦ ᠭᠤᠶᠣ᠃ ᠴᠠᠶᠢᠷᠠᠨ ᠣᠷᠣᠬᠤ ᠪᠣᠷᠣᠭᠠᠨ ᠤ ᠳᠤᠰᠤᠯ | ᠭᠠᠵᠠᠷ ᠳᠡᠯᠡᠬᠡᠢ ᠶᠢ ᠤᠮᠳᠠᠯᠠᠨ ᠲᠦᠮᠡᠨ ᠪᠣᠳᠠᠰ ᠬᠤᠷᠠ ᠶᠢᠨ ᠰᠢᠮᠡ ᠪᠠᠷ ᠤᠷᠭᠤᠨ ᠲᠥᠯᠵᠢᠵᠦ᠂ ᠮᠠᠯ ᠤᠨ ᠵᠣ | ᠠᠮᠠᠷᠠᠨ ᠮᠠᠯᠴᠢᠳ ᠤᠨ ᠮᠠᠩᠨᠠᠢ ᠲᠡᠨᠢᠢᠨ᠂ ᠰᠠᠶᠢᠬᠠᠨ ᠵᠤᠨ ᠪᠣᠯᠬᠤ ᠨᠢ ᠡ᠂ ᠭᠡᠵᠤ ᠤᠴᠢᠷᠯᠠᠬᠤ ᠨᠢ ᠰᠡᠳᠬᠢᠯ ᠳᠤ | ᠪᠦᠷ ᠴᠦ ᠬᠠᠯᠠᠭᠤᠬᠠᠨ᠃ | ᠵᠢᠷᠤᠭ ᠰᠢᠭ ᠪᠠᠶᠢᠭᠠᠯᠢ ᠶᠢᠨ ᠲᠠᠩᠰᠤᠭ ᠦᠵᠡᠮᠵᠢ ᠶᠢ ᠬᠠᠷᠠᠭᠠᠳ ᠱᠠᠭᠰᠢᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ | ᠦᠭᠡᠢ᠃ ᠵᠤᠰᠠᠯᠠᠩ ᠤᠨ ᠠᠶᠢᠯ ᠤᠳ ᠤᠨ ᠬᠤᠨ ᠴᠠᠭᠠᠨ ᠭᠡᠷ ᠤᠳ ᠨᠣᠭᠤᠭᠠᠨ ᠲᠣᠷᠭᠠᠨ ᠵᠦᠯᠭᠡᠨ ᠳᠡᠭᠡᠷᠡ | ᠴᠠᠶᠢᠯᠵᠠᠨ ᠬᠠᠷᠠᠭᠳᠠᠬᠤ ᠨᠢ ᠬᠤᠪᠢ ᠶᠢᠨ ᠭᠠᠳᠠᠨᠠ ᠦᠵᠡᠰᠬᠦᠯᠡᠩ ᠲᠠᠢ ᠠᠵᠠᠢ᠃ | ᠬᠡᠶᠢᠪᠤᠩ ᠭᠤᠣᠯ ᠤᠨ ᠬᠥᠪᠡᠭᠡᠨ ᠳᠤ ᠪᠠᠭᠤᠴᠠ ᠪᠠᠨ ᠵᠠᠰᠠᠭᠰᠠᠨ ᠡᠷᠳᠡᠨᠢᠪᠠᠭᠠᠲᠤᠷ ᠤᠨ ᠳᠤ ᠣᠴᠢᠬᠤ ᠳᠤ | ᠬᠤᠷᠠ ᠱᠠᠭᠢᠭᠰᠠᠨ ᠰᠠᠶᠢᠬᠠᠨ ᠡᠳᠦᠷ ᠪᠠᠶᠢᠯᠠ᠃ ᠡᠯᠡᠰᠦ ᠮᠠᠩᠬᠠᠨ ᠤ ᠡᠬᠡ ᠨᠤᠲᠤᠭ ᠲᠤ ᠪᠠᠭᠤᠴᠠ ᠲᠠᠢ᠂ ᠡᠪᠦᠭᠡ | ᠳᠡᠭᠡᠳᠦᠰ ᠠᠴᠠ ᠪᠠᠨ ᠥᠪᠯᠡᠭᠰᠡᠨ ᠤᠯᠠᠮᠵᠢᠯᠠᠯᠲᠤ ᠮᠠᠯ ᠮᠠᠯᠵᠢᠬᠤ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠠᠵᠤ ᠲᠥᠷᠥᠵᠦ ᠪᠠᠶᠢᠭᠠ | ᠡᠳᠡᠨ ᠤ ᠳᠤ ᠬᠦᠷᠬᠦ ᠳᠤ ᠰᠢᠷᠭᠠᠯᠲᠤᠭᠰᠠᠨ ᠰᠠᠶᠢᠬᠠᠨ ᠰᠦ ᠲᠠᠢ ᠴᠠᠢ ᠠᠶᠠᠭᠠᠯᠠᠨ᠂ ᠰᠢᠷᠠ ᠲᠣᠰᠣ᠂ ᠬᠤᠷᠤᠳ | ᠠᠭᠠᠷᠤᠤᠯ ᠢᠶᠠᠨ ᠲᠠᠪᠠᠭᠯᠠᠨ ᠤᠭᠲᠤᠯᠠ᠃ | ᠣᠷᠣᠭᠰᠠᠨ ᠭᠠᠷᠤᠭᠰᠠᠨ ᠬᠥᠮᠥᠨ ᠲᠠᠢ ᠡᠯᠳᠡᠪ ᠰᠣᠨᠢᠨ ᠵᠣᠭᠤᠭ ᠶᠠᠷᠢᠵᠤ ᠬᠥᠭᠡᠷᠦᠯᠳᠦᠳᠡᠭ ᠳᠣᠲᠣᠨᠣ ᠶᠠᠷᠢᠶᠠ | ᠬᠥᠭᠡᠷᠦᠭᠡ ᠲᠠᠢ ᠭᠡᠷ ᠤᠨ ᠡᠵᠡᠨ ᠡᠷᠳᠡᠨᠢᠪᠠᠭᠠᠲᠤᠷ ᠭᠤᠸᠠᠢ ᠭᠡᠷᠭᠡᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠵᠤᠰᠠᠯᠠᠩ ᠳᠠᠭᠠᠨ | ᠪᠠᠭᠤᠭᠠᠳ ᠰᠠᠷᠠ ᠭᠠᠷᠤᠢ ᠬᠤᠨᠤᠭ ᠪᠣᠯᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠣᠶᠢᠷᠠ ᠬᠠᠪᠢ ᠶᠢᠨ ᠠᠶᠢᠯ ᠤᠳ ᠤᠨ | ᠣᠯᠠᠩᠬᠢ ᠨᠢ ᠮᠠᠯ ᠠᠬᠤᠢ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠢ ᠤᠶᠠᠯᠳᠤᠭᠤᠯᠤᠨ ᠡᠵᠡᠩᠨᠡᠵᠦ ᠪᠠᠶᠢᠭᠠ ᠲᠠᠢ ᠠᠳᠠᠯᠢᠬᠠᠨ᠂ | ᠡᠷᠳᠡᠨᠢᠪᠠᠭᠠᠲᠤᠷ ᠤᠨ ᠬᠢ ᠬᠡᠳᠦᠨ ᠮᠠᠯ ᠤᠨ ᠢᠶᠠᠨ ᠪᠤᠶᠠᠨ ᠳᠤ ᠲᠦᠰᠢᠵᠦ᠂ ᠬᠠᠶᠠ ᠵᠠᠬᠢᠶᠠᠯᠠᠭᠠ ᠪᠠᠷ ᠢᠷᠡᠬᠦ ᠵᠣᠴᠢᠨ | ᠳᠤ ᠬᠤᠭᠤᠯᠠ ᠪᠤᠳᠠᠭᠠ ᠪᠡᠯᠡᠳᠬᠡᠨ ᠥᠭᠴᠦ᠂ ᠠᠶᠠᠨ ᠤ ᠬᠥᠮᠥᠨ ᠤ ᠶᠠᠳᠠᠷᠠᠭᠠ ᠶᠢ ᠲᠠᠶᠢᠯᠵᠤ ᠠᠶᠠᠭᠠᠨ ᠤ ᠠᠮᠠᠰᠠᠷ | ᠵᠠᠭᠤᠯᠭᠠᠭᠠᠳ ᠭᠠᠷᠭᠠᠳᠠᠭ ᠳᠠᠳᠬᠠᠯ ᠲᠠᠢ ᠪᠢᠯᠡ᠃ ᠡᠶᠢᠨ ᠬᠦ ᠬᠥᠳᠡᠭᠡ ᠶᠢᠨ ᠪᠣᠷᠣ ᠮᠠᠯᠴᠢᠨ ᠤ ᠵᠤᠰᠠᠯᠠᠩ ᠤᠨ | ᠠᠮᠢᠳᠤᠷᠠᠯ ᠤᠨ ᠶᠡᠷᠦ ᠶᠢᠨ ᠨᠢᠭᠡ ᠦᠵᠡᠭᠳᠡᠯ ᠢ ᠴᠦ ᠪᠣᠯᠪᠠ ᠦᠦ ᠬᠠᠷᠠᠭᠤᠯᠬᠤ ᠶᠢ ᠬᠢᠴᠢᠶᠡᠵᠦ᠂ ᠡᠨᠡ ᠬᠦ ᠪᠢᠴᠢᠯᠭᠡ | ᠶᠢ ᠪᠡᠯᠡᠳᠬᠡᠯᠡ᠃ |