| ᠰᠠᠩ ᠤᠨ ᠲᠠᠯᠠᠢ ᠪᠠᠯᠭᠠᠰᠤᠨ ᠠᠴᠠ ᠮᠤᠷᠲᠠᠵᠥ᠂ 207 ᠤᠯᠤᠰ ᠤᠨ ᠵᠠᠮ ᠢᠶᠠᠷ ᠬᠤᠶᠢᠰᠢ ᠠᠷᠪᠠ ᠭᠠᠷᠤᠢ | ᠺᠢᠯᠤᠮᠧᠲᠷ ᠠᠶᠠᠯᠠᠵᠥ᠂ ᠲᠠᠬᠢᠨ ᠪᠠᠷᠠᠭᠤᠨᠰᠢ ᠱᠥᠢᠨᠢ ᠵᠠᠮ ᠢᠶᠠᠷ ᠪᠠᠭᠠ ᠯᠠ ᠲᠤᠲᠤᠭᠰᠢᠯᠠᠪᠠᠯ ᠡᠸᠦ᠋ᠷᠥᠫᠠ ᠮᠠᠶ᠋ᠢᠭ ᠤᠨ | ᠤᠷᠤᠨ ᠰᠠᠭᠤᠴᠠ ᠮᠥᠷ ᠮᠥᠷ ᠢᠶᠠᠷ ᠵᠢᠭᠲᠡᠷᠡᠭᠰᠡᠨ᠂ ᠵᠡᠭᠡᠯᠢ ᠭᠤᠲᠤᠮᠵᠢ ᠨᠢ ᠡᠮᠬᠢ ᠴᠡᠭᠴᠡ ᠲᠠᠢ ᠴᠡᠪᠡᠷ ᠴᠡᠮᠴᠡᠭᠡᠷ | ᠨᠢᠭᠡᠨ ᠵᠢᠵᠢᠭ ᠲᠤᠰᠬᠤᠨ ᠬᠠᠷᠠᠭᠠᠨ ᠳᠤ ᠲᠤᠲᠤᠷᠬᠠᠤ ᠨᠢ ᠰᠢᠯᠤᠭᠤᠨ ᠬᠥᠭᠡ ᠬᠤᠰᠢᠭᠤᠨ ᠤ ᠰᠠᠩ ᠤᠨ ᠲᠠᠯᠠᠢ | ᠪᠠᠯᠭᠠᠰᠤ ᠶᠢᠨ ᠶᠡᠬᠡᠲᠡᠯᠠ ᠭᠠᠴᠠᠭᠠᠨ ᠤ ᠰᠠᠭᠤᠷᠢᠰᠢᠯ ᠠᠵᠢ᠃ ᠪᠢᠳᠠᠨ ᠢ ᠤᠴᠢᠭᠰᠠᠨ ᠡᠲᠥᠷ ᠲᠤᠰ ᠭᠠᠴᠠᠭᠠᠨ ᠤ ᠬᠢᠨ | 62 ᠬᠥᠮᠥᠨ ᠢᠶᠠᠷ ᠪᠥᠷᠢᠯᠲᠥᠭᠰᠡᠨ ᠨᠢᠭᠡᠨ ᠵᠤᠭᠠᠴᠠᠯ ᠤᠨ ᠪᠥᠯᠬᠦᠮ ᠢ ᠤᠭᠲᠤᠨᠠ ᠬᠡᠵᠥ ᠵᠥᠭ ᠵᠥᠭ ᠲᠡᠭᠡᠨ | ᠶᠠᠭᠠᠷᠠᠯᠲᠤᠵᠥ ᠪᠠᠶᠢᠭᠰᠠᠨ ᠤᠴᠢᠷ ᠰᠤᠷᠪᠤᠯᠵᠢᠯᠠᠭᠠ ᠮᠠᠨᠢ ᠴᠥ ᠲᠠᠲᠠᠨ ᠤ ᠠᠵᠢᠯ ᠤᠨ ᠵᠠᠪᠰᠠᠷ ᠪᠠᠴᠢᠮᠬᠠᠨ | ᠶᠠᠪᠤᠭᠲᠠᠭᠰᠠᠨ ᠶᠤᠮ᠃ | ᠬᠤᠯᠠᠠ ᠰᠢᠷᠭᠠ ᠲᠠᠭᠠ ᠶᠢᠨ ᠡᠯᠡᠰᠥᠨ ᠬᠥᠨ ᠳᠤ ᠪᠠᠶᠢᠷᠢᠯᠠᠭᠰᠠᠨ 6.3 ᠲᠥᠮᠡᠨ ᠮᠥ ᠨᠤᠲᠤᠭ ᠪᠡᠯᠴᠢᠭᠡᠷ ᠲᠠᠢ | ᠶᠡᠬᠡᠲᠠᠯᠠ ᠭᠠᠴᠠᠭᠠᠨ ᠳᠤ 179 ᠡᠷᠥᠭᠡ ᠶᠢᠨ 375 ᠬᠥᠮᠥᠨ ᠠᠮᠠ ᠠᠵᠤ ᠲᠥᠷᠥᠵᠥ ᠪᠤᠢ᠃ ᠲᠤᠰ ᠵᠠᠭᠤᠨ ᠤ | ᠡᠬᠢᠨ ᠳᠤ ᠪᠤᠯᠤᠭᠰᠠᠨ ᠭᠠᠨᠭ᠌ ᠭᠠᠴᠢᠭ ᠠᠴᠠ ᠪᠤᠯᠵᠥ᠂ ᠬᠥᠮᠥᠨ ᠤᠯᠠᠨ ᠪᠡᠯᠴᠢᠭᠡᠷ ᠢᠪᠴᠤᠥ ᠡᠨᠡ ᠨᠤᠲᠤᠭ ᠤᠨ | ᠮᠠᠯᠴᠢᠳ ᠨᠤᠲᠤᠭ ᠲᠡᠭᠡᠷᠠ ᠪᠠᠨ ᠮᠠᠯ ᠮᠠᠯᠵᠢᠬᠤ ᠳᠤ ᠪᠡᠷᠭᠡᠲᠡᠢ ᠪᠤᠯᠤᠭᠰᠠᠨ ᠠᠴᠠ ᠨᠠᠮ ᠵᠠᠰᠠᠭ ᠤᠨ ᠤᠷᠢᠶᠠᠯᠠᠭᠠ ᠶᠢ | ᠲᠠᠭᠠᠵᠥ᠂ ᠪᠡᠯᠴᠢᠭᠡᠷ ᠨᠤᠲᠤᠭ ᠢᠶᠠᠨ ᠪᠢᠲᠡᠬᠦᠮᠵᠢᠯᠡᠨ᠂ ᠤᠲᠤ ᠶᠢᠨ ᠰᠠᠭᠤᠷᠢᠰᠢᠯ ᠳᠤ ᠪᠥᠬᠦᠨ ᠢᠶᠠᠷ ᠢᠶᠠᠨ ᠨᠡᠬᠦᠨ | ᠢᠷᠡᠵᠥ᠂ ᠰᠠᠭᠠᠯᠢ ᠶᠢᠨ ᠥᠨᠢᠶᠠ ᠮᠠᠯᠵᠢᠭᠰᠠᠨ ᠪᠢᠯᠡ᠃ ᠡᠨᠡ ᠨᠢ ᠲᠤᠰ ᠭᠠᠴᠠᠭᠠᠨ ᠤ ᠠᠩᠬᠠᠲᠠᠭᠴᠢ ᠤᠲᠠᠭᠠᠨ ᠤ | ᠠᠵᠤ ᠥᠢᠯᠡᠰ ᠤᠨ ᠪᠥᠲᠥᠴᠡ ᠶᠢᠨ ᠲᠤᠬᠢᠷᠠᠭᠤᠯᠤᠯᠲᠠ ᠪᠤᠯᠤᠨᠠ᠃ | ᠤᠢᠢᠷᠠ ᠶᠢᠨ ᠵᠢᠯ ᠠᠴᠠ ᠰᠥ ᠶᠢᠨ ᠥᠨᠠ ᠪᠠᠭᠤᠷᠠᠵᠥ᠂ ᠲᠡᠵᠢᠭᠡᠯ ᠪᠤᠷᠲᠤᠭᠠᠨ ᠤ ᠥᠨᠠ ᠨᠡᠮᠡᠭᠲᠡᠭᠰᠡᠨ ᠵᠡᠷᠭᠡ | ᠰᠢᠯᠲᠠᠭᠠᠨ ᠠᠴᠠ ᠪᠤᠯᠵᠥ᠂ ᠰᠠᠭᠠᠯᠢ ᠶᠢᠨ ᠥᠢᠯᠡᠰ ᠰᠠᠭᠠᠳ ᠲᠤ ᠤᠴᠠᠷᠠᠵᠥ᠂ ᠶᠡᠭᠡᠲᠡᠯᠠ ᠭᠠᠴᠠᠭᠠᠨ ᠤ ᠮᠠᠯᠴᠢᠳ ᠲᠤ | ᠬᠥᠴᠢᠷᠲᠡᠯ ᠲᠤᠯᠭᠠᠷᠠᠭᠰᠠᠨ ᠠᠴᠠ ᠠᠮᠢᠲᠤᠷᠠᠯ ᠤᠨ ᠡᠷᠭᠡ ᠪᠠᠷ ᠭᠠᠲᠠᠭᠰᠢ ᠭᠠᠷᠴᠥ ᠠᠵᠢᠯ ᠬᠢᠬᠦ ᠬᠥᠮᠥᠰ ᠤᠯᠠᠰᠢᠷᠠᠵᠥ᠂ | ᠭᠡᠷ ᠤᠷᠤᠨ ᠨᠢ ᠰᠤᠯᠠ ᠬᠠᠶᠠᠭᠲᠠᠬᠤ ᠪᠤᠯᠪᠠ᠃ ᠬᠠᠷᠢᠨ ᠡᠨᠡ ᠥᠶᠠ ᠳᠤ ︽ᠠᠷᠪᠠ ᠶᠢ ᠪᠥᠷᠬᠦᠬᠦᠯᠬᠦ︾ | ᠢᠨᠵᠧᠨᠧᠷᠢᠩ ᠪᠥᠬᠦ ᠲᠠᠯᠠ ᠪᠠᠷ ᠬᠡᠷᠡᠭᠵᠢᠬᠦᠯᠥᠭᠲᠡᠵᠥ᠂ ᠲᠤᠰ ᠭᠠᠴᠠᠭᠠᠨ ᠤ ᠮᠠᠯᠴᠢᠳ ᠤᠨ ᠪᠠᠶᠢᠰᠢᠩ ᠢ ᠪᠥᠬᠦᠨ ᠢ | ᠡᠸᠦ᠋ᠷᠥᠫᠠ ᠮᠠᠶ᠋ᠢᠭ ᠤᠨ ᠬᠡᠬᠡᠨᠴᠢᠷ ᠰᠠᠭᠤᠴᠠ ᠪᠤᠯᠭᠠᠨ ᠵᠠᠰᠠᠭᠰᠠᠨ ᠪᠥᠭᠡᠳ ᠮᠠᠯ ᠤᠨ ᠫᠸᠡᠭ ᠬᠤᠷᠤᠭᠠ ᠶᠢ | ᠬᠤᠪᠢᠨ ᠳᠤᠨᠢ ᠰᠠᠯᠭᠠᠨ ᠪᠠᠶᠢᠭᠤᠯᠵᠥ᠂ ᠤᠰᠤ᠂ ᠴᠠᠬᠢᠯᠭᠠᠨ᠂ ᠵᠠᠮ᠂ ᠷᠠᠲᠢᠤ᠋ ᠲᠧᠯᠸᠢᠰ ᠵᠡᠷᠭᠡ ᠰᠠᠭᠤᠷᠢ | ᠲᠥᠭᠦᠭᠡᠷᠥᠮᠵᠢ ᠶᠢ ᠪᠥᠷᠢᠲᠥᠬᠦᠯᠥᠨ ᠥᠭᠭᠦᠭᠰᠡᠨ ᠢᠶᠠᠷ ᠥᠡᠭᠭᠡᠷᠡᠭᠰᠡᠨ ᠤ ᠬᠥᠮᠥᠨ ᠮᠠᠯ ᠬᠤᠳᠬᠤᠯᠲᠤᠨ᠂ ᠠᠷᠭᠠᠯ | ᠬᠥᠷᠵᠡᠩ ᠳᠡᠪᠰᠡᠭᠳᠡᠭᠰᠡᠨ ᠭᠠᠴᠠᠭᠠᠨ ᠤ ᠥᠡᠭᠭᠡ ᠲᠥᠷᠬᠦ ᠰᠢᠨᠡᠲᠥᠨ ᠥᠭᠡᠷᠡᠲᠥᠵᠥ᠂ ᠬᠤᠯᠠᠨ ᠰᠢᠷᠭᠠ ᠲᠠᠭᠠ ᠶᠢᠨ | ᠡᠯᠡᠰᠥᠨ ᠳᠠᠬᠢ ᠥᠪᠡᠷᠮᠢᠴᠡ ᠨᠢᠭᠡᠨ ᠥᠵᠡᠮᠵᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠤᠷᠴᠢᠨ ᠲᠤᠭᠤᠷᠢᠨ ᠤ ᠬᠤᠪᠢᠷᠠᠯᠲᠠ ᠨᠢ ᠲᠤᠰ ᠭᠠᠴᠠᠭᠠᠨ ᠤ ᠠᠵᠤ ᠥᠢᠯᠡᠰ ᠤᠨ ᠬᠥᠭᠵᠢᠯᠲᠡ ᠳᠤ ᠰᠢᠨᠠ | ᠡᠷᠡᠮᠡᠯᠵᠡᠯᠡᠯ ᠠᠪᠴᠢᠷᠠᠵᠠᠢ᠃ ᠠᠷᠪᠠ ᠭᠠᠷᠤᠢ ᠵᠢᠯ ᠪᠢᠲᠡᠬᠦᠮᠵᠢᠯᠡᠨ ᠰᠡᠷᠬᠦᠭᠡᠭᠰᠡᠨ ᠨᠤᠲᠤᠭ ᠪᠡᠯᠴᠢᠭᠡᠷ᠂ ᠥᠪᠡᠷᠮᠢᠴᠡ | ᠤᠨᠴᠠᠯᠢᠭ ᠪᠥᠬᠦᠢ ᠥᠨᠲᠤᠰᠤᠲᠡᠨ ᠤ ᠵᠠᠩ ᠥᠢᠯᠡ᠂ ᠰᠤᠶᠤᠯ ᠢᠷᠭᠡᠨᠰᠢᠯ᠂ ᠲᠥᠭᠦᠮ ᠲᠥᠲᠡ ᠵᠠᠮ ᠨᠡᠪᠲᠡᠷᠡᠯᠭᠡ | ᠵᠢᠴᠢ ᠰᠢᠨᠡᠲᠥᠨ ᠬᠤᠪᠢᠷᠠᠭᠰᠠᠨ ᠭᠠᠴᠠᠭᠠᠨ ᠤ ᠥᠡᠭᠭᠡ ᠲᠥᠷᠬᠦ ᠪᠤᠯ ᠤᠯᠲᠠᠰᠢ ᠥᠭᠡᠢ ᠡᠬᠢ ᠪᠠᠶᠠᠯᠢᠭ ᠪᠤᠯᠤᠨᠠ | ᠬᠡᠲᠡᠭ ᠢ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠡᠭᠦᠷ᠂ ᠵᠥᠪᠯᠡᠯ ᠤᠨ ᠤᠲᠤᠷᠢᠲᠤᠯᠭᠠ ᠪᠤᠯᠤᠨ ᠭᠠᠴᠠᠭᠠᠨ ᠳᠤ ᠪᠠᠭᠤᠭᠰᠠᠨ | ᠺᠠᠳ᠋ᠷᠴᠤᠳ ᠲᠤᠲᠤᠷᠬᠠᠢ ᠲᠠᠨᠢᠵᠥ᠂ ᠰᠢᠨᠵᠢᠯᠡᠨ ᠪᠠᠶᠢᠴᠠᠭᠠᠵᠥ ᠰᠤᠲᠤᠯᠤᠨ ᠶᠠᠷᠢᠯᠴᠠᠬᠤ ᠪᠠᠷ ᠲᠠᠮᠵᠢᠨ ᠰᠤᠶᠤᠯ | ᠵᠤᠭᠠᠴᠠᠯ ᠤᠨ ᠥᠢᠯᠡᠰ ᠢ ᠬᠥᠭᠵᠢᠬᠦᠯᠬᠦ ᠲᠡᠭᠡᠷᠠ ᠰᠠᠨᠠᠯ ᠨᠡᠶᠢᠯᠡᠵᠡᠢ᠃ ᠡᠨᠡ ᠨᠢ ᠲᠤᠰ ᠭᠠᠴᠠᠭᠠᠨ ᠤ ᠠᠵᠤ | ᠥᠢᠯᠡᠰ ᠤᠨ ᠪᠥᠲᠥᠴᠡ ᠳᠡᠭᠡᠨ ᠬᠢᠭᠰᠡᠨ ᠬᠤᠶᠠᠲᠠᠭᠴᠢ ᠤᠲᠠᠭᠠᠨ ᠤ ᠲᠤᠬᠢᠷᠠᠭᠤᠯᠤᠯᠲᠠ ᠪᠤᠯᠤᠨᠠ᠃ | ᠡᠨᠡᠬᠦ ᠲᠤᠬᠢᠷᠠᠭᠤᠯᠤᠯᠲᠠ ᠶᠢ ᠪᠥᠲᠥᠮᠵᠢᠲᠡᠢ ᠬᠡᠷᠡᠭᠵᠢᠬᠦᠯᠵᠥ᠂ ᠭᠠᠴᠠᠭᠠᠨ ᠤ ᠮᠠᠯᠴᠢᠳ ᠲᠠᠭᠠᠨ ᠨᠡᠶᠢᠲᠡᠮ ᠠᠰᠢᠭ | ᠬᠥᠷᠲᠡᠭᠡᠬᠦ ᠶᠢᠨ ᠲᠤᠯᠠᠲᠠ ᠭᠠᠴᠠᠭᠠᠨ ᠠᠴᠠ ︽ᠨᠤᠮᠢᠨᠲᠠᠯᠠ ᠵᠤᠭᠠᠴᠠᠯ ᠤᠨ ᠬᠤᠷᠰᠢᠶᠠᠵᠢᠯ︾ ᠢ ᠡᠬᠦᠰᠭᠡᠨ ᠪᠠᠶᠢᠭᠤᠯᠵᠥ | ᠂ ︽ᠨᠠᠮ ᠤᠨ ᠡᠬᠦᠷ + ᠵᠤᠭᠠᠴᠠᠯ ᠤᠨ ᠬᠤᠷᠰᠢᠶᠠᠵᠢᠯ + ᠮᠠᠯᠴᠢᠨ ᠡᠷᠥᠭᠡ︾ ᠶᠢᠨ ᠵᠠᠭᠪᠤᠷ ᠢᠶᠠᠷ ᠭᠠᠲᠠᠭᠰᠢ | ᠭᠠᠷᠤᠭᠰᠠᠨ ᠡᠷᠥᠭᠡ ᠶᠢᠨ ᠪᠠᠶᠢᠰᠢᠩ ᠭᠡᠷ ᠢ ᠪᠠᠭᠤᠲᠠᠯ ᠪᠤᠯᠭᠠᠨ ᠵᠠᠰᠠᠵᠥ᠂ ᠭᠡᠷ ᠲᠡᠭᠡᠨ ᠪᠠᠶᠢᠭᠠ ᠡᠷᠥᠭᠡ ᠶᠢᠨ ᠬᠢᠨ | ᠵᠤᠭᠠᠴᠠᠭᠰᠠᠳ ᠲᠤ ᠥᠢᠯᠡᠴᠢᠯᠡᠭᠡ ᠬᠠᠨᠭ᠍ᠭᠠᠬᠤ ᠠᠷᠭᠠ ᠬᠡᠮᠵᠢᠶᠠ ᠶᠢ ᠠᠪᠴᠥ᠂ ᠬᠤᠷᠰᠢᠶᠠᠵᠢᠯ ᠳᠤ ᠤᠷᠤᠭᠰᠠᠨ 16 | ᠡᠷᠥᠭᠡ ᠶᠢᠨ ᠪᠠᠶᠢᠰᠢᠩ ᠢ ᠭᠡᠷ ᠪᠥᠯᠢ ᠶᠢᠨ ᠪᠠᠭᠤᠲᠠᠯ ᠪᠤᠯᠭᠠᠨ ᠵᠠᠰᠠᠨ ᠴᠢᠮᠡᠭᠯᠡᠵᠥ᠂ ᠡᠨᠡ ᠵᠢᠯ ᠤᠨ 4 ᠳ᠋ᠤᠭᠡᠷ | ᠰᠠᠷᠠ ᠳᠤ ᠪᠠᠰᠠ 120 ᠬᠠᠪᠲᠠᠭᠠᠢ ᠲᠥᠷᠪᠡᠯᠵᠢᠨ ᠮᠧᠲᠷ ᠤᠨ ᠲᠠᠯᠠᠪᠠᠢ ᠪᠥᠬᠦᠢ 70 ᠬᠥᠮᠥᠨ ᠬᠠᠮᠲᠤ | ᠬᠤᠭᠤᠯᠠᠯᠠᠵᠥ ᠲᠡᠶᠢᠯᠬᠦ ᠪᠠᠭᠲᠠᠭᠠᠮᠵᠢ ᠲᠠᠢ ᠬᠤᠭᠤᠯᠠᠨ ᠭᠡᠷ ᠪᠠᠶᠢᠭᠤᠯᠵᠥ᠂ 6 ᠳ᠋ᠤᠭᠠᠷ ᠰᠠᠷᠠ ᠠᠴᠠ ᠡᠬᠢᠯᠡᠨ | ᠵᠤᠭᠠᠴᠠᠯ ᠤᠨ ᠥᠢᠯᠡᠰ ᠤᠨ ᠡᠵᠡᠩᠨᠡᠯᠲᠡ ᠪᠠᠨ ᠪᠥᠬᠦ ᠲᠠᠯᠠ ᠪᠠᠷ ᠡᠬᠢᠯᠡᠬᠦᠯᠵᠡᠢ᠃ | ᠪᠢᠲᠠ ᠭᠠᠴᠠᠭᠠᠨ ᠲᠠᠷᠤᠭᠠ ᠬᠥᠭᠵᠢᠯᠲᠥ ᠶᠢᠨ ᠲᠠᠭᠠᠭᠤᠯᠭᠠ ᠪᠠᠷ ᠮᠠᠯᠴᠢᠨ ᠸᠠᠩ ᠪᠤᠤ ᠠᠨ ᠤ ᠭᠡᠷ ᠲᠤ | ᠤᠷᠤᠵᠥ ᠥᠵᠡᠯᠠ᠃ ᠬᠤᠨᠤᠬᠤ ᠥᠷᠥᠭᠡ᠂ ᠬᠤᠭᠤᠯᠠᠯᠠᠬᠤ ᠭᠡᠷ᠂ ᠲᠤᠭᠤᠭᠠᠨ ᠭᠡᠷ ᠪᠤᠯᠤᠨ ᠤᠬᠢᠶᠠᠯᠠᠭᠠ | ᠴᠡᠪᠡᠷᠯᠡᠭᠡ ᠶᠢᠨ ᠲᠠᠰᠤᠯᠭᠠ ᠶᠢ ᠬᠤᠪᠢ ᠬᠤᠪᠢᠨ ᠳᠤᠨᠢ ᠭᠠᠷᠭᠠᠵᠥ᠂ ᠭᠡᠷ ᠪᠥᠯᠢ ᠶᠢᠨ ᠪᠠᠭᠤᠲᠠᠯ ᠪᠤᠯᠭᠠᠨ ᠵᠠᠰᠠᠨ | ᠴᠢᠮᠡᠭᠯᠡᠵᠥ᠂ ᠤᠰᠤ᠂ ᠴᠠᠬᠢᠯᠭᠠᠨ᠂ wifi ᠵᠡᠷᠭᠡ ᠶᠢ ᠢᠵᠢ ᠪᠥᠷᠢᠲᠥᠬᠦᠯᠥᠭᠰᠡᠨ ᠪᠠᠶᠢᠯᠠ᠃ ᠬᠥᠭᠵᠢᠯᠲᠥ ᠶᠢᠨ | ᠲᠠᠨᠢᠯᠴᠠᠭᠤᠯᠬᠤ ᠪᠠᠷ ᠸᠠᠩ ᠪᠤᠤ ᠠᠨ ᠤ ᠬᠢ ᠭᠡᠷ ᠢᠶᠠᠷ ᠢᠶᠠᠨ ᠭᠠᠲᠠᠭᠰᠢ ᠭᠠᠷᠤᠭᠠᠳ ᠨᠡᠯᠢᠶᠡᠳ ᠬᠡᠲᠥᠨ ᠵᠢᠯ ᠪᠤᠯᠵᠥ᠂ | ᠪᠠᠶᠢᠰᠢᠩ ᠨᠢ ᠰᠤᠯᠠ ᠤᠷᠬᠢᠭᠲᠠᠵᠥ ᠪᠠᠶᠢᠵᠠᠢ᠃ ᠡᠨᠡ ᠵᠢᠯ ᠭᠠᠴᠠᠭᠠᠨ ᠠᠴᠠ ᠨᠢ ᠲᠡᠲᠡᠨ ᠤ ᠪᠠᠶᠢᠰᠢᠩ ᠢ ᠭᠡᠷ | ᠪᠥᠯᠢ ᠶᠢᠨ ᠪᠠᠭᠤᠲᠠᠯ ᠪᠤᠯᠭᠠᠨ ᠵᠠᠰᠠᠵᠥ᠂ ᠵᠤᠭᠠᠴᠠᠯ ᠳᠤ ᠬᠡᠷᠡᠭᠯᠡᠬᠦ ᠪᠠᠷ ᠭᠡᠷᠠ ᠲᠤᠭᠲᠠᠭᠰᠠᠨ ᠢᠶᠠᠷ ᠲᠡᠲᠡᠨ ᠤ ᠬᠢᠨ | ᠵᠢᠯ ᠤᠨ 7000 ᠲᠥᠭᠦᠷᠢᠭ ᠤᠨ ᠴᠡᠪᠡᠷ ᠤᠷᠤᠯᠭᠠ ᠡᠪᠤᠷᠯᠡᠬᠦ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠬᠥᠭᠵᠢᠯᠲᠤ᠄ ︽ᠮᠠᠨ ᠤ | ᠭᠠᠴᠠᠭᠠᠨ ᠤ ᠬᠠᠮᠲᠤ ᠶᠢᠨ ᠰᠠᠭᠤᠷᠢᠰᠢᠯ ᠳᠤ ᠡᠲᠡᠨ ᠤ ᠬᠢ ᠰᠢᠭ ᠰᠤᠯᠠ ᠤᠷᠬᠢᠭᠲᠠᠵᠥ ᠪᠠᠶᠢᠭᠠ ᠪᠠᠶᠢᠰᠢᠩ ᠨᠡᠶᠢᠲᠡ | 47 ᠪᠤᠢ᠂ ᠤᠲᠤ ᠠᠰᠢᠭᠯᠠᠭᠠᠳ ᠪᠠᠶᠢᠭᠠ ᠨᠢ 16 ᠡᠷᠥᠭᠡ ᠶᠢᠨ ᠪᠠᠶᠢᠰᠢᠩ᠂ 82 ᠬᠥᠮᠥᠨ ᠢ ᠬᠤᠨᠤᠭᠤᠯᠵᠥ | ᠲᠡᠶᠢᠯᠥᠨᠠ᠃ ᠬᠤᠵᠢᠮ ᠳᠠᠭᠠᠨ ᠥᠷᠭᠡᠳᠭᠡᠭᠡᠳ ᠪᠥᠬᠦᠨ ᠢ ᠠᠰᠢᠭᠯᠠᠬᠤ ᠰᠠᠨᠠᠭᠠᠲᠠᠢ᠂ ᠲᠡᠭᠡᠪᠡᠯ ᠨᠢᠭᠡᠯᠡ ᠲᠡᠭᠡᠷᠠ | 200 ᠰᠢᠬᠠᠮ ᠵᠤᠭᠠᠴᠠᠭᠴᠢ ᠶᠢ ᠬᠥᠯᠢᠶᠡᠨ ᠵᠤᠴᠢᠯᠠᠵᠥ ᠲᠡᠶᠢᠯᠤᠨᠠ︾ ᠭᠡᠵᠥ ᠲᠠᠨᠢᠯᠴᠠᠭᠤᠯᠤᠯᠠ᠃ | ᠬᠤᠷᠰᠢᠶᠠᠵᠢᠯ ᠠᠴᠠ ᠪᠠᠰᠠ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠤᠨ ᠬᠤᠭᠤᠯᠠᠨ ᠭᠡᠷ᠂ ᠪᠠᠭᠤᠲᠠᠯ ᠳᠠᠭᠠᠨ ᠲᠤᠰ | ᠭᠠᠴᠠᠭᠠᠨ ᠤ ᠪᠠᠨ 11 ᠮᠠᠯᠴᠢᠨ ᠢ ᠬᠥᠯᠥᠰᠥᠯᠡᠨ ᠬᠡᠷᠡᠭᠯᠡᠵᠥ᠂ ᠮᠠᠯᠴᠢᠳ ᠤᠨ ᠮᠠᠯᠵᠢᠯ ᠤᠨ ᠪᠤᠰᠤ ᠤᠷᠤᠯᠭᠠ ᠶᠢ | ᠨᠡᠮᠡᠭᠲᠡᠬᠦᠯᠵᠡᠢ᠃ ᠬᠤᠭᠤᠯᠠᠨ ᠭᠡᠷ ᠤᠨ ᠲᠠᠭᠠᠭᠠᠮᠠᠯ ᠭᠥᠭᠡᠴᠡᠴᠡᠭ ᠰᠤᠷᠪᠤᠯᠵᠢᠯᠠᠬᠴᠢ ᠳᠤ᠄ ︽ᠪᠢᠲᠡ | ᠥᠢᠯᠡᠴᠢᠯᠡᠭᠴᠢ ᠳᠡᠭᠡᠨ ᠡᠲᠥᠷ ᠤᠨ 100 ᠲᠥᠭᠦᠷᠢᠭ ᠤᠨ ᠤᠯᠭᠤᠮᠵᠢ ᠥᠭᠴᠥ ᠪᠠᠶᠢᠨᠠ᠃ ᠨᠢᠭᠡ ᠬᠥᠮᠥᠨ | ᠭᠤᠷᠪᠠᠨ ᠰᠠᠷᠠ ᠬᠢᠬᠦ ᠪᠠᠷ ᠪᠤᠲᠤᠪᠠᠯ ᠲᠠᠷᠤᠢ 9000 ᠲᠥᠭᠦᠷᠢᠭ ᠤᠨ ᠴᠠᠯᠢᠩ ᠤᠯᠤᠨᠠ᠂ ᠴᠢᠯᠥᠭᠡ | ᠵᠠᠪᠰᠠᠷ ᠢᠶᠠᠷ ᠨᠢ ᠪᠠᠰᠠ ᠭᠡᠷ ᠤᠨ ᠠᠵᠢᠯ ᠢᠶᠠᠨ ᠠᠮᠵᠢᠭᠤᠯᠴᠢᠬᠠᠨᠠ︾ ᠭᠡᠵᠥ ᠬᠠᠨᠤᠮᠵᠢᠲᠠᠢ ᠶᠠᠷᠢᠵᠥ ᠪᠠᠶᠢᠯᠠ᠃ | ᠡᠬᠦᠨ ᠠᠴᠠ ᠭᠠᠲᠠᠨᠠ ᠪᠠᠰᠠ ᠲᠤᠯᠤᠭᠠ ᠨᠠᠢᠮᠠᠨ ᠡᠷᠥᠭᠡ ᠵᠤᠭᠠᠴᠠᠭᠰᠠᠳ ᠲᠤ ᠬᠤᠨᠢᠨ ᠮᠢᠬᠠᠨ ᠤ ᠱᠤᠷᠤᠯᠠᠭ᠂ ᠰᠥ | ᠴᠠᠭᠠᠨ ᠢᠲᠡᠭᠡ ᠵᠡᠷᠭᠡ ᠶᠢ ᠬᠤᠲᠠᠯᠲᠤᠵᠥ᠂ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠲᠡᠬᠦᠯᠥᠭᠰᠡᠨ ᠪᠠᠶᠢᠨᠠ᠃ | ᠵᠤᠭᠠᠴᠠᠯ ᠤᠨ ᠥᠢᠯᠡᠰ ᠤᠨ ᠬᠥᠭᠵᠢᠯᠲᠡ ᠨᠢ ᠮᠠᠯᠴᠢᠳ ᠤᠨ ᠤᠷᠤᠯᠭᠠ ᠶᠢ ᠨᠡᠮᠡᠭᠲᠡᠬᠦᠯᠥᠭᠰᠡᠨ ᠢᠶᠠᠷ ᠥᠯᠥ | ᠪᠠᠷᠠᠮ ᠭᠠᠴᠠᠭᠠᠨ ᠤ ᠬᠠᠮᠲᠤ ᠶᠢᠨ ᠤᠷᠤᠯᠭᠠ ᠶᠢᠨ ᠨᠡᠮᠡᠭᠲᠡᠯ ᠳᠤ ᠴᠥ ᠶᠡᠬᠡᠭᠡᠨ ᠬᠤᠪᠢ ᠨᠡᠮᠡᠷᠢ ᠥᠵᠡᠬᠦᠯᠵᠡᠢ᠃ | ᠬᠤᠷᠰᠢᠶᠠᠵᠢᠯ ᠤᠨ ᠵᠤᠭᠠᠴᠠᠯ ᠤᠨ ᠤᠷᠤᠯᠭᠠ ᠶᠢᠨ ᠢᠶᠠᠨ 10% ᠶᠢ ᠭᠠᠴᠠᠭᠠᠨ ᠳᠠᠭᠠᠨ ᠲᠤᠰᠢᠶᠠᠬᠤ ᠪᠠᠷ | ᠲᠤᠭᠲᠠᠭᠰᠠᠨ ᠲᠤᠯᠠ ᠤᠲᠤ ᠪᠤᠯᠲᠠᠯᠠ ᠬᠠᠮᠲᠤ ᠳᠠᠭᠠᠨ ᠲᠤᠰᠢᠶᠠᠭᠰᠠᠨ ᠤᠷᠤᠯᠭᠠ ᠨᠢ 1 ᠲᠥᠮᠡᠨ ᠲᠥᠭᠦᠷᠢᠭ ᠢ | ᠲᠠᠪᠠᠵᠥ᠂ ᠵᠤᠭᠠᠴᠠᠯ ᠤᠨ ᠥᠢᠯᠡᠰ ᠨᠢ ᠭᠠᠴᠠᠭᠠᠨ ᠤ ᠪᠥᠬᠦ ᠮᠠᠯᠴᠢᠨ ᠳᠠᠭᠠᠨ ᠠᠰᠢᠭ ᠬᠥᠷᠲᠡᠭᠡᠬᠦ ᠪᠤᠯᠪᠠ᠃ |