| ᠤᠶᠢᠷᠠ ᠶᠢᠨ ᠵᠢᠯ ᠬᠦᠳᠡᠭᠡ ᠨᠤᠲᠤᠭ ᠢᠶᠠᠷ ᠠᠳᠤᠭᠤ ᠮᠠᠯᠵᠢᠵᠤ᠂ ᠮᠤᠷᠢ ᠤᠨᠤᠬᠤ ᠬᠦᠮᠦᠰ ᠤᠯᠠᠰᠢᠷᠠᠵᠤ | ᠢᠷᠡᠭᠰᠡᠨ ᠢᠶᠠᠷ ᠡᠭᠦᠨ ᠢ ᠳᠠᠭᠠᠯᠳᠤᠨ ᠨᠡᠬᠦᠳᠡᠯ ᠰᠤᠶᠤᠯ ᠤᠨ ᠦᠪ ᠪᠤᠯᠤᠭᠰᠠᠨ ᠮᠤᠷᠢᠨ ᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠴᠦ | ᠵᠠᠬᠠ ᠳᠡᠯᠭᠡᠭᠦᠷ ᠲᠤ ᠥᠪᠡᠷ ᠤᠨ ᠭᠡᠰᠡᠨ ᠤᠷᠤᠨ ᠪᠠᠶᠢᠷᠢ ᠲᠠᠢ ᠪᠤᠯᠵᠤ᠂ ᠤᠷᠠᠯᠠᠵᠤ ᠬᠢᠬᠦ᠂ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠬᠦ | ᠬᠦᠮᠦᠰ ᠤᠯᠠᠮ ᠤᠯᠠᠰᠢᠷᠠᠭᠰᠠᠨ ᠪᠠᠶᠢᠨᠠ᠃ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠪᠤᠱᠤᠤᠳᠠᠢ ᠰᠤᠮᠤᠨ ᠤ | ᠭᠤᠭᠤᠰᠤᠳᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠵᠠᠯᠠᠭᠤ ᠨᠠᠨᠳᠢᠨ ᠪᠤᠯ ᠡᠳᠡᠭᠡᠷ ᠬᠦᠮᠦᠰ ᠤᠨ ᠳᠤᠳᠤᠷᠠᠬᠢ ᠨᠢᠭᠡᠨ ᠶᠤᠮ᠃ | ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠰᠠᠩ ᠤᠨ ᠳᠠᠯᠠᠢ ᠪᠠᠯᠭᠠᠰᠤᠨ ᠤ ᠲᠦᠪ ᠲᠤ ᠵᠡᠭᠡᠯᠢ ᠨᠢᠭᠤᠷᠯᠠᠨ ᠪᠠᠶᠢᠷᠢᠯᠠᠭᠠ | ᠡᠨᠡ ᠬᠦ ᠵᠢᠵᠢᠭᠭᠡᠨ ᠪᠠᠶᠢᠰᠢᠩ ᠬᠡᠷ ᠪᠤᠯ ᠨᠠᠨᠳᠢᠨ ᠤ ︽ᠤᠷᠠᠨ ᠰᠤᠷ︾ ᠮᠤᠷᠢᠨ ᠡᠳ᠋ᠯᠡᠯ ᠤᠨ ᠳᠡᠯᠭᠡᠭᠦᠷ ᠪᠤᠯᠬᠤ ᠶᠤᠮ᠃ | ᠳᠡᠯᠭᠡᠭᠦᠷ ᠤᠨ ᠬᠠᠨᠠ ᠶᠢ ᠳᠠᠭᠠᠭᠤᠯᠤᠨ ᠡᠮᠡᠭᠡᠯ᠂ ᠬᠠᠵᠠᠭᠠᠷ ᠨᠤᠭᠳᠤ᠂ ᠳᠠᠰᠢᠭᠤᠷ᠂ ᠴᠢᠳᠤᠷ ᠲᠤᠱᠠ᠂ | ᠲᠤᠬᠤᠮ ᠤᠨ ᠳᠠᠷᠤᠭᠤᠯᠭᠠ᠂ ᠤᠯᠤᠩ ᠵᠢᠷᠢᠮ ᠁ ᠵᠡᠷᠭᠡ ᠰᠤᠷ ᠡᠳ᠋ᠯᠡᠯ ᠤᠳ ᠢ ᠡᠮᠬᠢ ᠴᠡᠭᠴᠡ ᠲᠠᠢ | ᠪᠠᠶᠢᠷᠢᠰᠢᠭᠤᠯᠤᠨ ᠳᠠᠯᠪᠢᠵᠦ᠂ ᠴᠠᠭᠠᠳᠤ ᠪᠢᠴᠢᠬᠠᠨ ᠵᠠᠢ ᠳᠤ ᠨᠢ ᠨᠠᠨᠳᠢᠨ ᠥᠪᠡᠷ ᠢᠶᠠᠨ ᠪᠤᠰᠤᠳ ᠤᠨ ᠵᠠᠬᠢᠶᠠᠯᠠᠭᠠ ᠪᠠᠷ | ᠬᠢᠯᠭᠡᠵᠦ ᠪᠠᠶᠢᠭᠠ ᠮᠤᠷᠢᠨ ᠤ ᠡᠳ᠋ᠯᠡᠯ ᠢ ᠤᠷᠤᠯᠳᠤᠵᠤ ᠰᠠᠭᠤᠨᠠ᠃ | ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠳᠤ ᠮᠤᠷᠢᠨ ᠤ ᠡᠳ᠋ᠯᠡᠯ ᠬᠢᠵᠦ ᠪᠠᠶᠢᠭᠠ ᠬᠦᠮᠦᠰ ᠨᠡᠯᠢᠶᠡᠳ ᠤᠯᠠᠨ ᠪᠠᠶᠢᠭᠰᠠᠨ | ᠴᠦ ᠤᠯᠠᠩᠬᠢ ᠨᠢ ᠠᠬᠠᠮᠠᠳ ᠳᠤᠮᠤᠭᠠ ᠲᠠᠢ ᠬᠦᠮᠦᠰ ᠪᠠᠶᠢᠵᠦ᠂ ᠴᠦᠭᠡᠪᠦᠷ ᠬᠡᠳᠦᠨ ᠵᠠᠯᠠᠭᠤᠰ ᠨᠠᠰᠤᠳᠠᠨ | ᠳᠤᠮᠤᠭᠠᠳᠠᠳ ᠠᠴᠠ ᠪᠠᠨ ᠭᠠᠷ ᠤᠨ ᠤᠷᠠ ᠶᠢ ᠨᠢ ᠤᠯᠠᠮᠵᠢᠯᠠᠨ᠂ ᠦᠨᠳᠦᠰᠦᠳᠡᠨ ᠤ ᠰᠤᠶᠤᠯ ᠤᠨ ᠦᠪ ᠪᠤᠯᠤᠭᠰᠠᠨ | ᠰᠤᠷ ᠡᠳ᠋ᠯᠡᠯ ᠬᠢᠬᠦ ᠮᠡᠷᠭᠡᠵᠢᠯ ᠢ ᠨᠢ ᠦᠪᠯᠡᠵᠦ ᠶᠠᠪᠤᠭᠠ ᠶᠢᠨ ᠳᠤᠳᠤᠷᠠᠬᠢ ᠨᠢᠭᠡ ᠨᠢ ᠨᠠᠨᠳᠢᠨ ᠪᠤᠯᠬᠤ ᠶᠤᠮ᠃ | ︽17 ᠨᠠᠰᠤᠳᠠᠢ ᠠᠩᠬᠠ ᠳᠤᠮᠳᠠᠳᠤ ᠪᠠᠨ ᠳᠡᠭᠦᠰᠦᠭᠡᠳ᠂ ᠬᠦᠳᠡᠭᠡ ᠪᠠᠨ ᠤᠴᠢᠭᠠᠳ ᠮᠠᠯ ᠳᠡᠭᠡᠷᠡ | ᠰᠠᠭᠤᠭᠰᠠᠨ᠃ ᠳᠡᠭᠡᠭᠡᠳ ᠠᠳᠤᠭᠤ ᠮᠠᠯ ᠲᠠᠢ ᠨᠤᠴᠤᠯᠳᠤᠨᠠ᠃ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠴᠡᠭᠡ ᠠᠴᠠ ᠪᠤᠯᠤᠭᠠᠳ᠂ | ᠠᠪᠤ ᠶᠢᠨ ᠢᠶᠠᠨ ᠨᠦᠯᠦᠭᠡ ᠠᠴᠠ ᠰᠤᠷ ᠢ ᠡᠬᠢᠯᠡᠭᠡᠳ ᠤᠷᠤᠯᠳᠤᠬᠤ ᠪᠤᠯᠤᠭᠰᠠᠨ᠃ ᠮᠠᠨ ᠤ ᠠᠪᠤ ᠠᠴᠠ ᠠᠩᠬᠠᠨ ᠤ | ᠰᠤᠷ ᠬᠢᠬᠦ ᠭᠠᠷᠤᠭᠠ ᠪᠠᠨ ᠠᠪᠤᠯᠠ ᠭᠡᠵᠦ ᠬᠡᠯᠡᠵᠦ ᠪᠤᠯᠤᠨᠠ᠃ ᠮᠠᠨ ᠤ ᠠᠪᠤ ᠰᠤᠷ ᠰᠠᠶᠢᠬᠠᠨ ᠬᠢᠨᠡ᠃ ᠰᠤᠷ ᠤᠨ | ᠠᠩᠬᠠᠨ ᠤ ᠠᠯᠬᠤᠮ ᠤᠨ ᠰᠠᠭᠤᠷᠢ ᠶᠢ ᠠᠪᠤ ᠳᠠᠯᠪᠢᠵᠦ ᠦᠭᠭᠦᠭᠰᠡᠨ᠃ ᠳᠡᠷᠡ ᠦᠶᠡ ᠳᠤ ᠬᠤᠳᠠᠯᠳᠤᠭᠠᠨ ᠤ | ᠲᠠᠯᠠ ᠪᠠᠷ ᠵᠠᠷᠤᠬᠤ ᠨᠢ ᠳᠡᠮᠡᠢ ᠪᠠᠶᠢᠬᠤ ᠦᠭᠡᠢ᠂ ᠭᠤᠤᠯ ᠨᠢ ᠥᠪᠡᠷ ᠤᠨ ᠢᠶᠠᠨ ᠮᠤᠷᠢ ᠤᠨᠤᠭᠠᠨ ᠳᠤ ᠪᠠᠨ ᠵᠠᠷᠤᠵᠤ | ᠪᠠᠶᠢᠭᠰᠠᠨ᠃ ᠳᠡᠷᠡ ᠦᠶᠡ ᠳᠤ ᠵᠠᠯᠠᠭᠤᠴᠤᠳ ᠮᠤᠲ᠋ᠥᠷ ᠶᠡᠭᠡ ᠬᠦᠭᠡᠭᠡᠴᠡᠯᠳᠦᠵᠦ ᠪᠠᠶᠢᠭᠰᠠᠨ᠂ ᠪᠢ ᠪᠤᠯ ᠬᠠᠷᠢᠨ | ᠮᠤᠷᠢᠨ ᠳᠤ ᠶᠡᠭᠡ ᠳᠤᠷᠠ ᠲᠠᠢ᠂ ᠡᠮᠨᠢᠭ ᠤᠷᠤᠯᠳᠤᠬᠤ᠂ ᠮᠤᠷᠢ ᠤᠨᠤᠬᠤ ᠳᠤᠷᠠ ᠲᠠᠢ᠃ ᠳᠡᠷᠡ ᠱᠠᠭᠠᠷᠳᠠᠯᠭᠠ ᠠᠴᠠ | ᠪᠤᠯᠤᠭᠠᠳ ᠰᠤᠷ ᠨᠤᠭᠳᠤ ᠲᠠᠢ ᠶᠡᠭᠡ ᠤᠶᠢᠷᠠᠳᠤᠳᠠᠭ᠂ ᠤᠳᠤ ᠬᠦᠷᠳᠡᠯᠡ ᠤᠷᠤᠯᠳᠤᠵᠤ ᠪᠠᠶᠢᠨᠠ︾ ᠬᠡᠵᠦ ᠨᠠᠨᠳᠢᠨ | ᠶᠠᠷᠢᠨᠠ᠃ | 2017 ᠤᠨ ᠳᠤ ᠨᠠᠨᠳᠢᠨ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠭᠡᠰᠡᠭ ᠰᠣᠷ ᠡᠳ᠋ᠯᠡᠯ ᠤᠷᠠᠯᠠᠳᠠᠭ ᠠᠬᠠᠮᠠᠳ | ᠲᠤᠮᠤᠭᠠᠳᠠᠳ ᠵᠢᠴᠢ ᠵᠠᠯᠠᠭᠤᠴᠤᠳ ᠢ ᠪᠠᠭᠳᠠᠭᠠᠭᠰᠠᠨ ︽ᠤᠷᠠᠨ ᠰᠤᠷ︾ ᠮᠤᠷᠢᠨ ᠡᠳ᠋ᠯᠡᠯ ᠤᠨ ᠸᠢᠴᠠᠲ | ᠬᠤᠯᠪᠤᠭᠠ ᠶᠢ ᠪᠠᠶᠢᠭᠤᠯᠵᠤ᠂ ᠬᠡᠰᠢᠬᠦᠳ ᠠᠴᠠ ᠬᠢᠭᠰᠡᠨ ᠪᠦᠲᠦᠭᠡᠯ ᠤᠳ ᠢᠶᠠᠨ ᠬᠤᠯᠪᠤᠭᠠᠨ ᠳᠤ ᠪᠠᠨ ᠶᠠᠪᠤᠭᠤᠯᠤᠨ | ᠬᠠᠷᠢᠯᠴᠠᠨ ᠳᠤᠷᠰᠢᠯᠭᠠ ᠰᠤᠯᠢᠯᠴᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠡᠨᠡ ᠵᠢᠯ ᠤᠨ ᠡᠬᠢ ᠪᠠᠷ ᠰᠠᠩ ᠤᠨ ᠳᠠᠯᠠᠢ ᠪᠠᠯᠭᠠᠰᠤᠨ ᠳᠤ | ᠡᠨᠡ ᠬᠦ ᠬᠤᠯᠪᠤᠭᠠᠨ ᠤ ᠪᠠᠨ ᠨᠡᠷᠡ ᠪᠠᠷ ᠨᠠᠷᠡᠶᠢᠳᠦᠭᠰᠡᠨ ᠵᠢᠵᠢᠭ ᠳᠡᠯᠭᠡᠭᠦᠷ ᠢᠶᠠᠨ ᠨᠡᠭᠡᠭᠡᠵᠡᠢ᠃ ᠤᠳᠤ ᠳᠡᠷᠡ | ᠳᠡᠯᠭᠡᠭᠦᠷ ᠲᠤ ᠪᠠᠨ ᠥᠪᠡᠷ ᠤᠨ ᠬᠢᠭᠰᠡᠨ ᠮᠤᠷᠢᠨ ᠡᠳ᠋ᠯᠡᠯ ᠤᠨ ᠪᠦᠲᠦᠭᠡᠯ ᠠᠴᠠ ᠭᠠᠳᠠᠨᠠ ᠬᠤᠯᠪᠤᠭᠠᠨ ᠤ ᠪᠠᠨ | ᠬᠡᠰᠢᠬᠦᠳ ᠤᠨ ᠪᠦᠲᠦᠭᠡᠯ ᠢ ᠴᠦ ᠬᠠᠮᠳᠤ ᠳᠤ ᠨᠢ ᠳᠡᠯᠭᠡᠨ ᠪᠤᠷᠤᠯᠠᠭᠤᠯᠵᠤ ᠪᠤᠢ᠃ | ᠠᠬᠠᠮᠠᠳ ᠨᠢᠭᠡ ᠦᠶᠡ ᠶᠢᠨ ᠬᠢᠨ ᠠᠴᠠ ᠪᠠᠨ ᠦᠨᠳᠦᠰᠦᠲᠡᠨ ᠤ ᠦᠪ ᠰᠤᠶᠤᠯ ᠪᠤᠯᠤᠭᠰᠠᠨ ᠮᠤᠷᠢᠨ ᠤ ᠡᠳ᠋ᠯᠡᠯ | ᠤᠷᠠᠯᠠᠬᠤ ᠤᠯᠠᠮᠵᠢᠯᠠᠯᠳᠤ ᠤᠷᠠ ᠮᠡᠷᠭᠡᠵᠢᠯ ᠢ ᠨᠢ ᠰᠤᠷᠤᠯᠴᠠᠵᠤ᠂ ᠵᠠᠯᠠᠭᠤᠰ ᠬᠤᠭᠤᠷᠤᠨᠳᠦ ᠪᠠᠨ ᠬᠠᠷᠢᠯᠴᠠᠨ | ᠲᠤᠷᠰᠢᠯᠭᠠ ᠰᠤᠯᠢᠯᠴᠠᠨ᠂ ᠤᠯᠠᠮᠵᠢᠯᠠᠯ ᠢᠶᠠᠨ ᠬᠠᠳᠠᠭᠠᠯᠠᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠤᠯᠠᠮ ᠴᠢᠨᠠᠭᠰᠢᠳᠠ ᠰᠢᠨᠡ ᠶᠢ | ᠡᠭᠦᠳᠬᠦ ᠵᠤᠷᠢᠯᠳᠠ ᠪᠠᠷ ᠨᠠᠨᠳᠢᠨ ᠡᠨᠡ ᠵᠢᠯ ᠤᠨ 7 ᠰᠠᠷᠠ ᠳᠤ ︽ᠤᠷᠠᠨ ᠰᠤᠷ︾ ᠬᠤᠯᠪᠤᠭᠠ ᠪᠠᠶᠢᠭᠤᠯᠤᠭᠳᠠᠭᠰᠠᠨ | ᠭᠤᠷᠪᠠᠨ ᠵᠢᠯ ᠤᠨ ᠤᠢ ᠳᠤ ᠲᠤᠬᠢᠶᠠᠯᠳᠤᠭᠤᠯᠤᠨ ᠠᠩᠬᠠᠳᠠᠭᠴᠢ ᠤᠳᠠᠭᠠᠨ ᠤ ᠰᠤᠷ ᠡᠳ᠋ᠯᠡᠯ ᠤᠨ ᠦᠵᠡᠭᠦᠯᠭᠡ ᠶᠢ | ᠡᠷᠬᠢᠯᠡᠭᠰᠡᠨ ᠶᠤᠮ᠃ ᠦᠵᠡᠭᠦᠯᠭᠡ ᠳᠡᠭᠡᠷᠡ ᠬᠤᠯᠪᠤᠭᠠᠨ ᠤ ᠬᠡᠰᠢᠬᠦᠳ ᠤᠨ ᠬᠢᠭᠰᠡᠨ ᠭᠠᠩᠭᠠᠩ ᠰᠤᠷ ᠡᠳ᠋ᠯᠡᠯ᠂ ᠡᠮᠡᠭᠡᠯ | ᠂ ᠬᠢᠯᠭᠠᠰᠤᠨ ᠤᠷᠠᠯᠠᠯ ᠵᠡᠷᠭᠡ ᠶᠢ ᠳᠡᠯᠭᠡᠨ ᠦᠵᠡᠭᠦᠯᠦᠭᠰᠡᠨ ᠠᠴᠠ ᠭᠠᠳᠠᠨᠠ ᠲᠤᠬᠠᠢ ᠶᠢᠨ ᠳᠠᠯᠠᠪᠠᠢ ᠳᠤ ᠰᠤᠷ ᠡᠳ᠋ᠯᠡᠯ | ᠤᠷᠠᠯᠠᠬᠤ ᠤᠷᠤᠯᠳᠤᠭᠠᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠨᠢ ᠬᠤᠯᠠ ᠤᠶᠢᠷᠠ ᠶᠢᠨ ᠰᠤᠷ ᠡᠳ᠋ᠯᠡᠯ ᠤᠷᠠᠯᠠᠭᠠᠴᠢ ᠪᠤᠯᠤᠨ ᠡᠳ᠋ᠯᠡᠵᠦ | ᠬᠡᠷᠡᠭᠯᠡᠳᠡᠭ ᠬᠦᠮᠦᠰ ᠤᠨ ᠳᠠᠭᠠᠰᠢᠶᠠᠯ ᠢ ᠬᠦᠷᠳᠡᠭᠰᠡᠨ ᠪᠠᠶᠢᠨᠠ᠃ | ᠨᠠᠨᠳᠢᠨ ᠥᠪᠡᠷ ᠤᠨ ᠬᠢᠭᠰᠡᠨ ᠰᠤᠷ ᠡᠳ᠋ᠯᠡᠯ ᠤᠨ ᠪᠦᠲᠦᠭᠡᠯ ᠤᠳ ᠢᠶᠠᠨ ᠦᠷᠬᠦᠯᠵᠢ ᠸᠢᠴᠠᠲ ᠪᠤᠶᠤ ᠪᠤᠰᠤᠳ | ᠰᠦᠯᠵᠢᠶᠠᠨ ᠳᠠᠪᠴᠠᠩ ᠳᠡᠭᠡᠷᠡ ᠨᠡᠶᠢᠳᠡᠯᠡᠳᠡᠭ ᠪᠤᠯᠬᠤᠷ ᠬᠤᠯᠠ ᠠᠴᠠ ᠪᠠᠶᠠᠨᠨᠠᠭᠤᠷ ᠬᠤᠳᠠ᠂ ᠤᠯᠠᠭᠠᠨᠬᠠᠳᠠ | ᠬᠤᠳᠠ ᠶᠢᠨ ᠬᠡᠰᠢᠭᠳᠡᠨ ᠬᠤᠰᠢᠭᠤ᠂ ᠤᠶᠢᠷᠠ ᠠᠴᠠ ᠮᠠᠨ ᠤ ᠠᠶᠢᠮᠠᠭ ᠤᠨ ᠦᠵᠦᠮᠦᠴᠢᠨ᠂ ᠰᠦᠨᠢᠳ᠂ ᠬᠦᠪᠡᠭᠡᠳᠦ | ᠰᠢᠷᠠ᠂ ᠰᠢᠯᠤᠭᠤᠨ ᠬᠦᠪᠡᠭᠡᠳᠤ ᠴᠠᠭᠠᠨ ᠬᠤᠰᠢᠭᠤ ᠵᠢᠴᠢ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ ᠭᠡᠷᠡᠭᠯᠡᠭᠴᠢᠳ ᠤᠨ | ᠵᠠᠬᠢᠶᠠᠯᠠᠭᠠ ᠶᠢ ᠲᠤᠰᠬᠤ ᠨᠢ ᠤᠯᠠᠨ ᠪᠠᠶᠢᠵᠦ᠂ ᠡᠭᠦᠨ ᠤ ᠳᠤᠳᠤᠷᠠ ᠬᠦᠷᠦᠮᠡᠯ ᠪᠤᠯᠤᠨ ᠵᠢᠭᠠᠰᠤᠨ ᠨᠢᠷᠤᠭᠤᠨ ᠤ | ᠬᠠᠵᠠᠭᠠᠷ ᠤᠨ ᠵᠠᠬᠢᠶᠠᠯᠠᠭᠠ ᠬᠠᠮᠤᠭ ᠤᠯᠠᠨ ᠪᠠᠶᠢᠯᠠ᠃ | ᠨᠠᠨᠳᠢᠨ᠄ ︽ᠤᠳᠤ ᠪᠤᠯ ᠮᠠᠨᠠᠶᠢᠬᠢᠨ ᠤ ᠬᠤᠷᠳᠤᠨ ᠮᠤᠷᠢ ᠠᠷᠪᠢᠳᠤᠭᠰᠠᠨ ᠠᠴᠠ ᠭᠠᠩᠭᠠᠩ ᠡᠳ᠋ᠯᠡᠯ ᠵᠠᠷᠤᠬᠤ | ᠪᠤᠯᠤᠭᠰᠠᠨ᠂ ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ ᠪᠠᠰᠠ ᠰᠠᠶᠢᠨ ᠪᠤᠯᠵᠠᠢ᠃ ᠡᠬᠦᠨ ᠳᠤ ᠲᠤᠬᠢᠷᠠᠭᠤᠯᠤᠭᠠᠳ ᠪᠢ ᠮᠤᠷᠢᠨ ᠤ | ᠮᠠᠩᠨᠠᠶᠢᠪᠴᠢ᠂ ᠰᠢᠭᠤᠳ ᠰᠤᠷ ᠢᠶᠠᠷ ᠨᠢ ᠤᠶᠤᠵᠤ ᠭᠠᠷᠭᠠᠬᠤ᠂ ᠵᠢᠭᠠᠰᠤᠨ ᠨᠢᠷᠤᠭᠤ ᠪᠤᠯᠤᠨ ᠬᠦᠷᠦᠮᠡᠯ ᠢ ᠶᠡᠭᠡ | ᠤᠷᠤᠯᠳᠤᠵᠤ ᠬᠢᠵᠦ ᠪᠠᠶᠢᠨᠠ᠃ ᠤᠤᠯ ᠨᠢ ᠨᠠᠰᠤᠲᠠᠳ ᠪᠤᠯ ᠲᠦᠷᠪᠡ᠂ ᠭᠤᠷᠪᠠ ᠪᠠᠷ ᠬᠦᠷᠦᠳᠡᠭ ᠪᠠᠶᠢᠭᠰᠠᠨ ᠪᠤᠯ ᠪᠢ | ᠪᠤᠯ ᠨᠠᠢᠮᠠ ᠶᠢᠨ ᠬᠦᠷᠦᠯᠭᠡ ᠶᠢ ᠳᠠᠪᠬᠤᠷ ᠢᠶᠠᠷ᠂ ᠵᠢᠷᠭᠤᠭᠠ ᠪᠠᠷ ᠵᠡᠷᠭᠡ ᠢᠯᠡᠭᠦᠦ ᠰᠢᠨᠡᠴᠢᠯᠡᠭᠡᠳ ᠬᠢᠬᠦ ᠶᠢ ᠪᠤᠳᠤᠵᠤ | ᠪᠠᠶᠢᠨᠠ︾ ᠬᠡᠵᠦ ᠶᠠᠷᠢᠯᠠ᠃ | | |