ᠤᠷᠴᠢᠮᠬᠠᠨ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ᠎ᠤ ᠮᠠᠨᠳᠠᠯᠲᠦ ᠪᠠᠯᠭᠠᠰᠤᠨ᠎ᠤ ᠰᠠᠷᠠᠭᠤᠯᠲᠠᠯ᠎ᠠ ᠭᠠᠴᠠᠭᠠᠨ ᠎ᠤ ᠮᠠᠯᠴᠢᠨ᠂ ᠨᠡᠷᠡᠲᠦ ᠤᠶᠠᠭᠠᠴᠢ ᠪᠠᠲᠤᠳᠡᠯᠭᠡᠷ᠎ᠤᠨ ᠵᠢᠷᠭᠤᠭᠠᠨ ᠵᠢᠯ᠎ᠤᠨ ᠤᠷᠤᠯᠳᠤᠯᠭ᠎ᠠ ᠴᠢᠷᠮᠠᠢᠯᠭ᠎ᠠ ᠪᠡᠷ ᠰᠤᠳᠤᠯᠤᠨ ᠪᠦᠲᠦᠭᠡᠭᠰᠡᠨ ᠤᠷᠤᠯᠳᠤᠭᠠᠨ ᠮᠤᠷᠢ ᠰᠤᠢᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠎ᠳᠤ ᠬᠡᠷᠡᠭᠯᠡᠬᠦ 《ᠰᠤᠨᠭᠭᠠᠭ᠎ᠠ ᠦᠰᠦᠷᠭᠡ》 ᠵᠠᠬ᠎ᠠ᠎ᠳᠦ ᠭᠠᠷᠴᠦ᠂ ᠤᠷᠤᠯᠳᠤᠭᠠᠨ ᠮᠤᠷᠢ᠎ᠵᠢ ᠰᠤᠢᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠲᠠᠯ᠎ᠠ ᠎ᠳᠤ ᠤᠷᠤᠰᠢᠵᠤ ᠪᠠᠢᠭ᠎ᠠ ᠬᠦᠴᠢᠷ ᠠᠰᠠᠭᠤᠳᠠᠯ ᠎ᠤᠳ᠎ᠢ ᠪᠦᠳᠤᠮᠵᠢᠳᠠᠢ ᠰᠢᠢᠳᠪᠤᠷᠢᠯᠡᠵᠤ᠂ ᠤᠷᠤᠯᠳᠤᠭᠠᠨ ᠮᠤᠷᠢ ᠰᠤᠢᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠤᠯᠠᠮᠵᠢᠯᠠᠯᠳᠤ ᠤᠷ᠎ᠠ ᠮᠡᠷᠭᠡᠵᠢᠯ᠎ᠢ ᠤᠯᠠᠮᠵᠢᠯᠠᠨ ᠳᠡᠯᠭᠡᠷᠡᠬᠦᠯᠬᠦ ᠎ᠳᠤ ᠰᠢᠨ᠎ᠡ ᠬᠦᠳᠡᠯᠭᠡᠭᠴᠢ ᠬᠦᠴᠤᠨ ᠨᠡᠮᠡᠷᠢᠯᠠᠪᠠ᠃        

ᠪᠠᠲᠤᠳᠡᠯᠭᠡᠷ ᠦᠪᠡᠷᠳᠡᠭᠡᠨ ᠤᠳᠠᠭᠠᠨ ᠵᠢᠯ ᠮᠤᠷᠢ ᠤᠶᠡᠡᠡᠰᠡᠨ ᠳᠤᠷᠰᠢᠯᠭ᠎ᠠ ᠲᠠᠢ ᠪᠤᠯᠬᠤᠷ ᠮᠠᠯᠵᠢᠬᠤ ᠤᠷᠤᠨ᠎ᠤ ᠤᠷᠤᠯᠳᠤᠭᠠᠨ ᠮᠤᠷᠢ ᠰᠤᠢᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠵᠢᠯ ᠳᠦᠷᠤᠯ᠎ᠤᠨ ᠲᠠᠯ᠎ᠡ᠎ᠳᠤ ᠠᠮᠤᠷ ᠳᠦᠪᠰᠢᠨ᠎ᠤ ᠳᠠᠯᠳᠠ ᠭᠡᠮ ᠤᠷᠤᠰᠢᠵᠤ ᠪᠠᠢᠬᠤ᠂ ᠤᠷᠤᠯᠳᠤᠭᠠᠨ ᠮᠤᠷᠢ ᠤᠨᠤᠬᠤ ᠭᠡᠤᠭᠡᠳ᠎ᠤᠳ ᠤᠯᠠᠮ ᠎ᠵᠢᠡᠷ ᠴᠦᠭᠡᠷᠡᠵᠤ ᠪᠠᠢᠬᠤ ᠵᠡᠷᠭᠡ ᠬᠦᠴᠢᠷᠳᠡᠯ᠎ᠢ ᠤᠨᠤᠴᠢ ᠲᠠᠢ ᠳᠠᠨᠢᠵᠤ᠂ ᠡᠳᠡᠭᠡᠷ ᠬᠦᠴᠢᠷᠳᠡᠯ᠎ᠢ ᠰᠢᠢᠳᠪᠤᠷᠢᠯᠡᠨ ᠤᠯᠠᠮᠵᠢᠯᠠᠯᠳᠤ ᠠᠳᠤᠭᠤᠨ ᠰᠤᠶᠤᠯ᠎ᠵᠢᠡᠨ ᠤᠯᠠᠮᠵᠢᠯᠠᠨ ᠦᠯᠡᠳᠡᠭᠡᠬᠦ ᠡᠬᠦᠳᠡᠨ ᠡᠴᠡ 2020 ᠤᠨ ᠡᠴᠡ ᠡᠬᠢᠯᠡᠨ ᠲᠤᠰ 《ᠰᠤᠨᠭᠭᠠᠭ᠎ᠠ ᠦᠰᠦᠷᠭᠡ》 ᠵᠢ ᠡᠬᠢᠯᠡᠨ ᠲᠦᠰᠦᠪᠯᠡᠵᠤ ᠤᠷᠤᠯᠳᠤᠵᠠᠢ᠃ ᠢᠨᠭᠬᠢᠭᠡᠳ ᠲᠡᠷᠡᠪᠡᠷ ᠵᠢᠷᠭᠤᠭᠠᠨ ᠵᠢᠯ᠎ᠤᠨ ᠲᠤᠷᠰᠢ ᠮᠠᠰᠢᠨ ᠮᠸᠬᠠᠨᠢᠭ᠂ ᠴᠠᠬᠢᠯᠭᠠᠨ ᠤᠬᠠᠭᠠᠨ᠂ ᠠᠯᠤᠰ ᠡᠵᠡᠮᠰᠢᠭᠦᠷ᠎ᠤᠨ ᠮᠡᠷᠭᠡᠵᠢᠯ᠎ᠤᠨ ᠲᠠᠯ᠎ᠠ ᠪᠡᠷ ᠨᠦᠷᠢ ᠶᠡᠬᠡ ᠬᠦᠴᠦ ᠬᠦᠳᠡᠯᠮᠤᠷᠢ᠂ ᠪᠡᠯᠡ ᠮᠦᠨᠭᠭᠦ ᠵᠠᠷᠤᠴᠠᠭᠤᠯᠤᠨ᠂ ᠲᠤᠰ ᠲᠦᠭᠦᠭᠡᠷᠦᠮᠵᠢ ᠪᠡᠨ ᠰᠤᠳᠤᠯᠤᠨ ᠡᠭᠦᠳᠴᠣ᠂ 2026 ᠤᠨ᠎ᠤ 2 ᠰᠠᠷ᠎ᠠ᠎ᠳᠦ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ᠎ᠤ 《ᠲᠦᠮᠡᠨ ᠠᠭᠲᠠ》 ᠮᠤᠷᠢᠨ ᠦᠢᠯᠡᠰ᠎ᠤᠨ ᠬᠢᠵᠠᠭᠠᠷᠲᠦ ᠺᠤᠮᠫᠠᠨᠢ ᠲᠠᠢ ᠬᠠᠮᠲᠤᠷᠠᠨ ᠲᠤᠰ ᠲᠦᠭᠦᠭᠡᠷᠦᠮᠵᠢ ᠵᠢ ᠵᠢᠨᠭᠭᠢᠨᠢ ᠪᠡᠷ  ᠵᠠᠬ᠎ᠠ᠎ᠳᠦ ᠭᠠᠷᠭᠠᠵᠠᠢ᠃

ᠲᠤᠰ ᠲᠦᠭᠦᠭᠡᠷᠦᠮᠵᠢ᠎ᠵᠢ ᠤᠷᠤᠯᠳᠤᠭᠠᠨ ᠮᠤᠷᠢᠨ᠎ᠤ ᠨᠢᠷᠤᠭᠤᠨ ᠳᠡᠭᠡᠷ᠎ᠠ ᠳᠤᠬᠤᠵᠤ ᠳᠠᠯᠪᠢᠪᠠᠯ ᠤᠨᠤᠭᠠᠴᠢ ᠵᠢ ᠤᠷᠤᠯᠠᠨ᠂ ᠳᠠᠳᠠᠵᠤ᠂ ᠳᠠᠰᠢᠭᠤᠷᠳᠠᠬᠤ᠂ ᠵᠢᠯᠤᠭᠤ ᠦᠭᠬᠦ᠂ ᠵᠢᠯᠦᠭᠤ ᠰᠤᠡᠭᠭᠠᠬᠤ ᠵᠡᠷᠭᠡ ᠴᠢᠳᠠᠪᠬᠢ ᠳᠠᠢ ᠮᠦᠷᠳᠡᠭᠡᠨ ᠳᠤᠬᠠᠢ᠎ᠵᠢᠨ ᠪᠠᠢᠳᠠᠯ᠎ᠳᠤ ᠨᠢ ᠳᠤᠬᠢᠷᠠᠭᠤᠯᠵᠤ  ᠤᠷᠤᠯᠳᠤᠭᠠᠨ ᠮᠤᠷᠢ᠎ᠪᠡᠨ ᠡᠵᠡᠮᠳᠡᠵᠤ ᠳᠡᠢᠯᠳᠡᠭ᠂ ᠨᠡᠡᠭ ᠴᠦ᠍ ᠮᠤᠷᠢᠨ᠎ᠤ ᠳᠤᠰ ᠪᠡᠶᠡᠨ᠎ᠳᠤ ᠦᠭᠬᠦ ᠮᠡᠳᠡᠷᠡᠮᠵᠢ ᠨᠢ ᠬᠡᠤᠬᠡᠳ ᠤᠨᠤᠬᠰᠠᠨ ᠳᠠᠢ ᠠᠳᠠᠯᠢ ᠪᠠᠢᠳᠠᠬ ᠪᠤᠯᠬᠤᠷ  ᠤᠷᠤᠯᠳᠤᠭᠠᠨ ᠮᠤᠷᠢ᠎ᠵᠢ ᠰᠦᠢᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ᠎ᠳᠤ ᠮᠠᠰᠢ ᠳᠤᠬᠢᠷᠠᠮᠵᠢᠳᠡᠢ ᠪᠠᠢᠵᠤ᠂ ᠬᠦᠮᠤᠨ᠎ᠤ ᠬᠦᠴᠤ ᠪᠡᠷ ᠮᠤᠷᠢ ᠰᠤᠢᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠳᠤᠮᠳᠠ ᠤᠷᠤᠰᠢᠵᠤ ᠪᠠᠢᠭ᠎ᠠ ᠠᠮᠤᠷ ᠳᠦᠪᠰᠢᠨ ᠎ᠤ ᠳᠠᠯᠳᠠ ᠭᠡᠮ ᠡᠴᠡ ᠵᠠᠢᠯᠠᠰᠬᠢᠵᠤ ᠴᠢᠳᠠᠡᠡᠰᠡᠨ ᠎ᠵᠢᠡᠷ ᠪᠠᠷᠠᠬᠤ ᠦᠭᠡᠢ ᠬᠦᠮᠤᠨ ᠎ᠤ ᠬᠦᠴᠤᠨ᠎ᠢ ᠠᠷᠪᠢᠯᠠᠵᠤ᠂ ᠮᠠᠯᠵᠢᠬᠤ ᠤᠷᠤᠨ ᠎ᠤ ᠮᠤᠷᠢ ᠰᠤᠢᠵᠤ ᠤᠶᠠᠬᠤ ᠲᠠᠯ᠎ᠠ᠎ᠳᠤ ᠤᠷᠤᠰᠢᠵᠤ ᠪᠠᠢᠭ᠎ᠠ ᠬᠦᠴᠢᠷᠳᠡᠯ᠎ᠢ ᠦᠨᠡᠨᠬᠦ ᠰᠢᠢᠳᠪᠤᠷᠢᠯᠡᠪᠡ᠃

ᠮᠠᠯᠴᠢᠨ ᠪᠠᠲᠤᠳᠡᠯᠭᠡᠷ᠄ 《ᠪᠢ ᠦᠪᠡᠷ ᠵᠢᠡᠨ ᠤᠯᠠᠨ ᠵᠢᠯ ᠮᠤᠷᠢ ᠤᠶᠠᠭᠰᠠᠨ᠂ ᠤᠳᠤ ᠤᠷᠤᠯᠳᠤᠭᠠᠨ ᠮᠤᠷᠢ ᠤᠨᠤᠬᠤ ᠬᠡᠦᠬᠡᠳ ᠴᠦᠬᠡᠨ ᠪᠤᠯᠤᠭᠰᠠᠨ ᠪᠠᠢᠨ᠎ᠠ᠂ ᠨᠡᠡᠭ ᠴᠦ᠍ ᠤᠷᠤᠯᠳᠤᠭᠠᠨ ᠮᠤᠷᠢᠨ᠎ᠤ ᠰᠤᠡᠭᠭᠠᠭ᠎ᠠ ᠦᠰᠦᠷᠭᠡ ᠎ᠵᠢᠨ ᠪᠤᠯᠪᠠᠰᠤᠷᠠᠯ᠎ᠢ ᠬᠢᠬᠦ ᠦᠶ᠎ᠠ᠎ᠳᠤ ᠠᠮᠤᠷ ᠲᠦᠪᠰᠢᠨ᠎ᠤ ᠳᠠᠯ᠎ᠠ ᠪᠡᠷ ᠪᠠᠳᠤᠯᠠᠭ᠎ᠠ ᠦᠬᠡᠢ ᠪᠠᠢᠳᠠᠬ᠂ ᠬᠠᠷᠢᠨ ᠮᠢᠨᠤ ᠡᠨᠡ ᠲᠦᠬᠦᠭᠡᠷᠤᠮᠵᠢ ᠨᠢ ᠶᠠᠭ ᠡᠨᠡᠬᠦ ᠪᠤᠯᠪᠠᠰᠤᠷᠠᠯ᠎ᠳᠤ ᠳᠤᠬᠢᠷᠠᠭᠤᠯᠵᠤ ᠬᠢᠭᠰᠡᠨ ᠲᠦᠬᠦᠭᠡᠷᠤᠮᠵᠢ ᠪᠤᠯᠤᠨ᠎ᠠ᠃ ᠭᠤᠤᠯ ᠨᠢ ᠬᠡᠦᠬᠡᠳ᠎ᠢ ᠤᠷᠤᠯᠠᠵᠤ ᠪᠤᠯᠪᠠᠰᠤᠷᠠᠯ᠎ᠤᠨ ᠵᠤᠷᠢᠯᠭ᠎ᠠ᠎ᠳᠤ ᠪᠡᠨ ᠬᠦᠷᠴᠤ ᠪᠤᠯᠤᠨ᠎ᠠ᠂ ᠠᠮᠤᠷ ᠲᠦᠪᠰᠢᠨ᠎ᠤ ᠪᠠᠲᠤᠯᠠᠭ᠎ᠠ ᠲᠠᠢ᠂ ᠬᠦᠮᠦᠨ᠎ᠤ ᠬᠦᠴᠦᠨ᠎ᠳᠦ ᠠᠷᠪᠢᠲᠠᠢ》 ᠭᠡᠵᠤ ᠶᠠᠷᠢᠯ᠎ᠠ᠃

