| ᠰᠢᠯᠤᠭᠤᠨ ᠭᠦᠪᠡᠭᠡᠳᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠴᠠᠪ ᠰᠤᠮᠤᠨ ᠤ ᠬᠤᠶᠠᠷᠬᠤᠳᠳᠤᠭ ᠭᠠᠴᠠᠭᠠᠨ ᠤ | ᠮᠠᠯᠴᠢᠨ ᠰᠠᠶᠢᠨᠠ ᠨᠤᠳᠤᠬ ᠪᠡᠯᠴᠢᠭᠡᠷ ᠤᠨ ᠪᠠᠶᠢᠳᠠᠯ ᠳᠠᠭᠠᠨ ᠳᠤᠬᠢᠷᠠᠭᠤᠯᠤᠨ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠮᠠᠯᠵᠢᠯ ᠤᠨ | ᠠᠷᠭᠠ ᠶᠢ ᠡᠷᠬᠢᠮᠯᠡᠨ ᠦᠭᠡᠷ ᠮᠠᠯᠵᠢᠵᠦ᠂ ᠠᠵᠦ ᠠᠮᠢᠳᠤᠷᠠᠯ ᠢᠶᠠᠨ ᠦᠭᠡᠳᠡᠯᠡᠭᠦᠯᠵᠦ ᠶᠠᠪᠤᠨᠠ᠃ | ᠰᠠᠶᠢᠨᠠ ᠶᠢᠨ ᠬᠢ 4000 ᠮᠦ ᠨᠤᠳᠤᠭ ᠲᠡᠭᠡᠷᠠ ᠪᠠᠨ ᠤᠳᠤ ᠲᠠᠯᠠᠭᠠᠳ ᠰᠢᠮᠧᠨ᠋ᠲ᠋ᠠᠷ ᠦᠭᠡᠷ ᠭᠤᠤᠯᠳᠠᠢ | ᠮᠠᠯᠵᠢᠳᠠᠭ᠃ ᠤᠤᠯ ᠳᠠᠭᠠᠨ ᠬᠤᠨᠢ ᠦᠭᠡᠷ ᠢ ᠵᠡᠷᠭᠡᠪᠡᠷ ᠮᠠᠯᠵᠢᠵᠤ ᠪᠠᠶᠢᠭᠰᠠᠨ ᠪᠤᠯᠪᠠᠴᠦ ᠤᠢᠢᠷᠠ ᠶᠢᠨ ᠵᠢᠯ ᠠᠮᠢ | ᠠᠬᠤᠢ ᠮᠠᠭᠤᠳᠠᠭᠰᠠᠨ᠂ ᠬᠤᠨᠢᠨ ᠤ ᠦᠨᠠ ᠬᠠᠨᠭ᠍ᠰᠢ ᠪᠠᠭᠤᠷᠠᠭᠰᠠᠨ ᠵᠡᠷᠭᠡ ᠰᠢᠯᠳᠠᠭᠠᠨ ᠠᠴᠠ ᠨᠢᠭᠡ ᠲᠠᠯᠠ ᠪᠠᠷ | ᠨᠤᠳᠤᠭ ᠪᠡᠯᠴᠢᠭᠡᠷ ᠢᠶᠠᠨ ᠬᠠᠮᠠᠭᠠᠯᠠᠵᠦ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ ᠴᠦᠭᠡᠨ ᠮᠠᠯ ᠠᠴᠠ ᠦᠨᠳᠦᠷ ᠠᠰᠢᠭ ᠤᠯᠬᠤ | ᠡᠭᠦᠳᠡᠨ ᠠᠴᠠ ᠠᠷᠭᠠ ᠤᠬᠠᠭᠠᠨ ᠰᠦᠪᠡᠭᠴᠢᠯᠡᠵᠦ᠂ ᠨᠤᠳᠤᠭ ᠪᠡᠯᠴᠢᠭᠡᠷ ᠤᠨ ᠢᠶᠠᠨ ᠭᠡᠮᠵᠢᠶᠠ᠂ ᠬᠠᠳᠤᠯᠠᠩ | ᠤᠷᠭᠤᠯᠳᠠ ᠶᠢᠨ ᠢᠶᠠᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠨ ᠮᠠᠯ ᠰᠦ᠋ᠷᠦᠭ ᠤᠨ ᠪᠦᠳᠦᠴᠡ ᠳᠡᠭᠡᠨ ᠵᠤᠷᠢᠬᠳᠠᠢ ᠲᠤᠬᠢᠷᠠᠭᠤᠯᠤᠯᠳᠠ | ᠬᠢᠵᠦ᠂ 2009 ᠤᠨ ᠳᠤ ᠪᠤᠭ ᠮᠠᠯ ᠢᠶᠠᠨ ᠪᠦᠭᠦᠨ ᠢ ᠰᠢᠢᠳᠪᠦᠷᠢᠯᠡᠭᠡᠳ ᠦᠭᠡᠷ ᠢᠶᠠᠷ ᠲᠤᠰᠬᠠᠢᠢᠵᠢᠵᠦ ᠡᠬᠢᠯᠡᠭᠰᠡᠨ | ᠠᠵᠢ᠃ ᠡᠨᠡ ᠲᠤᠬᠠᠢ ᠪᠠᠨ ᠰᠠᠶᠢᠨᠠ᠄ ︽ᠮᠠᠨᠠᠶᠢᠬᠢᠨ ᠨᠤᠳᠤᠭ ᠪᠡᠯᠴᠢᠭᠡᠷ ᠢᠪᠴᠤᠤ ᠤᠴᠢᠷ ᠠᠴᠠ ᠴᠦᠭᠡᠪᠦᠷᠢ | ᠦᠭᠡᠷ ᠮᠠᠯᠵᠢᠬᠤ ᠳᠤ ᠭᠦᠷᠪᠡᠯ ᠨᠤᠳᠤᠭ ᠪᠡᠯᠴᠢᠭᠡᠷ ᠡᠪᠡᠰᠦ ᠪᠤᠷᠳᠤᠭᠠ ᠳᠤ ᠭᠠᠮᠳᠠᠢ᠃ ᠤᠴᠢᠷ ᠨᠢ ᠦᠭᠡᠷ | ᠮᠠᠯᠵᠢᠬᠤ ᠳᠤ ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠬᠤᠭᠤᠴᠠᠭᠠ ᠤᠬᠤᠷ᠂ ᠪᠡᠯᠴᠢᠭᠡᠷ ᠰᠠᠶᠢᠨ ᠪᠤᠯ ᠳᠠᠮᠠᠢ ᠪᠤᠷᠳᠤᠬᠤ ᠴᠢᠬᠤᠯᠠ ᠦᠭᠡᠢ | ᠪᠠᠶᠢᠳᠠᠭ᠃ ᠤᠰᠤᠨ ᠤ ᠠᠰᠠᠭᠤᠳᠠᠯ ᠢ ᠨᠢ ᠰᠠᠶᠢᠳᠤᠷ ᠰᠢᠢᠳᠪᠤᠷᠢᠯᠡᠭᠡᠳ ᠲᠤᠯᠠᠭᠠᠨ ᠬᠡᠪᠳᠡᠷᠢ ᠲᠠᠢ ᠪᠤᠯ ᠪᠤᠯᠴᠢᠬᠠᠨᠠ᠂ | ᠪᠠᠰᠠ ᠭᠦᠳᠡᠯᠮᠦᠷᠢ ᠭᠦᠴᠦᠨ ᠳᠤ ᠠᠷᠪᠢᠳᠠᠢ︾ ᠭᠡᠨᠠ᠃ | ᠰᠠᠶᠢᠨᠠ ᠶᠢᠨ ᠬᠢ ᠨᠤᠳᠤᠭ ᠪᠡᠯᠴᠢᠭᠡᠷ ᠤᠨ ᠢᠶᠠᠨ ᠭᠡᠮᠵᠢᠶᠠ ᠶᠢ ᠦᠨᠳᠦᠰᠦᠯᠡᠨ ᠡᠪᠦᠯᠵᠢᠭᠦᠯᠭᠦ ᠦᠭᠡᠷ ᠢᠶᠠᠨ | ᠲᠦᠴᠢᠭᠡᠳ ᠢᠶᠠᠷ ᠯᠠ ᠲᠤᠭᠳᠠᠪᠤᠷᠢᠵᠢᠭᠤᠯᠳᠠᠭ᠃ ᠤᠷᠤᠯᠭᠠ ᠵᠠᠷᠤᠯᠭᠠ ᠶᠢᠨ ᠬᠢᠨᠢ ᠪᠠᠶᠢᠳᠠᠯ ᠢ ᠯᠠᠪᠯᠠᠪᠠᠯ ᠨᠢᠳᠦᠨᠦᠨ | ᠵᠢᠯ ᠭᠤᠴᠢᠭᠠᠳ ᠲᠤᠭᠤᠯ ᠬᠤᠳᠠᠯᠳᠤᠭᠠᠳ 15 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠲᠠᠢ᠂ ᠭᠡᠭᠦ ᠳᠡᠭᠡᠨ ᠨᠢᠳᠦᠨᠦᠨ | ᠴᠠᠰᠦ ᠵᠤᠳ ᠭᠠᠨᠭ᠌ ᠬᠠᠭᠰᠠᠷᠠᠭᠠᠨ ᠶᠡᠭᠡ ᠪᠠᠶᠢᠬᠰᠠᠨ ᠴᠦ 4 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠯᠠ ᠡᠪᠡᠰᠦ ᠪᠤᠷᠳᠤᠭᠠ | ᠵᠠᠷᠤᠭᠰᠠᠨ ᠪᠠᠶᠢᠵᠠᠢ᠃ ᠢᠡᠭᠬᠢᠵᠦ ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠳᠤ ᠭᠠᠮᠳᠠᠢ ᠪᠠᠶᠢᠭᠠ ᠶᠢᠨ ᠪᠠᠰᠠ ᠨᠢᠭᠡᠨ ᠴᠢᠬᠤᠯᠠ | ᠰᠢᠯᠳᠠᠭᠠᠨ ᠨᠢ ᠡᠳᠡᠨᠡᠶᠢᠬᠢ ᠨᠤᠳᠤᠭ ᠪᠡᠯᠴᠢᠭᠡᠷ ᠢᠶᠠᠨ ᠰᠢᠨᠵᠢᠯᠡᠭᠦ ᠤᠬᠠᠭᠠᠨᠴᠢ ᠪᠠᠷ ᠠᠰᠢᠬᠯᠠᠵᠦ᠂ ᠭᠡᠮᠵᠢᠶᠠ ᠲᠠᠢ | ᠨᠤᠳᠤᠭ ᠢᠶᠠᠨ ᠲᠤᠭᠤᠷᠢᠭ ᠬᠤᠪᠢᠶᠠᠨ ᠰᠡᠯᠭᠦᠨ ᠮᠠᠯᠵᠢᠬᠰᠠᠨ ᠳᠤ ᠪᠠᠶᠢᠨᠠ᠃ 4000 ᠮᠦ ᠨᠤᠳᠤᠭ ᠢᠶᠠᠨ 5 ᠭᠡᠰᠡᠭ | ᠬᠤᠪᠢᠶᠠᠨ ᠭᠦᠷᠢᠶᠠᠯᠠᠭᠡᠳ 2 ᠲᠤᠭᠤᠷᠢᠭ ᠢ ᠨᠢ ᠮᠠᠯ ᠤᠷᠤᠭᠤᠯᠬᠤ ᠦᠭᠡᠢ ᠪᠠᠷ ᠬᠠᠮᠠᠭᠠᠯᠠᠵᠦ ᠪᠡᠯᠴᠢᠭᠡᠷ ᠢᠶᠠᠨ | ᠰᠡᠷᠭᠦᠭᠡᠳᠡᠭ ᠪᠤᠯ᠂ ᠨᠦᠭᠦᠭᠡ ᠲᠤᠭᠤᠷᠢᠭ ᠢ ᠨᠢ ᠬᠠᠳᠤᠯᠠᠩ ᠤᠨ ᠪᠡᠯᠴᠢᠭᠡᠷ ᠪᠤᠯᠭᠠᠨ᠂ ᠪᠤᠰᠤᠳ | ᠲᠤᠭᠤᠷᠢᠭ ᠤᠳ ᠲᠠᠭᠠᠨ ᠵᠤᠨ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠡᠭᠡᠯᠵᠢᠯᠡᠨ ᠮᠠᠯᠵᠢᠳᠠᠭ ᠠᠴᠠ ᠪᠡᠯᠴᠢᠭᠡᠷ ᠤᠨ ᠬᠢᠨᠢ | ᠰᠡᠷᠭᠦᠯᠳᠡ ᠳᠤ ᠲᠤᠩ ᠠᠰᠢᠬᠳᠠᠢ ᠪᠠᠶᠢᠪᠠ᠃ ︽ᠪᠡᠯᠴᠢᠭᠡᠷ ᠲᠡᠭᠡᠨ ᠲᠠᠩᠴᠠᠬᠦᠯᠵᠤ ᠮᠠᠯ ᠮᠠᠯᠵᠢᠪᠠᠯ ᠡᠪᠡᠰᠤ | ᠪᠤᠷᠳᠤᠭᠠᠨ ᠳᠤ ᠠᠷᠪᠢᠳᠠᠢ᠃ ᠮᠠᠯ ᠤᠨ ᠲᠤᠭᠠ ᠨᠤᠳᠤᠭ ᠪᠡᠯᠴᠢᠭᠡᠷ ᠤᠨ ᠳᠠᠭᠠᠭᠠᠴᠠ ᠠᠴᠠ ᠬᠡᠳᠦᠷᠡᠪᠠᠯ ᠡᠪᠡᠰᠤ | ᠪᠤᠷᠳᠤᠭᠠᠨ ᠤ ᠵᠠᠷᠤᠳᠠᠯ ᠢᠶᠠᠨ ᠬᠦᠭᠡᠭᠡᠭᠡᠳ ᠬᠦᠢᠴᠡᠬᠦ ᠦᠭᠡᠢ᠃ ᠭᠤᠤᠯ ᠨᠢ ᠨᠤᠳᠤᠭ ᠢᠶᠠᠨ ᠭᠠᠮᠨᠠᠭᠠᠳ᠂ | ᠪᠡᠯᠴᠢᠭᠡᠷ ᠢᠶᠠᠨ ᠬᠠᠳᠠᠭᠠᠯᠠᠵᠤ᠂ ᠭᠠᠮᠰᠢᠭ ᠵᠤᠳ ᠦᠭᠡᠢ ᠴᠠᠭ ᠲᠤ ᠪᠤᠯ ᠬᠠᠳᠤᠯᠠᠩ ᠠᠴᠠ ᠪᠠᠨ ᠬᠠᠳᠤᠴᠢᠬᠠᠨᠠ᠃ | ᠪᠡᠯᠴᠢᠭᠡᠷ ᠢᠶᠠᠨ ᠭᠠᠮᠨᠠᠪᠠᠯ ᠡᠪᠡᠰᠤ ᠪᠤᠷᠳᠤᠭᠠ ᠴᠤ ᠠᠷᠪᠢᠯᠠᠭᠳᠠᠨᠠ︾ ᠭᠡᠵᠦ ᠰᠠᠶᠢᠨᠠ ᠤᠴᠢᠷᠯᠠᠨᠠ᠃ ᠡᠨᠡ ᠵᠢᠯ | ᠭᠤᠴᠢᠭᠠᠳ ᠦᠭᠡᠷ ᠢᠶᠠᠨ ᠬᠤᠳᠠᠯᠳᠤᠬᠤ ᠪᠠᠷ ᠲᠦᠯᠦᠪᠯᠡᠵᠦ᠂ ᠪᠢᠳᠡᠨ ᠢ ᠭᠦᠷᠭᠦ ᠳᠤ 8 ᠦᠭᠡᠷ ᠢᠶᠠᠨ ᠪᠦᠳᠦᠭᠦᠨ | ᠪᠠᠭᠠ᠂ ᠭᠦᠭᠰᠢᠨ ᠵᠠᠯᠠᠭᠤ ᠲᠡᠭᠰᠢᠳᠭᠡᠭᠡᠳ 7000 ᠲᠦᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠭᠠᠳ ᠪᠠᠶᠢᠪᠠ᠃ ᠰᠠᠶᠢᠨᠠ ᠶᠢᠨ | ᠲᠠᠨᠢᠯᠴᠠᠭᠤᠯᠬᠤ ᠪᠠᠷ᠂ ᠡᠨᠡ ᠨᠢ ᠬᠤᠨᠢ ᠮᠠᠯᠵᠢᠭᠰᠠᠨ ᠠᠴᠠ ᠬᠤᠯᠠ ᠶᠡᠭᠡ ᠤᠷᠤᠯᠭᠠ ᠲᠠᠢ ᠶᠤᠮ ᠭᠡᠨᠠ᠃ ᠤᠴᠢᠷ ᠨᠢ | ᠡᠳᠡᠨᠠᠶᠢᠬᠢ ᠤᠤᠯ ᠳᠠᠭᠠᠨ ᠬᠤᠨᠢ ᠪᠠᠨ ᠶᠡᠭᠡ ᠪᠠᠷ ᠦᠰᠭᠡᠭᠡᠳ ᠵᠢᠯ ᠤᠨ ᠤᠷᠤᠯᠭᠠ ᠨᠢ 20 ᠰᠢᠬᠠᠮ ᠲᠦᠮᠡᠨ | ᠲᠦᠭᠦᠷᠢᠭ ᠲᠤ ᠭᠦᠷᠳᠡᠭ ᠴᠦ ᠵᠠᠷᠤᠳᠠᠯ ᠨᠢ ᠠᠷᠪᠠᠭᠠᠳ ᠲᠦᠮᠡᠨ ᠲᠦᠭᠦᠷᠢᠭ ᠤᠷᠤᠴᠢᠬᠠᠳᠠᠭ᠂ ᠤᠳᠤᠬᠢ ᠵᠠᠬᠠ | ᠲᠡᠯᠭᠡᠭᠦᠷ ᠤᠨ ᠦᠨᠠ ᠪᠠᠷ ᠨᠢᠭᠡ ᠬᠤᠷᠠᠭᠠ 400 ᠰᠢᠬᠠᠮ ᠲᠦᠭᠦᠷᠢᠭ ᠲᠤ ᠭᠦᠷᠭᠦ ᠪᠠᠷ ᠪᠤᠳᠤᠬᠤ ᠳᠤ ᠡᠨᠡ ᠲᠡᠷᠡ | ᠵᠠᠷᠤᠳᠠᠯ ᠢᠶᠠᠨ ᠬᠠᠰᠤᠪᠠᠯ ᠪᠡᠶᠠ ᠨᠢ ᠪᠡᠶᠠ ᠪᠠᠨ ᠲᠡᠵᠢᠭᠡᠭᠡᠳ ᠤᠯᠬᠤ ᠤᠷᠤᠯᠭᠠ ᠭᠡᠵᠦ ᠪᠠᠷᠤᠭ ᠪᠠᠶᠢᠬᠤ ᠦᠭᠡᠢ᠂ | ᠡᠭᠦᠨ ᠤ ᠲᠡᠭᠡᠷᠠ ᠭᠦᠳᠡᠯᠮᠦᠷᠢ ᠭᠦᠴᠦ ᠴᠦ ᠶᠡᠭᠡ ᠵᠠᠷᠤᠴᠠᠭᠤᠯᠳᠠᠭ ᠶᠤᠮ ᠪᠠᠶᠢᠨᠠ᠃ ︽ᠦᠭᠡᠷ ᠮᠠᠯᠵᠢᠬᠤ ᠨᠢ | ᠢᠯᠡᠭᠦᠦ ᠠᠰᠢᠭ ᠲᠠᠢ ᠰᠠᠨᠠᠬᠳᠠᠬᠤ ᠶᠤᠮ᠂ ᠨᠤᠳᠤᠭ ᠪᠡᠯᠴᠢᠭᠡᠷ ᠤᠨ ᠱᠠᠭᠠᠷᠳᠠᠯᠭᠠ ᠪᠠᠭᠠ᠂ ᠮᠠᠩᠬᠠᠨ ᠨᠤᠳᠤᠭ ᠲᠠᠢ | ᠠᠶᠢᠯ ᠪᠤᠯ ᠵᠢᠭᠠᠬᠠᠨ ᠨᠦᠮᠦᠷᠢ ᠭᠠᠷᠭᠠᠪᠠᠯ ᠪᠤᠯᠴᠢᠬᠠᠨᠠ᠂ ᠭᠡᠭᠦ ᠳᠡᠭᠡᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠴᠦ ᠶᠠᠷᠢᠶᠠᠨ | ᠦᠭᠡᠢ ᠴᠢᠬᠤᠯᠠ᠃ ᠲᠠᠬᠢᠪᠠᠯ ᠦᠭᠡᠷ ᠮᠠᠯᠵᠢᠬᠤ ᠨᠢ ᠭᠦᠳᠡᠯᠮᠦᠷᠢ ᠭᠦᠴᠦᠨ ᠳᠤ ᠠᠷᠪᠢᠳᠠᠢ᠂ ᠲᠡᠵᠢᠭᠡᠯ ᠡᠪᠡᠰᠦᠨ ᠳᠤ | ᠭᠠᠮᠳᠠᠢ᠂ ᠨᠢᠭᠡ ᠡᠷᠡᠨ ᠤ ᠡᠪᠡᠰᠦ ᠪᠤᠷᠳᠤᠭᠠ ᠶᠢ ᠨᠢ ᠰᠠᠶᠢᠨ ᠢᠳᠡᠭᠦᠯᠴᠢᠭᠡᠪᠡᠯ ᠬᠤᠶᠠᠷ ᠭᠤᠷᠪᠠᠨ ᠴᠠᠭ ᠠᠵᠢᠭ | ᠦᠭᠡᠢ ᠭᠡᠪᠳᠡᠴᠢᠭᠡᠨᠠ︾ ᠭᠡᠵᠦ ᠰᠠᠶᠢᠨᠠ ᠶᠠᠷᠢᠨᠠ᠃ |