ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ ᠪᠠᠭᠤᠷᠠᠬᠰᠠᠨ ᠳᠡᠭᠡᠷᠠ ᠭᠠᠨᠭ᠌ ᠭᠠᠮᠰᠢᠬ ᠪᠤᠯᠵᠦ ᠮᠠᠯᠴᠢᠳ ᠲᠤ ᠭᠦᠴᠢᠷᠳᠡᠯ | ᠤᠴᠠᠷᠠᠭᠤᠯᠵᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠤᠤᠷᠠ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠨᠠᠮ ᠵᠠᠰᠠᠭ ᠪᠤᠯᠤᠨ ᠤᠯᠠᠭᠠᠨ | ᠢᠳᠡᠭᠡᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠺᠤᠮᠫᠠᠨᠢ ᠶᠢᠨ ᠬᠢᠨ ᠵᠦᠢ ᠵᠤᠭᠢᠰᠳᠠᠢ ᠠᠷᠭᠠ ᠭᠡᠮᠵᠢᠶᠠ ᠠᠪᠴᠤ ᠮᠠᠯᠴᠢᠳ ᠤᠨ | ᠭᠦᠴᠢᠷᠳᠡᠯ ᠢ ᠵᠤᠭᠢᠬᠤ ᠭᠡᠮᠵᠢᠶᠡ ᠪᠠᠷ ᠰᠢᠢᠳᠪᠦᠷᠢᠯᠡᠨ ᠦᠭᠴᠤ ᠪᠤᠢ᠃ 8 ᠳ᠋ᠤᠭᠠᠷ ᠰᠠᠷᠠ ᠶᠢᠨ 19 ᠤ ᠡᠳᠤᠷ | ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨ ᠢᠳᠡᠭᠡᠨ ᠡᠳ᠋ᠰᠢᠭᠦᠯᠦᠨ ᠪᠤᠯᠪᠠᠰᠤᠷᠠᠭᠤᠯᠬᠤ 9 ᠠᠵᠤ ᠠᠬᠤᠢᠢᠯᠠᠯ | ᠬᠤᠯᠪᠤᠭᠠᠯᠠᠨ ᠢᠯᠡᠷᠭᠡᠶᠢᠯᠡᠯᠳᠡ ᠨᠡᠶᠢᠳᠡᠯᠡᠵᠤ᠂ ᠤᠤᠯ ᠨᠢ ᠬᠤᠷᠠᠭᠠᠨ ᠤ ᠭᠡᠨᠭᠭᠦᠳᠡᠭ ᠢ ᠵᠢᠩ ᠪᠦᠷᠢ ᠳᠡᠭᠡᠨ 14 | ᠲᠦᠭᠦᠷᠢᠭ ᠢᠶᠠᠷ ᠠᠪᠴᠤ ᠪᠠᠶᠢᠬᠰᠠᠨ ᠢᠶᠠᠨ 8 ᠳ᠋ᠤᠭᠠᠷ ᠰᠠᠷᠠ ᠶᠢᠨ 19 ᠤ ᠡᠳᠤᠷ ᠠᠴᠠ ᠡᠭᠢᠯᠡᠨ ᠵᠢᠩ ᠪᠦᠷᠢ ᠳᠡᠭᠡᠨ | 15 ᠲᠦᠭᠦᠷᠢᠭ ᠢᠶᠠᠷ ᠬᠤᠷᠢᠶᠠᠨ ᠠᠪᠬᠤ ᠪᠤᠯᠪᠠ᠃ | ᠳᠤᠰ ᠬᠤᠰᠢᠭᠤᠨ ᠤ ︽ᠴᠢᠨ ᠯᠢᠤᠢ︾ ᠤᠯᠠᠭᠠᠨ ᠢᠳᠡᠭᠡᠨ ᠤ ᠺᠤᠮᠫᠠᠨᠢ ᠶᠢᠨ ᠳᠠᠭᠠᠭᠠᠮᠠᠯ ᠯᠢ ᠯᠢᠶᠠᠨ ᠵᠦᠩ | ᠰᠤᠷᠪᠤᠯᠵᠢᠯᠠᠭᠴᠢ ᠳᠤ᠄ ︽ᠡᠨᠡ ᠵᠢᠯ ᠤᠨ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ᠂ ᠬᠤᠨᠢᠨ ᠤ ᠦᠨᠡ | ᠨᠡᠶᠢᠳᠡᠮ ᠳᠡᠭᠡᠨ ᠪᠦᠷ ᠳᠤᠤᠷᠠ ᠪᠠᠶᠢᠨᠠ᠃ ᠡᠨᠡ ᠨᠢ ᠮᠠᠯᠴᠢᠳ ᠤᠨ ᠬᠤᠨᠢ ᠬᠤᠷᠠᠭᠠ ᠪᠠᠨ ᠪᠤᠷᠤᠯᠠᠭᠤᠯᠬᠤ ᠳᠤ | ᠭᠦᠴᠢᠷᠳᠡᠯ ᠤᠴᠠᠷᠠᠭᠤᠯᠤᠬᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠦᠨ ᠴᠤ ᠤᠯᠠᠭᠠᠨ ᠢᠳᠡᠭᠡᠨ ᠡᠳ᠋ᠰᠢᠭᠦᠯᠦᠨ | ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠵᠤ ᠠᠬᠤᠢᠢᠯᠠᠯ ᠳᠤ ᠭᠦᠴᠢᠷᠳᠡᠯ ᠤᠴᠠᠷᠠᠭᠤᠯᠤᠬᠰᠠᠨ ᠶᠤᠮ᠃ ᠡᠬᠦᠨ ᠤ ᠳᠡᠭᠡᠷᠡ ᠪᠠᠷᠠᠭᠤᠨ | ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠳᠤ ᠭᠠᠩ ᠭᠠᠴᠢᠬ ᠦᠷᠭᠦᠯᠵᠢᠯᠡᠭᠰᠡᠨ ᠠᠴᠠ ᠮᠠᠯᠴᠢᠳ ᠤᠨ ᠳᠠᠷᠤᠭᠠᠰᠤ ᠶᠢ ᠨᠡᠩ | ᠭᠦᠨᠳᠦᠷᠡᠭᠦᠯᠪᠡ᠃ ᠪᠢᠳᠡ ᠡᠨᠡ ᠨᠤᠳᠤᠭ ᠲᠤ ᠰᠠᠭᠤᠷᠢᠰᠢᠬᠰᠠᠨ ᠠᠵᠤ ᠠᠬᠤᠢᠢᠯᠠᠯ ᠪᠤᠯᠤᠬᠰᠠᠨ ᠤ ᠬᠤᠪᠢ ᠳᠤ ᠳᠤᠰ | ᠨᠤᠳᠤᠭ ᠤᠨ ᠮᠠᠯᠴᠢᠳ ᠲᠤ ᠪᠠᠭᠠ ᠴᠤ ᠭᠡᠰᠡᠨ ᠳᠤᠰᠠ ᠳᠡᠮᠵᠢᠯᠭᠡ ᠦᠵᠡᠭᠦᠯᠭᠦ ᠶᠢᠨ ᠳᠤᠰᠠᠳᠠ ᠦᠪᠡᠷ ᠤᠨ ᠠᠰᠢᠬ | ᠳᠤᠰᠠ ᠪᠠᠨ ᠬᠤᠭᠢᠷᠠᠭᠤᠯᠵᠤ ᠪᠠᠶᠢᠭᠠᠳ ᠬᠤᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠦᠨᠡ ᠪᠠᠨ ᠵᠢᠩ ᠪᠦᠷᠢ ᠳᠤ ᠨᠢᠭᠡ | ᠲᠦᠭᠦᠷᠢᠭ ᠦᠰᠬᠡᠭᠦ ᠪᠠᠷ ᠳᠤᠬᠳᠠᠬᠰᠠᠨ ᠶᠤᠮ︾ ᠭᠡᠮᠡᠨ ᠶᠠᠷᠢᠯᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ ᠳᠤᠰ ᠬᠤᠰᠢᠭᠤᠨ ᠤ ︽ᠴᠢᠨ ᠶᠤᠸᠠᠨ︾ ᠤᠯᠠᠭᠠᠨ ᠢᠳᠡᠭᠡᠨ ᠡᠳ᠋ᠰᠢᠭᠦᠯᠦᠨ | ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠵᠤ ᠠᠬᠤᠢᠢᠯᠠᠯ ᠳᠤ ᠭᠦᠷᠭᠦ ᠳᠤ ᠪᠠᠰᠠ ᠶᠠᠭ ᠮᠠᠯᠴᠢᠳ ᠤᠨ ᠳᠡᠭᠡᠭᠡᠵᠤ ᠢᠷᠡᠭᠰᠡᠨ ᠬᠤᠷᠠᠭᠠ ᠶᠢ | ᠠᠯᠠᠵᠤ ᠨᠢᠳᠤᠯᠤᠨ ᠶᠠᠭᠠᠷᠠᠯᠳᠤᠵᠤ ᠪᠠᠶᠢᠯᠠ᠃ ︽ᠮᠠᠨ ᠤ ᠺᠤᠮᠫᠠᠨᠢ ᠡᠳᠤᠷ ᠲᠤ 1050 — 1100 ᠬᠤᠷᠠᠭᠠ | ᠠᠯᠠᠵᠤ ᠨᠢᠳᠤᠯᠵᠤ ᠪᠠᠶᠢᠨᠠ᠃ ᠤᠢᠢᠷᠠ ᠳᠤ ᠬᠤᠷᠠᠭᠠ ᠪᠠᠨ ᠬᠤᠳᠠᠯᠳᠤᠬᠤ ᠪᠠᠷ ᠢᠷᠡᠵᠤ ᠪᠠᠶᠢᠭᠠ ᠮᠠᠯᠴᠢᠳ ᠴᠤ | ᠤᠯᠠᠨ᠃ ᠰᠤᠮᠤ ᠪᠠᠯᠭᠠᠰᠤ ᠪᠤᠯᠤᠨ ᠡᠯᠡ ᠨᠡᠶᠢᠭᠡᠮᠯᠢᠭ ᠤᠨ ᠬᠢᠨ ᠮᠠᠯᠴᠢᠳ ᠢᠶᠠᠨ ᠰᠠᠶᠢᠳᠤᠷ ᠵᠤᠭᠢᠶᠠᠨ ᠪᠠᠶᠢᠭᠤᠯᠤᠨ | ᠳᠤᠭᠢᠷᠠᠭᠤᠯᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠮᠠᠯᠴᠢᠳ ᠬᠤᠷᠠᠭᠠ ᠪᠠᠨ ᠳᠡᠭᠡᠭᠡᠵᠤ ᠢᠷᠡᠭᠡᠳ ᠭᠤᠷᠪᠠᠨ ᠡᠳᠤᠷ ᠠᠴᠠ ᠢᠯᠡᠭᠦᠦ | ᠭᠦᠯᠢᠶᠡᠭᠦ ᠶᠠᠪᠤᠳᠠᠯ ᠭᠠᠷᠤᠬᠰᠠᠨ ᠦᠭᠡᠢ︾ ᠭᠡᠮᠡᠨ ᠳᠤᠰ ᠺᠤᠮᠫᠠᠨᠢ ᠶᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠠᠴᠠ ᠶᠠᠷᠢᠨᠠ᠃ ᠪᠢᠳᠡ | ᠳᠤᠰ ᠺᠤᠮᠫᠠᠨᠢ ᠠᠴᠠ ᠭᠠᠷᠴᠤ ᠢᠷᠡᠭᠡᠳ ᠬᠤᠷᠠᠭᠠ ᠪᠠᠨ ᠬᠤᠳᠠᠯᠳᠤᠬᠤ ᠪᠠᠷ ᠭᠦᠯᠢᠶᠡᠵᠤ ᠪᠠᠶᠢᠬᠰᠠᠨ ᠪᠠᠶᠠᠨᠬᠤᠰᠢᠭᠤ | ᠰᠤᠮᠤᠨ ᠤ ᠤᠨᠳᠤᠷᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠰᠤᠳᠤ ᠲᠠᠢ ᠠᠭᠤᠯᠵᠠᠨ ᠶᠠᠷᠢᠯᠴᠠᠬᠤ ᠳᠤ ᠳᠡᠷᠡ᠄ ︽ᠪᠢ | ᠬᠤᠷᠠᠭᠠ ᠪᠠᠨ ᠤᠯᠠᠭᠠᠨ ᠢᠳᠡᠭᠡᠨ ᠤ ᠭᠠᠵᠠᠷ ᠲᠤ ᠬᠤᠳᠠᠯᠳᠤᠬᠤ ᠤᠤ︖ ᠭᠠᠳᠠᠨᠠ ᠠᠴᠠ ᠪᠠᠨ ᠬᠤᠳᠠᠯᠳᠤᠬᠤ ᠤᠤ︖ | ᠭᠡᠵᠤ ᠨᠡᠯᠢᠶᠡᠳ ᠳᠠᠳᠠᠭᠠᠯᠵᠠᠬᠰᠠᠨ ᠢᠶᠠᠨ ᠡᠴᠤᠰ ᠲᠡᠭᠡᠨ ᠤᠯᠠᠭᠠᠨ ᠢᠳᠡᠭᠡᠨ ᠤ ᠺᠤᠮᠫᠠᠨᠢ ᠳᠤ ᠬᠤᠳᠠᠯᠳᠤᠬᠤ ᠪᠠᠷ | ᠳᠤᠬᠳᠠᠵᠤ᠂ ᠡᠨᠡ ᠦᠷᠯᠦᠭᠡ 100 ᠬᠤᠷᠠᠭᠠ ᠳᠡᠭᠡᠭᠡᠵᠤ ᠢᠷᠡᠭᠰᠡᠨ᠃ ᠲᠦᠷᠦᠭᠦᠦ ᠭᠡᠳᠤᠨ ᠡᠳᠤᠷ ᠢᠶᠠᠨ ᠪᠤᠳᠤᠪᠠᠯ | ᠭᠦᠮᠦᠨ ᠨᠡᠯᠢᠶᠡᠳ ᠴᠦᠭᠡᠷᠡᠴᠢᠭᠡᠵᠠᠢ᠂ ᠮᠠᠨ ᠤ ᠬᠢ ᠪᠠᠷᠤᠭ ᠮᠠᠷᠭᠠᠰᠢ ᠬᠤᠷᠠᠭᠠ ᠪᠠᠨ ᠠᠯᠠᠵᠤ ᠨᠢᠳᠤᠯᠬᠤ ᠭᠠᠵᠠᠷ | ᠤᠷᠤᠭᠤᠯᠴᠢᠬᠠᠨᠠ᠃ ᠺᠤᠮᠫᠠᠨᠢ ᠠᠴᠠ ᠤᠰᠤ ᠬᠠᠨᠭ᠍ᠭᠠᠵᠤ᠂ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠳᠤᠪᠴᠢᠶᠠᠨ ᠠᠴᠠ ᠪᠠᠰᠠ ᠬᠤᠶᠠᠷ | ᠪᠤᠭᠤᠯᠳᠠ ᠡᠪᠡᠰᠤ ᠦᠭᠭᠦᠭᠰᠡᠨ ᠪᠤᠯᠬᠤᠷ ᠨᠢᠭᠡ ᠡᠳᠤᠷ ᠭᠦᠯᠢᠶᠡᠭᠦ ᠳᠤ ᠳᠡᠮᠡᠢ ᠵᠤᠪᠠᠯᠳᠠ ᠦᠭᠡᠢ︾ ᠭᠡᠮᠡᠨ ᠶᠠᠷᠢᠵᠤ | ᠪᠠᠶᠢᠯᠠ᠃ | ᠬᠤᠷᠠᠭᠠᠨ ᠤ ᠦᠨᠡ ᠦᠰᠦᠯᠡ ᠭᠡᠳᠡᠭ ᠴᠢᠮᠡᠭᠡ ᠶᠢ ᠰᠤᠨᠤᠰᠤᠭᠠᠳ ᠬᠤᠷᠠᠭᠠ ᠪᠠᠨ ᠬᠤᠳᠠᠯᠳᠤᠬᠤ ᠪᠠᠷ | ᠢᠷᠡᠭᠰᠡᠨ ᠮᠠᠯᠴᠢᠳ ᠴᠤ ᠪᠠᠶᠠᠷᠯᠠᠵᠤ ᠪᠠᠶᠢᠯᠠ᠃ ︽ᠪᠢ ᠦᠴᠦᠭᠡᠳᠤᠷ ᠬᠤᠷᠠᠭᠠ ᠪᠠᠨ ᠳᠡᠭᠡᠭᠡᠵᠤ ᠢᠷᠡᠭᠦ ᠳᠤ | ᠬᠤᠷᠠᠭᠠᠨ ᠤ ᠭᠡᠨᠭᠭᠦᠳᠡᠭ ᠵᠢᠩ ᠪᠦᠷᠢ ᠳᠡᠭᠡᠨ 13. 5 ᠲᠦᠭᠦᠷᠢᠭ ᠭᠡᠵᠤ ᠪᠠᠶᠢᠬᠰᠠᠨ ᠶᠤᠮ᠃ ᠬᠠᠷᠢᠨ ᠡᠨᠡ | ᠦᠷᠯᠦᠭᠡ 15 ᠲᠦᠭᠦᠷᠢᠭ ᠪᠤᠯᠵᠤ ᠦᠰᠴᠢᠭᠡᠯᠡ᠃ ᠨᠠᠮ ᠵᠠᠰᠠᠭ ᠠᠴᠠ ᠪᠢᠳᠡᠨ ᠢ ᠬᠠᠪᠰᠤᠷᠴᠤ ᠪᠢᠳᠡᠨ ᠤ | ᠭᠦᠴᠢᠷᠳᠡᠯ ᠢ ᠰᠢᠢᠳᠪᠦᠷᠢᠯᠡᠵᠤ ᠪᠠᠶᠢᠭᠠ ᠳᠤ ᠳᠤᠩ ᠪᠠᠶᠠᠷᠯᠠᠵᠤ ᠪᠠᠶᠢᠨᠠ᠃ ᠪᠢ 200 ᠬᠤᠷᠠᠭᠠ ᠳᠡᠭᠡᠭᠡᠵᠤ | ᠢᠷᠡᠭᠰᠡᠨ᠂ ᠦᠨᠡ ᠨᠢ ᠦᠰᠦᠭᠰᠡᠨ ᠪᠤᠯᠬᠤᠷ ᠪᠠᠷᠤᠭ 6000 ᠲᠦᠭᠦᠷᠢᠭ ᠢᠯᠡᠭᠦᠦ ᠬᠤᠳᠠᠯᠳᠤᠵᠤ ᠳᠡᠶᠢᠯᠤᠨᠡ᠃ | ᠡᠨᠡᠭᠦ ᠵᠤᠭᠤᠰ ᠢᠶᠠᠷ ᠢᠶᠠᠨ ᠪᠠᠰᠠ ᠨᠢᠭᠡ ᠭᠡᠰᠡᠭ ᠡᠪᠡᠰᠤ ᠪᠤᠷᠳᠤᠭᠠ ᠠᠪᠬᠤ ᠵᠠᠷᠤᠳᠠᠯ ᠢᠶᠠᠨ ᠰᠢᠢᠳᠪᠦᠷᠢᠯᠡᠴᠢᠭᠡᠨᠡ︾ | ᠭᠡᠮᠡᠨ ᠤᠯᠠᠭᠠᠨᠬᠠᠭᠠᠯᠭᠠ ᠰᠤᠮᠤᠨ ᠤ ᠪᠠᠶᠠᠨᠴᠠᠶᠢᠳᠠᠮ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠲᠦᠭᠡᠮᠡᠯ ᠪᠠᠶᠠᠷᠳᠠᠶᠢᠬᠠᠨ ᠶᠠᠷᠢᠵᠤ ᠪᠢᠯᠡ᠃ | |