ᠲᠤᠰ ᠲᠦᠭᠦᠭᠡᠷᠦᠮᠵᠢ ᠨᠢ ᠤᠳᠤᠬᠠᠨ᠎ᠳᠦ ᠨᠢᠭᠡᠨᠲᠡ ᠤᠯᠤᠰ᠎ᠤᠨ ᠲᠤᠰᠬᠠᠢ ᠠᠰᠢᠭ᠎ᠤᠨ ᠡᠷᠭᠡ ᠎ᠵᠢ ᠡᠷᠡᠮᠡᠯᠵᠡᠨ ᠤᠯᠵᠤ᠂ ᠮᠡᠳᠡᠯᠭᠡ᠎ᠵᠢᠨ ᠡᠷᠬᠡ᠎ᠵᠢᠨ ᠦᠮᠴᠢ ᠪᠡᠨ ᠪᠦᠷᠢᠳᠬᠡᠭᠦᠯᠦᠨ᠂ ᠤᠯᠤᠰ᠎ᠤᠨ ᠡᠯ᠎ᠡ ᠲᠠᠯ᠎ᠠ ᠵᠢᠨ ᠬᠠᠤᠯᠢ ᠴᠠᠭᠠᠵᠠ᠎ᠵᠢᠨ ᠬᠠᠮᠠᠭᠠᠯᠠᠯ᠎ᠢ ᠬᠦᠷᠲᠡᠵᠤ᠂ ᠤᠯᠤᠰ᠎ᠤᠨ ᠲᠦᠪ ᠴᠢᠨᠭᠭ᠎ᠠ ᠠᠮᠤᠷ ᠲᠦᠪᠰᠢᠨ᠎ᠤ ᠪᠠᠢᠴᠠᠭᠠᠯᠲᠠ ᠪᠡᠷ ᠲᠠᠮᠵᠢᠨ ᠪᠦᠬᠦᠢᠯᠡ ᠭᠠᠷ ᠭᠦᠢᠴᠡᠳᠬᠡᠯ ᠨᠢ ᠬᠢᠷᠢ ᠲᠡᠨᠭᠴᠡᠨ ᠵᠠᠬ᠎ᠠ᠎ᠳᠦ ᠭᠠᠷᠴᠦ᠂ ᠬᠡᠷᠡᠭᠯᠡᠭᠴᠢᠳ ᠪᠦᠷᠢ᠎ᠳᠦ ᠡᠨᠡᠬᠦ ᠲᠦᠭᠦᠭᠡᠷᠦᠮᠵᠢ ᠵᠢ ᠬᠡᠷᠡᠭᠯᠡᠬᠦ ᠮᠡᠷᠭᠡᠵᠢᠯ᠎ᠤᠨ ᠵᠢᠯᠤᠭᠤᠳᠤᠮᠵᠢ ᠵᠢᠴᠢ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ᠎ᠤ ᠲᠠᠷᠠᠭᠠᠬᠢ ᠪᠦᠬᠦ ᠲᠠᠯ᠎ᠠ ᠎ᠵᠢᠨ ᠦᠢᠯᠡᠴᠢᠯᠡᠭᠡᠨ᠎ᠤ ᠪᠠᠲᠤᠯᠠᠭ᠎ᠠ ᠵᠢ ᠪᠦᠷᠢᠨ ᠬᠠᠨᠭᠭᠠᠵᠤ ᠪᠤᠢ᠃ ᠤᠳᠤ ᠪᠤᠯᠲᠠᠯ᠎ᠠ ᠲᠡᠷᠡ ᠬᠦᠬᠡᠨᠠᠭᠤᠷ ᠮᠤᠵᠢ᠂ ᠬᠦᠯᠦᠨ ᠪᠤᠢᠷ ᠠᠢᠮᠠᠭ᠂ ᠪᠤᠭᠤᠲᠦ ᠬᠤᠲᠠ᠎ᠵᠢᠨ ᠡᠯ᠎ᠡ ᠬᠤᠰᠢᠭᠤ ᠰᠢᠶᠠᠨ᠂ ᠰᠢᠯᠢ᠎ᠵᠢᠨ ᠭᠤᠤᠯ ᠠᠢᠮᠠᠭ᠎ᠤᠨ ᠡᠯ᠎ᠡ ᠬᠤᠰᠢᠭᠤ ᠰᠢᠶᠠᠨ᠎ᠤ ᠦᠷᠭᠡᠨ ᠤᠯᠠᠨ ᠬᠡᠷᠡᠭᠯᠡᠭᠴᠢᠳ ᠎ᠤᠨ ᠨᠠᠶᠠᠭᠠᠳ ᠬᠤᠪᠢ ᠵᠠᠬᠢᠶᠠᠯᠠᠭ᠎ᠠ ᠵᠢ ᠲᠤᠰᠤᠭᠰᠠᠨ ᠪᠠᠢᠨ᠎ᠠ᠃