— ᠠᠮᠢᠳᠤᠷᠠᠯ ᠬᠦᠴᠢᠷᠳᠠᠯᠳᠠᠢ ᠮᠠᠯᠴᠢᠨ ᠪᠠᠳᠤᠰᠠᠭᠤᠷᠢ ᠶᠢᠨ ᠬᠢᠨ ᠢ ᠰᠤᠷᠪᠤᠯᠵᠢᠯᠠᠭᠠᠳ ᠤᠨᠴᠠ ᠤᠷᠢᠬᠰᠠᠨ | ᠰᠤᠷᠪᠤᠯᠵᠢᠯᠠᠬᠴᠢ ᠪᠤ · ᠲᠤᠶᠠᠭᠠ | ᠬᠦᠳᠡᠭᠡ ᠨᠤᠳᠤᠭ ᠢᠶᠠᠷ ᠶᠠᠳᠠᠭᠤ ᠬᠦᠴᠢᠷᠳᠠᠯᠳᠠᠢ ᠡᠷᠦᠭᠡ ᠶᠢᠨ ᠪᠦᠷᠢᠳᠭᠡᠯ ᠳᠤ ᠲᠡᠮᠳᠡᠭᠯᠡᠬᠦᠯᠵᠦ ᠶᠠᠪᠤᠭᠠ | ᠪᠦᠬᠦᠨ ᠢ ᠠᠵᠢᠬᠤ ᠳᠤ ᠭᠠᠮᠰᠢᠭ ᠵᠤᠳ᠂ ᠡᠪᠡᠳᠴᠢᠨ ᠵᠤᠪᠠᠯᠠᠩ᠂ ᠠᠮᠢᠳᠤᠷᠠᠯ ᠤᠨ ᠰᠠᠭᠤᠷᠢ ᠨᠢᠮᠭᠡᠨ ᠭᠡᠬᠦᠴᠢᠯᠡᠨ | ᠶᠠᠳᠠᠭᠤᠷᠠᠭᠰᠠᠨ ᠰᠢᠯᠳᠠᠭᠠᠨ ᠨᠢ ᠶᠠᠩᠵᠦ ᠶᠢᠨ ᠤᠯᠠᠨ ᠪᠠᠶᠢᠳᠠᠭ᠃ ᠮᠦᠨ ᠲᠡᠭᠡᠭᠡᠳ ᠵᠦᠳᠡᠷᠡᠭᠰᠡᠨ ᠠᠮᠢᠳᠤᠷᠠᠯ ᠳᠠᠭᠠᠨ | ᠵᠠᠷᠢᠮ ᠨᠢᠭᠡ ᠨᠢ ᠵᠢᠳᠬᠦᠯ ᠲᠠᠢ ᠪᠠᠶᠢᠬᠤ ᠳᠤ ᠠᠯᠠᠭᠠ ᠪᠠᠨ ᠲᠤᠰᠤᠭᠠᠳ ᠰᠠᠭᠤᠵᠤ ᠪᠠᠶᠢᠳᠠᠭ ᠨᠢ ᠴᠤ ᠵᠦᠡᠭᠳᠡᠭᠡᠨ᠃ | ᠬᠠᠷᠢᠨ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠤᠭᠤᠮᠳᠠ ᠰᠢᠪᠳᠤᠯᠬᠤ ᠢᠨᠵᠧᠨᠧᠷᠢᠩ ᠢ ᠪᠦᠬᠦ ᠬᠦᠴᠦᠨ ᠢᠶᠠᠷ | ᠠᠬᠢᠭᠤᠯᠵᠦ ᠪᠠᠶᠢᠭᠠ ᠦᠨᠦᠳᠦᠷ ᠠᠮᠢᠳᠤᠷᠠᠯ ᠨᠢ ᠬᠦᠴᠢᠷᠳᠠᠯᠳᠠᠢ ᠪᠠᠳᠡᠷᠡᠵᠦ ᠶᠠᠪᠤᠭᠰᠠᠨ ᠡᠷᠦᠭᠡ ᠲᠡᠭᠵᠢᠷᠡᠵᠦ | ᠦᠭᠡᠳᠡᠯᠡᠵᠦ ᠶᠠᠪᠤᠭᠠ ᠨᠢ ᠴᠤ ᠵᠠᠬᠠ ᠠᠴᠠ ᠪᠠᠨ ᠤᠯᠠᠨ ᠪᠤᠢ᠃ ᠠᠪᠠᠭᠠ ᠬᠤᠰᠢᠭᠤᠨ ᠤ ᠨᠠᠷᠠᠨᠪᠤᠯᠠᠭ ᠰᠤᠮᠤᠨ ᠤ | ᠵᠢᠷᠭᠠᠯᠠᠩᠳᠦ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠪᠠᠳᠤᠰᠠᠭᠤᠷᠢ ᠶᠢᠨ ᠬᠢᠨ ᠬᠤᠷᠢᠭᠠᠳᠬᠠᠨ ᠮᠠᠯ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠤᠳᠤ | ᠪᠤᠯᠬᠤ ᠳᠤ ᠲᠦᠯ ᠢᠶᠠᠨ ᠲᠠᠯᠪᠢᠭᠠᠳ 400 ᠭᠠᠷᠤᠢ ᠮᠠᠯ ᠲᠠᠢ ᠪᠤᠯᠵᠦ᠂ ᠠᠮᠢᠳᠤᠷᠠᠯ ᠳᠠᠭᠠᠨ ᠲᠠᠩᠰᠠ ᠲᠠᠢ᠂ ᠠᠰᠢᠭ | ᠤᠷᠤᠯᠭᠠ ᠶᠢᠨ ᠲᠤᠬᠳᠠᠮᠠᠯ ᠢᠷᠡᠯᠳᠠ ᠲᠠᠢ ᠪᠤᠯᠵᠦ ᠶᠠᠪᠤᠨᠠ᠃ | ᠪᠠᠳᠤᠰᠠᠭᠤᠷᠢ ᠶᠢᠨ ᠬᠢᠨ ᠪᠤᠯ ᠵᠢᠷᠭᠠᠯᠠᠩᠳᠦ ᠭᠠᠴᠠᠭᠠᠨ ᠤ 15 ᠶᠠᠳᠠᠭᠤ ᠬᠦᠴᠢᠷᠳᠠᠯᠳᠠᠢ ᠡᠷᠦᠭᠡ ᠶᠢᠨ ᠨᠢᠭᠡ ᠨᠢ | ᠪᠢᠯᠡ᠃ ᠠᠮᠢᠳᠤᠷᠠᠬᠤᠢ ᠶᠢᠨ ᠤᠬᠠᠭᠠᠨ ᠲᠤᠯᠢᠮᠠᠭ᠂ ᠪᠤᠳᠤᠵᠦ ᠲᠤᠩᠭᠠᠬᠤ ᠳᠠᠭᠠᠨ ᠠᠨᠠᠢ ᠠᠴᠠ ᠪᠤᠯᠪᠠᠤ᠂ | ᠡᠳᠡᠨᠡᠶᠢᠬᠢᠨ ᠤ ᠠᠮᠢᠳᠤᠷᠠᠯ ᠤᠨ ᠰᠠᠭᠤᠷᠢ ᠤᠤᠯ ᠠᠴᠠ ᠪᠠᠨ ᠲᠠᠩᠴᠢ ᠨᠢᠮᠭᠡᠨ᠃ 2008 ᠤᠨ ᠳᠤ ᠪᠠᠳᠤᠰᠠᠭᠤᠷᠢ | ᠠᠩᠬᠠ ᠲᠤᠮᠳᠠᠳᠦ ᠪᠠᠨ ᠲᠡᠬᠦᠰᠤᠭᠡᠳ ᠬᠦᠳᠡᠭᠡ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠦ ᠮᠠᠯᠴᠢᠨ ᠵᠠᠶᠠᠭᠠ ᠲᠦᠰᠢᠬᠦ ᠳᠡᠭᠡᠨ 17 | ᠨᠠᠰᠤᠳᠠᠢ ᠯᠡ ᠪᠠᠶᠢᠵᠦ᠂ ᠠᠮᠢᠳᠤᠷᠠᠯ ᠢᠶᠠᠨ ᠬᠤᠷᠢᠭᠠᠳᠬᠠᠨ ᠬᠤᠨᠢ ᠲᠠᠢ ᠲᠤᠰᠴᠦ ᠠᠪᠤᠭᠰᠠᠨ᠃ ᠲᠡᠭᠡᠬᠦ ᠳᠡᠭᠡᠨ ᠲᠡᠷᠡ | ︽ᠡᠨᠡ ᠠᠮᠢᠳᠤᠷᠠᠯ ᠢᠶᠠᠨ ᠶᠠᠭᠠᠬᠢᠭᠰᠠᠨ ᠴᠦ ᠲᠡᠭᠡᠭᠰᠢᠯᠡᠬᠦᠯᠦᠨᠡ︾ ᠭᠡᠵᠦ ᠰᠡᠳᠬᠢᠯ ᠳᠡᠭᠡᠨ ᠠᠨᠳᠠᠭᠠᠢ ᠲᠠᠢ ᠵᠤᠷᠢᠭ | ᠪᠠᠳᠦ ᠴᠢᠷᠮᠠᠶᠢᠵᠦ ᠯᠡ ᠶᠠᠪᠤᠯᠠ᠃ 2014 ᠤᠨ ᠳᠤ ᠠᠪᠤ ᠨᠢ ᠨᠠᠰᠤ ᠪᠠᠷᠠᠵᠦ ᠡᠵᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠬᠠᠨ | ᠦᠯᠡᠳᠡᠭᠰᠡᠨ ᠲᠡᠬᠦᠨ ᠤ ᠡᠬᠦᠷᠭᠡ ᠬᠷᠢᠭᠤᠴᠠᠯᠭᠠ ᠤᠯᠠᠮ ᠴᠤ ᠬᠦᠨᠳᠦᠷᠡᠭᠰᠡᠨ ᠠᠴᠠ ᠬᠠᠯᠠ ᠲᠠᠢ ᠬᠠᠳᠠᠭᠤ ᠠᠵᠢᠯ | ᠠᠮᠢᠳᠤᠷᠠᠯ ᠤᠨ ᠨᠤᠭᠤᠴᠠᠭᠠᠨ ᠳᠤ ᠬᠠᠳᠠᠭᠤᠵᠢᠨ ᠵᠢᠳᠬᠦᠭᠰᠡᠭᠡᠷ ᠢᠷᠡᠵᠡᠢ᠃ ᠪᠠᠳᠤᠰᠠᠭᠤᠷᠢ ᠶᠢᠨ ᠴᠢᠷᠮᠠᠶᠢᠯᠭᠠ | ᠵᠢᠳᠬᠦᠯ ᠢ ᠨᠤᠳᠤᠭ ᠤᠰᠤᠨ ᠤ ᠬᠢᠨ ᠨᠢ ᠨᠢᠳᠦᠨ ᠳᠡᠭᠡᠨ ᠬᠠᠷᠠᠵᠦ᠂ ᠰᠤᠮᠤ ᠭᠠᠴᠠᠭᠠᠨ ᠤ ᠬᠢᠨ ᠨᠢ ᠢᠪᠡᠭᠡᠯ ᠳᠡᠭᠡᠨ | ᠪᠠᠭᠳᠠᠭᠠᠪᠠ᠃ 2014 ᠤᠨ ᠳᠤ ᠶᠠᠳᠠᠭᠤ ᠶᠢ ᠲᠡᠳᠬᠦᠬᠦ ᠲᠦᠷᠦᠯ ᠵᠦᠢᠯ ᠢᠶᠠᠷ ᠡᠳᠡᠨᠡᠶᠢᠬᠢᠨ ᠳᠤ ᠨᠢᠭᠡ ᠯᠡ ᠲᠡᠭᠡᠷᠡ | 58 ᠬᠤᠷᠠᠭᠠ ᠦᠭᠬᠦᠭᠰᠡᠨ ᠪᠦᠭᠡᠳ ᠲᠠᠷᠠᠭᠠ ᠵᠢᠯ ᠨᠢ ᠪᠠᠰᠠ 61 ᠬᠤᠷᠠᠭᠠ ᠪᠠᠷ ᠲᠡᠳᠬᠦᠨ ᠲᠡᠮᠵᠢᠪᠡ᠃ | — ᠠᠩᠬᠠ ᠡᠬᠢᠯᠡᠭᠡᠳ ᠠᠶᠢᠯ ᠭᠡᠷ ᠤᠨ ᠢᠶᠠᠨ ᠶᠠᠳᠠᠭᠤ ᠵᠦᠳᠡᠭᠦᠭᠡᠨ ᠠᠮᠢᠳᠤᠷᠠᠯ ᠢ ᠲᠤᠯᠵᠤ ᠶᠠᠪᠤᠬᠤ ᠳᠤ | ᠲᠡᠩᠴᠢ ᠭᠡᠴᠡᠬᠦᠬᠡᠨ ᠰᠠᠨᠠᠭᠳᠠᠵᠦ ᠪᠠᠶᠢᠯᠠ᠃ ᠶᠠᠷᠦᠨᠢ ᠶᠠᠭᠠᠬᠢᠵᠦ ᠲᠡᠭᠵᠢᠷᠡᠬᠦᠯᠵᠦ ᠶᠠᠪᠤᠬᠤ ᠪᠢᠯᠡ ᠭᠡᠳᠡᠭ ᠲᠤ | ᠰᠠᠨᠠᠭᠠᠰᠢᠷᠠᠵᠦ ᠪᠠᠶᠢᠭᠰᠠᠨ ᠨᠢ ᠦᠨᠡᠨ᠃ ᠭᠡᠪᠡᠴᠦ ᠶᠠᠭᠠᠬᠢᠬᠤᠪ᠂ ᠨᠠᠰᠤ ᠵᠠᠯᠠᠭᠤ ᠶᠤᠮ ᠬᠤᠶᠢᠨᠠ᠂ | ᠠᠮᠢᠳᠤᠷᠠᠬᠤᠢ ᠶᠢᠨ ᠤᠬᠠᠭᠠᠨ ᠪᠠᠶᠢᠬᠰᠠᠨ ᠴᠠᠭ ᠲᠤ ᠲᠡᠭᠵᠢᠷᠡᠵᠦ ᠦᠭᠡᠳᠡᠯᠡᠳᠡᠭ ᠪᠠᠶᠢᠯᠬᠦᠢ ᠭᠡᠳᠡᠭ ᠢᠳᠡᠭᠡᠯ ᠵᠤᠷᠢᠭ | ᠶᠡᠷᠦ ᠪᠠᠭᠤᠷᠠᠭᠠ ᠦᠭᠡᠢ᠃ ᠤᠷᠤᠯᠭᠠ ᠵᠠᠷᠤᠯᠭᠠ ᠪᠠᠨ ᠪᠤᠯᠬᠤ ᠶᠢᠨ ᠲᠤᠳᠤᠷᠠ ᠵᠤᠬᠢᠴᠠᠭᠤᠯᠵᠦ ᠢᠷᠡᠭᠰᠡᠨ᠃ | ᠬᠠᠷᠢᠨ ᠰᠤᠮᠤ ᠭᠠᠴᠠᠭᠠᠨ ᠤ ᠲᠡᠮᠵᠢᠯᠭᠡ ᠪᠠᠷ 119 ᠬᠤᠷᠠᠭᠠ ᠲᠠᠢ ᠪᠤᠯᠤᠭᠰᠠᠨ ᠨᠢ ᠶᠡᠭᠡ ᠢᠪᠡᠭᠡᠯ ᠪᠤᠯᠵᠦ᠂ | ᠠᠮᠢᠳᠤᠷᠠᠯ ᠢᠶᠠᠨ ᠴᠢᠨᠡᠭᠡᠯᠢᠭᠵᠢᠬᠦᠯᠬᠦ ᠳᠤ ᠪᠡᠳᠦ ᠰᠠᠭᠤᠷᠢ ᠪᠤᠯᠤᠭᠰᠠᠨ ᠮᠦᠷᠳᠡᠭᠡᠨ ᠪᠠᠰᠠ ᠴᠦ ᠶᠡᠭᠡ ᠬᠦᠴᠦᠨ | ᠵᠤᠷᠢᠬᠵᠢᠭᠤᠯᠤᠯ ᠪᠤᠯᠤᠭᠰᠠᠨ ᠭᠡᠮᠡᠨ ᠪᠠᠳᠤᠰᠠᠭᠤᠷᠢ ᠢᠳᠡᠭᠡᠯ ᠲᠡᠬᠦᠯᠳᠡᠷ ᠤᠴᠢᠷᠯᠠᠨᠠ᠃ ᠨᠢᠳᠤᠨᠤᠨ | ᠪᠠᠳᠤᠰᠠᠭᠤᠷᠢ ᠶᠢᠨ ᠬᠢᠨ ᠮᠠᠯ ᠤᠨ ᠵᠠᠷᠤᠴᠠᠭᠤᠯᠤᠯᠳᠠ ᠠᠴᠠ ᠪᠠᠨ 5 ᠲᠦᠮᠡ ᠰᠢᠬᠠᠮ ᠲᠦᠬᠦᠷᠢᠭ ᠤᠨ ᠤᠷᠤᠯᠭᠠ | ᠡᠬᠦᠳᠴᠦ᠂ ᠡᠪᠡᠰᠦ ᠪᠤᠷᠳᠤᠭᠠ ᠬᠦᠷᠦᠯᠴᠡᠭᠡ ᠲᠠᠢ ᠤᠷᠤᠭᠤᠯᠤᠨ᠂ ᠦᠢᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠤᠷᠤᠯᠭᠠ | ᠵᠠᠷᠤᠯᠭᠠ ᠪᠠᠨ ᠨᠠᠷᠢᠨ ᠰᠠᠶᠢᠬᠠᠨ ᠵᠤᠬᠢᠴᠠᠭᠤᠯᠤᠬᠰᠠᠨ ᠪᠦᠭᠡᠳ ᠪᠠᠰᠠ 1 ᠲᠦᠮᠡ 5000 ᠲᠦᠬᠦᠷᠢᠭ | ᠵᠠᠷᠤᠴᠠᠭᠤᠯᠤᠨ ᠲᠦᠷᠦᠯ ᠵᠦᠢᠯ ᠤᠨ 100 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠳ᠋ᠷ ᠤᠨ ᠫᠧᠩ ᠬᠤᠷᠤᠭᠠ ᠪᠠᠶᠢᠭᠤᠯᠤᠬᠰᠠᠨ | ᠪᠠᠶᠢᠵᠠᠢ᠃ ᠤᠳᠤ ᠲᠡᠳᠡᠨ ᠤ ᠬᠢ ᠤᠷᠤᠨ ᠰᠠᠭᠤᠴᠠ ᠭᠡᠬᠦ ᠠᠴᠠ ᠬᠤᠶᠠᠷ ᠮᠤᠩᠭᠤᠯ ᠭᠡᠷ ᠲᠠᠢ᠂ ᠶᠠᠪᠤᠵᠦ | ᠰᠠᠭᠤᠬᠤ ᠳᠠᠭᠠᠨ ᠬᠡᠷᠡᠭᠰᠡᠬᠦ ᠠᠴᠠ ᠨᠢᠭᠡ ᠮᠤᠲ᠋ᠤᠷ ᠲᠠᠢ᠂ ᠦᠢᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯ ᠳᠠᠭᠠᠨ ᠬᠡᠷᠡᠭᠰᠡᠬᠦ ᠠᠴᠠ ᠨᠢᠭᠡ | ᠭᠤᠷᠪᠡᠨ ᠬᠦᠷᠳᠦᠳᠦ ᠮᠤᠲ᠋ᠤᠷ ᠲᠠᠢ᠂ ᠤᠰᠤ ᠲᠡᠭᠡᠭᠡᠬᠦ ᠳᠤ ᠵᠠᠷᠤᠬᠤ ᠠᠴᠠ ᠨᠢᠭᠡ ᠲᠷᠠᠺᠲ᠋ᠤᠷ ᠲᠠᠢ᠂ ᠨᠠᠷᠠ | ᠰᠠᠯᠬᠢᠨ ᠤ ᠡᠨᠧᠷᠬᠢ ᠪᠠᠷ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠲᠦᠬᠦᠭᠡᠷᠦᠮᠵᠢ ᠲᠠᠢ᠂ ᠴᠢᠨᠡᠭᠡᠯᠢᠭ ᠪᠢᠰᠢ ᠴᠦ ᠲᠠᠨᠢᠬᠦᠬᠡᠨ ᠲᠠᠪᠠᠳᠠᠢ | ᠠᠮᠢᠳᠤᠷᠠᠯ ᠡᠳ᠋ᠯᠡᠬᠦ ᠪᠤᠯᠤᠭᠰᠠᠨ ᠮᠦᠷᠳᠡᠭᠡᠨ ᠦᠪᠡᠷᠳᠡᠭᠡᠨ 400 ᠲᠦᠯ ᠲᠤᠰᠬᠤ ᠬᠠᠷᠠᠯᠳᠠ ᠲᠠᠢ ᠴᠢᠷᠮᠠᠶᠢᠵᠦ | ᠶᠠᠪᠤᠨᠠ᠃ ᠤᠢᠢᠷᠠᠬᠠᠨ ᠰᠤᠮᠤ ᠭᠠᠴᠠᠭᠠᠨ ᠠᠴᠠ ᠨᠢ ᠡᠨᠡ ᠵᠢᠯ ᠲᠦᠷᠦᠯ ᠵᠦᠢᠯ ᠤᠨ ᠤᠷᠤᠨ ᠰᠠᠭᠤᠴᠠ | ᠪᠠᠶᠢᠭᠤᠯᠬᠤ ᠳᠤ ᠨᠡᠷᠡ ᠪᠠᠨ ᠮᠡᠳᠡᠬᠦᠯᠬᠦ ᠡᠰᠡᠬᠦ ᠶᠢ ᠨᠢ ᠠᠰᠠᠭᠤᠬᠤ ᠳᠤ ᠲᠡᠷᠡ ︽ᠵᠠ᠂ ᠦᠨᠦ ᠵᠢᠯ ᠤᠨ | ᠤᠷᠤᠯᠭᠠ ᠶᠢᠨ ᠪᠠᠶᠢᠳᠠᠯ ᠢᠶᠠᠨ ᠦᠨᠳᠦᠰᠦᠯᠡᠵᠦ ᠪᠠᠶᠢᠭᠠᠳ ᠪᠤᠯᠤᠶᠠ ᠳ᠋ᠠ᠃ ᠨᠢᠳᠤᠨᠤᠨ ᠫᠧᠩ ᠪᠠᠷᠢᠭᠤᠯᠤᠯᠠ᠂ ᠠᠵᠦ | ᠠᠬᠤᠢ ᠶᠢᠨ ᠲᠠᠷᠤᠯᠳᠠ ᠶᠡᠭᠡ ᠰᠢᠭ ᠪᠠᠶᠢᠪᠠᠯ ᠲᠠᠷᠠᠭᠠ ᠵᠢᠯ ᠠᠴᠠ ᠪᠤᠯᠤᠶᠠ︾ ᠭᠡᠵᠦ ᠲᠠᠷᠤᠤᠬᠠᠨ ᠵᠠᠩ ᠢᠶᠠᠷ ᠲᠠᠩᠰᠠ | ᠪᠤᠳᠤᠵᠤ ᠰᠠᠭᠤᠨᠠ᠃ | ᠠᠮᠢᠳᠤᠷᠠᠯ ᠤᠨ ᠶᠠᠳᠠᠭᠤᠷᠠᠯ ᠤᠯᠠᠨ ᠵᠦᠢᠯ ᠤᠨ ᠰᠢᠯᠳᠠᠭᠠᠨ ᠪᠠᠶᠢᠳᠠᠭ ᠴᠦ ᠰᠢᠯᠳᠠᠭᠠᠨ ᠢ ᠨᠢ ᠤᠬᠠᠵᠦ᠂ | ᠲᠡᠭᠵᠢᠷᠡᠵᠦ ᠦᠭᠡᠳᠡᠯᠡᠶᠡ ᠭᠡᠮᠡᠨ ᠴᠢᠳᠠᠨ ᠶᠠᠳᠠᠨ ᠵᠢᠳᠬᠦᠵᠦ ᠶᠠᠪᠤᠭᠠ ᠶᠢ ᠨᠢ ᠴᠠᠭ ᠲᠤᠬᠠᠢ ᠳᠤᠨᠢ ᠤᠨᠤᠪᠴᠢᠳᠠᠢ | ᠠᠷᠭᠠ ᠬᠡᠮᠵᠢᠶᠡ ᠪᠠᠷ ᠲᠡᠮᠵᠢᠵᠦ ᠲᠡᠳᠬᠦᠳᠡᠭ ᠶᠤᠮ ᠪᠤᠯ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠬᠠᠷᠠᠯᠳᠠ ᠳᠠᠭᠠᠨ | ᠬᠦᠷᠴᠦ ᠴᠢᠳᠠᠨᠠ ᠭᠡᠳᠡᠭ ᠢ ᠪᠠᠳᠤᠰᠠᠭᠤᠷᠢ ᠶᠢᠨ ᠬᠢᠨ ᠤ ᠡᠳᠦᠷ ᠠᠴᠠ ᠡᠳᠦᠷ ᠦᠭᠡᠳᠡᠯᠡᠵᠦ ᠶᠠᠪᠤᠭᠠ ᠠᠮᠢᠳᠤᠷᠠᠯ | ᠬᠡᠷᠡᠴᠢᠯᠡᠨᠡ᠃ ᠦᠪᠡᠷᠳᠡᠭᠡᠨ ᠴᠢᠷᠮᠠᠶᠢᠯᠭᠠ ᠲᠠᠢ ᠤᠷᠤᠯᠳᠤᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠴᠠᠭ ᠲᠤ ᠨᠤᠷᠠᠭᠰᠠᠨ ᠠᠮᠢᠳᠤᠷᠠᠯ | ᠴᠦ ᠪᠤᠰᠴᠦ ᠴᠢᠳᠠᠨᠠ᠂ ᠨᠠᠮ ᠵᠠᠰᠠᠭ ᠤᠨ ᠢᠪᠡᠭᠡᠯ ᠪᠠᠶᠢᠭᠰᠠᠨ ᠴᠠᠭ ᠲᠤ ᠶᠠᠳᠠᠭᠰᠠᠨ ᠠᠮᠢᠳᠤᠷᠠᠯ ᠴᠦ ᠦᠭᠡᠳᠡᠯᠡᠵᠦ | ᠴᠢᠳᠠᠨᠠ᠃ | ᠤᠨ ᠴᠠᠭ ᠤᠨ ᠤᠷᠤᠰᠬᠠᠯ᠂ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠳᠡ ᠶᠢ ᠲᠠᠭᠠᠯᠳᠤᠨ ᠬᠦᠳᠡᠭᠡ ᠨᠤᠳᠤᠭ ᠤᠨ ᠲᠦᠷᠰᠦ | ᠪᠠᠶᠢᠳᠠᠯ ᠦᠨᠡᠭᠡᠷ ᠴᠤ ᠶᠡᠭᠡᠪᠡᠷ ᠬᠤᠪᠢᠷᠠᠵᠤ ᠪᠠᠶᠢᠨᠠ᠃ ᠵᠠᠮ ᠬᠠᠷᠢᠯᠴᠠᠭᠠ ᠰᠠᠶᠢᠵᠢᠷᠠᠨ᠂ ᠴᠢᠮᠡᠭᠡ ᠬᠤᠯᠪᠤᠭᠠ | ᠳᠦᠭᠦᠮ ᠲᠦᠳᠡ ᠪᠤᠯᠵᠤ᠂ ᠰᠠᠭᠤᠷᠢ ᠪᠦᠳᠦᠬᠡᠨ ᠪᠠᠶᠢᠭᠤᠯᠤᠯᠳᠠ ᠨᠡᠶᠢᠳᠡᠮ ᠰᠠᠶᠢᠵᠢᠷᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ | ᠮᠠᠯᠵᠢᠬᠤ ᠤᠷᠤᠨ ᠢᠶᠠᠷ ᠨᠡᠶᠢᠲᠡᠯᠢᠭᠵᠢᠵᠤ᠂ ᠬᠠᠭᠤᠴᠢᠨ ᠴᠠᠭ ᠤᠨ ᠠᠮᠢᠳᠤᠷᠠᠯ ᠤᠨ ᠳᠠᠳᠬᠠᠯ ᠬᠠᠶᠠᠭᠳᠠᠵᠤ | ᠤᠷᠬᠢᠭᠳᠠᠭᠠ ᠦᠭᠡᠢ ᠮᠦᠷᠲᠡᠭᠡᠨ ᠰᠢᠨᠠ ᠴᠠᠭ ᠦᠶ ᠡ ᠶᠢᠨ ᠢᠳᠡᠷᠡᠭᠦᠨ ᠠᠯᠬᠤᠭᠠᠨ ᠳᠤ ᠢᠳᠡᠪᠬᠢᠲᠠᠢ | ᠤᠷᠤᠭᠰᠢᠯᠠᠵᠤ ᠴᠢᠳᠠᠭᠰᠠᠨ ᠨᠢ ᠲᠠ ᠪᠢᠳᠡᠨ ᠤ ᠤᠮᠤᠭᠰᠢᠯ ᠪᠢᠯᠡ᠃ | ᠬᠦᠳᠡᠭᠡ ᠨᠤᠳᠤᠭ ᠰᠢᠨᠡᠳᠦᠨ ᠬᠤᠪᠢᠷᠠᠬᠰᠠᠨ ᠴᠤ ᠡᠷᠲᠡᠨ ᠠᠴᠠ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠦᠨᠳᠦᠰᠦᠲᠡᠨ ᠤ | ᠮᠢᠨᠢ ᠰᠤᠶᠤᠯ ᠢᠷᠭᠡᠨᠰᠢᠯ ᠤᠷᠬᠢᠬᠳᠠᠭᠠ ᠦᠭᠡᠢ ᠪᠠᠶᠢᠵᠤ᠂ ᠮᠠᠯᠴᠢᠨ ᠲᠦᠮᠡᠨ ᠮᠠᠨᠢ ᠪᠠᠶᠢᠭᠠᠯᠢ ᠶᠢᠨ ᠵᠢᠮᠡ | ᠶᠤᠰᠤ ᠪᠠᠨ ᠲᠠᠭᠠᠵᠤ ᠤᠯᠠᠮᠵᠢᠯᠠᠯᠳᠤ ᠵᠠᠩ ᠳᠠᠳᠬᠠᠯ ᠢᠶᠠᠷ ᠢᠶᠠᠨ ᠤᠯᠠᠷᠢᠯ ᠢᠶᠠᠨ ᠳᠠᠭᠠᠭᠰᠠᠨ ᠤᠶᠠᠨᠴᠢ | ᠠᠮᠢᠳᠤᠷᠠᠯ ᠢᠶᠠᠨ ᠦᠷᠭᠦᠯᠵᠢᠯᠡᠭᠦᠯᠦᠭᠰᠡᠭᠡᠷ ᠪᠤᠢ᠃ ᠭᠡᠪᠡᠴᠦ ᠴᠠᠭ ᠡᠷᠡᠨ ᠤ ᠪᠠᠶᠢᠳᠠᠯ ᠬᠤᠪᠢᠷᠠᠭᠰᠠᠨ ᠦᠨᠦ ᠴᠠᠭ ᠤᠨ | ᠨᠡᠶᠢᠭᠡᠮ ᠳᠤ ᠮᠤᠩᠭᠤᠯ ᠨᠤᠲᠤᠭ ᠤᠨ ᠤᠳᠤᠬᠢ ᠪᠠᠶᠢᠳᠠᠯ ᠦᠡᠭᠭᠡᠨ ᠲᠠᠯᠠ ᠠᠴᠠ ᠨᠢ ᠬᠠᠷᠠᠬᠤ ᠳᠤ ᠦᠡᠭᠭᠡᠵᠢᠨ | ᠰᠢᠨᠡᠳᠦᠭᠰᠡᠨ ᠴᠤ ᠬᠦᠳᠡᠭᠡ ᠨᠤᠲᠤᠭ ᠤᠨ ᠪᠡᠯᠴᠢᠭᠡᠷ ᠤᠨ ᠪᠠᠶᠢᠳᠠᠯ᠂ ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ ᠵᠢᠴᠢ ᠵᠠᠬ ᠠ | ᠳᠡᠯᠭᠡᠭᠦᠷ ᠲᠠᠬᠢ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠪᠤᠷᠤᠯᠠᠭᠤᠯᠭᠠ᠂ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠵᠡᠷᠭᠡ ᠨᠢ | ᠪᠦᠷ ᠨᠡᠶᠢᠭᠡᠮ ᠤᠨ ᠬᠠᠯᠠᠮᠰᠢᠯ ᠠᠰᠠᠭᠤᠳᠠᠯ ᠪᠤᠯᠤᠬᠰᠠᠭᠠᠷ ᠪᠠᠶᠢᠨᠠ᠃ ᠠᠭᠤᠳᠠᠮ ᠲᠠᠨᠢᠭᠡᠷ ᠨᠤᠮᠢᠨ ᠨᠤᠭᠤᠭᠠᠨ ᠲᠠᠯ | ᠠ ᠪᠠᠷ ᠬᠤᠭ ᠨᠤᠪᠰᠢ ᠠᠳᠡ ᠲᠡᠨᠳᠡ ᠦᠭᠡᠢ ᠬᠡᠶᠢᠰᠴᠤ᠂ ᠤᠷᠴᠢᠨ ᠲᠤᠭᠤᠷᠢᠨ ᠤ ᠪᠤᠬᠢᠷᠳᠤᠯ ᠲᠠᠩᠴᠢ ᠭᠡᠴᠡᠭᠦᠳᠡᠨ | ᠂ ᠠᠶᠢᠯ ᠬᠤᠳᠠᠨ ᠳᠤᠨᠢ ᠠᠵᠢᠯ ᠬᠦᠳᠡᠯᠮᠦᠷᠢ ᠳᠤ ᠭᠠᠪᠰᠢᠭᠠᠢᠢᠯᠠᠬᠤ ᠶᠤᠰᠤᠳᠠᠢ ᠴᠢᠳᠠᠯ ᠲᠡᠩᠭᠡᠭᠡ ᠲᠠᠢ ᠬᠦᠮᠦᠰ | ᠴᠦᠭᠡᠷᠡᠭᠰᠡᠨ ᠬᠦᠳᠡᠭᠡ ᠨᠤᠳᠤᠭ ᠢᠶᠠᠨ ᠬᠠᠷᠠᠬᠤ ᠳᠤ ᠡᠵᠡᠭᠦᠢ ᠲᠠᠯ ᠠ ᠶᠢᠨ ᠡᠵᠡᠨ ᠦᠭᠡᠢ ᠨᠤᠲᠤᠭ ᠰᠢᠭ ᠯᠡ | ᠪᠠᠶᠢᠨᠠ᠃ ᠵᠤᠳ ᠭᠠᠮᠰᠢᠭ ᠪᠤᠯᠪᠡᠯ ᠲᠤᠰᠠᠯᠠᠮᠵᠢ ᠬᠠᠷᠠᠭᠠᠳ ᠰᠠᠭᠤᠬᠤ ᠬᠦᠮᠦᠨ ᠤᠯᠠᠨ᠂ ᠵᠢᠭᠡᠯᠡᠯᠭᠡ ᠨᠢ | ᠠᠷᠪᠢᠳᠤᠭᠠᠳ ᠦᠨᠳᠡᠶᠢᠬᠦ ᠳᠤ ᠪᠡᠷᠭᠡ ᠪᠤᠯᠤᠬᠰᠠᠨ ᠬᠦᠮᠤᠨ ᠴᠤ ᠤᠯᠠᠨ᠂ ᠶᠠᠭᠤᠮᠠ ᠪᠤᠯᠭᠠᠨ ᠳᠤ ᠪᠤᠰᠤᠳ ᠢ | ᠴᠢᠷᠠᠶᠢᠳᠠᠵᠤ᠂ ᠶᠠᠮᠠᠷ ᠤᠴᠢᠷ ᠢᠶᠠᠨ ᠴᠤ ᠪᠤᠰᠤᠳ ᠲᠤ ᠲᠦᠯᠬᠢᠬᠦ ᠬᠦᠮᠦᠨ ᠤᠯᠠᠨ᠃ ᠤᠳᠤ ᠴᠠᠭ ᠤᠨ ᠬᠦᠳᠡᠭᠡ | ᠨᠤᠳᠤᠭ ᠮᠢᠨᠢ ᠶᠠᠭᠠᠬᠢᠭᠠᠳ ᠡᠶᠢᠮᠦ ᠪᠤᠯᠴᠢᠬᠠᠪᠠ⁈ ᠬᠦᠮᠦᠰ ᠤᠨ ᠦᠵᠡᠯᠳᠡ ᠲᠠᠨᠢᠯᠳᠠ ᠬᠤᠪᠢᠷᠠᠯᠳᠠ ᠲᠠᠢ | ᠪᠤᠯᠤᠬᠰᠠᠨ ᠤ ᠬᠢ ᠤᠤ᠂ ᠤᠬᠠᠮᠰᠠᠷ ᠲᠤᠷᠤᠢ ᠪᠤᠯᠤᠬᠰᠠᠨ ᠤ ᠤᠴᠢᠷ ᠤᠤ︖ ᠡᠳᠡᠭᠡᠷ ᠨᠢ ᠪᠤᠰᠤᠳᠴᠢ | ᠪᠠᠶᠢᠳᠠᠯ ᠠᠴᠠ ᠰᠢᠯᠳᠠᠭᠠᠯᠠᠬᠳᠠᠯᠠ ᠭᠡᠳᠡᠭ ᠴᠤ ᠪᠠᠶᠠᠴᠢ ᠲᠠᠯᠠ ᠶᠢᠨ ᠰᠢᠯᠳᠠᠭᠠᠨ ᠢ ᠴᠤ ᠤᠮᠳᠤᠭᠠᠢᠢᠯᠠᠵᠤ ᠡᠰᠡ | ᠪᠤᠯᠤᠨᠠ ᠭᠡᠳᠡᠭ ᠢ ᠪᠢᠳᠡᠨ ᠪᠦᠬᠦᠨ ᠲᠤᠩᠭᠠᠨ ᠪᠤᠳᠤᠭᠤᠰᠢᠳᠠᠢ⁈ | | | |