| ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠨᠤᠳᠤᠭ ᠲᠤ ᠭᠠᠩ ᠭᠠᠴᠢᠬ ᠦᠷᠭᠦᠯᠵᠢᠯᠡᠵᠤ᠂ ᠵᠠᠷᠢᠮ ᠭᠠᠵᠠᠷ | ᠤᠷᠤᠨ ᠳᠤ ᠭᠠᠩ ᠤᠨ ᠪᠠᠶᠢᠳᠠᠯ ᠭᠡᠴᠡᠭᠦᠳᠡᠨ᠂ ᠵᠤᠨ ᠤ ᠬᠠᠯᠠᠭᠤᠨ ᠴᠠᠭ ᠢᠶᠠᠷ ᠴᠤ ᠮᠠᠯ ᠤᠨᠤᠭᠠ ᠪᠠᠨ ᠳᠡᠵᠢᠭᠡᠵᠤ | ᠡᠭᠢᠯᠡᠭᠰᠡᠨ ᠠᠴᠠ ᠮᠠᠯᠴᠢᠳ ᠤᠨ ᠳᠤᠮᠳᠠ ᠡᠪᠡᠰᠤ ᠪᠤᠷᠳᠤᠭᠠ ᠳᠤᠳᠠᠬᠳᠠᠬᠤ ᠠᠰᠠᠭᠤᠳᠠᠯ ᠭᠠᠷᠤᠬᠰᠠᠨ ᠪᠠᠶᠢᠯᠠ᠃ | ᠡᠨᠡᠬᠦ ᠪᠠᠶᠢᠳᠠᠯ ᠳᠤᠤᠷᠠ ᠳᠤᠰ ᠬᠤᠰᠢᠭᠤ ᠨᠦᠭᠡᠴᠡ ᠡᠪᠡᠰᠤ ᠪᠠᠨ ᠭᠢᠮᠳᠠ ᠦᠨᠡ ᠪᠠᠷ ᠮᠠᠯᠴᠢᠳ ᠲᠤ ᠬᠠᠨᠭ᠍ᠭᠠᠨ | ᠦᠭᠭᠦ᠂ ᠭᠠᠳᠠᠨᠠ ᠠᠴᠠ ᠭᠢᠮᠳᠠ ᠦᠨᠡ ᠶᠢᠨ ᠨᠤᠭᠤᠭᠠᠨ ᠳᠠᠷᠤᠰᠢ ᠬᠠᠷᠢᠯᠴᠠᠨ ᠤᠷᠤᠭᠤᠯᠬᠤ᠂ ᠮᠠᠯᠴᠢᠳ ᠤᠨ | ᠦᠪᠡᠷᠰᠡᠳ ᠢᠶᠠᠨ ᠬᠠᠷᠢᠯᠴᠠᠨ ᠭᠠᠳᠠᠨᠠ ᠠᠴᠠ ᠡᠪᠡᠰᠦ ᠤᠷᠤᠭᠤᠯᠬᠤ ᠶᠢ ᠵᠤᠷᠢᠬᠵᠢᠭᠤᠯᠬᠤ ᠵᠢᠴᠢ ᠡᠪᠡᠰᠤ ᠪᠤᠷᠳᠤᠭᠠ | ᠤᠷᠤᠭᠤᠯᠬᠤ ᠳᠤ ᠨᠦᠭᠦᠪᠦᠷᠢ ᠤᠯᠭᠤᠬᠤ ᠵᠡᠷᠭᠡ ᠠᠷᠭᠠ ᠭᠡᠮᠵᠢᠶᠡ ᠠᠪᠤᠬᠰᠠᠨ ᠢᠶᠠᠷ 1 ᠲᠦᠮᠡ 6600 ᠳᠤᠨ | ᠪᠠᠴᠢᠮ ᠭᠡᠷᠡᠭᠰᠡᠭᠦ ᠡᠪᠡᠰᠤᠨ ᠤ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤ ᠭᠠᠮᠰᠢᠬ ᠲᠠᠢ ᠳᠡᠮᠡᠴᠡᠭᠦ ᠰᠠᠭᠤᠷᠢᠨ ᠭᠠᠵᠠᠷ ᠲᠠᠭᠠᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠬᠰᠠᠨ | ᠨᠦᠭᠡᠴᠡ ᠡᠪᠡᠰᠤ ᠪᠠᠨ ᠭᠠᠩ ᠤᠨ ᠪᠠᠶᠢᠳᠠᠯ ᠤᠨ ᠭᠦᠨᠳᠤ ᠨᠤᠴᠢᠳᠠᠢ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠨ ᠭᠡᠳᠤᠨ ᠰᠤᠮᠤ | ᠪᠠᠯᠭᠠᠰᠤᠨ ᠳᠠᠭᠠᠨ ᠬᠤᠪᠢᠶᠠᠷᠢᠯᠠᠬᠰᠠᠨ ᠢᠶᠠᠨ ᠳᠠᠭᠢᠨ ᠡᠪᠡᠰᠤᠨ ᠤ ᠭᠠᠷᠤᠯᠳᠠ ᠶᠢᠨ ᠤᠷᠤᠨ᠂ ᠬᠠᠳᠠᠭᠠᠯᠠᠬᠰᠠᠨ | ᠬᠤᠭᠤᠴᠠᠭᠠᠨ ᠤ ᠠᠳᠠᠯᠢ ᠪᠤᠰᠤ ᠶᠢ ᠦᠨᠳᠦᠰᠦᠯᠡᠨ ᠳᠤᠨ ᠪᠦᠷᠢ ᠶᠢ ᠨᠢ 556 ᠲᠦᠭᠦᠷᠢᠭ᠂ 616 ᠲᠦᠭᠦᠷᠢᠭ᠂ | 736 ᠲᠦᠭᠦᠷᠢᠭ ᠤᠨ ᠭᠢᠮᠳᠡ ᠦᠨᠡ ᠪᠠᠷ ᠮᠠᠯᠴᠢᠳ ᠲᠤ ᠬᠤᠳᠠᠯᠳᠤᠨ ᠦᠭᠴᠦ ᠪᠤᠢ᠃ ᠤᠯᠠᠭᠠᠨᠬᠠᠭᠠᠯᠭᠠ | ᠰᠤᠮᠤᠨ ᠤ ᠢᠯᠠᠯᠳᠠ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠪᠠᠭᠠᠳᠤᠷ 7 ᠳ᠋ᠤᠭᠠᠷ ᠰᠠᠷᠠ ᠶᠢᠨ 6 ᠤ ᠡᠳᠤᠷ ᠤᠨ ᠦᠷᠯᠦᠭᠡ ᠡᠷᠳᠡᠯᠡᠨ | ᠰᠤᠮᠤ᠂ ᠭᠠᠴᠠᠭᠠ ᠬᠤᠶᠠᠷ ᠱᠠᠳᠤᠨ ᠤ ᠭᠢᠵᠤ ᠦᠭᠭᠦᠭᠰᠡᠨ ᠨᠦᠭᠡᠴᠡ ᠡᠪᠡᠰᠤᠨ ᠠᠴᠠ ᠬᠤᠳᠠᠯᠳᠤᠨ ᠠᠪᠬᠤ ᠭᠡᠷᠡᠴᠢ | ᠳᠡᠮᠳᠡᠭ ᠢᠶᠠᠨ ᠠᠪᠴᠤ ᠬᠤᠰᠢᠭᠤᠨ ᠤ ᠪᠠᠨ ᠭᠠᠮᠰᠢᠭ ᠲᠠᠢ ᠳᠡᠮᠡᠴᠡᠭᠦ ᠰᠠᠭᠤᠷᠢᠨ ᠭᠠᠵᠠᠷ ᠲᠤ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠠ | ᠨᠦᠭᠡᠴᠡ ᠡᠪᠡᠰᠤᠨ ᠠᠴᠠ ᠠᠪᠬᠤ ᠪᠠᠷ ᠭᠦᠷᠦᠭᠡᠳ ᠢᠷᠡᠭᠰᠡᠨ ᠪᠠᠶᠢᠯᠠ᠃ ︽ᠮᠠᠨ ᠤ ᠳᠡᠨᠳᠡ ᠤᠳᠤᠬᠠᠨ ᠪᠤᠯᠳᠠᠯᠠ | ᠳᠤᠰᠤᠯ ᠪᠤᠷᠤᠭᠠᠨ ᠴᠤ ᠤᠷᠤᠭᠠ ᠦᠭᠡᠢ ᠪᠤᠯᠬᠤᠷ ᠨᠤᠳᠤᠭ ᠪᠡᠯᠴᠢᠭᠡᠷ ᠶᠡᠭᠡᠪᠡᠷ ᠭᠠᠨᠭ᠍ᠳᠠᠬᠰᠠᠨ᠃ ᠳᠡᠭᠡᠭᠡᠳ ᠪᠢᠳᠡ | ᠠᠷᠭᠠ ᠪᠤᠰᠤ ᠡᠪᠡᠰᠤ ᠬᠤᠳᠠᠯᠳᠤᠨ ᠠᠪᠴᠤ ᠮᠠᠯ ᠢᠶᠠᠨ ᠳᠡᠵᠢᠭᠡᠭᠦ ᠪᠠᠷ ᠪᠤᠢ᠃ ᠮᠠᠨ ᠤ ᠬᠢ ᠨᠢᠭᠡ ᠳᠤᠨ ᠳᠡᠭᠡᠨ | 556 ᠲᠦᠭᠦᠷᠢᠭ ᠤᠨ ᠦᠷᠳᠡᠭ ᠲᠠᠢ ᠡᠪᠡᠰᠤ ᠠᠴᠠ 7.32 ᠲᠤᠨ ᠠᠪᠬᠤ ᠪᠠᠷ ᠳᠤᠬᠳᠠᠬᠰᠠᠨ᠃ ᠡᠨᠡ ᠡᠪᠡᠰᠤ ᠨᠢ | ᠭᠠᠳᠠᠨᠠ ᠵᠠᠬᠠ ᠳᠡᠭᠡᠷᠡ ᠬᠤᠳᠠᠯᠳᠤᠵᠤ ᠪᠠᠶᠢᠬᠤ ᠡᠪᠡᠰᠤ ᠶᠢ ᠪᠤᠳᠤᠪᠠᠯ ᠶᠡᠭᠡ ᠭᠢᠮᠳᠠᠬᠠᠨ︾ ᠭᠡᠵᠤ ᠪᠠᠭᠠᠳᠤᠷ | ᠶᠠᠷᠢᠭᠠᠳ ᠡᠪᠡᠰᠤ ᠪᠠᠨ ᠳᠡᠭᠡᠭᠡᠵᠤ ᠡᠷᠳᠡᠭᠡᠨ ᠪᠤᠴᠠᠬᠤ ᠪᠠᠷ ᠶᠠᠭᠠᠷᠠᠵᠤ ᠭᠠᠷᠤᠯᠠ᠃ | ᠳᠤᠰ ᠬᠤᠰᠢᠭᠤ ᠪᠠᠰᠠ ᠾᠧᠪᠸᠢ ᠮᠤᠵᠢ ᠶᠢᠨ ᠳᠠᠩᠱᠠᠨ ᠬᠤᠳᠠ ᠶᠢᠨ ᠨᠢᠭᠡᠨ ᠠᠵᠤ ᠠᠬᠤᠢᠢᠯᠠᠯ ᠠᠴᠠ | ᠨᠤᠭᠤᠭᠠᠨ ᠳᠠᠷᠤᠰᠢ ᠤᠷᠤᠭᠤᠯᠵᠤ᠂ ᠮᠠᠯᠴᠢᠳ ᠤᠨ ᠪᠠᠴᠢᠮ ᠭᠡᠷᠡᠭᠰᠡᠭᠦ ᠡᠪᠡᠰᠤᠨ ᠤ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠵᠤ | ᠪᠤᠢ᠃ ︽ᠮᠠᠨ ᠤ ᠬᠤᠰᠢᠭᠤ ᠾᠧᠪᠸᠢ ᠮᠤᠵᠢ ᠶᠢᠨ ᠳᠠᠩᠱᠠᠨ ᠬᠤᠳᠠ ᠠᠴᠠ 1100 ᠳᠤᠨ ᠨᠤᠭᠤᠭᠠᠨ ᠳᠠᠷᠤᠰᠢ | ᠤᠷᠤᠭᠤᠯᠤᠨ ᠠᠪᠴᠢᠷᠠᠵᠤ᠂ 800 ᠳᠤᠨ ᠢ ᠨᠢ ᠨᠢᠭᠡᠨᠳᠡ ᠨᠤᠭᠤᠭᠠᠨ ᠳᠠᠷᠤᠰᠢ ᠠᠪᠬᠤ ᠪᠠᠷ ᠳᠤᠬᠳᠠᠬᠰᠠᠨ ᠮᠠᠯᠴᠢᠨ | ᠡᠷᠤᠭᠡ ᠳᠤ ᠳᠤᠨ ᠪᠦᠷᠢ ᠶᠢ ᠨᠢ 390 ᠲᠦᠭᠦᠷᠢᠭ ᠢᠶᠠᠷ ᠭᠦᠷᠭᠡᠨ ᠦᠭᠴᠤ᠂ ᠦᠯᠡᠳᠡᠭᠰᠡᠨ ᠢ ᠨᠢ ᠭᠠᠮᠰᠢᠬ ᠲᠠᠢ | ᠳᠡᠮᠡᠴᠡᠭᠦ ᠡᠪᠡᠰᠤ ᠪᠤᠷᠳᠤᠭᠠᠨ ᠤ ᠰᠠᠭᠤᠷᠢᠨ ᠭᠠᠵᠠᠷ ᠲᠤ ᠬᠠᠳᠠᠭᠠᠯᠠᠨ᠂ ᠭᠡᠷᠡᠭᠴᠡᠭᠡ ᠲᠠᠢ ᠮᠠᠯᠴᠢᠳ ᠲᠤ ᠬᠠᠨᠭ᠍ᠭᠠᠨ | ᠦᠭᠭᠦ ᠪᠠᠷ ᠪᠡᠯᠡᠭᠡᠨ ᠪᠤᠯᠭᠠᠬᠰᠠᠨ︾ ᠭᠡᠵᠤ ᠳᠤᠰ ᠬᠤᠰᠢᠭᠤᠨ ᠤ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠳᠤᠪᠴᠢᠶᠠᠨ ᠤ ᠳᠡᠳ᠋ | ᠳᠠᠷᠤᠭᠠ ᠪᠠᠳᠤ ᠭᠠᠳᠠᠨᠠ ᠠᠴᠠ ᠨᠤᠭᠤᠭᠠᠨ ᠳᠠᠷᠤᠰᠢ ᠤᠷᠤᠭᠤᠯᠤᠬᠰᠠᠨ ᠳᠤᠬᠠᠢ ᠪᠠᠨ ᠶᠠᠷᠢᠯᠠ᠃ | ᠤᠢᠢᠯᠠᠭᠠᠬᠰᠠᠨ ᠢᠶᠠᠷ᠂ ᠨᠤᠭᠤᠭᠠᠨ ᠳᠠᠷᠤᠰᠢ ᠬᠤᠳᠠᠯᠳᠤᠨ ᠠᠪᠤᠬᠰᠠᠨ ᠡᠷᠤᠭᠡ ᠳᠤ ᠬᠤᠰᠢᠭᠤᠨ ᠠᠴᠠ ᠪᠠᠨ ᠪᠠᠰᠠ | ᠵᠦᠭᠡᠭᠡᠪᠦᠷᠢ ᠶᠢᠨ ᠰᠦᠢᠳᠭᠡᠯ ᠭᠡᠵᠤ ᠨᠢᠭᠡ ᠳᠤᠨ ᠳᠡᠭᠡᠷᠡ ᠨᠢ 40 ᠲᠦᠭᠦᠷᠢᠭ ᠤᠨ ᠨᠦᠭᠦᠪᠦᠷᠢ ᠤᠯᠭᠤᠵᠤ᠂ | ᠳᠡᠳᠡᠨ ᠤ ᠨᠤᠭᠤᠭᠠᠨ ᠳᠠᠷᠤᠰᠢ ᠪᠠᠨ ᠴᠠᠭ ᠳᠤᠬᠠᠢ ᠳᠤᠨᠢ ᠤᠷᠤᠭᠤᠯᠬᠤ ᠳᠤ ᠲᠦᠭᠦᠮ ᠦᠵᠡᠭᠦᠯᠵᠠᠢ᠃ | ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠮᠠᠯᠴᠢᠳ ᠴᠤ ᠦᠪᠡᠷᠳᠡᠭᠡᠨ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤ᠂ | ᠤᠯᠠᠭᠠᠢ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠤᠷᠤᠨ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠭᠦᠷᠴᠤ ᠡᠪᠡᠰᠤ ᠪᠤᠷᠳᠤᠭᠠ ᠬᠠᠷᠢᠯᠴᠠᠨ ᠤᠷᠤᠭᠤᠯᠵᠤ | ᠪᠠᠶᠢᠪᠠ᠃ ᠭᠠᠳᠠᠨᠠ ᠠᠴᠠ 