| ᠬᠡᠣᠬᠡᠳ ᠤᠨ ᠢᠷᠦᠭᠡᠯ | ᠯᠤᠪᠰᠠᠩᠴᠡᠷᠢᠨ | ᠤᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠤᠯᠳᠤᠭᠠᠢ︕ | ᠡᠩᠭᠡ ᠰᠠᠶᠢᠨ ᠵᠢᠷᠭᠠᠯᠠᠩ ᠪᠤᠯᠳᠤᠭᠠᠢ︕ | ᠬᠦᠭᠵᠢᠵᠤ ᠪᠠᠶᠢᠭᠠ ᠲᠦᠷᠦ ᠶᠢᠨ ᠢᠶᠠᠨ | ᠬᠦᠨᠳᠤ ᠨᠠᠶᠢᠳᠠᠪᠤᠷᠢ ᠶᠢ ᠬᠦᠯᠢᠶᠡᠭᠰᠡᠨ | ᠬᠦᠰᠡᠯᠡᠩᠲᠤ ᠴᠠᠭ ᠤᠨ ᠰᠠᠶᠢᠬᠠᠨ ᠢ | ᠬᠦᠷᠲᠡᠬᠦ ᠬᠤᠪᠢ ᠲᠠᠢ ᠬᠡᠤᠬᠡᠳ ᠤᠳ ᠮᠢᠨᠢ | ᠰᠢᠨᠡᠳᠴᠤ ᠪᠠᠶᠢᠭᠠ ᠲᠦᠷᠦ ᠶᠢᠨ ᠢᠶᠠᠨ | ᠰᠢᠨᠡ ᠨᠠᠶᠢᠳᠠᠪᠤᠷᠢ ᠶᠢ ᠬᠦᠯᠢᠶᠡᠭᠰᠡᠨ | ᠰᠢᠨᠵᠢᠯᠡᠬᠦ ᠮᠡᠷᠭᠡᠵᠢᠯ ᠤᠨ ᠰᠠᠶᠢᠬᠠᠨ ᠢ | ᠰᠢᠩᠭᠡᠭᠡᠬᠦ ᠬᠤᠪᠢ ᠲᠠᠢ ᠬᠡᠣᠬᠡᠳ ᠤᠳ ᠮᠢᠨᠢ | ᠡᠴᠢᠭᠡ ᠶᠢᠨ ᠭᠤᠯᠤᠮᠳᠠ ᠶᠢ ᠬᠡᠶᠢᠬᠦᠯᠵᠤ | ᠡᠷᠡ ᠶᠢᠨ ᠰᠠᠶᠢᠬᠠᠨ ᠳᠤ ᠬᠢᠯᠠᠯᠵᠠᠬᠤ | ᠢᠰᠡᠭᠡᠢ ᠭᠡᠷ ᠲᠤ ᠲᠦᠷᠦᠭᠰᠡᠨ | ᠡᠷᠭᠡ ᠬᠦᠤ ᠪᠠᠨ ᠢᠷᠦᠭᠡᠮᠤ | ᠠᠪᠤ ᠡᠵᠢ ᠪᠠᠨ ᠬᠦᠨᠳᠤᠯᠡᠵᠤ ᠶᠠᠪᠤ | ᠠᠬᠠ ᠲᠡᠭᠦᠤ ᠰᠠᠳᠤᠨ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤ | ᠠᠨᠳᠠ ᠨᠦᠭᠦᠳ ᠲᠠᠢ ᠪᠠᠨ ᠪᠦᠯᠬᠦᠮᠳᠡᠵᠤ ᠶᠠᠪᠤ | ᠠᠶᠢᠯ ᠰᠠᠭᠠᠬᠠᠯᠲᠠ ᠲᠠᠢ ᠪᠠᠨ ᠡᠪ ᠲᠠᠢ ᠶᠠᠪᠤ | ᠪᠤᠯᠠᠭᠠᠨ ᠲᠤᠷᠤᠭᠤ ᠬᠡᠶᠢᠰᠬᠡᠵᠤ ᠶᠠᠪᠤ | ᠪᠤᠯᠲᠤ ᠤᠯᠠᠨ ᠳᠤ ᠪᠠᠨ ᠮᠠᠭᠲᠠᠭᠳᠠᠵᠤ ᠶᠠᠪᠤ | ᠪᠤᠶᠠᠨ ᠭᠡᠰᠢᠭ ᠴᠢᠨᠢ ᠨᠡᠮᠡᠭᠳᠡᠵᠤ ᠶᠠᠪᠤ | ᠪᠤᠭᠤᠷᠤᠯ ᠪᠤᠯᠳᠠᠯᠠ ᠪᠠᠨ ᠵᠢᠷᠭᠠᠵᠤ ᠶᠠᠪᠤ | ᠦᠭᠡᠳᠡᠯᠡᠵᠤ ᠪᠠᠶᠢᠭᠠ ᠲᠦᠷᠤ ᠶᠢᠨ ᠢᠶᠠᠨ | ᠴᠡᠴᠡᠭ ᠨᠢ ᠪᠤᠯᠤᠭᠰᠠᠨ ᠬᠤᠶᠢᠴᠢᠰ | ᠦᠳᠡᠯᠦᠭᠡ ᠪᠤᠭᠤᠷᠤᠯ ᠨᠠᠰᠤᠳᠠᠳ ᠤᠨ ᠢᠶᠠᠨ | ᠴᠢᠮᠡᠭ ᠨᠢ ᠪᠤᠯᠤᠭᠰᠠᠨ ᠦᠷᠡᠰ | ᠮᠠᠨᠳᠤᠵᠤ ᠪᠠᠶᠢᠭᠠ ᠲᠦᠷᠤ ᠶᠢᠨ ᠢᠶᠠᠨ | ᠦᠩᠭᠡ ᠨᠢ ᠪᠤᠯᠤᠭᠰᠠᠨ ᠬᠤᠶᠢᠴᠢᠰ | ᠮᠠᠷᠭᠠᠰᠢ ᠶᠢᠨ ᠰᠠᠶᠢᠬᠠᠨ ᠢᠷᠡᠭᠡᠲᠤᠢ ᠶᠢᠨ ᠢᠶᠠᠨ | ᠦᠷᠯᠦᠭᠡ ᠨᠢ ᠪᠤᠯᠤᠭᠰᠠᠨ ᠦᠷᠡᠰ | ᠬᠦᠭᠡ ᠮᠤᠩᠭᠤᠯ ᠤᠨ ᠵᠠᠩᠰᠢᠯ ᠢᠶᠠᠷ | ᠬᠦᠮᠤᠨ ᠤ ᠡᠰᠢ ᠶᠤᠰᠤᠨ ᠢᠶᠠᠷ | ᠬᠦᠭᠡᠷᠦᠬᠦ᠋ᠢᠯᠡᠨ ᠰᠠᠨᠠᠵᠤ ᠦᠰᠭᠡᠭᠰᠡᠨ | ᠬᠡᠤᠬᠡᠨ ᠦᠷᠡ ᠪᠠᠨ ᠢᠷᠦᠭᠡᠮᠤ | ᠰᠢᠨᠡ ᠮᠡᠷᠭᠡᠵᠢᠯ ᠢ ᠰᠤᠷᠴᠤ ᠶᠠᠪᠤ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠡᠵᠡᠮᠰᠢᠵᠤ ᠶᠠᠪᠤ | ᠰᠢᠯᠢᠳᠡᠭ ᠠᠮᠵᠢᠯᠳᠠ ᠭᠠᠷᠭᠠᠵᠤ ᠶᠠᠪᠤ | ᠰᠢᠨᠳᠠᠷᠠᠰᠢ ᠦᠭᠡᠢ ᠴᠢᠷᠮᠠᠶᠢᠵᠤ ᠶᠠᠪᠤ | ᠨᠠᠷᠠᠨ ᠳᠤ ᠠᠳᠠᠯᠢ ᠭᠡᠷᠡᠯᠳᠤᠵᠤ ᠶᠠᠪᠤ | ᠨᠠᠪᠴᠢᠨ ᠳᠤ ᠠᠳᠠᠯᠢ ᠳᠡᠯᠭᠡᠷᠡᠵᠤ ᠶᠠᠪᠤ | ᠨᠠᠢᠮᠠᠨ ᠵᠦᠭ ᠲᠤ ᠪᠠᠨ ᠬᠦᠨᠳᠤᠯᠡᠬᠦᠯᠵᠤ ᠶᠠᠪᠤ | ᠨᠠᠰᠤᠨ ᠲᠤᠷᠰᠢ ᠵᠢᠷᠭᠠᠵᠤ ᠶᠠᠪᠤ | ᠰᠠᠷᠠᠨ ᠳᠤ ᠠᠳᠠᠯᠢ ᠰᠠᠴᠤᠷᠠᠵᠤ ᠶᠠᠪᠤ | ᠰᠠᠮᠠᠭᠠ ᠠᠳᠠᠯᠢ ᠳᠡᠯᠭᠡᠷᠡᠵᠤ ᠶᠠᠪᠤ | ᠰᠠᠶᠢᠨ ᠰᠠᠶᠢᠬᠠᠨ ᠢ ᠦᠵᠡᠵᠤ ᠶᠠᠪᠤ | ᠰᠠᠨᠠᠭᠠ ᠲᠠᠶᠢᠪᠤᠩ ᠵᠢᠷᠭᠠᠵᠤ ᠶᠠᠪᠤ᠃ |