| ᠶᠡᠭᠡ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠲᠡᠭᠡᠳᠦ ᠨᠠᠶᠢᠰᠯᠠᠯ ᠬᠤᠳᠠ ᠪᠠ ᠶᠡᠭᠡ ᠨᠡᠶᠢᠰᠯᠠᠯ ᠲᠠᠶᠢᠳᠤ ᠪᠡᠭᠡᠵᠢᠩ | ᠬᠤᠳᠠ ᠶᠢᠨ ᠬᠤᠭᠤᠷᠤᠨᠳᠤ ᠨᠡᠪᠳᠡᠷᠡᠬᠦ ᠵᠡᠬᠦᠨ ᠵᠠᠮ ᠲᠡᠭᠡᠷᠡ ᠬᠠᠭᠠᠨ ᠤ ᠠᠪᠠ ᠬᠤᠮᠤᠷᠭᠠ ᠲᠠᠯᠪᠢᠬᠤ ᠭᠠᠵᠠᠷ ᠪᠤᠯᠤᠨ | ᠵᠤᠭᠠᠴᠠᠨ ᠰᠡᠯᠡᠬᠦᠴᠡᠬᠦ ᠵᠡᠬᠦᠨ ᠰᠡᠷᠢᠬᠦᠨ ᠤᠷᠳᠤᠨ ᠬᠡᠮᠡᠬᠦ ᠴᠠᠭᠠᠨ ᠬᠤᠳᠠ ᠪᠠᠶᠢᠳᠠᠭ᠃ ᠲᠤᠬᠠᠢ ᠶᠢᠨ ᠦᠶᠠᠰ ᠠᠪᠠ | ᠲᠠᠯᠪᠢᠵᠦ ᠪᠠᠶᠢᠭᠰᠠᠨ ᠠᠭᠤᠯᠠ ᠨᠢᠷᠤᠭᠤᠨ — ︽ᠰᠠᠶᠢᠬᠠᠨ ᠲᠠᠪᠠᠭᠠ︾᠂ ︽ᠰᠦᠢᠬᠡ ᠶᠢᠨ ᠲᠠᠪᠠᠭᠠ︾᠂ ︽ | ᠤᠯᠠᠭᠠᠨ ᠲᠠᠪᠠᠭᠠ︾ ᠶᠢ ︽ᠠᠪᠠ ᠶᠢᠨ ᠠᠭᠤᠯᠠ︾ ᠬᠡᠳᠡᠭ᠃ ᠲᠡᠭᠡᠳᠦ ᠨᠠᠶᠢᠰᠯᠠᠯ ᠠᠴᠠ ᠵᠠᠭᠤ ᠭᠤᠴᠢᠭᠠᠳ ᠭᠠᠵᠠᠷ | ᠵᠠᠶᠢᠳᠠᠢ᠃ ᠤᠢ ᠰᠢᠭᠤᠢ ᠰᠠᠬᠤᠯᠢᠭ ᠪᠢᠳᠡᠬᠦᠦ᠂ ᠠᠷᠢᠶᠠᠳᠠᠨ ᠬᠦᠷᠦᠬᠡᠰᠦ ᠰᠦᠷᠦᠭ ᠰᠦᠷᠦᠭ ᠲᠤᠭᠯᠠᠯᠳᠤᠭᠰᠠᠨ | ᠲᠠᠩᠰᠤᠭ ᠪᠠᠶᠠᠨ ᠲᠠᠭᠰᠢᠨ ᠤᠷᠤᠨ ᠪᠢᠯᠡ᠃ ᠠᠪᠠ ᠶᠢᠨ ᠠᠭᠤᠯᠠ ᠶᠢᠨ ᠠᠷᠤ ᠪᠡᠯ ᠳᠤ ᠠᠪᠠ ᠶᠢᠨ ᠬᠦᠷᠢᠶᠡᠨ ᠤ | ᠵᠠᠬᠢᠷᠭᠠ ᠪᠠᠶᠢᠵᠦ᠂ ᠬᠠᠭᠠᠨ ᠤ ᠠᠪᠠ ᠬᠤᠮᠤᠷᠭᠠ ᠲᠠᠯᠪᠢᠬᠤ ᠳᠤ ᠭᠡᠷᠡᠭᠰᠡᠬᠦ ᠨᠤᠮᠤ ᠰᠤᠮᠤ ᠠᠮᠤ ᠬᠦᠨᠡᠰᠦ ᠠᠭᠳᠠ | ᠬᠦᠯᠦᠭ ᠢ ᠪᠡᠯᠡᠳᠬᠡᠳᠡᠭ ᠪᠠᠶᠢᠵᠠᠢ᠃ ᠬᠦᠷᠢᠶᠡᠨ ᠤ ᠪᠠᠭᠤᠷᠢ᠂ ᠰᠠᠴᠤᠯᠢ ᠲᠠᠬᠢᠯᠭᠠ ᠶᠢᠨ ᠰᠦᠮᠠ ᠤᠨ ᠴᠠᠭ ᠤᠨ | ᠤᠷᠤᠰᠬᠠᠯ᠂ ᠤᠯᠠᠨ ᠤᠳᠠᠭᠠᠨ ᠤ ᠲᠠᠶᠢᠨ᠂ ᠤᠯᠵᠠ ᠬᠠᠶᠢᠯᠳᠠ ᠶᠢᠨ ᠲᠡᠵᠢᠨ ᠳᠤ ᠪᠡᠯᠡᠷᠰᠢᠵᠦ ᠰᠢᠷᠬᠠ ᠰᠤᠷᠪᠢ ᠪᠠᠷ | ᠲᠦᠬᠦᠷᠦᠭᠰᠡᠨ ᠬᠦᠬᠡ ᠪᠠᠭᠤᠷᠢ᠂ ᠬᠦᠳᠡᠭᠡ ᠬᠡᠬᠡᠷᠡ ᠬᠡᠪᠳᠡᠨᠡ᠃ ᠭᠠᠭᠴᠠ ᠬᠦ ᠠᠪᠠ ᠬᠤᠮᠤᠷᠭᠠ ᠳᠤ ᠬᠡᠷᠡᠭᠯᠡᠵᠦ | ᠪᠠᠶᠢᠭᠰᠠᠨ ᠴᠢᠯᠠᠭᠤᠨ ᠤᠶᠠᠭᠠ ᠬᠠᠳᠠᠭᠤ ᠪᠠᠬᠢ᠂ ᠬᠠᠯᠠ ᠲᠠᠮᠤ ᠶᠢ ᠲᠠᠭᠠᠭᠠᠳᠠᠭ ᠬᠠᠳᠠᠨ ᠴᠢᠨᠡᠷ ᠤᠨ ᠰᠢᠷᠪᠤᠰᠤ | ᠵᠢᠭᠠᠵᠦ ᠪᠠᠭᠤᠷᠢ ᠲᠡᠭᠡᠷᠡ ᠮᠦᠩᠬᠡ ᠶᠢᠨ ᠮᠠᠨᠠᠭᠠ ᠪᠤᠯᠤᠨ ᠵᠤᠭᠰᠤᠨᠠ᠃ ᠬᠦᠬᠡ ᠪᠤᠷᠵᠢᠨ ᠴᠢᠯᠠᠭᠤᠨ ᠤᠶᠠᠭᠠ | ᠤᠷᠳᠤ ᠲᠦᠷᠪᠡᠯᠵᠢᠨ ᠪᠡᠶᠡ᠂ ᠲᠡᠷᠢᠬᠦᠨ ᠳᠡᠭᠡᠨ ᠮᠤᠷᠢ ᠤᠶᠠᠬᠤ ᠴᠤᠭᠤᠯᠳᠠᠭᠰᠠᠨ ᠲᠦᠷᠪᠡᠨ ᠨᠦᠬᠡ ᠲᠠᠢ᠂ | ᠡᠯᠡᠭᠳᠡᠭᠰᠡᠨ ᠤᠷᠤᠮ ᠲᠤᠳᠤ᠂ ᠰᠡᠬᠦᠯ ᠤᠨ ᠦᠶᠡᠰ ᠤᠨ ᠨᠡᠮᠡᠵᠦ ᠬᠢᠭᠰᠡᠨ ᠪᠤᠯᠪᠠᠤ ᠬᠡᠮᠡᠷ ᠬᠡᠳᠦᠨ ᠴᠢᠯᠠᠭᠤᠨ | ᠤᠶᠠᠭᠠ ᠨᠢ ᠬᠠᠷᠢᠨ ᠴᠤᠭᠤᠯᠳᠠᠭᠰᠠᠨ ᠲᠦᠷᠪᠡᠨ ᠨᠦᠬᠡ ᠨᠢ ᠲᠤᠮᠳᠠ ᠪᠠᠨ ᠪᠠᠭᠠᠨᠠ ᠰᠡᠶᠢᠯᠪᠤᠷᠢ ᠲᠠᠢ ᠪᠤᠯᠤᠭᠰᠠᠨ ᠨᠢ | ᠪᠠᠭᠠᠵᠢ ᠵᠡᠪᠰᠡᠭ ᠨᠠᠷᠢᠰᠴᠦ᠂ ᠤᠷᠠ ᠮᠡᠷᠬᠡᠵᠢᠯ ᠲᠡᠭᠡᠭᠰᠢᠯᠡᠵᠦ᠂ ᠣᠬᠠᠭᠠᠨ ᠰᠠᠨᠠᠭᠠ ᠪᠠᠶᠠᠯᠢᠭᠵᠢᠭᠰᠠᠨ ᠤ ᠪᠤᠯᠤᠯᠳᠠᠢ᠃ | ᠤᠶᠠᠭᠠᠨ ᠤ ᠤᠷᠳᠤᠯᠵᠢᠨ ᠪᠡᠶᠡ ᠲᠡᠭᠡᠷᠡ ︽ᠪᠡᠳᠦ︾ ᠬᠡᠮᠡᠬᠦ ᠪᠤᠰᠤᠭᠠ ᠮᠤᠩᠭᠤᠯ ᠦᠰᠦᠭ ᠰᠡᠶᠢᠯᠦᠭᠰᠡᠨ ᠨᠢ | ᠭᠤᠶᠢᠳᠠ ᠬᠡᠬᠡᠨᠴᠢᠷ᠂ ᠰᠦᠷ ᠵᠢᠪᠬᠤᠭᠠ ᠲᠠᠢ ᠬᠠᠷᠠᠭᠳᠠᠨᠠ᠃ ᠨᠤᠳᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯ | ᠬᠠᠭᠤᠴᠢ ᠶᠠᠷᠢᠶᠠᠨ ᠳᠤ ︽ᠪᠠᠳᠤ︾ ᠪᠤᠯ ᠪᠡᠯᠭᠦᠳᠠᠢ ᠶᠢ ᠲᠠᠭᠠᠵᠦ ᠶᠠᠪᠤᠵᠦ ᠪᠠᠶᠢᠭᠰᠠᠨ ᠶᠡᠭᠡ ᠵᠠᠩᠵᠤᠨ ᠤ ᠬᠤᠶᠢᠴᠢᠰ | ᠬᠡᠨᠡ᠃ ᠲᠡᠬᠦᠨ ᠤ ᠤᠩᠭᠤᠨ ᠪᠤᠯᠠᠰᠢ᠂ ᠰᠦᠮᠡ ᠬᠡᠶᠢᠳ᠂ ᠬᠠᠮᠢᠶᠠᠷᠤᠨ ᠵᠠᠬᠢᠷᠴᠦ ᠶᠠᠪᠤᠭᠰᠠᠨ ᠠᠪᠠ ᠶᠢᠨ ᠬᠦᠷᠢᠶᠡ | ᠡᠳᠦᠬᠡ ᠪᠠᠰᠠ ᠪᠠᠶᠢᠭᠰᠠᠭᠠᠷ ᠬᠡᠨᠡ᠃ ᠴᠢᠯᠠᠭᠤᠨ ᠤᠶᠠᠭᠠ ᠠᠷᠪᠠᠨ ᠬᠤᠶᠠᠷ᠂ ᠮᠤᠩᠭᠤᠯᠴᠤᠳ ᠤᠨ ᠤᠨ ᠵᠢᠯ ᠢ | ᠲᠡᠮᠳᠡᠭᠯᠡᠭᠰᠡᠨ ᠠᠷᠪᠠᠨ ᠬᠤᠶᠠᠷ ᠠᠮᠢᠳᠠᠨ ᠤ ᠪᠡᠯᠬᠡᠳᠡᠯ᠂ ︽ᠵᠠᠩᠭᠠᠷ︾ ᠤᠨ ᠲᠤᠤᠯᠢ ᠳᠤ ᠭᠠᠷᠳᠠᠭ ᠠᠷᠪᠠᠨ ᠬᠤᠶᠠᠷ | ᠪᠠᠭᠠᠳᠤᠷ ᠤᠨ ᠪᠡᠯᠬᠡᠳᠡᠯ ᠪᠤᠯᠪᠠᠤ᠂ ᠲᠡᠭᠡᠳᠦ ᠨᠠᠶᠢᠰᠯᠠᠯ ᠱᠠᠩᠳᠤ ᠬᠤᠳᠠ ᠶᠢᠨ ᠡᠷᠬᠢᠨ ᠲᠤᠭᠤᠷᠢᠨ ᠳᠤ ︽ᠪᠠᠳᠤ ᠬᠠᠨ | ᠠᠭᠤᠯᠠ︾᠂ ︽ᠪᠠᠳᠤ ᠴᠢᠯᠠᠭᠤᠨ ᠤᠶᠠᠭᠠ︾᠂ ︽ᠪᠠᠳᠤ ᠪᠤᠯᠠᠭ︾ ᠭᠤᠤᠯ ᠭᠤᠷᠤᠬᠠ ᠪᠠᠶᠢᠬᠤ ᠨᠢ ᠦᠨᠢ | ᠡᠷᠳᠡᠨ ᠤ ᠲᠡᠤᠬᠡᠨ ᠤᠯᠪᠠᠭᠠ ᠲᠠᠢ ᠪᠠᠶᠢᠬᠠ᠃ ᠵᠡᠬᠦᠨ ᠰᠠᠷᠢᠬᠦᠨ ᠤᠷᠳᠤᠨ ︽ᠴᠠᠭᠠᠨ ᠬᠤᠳᠠ︾ ᠠᠴᠠ ᠭᠤᠴᠢᠭᠠᠳ | ᠭᠠᠵᠠᠷ ᠵᠠᠶᠢᠳᠠᠢ᠂ ᠨᠤᠳᠤᠭ ᠨᠢ ᠠᠯᠳᠠᠭᠳᠠᠵᠦ᠂ ᠠᠳᠤᠭᠤ ᠨᠢ ᠬᠤᠪᠤᠷᠳᠡᠵᠦ᠂ ᠬᠦᠷᠢᠶᠡ ᠨᠢ ᠪᠠᠯᠠᠷᠰᠢᠭᠰᠠᠨ ᠪᠤᠯᠪᠠᠴᠤ | ︽ᠰᠤᠶᠤᠯ︾ ᠨᠢ ᠠᠮᠠ ᠲᠠᠮᠵᠢᠨ ᠦᠯᠡᠳᠡᠭᠰᠡᠨ ᠨᠢ ᠶᠠᠭᠤᠳᠠᠢ ᠠᠮᠢ ᠪᠦᠬᠡ ᠠᠵᠠᠢ᠃ ᠶᠠᠭ ᠯᠠ ᠤᠷᠤᠢ ᠶᠢᠨ | ᠰᠢᠩᠬᠡᠭᠰᠡᠨ ᠨᠠᠷᠠ᠂ ᠦᠷᠯᠦᠬᠡ ᠮᠠᠨᠳᠤᠭᠰᠠᠨ ᠮᠡᠳᠦ ᠲᠡᠯᠡᠬᠡᠢ ᠶᠢᠨ ᠬᠦᠮᠦᠰ ᠲᠤ ᠮᠤᠩᠭᠤᠯ ᠶᠤᠸᠠᠨ ᠤ ᠰᠤᠶᠤᠯ ᠤᠨ | ᠲᠡᠭᠡᠵᠢ ᠶᠢ ᠠᠮᠰᠠᠭᠤᠯᠤᠨᠠ᠃ | — — ︽ᠲᠡᠭᠡᠳᠦ ᠨᠠᠶᠢᠰᠯᠠᠯ ᠱᠠᠩᠳᠤ ᠶᠢᠨ ᠨᠤᠳᠤᠭ ᠤᠰᠤᠨ︾ ᠬᠡᠮᠡᠬᠦ ᠨᠤᠮ ᠠᠴᠠ ᠰᠡᠶᠢᠷᠡᠬᠦᠯᠪᠡ᠃ |