50 ᠲᠤᠨ ᠡᠪᠡᠰᠦ ᠤᠷᠤᠭᠤᠯᠵᠤ ᠠᠪᠴᠢᠷᠠᠨ ᠪᠠᠭᠤᠯᠭᠠᠵᠤ ᠪᠠᠶᠢᠬᠰᠠᠨ ᠪᠠᠶᠠᠨᠬᠤᠰᠢᠭᠤ | ᠰᠤᠮᠤᠨ ᠤ ᠤᠨᠳᠤᠷᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠰᠠᠶᠢᠨᠴᠤᠬᠳᠤ᠄ ︽ᠮᠠᠨ ᠤ ᠬᠢ ᠡᠨᠡ ᠡᠪᠡᠰᠤ ᠶᠢ ᠨᠢᠭᠡ ᠳᠤᠨ ᠢ ᠨᠢ | 900 ᠲᠦᠭᠦᠷᠢᠭ ᠢᠶᠠᠷ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠬᠠᠳᠠᠪᠴᠢ ᠪᠠᠯᠭᠠᠰᠤᠨ ᠠᠴᠠ ᠤᠷᠤᠭᠤᠯᠵᠤ | ᠠᠪᠴᠢᠷᠠᠬᠰᠠᠨ᠃ ᠭᠠᠳᠠᠨᠠ ᠶᠢᠨ ᠮᠠᠶᠢᠮᠠᠶᠢᠴᠢᠨ ᠤ ᠤᠷᠤᠭᠤᠯᠵᠤ ᠠᠪᠴᠢᠷᠠᠨ ᠬᠤᠳᠠᠯᠳᠤᠵᠤ ᠪᠠᠶᠢᠬᠤ ᠶᠢ ᠪᠤᠳᠤᠪᠠᠯ | ᠨᠢᠭᠡ ᠳᠤᠨ ᠳᠡᠭᠡᠷᠡ 200 ᠲᠦᠭᠦᠷᠢᠭ ᠭᠢᠮᠳᠠᠬᠠᠨ᠃ ᠳᠠᠭᠢᠪᠠᠯ ᠬᠤᠰᠢᠭᠤᠨ ᠠᠴᠠ ᠳᠡᠭᠡᠭᠡᠪᠦᠷᠢ ᠶᠢᠨ ᠰᠦᠢᠳᠭᠡᠯ | ᠭᠡᠵᠤ ᠨᠢᠭᠡ ᠳᠤᠨ ᠳᠡᠭᠡᠷᠡ 60 ᠲᠦᠭᠦᠷᠢᠭ ᠤᠨ ᠨᠦᠭᠦᠪᠦᠷᠢ ᠦᠭᠴᠤ ᠪᠠᠶᠢᠭᠠ ᠪᠤᠯᠬᠤᠷ ᠳᠡᠭᠡᠭᠡᠪᠦᠷᠢ ᠶᠢᠨ | ᠭᠦᠯᠦᠰᠦᠨ ᠤ ᠶᠡᠭᠡᠨᠭᠭᠢ ᠠᠰᠠᠭᠤᠳᠠᠯ ᠢ ᠴᠤ ᠰᠢᠢᠳᠪᠦᠷᠢᠯᠡᠭᠰᠡᠨ︾ ᠭᠡᠵᠤ ᠪᠠᠶᠢᠪᠠ᠃ ᠪᠦᠷᠢᠳᠭᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ | 7 ᠳ᠋ᠤᠭᠠᠷ ᠰᠠᠷᠠ ᠶᠢᠨ 6 ᠤ ᠡᠳᠤᠷ ᠪᠤᠯᠳᠠᠯᠠ ᠪᠦᠭᠦ ᠬᠤᠰᠢᠭᠤᠨ ᠤ ᠮᠠᠯᠴᠢᠳ ᠭᠠᠳᠠᠨᠠ ᠠᠴᠠ ᠨᠢᠭᠡᠨᠳᠡ 1 ᠲᠦᠮᠡ | 1500 ᠲᠤᠨ ᠪᠠᠴᠢᠮ ᠭᠡᠷᠡᠭᠰᠡᠭᠦ ᠡᠪᠡᠰᠤ ᠤᠷᠤᠭᠤᠯᠤᠭᠠᠳ ᠪᠠᠶᠢᠭᠠ ᠠᠵᠢ᠃ |