| ᠮᠤᠩᠭᠤᠯᠴᠤᠳ ᠤᠨ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠᠬᠢ ᠡᠳᠦᠷ ᠲᠤᠳᠤᠮ ᠤᠨ ᠰᠤᠷ᠂ ᠳᠡᠭᠡᠰᠦᠨ ᠡᠳ᠋ᠯᠡᠯ | ᠬᠡᠷᠡᠭᠯᠡᠭᠦᠨ ᠪᠠ ᠮᠠᠯ ᠤᠨ ᠬᠤᠷᠤᠭᠠ ᠬᠠᠰᠢᠶᠠᠨ ᠤ ᠬᠠᠭᠠᠯᠳᠠ ᠵᠡᠷᠭᠡ ᠳᠤ ᠪᠤᠷᠭᠠᠰᠤᠨ ᠮᠤᠲᠤ ᠪᠠᠷ ᠢᠶᠠᠨ ᠶᠠᠩᠵᠤ | ᠬᠡᠯᠪᠡᠷᠢ ᠨᠢ ᠠᠳᠠᠯᠢ ᠦᠭᠡᠢ ᠤᠯᠠᠨ ᠵᠦᠢᠯ ᠤᠨ ᠴᠢᠬᠳᠠ ᠵᠤᠷᠭᠤᠵᠤ᠂ ᠤᠷᠠ ᠰᠠᠶᠢᠬᠠᠨ ᠠᠰᠢᠭᠯᠠᠵᠤ ᠬᠡᠷᠡᠭᠯᠡᠵᠦ | ᠪᠠᠶᠢᠳᠠᠭ᠃ | ᠵᠢᠱᠢᠶᠡᠯᠡᠪᠡᠯ ᠮᠦᠭᠡᠷᠡᠨ ᠴᠢᠬᠳᠠ᠂ ᠠᠯᠤᠬᠠᠨ ᠴᠢᠬᠳᠠ᠂ ᠰᠢᠯᠤᠭᠤᠨ ᠴᠢᠬᠳᠠ᠂ ᠬᠠᠪᠳᠠᠭᠠᠢ ᠴᠢᠭᠳᠠ᠂ | ᠪᠦᠭᠡᠷᠡᠩᠬᠡᠢ ᠴᠢᠬᠳᠠ᠂ ᠬᠠᠨᠠᠨ ᠴᠢᠭᠳᠠ ᠭᠡᠬᠦ ᠮᠡᠳᠦ ᠶᠢᠨ ᠶᠠᠩᠵᠤ ᠬᠡᠯᠪᠡᠷᠢ ᠠᠳᠠᠯᠢ ᠦᠭᠡᠢ ᠵᠢᠷᠭᠤᠭᠠᠨ ᠵᠦᠢᠯ ᠤᠨ | ᠭᠤᠶᠢᠳᠠ ᠰᠠᠶᠢᠬᠠᠨ ᠴᠢᠬᠳᠠ ᠨᠤᠭᠤᠳ ᠢ ᠵᠤᠬᠢᠶᠠᠨ ᠭᠠᠷᠭᠠᠵᠤ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠵᠡᠢ᠃ | ᠴᠢᠭᠳᠠ ᠵᠤᠷᠭᠤᠬᠤ ᠤᠷᠠ ᠮᠡᠷᠭᠡᠰᠢᠯ᠄ | 1᠂ ᠮᠦᠬᠡᠷ ᠤᠨ ᠴᠢᠭᠳᠠ | ᠡᠨᠡᠬᠦ ᠴᠢᠬᠳᠡ ᠶᠢ ᠵᠤᠷᠭᠤᠬᠤ ᠳᠠᠭᠠᠨ᠂ ᠨᠢᠭᠡ ᠰᠦᠬᠦᠮ ᠤᠷᠳᠤ᠂ ᠡᠷᠡᠬᠡᠢ ᠬᠤᠷᠤᠭᠤᠨ ᠤ ᠬᠢᠷᠢ ᠪᠦᠳᠦᠭᠦᠨ | ᠳᠡᠭᠰᠢᠬᠡᠨ ᠤᠯᠠᠭᠠᠨ ᠪᠤᠷᠭᠠᠰᠤ ᠶᠢ ᠲᠠᠭᠠᠷᠢᠵᠤ ᠠᠪᠤᠨᠠ᠃ ᠳᠠᠷᠠᠭᠠ ᠨᠢ ᠡᠭᠦᠨ ᠤ ᠪᠠᠨ ᠳᠦᠷᠪᠡᠨ ᠲᠠᠯᠠ ᠠᠴᠠ | ᠨᠢ ᠡᠬᠢᠯᠡᠵᠦ ᠰᠠᠶᠢᠬᠠᠨ ᠳᠡᠭᠰᠢᠯᠡᠵᠦ ᠵᠤᠷᠭᠤᠭᠠᠳ᠂ ᠮᠤᠳᠤ ᠪᠠᠨ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢᠳᠡᠢ ᠪᠤᠯᠭᠠᠵᠤ᠂ ᠴᠢᠬᠳᠠ | ᠶᠢᠨ ᠢᠶᠠᠨ ᠤᠷᠳᠤ ᠪᠠ ᠪᠤᠭᠤᠨᠢ ᠶᠢᠨ ᠬᠡᠮᠵᠢᠶᠡ ᠶᠢ ᠨᠢ ᠲᠠᠭᠠᠷᠠᠭᠤᠯᠵᠤ ᠲᠠᠭᠠᠷᠢᠭᠠᠳ᠂ ᠬᠤᠶᠠᠷ ᠲᠠᠯᠠ ᠶᠢᠨ | ᠦᠵᠦᠭᠦᠷ ᠤᠨ ᠭᠡᠰᠡᠭ ᠢ ᠳᠡᠭᠡᠳᠦ ᠲᠠᠯᠠ ᠠᠴᠠ ᠨᠢ ᠲᠤᠷᠤᠭᠰᠢ ᠪᠠᠭᠠ ᠵᠢᠰᠢᠭᠦᠦ ᠰᠢᠭ ᠳᠡᠭᠰᠢᠬᠡᠨ ᠦᠡᠯᠡᠵᠦ | ᠳᠠᠷᠤᠨᠠ᠃ ᠳᠠᠬᠢᠭᠠᠳ ᠳᠡᠭᠡᠳᠦ ᠳᠠᠯᠠ ᠶᠢᠨ ᠭᠡᠰᠡᠭ ᠠᠴᠠ ᠨᠢ ᠬᠤᠶᠠᠷ ᠲᠠᠯᠠ ᠶᠢᠨ ᠬᠢᠨ ᠦᠵᠦᠭᠦᠷ ᠤᠷᠤᠭᠤ᠂ | ᠲᠡᠷᠭᠡᠨ ᠤ ᠲᠤᠭᠤᠢ ᠶᠢᠨ ᠮᠦᠭᠡᠷ ᠤᠨ ᠭᠠᠳᠠᠷ ᠲᠠᠯᠠ ᠶᠢᠨ ᠶᠠᠩᠵᠤ ᠲᠠᠢ ᠵᠠᠰᠠᠵᠤ᠂ ᠬᠠᠮᠤᠭ ᠤᠨ ᠰᠡᠭᠦᠯ ᠳᠤᠨᠢ | ᠳᠡᠭᠡᠳᠦ ᠲᠠᠯᠠ ᠶᠢᠨ ᠭᠤᠤᠯ ᠢ ᠲᠠᠭᠠᠷᠠᠭᠤᠯᠵᠤ᠂ ᠪᠠᠭᠠ ᠰᠢᠭ᠋ ᠬᠦᠨᠳᠡᠯᠡᠨ ᠭᠡᠷᠴᠢᠶᠡᠰᠦ ᠤᠬᠤᠵᠤ ᠭᠠᠷᠭᠠᠪᠠᠯ | ᠪᠤᠯᠴᠢᠬᠠᠨᠠ᠃ | 2᠂ ᠠᠯᠤᠬᠠᠨ ᠴᠢᠬᠳᠠ | ᠡᠨᠡᠬᠦ ᠴᠢᠬᠳᠠ ᠶᠢ ᠵᠤᠷᠭᠤᠬᠤ ᠳᠠᠭᠠᠨ ᠤᠷᠢᠳᠠᠪᠡᠷ ᠪᠡᠯᠡᠳᠬᠡᠵᠦ ᠲᠠᠯᠪᠢᠭᠰᠠᠨ ᠮᠤᠳᠤ ᠪᠠᠨ ᠠᠪᠤᠭᠠᠳ᠂ | ᠴᠢᠬᠳᠠ ᠶᠢᠨ ᠢᠶᠠᠨ ᠦᠷᠭᠡᠨ ᠪᠠ ᠨᠢᠮᠬᠡᠨ ᠤ ᠬᠡᠮᠵᠢᠶᠡ ᠪᠠᠨ ᠲᠠᠭᠠᠷᠠᠭᠤᠯᠵᠤ᠂ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠪᠠᠷ | ᠵᠠᠰᠠᠭᠠᠳ᠂ ᠤᠷᠳᠤ ᠪᠤᠭᠤᠨᠢ ᠶᠢᠨ ᠬᠡᠮᠵᠢᠶᠡ ᠶᠢ ᠨᠢ ᠲᠡᠩᠴᠡᠭᠦᠯᠦᠭᠡᠳ᠂ ᠬᠤᠶᠠᠷ ᠲᠠᠯᠠ ᠶᠢᠨ ᠢᠯᠡᠭᠦᠴᠡ | ᠭᠠᠷᠤᠭᠰᠠᠠᠨ ᠦᠵᠦᠭᠦᠷ ᠢ ᠳᠡᠭᠰᠢᠬᠡᠨ ᠲᠠᠭᠠᠷᠢᠵᠤ ᠬᠠᠶᠠᠨᠠ᠃ | 3᠂ ᠰᠢᠯᠤᠭᠤᠨ ᠴᠢᠬᠳᠠ | ᠡᠨᠡᠬᠦ ᠴᠢᠬᠳᠡ ᠶᠢ ᠵᠤᠷᠭᠤᠬᠤ ᠳᠤ ᠮᠤᠳᠤᠨ ᠤ ᠪᠠᠨ ᠭᠠᠳᠠᠷ ᠬᠠᠯᠢᠰᠦ ᠶᠢ ᠨᠢ ᠬᠤᠰᠤᠵᠤ ᠠᠷᠢᠯᠭᠠᠭᠠᠳ᠂ | ᠤᠷᠳᠤ ᠪᠠ ᠪᠤᠭᠤᠨᠢ ᠶᠢᠨ ᠬᠡᠮᠵᠢᠶᠡ ᠪᠠᠨ ᠲᠡᠩᠴᠡᠭᠦᠯᠵᠦ᠂ ᠬᠤᠶᠠᠷ ᠲᠠᠯᠠ ᠶᠢᠨ ᠬᠢᠨᠢ ᠢᠯᠡᠭᠦᠴᠡ ᠦᠵᠦᠭᠦᠷ ᠢ | ᠳᠡᠭᠰᠢᠬᠡᠨ ᠲᠠᠭᠠᠷᠢᠵᠦ ᠬᠠᠶᠠᠨᠠ᠃ ᠡᠷᠭᠢᠭᠡᠳ ᠴᠢᠭᠳᠠ ᠶᠢᠨ ᠢᠶᠠᠨ ᠬᠤᠶᠠᠷ ᠲᠠᠯᠠ ᠶᠢ ᠨᠢ ᠬᠠᠪᠳᠠᠭᠠᠢ ᠪᠠ | ᠪᠦᠭᠡᠷᠡᠩᠬᠡᠢ ᠬᠡᠯᠪᠡᠷᠢ ᠶᠢᠨ ᠠᠯᠢ ᠨᠢ ᠴᠤ ᠪᠢᠰᠢ ᠶᠠᠩᠵᠦ ᠪᠠᠷ ᠵᠤᠷᠭᠤᠵᠤ᠂ ᠦ ᠦᠭᠡᠢ ᠰᠠᠶᠢᠬᠠᠨ ᠵᠠᠰᠠᠵᠤ᠂ | ᠨᠢᠷᠤᠭᠤᠨ ᠤ ᠲᠠᠯᠠ ᠶᠢᠨ ᠭᠤᠤᠯ ᠳᠤ ᠪᠠᠭᠠᠬᠠᠨ ᠬᠦᠨᠳᠡᠯᠡᠨ ᠭᠡᠷᠴᠢᠶᠡᠰᠦ ᠭᠠᠷᠭᠠᠵᠤ ᠲᠠᠯᠪᠢᠨᠠ᠃ | 4᠂ ᠬᠠᠪᠳᠠᠭᠠᠢ ᠴᠢᠬᠳᠠ | ᠡᠨᠡᠬᠦ ᠴᠢᠬᠳᠠ ᠶᠢ ᠵᠤᠷᠭᠤᠬᠤ ᠳᠤ ᠮᠤᠳᠤᠨ ᠤ ᠪᠠᠨ ᠭᠠᠳᠠᠷ ᠬᠠᠯᠢᠰᠦ ᠶᠢ ᠨᠢ ᠬᠤᠰᠤᠵᠤ ᠬᠠᠶᠠᠭᠠᠳ᠂ | ᠬᠤᠶᠠᠷ ᠲᠠᠯᠠ ᠠᠴᠠ ᠨᠢ ᠡᠬᠢᠯᠡᠭᠡᠳ ᠤᠷᠳᠤ ᠪᠠᠷ ᠨᠢ ᠬᠠᠪᠳᠠᠭᠠᠢᠢᠯᠠᠨ ᠵᠤᠷᠭᠤᠵᠤ᠂ ᠴᠢᠬᠳᠠ ᠶᠢᠨ ᠢᠶᠠᠨ ᠦᠷᠭᠡᠨ ᠪᠡ | ᠨᠢᠮᠬᠡᠨ ᠵᠤᠵᠠᠭᠠᠨ ᠢ ᠨᠢ ᠲᠡᠩᠴᠡᠭᠦᠯᠵᠦ ᠵᠠᠰᠠᠭᠠᠳ᠂ ᠤᠷᠳᠤ ᠪᠠ ᠪᠤᠭᠤᠨᠢ ᠶᠢ ᠬᠡᠷᠡᠭᠯᠡᠬᠦ ᠬᠡᠮᠵᠢᠶᠡᠨ ᠳᠡᠭᠡᠨ | ᠲᠠᠭᠠᠷᠠᠭᠤᠯᠵᠤ᠂ ᠬᠤᠶᠠᠷ ᠦᠵᠦᠭᠦᠷ ᠢ ᠨᠢ ᠬᠦᠨᠳᠡᠯᠡᠨ ᠲᠠᠭᠠᠷᠢᠵᠤ ᠬᠠᠶᠠᠨᠠ᠃ | 5᠂ ᠪᠦᠭᠡᠷᠡᠩᠬᠡᠢ ᠴᠢᠭᠳᠠ | ᠡᠨᠡᠬᠦ ᠴᠢᠭᠳᠠ ᠶᠢ ᠵᠤᠷᠭᠤᠬᠤ ᠳᠤ᠂ ᠮᠤᠲᠤᠨ ᠤ ᠪᠠᠨ ᠬᠠᠯᠢᠰᠦ ᠶᠢ ᠴᠡᠪᠡᠷᠬᠡᠨ ᠬᠠᠯᠢᠰᠤᠯᠠᠭᠠᠳ᠂ ᠤᠷᠳᠤ ᠪᠠ | ᠪᠤᠭᠤᠨᠢ ᠶᠢ ᠨᠢ ᠬᠡᠷᠡᠭᠯᠡᠬᠦ ᠬᠡᠮᠵᠢᠶᠡ ᠳᠡᠭᠡᠨ ᠲᠤᠬᠢᠷᠠᠭᠤᠯᠵᠤ᠂ ᠬᠤᠶᠠᠷ ᠦᠵᠦᠭᠦᠷ ᠢ ᠨᠢ ᠳᠡᠭᠰᠢᠬᠡᠨ ᠲᠠᠭᠠᠷᠢᠵᠤ᠂ | ᠴᠢᠬᠳᠠ ᠶᠢᠨ ᠢᠶᠠᠨ ᠭᠤᠤᠯ ᠢ ᠲᠤᠭᠤᠷᠢᠭᠤᠯᠤᠭᠠᠳ ᠨᠠᠷᠢᠬᠠᠨ ᠭᠡᠷᠴᠢᠶᠡᠰᠦ ᠭᠠᠷᠭᠠᠵᠤ ᠲᠠᠯᠪᠢᠨᠠ᠃ | 6᠂ ᠬᠠᠨᠠᠨ ᠴᠢᠬᠳᠠ | ᠬᠠᠨᠠᠨ ᠴᠢᠭᠳᠠ ᠶᠢ ᠵᠤᠷᠭᠤᠬᠤ ᠳᠤ᠂ ᠮᠤᠳᠤᠨ ᠤ ᠪᠠᠨ ᠤᠷᠳᠤ ᠪᠠ ᠪᠤᠭᠤᠨᠢ ᠶᠢᠨ ᠬᠡᠷᠡᠭᠯᠡᠬᠦ ᠬᠡᠮᠵᠢᠶᠡ ᠪᠠᠨ | ᠲᠡᠩᠴᠡᠭᠦᠯᠵᠦ ᠬᠤᠶᠠᠷ ᠲᠠᠯᠠ ᠶᠢᠨ ᠬᠢᠨᠢ ᠦᠵᠦᠭᠦᠷ ᠢ ᠳᠡᠭᠰᠢᠬᠡᠨ ᠲᠠᠭᠠᠷᠢᠵᠤ ᠬᠠᠶᠠᠨᠠ᠃ ᠡᠷᠭᠢᠭᠡᠳ ᠮᠤᠲᠤ ᠪᠠᠨ | ᠬᠠᠯᠢᠰᠤᠯᠠᠵᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠵᠤᠷᠭᠤᠭᠠᠳ ᠦᠷᠭᠡᠨ ᠪᠠ ᠨᠢᠮᠬᠡᠨ ᠤ ᠬᠡᠮᠵᠢᠶᠡ ᠪᠠᠨ ᠲᠠᠭᠠᠷᠠᠭᠤᠯᠵᠤ | ᠵᠠᠰᠠᠵᠤ ᠲᠠᠯᠪᠢᠨᠠ᠃ ᠳᠠᠷᠠᠭᠠ ᠨᠢ ᠴᠢᠬᠳᠠ ᠶᠢᠨ ᠢᠶᠠᠨ ᠭᠤᠤᠯ ᠠᠴᠠ ᠡᠬᠢᠯᠡᠭᠡᠳ᠂ ᠬᠤᠶᠠᠷ ᠲᠠᠯᠠ ᠶᠢᠨ ᠬᠢᠨ | ᠦᠵᠦᠭᠦᠷ ᠤᠷᠤᠭᠤ ᠨᠢ ᠱᠤᠪᠳᠤᠩ ᠶᠠᠩᠵᠤ ᠪᠠᠷ ᠵᠤᠷᠭᠤᠵᠤ᠂ ᠬᠠᠨᠠᠨ ᠤ ᠨᠢᠳᠤᠨ ᠬᠡᠯᠪᠡᠷᠢ ᠲᠠᠢ ᠵᠠᠰᠠᠵᠤ | ᠦᠭᠭᠦᠨᠡ᠃ ᠵᠠᠯᠭᠠᠵᠤ ᠵᠤᠷᠭᠤᠭᠠᠳ ᠴᠢᠬᠳᠠ ᠶᠢᠨ ᠢᠶᠠᠨ ᠭᠤᠤᠯ ᠳᠤᠨᠢ ᠨᠠᠷᠢᠬᠠᠨ ᠴᠤᠷᠭᠢᠭᠤᠯ ᠢᠶᠠᠷ ᠨᠢᠭᠡ | ᠨᠦᠬᠡ ᠴᠤᠷᠭᠢᠵᠦ ᠭᠠᠷᠭᠠᠬᠤ ᠶᠤᠮ ᠤᠤ᠂ ᠡᠰᠡᠭᠦᠯᠡ ᠬᠤᠶᠠᠷ ᠲᠠᠯᠠ ᠶᠢᠨ ᠬᠢᠨ ᠭᠤᠤᠯ ᠢ ᠲᠠᠭᠠᠷᠠᠭᠤᠯᠵᠤ | ᠲᠤᠰ ᠪᠦᠷᠢ ᠨᠢᠭᠡ ᠬᠦᠨᠳᠡᠯᠡᠨ ᠭᠡᠷᠴᠢᠶᠡᠰᠦ ᠭᠠᠷᠭᠠᠵᠤ ᠲᠠᠯᠪᠢᠨᠠ᠃ | ᠮᠦᠭᠡᠷᠡᠨ ᠴᠢᠬᠳᠠ᠂ ᠠᠯᠤᠬᠠᠨ ᠴᠢᠬᠳᠠ᠂ ᠰᠢᠯᠤᠭᠤᠨ ᠴᠢᠬᠳᠠ ᠶᠢ ᠪᠤᠯ ᠭᠤᠤᠯᠳᠠᠭᠤ ᠮᠤᠷᠢᠨ ᠤ ᠴᠢᠳᠦᠷ᠂ | ᠲᠡᠮᠡᠭᠡᠨ ᠤ ᠲᠤᠱᠠ᠂ ᠦᠬᠡᠷ ᠤᠨ ᠲᠤᠱᠠ ᠵᠡᠷᠭᠡ ᠳᠤ ᠬᠡᠷᠡᠭᠯᠡᠬᠦ ᠨᠢ ᠤᠯᠠᠨ ᠪᠠᠶᠢᠳᠠᠭ᠃ ᠬᠠᠪᠳᠠᠭᠠᠢ ᠴᠢᠬᠳᠠ ᠶᠢ ᠪᠤᠯ | ᠭᠤᠤᠯ ᠨᠢ ᠬᠢᠷᠦᠭᠡᠨ ᠤ ᠠᠷᠠᠯ ᠤᠨ ᠡᠷᠢᠶᠡᠰᠦ ᠪᠠ ᠲᠡᠷᠭᠡᠨ ᠤ ᠠᠷᠠᠯ ᠤᠨ ᠡᠷᠢᠶᠡᠰᠦ ᠳᠤ ᠬᠡᠷᠡᠭᠯᠡᠬᠦ ᠨᠢ ᠠᠷᠪᠢᠨ | ᠪᠠᠶᠢᠳᠠᠭ᠃ | ᠪᠦᠭᠡᠷᠡᠩᠬᠡᠢ ᠴᠢᠭᠳᠠ ᠶᠢ ᠪᠤᠯ ᠭᠤᠤᠯ ᠨᠢ ᠡᠩᠭᠡᠷ ᠤᠨ ᠬᠦᠪᠴᠢ᠂ ᠲᠤᠳᠤᠷᠠ ᠬᠤᠷᠤᠭᠠ᠂ ᠬᠤᠨᠢᠨ ᠬᠤᠷᠤᠭᠠ᠂ | ᠲᠦᠯ ᠤᠨ ᠪᠦᠬᠦᠭᠡ᠂ ᠪᠦᠩᠬᠦᠷ᠂ ᠲᠤᠭᠤᠯ ᠤᠨ ᠬᠤᠷᠤᠭᠠ ᠶᠢᠨ ᠬᠠᠭᠠᠯᠳᠠ ᠵᠡᠷᠭᠡ ᠳᠤ ᠬᠡᠷᠡᠭᠯᠡᠬᠦ ᠨᠢ ᠠᠷᠪᠢᠨ | ᠪᠠᠶᠢᠳᠠᠭ᠃ | ᠬᠠᠨᠠᠨ ᠴᠢᠬᠳᠠ ᠶᠢ ᠪᠤᠯ ᠶᠡᠷᠦᠨᠢ ᠦᠬᠡᠷ ᠲᠡᠷᠭᠡᠨ ᠤ ᠪᠤᠭᠤᠭ ᠤᠨ ᠤᠭᠤᠰᠤᠷ᠂ ᠭᠠᠷ ᠤᠨ ᠪᠠᠷᠢᠶᠠ ᠵᠢᠴᠢ | ᠴᠠᠢ ᠶᠢᠨ ᠲᠤᠯᠤᠮ᠂ ᠲᠠᠮᠠᠬᠢᠨ ᠤ ᠤᠭᠤᠳᠠ ᠵᠡᠷᠭᠡ ᠳᠤ ᠬᠡᠷᠡᠭᠯᠡᠬᠦ ᠨᠢ ᠠᠷᠪᠢᠨ ᠪᠠᠶᠢᠳᠠᠭ᠃ |